Ijtimoiy himoya milliy agentligi
18.8K subscribers
1.18K photos
165 videos
521 links
O’zbekiston Respublikasi Prezidenti huzuridagi Ijtimoiy himoya milliy agentligi rasmiy sahifasi

👉Bizning ijtimoiy tarmoqlarimiz https://ijtimoiyhimoyaagentligi.taplink.ws

@insonmarkazlari
@ziyotaratamiz

🤖 @IHMA_1140
Download Telegram
Please open Telegram to view this post
VIEW IN TELEGRAM
Rasmiy munosabat

Ijtimoiy tarmoqlarda "Toshkentda ayol ikki oylik chaqalog‘i va 2 yoshli bolasini tashlab ketdi" sarlavhasi bilan tarqalgan xabar yuzasidan quyidagilar ma’lum qilinadi:

O‘zbekiston Respublikasi Prezidenti huzuridagi Ijtimoiy himoya milliy agentligi Toshkent shahar boshqarmasi tomonidan mazkur holat to‘lig‘icha nazoratga olinib, ishchi guruh tashkil etildi.

Ma’lum bo‘lishicha, Toshkent shahar, Olmazor tumanida vaqtinchalik ijarada yashovchi 1990-yil Namangan viloyatida tug‘ilgan Q.N. ismli shaxs Telegram ijtimoiy tarmog‘idagi kanalda enagalik xizmatlarini taklif etadigan post joylagan.

Shundan so‘ng, ushbu kanal orqali 1997-yil Andijon viloyatida tug‘ilgan M.Z. ismli fuqaro Q.N. bilan tanishib, unga  juda og‘ir ahvolda qolganligi, yashashga uy-joyi yo‘qligi hamda turmush o‘rtog‘i jazoni ijro etish muassasida ekanligini bildirib, vaqtinchalik ikki nafar voyaga yetmagan farzandiga qarab turishini so‘rab, ularni Q.N. ga tashlab ketganligi ma’lum bo‘ldi.

Bir yarim oydan uzoq vaqt davomida M.Z. bolalari holidan xabar olmagan va aloqaga chiqmagan. Shundan so'ng Q.N. tegishli idoralarga murojaat yo'llagan. Mazkur holatda voyaga yetmagan bolalar nazoratsiz qolib ketganligi sababli Bolalar uyiga joylashtirildi. Huquqni muhofaza qiluvchi organ vakillari, mahalla faollari va Agentlik ishchi guruhi sa’y-harakatlari bilan hozirda M.Z. bilan aloqa o‘rnatilgan va farzandlari onasining qaramog‘iga topshirilgan.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM
Psixologik-tibbiy-pedagogik komissiya tekshiruvidan o‘tish uchun qanday hujjatlar talab etiladi?

🧠 Ijtimoiy himoya milliy agentligining Qoraqalpog‘iston Respublikasi, viloyatlar va Toshkent shahar boshqarmalari huzuridagi
Psixologik-tibbiy-pedagogik komissiya tekshiruvidan o‘tish uchun quyidagi hujjatlar kerak bo'ladi.

👫 PTPK xulosasini olish uchun qonuniy vakillar yashash joyidagi (yoki yashash hududidagi o‘ziga qulay bo‘lgan) “Inson” ijtimoiy xizmatlar markazlariga kelib yoki mahallaga biriktirilgan ijtimoiy xodimlar orqali ariza berishlari mumkin.

🖋 Ariza elektron ravishda kiritiladi va qonuniy vakillardan (bolaning ota-onasi yoki rasman belgilangan qonuniy vakili) arizaga ilova qilish uchun quyidagi hujjatlar taqdim etilishi so‘raladi:

⏺️Davolash-profilaktika muassasasining bosh vrachi tomonidan imzolangan bolaning rivojlanishi tarixidan batafsil ko‘chirma;

⏺️Bolaning tashxisiga qarab tor mutaxassis xulosasi: psixonevrologik markazning qonunchilik hujjatlarida belgilangan tartibda tasdiqlangan psixonevrolog xulosasi (faqat nutqiy, psixik va aqliy rivojlanishda nuqsonlari bo‘lgan bolalar uchun);

⏺️Bolaning o‘qish joyidan ta’lim muddati, o‘quv fanlarini o‘zlashtirishi va xulq-atvori, bolaga yakka tartibda ko‘mak berish borasida amalga oshirilgan chora-tadbirlarning batafsil tahlili aks ettirilgan ma’lumotnoma va tavsifnoma (ta’lim muassasalarida o‘qigan bolalar uchun);

⏺️Maktabdan tabel kartasi (maktabda ta’lim olayotgan bolalar uchun bir maktabdan ikkinchi maktabga o‘tmoqchi bo‘lganda);

⏺️Bolaning nogironligi bo‘yicha Tibbiy-ijtimoiy ekspert komissiya xulosasi (agar bor bo‘lsa);

⏺️ Avvalgi PTPK xulosasi (agar bor bo‘lsa).

Batafsil ma'lumot uchun ushbu havola orqali tanishib chiqishingiz mumkin.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM
Ijtimoiy himoya milliy agentligi
“Inson” markazlarida tazyiq va zo‘ravonlikdan jabrlangan shaxslarga himoya orderi talab etmagan holda ijtimoiy, psixologik va yuridik xizmatlar ko‘rsatiladi 🧠 Tazyiq va zo‘ravonlikdan jabrlangan shaxslarga ijtimoiy xizmatlar ko‘rsatishni takomillashtirish…
Media is too big
VIEW IN TELEGRAM
Tazyiqdan jabrlangan shaxslarga ruhiy inqiroz holatida birlamchi tibbiy xizmat ko‘rsatiladi

👥 1-iyundan boshlab Jizzax, Navoiy va Xorazm viloyatlarida 1-oktyabrdan boshlab Respublikaning barcha viloyatlarida shifoxonalarda birlamchi ko'mak xonalari tashkil etiladi;

👫 Bunda xotin-qizlar va ularning voyaga yetmagan farzandlari jismoniy va ruhiy holatini yaxshilash uchun 3 kungacha joylashtiriladi;

🖋 Endilikda reabilitatsiya markazlarida ariza talab etmagan holda ijtimoiy xizmatlar ko‘rsatish shartnomasiga muvofiq 6 oygacha boshpana va chuqur reabilitatsiya qilish uchun psixologik va huquqiy (aliment, nafaqa va boshqa kafolatlangan huquqlardan foydalanishni o‘rgatish) xizmatlar ko‘rsatiladi.

👮‍♂️ Tazyiq va zo‘ravonlikdan jabrlangan shaxslar "Ishonch raqami 1146" ga, "Inson" markazlari "1140" ga yoki Ichki ishlar organlari “102” telefon raqamlariga murojaat qilishlari mumkin.

📝 Telegram 💻 Instagram
📝 Facebook 🎖 Sayt
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
Ijtimoiy himoya milliy agentligi
aholini ijtimoiy himoya qilish tizimiga zamonaviy xizmatlarni joriy etish maqsadida quyidagi davlat ijtimoiy buyurtmasini

E’LON QILADI


✔️Ustuvor yo‘nalish: Toshkent shahri va Sirdaryo viloyatida «Ijtimoiy taksi» pilot loyihasini amalga oshirish.

✔️Maqsad: Nogironligi bo‘lgan shaxslar va harakatlanish imkoniyati cheklangan shaxslarni, shuningdek, aholining ijtimoiy himoyaga muhtoj qatlamlarini qo‘llab-quvvatlash, ularning transport xizmatlaridan qulay foydalanishini va harakatlanish qulayligini ta’minlash.

Arizalar 25-iyulga qadar qabul qilinadi.

Loyihani amalga oshirish shartlari haqida batafsil quyidagi havola orqali.

Batafsil ma'lumot va ariza topshirish namunasi saytda.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM
Ayollarni reabilitatsiya qilish va moslashtirish markazlariga 1318 nafar xotin-qizlar va ularning farzandlari qabul qilindi

🧠 Ijtimoiy himoya milliy agentligi huzuridagi Ayollarni reabilitatsiya qilish va moslashtirish markazlari tazyiq va zo‘ravonlikka uchragan ayollarni himoya qilish, ularni chuqur reabilitatsiya qilish va moslashtirish, shuningdek, o‘z joniga qasd qilishning oldini olish bo‘yicha muhim ishlarni amalga oshirmoqda.

👩‍👩‍👧‍👦 2024 yilning dastlabki 5 oyi davomida respublika bo‘ylab 1318 nafar xotin-qizlar va ularning voyaga yetmagan farzandlari ushbu markazlarga joylashtirildi.

🖋 Ushbu markazlarda xotin-qizlar va ularning farzandlariga tibbiy, psixologik va huquqiy yordamlar ko‘rsatildi. Ularga nafaqat jismoniy va ruhiy tiklanishga ko‘mak berildi, balki yangi hayot boshlashlari uchun imkoniyatlar yaratildi.

💻 Kasb-hunar o‘rganishga qiziqishi bor ayollar orasidan 55 nafari maxsus tayyorgarlik kurslarida tahsil oldi va ularning 23 nafari ish bilan ta’minlandi.

🏃 Bu markazlar, ayollarning hayotida yangi ufqlar ochib, ularning jamiyatda o‘z o‘rnini topishiga ko‘mak bermoqda.

👮‍♂️ Tazyiq va zo‘ravonlikdan jabrlangan shaxslar "Ishonch raqami “1146" ga, yoki tezkor “112” raqamlariga murojaat qilishlari mumkin.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM
🧠 2024-yilning 24-iyun kuni O‘zbekiston Respublikasi Prezidenti huzuridagi Ijtimoiy himoya milliy agentligida Birlashgan Millatlar Tashkilotining Bolalar jamg‘armasining (UNICEF) O‘zbekistondagi vakolatxonasi rahbari Regina Mariya Kastijio bilan uchrashuv bo‘lib o‘tdi.

👫 Uchrashuvda UNICEF va Agentlik o‘rtasidagi joriy va istiqboldagi hamkorlik loyihalari muhokama qilindi.
UNICEF Agentlik tashkil etilganidan buyon uni doimiy qo‘llab-quvvatlab kelayotgani, bilim, xalqaro tajriba, texnik yordam va mutaxassislarni jalb etishdagi harakatlari ta’kidlandi. Ijtimoiy xizmatlar ko'rsatishda keys-menejment tizimini joriy etish bo'yicha muvaffaqiyatli tashabbusga, shuningdek, ijtimoiy himoya tizimi xodimlarining malakasini oshirishga qaratilgan tadbirlar ko'lamini kengaytirishga alohida e'tibor qaratildi.

💟 O‘z navbatida Regina Kastijio Agentlik faoliyati va tashkil etilganidan buyon erishgan natijalarini yuqori baholadi. Shuningdek, bolalar uchun ijtimoiy xizmatlar ko‘rsatishning yaxlit tizimini yaratish muhimligi ta’kidlandi.

🤝 Uchrashuv yakunida tomonlar kelgusida samarali hamkorlik aloqalarini mustahkamlashga ishonch bildirdilar.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
🧠 Ijtimoiy himoya milliy agentligi va Germaniya xalqaro hamkorlik jamiyati(GIZ) oʻrtasida hamkorlik aloqalari yangi bosqichga ko'tarilmoqda.

🧮 Uchrashuvda, tomonlar samarali hamkorlik va muhim tashabbuslarni amalga oshirishda o'zaro qo'llab-quvvatlash barobarida hamkorlikda yangi loyihalarni amalga oshirishga qaratilgan loyihalarga to'xtalib o'tdilar. Nogironlikni baholashning tibbiy modelidan ijtimoiy modelga o‘tishga salmoqli hissa qo‘shgan Aleksandra Posharak kabi xalqaro ekspertlarni jalb etishda Agentlik tomonidan ko'rsatilgan qo‘llab-quvvatlash masalalari alohida e’tirof etildi.

🖋 Shuningdek, uchrashuv doirasida Germaniya xalqaro hamkorlik jamiyatining (GIZ) Oʻzbekistondagi vakolatxonasi va Oʻzbekiston Respublikasi Prezidenti huzuridagi Ijtimoiy himoya milliy agentligi oʻrtasida “Ijtimoiy himoya boʻyicha Global alyanslar — Oʻzbekiston” loyihasini amalga oshirish yuzasidan Kelishuvni imzolash marosimi boʻlib oʻtdi.

🌎 Mazkur hujjatning imzolanishi va hayotga tatbiq etilishi O‘zbekiston Respublikasi ijtimoiy himoya tizimini sezilarli darajada yaxshilashga, uning barqarorligi va zamonaviy chaqiriqlarga moslashish qobiliyatini mustahkamlashga olib keladi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM
Please open Telegram to view this post
VIEW IN TELEGRAM
🧠 Tazyiq va zo‘ravonlikka uchragan xotin-qizlar va ularning voyaga yetmagan farzandlariga ijtimoiy xizmat ko‘rsatishning ma’muriy reglamenti tasdiqlandi

🔮 Unga ko‘ra, tazyiq va zo‘ravonlikdan jabrlangan shaxslar, boshqa jismoniy hamda yuridik shaxslar tomonidan tazyiq va zo‘ravonlik holati to‘g‘risida quyidagi shakllarda murojaat qilinadi

“Inson” ijtimoiy xizmatlar markazlari yoki ijtimoiy xodimga;

ichki ishlar organlari navbatchilik qismining “102” telefon raqamlariga yoki bevosita profilaktika inspektorlariga;

“112” yagona dispetcherlik xizmati hamda 1146 qisqa raqamli “ishonch telefoni”ga.

🧮 Murojaat bo‘yicha 24 soat ichida quyidagilar amalga oshiriladi:

👥 xotin-qizlar faoli va mahalladagi profilaktika inspektori tomonidan tazyiq va zo‘ravonlikni sodir etgan shaxs bilan suhbat o‘tkaziladi;

👩‍👩‍👧‍👦 ijtimoiy xodim xotin-qizlar va ularning voyaga yetmagan farzandlarining holatini dastlabki tarzda baholash choralarini ko‘radi;

👍 profilaktika inspektori xotin-qizlarga himoya orderi rasmiylashtiriladi hamda zaruratga ko‘ra birlamchi ko‘mak xonalariga joylashtirish uchun tegishli dalolatnomani rasmiylashtirishga doir choralarni ko‘radi;

👫 ijtimoiy xodim va profilaktika inspektori tomonidan xotin-qizlar va ularning voyaga yetmagan farzandlari ularning roziligi asosida birlamchi ko‘mak xonasiga joylashtiriladi.

💚 Xotin-qizlar va ularning voyaga yetmagan farzandlariga ijtimoiy xizmatlar “Inson” markazlari, Ayollarni reabilitatsiya qilish va moslashtirish respublika markazining hududiy markazlari tomonidan ko‘rsatiladi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM
Qonun ustuvor - jazo muqarrar!

O‘zi 5 nafar farzandning otasi bo‘la turib 11 yashar qizchaning nomusiga tajovuz qilib, dunyoni ko‘ziga qorong‘u qilgan malʼunni kim deb atash mumkin?!

Eng dahshatlisi, bloger niqobi ostidagi bu kimsa qonuniy xotini bo‘la turib, boshqa bir erkak bilan rasmiy nikohi bekor qilinmagan ayolni o‘ziga ikkinchi xotin qilib olgan. Shu bilan ham qoniqmay, ikkinchi xotinining voyaga yetmagan (11 yashar) qizini ham muntazam zo‘rlab kelgan.

O‘zbekiston Respublikasi Prezidenti huzuridagi Ijtimoiy himoya milliy agentligi rahbariyatining aralashuvi bilan bolaning huquqlari poymol bo‘lishi oldi olindi. Hozirda Agentlik tomonidan jabrlanuvchiga zarur tibbiy, psixologik va ijtimoiy ko‘mak ko‘rsatilmoqda.

Voyaga yetmagan shaxsga nisbatan jinsiy jinoyat sodir etgan 31 yashar A.K rad etib bo‘lmas dalillar bilan qo‘lga olingan bo‘lib, unga nisbatan Jinoyat kodeksining 119-moddasi 4-qismi (Jinsiy ehtiyojni zo‘rlik ishlatib g‘ayritabiiy usulda o‘n to‘rt yoshga to‘lmagan shaxsga nisbatan qondirish) bilan jinoyat ishi qo‘zg‘atilgan.

Agentlik yurtimizda birorta ham voyaga yetmagan shaxs bunday holatga tushib qolmasligi uchun jamiyatimizda bolalarga nisbatan zo‘ravonlikning har qanday ko‘rinishiga nisbatan murosasiz munosabat shakllanishi yo‘lidagi sa’y-harakatlarni davom ettiradi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM
🖋Hurmatli matbuot va ommaviy axborot vositalari fidoyilari!

🧠Ijtimoiy himoya milliy agentligi jamoasi nomidan Sizni kasb bayramingiz – Matbuot va ommaviy axborot vositalari xodimlari kuni bilan samimiy qutlaymiz!

🔮Sizning ijtimoiy himoya sohasida amalga oshirilayotgan islohotlarni keng yoritishdagi faoliyatingiz jamiyatimiz uchun nihoyatda muhim bo'lib, Sizlar orqali aholiga ijtimoiy himoya tizimida yaratilayotgan imkoniyatlardan aholining barcha qatlamlari birdek xabardor qilinmoqda.

🌎Har kuni va turli yo‘nalishlarda muhim voqealarni yoritish va jamiyatimizni xabardor qilishingiz, shijoat va g‘ayratingizga doimiy guvohmiz va buni eʼtirof etishdan mamnunmiz.

💚Sizlarga samimiy hurmatimiz va ezgu tilaklarimizni bildirgan holda, mashaqqatli va mas'uliyatli faoliyatingizda ulkan muvaffaqiyatlar tilaymiz. Sharafli mehnatingiz, haqiqatni so‘zlashdagi jasoratingiz va yaxshiliklarni keng yoritishdagi jo‘shqin ishtiyoqingiz aslo so‘nmasin.

Bayramingiz bilan!
Please open Telegram to view this post
VIEW IN TELEGRAM
Hamjamiyatlarni mustahkamlash va ijtimoiy farovonlik markazi tuzildi

🖋 Vazirlar Mahkamasining 2024-yil 24-iyundagi 350-sonli “Hamjamiyatlarni mustahkamlash va aholini ijtimoiy muhofaza qilish markazini tashkil etish to‘g‘risida”gi qarori qabul qilindi.

🧠 O‘zbekiston Respublikasi Prezidenti huzuridagi Ijtimoiy himoya milliy agentligi va Kolumbiya universiteti (AQSh) Ijtimoiy ish maktabi tashkil etilishi munosabati bilan Hamjamiyatlar va ijtimoiy farovonlikni mustahkamlash markazi yaratilmoqda.

📌 Markazning asosiy vazifalari:
- aholini ijtimoiy muhofaza qilish va ruhiy salomatligini muhofaza qilish sohasida ilmiy-tadqiqot ishlarini olib borish, shuningdek, tegishli takliflar ishlab chiqish;
- ijtimoiy ish sohasida xalqaro standartlarga javob beradigan akademik tizimni yaratish va mustahkamlash;
- aholini ijtimoiy muhofaza qilish muammolarini hal etish bo'yicha dasturlarni ishlab chiqish va ishga tushirish.

👩‍👩‍👧‍👦 Markaz faoliyatini qo‘llab-quvvatlash uchun Kolumbiya universitetida tegishli bo‘lim ochiladi.
Bundan tashqari, “Aqlvoy” telekanali Agentlik tomonidan buyurtma qilingan ijtimoiy roliklarni efir vaqtining 7 foizi miqdorida bepul joylashtirish uchun mas’ul etib belgilangan.

🔊Ushbu Qaror “Qonun hujjatlari maʼlumotlari milliy bazasi”da eʼlon qilingan va 2024-yil 25-iyundan kuchga kirdi.

📝 telegram 💻 instagram
📝 facebook 🐧 xcom
🎞 youtube 🎖 ihma.uz
Please open Telegram to view this post
VIEW IN TELEGRAM