Биыл Ақтау портынан Түркияға жүк тасымалы үш есе артады
https://www.inaktau.kz/news/1947952

Парламент Мәжілісінің жалпы отырысында "Теңіз кеме қатынасы қауіпсіздігіне қарсы бағытталған заңсыз іс-әрекеттермен күрес туралы конвенцияға 2005 жылғы хаттаманы ратификациялау туралы" заң жобасы мақұлданды. "Хаттама лаңкестік деп танылатын әрекеттердің тізімін кеңейтеді. Кемелерге шабуыл жасалған жағдайда жедел әрекет ету мен көмек көрсету тетіктерін анықтайды. Бүгінде 40-тан астам мемлекет құжаттың қатысушысы болып отыр әрі олардың ішінде Қара теңіз бен Балтық теңізі маңындағы барлық мемлекет бар. Қазір Қазақстанның сауда кемелері ашық теңіздерге, сол теңіздердің порттарына дейінгі бағыттарды белсенді түрде игере бастады. Өткен жылы Ақтау портынан Түркияға 35 мың тонна басты жүктер тасымалданды. Биыл бұл тасымалдың көлемін үш есеге арттырамыз деп жоспарлап отырмыз", - деді Инвестициялар және даму министрі Жеңіс Қасымбек. #жүктасымалы #ақтаупорты #мәжілісотырысы #бюджетқаражаты