تگلي الزعل منك مرة مني
شوكت سامع حچاية مُرة مني
حضن حاضن سهامك من رمنّي
لأن ريحة من ايديك اطبعن بية

ما يحجي الورد بس ينعرف ذبلان

من جربت اعدلك عاينت للساس
ومبينة النتيجة وچنت ضامنها
اعوج من اساسك
وانة اعدلك جاي
اليزرع گاع صبخة شينتظر منها

ضيعتني بكثر ما دورت عنّك
وخوفتني بكثر ما امّنت بيك
وتعبتني بكثر ما ريّحت بالك
وزعلتني بكثر ما راضي عليك
وغربتني بكثر ما خليت راسك على متوني
ليش هيچ تسوي وتخيّب ظنوني
احلى من عيون امك چانت تشوفك عيوني

يگلك

بضميرك هسة هاي حچاية تحچيها
دمعتي بهيچ موقف وين اودّيها

بيعي دمعتج

ياهو يشتري

يموت يموت!!!!!

روح
ما امنعك حبيبي وداعتك
لأي مكان يعجبك وبيه راحتك
الله موجود وبدونك ما اموت
وياهو گلك راح اضل بعازتك
بس اريدك تذكر ايام الدلال
البيها عيّشتك عمر فوگ الخيال
وانة للشمات ابد ما راح اگول
انت بشّرهم واخذها بشارتك
روح، ما امنعك حبيبي وداعتك

انتَ ما ترهم غريب
شلون خلّيتك ولف
وانة غلطان اعترفلك
غلطة الشاطر حياته
ياهو گلك غلطة الشاطر بألف؟

بكلشي ضحيت وبقيت مناطرك
عمري ضيعته حبيبي لخاطرك
من عفتني انت گلي شحصلت
واني الك اقرب من احساسك چنت

هيچ تجازي حبيبي الطيبة؟
اليحبك تفرح بتعذيبه
كلشي من عندك حبيبي توقعت
الا تهجرني ابد ما فكرت

وراح اروحن منّك وماتلگة اثر
راح اروحن بالضبط مثل العطر
وراح ترجع تعتذر بس مدري ليش
يكتل اهل البيت ويصلّي الشمر!
وراح تفهمني غلط مو صوچي هاي
اني گتلك انتَ حُر مو انتحر
تروح تنصب چادر لنورس يموت؟
انتَ لو تعرف تحب تنصب نهر

وفيت واني ادري راح اني اطلع الغلطان
خليت گلبي بإيدك تالي رجعت ندمان

چنت سرّك حبيبي وسولفتني