#توزيع_الأسئلة

🔹د. #بساطة 6 اسئلة "التهاب الوريد الخثري والصمة الرئوية" بعد ما اخد ارتفاع التوتر الشرياني رح يصيرو10 يمكن


🔹د. #ماردنلي تقريباً 40 سؤال

حمى رثوية من 2 ل4 اسئلة
التهاب شغاف القلب من 1 ل2
امراض القلب الولادية من 7 ل15

تخطيط آخر دورة كان في 4 اسئلة بس.. بس هالدورة كتبوها ملحيس وبساطة لهيك ما نعتمد عليها .. بباقي الدورات كان عم يجيب شي 14 سؤال تخطيط

أمراض الصمامات كمان آخر دورة جاي فيها 14 سؤال وهو قبل كان يجيب من 7 ل8 مو أكتر


🔹د. #ملحيس تقريباً 34 سؤال

قصور القلب من 8 ل12
داء قلبي إقفاري من 12 ل14
التهاب واعتلاال العضلة القلبية احياناً بس 3 أحياناً بيوصل لل8
امراض التامور من 2 ل3

#وطني
#توزيع_الأسئلة #د.مارك_رحال

الباطنة 72 سؤال (بشكل عام كيف أسئلة الداخليات بتتوزع؟!):
مواد الدرجة الأولى:
1 نفسي (3ص): 2-3س
2 كلية (40ص): 8س
3 قلبية (65ص): 12س
4 دموية (40ص): 7س

مواد الدرجة الثانية:
5 صدرية (65ص): 10س
6 رثوية (40ص): 6س
7 هضمية (100ص): 10س (من ضمنا الكبد: 40ص: 3س)

مواد الدرجة الثالثة:
8 غدية (80ص): 6س
9 عصبية (80ص): 5س
10 خمجية (90ص): 5س

طبعاً ما في شي جديد بالتوزيع.. كل الطلاب بتعرفو عموماً (بس هون بس رح ينحكا عن التوزيع ضمن كل مادة بمادتا😍)، لكن.. بظن اختلف ترتيب الاولويات شوي صغيرة.. ومتل ما قلتلكن السبب هوي مراعاة حجم المادة.. يعني مادة بيجي من صفحتين سؤال اكيد اهم من مادة كل 5 صفحات سؤال.. ولو عدد أسئلة التانية اكتر👍
أهم مثال أنو دائماً بيرتبولنا الهضمية كأهم أو تاني أهم مادة.. لأن عليها أسئلة كتير.. بس بينسو الحجم..
اكيد الهضمييية مهمة كتير.. ومواد الدرجتين 1+2 لازم ينبصمو كلن.. (التالتة فيها مناورات😂😉).. واكيد 10 أسئلة مهمين..
بس اذا ضالل معك يومين لتعيد؟ بتعيد هضمية 100 ص اللي عليها 10 اسئلة؟؟ ولا بتعيد كلية وصدرية اللي سوا بيطلعو كمان 100 ص بس عليهن 18 سؤااال👍😉 يعني ضعف عدد الأسئلة؟!!
الفكرة دائماً ب "الفعالية".. وفي أسرار كتير لسا رح نكتشفا هون😍
طبعاً الدورات معكن.. وعطول فيكن تتأكدو من حكيي👍
اهم فكرة بدي قولا انو التوزيع بشكل أساسي لآخر كم دورة (دورات المرجع) لان سابقاً كان في اختلاف.. +انو هاد توزيع وسطي.. يعني اذا اجا 11 هضمية و8 دم و8صدرية ما خربت الدنيا.. وماتغير عليك شي💪👍

#وطني #د.مارك_رحال
#توزيع_الأسئلة
#كلية
الكلية نصيبها من أسئلة الوطني حوالي: 8س وسطياً (6-9)
1 أعراض (8ص): 1-2س
2 القصور الكلوي(حاد+مزمن) (12ص): 3-4س
3 أخماج الجهاز البولي+ الحصيات (5ص): 2س
4 ما تبقى (15ص): 1-2س

*طبعاً الكلية تقريباً هي أهم مادة عالإطلاق متل ما ذكرنا سابقاً💪👌 وهالشي بسبب حجما الصغير كتير بالمرجع مقارنة بعدد الاسئلة الكبير (40 صفحة ب8 أسئلة).. ولهيك المفروض نظريا ندرسا بصم كاملة..
لكن عالأقل خلينا نفكر بهاد الترتيب للأولويات مشان آخر دور إعادة قبل الكتلة.. حوالي نصف كمية المادة (25/40) بيجاوبو ع7/9.. براتن سؤال او تنين فقط؟!.. اللي بتطلب الإجابة عنهم دراسة كمية تقريباً مماثلة (15/40)..
لهيك في نص لازم افهمو كامل.. وابصمو مع دوراتو.. وعيدو وعيدو.. وحتى قبل الكتلة إعادتو ضرورية.. بينما النص التاني بمشي فيه بسرعة.. وبدرسو منيح لما عندي وقت.. بفهمو من بعيد وما بالضرورة اتعمق فيه أو اتوسع.. وإعادتو قبل الكتلة مو ضرورية.. أو يفترض إعادتو شوامل. مع كم فكرة نحددن قبل👍

#وطني
#توزيع_الأسئلة #د.مارك_رحال
#هضمية:
الهضمية عليها: 10س (9-11س)
تقسم إلى:
الهضمية الخاص: 6-7س:
1 الأعراض: 2س
2 المري: 1 س
3 المعدة: 1 س
4 الأمعاء الدقيقة: 1س
5 الكولونات: 1-2 س
6 البنكرياس: 1س

الكبد (44ص): 3-4س:
1 الأعراض (12ص): 1-2س
2 انتانات الكبد الفيروسية (7ص): 1-2س
3 التشمع+ داء ويلسون (3ص): 1س
4 مااا تبقى (22ص): - (ولا سؤال)

*متل ما شفنا الكبد فينا نختصر نصو برياحة💪👌 بآخر كم دورة أجا سؤال عالتهاب الكبد المناعي الذاتي.. طبعاً سؤال واحد متل ما قلنا مابيخرب التوزيع.. خصوصي أنو من ضمن كمية كبيرة كل كم سنة وارد يجي أو لا.. لهيك باقي الكبد كلو بيتأجل وبيندرس بتركيز أقل من الأعراض والانتانات.. يعني أنت رايح وبتعرف سلف عليهن معظم الاسئلة.. لازم تبصمننن..

*في "تحت توزيع" خطير وفيه أسرار خارقة بالهضمية الخاص😍🔥 منحكي فيه بعدين😉.. بس رح اعطي مثال: هل تعلم انو سؤال المعدة اللي رح يجي هو حصراً (98%) سؤال عن القرحة الهضمية؟!.. يعني عسر هضم وظيفي وسرطان معدة والتهاب معدة ومابعرف شو.. هاد كلو أهميتو أقل من القليلة.. رجاع هلق عالدورات وتأكد😎👍
*بس كملاحظة.. حتى بحياتنا العملية كطبيب عام أو اخصائي هضمية أكيييد القرحة الهضمية أهم مليون مرة من باقي أمراض المعدة😎

هلق رح نحكي عن (تحت التوزيع)😍.. يعني من ضمن الأبحاث شو هي الأفكار المهمة؟..
هالقصة بالهضمية كتير مفيدة لان فعلاً المادة كبيرة عالفاضي.. والشغلات المهمة والشائعة هي ذاتا اللي بتجي كل سنة.. وهي كالتالي:
1 الأعراض: لازم نحفظا بصم كاملة
2 المري: 95% بيجي سؤال واحد وبيكون عن GERD..احتمال يجي غيرو كتير ضئيل.. وغالباً ح يكون قصة سريرية من الدورات بس المطلوب تعرف المرض من القصة هل هوي اكالازيا ولا سرطان ولا تشنج مري.. سؤال مساعدة يعني
3 المعدة: 99% بيجي سؤال وحيد عن القرحة الهضمية.. وطبعاً هالشي بيشمل أمراض الملوية البوابية.. أما أنو يجي شي اخر احتمالو يقارب الصفر (فعلياً بعمرو ما اجا😅🙄).. لهيك أمراض سرطان المعدة واللمفوما والتهابات المعدة مو مهمة..
4 الأمعاء الدقيقة: بيجي سؤال وحيد.. مو حابب قول 100% داء زلاقي🙄💔.. بس ما شفت غيرو من 2011.. لهيك شي 10 امراض بالأمعاء فينا مانركز عليهن كتير.. وهالشي بيشمل داء ويبل واللمفوما والذرب الاستوائي .. إلخ
5 الكولونات: وارد يجي سؤال او تنين.. هون في كذا عنوان غالباً الاسئلة ع واحد منهن.. سرطان الكولون.. الداء المعوي الالتهابي (كرون والقرحي).. متلازمة الأمعاء الهيوجة.. واخيرا التهاب الكولون الغشائي الكاذب بالمطثيات العسيرة.. ما تبقى مستبعد.. خصوصاً داء الملينات وتفاصيل البوليبات وبوتز جيغرز ومدري شو..
6 البنكرياس: هي كلا كلها كم صفحة لهيك تدرس كاملة.. بس السؤال بيجي التهاب حاد أو التهاب مزمن.. أما سرطانات البنكرياس والأمراض الخلقية مستبعدة شوي..

7 الكبد: بظن قلتلكن من قبل.. نص قسم الكبد بصم بصم بصم بصم (أعراض+ إنتانات فيروسية).. التشمع كمان مهم.. ارتفاع توتر الوريد الباب لازم نفهمو بس مستبعد يجي سؤال.. لهيك منقراه بس تفاصيل العلاج والجراحات والتحويلات ما منركز عليها.. داء ويلسون مهم.. الهيموكروماتوز مو كتير..
أما ما تبقى.. النص التاني كاملاً.. يعتبر مو مهم لدرجة اذا مانك مخلص كااامل البواااطن بتركيز ومرتاح كتير ومعك وقت.. فلا تدرسن.. بس قراهن دور بشي ساعتين مشان تخدر الضمير شوي😂💔 وتأكد من الدورات👍 (بركي كنت أنا نسيان شي فقرة😅)
وهالمواضيع بتشمل سرطانات الكبد.. أمراض أوعية الكبد.. كبد وحمل.. كبد وأدوية.. وكتير كتير عناوين تافهة بصراحة🙄😅😂

موفقييين❤️💙
*هالبوست ليساعدكن عتنظيم الوقت وزيادة الإنجاز👍 مو ليحرضكن عالإهمال😐😒😒
ف إذا خلصتو الشي الأهم اللي مؤكد يجي.. والشي المهم.. حاولو دائماً تقرو الشغلات اللي مومهمة ولو قراءة سريعة👍 بس المهم ما تدرسوها بشكل جدي ع حساب أبحاث أو مواد تانية.. الوقت محدود ولازم نستغلو لآخر لحظة.. شدو الهمة💪💪

#وطني. #د.مارك_رحال
#توزيع_الأسئلة
#دموية
الدموية عليها: 7س (6-8س)

1 الأعراض (3ص): 1-2س
2 فقر الدم (10ص): 2-4س
3 اضطرابات التخثر (13ص): 2-4س
4 الخباثات الدموية (14ص): 1س

*ملاحظة 1: ضمنت صفحة فقر الدم بالاعراض مع فقر الدم، وكذلك اضطرابات التخثر ونقص الصفحيات والخثار الويدي من الأعراض إلى اضطرابات التخثر (بهدف الاستقلالية التامة للمعلومة.. ونصيحة بس تدرسو درسوها هيك👍)،
*وهيك قسم الأعراض صار فقط العناوين: فرط الخضاب+ اضطرابات تعداد البيض كلن+ ضخامة الطحال+ ضخامة العقد اللمفاوية
*المميعات تدرس مع اضطرابات التخثر كمان
*ملاحظة 2.. للأسف مادة الدم من اكتر المواد اللي ما فيها اي التزااام بتوزيع الأسئلة💔 عكس الهضمية والقلبية.. لهيك ممكن تلاقي جاي 5 أسئلة من أصل 6 بس عفقر الدم.. أو اضطرابات التخثر💔
عموماً التوزيع اللي حطيتو بيحل جزء كبير من هالمشكلة.. يعني بيفرق معك سؤال بأسوأ الاحتمالات..
ومتل ما قلنا الدموية مادة مهمة كتير..صغيرة وأسئلتا كتار.. لازم نحاول نبصما كلا👍
*الجزء الوحيد اللي فينا نناور فيه شوي هوي الخباثات.. لمفوما +ابيضاض هني الأهم.. أما ورم نقوي عديد ومتلازمة تقوية تكاثرية وغير عناوين أهميتها أقل..
*دورات الدموية كتييير كتير مهمين.. لان هي والكلية والقلبية وارد يجي أسئلة شوي خارجية بالكامل أو بعض خياراتها خارجية.. فالتوسع شوي مو غلط..لو كان بس بالشوامل (آخر دورة اجا سؤال كامل عن الشبكيات..وهي موموجودة أبداً بالمرجع؟!!)

#وطني #د.مارك_رحال
#توزيع_الأسئلة
#صدرية:

❎ الصدرية عليها وسطياً حوالي 10 أسئلة: (9-11 س)
🔴 1 ربو: 2 س
⚫️ 2 الداء الرئوي الساد المزمن COPD+ التوسع القصبي: 1-2 س
🔴 3 سرطان الرئة: 1 س
⚫️ 4 ذات الرئة: 2 س
🔴 5 السل: 1 س
⚫️ 6 الصمة الرئوية: 1 س
🔴 7 أمراض الجنب (انصباب+ ريح+ تقيح): 1 س
⚫️ 8 الأعراض+ ما تبقى (من تليف رئة لساركوئيد لأسبستوز): 2 س

❇️ متل ما حكينا سؤال زايد سؤال ناقص مو بيناتنا..
❇️ آخر دورتين أساسيات ما فيهن اي مفاجأة عن التوزيع الثابت..
❇️ وبالتالي النص الأول من قسم الصدرية بالمرجع ((ما بعد الأعراض والتشخيص)) هوي أهم شي عالإطلاق (أمراض انسدادية+أخماج+ سرطان).. وبيضمن 7-8 أسئلة مع انو أقل من نص المرجع!


✅ الأبحاث غير المهمة واللي فينا نحذفا هي:
🟡 1 الأمراض الخلالية: ص304+305+ 306+307: مندرس منن فقط الساركوئيد عالسريع وبس منركز الاستقصاءات وجدول التشخيص.. وفي كم كلمة عن التليف الرئوي البدئي مهمين وبيجو بالدورات عطول وحاج
🔵 2 الأمراض الجهازية (SLE+RA+ الالتهاب الشعاعي): ص308+309: حذف تماماً
🟡 3 الأمراض المهنية: ص310+311+312: حذف بالكامل.. بس مندرس دورات.. ومنتذكر انو الأسبستوز (الأميانت) ممكن يسبب أمراض رئة وأمراض جنب أما السيليكوز ما بيسبب أمراض جنب أبداً.. بس بيصيب الرئة
🔵 4 أمراض الطرق التنفسية العلوية: ص318+319+320+321.. حذف كامل
🟡 5 التليف الكيسي+ انتانات الطرق التنفسية العلوية: ص287+288.. حذف كامل
🔵 6 فقرة فرط الضغط الرئوي: 317+318.. حذف كامل
🟡 7 أمراض الحجاب الحاجز + أمراض جدار الصدر: 324+325.. حذف كامل
🔵 8 الأخماج الفطرية: ص298.. حذف كامل

☑️ هي الفقرات بس درسولا دورات.. إذا كان جاي عليها شي أصلاً😎😌 والكم شغلة اللي قلتلكن مهمين.. ودعولنا..
☑️ أول دور قرا المرجع كلو (إذا كنت من محبي المرجع.. أما مانك من محبينو انتظر ملخص الدنا الشامل الخارق للصدرية😍🔥🔥) بس ما تعامل هي الفقرات اللي وحياتك يا دوب جاي عليها كم سؤال.. متل الفقرات اللي قلتلك غاااية في الأهمية.. وزع جهد صح.. ولقدام اكيد فيكي تقصها تماماً 👌..

☑️ بالنسبة لأول 12 صفحة (الأعراض والتشخيص): من صفحة 265 للصفحة 277.. إذا لحقناهن كلن ممتاز.. إذا ما لحقنا فهي أهم الفقرات فيهن:
🔴 1 فقرة السعال ص 265
⚫️ 2 فقرة الزلة التنفسية نفسية المنشأ ص267+268 (هل توجد أعراض أخرى مرافقة للزلة؟!)
🔵 3 جدول الزلة التنفسية ص269
🟡 4 جدول العقيدة الرئوية الوحيدة ص271 (عالقليلة نبصم الأسباب الشائعة)
🔵 5 انصباب الجنب+ تقيح الجنب (كامل الفقرة مهمة جداً جداً): ص271+272+ 273+274
🟡 6 جدول القصور التنفسي ص275

✅ وهي اختصرنالكن اكتر من ربع المادة😂😂💔 وصارت الصدرية كلها ع بعضها شي 30 صفحة.. فهدول درسوهن بصم بصم.. ودرسو الشوامل منيح.. واذا لحقتو البقايا مو غلط.. ما لحقتو عمرهن😎

#وطني
#توزيع_الأسئلة #د.مارك_رحال
#غدية
الغدية بيجي عليها وسطياً: 6س:
1 أعراض+ درق (20ص): 2س
2 داء سكري (30ص): 1س
3 كظر (10ص): 1س
4 أقناد (7ص): 1س
5 نخامى (8ص): 1س
6 جارات الدرق+ متلازمات MEN+ أورام البنكرياس (8س): 0س

*الغدية من المواد قليلة الأهمية امتحانياً.. أو بالأحرى من اكتر المواد اللي بيتناور فيها.. 5-6س أسئلة ع85 صفحة شي كتير يعتبر قليل.. لهيك منخليها للآخر (هي والعصبية والخمجية).. ولما تفوت بالتفاصيل بتكتشف أمور اكتر واكتر..

*درق طبعاً هوي الأهم.. لكن طبعاً كمان نخامى وكظر واقناد باعتبار احجامهن صغيرة كلن كلن مهمين.. والافضل ينبصمو كل هدول من المرجع.. الا اذا في ملخص جد مرتب كتير👌 الشوامل القديمة مهمة كتير كتير.. وتحديد فقرات الشوامل أساسي.. خصوصي بالدرق باعتبارها كبيرة وممكن ينقص منها شوي..
مثلاً أورام الدرق مستحيل يجي عليها.. بينما داء ديكورفان غالباً هوي أحد السؤالين اللي رح يجو😎😎
*طبعاً متل ما قلت.. هاد توزيع وسطي.. اذا اجا 3 درق و2 كظر وولا سؤال نخامى فهوي شي طبيعي وضمن التوقع😉 أما إذا اجا 3 سكري و3 نخامى ساعتا بيكون صار تغيير حقيقي وجذري🙄 واحتمال يصير هالشي كتييير نادر..
*آخر ملاحظة هي انو الدريقات اللي عأساس من وقت كنا رابعة كتييير مهمة.. وكتير بتاخد وقت وبدها فهم.. ولا سؤال بيجي عليها😂💔 بكل تاريخ الوطني اجا سؤالين تلاتة.. منبصمن وحاج.. عموماً هي 4 صفحات..بس انو تنقرا دور وزيادة.. لان بصراحة وقت قعدت حاول احفظن منيح وافهمن.. صارو ياخدو وقت بحر.. انو بتتذكرو قصور دريقات كاذب.. وكاذب كاذب😂💔
فهالمناورات بتخلي المادة الضخمة مادة صغيرة وسلسة.. (نشالله ما بتطلع معكن 30-40 صفحة..) منتوجه بسهولة ع شو نركز.. ولا تنسو الشوامل دوم هي الأساس بدراستنا..خصوصي الجديدة منها👍

⚠️دائماً كانو يقولولنا السكري هوي أهم شي.. من مبدأ رح يجي عليه أسئلة حتماً.. بس اللي انا شايفو انو ملخص صغير بكفيه وممكن الواحد يغانر يتركو للأخير أقل شي أهمية..

والأفضل اذا ما كنت نيرد وملحق كلشي.. تدرسلو أي ملخص صغير كتير.. صغير قد مافيك.. نقاط وارد منيحة كتير للي مو ملحق..
*أحسن خطة لقيتها انو بحطلو يوم واحد للسكري.. هوي 30 صفحة..بقراه دور سريع واحد وبحدد الأمور اللي مهمة كتير من وجهة نظري.. الأمور العامة يعني.. وبعدها بحدد عليه كامل الشوامل وفقراتها.. ومابدرس وبركز غيرهن👍 هيك ما بيضيع وقت أبدا.. وبكون اخدت فكرة عامة.. ومعد بدرس غير المهم👌

تنويه هام: عادة بيجي سؤال أو تنين لكن آخر دورة اجا 4 اسئلة..

✅ الفقرات الهامة في السكري: (حسب صفحات المرجع)
🔴 فقرة الخضاب السكري: ص 387
🔴 الجدول تبع التشخيص: ص 388
🔴 جدول المقارنة بين نمطي السكري: ص 389
🔴 الحماض الكيتوني السكري DKA: الصفحتين 391+ 392 كاملتين.. خاصة الجدول صفحة 392.. وركزو منيح مين عرض ومين علامة
🔴 نقص السكر الدم: الصفحة 394 كاملة فقط (خاصة الجدول)
🔴 جدول الاختلاطات: ص 399
🔴 الأدوية: الصفحتين 401+402 كاملتين فقط
🔴 جدول عوامل خطر اعتلال الشبكية: ص 406
🔴 عوامل خطر اعتلال الكلية: التعدادات ب أعلى الصفحة 409 فقط
❎ وهيك صار السكري أقل من 10 صفحات بدل 30 صفحات.. درسو عالفقرات مع الدورات ودعولنا.

#وطني #د.مارك_رحال
#توزيع_الأسئلة
#عصبية:
وسطياً 4-5 أسئلة عادة:

1 الصداع: 1-2س
2 الصرع: 1-2س
3 التهاب السحايا+ غيلان باريه+ الوهن العضلي الوخيم: 1س
4 النشبات+ باركنسون+ التصلب العديد+ الأعصاب القحفية+ العته+ ماتبقى: 1س

عطول الأسئلة سهلة وفقرات دورات.. ف كمان كتييير حرام يندرس كامل القسم بالمرجع.. لهيك الأفضل تندرس منيح من عصبية الأطفال (حتى بالأطفال الشغلات النادرة اللي بالآخر كلا للحذف) وبعدين شوامل باطنة.. وهالكم فقرة المهمين:

1 الصداع+ الصرع: (قسمن بالأعراض والتشخيص + قسمن الخاص) وبيشمل الصفحات: 605+607+ 609+610+ 641+642+ 643+644 +645+646 (الحالة الصرعية مهمة كتير.. من السبات فيكن تحذفو عاد)
2 التهاب السحايا: 659+660+ 661+662+663
3 غيلان باريه: ص680+681
4 الوهن العضلي الوخيم: ص683+684
5 باركنسون: ص655+656

*وهيك عملنالكن العصبية 20 صفحة بدل 80ص😌 10 صفحات منهن مهمين كتير واللي هني صرع وصداع.. والافضل يندرسو.. و10 صفحات في الواحد يناور فيهن إذا درس اطفال منيح.. بعدها بيقراهن دور سريع وبس بيركز الدورات وحاج.

#وطني.
#توزيع_الأسئلة #د.مارك_رحال
#خمجية:

ما قبل المرجع كان يجي سؤالين فقط.. ما بعد المرجع صار يجي 5 أو 6.. وآخر دورة كانو 3..
قد ما كانو الأسئلة رح يضل قليل مقارنة ب90 صفحة مرجع💔 فحرااام تندرس كاملة..
إما ملخص صغير وزيادة.. أو بعد ما تدرس خمجية الاطفال منيح بس حل الدورات.. وركزلي هالفقرات ودعيلي😉:

1 الحمى المالطية (داء البروسيلات): ص78+79
2 الحمى التيفية: ص83+84
3 الكوليرا: ص88
4 الإسهالات (جدول اسهال المسافرين+ جدول الإسهال المدمى+ المطثية العسيرة+ جدول الأغذية المترافقة مع أخماج معوية ): ص56 +ص87 +ص88
5 جدول الأمراض المميز للإيدز: ص131
6 فقرة التمنيع: ص50
7 الأخماج المكتسبة في المؤسسات الصحية: ص49

*وهي عملنالكن الخمجية 10 صفحات بدل 90 صفحة😌😎 ونصيحة درسو خمجية الأطفال قبلها.. والدورات بعدها.. ونشالله صار الوضع تمام👌

#وطني
#توزيع_الأسئلة #د.مارك_رحال
#رثوية

الرثوية كلها 40 صفحة وعليها 7 أسئلة ف تعتبر مادة لازم تندرس كتير منيييح.. التوزيع مو ثابت.. وممكن يجي من أي شي
الفكرة انو غاااالبية الأسئلة فهمية ومسائل سريرية.. ف مو شرط ينحفظ كلشي بصم..

انتو درسو المادة كاملة إذا معكن وقت من المرجع (طبعاً منذكر انو رثوية الاطفال للحذذذف فعلياً.. لأن بكل سنين الوطني خلال 26 دورة اجا 4 اسئلة فقط.. كتير سهلين وبيتجاوب عليهن من الباطنة.. أما رثوية الاطفال بالمرجع كتييير ضخمة وصعبة وحش.. ومعبية اورتوبيديا عظمية وتفاصيل داء ستيل وتمرمر العظم ومدري شو شغلات تافهة ما بعمرا بتجي😂💔).. بس ما تبصمو كلشي وتضيعو وقت.. انتو بتقروها كلها وبهاد البوست رح حدد الشغلات اللي مهمة كتييير وبدا بصم والشغلات اللي فينا نحذفا..
إذا وقتك ضيق دروس مصدر مختصر ودورات وحاج👌👍

✅ 1 الأعراض والتشخيص: أول 5 صفحات (561-565) كتير مهمات خاصة أول صفحة.. الجداول صفحة 563+564+565 بصم بصم بصم..
⚫️ تاني 5 صفحات مو كتير مهمات (566-570).. دور سريع ودورات وحاج😌
✅ 2 الداء التنكسي: (576-579) كلو مهم.. ولازم ندرسو ونفهمو.. بس أهم أهم شغلتين هني: مين المفاصل اللي بتنصاب؟! موجودين بالتفصيل بالصورة صفحة 571+ المظاهر الشعاعية الأربعة اللي موجودين بفقرة الاستقصاءات صفحة 574
✅ 3 النقرس: (575+576+577) فصل مهم وصغير وظريف.. بس الشي اللي كتير كتير مهم وبدو بصم بصم هوي الجدول ص575
✅ 4 ألم الليف العضلي: هوي صفحة وحدة (578).. حذف طبعاً!
✅ 5 أخماج العظام والمفاصل: عبارة عن صفحة ونص.. صغار وكتير مهمات.. ومهم كتير نفرق مؤهبات ذات العظم والنقي عن مؤهبات التهاب المفصل الخمجي (مثلاً التقدم بالعمر مؤهب لالتهاب المفصل الخمجي أما العمر الشاب مؤهب لذات العظم والنقي).. العلاج تقريباً نفسو..

✅ 6 الداء الرثياني: (580-585) عموماً فصل مهم.. بس اللي بدو بصم هوي: المفاصل اللي بتنصاب مين؟+ جدول معايير التشخيص ص581 (هاد بصم بصم بصم+ جدول الأعراض الجهازية ص583 + الاستقصاءات ص583 مهمة نوعاً ما.. مو لدرجة الجداول بس لازم ندرسن..
⚫️ آخر صفحتين 584+585 تبعوت العلاج مو كتير مهمين.. قراءة سريعة يعني.. وبالنسبة لجدول العلاج ص584 فاطمنو مو مهم كتير وما بدو هالبصم.. بس قرو دور واذا لقيتو شي عرض جانبي مميز حفظوه وبس..
✅ 7 داء ستيل: ص585.. مو كتير مهم.. منقرا عالسريع
✅ 8 التهاب المفاصل والفقار سلبي المصل: (586-589).. الجدول ص586 بصم بصم بصم كتييير مهم.. وأهم فقرة هون فقرة داء رايتر (التهاب المفاصل الارتكاسي) 588..
✅ 9 أمراض النسيج الضام: (590-595) أهم شي فيهن اكيد الذئبة SLE.. والجدول ص 592 بصم بصم بصم.. باقي البحث درسوه.. المهم تحفظو الدورات منيح والأفكار اللي عم تجي ما شرط تفوتو بكل التفاصيل..
✅ 10 التهابات الأوعية: (596-599) هالفصل ما كتير مهم.. بس الفكرة اللي كتير مهمة معرف التصنيف وكل مرض اي أوعية عم يصيب.. كمان تذكرو كتير منيح انو بهي الأمراض في تظاهرات بكذا جهاز (في سؤال دورة مهم لعب ببساطة عهي الفكرة).. كاوازاكي هون مو مهم.. ب الأطفال غاية بالأهمية ومشروح بالتفصيل ف بتبصموه هنيك اما هون لا.. هينوخ شوئنلاين كمان مشروح ب غير اماكن والمهم فيه بس الأعراض الرئيسية الأربعة الرئيسية.. داء بهجت ص599 مهم حفظوه
✅ 11 أمراض العظام: (599-604) أهمية البحث متوسطة.. أول كم صفحة بيحكو عن تخلخل العظام وتلين العظام.. وهني أهم شي نسبياً.. مو مهم نحفظ كلشي بس لازم نعرف شو الفرق.. أول صفحة ونص هني الأهم (599+600).. الجدول ص599 بصم بصم بصم.. بالنسبة لتلين العظام أهم شي الأسباب.. والمخبرياااات.. (هي غدية عملياً😎😍).. يعني الpth والكلس والفوسفور بالبول والدم مرتفعين ولا نازلين ولا شو؟!
⚫️ آخر صفحتين حذف.. تبعوت داء شويرمان وتكون العظم الناقص والأورام العظمية..

❎ طبعاً الدورات بصم كاملة🔥🔥
❎ المادة سهلة وأسئلتها فهمية.. تعاملو معها ببساطة.. ما تحاولو تحفظو كلشي فيها بصم لأن ما بيجي هيك.. ورح تضيعو وقت كتير عالفاضي.. وبتصير بشعة💔

وهيك خلصنا البواطن كلها😎😍 ونشالله مكفيين معكن بالأطفال..
موفقين جميعاً💙

#وطني
#توزيع_الأسئلة #د.مارك_رحال
#أطفال

✅ الأطفال الها 36 سؤال كل دورة (3 أمثال)، بتتوزع وسطياً كالتالي:
🔴 1 خمجية: 4-5 س
🔴 2 دموية وخباثات: 4-5 س
🔴 3 عصبية: 4-5 س
🔴 4 صدرية: 4-5 س
❎ هدول ال4 أبحاث هني الأهم على الإطلاق بالأطفال.. متل ما شفنا عليهن سوا بين ال15-20 سؤال.. ف درسوهن كتير كتير منيح.. يفضل ما نختصر شي (عدا عصبية فينا نختصر بحر_ في بوست رح نزلو بكرا أو بعد بكرا😎😍 نطرو🔥🔥).. وعكل الحالات غالباً يكون في بوستات مفصلة انو اذا فينا نختصر حتى من هي الفصول المهمة ف شو نختصر؟!
⛔️ التوصيات هي انو صدرية ودموية متلن متل باقي فصول الأطفال 2 بيصير أسهل بكتير وبيندرسو بنص الوقت إذا درسنا الباطنة منيح قبل.. أما خمجية وعصبية باعتبار هون مهمة كتير بينما بالباطنة لا.. ف مندرس الأطفال قبل
⛔️ التوزيع مو مو شرط يكون هيك 100% كل سنة.. بس غالباً هيك.. (مثلاً ب تشرين الأساسية كان في مفاجأة كبيرة انو ولا سؤال عصبية؟!!..) ف عادي بتصير مفاجآت صغيرة بس ما بتأثر

🔴 5 الهضمية: 2-3 س
🔴 6 الكلية: 3-4 س
🔴 7 القلبية: 3 س
🔴 8 الغدية: 2-3 س
❎ هدول ال4 أبحاث هني تتمة الأطفال 2.. مهمين بشكل وسط.. ما كتير بيتقصقص منهن (بس منحاول ننزل بوستات عنهن بالتفصيل لاحقاً) بس اذا بعد الباطنة بيصير كتييير سخيفين
❎ بقية فصول الأطفال واللي بتشمل الفصول أرقام:
⚫️ الفصل 24: جلدية
⚫️ الفصل 25: نفسي
⚫️ الفصل 27: استقلاب
⚫️ الفصل 28: رثوية
⚫️ الفصل 30
⚫️ الفصل 31
⛔️ هي بقى للحذف تمامااااً.. تقريباً بكل تاريخ الوطني ولا سؤااال.. (نفسي وجلدية وآخر بحثين 0 تماماً.. رثوية شي 4 أسئلة من 2008 لهلق وبيتجاوبو من الباطنة.. استقلاب كم سؤال دورات وحاج)
❎ وبيضل عنا الفصول تبعوت: التحسس+ الكبد+ أمراض الأعضاء التناسلية: إذا فاضي درسهن.. مو فاضي خلص انت اذا دارس الباطنة منيح والجراحة البولية تمام.. بس حل دوراتهن وزيادة.. لأن قليل ما يجي عليهن (كمان رح يكون في بوستات حددلكن أهم كم فقرة فيهن في حال حبيتو تقصوهن تماماً)

🔴 9 الأطفال 1: وسطياً 8 س (مرات كان يجي قليل لدرجة بس 4-6 أسئلة.. بس صراحة آخر كم دورة كان في اتجاه واضح لتكتير اسئلة هالقسم ف وصلو ل12س تقريباً!!)
❎ طيب كيف تقسيم الأطفال 1 وشو ندرسلا؟! لساتني عوعدي بالبوست المفصل بس ما عم افضا أبداً😅💔 وهيك بوست بدو مخمخة عالتمااام.. ف اجلوها قد ما فيكن بتضلها أقل مادة أهمية عالاطلاااق (300 صفحة مشان 8 أسئلة.. ونصها دورات أو معلومات قديمة).. بس تخلصو كللللشي اول دور فكرو تدرسو اطفال 1 وأوعى تضيعو عليها وقت (اللي مبلش من الشهر التاسع ورح يخلص أول دور قريباً في يدرسها مرجع كاملة بس لا يعطيها فوق الأسبوعين.. اللي لساتو مبلش من كم شهر حتى أسبوع كتير عليها).. لوقتها بكون نزلتلكن بوست مفصل عن الأطفال 1..
موفقين💙

#وطني
#توزيع_الأسئلة #د.مارك_رحال
#أطفال #عصبية

❎ فقرات أكيد #لا_تدرسا ب عصبية الأطفال😂:
⚫️ 1 الاضطرابات التنكسية
⚫️ 2 المتلازمات الجلدية العصبية
⚫️ 3 الطفل الرخو
⚫️ 4 الرنح

✅ الفقرات اللي هامة جداً بالبحث هي:
🔴 1 الصداع (كاملاً)
🔴 2 الصرع (كاملاً ماعدا جدول المتلازمات ص508 .. هاد بس حفظو ويست والداء الصغير-صرع الغياب- ومرقو عالباقي عالسريع.. جدول الآثار الجانبية ص510 مو مهم كمان.. في فكرتين بس اجو بالدورات حفظوهن)
🔴 3 الاختلاج الحروري
🔴 4 غيلان باريه
🔴 5 الوهن العضلي الوخيم
🔴 6 الضمور الشوكي SMA

❎ ما تبقى: كلو متوسط لقليل الأهمية.. وقليل ما يجي.. ف درسوه بس مو شرط حفظ حفظ إذا متدايقين بالوقت👍

#وطني
#توزيع_الأسئلة #د.مارك_رحال
#أطفال #خمجية
البوست المنتظر😍😎.. كيف بدنا نقصقص خمجية الأطفال وما نروح ولا علامة👌

✅ الشرح عصفحات المرجع بالتفصيل :

❎ أولاً: فقرات تحذف كاملة:
⚫️1 متلازمة الصدمة السمية+ التهاب اللفافة النخري: 262+263
🔴 2 أخماج الرئويات+ خمج المستدمية النزلية: 264
⚫️ 3 الحصبة الألمانية: 272+273
🔴 4 الCMV+ الحلأ 6+7 + البارفو فيروس+ الفيروسات المعوية: 269+270+271 (بس بصمو خيار الدورة الصح)
⚫️ 5 الأخماج المدارية: ص277+278
🔴 6 الإيدز: ص279+280 +281
⚫️ 7 داء لايم: 281

✅ ثانياً: فقرات بصم لأنو مهمة كتير كتير:
⚫️ 1 جدول المسح الخمجي ص257
🔴 2 التهاب السحايا كاملاً: من ص259 حتى ص 262
⚫️ 3 جدول الحرارة مع طفح: 266
🔴 4 الحلأ البسيط+ الحماق+ EBV: ص266+267 +268+269
⚫️ 5 الحصبة: 271+272 (بصم كاملة خاصة جدول الاختلاطات)
🔴 6 كاوازاكي: 273+274 (بصم كاملاً حتى الصورة..)
⚫️ 7 التمنيع: ص281+282 +283+284

❎ ثالثاً: ما تبقى.. أهميتها وسط واذا اندرست افضل لنضمن كاملة.. بس مندرسا فهم مو شرط نبصم كلشي كلشي..
⚫️ أخماج العنقوديات الذهبية والعقديات المقيحة ص264+265: يفضل إذا لحقنا نقراها.. عالقلية نبصم الفكرة اللي اجت بسؤال دورة الحجاج
🔴 الحمى المديدة 273.. إذا لحقناها منيح ولو قراءة
⚫️ السل: ص275+ 276+277: مو كتير مهم.. خصوصي بالصدرية مشروح كتير منيح.. اللي متفضي كتير فيه يقراه.. غير هيك دورات وحاج
🔴 العوز المناعي: ص 284+285+286: هلق هون في جدول بس مهم تبع الشكل السريري بالصفحة 284.. أما الجدول ص286 مو مهم ابداً.. باقي الفقرة إذا لحقنا منيح ما لحقنا مو قضية
⚫️ النكاف.. إذا لحقناه كتير كويس
🔴 الخلاصات كلها ظريفة بهالبحث.. ويفضل ندرسها حتى للفقرات اللي حذفناها.. مشان إذا بالصدفة اجا عليهن ف غالباً رح يكون شي مهم من الخلاصة👌👍🔥

#وطني
#توزيع_الأسئلة #د.مارك_رحال
#أطفال #قلبية

الفصل عموماً متوسط الأهمية.. أصعب شي بالبحث هوي تفاصيل التشوهات الخلقية وغالبيتها ما بتجي.. ف إذا مو متفضي قراءة فقط مع التركيز عالفقرات اللي رح قلك ياها وحاج😉.. هي طبعاً إذا شغل مراجع.. بدك شي مختصر ملخص وحاج..
ولا تنسو الدورات..

❎ الفقرات الهامة جداً جداً:
⚫️ جداول التصنيف بالصفحات: 320+322+323 كتييير مهمات.. ولازم نبصمهن بصم بصم... معظم الأسئلة عم عم تكون بسيطة وبس عالتصنيف.. وهني هال3 جداول أساساً نفس الفكرة بس منقصين بكل جدول شغلة.. فشوفوهن كلهن وبصموهن لتكتمل الفكرة👌
⚫️ الصفحة 322 إذا بتحفظوها كاملة مو غلط.. لأن فيها 3 فقرات كتير مهمين غير الجدول.. فقرة التظاهرات وفقرة صفات النفخة البريئة وفقرة أعراض قصور القلب.. وكلهن جايين بالدورات..
🔴 فقرة تعدادات العسرة التنفسية مع زرقة عند الوليد ص323 .. بالنص اليسار للصفحة
🔴 الجدول ص321 تبع الأسباب مو مهم وفيكن ما تدرسوه.. ذكروني نزلكن بوست فيه أهم كم شغلة فيهن واللي مارح يجي غيرهن منو😉
🔴 فقرة رباعي فاللو منحفظها كاملة (392+330+331) و السؤال 99% السؤال عن المكونات الأربعة أو عن العلاج أو صورة الصدر.. +بصمو دوراتها منيح
🔴 الخلاصات بالصفحات: 329+ 333+ 334+337+ 339
⚫️ الصفحة 338 مهمة نوعاً ما بتنقرا مو غلط..
⚫️ هلق آخر 5 صفحات فيهن الحمى الرثوية والSVT والتهاب الشغاف ممكن يجي عليهن.. بس اذا دارسهن بالباطنة منيح ف بس حل دوراتهن وحاج..


✅ آخر بحث درسو هوي الآفات الخلقية وحاول تترك يوم كامل إذا بدك الها.. مشان تدرس معها فقط الفقرات اللي انا محددها هون من المرجع (ما بيطلعو 10
صفحات).. وحل دورات الأطفال وحاج..

❎ في حال كنت دارس الباطنة القلبية منيح ومأسس حالك فيها.. بس من زمان.. ف هلق حط يوم واحد فقط لقلبية الأطفال.. اقرا الحمى الرثوية دور سريع (هي صفحة أو تنين فقط) وبعدها دروس الآفات الخلقية عرواق وشوف الصفحات والجداول اللي انا حددتلك ياها.. وحل الدورات ونشالله معد تحتاج شي أبداً👍👌

#وطني
#توزيع_الأسئلة. #د.مارك_رحال
#جراحة_عامة

✅ الجراحات كل سنة عليها 48 سؤال بشكل ثابت (4 أمثال).. توزيعهن كالتالي:
🔴 جراحة عامة مع أورام شي 20 سؤال (18 عامة.. + 2 أورام بيكونو 99% عأورام الدرق)
🔴 بولية 5-6 س
🔴 عظمية 5-6 س
🔴 أطفال 3-4 س
🔴 صدرية 4-5 س
❎ هدول ال5 جراحات هني المهمين واللي بدهن دراسة.. (عليهن شي 40 سؤال لحالن)

🔴 البقية (أوعية- تجميلية- عصبية - قلبية) كل وحدة سؤالين تلاتة فقط..
❎ هدول ال5 جراحات (مع الأورام) يا دوب عليهن 8-10 أسئلة.

✅ المصادر: دائماً في ضياع بالمصادر وخصوصي بالجراحات باعتبار مافي مرجع.. ف ما تنسو دائماً المصدر متعلق بالوقت.. اللي بدو يخلص كل الجراحات ب10 تيام ومضغوط غير اللي عاطيها شهرين وبدو يتسلا ويفصفصا.

✅ في ناس رغم أهمية العامة حاسة CMD الكبير كتير ضخم.. وعم تسأل كتير انو ليش ما مندرس cmd الصغير وخلص وبلا سؤالين تلاتة.. فقررت نزل هالبوست
✅ بهالبوست رح حدد شو مهم وشو للحذف وشو وسط من cmd الكبير.. ونشالله رح تستفيدو (ليكو الفهرس فوق البوست👆👆)
✅ بعد ما تحددو هالشغلات رح تلاقوه بالآخر صار أقل من 90 صفحة (بدل 150ص).. وبرأيي ندرس 10 صفحات زيادة ونضمن كل العامة أحسن👍👌 (الصغير 75 صفحة.. ف عملياً رح تدرس ساعتين أقل وتضيع كذا سؤال.. لا خلص شوف البوست بالتفصيل ودروس من الكبير.. الله بيعينك عساعتين زيادة تخلص فيها 10 صفحات زيادة بس ما تروح من ايدك ولا سؤال👌)
✅ كالعادة لازم ننوه ع أهمية الدورااات.. بكل المواد وخصوصي الجراحات ماتترك ولا سؤال دورة من 2008👌 أي شي رح قول حذف.. يعني حذف بس دروس دوراتو.. واذا لقيت فقرة صغيرة جاي عليها سؤال كذا مرة درسها

❎ يلا رح نبلش:
⚫️ أول شي آخر 6 أبحاث (آخر 20 صفحة) من عند البدانة وبعد (بدانة+ جراحة تنظيرية+ عناية+ شوارد+ انتانات+ اختلاطات).. هدول حذف تماماً.. بس درسو دوراتن .. بيجي كم سؤال دورة منن وفي فقرتين تلاتة صغار مهمين (ميزات ومساوئ التنظير+ مضادات استطباب الجراحة التنظيرية) بيبينو فوراً من الدورات
⚫️ الكبد+ الطحال+ البريتوان+ رضوض البطن: هدول كمان للحذف (شي 25 ص).. أسئلتهن معظمها بسيطة ف دورات وحاج مع كم فقرة بيجو عطول (خراج الكبد القيحي والكيسات المائية والورم الوعائي)
⚫️ وين ما مر لمحة تشريحية أو فيزيولوجية فيكن تقصوها. أو بس تقروها دور سريع
⚫️ الثدي+ المرارة والجهاز الصفراوي: هدول البحثين أهم أهم شي.. وأفكارهن جديدة وما بتمر غير بهالمادة تقريباً.. ف درسوهن عرواق وبتركيز وحاولو ما تقصو شي منهن (كل دورة في عليهن شي 5س)
⚫️ الفتوق: بالمبدأ كتير مهمين.. درسوهن دور كاملين وحلو الدورات لتعرفو عشو تركزو وشو تبصمو.. لأن الفتوق فيهن تفاصيل تشريحية مفصلة كتير صعبة وبدها خيال ف إذا ما بتجي بلاها👍
⚫️ البنكرياس: مهم بتدرسو كلو.. بس أهم شي التهاب البنكرياس الحاد هاد بصم بكل تفاصيلو
⚫️ البطن الحاد والنزف الهضمي: كتير كتير مهمين.. وهني صغار أصلاً.. ف لا تتركو منهن شي
⚫️ عاد بيضل أول 60 صفحة.. اللي هني أول 7 فصول: (مري+ معدة +أمعاء دقيقة +أمعاء غليظة +شرج +زايدة +فتوق حجابية): هدول مهمين.. بس كتير كتير سهلات وأفكارن بسيطة وواضحة ومارقة بالباطنة الهضمية وبالأطفال ومعلوماتنا القديمة قوية فيهن.. ف مارح يعذبو.. الأفضل برأيي ما تتركو شي منهن.. وطبعاً حلو كل الدورات👍.. إذا مر شي مرض غليظ وما بيجي عليه بلاه

✅ وهيك صار CMD الكبير أقل من 100 صفحة بدل 150..
ومن ضمن ال100 بتقصقصو التشريح وكذا.. وبتركزو عالشي المهم متل ما قلتلكن👍👌
ف عملياً صار قد الصغير.. بس أضمن بكتير👍
✅ ك أول دور خلوكن عليه الا اذا متدايقين لأقصى درجة.. بعتقد صار ب5-6 تيام ممكن يخلص مع الدورات..

موفقين

#وطني
#نسائية
#توزيع_الأسئلة. #د.مارك_رحال
#تخطيط_وشرح_عن_المواد

رح نقسم فصول النسائية ال43 ل3 أقسام حسب الأهمية😌

✅ 1 فصول الدرجة الثالثة: (الأقل أهمية عالإطلاق)
🔴 الفصول 1+2+3+4
🔴 الفصل 43
🔴 الفصل 10
🔴 الفصول 30-34
🔴 الفصول 25+26+27 (بس درسو فقرة الIUGR بالفصل 27)
❎ هدول الفصول استطباب حذف.. عدد صفحاتن منيح وأفكارن مو مهمة.. وبيجي عليهن بين 5-10 أسئلة بايخين أو دورات.. ففينا نأجلن للآخررر إذا متفضايين كتير.. واذا مبلشين متأخرين لا تفتحوهن.. بس دوراتن وحاج

✅ فصول الدرجة الأولى: (الأكثر أهمية)
⚫️ الفصول: 11+12+18+13+14
⚫️ الفصول: 19+20+21+22
⚫️ الفصول: 28+29+33+35
⚫️ الفصل الثامن 8 (فقرات دورات.. بس بصم ومانن قلال)
❎ هدول الفصول مقدسات وكتير كتير مهمين.. لازم بصم مع كامل دوراتهن.. وما تتركو فيهن شي أبداً.. بيجي عليهن حوالي ال20 سؤال أو أكتر

✅ فصول الدرجة الثانية:
⚫️ بتشمل باقي الفصول.. وعليها باقي الأسئلة بس حجمهن أكبر ب منيح وأفكارهن اللي بتجي واضحة ومكررة (كمان حوالي ال20 سؤال).. فهني مهمين اكيد بس مو متل تبعوت الدرجة الأولى.. ف تاني دور وتالت دور بيصير الواحد في يقتصر عالفقرات والشغلات اللي حسا مهمة وحاج
⚫️ أرقام هي الفصول: 5+6+7+9+23+24+15+16+17+3141+42+32+36+37+38+39
⚫️ الفصل 40 تبع الثدي.. بس درسو سرطان الثدي

✅ في ترتيب بيسهل عليكن كتير دراسة المادة رح نزلو ببوست لاحق.. لأن المرجع بتحسو فصل من الشرق وفصل من الغرب وما في ترابط.. يعني النفاس شي 9 وشي23؟! هدول لازم يندرسو ورا بعض..


✅ اليوم رح نحكي ع أفضل ترتيب ل دراسة النسائية والتوليد🔥🔥🔥:
❎ بس كم ملاحظة قبل ما نبلش:
🔴 مو شرط اتباع هاد الترتيب.. فيكن تضلو ع ترتيب الكتاب نفسو.. أو تعملو ترتيب يخصكن.. لكن حبيت قلكن هاد الترتيب لأن انا وكذا حدا من رفقاتي جربناه وكان كتير كتير ممتاز.. لأن بيصير في ترابط واضح بين الفصول.. أما الكتاب بتحسو فصل من الشرق وفصل من الغرب.. ف لتخلصوه كلو لتكتمل المعلومة
🔴 هاد الترتيب مو انا اخترعتو صراحة.. هاد الترتيب حطتو الدكتورة عطاء خضور يعطيها ألف عافية❤️💙 دعولها بالتوفيق الدائم👌
🔴 هاد رح يكون ترتيب بغض النظر عن الأهمية.. يعني رح يترتبو الفصول ال43 بما فيهن الأبحاث الاكثر أهمية والأبحاث اللي فينا نقصن.. ف بس وصلت ع بحث مو مهم وحسيت ما في وقت.. بتقصو ما في مشكلة.. بس اذا حبيت تدرسو ف بيكون هاد وقتو حسب الترتيب..

✅ وهلق رح نبلش بالنسائية😌😍:
🔴 الفصل 43 + بعدين 1+2+ بعدها 28+29
🔴 ثم الفصول: 41+ وبعدو 34+35+36+37
🔴 الفصول: 33+38+39 ثم 30+31+32 وبعدن 40+42

✅ وهي ترتيب التوليد:
🔴 الفصل5 بعدو 15و 16 بعدو 3+4
🔴 الفصول: 6+7+ 8 بعدن 24
🔴 الفصول21+22 بعدين 19+20
🔴 الفصول: 10+11+12+ 13+ 18+14+ 17
🔴وآخر شي الفصول: 9+23 ثم 25+26+27

✅ في ترتيب آخر وخطة مفصلة ب ملخصنا🔥🔥 وفيكن تتبعوها خصوصي كدور تاني..
✅ هاد البوست وبوست ترتيب الأهمية كتير كتير رح يسهلو الأمور ويخلوها سريعة وبسيطة.. ف شوفوهن قبل ما تبلشو وتضيعو نص عمركن ع فصول مو مهمة أو عم تحاولو تفهمو فكرة هي رح تمر ب فصل لاحق..
✅ ولا تنسو تحلو الكثير من الدورات🔥🔥 ما تتركو ولا سؤال شامل🔥

🔴 لمن يسأل عن فقرات الدورات من وين منحصل عليهم؟
👈 إما من قناة MRI
https://t.me/fakarataldawrat
موجود فيهم عدد الأسئلة التقريبي لكل مادة

👈 أو فقرات مجمعن د.مارك رحال
شوفوهم بقناتنا حطيناهم هاشتاغ
#توزيع_الأسئلة

🔴 عدد الأسئلة التقريبي لكل مادة بملف مستقل هنا