‍ 🌸نام اور القاب
حضرت زینب (سلام اللہ علیہا) کی ولادت با سعادت مدینہ منورہ میں ۵ جمادی الاول۵ہجری قمری میں ہوئی ۔ #امیر_المومین_ علی(علیہ السلام) کی بیٹی کہ جو انکے لئیے زینت تھیں کا نام نامی خود #رسول_اکرمﷺ نے زینب رکھا۔ حضرت زینب(علیہا السلام) کے نام اور القاب سے اندازہ ہوتا کہ #ائمہ_معصومین (علیہم السلام) کے نزدیک آپ کی کتنی عظمت و جلالت تھی۔ آپ کے القاب میں سے #عقیلہ_نبی_ہاشم، #عالمہ_غیر_معلمہ، #کاملہ، #فاضلہ مشہور ہیں۔
🌿یقینا یہ دن خاندان عصمت و طہارت (علیہم السلام)کے لئے خوشی کا دن ہےاور اسی لئے اہلبیت (علیہم السلام) کے #شیعہ بھی مسرور ہیں کیونکہ آج علی (علیہ السلام) اور فاطمہ (علیہا السلام) کے گھر میں #محبوبہ_مصطفی، قرۃ عین مرتضی، نائبۃ الزہرا اور شریکۃ خامس آل عبا ،حضرت زینب کبری سلام اللہ علیہا کی ولادت ہوئی ہے۔
✅#حضرت_زینب_کا_علم
اس میں کوئی شک نہیں کہ آپ کی تربیت صاحب منبر سلونی نے کی تھی لہذا آپ کے علم کا مرتبہ بھی اسی درجہ کمال پر ہے اور اسی لئے امام معصوم حضرت سجاد (علیہ السلام) نے فرمایا[ أَنْتِ بِحَمْدِ اللَّهِ عَالِمَةٌ غَيْرُ مُعَلَّمَةٍ فَهِمَةٌ غَيْرُ مُفَهَّمَة]‏ اے پھوپی امّاں آپ بحمد اللہ ایسی عالمہ ہیں کہ جسکا کوئی استاد نہیں اور ایسی با فہم ہیں کہ آپ کو کسی سمجھانے والے کی ضرورت نہیں۔
حضرت فاطمہ زہرا (علیہا السلام) کے بعد آپ نے ہی مسند علمی کو سمبھالا شہر مدینہ ہو یا کوفہ خواتین کے درمیان علمی محافل کو سجائے رکھا۔
شہر کوفہ آپ کی دو خصوصیات کو کبھی نہیں بھول سکتا ایک آپ کے درس و تدریس کا سلسلہ کہ جہاں علم تفسیر قرآن، احکام شریعت اور آداب اسلامی کی تعلیم دی جاتی تھی اور دوسری وہ یاد کہ جب اسی شہر میں آپ اسیر کر کے لائی گئیں تھیں۔آپ نے پوری عمر علم و معرفت کے چراغ روش کئے اور لوگوں کو گمراہی سے نجات دلائی۔


#حضرت_زینب_سلام_الله_علیها
#ولادت #زینب_کبری_علیہاالسلام
#شیعه #آنلائن #مدرسہ_علمیہ #حوزہ_علمیہ #آنلاین_تعلیم #حوزوی_دروس
#امام_صادق_آنلائن_مدرسہ


#Zainab #Hadees #Madresa #OnlineMadresa #ShiaOnlineMadresa #ImamSadiqOnlineMadresa #Shia #Ziyarat

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

امام صادق علیہ السلام نے اس آیت کے سلسلہ میں [بلکہ یہ روشن نشانیاں ان کے سینوں میں ہیں جنہیں علم دیا گیا ہے ] (عنکبوت ۴۹)، اپنے سینے پر ہاتھ رکھ کر اشارہ فرمایا۔
(أصول کافی، کتاب الحجۃ، حدیث ۵۵۲)

#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ #حدیث #اہلبیت #رسول_اللہ #اصول_کافی #حدیث #روایات #حدیث_معصومین

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

‍ ▪️➖▪️السَّلاَمُ عَلَیْکِ أَیَّتُهَا الْمَظْلُومَة الْمَغْصُوبَة ▪️➖▪️

◾️مدینہ سوگوار ہے
#رسول_اکرم ﷺ کی شہادت کو پچھتر دن گزر گئے اور #مدینہ کی مسجد سونی ہے۔مونین حبیب خدا ﷺ کے فراق میں محزون تھے کہ شہر مدینہ میں ایسا ظلم ہوا کہ اگر روشن دن پر یہ ستم ہوتا تو تاریک رات میں بدل جاتا۔ اس شہر کے لوگوں نے ایک بیٹی کو باپ کا غم نہیں منانے دیا، ایسی بیٹی جو #سیدہ_نساء_العالمین تھیں، رسول خداﷺ کی لخت جگر تھیں، جو #امیر_المومنین (علیہ السلام) کی زوجہ تھیں ، جو جنت کے جوانوں کے سردار کی ماں تھیں۔ ظلم و ستم کی انتہا اس وقت ہو گئی کہ جب ظالموں نے خانہ وحی کو نذر آتش کردیا، وہ گھر جہاں وحی نازل ہوتی تھی، وہ دروازہ جہاں #جبرئیل_امین ادب سے اذن دخول لیتے تھے، وہ مکان جہاں رسول اللہﷺ آکر اشارہ کر کے سلام کرتے تھے اور فرماتے تھے السلام علیک یا اہل بیت النبوۃ۔۔۔

🔳مادر کی جدائی
مولا علی (علیہ السلام) نے سب کو اکھٹا کیا تاکہ خاتون جنت کے آخری دیدار کریں، ارشاد فرمایا ام کلثوم، زینب، سکینہ، حسن، حسین، فضہ آو اور الوداع کہو رخصت ہو لو کہ اب تم اپنی ماں سے جنت میں ہی ملاقات کرو گے!
بے چینی کا عالم ہے بچے ماں کے جنازہ سے لپٹ کر رخصت ہو رہے ہیں کہ اسی اثنا ہاتف غیبی نے صدا دی اے #ابا_الحسن (علیہ السلام) ملائکہ حسنین (علیہماالسلام) کا گریہ نہیں دیکھ سکتے بچوں کو ماں سے جدا کر دیجئے۔
اہل زمین کے ساتھ اہل آسمان بھی غم گین ہیں، ملائکہ صف لگائے خانہ وحی پر تعزیت کے لئے کھڑے ہیں لیکن حضرت زہرا (علیہا السلام) کی وصیت کے مطابق جنازہ رات کی تاریکی میں اٹھایا جا رہا ہے، امت میں سے بس کچھ کو یہ سعادت ملی کی شہزادی کونین کے جنازہ میں شریک ہو سکیں اور باقی کسی کو اجازت نہیں تھی کیونکہ حضرت زہرا (علیہا السلام) ناراض تھیں۔

◾️منتقم (عج) حضرت فاطمہ کا انتظار
آج ہم سب یتیم ہو گئے ، اب یہ اہم نہیں کہ پچھتر دن کی روایت مانی جائے یا پچانوے دن کی، اہم یہ ہے کہ #منتقم خون حضرت فاطمہ زہرا(سلام اللہ علیہا) #امام_عصر (عجل اللہ تعالی فرجہ الشریف) کے ظہور کی دعا کرین اور تاکہ عدالت قائم ہو سکے ظلم و ستم کا اس دنیا سے خاتمہ ہو جائے اور ظالمین کو انکے کیفر کردار تک پہنچا دیا جائے۔

#حضرت_زینب_سلام_الله_علیها
#شہادت #فاطمہ_الزہرا
#شیعه #آنلائن #حوزہ_علمیہ #آنلاین_تعلیم #حوزوی_دروس
#امام_صادق_آنلائن_مدرسہ


#Fatima #Shahadat #Madresa #OnlineMadresa #ShiaOnlineMadresa #ImamSadiqOnlineMadresa #Shia

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

‍ امام صادق علیہ السلام آنلائن شاپ کا افتتاح

تمام طلاب اور معارف اسلامی کے شائقین کے لئے ’امام صادق علیہ السلام بین الاقوامی ادارہ‘ یہ اعلان کرتے ہوئے فخر محسوس کر رہا ہےکہ طلاب کی ضروریات کے پیش نظرجومسلسل دروس حوزوی تک رسائی کی درخواست کرتےہیں نیز دروس حوزوی کی نشر واشاعت کے بھاری اخراجات فراہم کرنے کے لئے ایک آنلائن شاپ کا آغاز کر رہا ہے۔

حوزوی علوم کی نشر و اشاعت کے سلسلہ میں دروس کی سی ڈی وغیرہ تیار کرکےمخاطبین کو بھیجنے کی مالی اخراجات اور دیگردشواریوں کو مدنظر رکھتے ہوئے ’امام صادق علیہ السلام بین الاقوامی ادارہ‘ نے آنلائن شاپ کو شروع کرنے کا فیصلہ لیا تاکہ دروس کی خریداری کو آسان بنایا جا سکے ۔ امام صادق علیہ السلام آنلائن مدرسہ کی شاپ کے ذریعہ آپ آڈیو اور ویڈیو فارمیٹ میں دروس کو خرید سکتے ہیں نیز دروس کی تلخیص اور کتب وغیرہ بھی دستیاب ہیں۔

نوٹ: وہ عزیز طلباء جوتمام یا مختلف دروس کو پڑھ رہے ہیں، انہیں ہر مرحلہ کے دروس تک مفت رسائی حاصل ہے، اور امتحانات میں کامیاب ہونے کی صورت میں ، وہ اعلیٰ مراحل کے دروس تک رسائی حاصل کر سکیں گے،
البتہ دروس کی آڈیو اور ویڈیو حاصل کرنے کے لئے مدرسہ کی شاپ سے رجوع کر سکتے ہیں۔

سائٹ کا آیڈریس: imamsadiq.tv/shop/en
#امام_صادق_آنلائن_شاپ #آنلائن_شاب #حوزوی_دروس #شیعہ_دروس #خریداری #امام_صادق_بین_الاقوامی_ادارہ

#OnlineShop #ImamSadiqOnlineSeminaryShop #Madresa #OnlineMadresa #ImamSadiqInternationalInstitute #ImamSadiqOnlineMadresa #Shia

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

‍ 🏴رسول اللہﷺ کے جدّ اور نبوت کےحامی جناب عبد المطلب(علیہ السلام) کی وفات پر تعزیت پیش کرتے ہیں۔
🔳عبد المطلب علیہ السلام
حضرت عبد المطلب(علیہ السلام) کا نام #شیبہ تھا اور انکی کنیت #ابوالحارث تھی۔آپ کے والد کا نام #ہاشم اور مادر گرامی کا نام #سلمی تھا۔ تاریخ میں ملتا ہے کہ جناب جناب عبد المطلب(علیہ السلام) کمسنی کے دوران اپنے چچا #مطلب کے ساتھ مکہ آئے اور جب مکہ کے لوگوں نے دیکھا کہ مطلب کے ساتھ ایک بچہ ہے تولو گوں نے یہ سمجھا کہ یہ بچہ مطلب کا غلام ہے لہذا اس دن سے لوگ انکو عبدالمطلب(مطلب کا غلام) بُلانے لگے اور اس طرح یہ نام مشہور ہو گیا۔
🔹حضرت عبد المطلب کی سنتیں اور اسلام کی تایید
حضرت عبد المطلب (علیہ السلام) نےالہی اور توحیدی دین کو رائج کرنے کی کوشش جاری رکھی اور آپ نے اپنے زمانے میں بہت سے کاموں کو رائج کیا کہ جسکو اسلام نے بھی قبول کیا۔ رسول اکرم ﷺ نے امام علی (علیہ السلام) سے فرمایا کہ عبد المطلب (علیہ السلام) نے اپنے زمانے میں پانچ سنتیں رائج کی تھیں کہ جنکو اسلام نے بھی اپنایا۔ پہلی سنت یہ کہ انہوں نے باپ کی ازواج کو بیٹے پر حرام قرار دیا، انکو جب زمین سے خزانہ ملا تو اس میں سے پانچواں حصہ نکال کر خدا کی راہ میں صدقہ دیا اسلام نے بھی خمس کا حکم دیا، آپ نے زمزم کا کنواں کھودا اور #سقایۃ_الحاج (حاجیوں کی سیرابی ) کے عنوان سے مشہور ہوئے قرآن نے بھی اس کو مانا، جناب عبدالمطلب (علیہ السلام) نے ایک مرد کے قتل کا دیہ سو اونٹ رکھا اور اسلام نے بھی اسی کو قبول کیا اور جناب عبد المطلب(علیہ السلام) نے طواف کعبہ کے سات چکر معین کئے اسلام نے بھی اسی کو #حج کے لئے واجب قرار دیا۔
🔳آخری لحظات
حضرت رسالتمآب ﷺکی عمر آٹھ سال کی تھی کہ ماں اور باپ کی وفات کے بعد حضرت عبد المطلب (علیہ السلام) کی جدائی کا داغ بھی اٹھانا پڑا۔ حضرت عبد المطلب (علیہ السلام) نے بستر علالت پر اپنی زندگی کے آخری لحظات میں جناب ابوطالب (علیہ السلام) سے وصیت کی کہ حضرت محمد مصطفیﷺ کا خاص خیال رکھیں اور دنیا سے رخصت ہو گئے۔

امام صادق (علیہ اسلام) آنلائن مدرسہ حضرت عبد المطلب (علیہ السلام) کی وفات پر تمام مونین کی خدمت میں تسلیت پیش کرتا ہے۔

#Wafat #Hadees #Madresa #OnlineMadresa #ShiaOnlineMadresa #AbdulMuttalib #ImamSadiqOnlineMadresa #ImamSadiqOnlineSeminary #Shia

#وفات #عبد_المطلب #امام_صادق #شیعه #آنلائن #حوزہ_علمیہ #آنلاین_تعلیم #حوزوی_دروس #امام_صادق_آنلائن_مدرسہ

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

🔴 *Online Khamsa e Majalis Fatemi s.a.*

🗓 *3 - 7 January*

*Time*
🇰🇼 5:30 PM
🇮🇷 6 PM
🇮🇳 8 PM
🇵🇰 7:30 PM

All momineen and mominaat are requested to attend on The Ark Foundation/Imam Sadiq a.s. online Seminary's YouTube channel.

Min janab -
*Imam Sadiq a.s. Online Seminary* &
*The Ark Foundation*

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

‍ 🔳۲۹ جمادی الاول جب آتی ہے تو زیارت آل یاسین، دعائے سمات اور افتتاح کے عرفانی مضامین ہمکو تاریخ اسلام کی ایک عظیم شخصیت کی یاد دلاتے ہیں۔ وہ شخصیت جو #امام_عصر (عجل الله تعالی فرجہ الشریف) کے #سفیر تھے وہ جو مورد اطمینان تھے، آج #جناب_محمد_بن_عثمان_عَمری کی تاریخ وفات ہے کہ جو حضرت صاحب العصر و الزمان(عجل الله تعالی فرجہ الشریف) کے #دوسرے_سفیر تھے۔
☑️محمد بن عثمان اور انکے والد #عثمان_بن_سعید رحمة اللہ علیہما دونوں #امام_حسن_عسکری (علیہ السلام) کے معتمد تھے اور امام (علیہ السلام) کی شہادت کے بعد یہ افتخار بھی ملا کہ اللہ تبارک و تعالی کی آخری حجت #منجی عالم بشریت حضرت صاحب العصر و الزمان(عجل الله تعالی فرجہ الشریف) کے سفیر بنے۔
جناب محمد بن عثمان(رح) امام کے وکیل بنے اور شیعوں کی مشکلات، فقہی اور اعتقادی مسائل کو امام (عجل الله تعالی فرجہ الشریف) سےبیان کر کے آپ کے چاہنے والوں تک جوابات پہنچایا کرتے تھے اور اس طرح #مومنین اور امام (عجل الله تعالی فرجہ الشریف) کے درمیان رابطہ برقرار رہا۔
🔘جناب محمد بن عثمان کا مرتبہ
جناب محمد بن عثمان کا اتنا عظیم مرتبہ تھا کہ امام زمانہ (عجل الله تعالی فرجہ الشریف) نے اپنی #توقیع مبارک میں آپ کے لئے اس طرح تحریری فرمایا: آپ کے والد کے لئے سعادت کی نشانی ہے کہ انکو آپ جیسا بیٹا ملا اور آپ انکے جانشین قرار پائے۔۔۔یقینا خداوند عالم کے نزدیک آپ کے مقام اور منزلت کی خاطر شیعوں کے دل مسرور ہوں گے۔۔۔
🏴آپ کی وفات
بتایا جاتا ہے کہ جناب محمدبن عثان عمری کو اپنی وفات کا وقت معلوم تھا اور انہوں نے اپنے لئے قبر تیار کر لی تھی اور جب انسے پوچھا جاتا تھا کہ آپ قبر کیوں بنا رہے ہیں تو فرماتے تھے کہ مجھے حکم ملا ہے کہ اپنے کاموں کو سمیٹ لوں کیوں کہ دو مہینہ بعد میں اس دنیا سے گذر جاوں گا اور قضائے الہی سے دو ماہ بعد ایسا ہی ہوا۔ آپ کو اپنی والدہ کے مزار کے قریب بغداد میں سپرد خاک کیا گیا۔
خداند کریم ہم سب کو انکی راہ پرچلنے یعنی امام عصر (عجل الله تعالی فرجہ الشریف) کی اطاعت کی توفیق عطا فرمائے۔

#Wafat #NaebImam #MuhammadBinUsmanAmri #Madresa #OnlineMadresa #ShiaOnlineMadresa #AbdulMuttalib #ImamSadiqOnlineMadresa #ImamSadiqOnlineSeminary #Shia

#وفات #امام_زمان #نائب_خاص #شیعه #آنلائن #حوزہ_علمیہ #آنلاین_تعلیم #حوزوی_دروس #امام_صادق_آنلائن_مدرسہ

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

‍ ◼️◾️▪️#ایام_فاطمیہ کی آمد ہے اور مومنین کے قلوب غمگین ہیں یقینا یہ #سوگواری کے ایام عاشورا سے کم نہیں۔ عاشورا میں اگر بیٹے کا غم ہے تو ایام فاطمیہ میں ماں کا غم ہے اور یہ دونوں دن یوسف زہرا امام مہدی (عجل اللہ تعالی فرجہ الشریف) کے لئے مصیبت کے دن ہیں۔
جس طرح #عاشور کے دن کربلا کا دردناک منظر امام زمانہ (عجل اللہ تعالی فرجہ الشریف) کی نظرون کے سامنے آجاتا ہے ویسے ہی ان ایام میں بھی مدینہ میں زہراء مرضیہ (علیہا السلام) کے گھر کا جلتا ہوا دروازہ، #مولا_علی (علیہ اسلام) کے گلے میں بندھی رسن، #حضرت_محسن (علیہ السلام) کا شہید ہونا۔۔۔ یہ المناک مناظر بھی امام کے لئے تازہ ہو جاتے ہوں گے۔
🏴یقینا آج کے دن وقت کے امام (عجل اللہ تعالی فرجہ الشریف) کو اگر ڈھونڈنا ہو تو مولا ایک ہی جگہ ملیں گے اور وہ جگہ مدینہ میں بنت رسول(علیہا السلام) کی ویران قبر ہے۔

◼️◾️▪️امام صادق (علیہ السلام) آنلائن مدرس تمام مومنین کی خدمت میں ایام فاطمیہ(سلام اللہ علیہا) کی مناسبت سے تعزیت پیش کرتا ہے۔

#حضرت_فاطمہ_سلام_الله_علیها
#شہادت #فاطمہ_الزہرا
#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

#اعتقادی_سوال
کیا کسی #شفاعت کرنے والے کی شفاعت کا مطلب یہ نہیں ہے کہ وہ #اللہ_تعالی سے زیادہ #مہربان ہے۔
💐شفاعت اللہ تعالی کا #فیض ہے، لہذا اس فیص کا سرچشمہ خود ذات باری تعالی ہے اور شفیع اللہ کی اجازت سے اس فیض کو پہنچانے کا واسطہ بنتا ہے۔ اسکا مطلب یہ ہے کہ خداوند عالم نے #پیغمبروں، #علماء اور #شہداء کو یہ اجازت دی ہے کہ وہ لوگوں تک اسکا فیض پہنچائیں ۔
🌸اب جب یہ معلوم ہو گیا کہ اولیاء الہی جو شفاعت کرتے ہیں وہ خود اللہ کی عطا کردہ صلاحیت ہےاور یہ حضرات فقط واسطہ ہیں ، تو یہ بات بھی واضح ہو جاتی ہے کہ شفاعت کرنے والوں کی رحمت اللہ تعالیٰ سے زیادہ نہیں ہو سکتی۔
شفاعت بھی اللہ کی رحمت کے در کا نام ہے جسکو اللہ تعالی نے اپنے اولیاء کے ذریعہ لوگوں کے لئے کھولا ہے تاکہ ہر در سے لوگ اسکے فیض سے مستفیض ہوں۔


#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ #حدیث #اہلبیت #دینی_معلومات

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

‍ ⚫️#کربلا کے واقعہ کے بعد جب کاروان مدینہ آیا اور #ماں کو بیٹوں کی شہادت کی خبر دی گئی اور کیفیت شہادت کو بیان کیا گیا تو سب با آواز بلند گریہ کرنے لگے لیکن ماں کا صرف یہ سوال تھا کہ میرے #حسین (علیہ السلام) کے بارے میں باتاو۔۔۔#بشیر #حضرت_عباس(علیہ السلام) کی شہادت کی خبر دیتا تھا لیکن ماں صرف یہ پوچھتی تھی کہ میرے آقا حسین (علیہ السلام) کیسے ہیں۔۔۔؟ حضرت عباس (علیہ السلام) کی ماں جناب #امّ_البنین (علیہا السلام) امام کی محبت اور ولایت میں ایسا ڈوبی ہوئی تھیں کہ صرف امام حسین (علیہ السلام) کی سلامتی کا خیال تھا۔

🏴آج اسی #ماں_کی_شہادت کا دن ہے کہ جو اپے بیٹوں کو نہ روئیں اور زندگی بھر امام حسین (علیہ السلام) کے غم میں مرثیہ پڑھا۔

🔳آپ کا نام #فاطمہ اور لقب امّ البنین (علیہا السلام) ہے۔ آپ کے والد #حزام بن خالد بن ربیعہ ،جو ایک معروف خاندان سے تھے۔ آپ مولا علی(علیہ السلام) کی زوجہ تھیں اور آپ کوحضرت فاطمہ(علیہا السلام) کے بچوں کی خدمت کا شرف بھی ملا۔ اہلبیت(علیہم السلام) کے درمیان آپ کی بہت عظمت ہے اور مومنین اپنی حاجتوں کے لئے آپ سے توسل کرتے ہیں۔
ان پاک دامن بی بی نے اپنی پوری عمر کو حضرت فاطمہ (علیہا السلام) کے بچوں کی خدمت کے لئے وقف کر دیا تھا یہاں تک کہ اپنے چاروں بیٹوں کو امامت کی راہ میں قربان کردیا۔
سن 69 ہجری میں جناب امّ البنین (علیہا السلام) کی وفات ہوئی اور آپ کو چار معصوم اماموں (علیہم السلام) کے قریب #قبرستان_بقیع میں سپرد خاک کیا گیا۔

#حضرت_ام_البنین #شہادت #فاطمہ_الزہرا #شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ

🌐 imamsadiq.tv/ur
📧 Urdu@imamsadiq.tv
facebook.com/imamsadiq.ur
Instagram.com/imamsadiq_ur
https://t.me/imamsadiq_ur
WhatsApp: +98-9197786110

‍ 📍 کتنا عظیم اور فضیلتوں والا مہینہ ہے ماہ #رجب کہ جسکا آغاز خوشی کےساتھ ہے ۔اسکی پہلی تاریخ #باقر_العلوم (علیہ السلام) سے وابستہ ہے یعنی علم اور معرفت کے سمندر سے منسوب ہے، #حلم اور #صبر کے مظہر سے وابستہ ہے۔

💐 #امام_باقر (علیہ السلام) سلسلہ #امامت اور #ولایت کی پانچویں کڑی ہیں اور آپ کی ولادت با سعادت پہلی رجب سن ۵۷ ھ میں ہوئی۔
آپ کا شرف یہ ہے کہ والد ین کی طرف سے علوی اور فاطمی ہیں،یعنی آپ کے والد #امام_زین_العابدین (علیہ السلام) اور والدہ #امام_حسن_مجتبی(علیہ السلام) کی بیٹی ہیں، دوسرے الفاط میں آپ حسنی بھی ہیں اور حسینی بھی ہیں۔

🌼 #محمد_بن_مسلم کی روایت ہے کہ ایک دن میں نے امام (علیہ السلام) سے عرض کیا کہ مولابہت سے لوگ ہیں جونہایت خلوص اور سنجیدگی سے عبادت اور بندگی کرتے ہیں لیکن آپ اہلبیت (علیہم السلام) کی ولایت نہیں رکھتے اور حق کو نہیں پہچانتے، کیا یہ خضوع اور خشوع والی عبادتیں انکو فائدہ پہنچائیں گی؟
💬امام باقر (علیہ السلام) نے فرمایا کہ اے محمد! اہلبیت پیامبر ﷺ کی مثال اس قوم میں ایسی ہے کہ جیسے اللہ کے نبی عیسیٰ (علیہ السلام) کی مثال بنی اسرائیل کے درمیان تھی۔
🔸بنی اسرائیل میں ایک گھر تھا کہ جسکے تمام لوگوں نے چالیس دن تک عبادت کی تاکہ انکی دعا قبول ہو جائے اور ایسا ہی ہوا کہ انکی دعا قبول ہو گئی، لیکن اسی گھرانے کے ایک فرد نے چالیس دن عبادت کی لیکن اسکی دعا مستجاب نہیں ہوئی۔ وہ شخص حضرت #عیسیٰ (علیہ السلام) کے پاس آیا اور اس کیفیت کو بیان کیا ، حضرت عیسیٰ (علیہ السلام) نے اس شخص کے متعلق خداوند عالم سے دریافت کیا۔
پروردگار عالم نے فرمایا، اے عیسیٰ میرے اس بندے کو جس در سے آنا چاہئے اس در سے داخل نہیں ہوا بلکہ کسی اور در سے آنےکی کوشش میں تھا کیونکہ اسکے دل میں تمہاری نبوت کی نسبت شک ہے۔
اگر یہ بندہ اسی حالت میں اتنی دعا کرے کہ عبادت کی کثرت سے اسکی گردن شکستہ اور انگلیاں ٹوٹ جائیں تب بھی اسکی دعا قبول نہیں ہو گی۔
حضرت عیسیٰ (علیہ السلام) نے اس شخص سے فرمایا کہ تم خدا کو تو پکارتے ہو لیکن اسکے نبی کی نبوت کے بارے میں شک کرتے ہو!؟
اس نے کہا کہ ہاں آپ نے صحیح فرمایا، آپ خداوند عالم سے دعا کرئے کہ مجھےمعاف کرے اور میرے دل سے آپ کی نسبت شک کو دور کر دے۔
حضرت عیسیٰ (علیہ السلام) نے اسکے لئے دعا کی اور اللہ تعالیٰ نے دعا قبول کرلی اور اسکو معاف کر دیا۔
🟢امام صادق (علیہ السلام) آنلائن مدرسہ تمام مومنین کی خدمت میں اس پر مسرت موقع پر تبریک و تہنیت پیش کرتا ہے۔


#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
🟪t.me/imamsadiq_ur
🟦facebook.com/imamsadiq.ur
🟧instagram.com/imamsadiq_ur
🟩WhatsApp: +98-9197786110

‍ #احمد_بن_داود سے روایت ہے کہ: میرے پاس بہت زیادہ مقدار میں #خمس اور دیگر رقومات جمع ہو گئی تھیں اور میں اس #امانت کو #امام_ہادی (علیہ السلام) کی خدمت میں پیش کرنے کے لئے عازم سفر ہوا ، راستہ میں مجھے ایک اونٹ پر سوار شخص ملا جس نے مجھ کو روک کر ایک خط دیا اور کہا کہ یہ خط تمہارے #مولا #امام_علی_النقی (علیہ السلام) کی طرف سے ہے اور اس خط میں تمہارے لئےپیغام ہے۔
خط میں لکھا تھا: اے داوود آج کی رات میری آخری رات ہےاور میں سوئے الہی جا رہا ہوں لہذا تم احتیاط سے کام لینا اور میرے فرزند #حسن (علیہ السلام) کے پیغام کے منتظر رہنا۔
احمد بن داود کہتے ہیں کہ اس ناگوار خبر کو سننے کے بعد بہت افسوس ہوا اور بہت گریہ کیا۔
امام (علیہ السلام) نے حق فرمایا تھا اور تین رجب سن ۲۵۴ ہجری کو آپ (علیہ السلام) کی #شہادت ہو گئی۔ وقت کے #حاکم #معتمد_عباسی نے امام (علیہ السلام) کو نہایت مظلومیت اور غربت کے عالم میں #شہید کروادیا اور تمام #شیعیان کو سوگوار کر دیا۔
#امام_صادق (علیہ السلام) آنلائن مدرسہ آسمان امامت کی دسویں کڑی امام علی النقی #الہادی (علیہ السلام) کی شہادت پر#امام_عصر (عجل اللہ تعالٰی فرجہ الشریف) اور تمام مومنین کی خدمت میں تعزیت اور تسلیت پیش کرتا ہے۔


#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
t.me/imamsadiq_ur
facebook.com/imamsadiq.ur
instagram.com/imamsadiq_ur
WhatsApp: +98-9197786110

‍ 💐آسمان #ولایت کے نویں خورشید تاباں #امام_محمد_تقی (علیہ السلام) کی پر مسرت #ولادت سے سلسلہ امامت مزید نورانی ہو گیا اور شک و شبہات کی گمراہ کن فضاجو دشمنوں نے بنائی تھی ختم ہو گئی جسکے نتیجہ میں #واقفیہ جیسے فرقے ختم ہوتے گئے۔

بابرکت فرزند
🌺 #ابو یحییٰ_صناعی جو کہ #امام_رضا (علیہ السلام) کے انصار میں سے تھے، نقل فرماتے ہیں:ایک دن میں امام رضا (علیہ السلام) کی خدمت میں تھا کہ امام (علیہ السلام) نے اپنے کم سن فرزند امام محمد تقی #الجواد (علیہ السلام) کو بلایا اور فرمایا
هذَا الْمَوْلُودُ الَّذی لَمْ یُولَدْ مُوْلُودٌ اَعْظَمُ بَرَکَةً عَلی شیعَتِنا مِنْهُ (1)
یہ فرزند بہت #بابرکت ہے اور اس سے زیادہ با برکت میرے #شیعوں کے لئے کوئی نہیں ہے۔

مقام امامت
🌷امام محمد تقی (علیہ السلام) تنہا امام ہیں جو کم سنی کے عالم میں مقام #امامت پر فائز ہوئے اور آپ(علیہ السلام) کے دشمنوں نے کمسنی کو بہانہ بنا کر اعتراضات اور شبہات ڈالنا شروع کئےتاکہ آپ کی امامت کے بارے میں لوگ شک کرنے لگیں، لیکن آپ(علیہ السلام) کے علم کا کمال یہ تھا کہ دشمن بھی اعتراف کرنے پر مجبور ہو گئےاور آپ (علیہ السلام)کی عظمت و مقام امامت کے قائل ہو گئے۔
#مامون_عباسی نے امام محمد تقی (علیہ السلام) سے دشمنی میں کوئی کسر نہیں چھوڑی اور ہر قدم پر مکاری سے کام لیتا رہا یہاں تک کہ مختلف مذہبوں اور فرقوں کے بزرگ #علماء سے #مناظرے کروائے لیکن وہ اپنے ناپاک منسوبوں میں ناکام رہا اور امام محمد (علیہ السلام) نےکمسنی میں اپنے علم سے لوگوں کو مبہوت کردیااور دشمن ناکام رہے۔
جب #بنی_عباس کے بزگوں نے مامون پر اعتراض کیا تو اس نے جواب میں کہا کہ میں نے اپنی بیٹی #ام_الفضل کی شادی #محمد_بن_علی (علیہ السلام) سے اس لئے کی ہے کہ میں نے انکوکمسنی کے باوجود تمام اہل علم و فضل سے زیادہ بافضیلت پایا۔ (2)


1- اصول کافی، ج 1، ص 321.
2- موسوعۃ الامام الجواد (ع)، ج 1، ص 360- 363.


#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq_tv
t.me/imamsadiq_ur
facebook.com/imamsadiq.ur
instagram.com/imamsadiq_ur
WhatsApp: +98-9197786110

‍ 🌸 #ماہ_رجب کی ۱۳ تاریخ اور ۳۰ #عام_الفیل کو عرش بریں سے لے کر فرش زمین تک خوشی کا سما تھا آسمانوں پر #ملائکہ اور زمین پر #مومنین خوشیا ں منا رہےتھے کہ #ابوطالب (علیہ السلام) کے گھر میں #اسد_اللہ_الغالب #علی_بن_ابی_طالب(علیہ السلام) کی ولادت ہوئی ہے۔

💐 #ایمان اور ولایت و امامت کی خوشبو سے خانہ کعبہ معطر ہو گیا #کعبہ کی دیوار پھولےنہ سمائی اور خوشی سے مسکرا کر مولود کعبہ کا استقبال کیا دیر نہ ہوئی تھی کہ کعبہ میں رکھے ہوئے بت گرنے لگے کیونکہ بت شکن کی آمد آمد ہے۔

🍃۱۳ رجب، #اللہ کے ولی اور #رسول_اللہﷺ کے وصی #امیر_المومنین علی بن ابی طالب (علیہ السلام)کی ولادت کا دن ہے کہ جنکی تعریف اور تمجید سے ہر زبان قاصر ہے۔کل ایمان،علم کا سمندر، حق کا معیار،شجاعت کی مثال، حکمت کا چشمہ اور ہدایت کاچراغ جن کے وجود سے ہر موجود فیضیاب ہو رہی ہے۔

🌸 رسول اکرمﷺ نےفرمایا کہ اگر اس دنیامیں موجود سمندر کا پانی روشنائی بن جائے اور تمام درخت قلم بن جائیں اور تمام انس اور جن مل کر علی (علیہ السلام) کے فضائل کو جمع کرنا چاہیں تب بھی فضائل جمع نہیں ہو سکتے۔

امام صادق (علیہ السلام) آنلائن مدرسہ تمام مسلمانوں کی خدمت میں اس پر مسرت دن کی تبریک و تہنیت پیش کرتا ہے۔


#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ

🌐imamsadiq.tv/ur
📧 urdu@imamsadiq_tv
http://t.me/imamsadiq_ur
WhatsApp: +98-9197786110

‍ 🏴 #اسلام زندہ ہوتا ہے #کربلا سے اور کربلا زندہ ہے #حضرت_زینب (سلام اللہ علیہا ) سے! 🏴

🔳 آج ۱۴ #رجب کو حضرت زینب (علیہا السلام) اس دنیا سے رخصت ہو گئیں لیکن آپ کا پیغام ہمیشہ باقی رہے گا۔
نقل ہوا ہے کہ جب #ابن_عباس نے چاہا کہ #امام_حسین (علیہ السلام) کو کربلا جانے سے روکیں اور عرض کیا کہ کم از کم بچوں اور عورتوں کو ساتھ نہ لے جائیں۔لیکن جب حضرت زینب(علیہا السلام) نے یہ بات سنی تو جواب دیا کہ کیا آپ چاہتے ہیں کہ ہمارے سید و سردار تنہا اس سفر پر جائیں اور ہم یہاں رہ جائیں، خدا کی قسم ہم انکے ساتھ زندہ ہیں اور انہیں کے ساتھ مریں گےکیوں کہ اس دنیا میں ان سوا ہمارا کوئی نہیں۔

⚫️اور پھر اسی #جذبہ کو کربلا کے میدان میں دیکھایا اور #کوفہ و #شام کے بازاروں میں بھی بتایا کہ #امامت اور #ولایت کا #عقیدہ کتنا قیمتی ہے اورکس طرح اس عقیدہ کی حفاظت کرنا ہے۔
امام صادق (علیہ السلام) آنلائن مدرسہ #صبر و #استقامت کی مثال، #پاسبان_ولایت، #شریکۃ_الحسین(علیہ السلام) حضرت زینب (علیہا السلام) کی #شہادت پر تعزیت پیش کرتا ہے۔خداوند عالم کی بارگاہ میں دعا ہے کہ ہم سب کو اس دنیا میں حضرت زینب (علیہا السلام) کا پیروکار بننے کی توفیق عطا کرے اور آخرت میں شہزادی زینب (علیہا السلام) کی #شفاعت نصیب فرمائے۔


#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ

🌐imamsadiq.tv/ur
📧 urdu@imamsadiq.tv
http://t.me/imamsadiq_ur
WhatsApp: +98-9197786110

‍ 🏴 اللّٰھم صلِّ علی موسَی بنَ جعفر و... على الْمُعَذَّبِ فِی قَعْرِ السُّجُونِ وَ ظُلَمِ الْمَطَامِیرِ ذِی السَّاقِ الْمَرْضُوضِ بِحَلَقِ الْقُیُودِ
خدایا #موسی_ابن_جعفر پر درود نازل فرما!۔۔۔ قیدخانوں اور تنگ و تاریک کمروں میں اذیتیں اٹھانے والے، ورم زدہ اور زخمی پیروں اور زنجیروں میں جکڑے ہوئے تھے۔۔
⚫️#امام_کاظم (علیہ السلام) کو #ظالم اور جابر حاکموں نے متعدد بار مختلف #زندانوں میں قید کروایا اور نہایت اذیتیں پہنچائیں، اسی لئے امام (علیہ السلام)کی #زیارت میں اس طرح کے جملے ملتے ہیں کہ وہ امام(علیہ السلام) کہ جنکو تاریک زندانوں میں زنجیروں میں جکڑ کر رکھا گیا۔
ظالم یہ فکر کرتے تھے کہ #اللہ کے نور کو خاموش کر سکتے ہیں لیکن یہ اللہ کا وعدہ ہےاور یہ نور ختم نہیں ہو سکتا۔

امام کاظم (علیہ السلام) کو #باب_الحوائج بھی کہا جاتا ہے یعنی #حاجتوں کا دروازہ اور اس بات میں کوئی شک نہیں کہ امام ہفتم (علیہ السلام) سے #توسل کر کے جو دعا مانگی جائے وہ بہت جلد قبول ہوتی ہے۔
◾️ #بغداد کے ایک #زندان میں آپ کو زہر دے کر #شہید کر دیا گیا اور شہادت کے بعد زندانبان نے حکم دیا کہ آپ کا جسم بے جان بغداد کے #پل پر رکھ دیا جائے اور ہتھکڑی اور بیڑی سمیت آپ کے جسم اقدس کو پل پر چھوڑ دیا گیا۔
◾️ #شیعوں کو امام(علیہ السلام)کی شہادت کی اطلاع ملی تو انھوں نے آپ کا جنازہ اٹھایا اور عقیدت و احترام کے ساتھ کاظمین میں سپرد خاک کیا۔
آج امام کاظم (علیہ السلام) کی المناک شہادت کے موقع پرشہر #کاظمین کی فضا دلگیر ہے بلکہ ہر #مومن اور کائنات کا ذرہ ذرہ مغموم ہے ۔

🏴🏴🏴 امام موسی کاظم (علیہ السلام) کی شہادت پر تمام مومنین کو تعزیت پیش کرتے ہیں۔

#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ

🌐imamsadiq.tv/ur
📧 urdu@imamsadiq.tv
https://t.me/imamsadiq_ur
WhatsApp: +98-9197786110

‍ ⚫️ مکہ میں سن آٹھ عام الفیل کو #حضرت_عبد_المطلب علیہ السلام بستر علالت پر تھے اور وصیتیں فرما رہے تھے اور #جناب_ابوطالب علیہ السلام اپنے والد گرامی کی وصیت سن رہے تھے۔جناب عبد المطلب علیہ السلام کی آخری وصیت حضرت ابو طالب علیہ السلام سے یہی تھی کہ میرے پوتے محمد (صلی اللہ علیہ وآلہ وسلم) کا خیال رکھانا اور ہر طرح سے انکی حمایت اور حفاظت کرنا۔
حضرت عبد المطلب علیہ السلام کے بعد جناب ابوطالب علیہ السلام نے دل و جان سے حضرت #رسول_اللہ ﷺ کی حفاظت کی اور ہر ممکن طریقہ سے حمایت کی یہاں تک کہ اپنے بچوں کو خطرہ میں ڈالا اور آنحضرت ﷺ کی حفاظت کرتے رہے۔ اور اسی طرح جناب رسالتمآب ﷺ بھی آپ سے بے حد محبت فرماتے تھے۔

◼️روایات میں ملتا ہے کہ جناب ابوطالب علیہ السلام رسول اکرم ﷺ سے انتنی زیادہ محبت کرتے تھے کہ جب کبھی آپ کی نگاہ نبی اکرم ﷺ پر پڑتی تھی تو رونے لگتے تھے اور فرماتے تھے کہ میں جب انکو (رسول اللہ ﷺ) دیکھتا ہوں مجھے میرے بھائی (عبد اللہ) یاد آجاتے ہیں۔

🔳 اسی لئے جب ۲۶ #رجب ۱۰ #عام_الفیل کو جناب ابوطالب علیہ السلام کی وفات ہوئی تو رسول اللہ ﷺ نےبہت زیادہ غم اور اندوہ کا اظہار کیا اور آپ کو اتنا صدمہ تھا کہ اس سال کو #عام_الحزن کا نام دیا اور سب کو حکم دیا کہ غم منائیں۔
نبوت کے حامی ولایت کے پاسبان آج کے دن اس دنیا سے چلے گئے ، تاریخ میں ہے کہ دفن کے وقت پیامبر اکرم ﷺ جناب ابوطالب علیہ السلام کے جنازہ کے قریب آئےاور فرمایا (ائے چچا جان)میں اسطرح آپ کے لئے #شفاعت کی دعا کروں گا کہ جسکو دیکھ کر جن اور انس تعجب کریں گے۔(۱)

🏴 آنحضرت ﷺ نے فرمایا ما نالت قریش منی شیئا اکرهه حتی مات ابوطالب
جب تک ابوطالب (علیہ السلام) زندہ تھے قریش میں ہمت نہیں تھی کہ مجھے نقصان پہنچا سکیں۔(۲)
حوالہ جات:
1. البدایة و النهایة؛ ابن کثیر، ج 3، ص 120.
2. سبل الهدی، ج2، ص 435.

#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ
🌐imamsadiq.tv/ur
📧 urdu@imamsadiq.tv
t.me/imamsadiq_ur
WhatsApp: +98-9197786110

‍ 🌷یوں تو روز اول سے #رسول_اکرم ﷺ اللہ کے #نبی اور #رسول ہیں لیکن آپ نے اپنی نبوت کا اعلام ۴۰ سال کی عمر میں کیا کہ جب #غار_حرا میں آپ پر #وحی نازل ہوئی اور #قرآن_مجید کی پہلی آیات کا نزول ہوا کہ اقرأ بسم ربک الذی خلق۔۔۔
#روز_مبعث یا #بعثت اس دن کو کہا جاتا ہے کہ جب #ہجرت سے ۱۳ سال قبل بتاریخ ۲۷ رجب رسول گرامی اسلامﷺ کو مبعوث کیا گیا اور یہ دن عید کا دن ہے۔

💐 یہ دن مسلمانوں کے لئے عید کیوں نہ کہ یہ اسلام کے آغاز کا دن ہے۔کفر و ظلم و جور کی تاریکیوں کے خاتمہ کا دن ہے زمین پر اسلام کا نور پھیل رہا ہے اور ہدایت کے چراغ روشن ہو رہے ہیں۔ یہ #خاتم_الانبیاء کے مبعوث ہونے کا دن ہے، انسان کے کئے نوید اور مژدہ ہے کہ اب انسانیت کو اسکا وقار واپس ملے گا۔

🌸☘️ یقانا تاریخ بشر یت کے لئے یہ ایک اہم دن ہےکہ آج اللہ تعالی کے آخری نبی مبعوث ہوئے ہیں اور یہ انبیاء الہی کے سلسلہ کی آخری کڑی ہیں کہ جنکے ذریعہ تمام انبیاء کی زحمتیں منزل کمال تک پہونچیں گی۔
امام صادق (علیہ السلام) آنلائن مدرسہ تمام مونین کی خدمت میں اس پر برکت عید کی مناسبت سے تبریک و تہنیت پیش کرتا ہے۔

#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ

🌐imamsadiq.tv/ur
📧 urdu@imamsadiq_tv
WhatsApp: +98-9197786110

‍ 🌺آج ولادت ہے ہمارے تیسرے امام (علیہ السلام) کی، آج آمد ہے #امام_علی (علیہ السلام) اور #حضرت_زہرا (علیہا السلام) کی زندگی کے دوسرے پھول کی، آج کا دن منسوب ہے #خامس_آل_عبا #امام_حسین(علیہ السلام) سے ۔ امام حسین (علیہ السلام) ایسی شخصیت ہیں کہ جنکو دو عظیم گروہوں کی سرداری ملی ایک تو آپ #سید_الشہداء قرار پائے اور دوسری طرف آپ جنت کے جوانوں کے #سرداربھی ہیں۔

🌸آج کے دن کی مناسبت سے امام حسین (علیہ السلام) کے بچپن کی ایک کرامت ذکرکی جا رہی ہے۔واقعہ کچھ اس طرح نقل کیا جاتا ہے کہ اللہ کی بارگاہ سے نکالا گیا ایک #فرشتہ کہ جسکا نام #فطرس تھا زمین کے کسی کونے میں اپنی سزا کاٹ رہا تھا۔وہ زمین کے کسی جزیرہ میں اپنے جلے ہوئے بال و پَر دیکھ کر افسوس کرتا تھا اور اسی حالت میں اس نے اللہ تعالی کی ۷۰۰ سال #عبادت جاری رکھی۔ جب امام حسین (علیہ السلام) کی #ولادت کی خبر عرش والوں کو ملی تو #جبرئیل_امین #ملائکہ کے ساتھ اہلبیت (علیہم السلام) کے پاس مبارکباد کے لئے آئے۔ جب فطرس نے ملائکہ کی اس رفت و آمد کو دیکھا اور ماجرا دریافت کیا تو اسنے بھی خواہش ظاہر کی کہ اسکو بھی #رسول_اللہ ﷺ کی خدمت میں لے جایا جائے تاکہ وہ ختمی مرتبتﷺ سے طلب #شفاعت کر سکے۔

💐جب فطرس نے رسول اکرمﷺ سے طلب شفاعت کی تو آنحضرت ﷺ نے فرمایا کہ تم اپنے بال و پَر کو حسین (علیہ السلام) کے #جھولے سے مس کرو اور فطرس نےحکم کی تعمیل کی اور امام حسین (علیہ السلام) کی برکت سے خداوند عالم نے فطرس کو معاف کر دیا اور دوبارہ عرش پر اسکو اپنی کھوئی ہوئی منزلت مل کئی۔فطرس نے اس واقعہ کے بعد اذن الہی سے اپنے آپ کو امام حسین (علیہ السلام) کی خدمت کے لئے وقف کر دیا اور امام (علیہ السلام) کی شہادت کے بعد امام (علیہ السلام) پر بھیجے گئے #درود و #سلام کو پہنچانے کی ذمہ داری کو انجام دینے لگا۔

🌸پروردگار عالم ہم سب کو بھی امام حسین (علیہ السلام) کی شفاعت نصیب فرئے۔
اسی مناسبت سے امام صادق(علیہ السلام)آنلائن مدرسہ تمام محبین آل محمد (علیہم السلام) کی خدمت میں مبارک باد پیش کرتا ہے۔

#شیعہ #مدرسہ #آنلائن_مدرسہ #حوزہ_علمیہ #حوزہ_قم #اہل_بیت_علیہم_السلام #آنلاین_تعلیم #حوزوی_دروس #امام_صادق_آنلائن_مدرسہ

🌐imamsadiq.tv/ur
📧 urdu@imamsadiq_tv
WhatsApp: +98-9197786110