#назм

Ошкора сўрайман, зимдан сўрайман,
Ёлвориб сўрайман,чиндан сўрайман.
Раббим, Сендан бўлак сўровчимда йўқ,
Сендан сўрамасам кимдан сўрайман!

Хайруллоҳ


@imamul_huda

#назм

Дарахт ҳайрон эди бир ҳолга хаста,
Уни турфа йўлда ишлатди уста.
Бир учи бешикка аталган бўлса,
Бир учи тобутга бўлганди даста.


https://t.me/imamul_huda

#назм #ибрат

ҚОЛГАНЛАРГА САЛОМ ЎЛСИН

Биз дунёдан кетар бўлдик,
Қолганларга салом ўлсин.
Бизнинг учун эзгу дуо
Қилганларга салом ўлсин.

Ажал букар белимизни,
Сўйлатмайин тилимизни,
Бемор эдик, ҳолимизни
Сўрганларга салом ўлсин.

Таним ошкор очилгайдир,
Ёқасиз тўн бичилгайдир,
Бизни ўпгай бир важҳ ила
Ювганларга салом ўлсин.

Азроил олгайдир жонимиз,
Қурир томирда қонимиз,
Ёйиб, танга кафанимиз
Урганларга салом ўлсин.

Кетар бўлдик Дўстимизга,
Етолмадик қасдимизга,
Намоз учун устимизда
Турганларга салом ўлсин.

Бунда ҳар ким кетмай нетар
Борса келмас йўлга кетар,
Бизнинг ҳолимиздан хабар
Олганларга салом ўлсин.

Мискин Юнус сўзлар сўзи,
Қонли ёшга тўлмиш кўзи,
Билмаган не билсин бизи
Билганларга салом ўлсин!

Юнус Эмро
https://t.me/imamul_huda