#قصص_جراثيم

كول واركوض واتقلّب
والبس كل دهب مزيف
أمعائك رح ترتاح وتتبول أبيض
كول: E.coli
واركوض: الراكدة البومانية Acinetobacter baumanii
واتقلّب: المتقلبة الرائعة Proteus mirabilis
والبس كل : كليبسيلا
دهب: عنقودية مذهبة Staphylococcus aureus
مزيف: الزائفة الزنجارية pseudomonas aeruginosa
أمعائك رح ترتاح: إمعائية مرياحة enterobacter aerogenes
وتتبول: إنتان بولي
أبيض: مبيضات البيض

من مشاركاتكم 🌺

#قصص_جراثيم

منستخدم اختبار الإندول لحتى نفرق بين الجراثيم المعوية الموجبة الإندول عن السلبية👇🏻 :
البس ألوان معوية حتى ما تقلب الشغلة ضد كولونك

السالبة الإندول:
البس: كليبسيلا
معوية: الإمعائيات

الموجبة الإندول:
تقلب: المتقلبة الشائعة
الشغلة:شيغيلا
ضد:ضمات الكوليرا
كولونك:E.coli

#قصص_جراثيم
اختبار الأوكسيداز يلي بيظهر لون أرجواني أسود عند الإيجابية.

"سير بالبر أو بالهيلكوبتر لتفصل بين الزوارق والمعويات "

سير: نيسريا
بالبر: بروسيلا
وبالهيلكوبتر: كامبيلوباكتر
لتفصل بين الزوارق والمعويات:
منسخدم هالاختبار للفصل بين الزوائف (يلي بتكون موجبة الأوكسيداز) عن المعويات (يلي بتكون سلبية الأوكسيداز )

#مشاركات 👨‍👦‍👦
#قصص_جراثيم

طريقة لحفظ هدا الطبق العجيب 😂

❤️ اول شي عنا
#صبي اسمو #سالم و هو #لاعب ⚽️ #جيد 🥇

ويل سون بلير = طفل و لاعب جيد
سالمونيلا = سالم

❤️ شلون منحفظ شو بيتكون ؟

قال امه لسالم تحمل حقد و #غل كتير ع #سلفتا و بدها #تموتا #بالكبريت و #الحديد

غل= غلوكوز
السلفة يلي بدا تموتا = سلفات بزموت
و اداة الجريمة = كبريتات الحديد

#قصص_جراثيم
#مشاركات

طريقة لحفظ الجراثيم بطيئة تخمير اللاكتوز.

بما أنها مخمرة ببطء للاكتوز ف لازم تعمل بروفا (بروفيدنسيا) حتى تاخد دور (إدوراردسيلا) فسارت (سيراتيا)في جزر الهافانا (الهافانيا) لترينا منطقة zone(أريزونا) جزر الليمون (العصية الليمونية)

#امتحان_عملي_الجراثيم
أهم شي محضرات الجلسة الأخيرة وملف دورات المقابلة والحالات السريرية أما بقية الملفات بجوز ما تحتاجوها 🤷🏻‍♂
ولا تنسوا تشوفوا أسئلة الفئات يلي قدمت
😌👇🏻كل ماعليكم
تتبعوا الهاشتاغات الفرعية:

#طريقة_التقديم ، شرح من طلاب الدفعة 50 عن كيفية الفحص.

#ملحق_دورات_جراثيم_عملي_شامل_ألفابيت ، خارق جدا 😍🔥
وعنفس هاد الهاشتاغ بتلاقوا تجميع أسئلة الفئات يلي قدمت

#محضرات_الجلسة_الأخيرة 🔥 فيو كلشي كان معروض بجلسة المراجعة
ملف هام جدا لازم تشوفوا..

#ملفات_مساعدة_لمقابلة_الجراثيم 🔥 ملفين من الدفعات السابقة عشكل سؤال وجواب..

#فقرات_هامة_نظري_جراثيم

#صور_مجهرية_وتجارب_جراثيم

#حل_أسئلة_نوطة_عملي_الجراثيم

#صور_و_ملاحظات_وحل_أسئلة_العملي
ملف رائع جداً ومتعوب عليه 👌🏻

#ملاحظات_الدكتور_بشير_سودة

#ملاحظات_الدكتور_غابريل_شكر

#ملف_خارق_تصنيف_للجراثيم ، مفيد جداً للمراجعة👌🏻

#سلايدات_عملي_الجراثيم ، وفيهم الحالات السريرية يلي بتنعرض خلال الجلسة.

#مراجعة_جراثيم بوستات مراجعة لأهم الأفكار ، مروا عليهم بس تخلصوا دراسة

#حالات_جراثيم #ملف_شامل_للحالات_السريرية_جراثيم يلي انعرضت بالجلسات هام جدا🔥

#ملف_مساعد_جراثيم ،مصطلحات + أوساط زرع+ أفكار الحالات السريرية.

#جلسة_عاشرة_جراثيم ، أمثلة عن قراءة نمط صبغي.

#نموذج_عن_أسئلة_المذاكرة ، أسئلة مهمة لاختبار الدراسة عمل طلاب من الدفعة 50.

#قصص_جراثيم ، لحفظ الفقرات الصعبة

🌺 لا تنسونا من صالح دعائكم 🌺
@Importantfiles51
#بالتوفيق 🌸

#قصص_جراثيم

🌟الصادات الفعالة ضد الجراثيم إيجابية الغرام: لين وياسين
البنسلين ، إريثرومايسين ، لينكومايسين
لين ، #يسين ، #يسين

🌟الصادات الفعالة ضد الجراثيم سلبية الغرام: "ميكسيك"
ميك: بولي ميكسين
سيك:حمض الناليدكسيك

🌟الصادات واسعة الطيف: سافر التتر من المينا
سافر:سفترياكسون
التتر:تتراسكلين
المينا:الأمينوغليكوزيدات

#قصص_جراثيم
#صادات_حيوية من ص 42 لل45

#أولا: مجال عمل الصادات

🌟الصادات الفعالة ضد الجراثيم إيجابية الغرام: لين وياسين
البنسلين ، إريثرومايسين ، لينكومايسين
لين ، #يسين ، #يسين
🌟الصادات الفعالة ضد الجراثيم سلبية الغرام: "ميكسيك"
ميك: بولي ميكسين
سيك:حمض الناليدكسيك
🌟الصادات واسعة الطيف: سافر التتر من المينا
سافر:سفترياكسون
التتر:تتراسكلين
المينا:الأمينوغليكوزيدات

#ثانيا: آلية تأثير الصادات:

🌟الصادات التي تعمل على منع تكوين جدار الخلية الجرثومية:
1.البنسلينات:بنتهوا ب "سلين" 😁
بنسلين وكاربنسلين
وأمبيسلين والأموكسيسيلين لهما فعالية ضد العصيات السلبية أكثر من البنسلين القديم.
✨في عنا كمان البنسلينات المقاومة للبنسليناز تعمل على منع تكوين جدار الخلية : بنتنهي ب #سيللين
أوكساسيللين ، ميثيسيللين ، نافسيللين.
2.الغليكوببتيدات: "طريق الفان والباص دائري(سيكلو) "..
الفان:فانكومايسين🚐
الباص:باستراسين 🚌
دائري:سيكلوسيرين
3.سيفالوسبورينات:
الجيل الأول: #سيفا دروكسيل و #سيفا زولين
الجيل التاني:#سيفو كسيتين
الجيل الثالث: #سيفتر ياكسون و#سيفتا زيديم و #سيفو تاكسيم(شذ عن جيلو😂)
الجيل الرابع: #سيف بيم و #سيف بروم 🗡
4.الكاربابينمات: (😅بصم) متل الإيميبينيم
5.مونوباك #تام: متل الازتريو #نام 🛏
مفيد ل يلي معو حساسية للبنسلين.
6أوغمنتين: أموكسيسلين + حمض الكلافيولانيك.

🌟الصادات التي تمنع وظيفة الغشاء الخلوي:
1.بولي ميكسين: كوليستين 🇲🇽
2.نيستاتين(تاتي): مضاد لفطر الكانديدا (ديدا)
3.أمفوتربسين ب: مضاد فطور
4.الأزولات: منها
التريازولات: فلور وايتر ..
فلور...>فلوكونازول
ايتر...>ايتراكونازول
والباقي الصنف التاني💔

🌟الصادات التي تثبط صنع البروتين :
✨يلي بتأثر في تحت الوحدة 50s :
رشو كلور بكندا ليربطوا الليدات (ليد بطارية)
رشو:اريثرومايسين🙂
كلور:كلورامفينكول
بكندا:كليندامايسين
ليربطوا: اللينكوزاميدات( link يربط😅)
الليدات:الماكروليدات
✨يلي بتأثر في تحت الوحدة 30s:
📝التتراسكلين
📝الأمينوغليكوزيدات( كلشي بنتهي ب #مايسين بينتمي ل تحت الوحدة 30 s عدا :
👆🏻الفانكومايسين بنتمي للغليكوببتيدات ف بثبط تكوين جدار الخلية
👆🏻اريثرومايسين وكليندامايسين بينتمو ل تحت الوحدة 50 s ).
🔥في طفرة لهالقاعدة: #أميكاسين ما بنتهي ب مايسين وينتمي ل تحت الوحدة 30s

🌟منع تشكل الحموض النووية :
1.ريفامبيسين : يثبط أنزيم الدنا المعتمد على الرنا بوليميراز في عصية السل.
2.ناليدكسيك يؤثر في الدنا
3.كينولونات: بينتهوا ب #فلوكساسين

🌟منع النمو بواسطة التثبيط التنافسي:
مركبات السلفا بتنافس PABA يلي بدخل في تكوين حمض الفوليك.

🌟صادات تعمل بآلية غير معروفة بدقة:
1.ايزونيازيد
2.ميترونيدازول: "ميترو بنفق تحت الارض🚈 (مافي هوا)" يؤثر في الجراثيم اللاهوائية.
3.البنتاميدين:أول(أوالي) الشي قبل الفطور غسل اليدين(بنتاميدين)..
تؤثر في الفطور والأوالي.🍱
.......................................................
#⃣ السمية الدوائية ص 50:
✨الستربتومايسين: بيأثر بالعصب 8 فيؤدي للطرش (تربتو من الطرب🔈 لذلك انطرش😂)
✨الكلورامفينكول: بيثبط نقي العظم..
(الكلور بينقي وبينضف🙃)
✨التتراسكلين : بيثبط نمو وتطور العظام والأسنان..
(جيش التتر عضمون قوي💪🏻)

لا تنسونا من صالح دعائكم 🌺

@Importantfiles51

#قصص_جراثيم

العصيات سلبية الغرام المخمرة للاكتوز ببطء :
سرت مع البروفيسور إدوارد وهفينا الليمونة بأريزونا
سرت:سيراتيا
البروفيسور:البروفيدنسيا
إدوارد:إدوادسيلا
هفينا:هافنيا
الليمونة 🌚: العصية الليمونية
بأريزونا: أريزونا
#من_مشاركاتكم 🌟

#جراثيم_خاص ❤️
#قصص_جراثيم

امراض شبيهة الزهري

🔰الداء العليقي رح نمسيه نحن #اللعقي 👅
و مين يلي بلعق ؟
الكلب 🐶 يلي بقول "عوو" Yaws

الاصابة 👇
الكلب شو بلعق ؟
١.عظم
٢.يلعق #جلد مالكه 🚶‍♂🐕

⭐️"يصيب الجلد و العظم بآفات"

🔰البجل او الجل كما رح نسميه نحن

قال الجل اله نوعين

1.الجل يلي كان بحطوه النساء على شعرهم.

2.الجلي كوب يلي بياكلو الاطفال 😋

⭐️"منتشر عند النساء و الاطفال"

الاصابة 👇
الجلي كوب مناكلو بالفم و الشفاه "لطخ مخاطية في الفم و الشفاه"

🔰 الــ(بنــ)ـ☕️ــتا
و البن او القهوة لونها #السمراء 😌

الاصابة 👇

⭐️ هي السمراء كل الناس بتحبا كبار و صغار
لذلك تصيب "البالغين و الاطفال من كل الاعمار"

اذا واحد انكبت عليه القهوة طبعا رح يحترق جلده و "يتغير لونه 👌"


بوريـ(ليا)👈 لي يعني "الي" ولازم ترجعلي ياها
#حمى_راجعة 👌

(ليبتو)سبيرا 👈 شاي ليبتون ☕️ #العلامة_الصفراء 😍 "يرقان معدي" 👌

#فيروسات
#قصص_جراثيم
😷 الفيروسات التي ظهرت كأوبئة في الأعوام الأخيرة 😷

🔆 فيروس حمى الوادي المتشقق Rift Valley Virus
هاد الفيروس ننشبه بالعربي ابن الصحراء 👳‍♂
هاد الفيروس بينتمي لمجموعة عربو Arbo Virus اللي بتنتقل عبر البعوض
لذلك #انتشر كوباء في السودان ومصر والسعودية 🇸🇩🇪🇬🇸🇦
والرجل العربي كان يعتمد على الرعي وتربية المواشي، لذلك بينتقل عبر الأغنام 🐑 والأبقار 🐄 للإنسان (بالإضافة للبعوض)
أعراضه بتشبه الأعراض اللي ممكن يتعرضلها ابن الصحراء نتيجة السفر الطويل: حمى، صداع شديد وآلام بالعضلات والمفاصل (طبعا قبل ما يخترعوا السيارات 🌚) ورعشة وغثيان وإقياء 🤮

🔆 فيروس غرب النيل West Nile Virus
كمان بذكرنا بصحراء مصر والإنسان العربي اللي كان صديقه الخيل
الفيروس بينتمي لمجموعة عربو Arbo Virus فبينتقل عبر البعوض كمان
بس هون البعوض بصيب الطيور والغربان وهي اللي بتعدي الإنسان وصاحبه الخيل وشبيهه بالشكل القرد (حقن مستواهن العقلي ضعيف يميزوا بين القرد والبني آدم 🌚)
أعراضه نفس أعراض فيروس حمى الوادي المتشقق بس هون في علامتين مميزات
☝️ تورم الوجه تسمى الوجه المتوهج 😇 بتعرفوا عربي وبمصر بكون وجهه منور 🐸
✌️الطفح الجلدي
والأعراض هون بتتفاوت بين عادية وشديدة
واسمه غرب النيل فانتشر بمصر وأوغندا 🇪🇬🇺🇬

🔆 سارس SARS أو صاحبنا المشهور Corona
منتشر بالصين 🇨🇳 وشرق آسيا
وبسبب أعراض شبيهة بالغريب: حمى وصداع وتعب وسعال شديد وضيق تنفس
بسبب إسهال وفقدان شهية
وممكن يتطور لالتهاب رئوي حاد
بينتقل متل الغريب عبر القطيرات التنفسية أو عبر ملامسة الأشياء الملوثة
ومتل ما بتعرفوا لحد الآن ماله دوا 💔

#دعواتكم_لمن_أرسلها 🌺

#صادات
#جراثيم_عام
#قصص_جراثيم

طريقة لحفظ العناوين الرئيسية للصادات

التي تعمل على الجدار 🔰

على غلا الاسعار
البنسل ✍ غالي و راس"cephlo" ماما صابه كرب و اغمي عليها ووقعت على الجدار

بنسل 👈 بنسلينات
غالي 👈 غليكوببتدات
رأس👈 سيفالو سبورينات
ماما 👈 مونو 😅 "بايخة بعرف 🙂
كرب 👈 كاربامينات
اغمي 👈 اوغمنتين
جدار 👈 عيؤثر بالجدار

الغشاء الخلوي 🔰
البول "نجس" ولازم اعزلو عن انفي بغشاء

بول 👈 بولي ميكسين
نجس 👈نيساتين
اعزلو "تخيلو واحد اجنبي عم يلظفا" 😜👈 أزولات
انفي👈 امفوتربسين B
غشاء 👈 يؤثر بالغشاء

الحموض النووية🔰

بالريف نال"اخذ" الكيوي يلي فيو نوى سود 🥝

ريف👈ريفامبيسين
نال 👈 ناليدوكسيك
كيوي 👈 كينولونات
نوى 👈 تأثبره على حموض نووية

اليات غير معروفة 🔰
حج عزو و بنتو ركبو بالميترو🚟 ...لوين ما منعرف !

عزو 👈 ايزونيازيد
بنتو 👈 بنتاميدين
ميترو 👈 ميترو نيدازول
لوين ما منعرف 👈 اليات غير معروفة

و الرسالة يلي حطينا عليها رد لحفظ التفاصيل يلي جوا 👍😍

#جراثيم_خاص ❤️
#قصص_جراثيم

ايجابيات الاوكسيداز يلي ممكن يخربطونا 👇
يلي نذكرو جملةً بصفحة ٧٥
نجمعهم بجملة

من ضم عطفه لنسرٍ ينل كل زيفٍ"

ضم -ضمات
عطفه- عطيفات
نسر- نيسريات
ينل - ليجونيلا
زيف- زوائف

#تنويه هدول مو كلن ها 😁

#جراثيم_خاص
#قصص_جراثيم

العصيات الايجابية غير المتحركة ❌

أنا
مخنوق 😷 👈 دفتريا
محروق 🤯👈 جمرة خبيثة "جمرة بتحرق"
محطم 😟👈مطثيات ولشي


------------------
#الأغشية_الكاذبة
قال حكيم ذات مرة 👇😎

الحياة صعبة(مطثيات صعبة) و خانقة(دفتريا)

اذا يلي حوليك كانو غشاشين و كذابين(اغشية كاذبة)

#قصص_جراثيم
#جراثيم_خاص
#هامات 😁👌
ذات رئة غير نموذجية 👇

فيروز كلامك كيوت ..غنيلنا بالمايك🎤

فيروز - "ذات رئة فيروسية"
كلامك - كلاميديا
كيوت - حمى كيو
غنيلنا - ليجونيلا
المايك - مايكو بلاسما

#قصص_جراثيم
الجراثيم يلي عندها ذيفانات داخلية وخارجية:
اشتغل ياسين مزيّف ليرات 😅
اشتغل👈شيغيلا
ياسين👈يارسينيا
مزيّف👈زوائف
ليرات👈كوليرا