📚 KITOBXONLIK — MA’NAVIYAT KO‘ZGUSI!

📖 Bo‘ston tumani ixtisoslashtirilgan maktabida an’anaviy “Yosh kitobxon” va “Kitobxon sinf” ko‘rik-tanlovlari izchil davom etmoqda.

🔹 Bu galgi bellashuvda o‘quvchilarimiz sevimli adibimiz Xudoyberdi To‘xtaboyevning “Besh bolali yigitcha” asari yuzasidan o‘z bilimlarini sinovdan o‘tkazib, o‘zaro bellashdilar. Ishtirokchilar asar mazmuni, qahramonlar hayoti va voqealar rivoji bo‘yicha bilimlarini namoyon etish imkoniga ega bo‘ldilar.

✨ Bunday tanlovlar o‘quvchilarning kitobxonlik madaniyatini yuksaltirish, mutolaa orqali mustaqil fikrlash qobiliyatini rivojlantirish hamda badiiy adabiyotga bo‘lgan qiziqishini yanada oshirishga xizmat qiladi.

📚 Kitob o‘qigan — yuksaladi, mutolaa qilgan — kamol topadi!

#YoshKitobxon #KitobxonSinf #Kitobxonlik

📚 CHSB TEST SINOVLARI O‘TKAZILMOQDA

Bo‘ston tumani ixtisoslashtirilgan maktabida o‘quvchilarning fanlar bo‘yicha bilim, ko‘nikma va malakalarini baholash maqsadida CHSB (Choraklik summativ baholash) test sinovlari tashkil etilmoqda.

Test jarayonlari belgilangan tartib va talablar asosida, shaffof hamda xolisona o‘tkazilmoqda.

Barcha o‘quvchilarimizga test sinovlarida omad va yuqori natijalar tilaymiz! 🍀

📚 HAFTA YAKUNI YUZASIDAN UMUMIY SAFLANISH MAJLISI

Bugun Bo‘ston tumani ixtisoslashtirilgan maktabida hafta yakuni munosabati bilan o‘quvchilar ishtirokida umumiy saflanish majlisi tashkil etildi.

Majlis davomida o‘quvchilarning maktab ichki tartib-intizom qoidalariga rioya qilishi, mobil telefonlardan foydalanish madaniyati, maktab formasiga amal qilish hamda yoshlar tarbiyasi bilan bog‘liq masalalar atroflicha muhokama qilindi.

Shuningdek, o‘quvchilarga mazkur yo‘nalishlarda zarur tushuntirish va tavsiyalar berilib, odob-axloq, mas’uliyat, intizom va maktab madaniyatiga rioya qilish muhimligi alohida ta’kidlandi.

Zero, yuksak bilim va tarbiya, avvalo, mustahkam intizomdan boshlanadi!

📚 “KELAJAK SOATI” — MA’NAVIY-MA’RIFIY MASHG‘ULOTLAR

Bo‘ston tumani ixtisoslashtirilgan maktabida dushanba kuni barcha sinflarda an’anaviy “Kelajak soati” mashg‘ulotlari o‘tkazildi.

Mashg‘ulotlar davomida o‘quvchilarga haftalik mavzular doirasida tushunchalar berilib, ularning dunyoqarashini kengaytirish, ma’naviy-axloqiy fazilatlarini shakllantirish, vatanparvarlik va insoniy qadriyatlar ruhida tarbiyalashga alohida e’tibor qaratildi.

Bunday mashg‘ulotlar yosh avlodning barkamol, bilimli va mas’uliyatli insonlar bo‘lib voyaga yetishida muhim ahamiyat kasb etadi.

Kelajagimiz — bilimli va tarbiyali yoshlar qo‘lida! 🇺🇿

#Oʻquv_seminari

Oʻzbekiston Respublikasi Vazirlar Mahkamasining 2026-yil 28-sentyabrdagi "Davlat organlari va tashkilotlarida mehnat sohasida xavfsiz va hurmatga asoslangan ish muhitini ta'minlash mexanizmlarini joriy etish chora tadbirlari toʻgʻrisidagi 518-son qarori ijrosini ta'minlash maqsadida Boʻston tumani ixtisoslashtirilgan maktabida oʻquv seminari tashkil etildi.