#تشريح3_نظري

السلام عليكم ورحمة الله وبركاته 👋🏻
نصائح لكيفية دراسة المادة شو أهم الأقسام يلي لازم نركزها منيح وشو الأقسام الأقل أهمية 😃
ولذلك بناء على بوست الألفابيت للشغلات المهمة يلي ركز عليها الدكتور..

#العظام: سؤالين ، بكفيها قراءة عالسريع ويلي دارسها للعملي ومتخيل شكل العظام مارح تطول معو ويلي بدو يقرأ أهم أفكار للقسم بكفي ان شاء الله ويحل دوراتو..

#التروية هام رح يجي توصيل عنمط الموجود بالدورات
هو موجود بمكانين بنوطة الدكتور وبالألفا 8+2 أو 7نوطة قديمة

ولا تنسوا #الصهاريج مهمات أيضا..

#العود_الوريدي يفضل ندرس هالقسم (موجود بآخر النوطة 7 أو 8 جديدة) مع السحايا والجيوب نوطة تانية لأنو في ترابط.

#القشر_الدماغي_والباحات نوطة تالتة ألفا رح يجي منها حوالي 10 أسئلة
كمان جدا سهلة لا تروحوها ومننصح بشدة قراءة ملاحظات الدكتور بآخر الملحق

#البنى_العميقة نوطة رابعة ألفا
هون بلشت شوي الصعوبة ، كمان يلي دارس العملي رح يشوفها جدا سهلة
بهالقسم يلي ما بلحق يدرسو يركز #عالدورات الو ان شاء الله يتكرر منن

#الدماغ_البيني ، نوطة خامسة ألفا
ركز الدكتور كتير عفكرة حقل فوريل ( رح ننشر شرح مفصل عنو )
وجوه المهاد هامة جدا 🔥 متل مو مفصلين ببوست الألفا والدوائر
و يفضل تقرؤوا ملاحظات الدكتور كمان لهالقسم كتير هامات.

#الجسر_والبصلة ، نوطة سادسة ألفا ، ما حكا شي عنن الدكتور بس ما مننصح حدا يطف النوطة 🤷🏻‍♂ والمهم فيها 👇🏻:
بأول النوطة في صفحة بتلخص
المكونات الوظيفية لكل عصب (متل المبعد صادر جسمي عام) كتييييييير هامات 🔥 ومكررين بالدورات..
واش واردات وصادرات كل عصب (متل العملي) واش وظيفة كل عصب..
ممكن كمان يسأل نكشات متل:
كل مايلي تتلقى ألياف قشرية متصالبة ما عدا:
aنواة ال12
bنواة الوجهي
cنواة ادنجر وستفال
dالنواة الحركية للخامس
فالجواب a 😃
وممكن يسألنا كمان شو الألياف المتصالبة و شو هي الغير متصالبة
(باختصار 😥 هي #من_أصعب_الأقسام)

#البطين الرابع هام جدا 🔥 خلال الدورات كتير جاي منو وهو صفحتين..

#العمود_الفقري غير هام ممكن سؤال يجي منو (يلي بدو يطفو 😂)
طبعا هاد الكلام حسب الدورات و لأنو الدكتور ما حكا أبدا عنو بالمراجعة

#النخاع_الشوكي هام 🔥 )نوطة سابعة ألفا قديمة وجديدة رقمها 8 ) لازم نفهم القسم منيح..
واهم شي :
#كل قرن اش بيحوي
#الحبال الخلفية والأمامية والجانبية هااام
اش بيحوي كل حبل حزم نازلة وصاعدة (اذا ما لحقتو درسوهم تعداد)

#دماغ_شمي قليل الأهمية سؤال أو تنين
أو ولا سؤال🤷🏻‍♂

#الجهاز_العصبي_المستقل
أهم شي نحفظ ونميز العقد الودية عن العقد نظيرة الودية
و #ركز_الدكتور عسؤال جاي هو متلازمة هورنر (تنجم عن قطع الطرق الودية في جذع الدماغ) وقال هو أصعب سؤال..
رح نحاول نحكي عنها كمان..

#العقد متل يلي بالدورات توصيل
هالقسم ممكن يجي منو خارجي 💔 من الرأس والعنق مثلا
ف لازم نعرف الأعصاب يلي بتعطيهم العقد ألياف حسية متل الوجهي بياخد من العقدة الركبية.

#المخيخ يمكن سؤالين أو أكتر ركزوا عالتقسيم الوظيفي ابتدائي وأولي وسبل صادرة وواردة

#التشكيلات_الشبكية سؤالين سهلات
و اقرؤوا الملاحظات يلي نزلت عنو.

#العين_و_الأذن
سؤال عن العين سبل عصبية(غالبا من ملاحظات الدكتور)
سؤال عن الأذن 🤷🏻‍♂
ف عيفو هالقسم للأخير

#الخلاصة:
أقسام قليلة الأهمية (عيفوهم للأخير)
عظام + دماغ شمي +عين وأذن + عمود فقري.

#الدورات😍🔥🔥🔥:
ركزوا عالدورررررررررات 😃 وخاصة آخر دورتين 2019 فصل أول و فصل تالت
لكن مو متوفرة غير الأولى تذكر طلابي😥
بس هنن كمان مكررات ف بتلاقوهم ببقية الدورات..
بلشوا حلوا دورات من الأحدث للأقدم

وانتبهوا لفكرة #فقرات _الدورات ممكن ما يتكرر السؤال حرفيا..
وأي قسم ما بتلحقو درسولو دورات أو فقرات دورات واقرؤوا أهم أفكارو (المهم ما تعيفو أي قسم)

موفقين إن شاء الله 😌
رح نكون معكم إن شاء الله أول بأول
وننشر كلشي مفيد 🌺
@Importantfiles51

السلام عليكم ورحمة الله 😍
اليوم جينا نحكي شوي عن امتحان مادة أخلاقيات المهنة 😃 تقريبا 110 صفحات
3 خرزات
👍🏻1 لل46 قسم د.حمدي
👍🏻 ومن 47 لل 60 قسم د.عدنان
👍🏻 ومن 61 لل101 قسم د.عبدالمهدي
👍🏻 ومن 102 لل109 محاضرة أخيرة ل د.حمدي.
#⃣قسم د.حمدي 40 سؤال والباقي لقسم الدكتورين (قسم القانون عليه أكتر طبعا)

⭐️قسم الدكتور حمدي : 6 أبحاث كتير حلوة وسهلة وطبعا الأسئلة بتحتاج #لفهم وربط بهالقسم..
عبارة عن 54 صفحة
🔈ومتوفر تسجيلات للمحاضرات لأربع محاضرات اذا بدكم تفهموا القسم منيح ..

📝في شوية اضافات على هديك السنة بتشوفوها فوق بأول ملف..

⭐️ والدكتور عدنان جنيد : 3 أبحاث ، علامات الموت ونقل الأعضاء والقتل الرحيم ، 13 صفحة بس
قسم سهل إن شاء الله..
📝مافي تعديل عالقسم أبدا

⭐️والدكتور عبدالمهدي حمود : قسم القانون🥺 مدخل إلى القانون الطبي و المسؤولية المدنية للطبيب (بحثين) 30 صفحة..
الأسئلة عبتكون صعبة بهالقسم بالنسبة للصفحات من86 لل101😢 لأنو قوانين وبدهم حفظ 💔
ف يعتبر أصعب قسم هاد..

📝وما ننسى أنو بهالقسم في تعديلات :
1.اضافات كم جملة بتلاقوهم بتاني ملف
(إضافات قسم القانون) هدول الكل لازم يضيفهم إن كان نوطة جديدة أو قديمة.

2.في 14 صفحة #جديدة كلياً بتلاقوها بآخر أول ملف وهدول موجودين بنسخة هالسنة.

#الخلاصة
درسوا بداية قسم د.حمدي وفهموا منيح وركزوا بعدها اذا بدكم تضمنوا علامة عالية لازم تبلشوا بقسم القانون وخاصة الخرزة الإضافية لحتى تقدروا تمكنوا القسم وتعيدوا لينحفظ معكم وبعدها قسم د.عدنان سهل إن شاء الله..

المادة بدها دراسة ومو سهلة لا تهملوها ، ويلي مو دارسها أبدا خلال الفصل بتلحق إن شاء الله 😃
ورح ننشر دورات شوفوهم كمان لتعرفوا نمط أسئلة كل دكتور..
موفقين ولا تنسونا من دعواتكم🌸

#ستاج_إنتانية
#الخلاصة
ترتيب أولويات الدراسة 👇🏻

1⃣ دراسة ملف الصادات للألفابيت بدل ما تدرسوهم من النوطة

2⃣ دراسة أسئلة الدورات( ببيتا ) أو ملفات المقابلة يلي نشرناهم هون نفس دورات بيتا

3⃣ بعدين بتدرسوا الفقرات الهامة من النوطة يلي تم تحديدها اليوم 😁

🔗تنويه: بالدورات ممكن تشوفوا شغلات مو موجودة بالصفحات الداخلة بالنظري ف عادي درسوهم بجوز يرجع يسأل منن الدكتور

#الخلاصة
الأولية محرضة بالبلع و تحت سيطرة المركز

الثانوية تحت سيطرة المركز بتحريض البقايا الطعمية بمعزل عن البلع

الثالثية ..نفسها الثانوية عمليا لكن بدون سيطرة المركز بسبب القطع أو الرض الحاصل للمركز النووي العصبي "فتتولد ذاتيا" بعد تحريض البقايا الطعامية العالقة

التقلصات الثالثية
بمعزل عن المركز رغم سلامته - متزامنة غير منسقة غير دفعية 👍


تطبيق هالشي سىريرياً ؟👇

#الخلاصة

_رح نزل تسجيل من ص 85 لل 150 تقريبا
_وركزوا ع أول 36 ص
_ودرسوا الصدمة أربسيز
_وحلوا آخر 3 دورات

وهيك إن شاء الله تقريبا نوعا ما منأمن عالمادة إن شاء الله 😃

#أذنية #الخلاصة

🔰 قسم د.مجد بدو دراسة كلو لأنو قصير وبيحي من كلشي حتى أمور التشريح والمسا قبل ال12 إن شاء الله بكون جاهز تسجيلين مراجعة لقسمو

🔰 قسم د.قيصر :
الأذن : دراسة كلشي و #يمكن أول 14 صفحة تشريح وفيزيو هدول بكفو فقرات دوراتن ، أما بقية النوطة درسو كلشي

وإن شاء الله الجمعة المسا أو السبت رح ينزل تسجيل مراجعة للأذن 👌

الحنجرة: مننصح لتضمنوا تدرسوا فقرات دورات + بنك (من بيتا أو فنغر) + دورات
وطبعا مجرد توقع كالعادة ومافي شي مضمون 😁
يلي بزيد معو وقت يقرأ كلشي أضمن.
ومارح نقدر نزل تسجيل الحنجرة لضيق الوقت 💔
#موفقين 🌷

#ستاج_أشعة
السلام عليكم ورحمة الله *^▁^*

البوست الشامل إن شاء الله لما هو مطلوب منا في امتحان عملي الأشعة (كمان الترتيب حسب الأهمية) ..

🔸 نمط الامتحان : صورة شعاعية وعليها سؤال أتمتة إما عن التشريح الشعاعي الطبيعي (قصبة_رغامى..) أو تشخيص حالة مرضية بسيطة (استراوح صدر )أو علامات شعاعية مميزة (علامة الزجاجة بانصباب الجنب _ علامة سكة القطار بالربو )

🔸 مصدر الدراسة الأساسي سلايدات العملي ، جهاز التنفس 👇
https://t.me/Radi0l0gy_1/79
جهاز الهضم 👇
https://t.me/Radi0l0gy_1/78
سلايدات التوليد بتبلش عند الصفحة 27

https://t.me/Radi0l0gy_1/77
🔸 الملف الشهير يلي نصحونا كمان فيو الطلاب الأكبر منا (ملف ال89 ميغا 😂)
https://t.me/Radi0l0gy_1/83

🔸 الملف الشامل: فيو شغلات خارقة 🤩 لازم نطلع عليه ونتدرب على الصور
https://t.me/Radi0l0gy_1/56
يمكن بدو المتصفح يلي تحت الملف ليشتغل.

🔸 فيديوهين مفيدين لدكتور وجدي شرح على نفس السلايدات
https://youtu.be/OvoikqyDh6M
https://youtu.be/idmS5NvaIU8

🔸 بقلب الملف الشامل في ملف عملي للأربسيز رائع جدا شوفوا الأقسام المطلوبة بس خاصةً صورة الصدر من الصفحة 246 للأخير.
https://t.me/R_49_2/84

#الخلاصة بعد الاطلاع على جميع المصادر ، أسرع طريقة للدراسة 👇
أولا : دراسة سلايدات العملي
تانيا : دراسة ملف ال89 ميغا
وتقريبا بدها يومين

🛑 رح نعمل جاهدين إن شاء الله على فيديوهات مراجعة #شاملة تساعدنا جميعا 😃 بس ما منقدر نحدد أيمت بخلصوا بس ادعولنا نلحق 🌸👌

#الخلاصة بعد الاطلاع على جميع المصادر ، أسرع طريقة للدراسة 👇
أولا : دراسة سلايدات العملي
تانيا : دراسة ملف ال89 ميغا
وتقريبا بدها يومين

#طوارئ #الخلاصة
لأنو كتروا المنشورات فجمعنا كلشي مفيد بهالبوست 😌👇

🔸قسم د.رائعة: النوطة شوي طويلة لذلك بتقدروا تدرسوا من ملخص مصطفى الحلو شامل بنسبة كبيرة.
وفي تحت الرابط شوية تعديلات عليه

وفي #تسجيلات مراجعة لقسم د.رائعة ، من هالرابط وتحت لنوطة ال85ص. هنا

_بقي محاضرة جديدة للألفا مو موجودة بملخص الحلو(ادرسوها سهلة). هنا

حلوا دورات د.رائعة كلها تقريبا بتنحل

🔸قسم د.بنّود : فقرات الدورات مهمة كتير وبتكفي حسب الدورات 😁 هنا

وحلوا لعند 2016 تكميلي وقفوا

🔸قسم د.سلّوم : فقرات دورات بتكفي إن شاء الله (أصلا ما في وقت لأكتر من هيك😂).
شوفوهم بالملفات يلي نزلوا عقناة التخدير فخمين محدد عليهم الفقرات👇
من 1 إلى 6 هنا
من 7 إلى 11 هنا
من 12 إلى 14 هنا

_نوطة التسممات مندرسها من أدرينالين

_أو كحل إسعافي من اكسترا الفنغر فيو فقرات الدورات

ودورات د.سلوم فعليا بينحل كلشي.

🔸قسم د.مرجان 9 صفحات بس ، درسوها أضمن وركزوا على فقرات الدورات وفي ملخص اذا بدكم كافي 👌 هنا

_يلي بدو النوطة pdf هنا

🔸قسم د.بساطة 17 ص ، حسب ما شفنا بالدورات لهالقسم حرفيا عم يتكرروا 😁 مع تبديل شوية خيارات
ف يلي ماعندو وقت يكتفي بالدورات.
_نوطة pdf هنا

ودورات هالقسمين بينحلوا كلهم.

بالتوفيق جميعا إن شاء الله 🌸😁.

#الخلاصة

🔹الأبواب المسجلة حاليا (مهمة كتير) :
أول 6 أبواب + البابين 8 و10.

🔹الأبواب الغير مهمة حسب الدورات بيجي منن عدد قليل جدا7_9_18_19
هدول مارح نسجلن وإن شاء الله تكون الدورات كافية

🔹بقي مهم من الباب 11لل16 هدول إن شاء الله رح نحاول نسجلن كلن بكرا وإن ما قدرنا كلنا معظمن إن شاء الله.

🔸ومنذكر أنو الخطة B أي فصل ما بيلحق درسوا دوراتو وخياراتو.

دعواتكم 🌸

#الخلاصة

🔹الامتحان صور من السلايدات مع سؤال عن التشخيص (بدون حالة بس صورة ومابدو لا قصة سريرية ولا علاج)
لذلك لا تتعبوا حالكم بترجمة كل محتوى السلايدات بس بلزمكم صورة وتشخيص
.
15 سلايد بنعرضو مع خيارات بالعربي
عم يعرضوا الشغلات المميزة لاتقلقوا👌😌

+ ممكن يجي اي صورة من السلايدات مثلا منظار قعر العين مباشر او غير مباشر
وكمان جابوا سؤال صورة عن اختبار الدمع (هي من النظري).

مو دائما بتجي نفس صور السلايدات ممكن يغيرو بس بشكل عام اغلبن واضحين
+ الخيارات اجت عربي كلا 😅

🔹موجود صور مفيدة وملفات صور مساعدة للحالات نقلا عن الدفعات السابقة تحت البوست فوق.

#موفقين 🌸

#ستاج_أطفال1 #الخلاصة 🔥🔥
بالترتيب بتدرسوا 👇🏻

1⃣ أول شي بتدرسوا تفريغ الستاج رح نبعت ملفين شفناهم أفضل شي👌 بتحفظوا حالة متمكنين منها بتدرسوا أسبابها يفضل ترجعوا لمحلها من النظري (غالب الحالات هنن نوطة الأمراض الإنتانية عند الأطفال يعني قسم د.قبلاوي)

2⃣ تاني شي بتحلوا دورات ألفابيت (عم يشتغلوا ع ملحق شامل اليوم بخلص إن شاء الله )

3⃣ تالت شي بتدرسوا ملحق المقاربات أربسيز.

4⃣ رابع شي (للنيردات) يلي لحق يدرس نظري خلال الستاج يراجعوا أضمن 😅 لأنو المقابلة مو معروف ع شو بركزوا.

#موفقين