السلام عليكم ورحمة الله وبركاته👋🏻
جميعنا قلق شان مقابلة المهارات بالعملي🤕 وما منعرف عشو نركز وشو نترك لحتى إن شاء الله نضمن علامة عالية ،
فهي خطة ننصح فيها وبالتوفيق جميعاً 👇🏻:

☝️🏻دراسة نوطة الكلية لأنو أكيد والله أعلم الدكتور رياض أصفري رح يقابلنا + ممكن نركز على ملف الزميل عبيدة قابل من الدفعة 50 فيو الشغلات يلي ركز عليها الدكتور..

✌️🏻الرثوية: احتمال قوي جداً تقابلنا الدكتورة زينة جريخ ف رح تسأل من نوطتها الرثوية وركزوا عالتعدادات (هيك قالولنا طلاب ال 50) وفي كم صفحة لقسمها بنوطة الألفابيت العملي بس الأضمن ندرس من نوطة النظري.

🖖🏻#ملحق_عملي_مهارات_ألفابيت
👈🏻فيو القسم العملي بجلسات العملي يلي آخدناها فلذلك لازم ندرسها..
👈🏻فيو أقسام الهضمية والصدرية والرثوية
ولكن #الأضمن ندرسهم من النظري بس بشكل عام شاملين معظم الأفكار..
وطبعا الأمر بيتوقف عدكاترة المقرر يلي رح يقابلونا ؛
الدكتور بشير مبيض (دكتور الهضمية) غالبا بقابل لذلك الأضمن ندرس نظري..
الدكتورة دعد طه (دكتورة الصدرية) حسب أحياناً بتقابل وأحياناً لأ🤷🏻‍♂
ف اذا ما قابلتنا بكفي نوطة عملي الألفابيت ندرس لقسمها واذا قابلتنا لازم ندرس نظري #خاصة النوطة الأولى..

يعني من الأخير 😂:
1.نوطة الكلية
2.رثوية نظري
3.ملحق عملي الألفا شان القسم العملي.
4.نظري هضمية وصدرية (عالأضمن).
أو يلي ما بلحق يدرسهم من ملحق العملي للألفا..

وإن شاء الله رح ننزل تباعاً كلشي بهمكم من ملفات وملاحظات لعملي المهارات..

🌺 لا تنسونا من دعائكم 🌺
@Importantfiles51

#ستاج_إنتانية
الأسئلة يلي عم تدور ببالنا كلنا🙋🏻‍♂

✨ شو لازم ندرس لستاج الانتانية ضعنا💔 ؟

✨نازل ملخصات من الدكتورة معيدة الستاج و في المواضيع الهامة من النظري من نوطة الدكتور قصاص _الله يرحمو_
شو لازم ندرس هاد ولا هاد؟؟ 💔💔

✨عندكم فكرة كم يوم بدها ؟
............................

🔰الأسئلة أتمتة قالوا و بسيطة إن شاء الله 😃
بما أنو ما منعرف مين رح يكتب الأتمتة لذلك #الأضمن مننصحكم تعملوا الآتي(لبين ما ما يبين مصدر الدراسة الأساسي لفحص الستاج) :

☝️🏻ادرسوا قسم د. قصاص (قراءة على الأقل) هيك هيك رح يلزمنا للنظري

✌️🏻قبل بيوم ركزوا على يلي طالبت فيه الدكتورة (كونها عتواصل مع د.بشير فأكيد شافت هالشي مهم ) وبكفي للأتمتة إن شاء الله 😁

🔰المواضيع يلي لازم ندرسها من مقرر د.قصاص هنن أول 90 ص

الصدمة الانتانية
الاسهالات
الصادات
الحرارة
الحمى مجهولة السبب
و #أهم شي الصدمة الإنتانية 🔥🔥

_الصادات أصعب شي بنوطة الدكتور وكتير صعب تنفهم بس من النوطة ف لازم تستعينوا بمصادر تانية متل فيديوهات د.فودة لصادات بيتا لاكتام
https://t.me/Importantfiles51/2308
أو فيديوهات أونلاين ميد
https://t.me/Vid_OnlineMedEds/96
أو فيديوهات د.ماهر الحسين كمان نصحوا فيهم
_الصدمة الإنتانية يفضل تدرسوها من ملف الRBCS كتير مرتبة عندن

_بصراحة 🌚 الأسئلة سهلة وما بدها نقلق إن شاء الله بس نحن ليش عم نقول اطلعوا عالنوطة ؟!
مشان امتحان النظري 🤓

⏰الوقت التقريبي: 3 أيام وممكن أكتر بالنسبة ل يلي مو دارس من قبل أما الفئات يلي قدمت بكفي يوم ونص مراجعة

#موفقين

السلام عليكم ورحمة الله
✨لمحة سريعة عن المطلوب لكل مقابلة :

♻️ طوارئ : ملف الألفابيت كافي إن شاء الله ، النموذج هو كتابي بالمدرج .

♻️ جلدية: ملف الألفابيت كافي إن شاء الله (ورح يتم إضافة جلسة عالملف قالوا ) و النموذج هو تشخيص الآفة اختر الإجابة بكون موجود صورة مع بعض الصفات.

♻️ صدرية :
كلشي عطاه د.عبدالله و د.باسل
طبعاً المقابلة سهلة والدورات مفيدة.

♻️ جراحة2 : د.الكنج بيسأل من مواضيع الستاج (ملف الألفابيت) وصور شعاعية.
د.ياسين بيسأل من نوطتو النظري والدورات مفيدة كمان هون.
د.قدري :اللي اخدناه بالنظري من قسمه يعني كيسة مائية وسرطان الرئة وممكن يسأل من قسم د.ياسين.

♻️ قلبية : د.ملحيس : ملف الألفابيت
يعني كلشي حكاه الدكتور.
د.ماردنلي : تفريغ + ملف المهارات السريرية.
د.بساطة : في ملف تفريغ كمان من الفئات يلي قدمت.

♻️ توليد : هون ما منقدر نعرف حسب اللجنة يلي دتسأل 😅
د.أشرف : بقابل الفئات الزوجية غالبا وبسأل من مقررو النظري (درسوا السلايدات) وفي فيديو مراجعة مفيد إن شاء الله.
د.حمود : بسأل من مواضيع الستاج

_ ملف الألفابيت + الاستزادة من الكتاب لمواضيع الستاج.
#الأضمن تكونوا دارسين يلي عطوه الدكاترة بالنظري 😁

بالتوفيق ✨

#هاااام
💠 مقرر الجراحة العصبية يلي لازم يندرس 👆

💠 إذا درسنا سابقا الجراحة العصبية من ملحق الفنغر شو نعمل هلق؟!

أول شي يا جماعة ملحق الفنغر فيو تفريغ حكي الدكاترة وكم موضوع زيادة عن المطلوب ف المعلومات نفسها 😅 بالكتاب ما بيختلف شي لكن #الأضمن لأنو سمعنا الأسئلة حرفية من الكتاب ف لازم تندرس من الكتاب 😄

تاني شي الكتاب سهل جدا جدا وبيمشي بسرعة بيومين ممكن يخلص وخصوصي أنو درستو من الفنغر فبصير مراجعة الكم 😃
وتلت رباع معلومات الكتاب مرت بالستاج و سابقا بمواد متل التمخ.
لذلك اطمنوا بتلحقوا 😌👌