‏ولفت السهر ميلاف ، الأجواد للأجواد
‏عسى الله لا يخليني من علومه الدسمه

‏تجمّل علي ، وطاب لي عنده المقعاد
‏وسكن فيه قلبي مثل ماتسكن النسمه

‏أنا من كثر ماني مقيّد معه ، بـ قياد
‏تبعت الظلام .. وبيّن بهالتي وسمه

‏أراقب نجوم الليل كني ، خبير أرصاد
‏ماخليت نجمٍ فالسماء ماعرفت إسمه

الخيط بين المصيَدة و الحقيقة
‏برضاي حولت الحقايق خرابيط

‏اثر المبادي ما عليها وثيقة
‏فيها طرف ثاني وفيها مسافيط

‏والحب ، ماله درب ولا طريقة
‏مافيه حبٍ صادقٍ فيه تخطيط

‏اطيع قلبي لو وراه الحريقة
‏هذا عمر والعمر مافيه تفريط

‏العذر لاصحاب النفوس العميقة
‏اللي عطوني رأي واعطيته الحيط ..

اليا سكن ليلك وكثرت طواريك
‏وقلبك من هموم الليالي تجور

‏سو اي حاجه تدري انها تسليك
‏وخلك من اللي يدّعــون التطوّر

‏الايام لاتشقى بـ الايام تشقيك
‏ترى الحياه اتفه من اللي تصوّر .

انا اتخذت القرار اللي يناسبني
‏وعن معظم الناس قمت اغير الوجهه

‏من يبدي الوصل لا يمكن يعاتبني
‏ومن يقطع الوصل خليته على وجهه .

هموم الليالي و التفاكير قبل النوم
‏لو انها دارسه كنت فـ المركز الاول

‏الله من جفنٍ عن النوم محروم
‏وقلب رجف بين الضلوع النحايف

‏حاولت انام ولا تهنيت بـ النوم
‏النوم والهاجوس . . مهم ولايف

صباح الخير .

من قال ان المحبه مثل درب الضياع
‏ماجرب الضيعه اللي فالهواء ضعتها

‏شكراً على كل شيء إلا دموع الوداع
‏هذي هي الحاجه .. اللي ماتوقعتها ):

انتي لا اخطيتي وشفت .. زلاتك كثيره
‏رحت أدوّر لك عذر مارحت أدور لك ملامه .

مسكر أذني .. ومقلل علاقاتي
‏تتساقط الناس من عيني واخليها .

جابك الله يوم قالوا معوّض خير
‏اشهد ان الخير وجهك وترحّابك .
‏

كسرت خشم الفراق .. اللي تهابونه
‏وصديتّ عن واحد ما اقوى على فراقه .

كيف يمحي الوقت مابينه وبيني
‏وذكرياته .. منهو بيدفع ثمنها

‏حتى لو صديت عن وجهه بعيني
‏صورته فالبال وين اصد عنها ؟

كبار ما حنا من أهل التلفات
‏ونفوسنا من بعض الأشياء عيُوفه .

الأفعال دايماً ابلغ من الأقوال
‏صدق ما تراه ، وأنسى ما تسمعه .

عزة النفس بشتٍ ما يعلّق بمعلاق
‏تشيّخك لو تمشي على الارض حافي .

سلام عليكم
مبطي عنكم والبطا ماهو زين .

‏تكفي مراسيلنا العجلات يا خلّي
‏عن مخذ الأخبار ولا شوف الأزوالي

‏قلبي وقلبك توصّل لك وترسل لي
‏والله إنها أشدّ من موجات الإرسالي

‏رداً سلامي عليك وجنّ وقالوا لي
‏إنك ترحّب وأنا في خاطرك غالي .

‏•سعد بن جدلان

الوقت عاده مدي والعمر توّه شباب
‏يالله بـ حظً مقادير الزمن تنصفه

- فهد بن خشمان

بادريني لين أحـس انـك اجــابات لــسوالي
‏ وعانقيني لين أحس إنك من أنفاسي قريبه

‏ما دريت ان الـٰمئاسي تستبيح شــعور غالي
‏لــين ما شفت الليالي دون جــياتك كــئيبه

‏كوني أقرب من نفس صدري ومن وقفة ظلالي
‏ لا وقف جسمي من الاشـواق والذكرى تجيبه

‏أقــبلي مــثل الــبشاير في عــنا ســود الليالي
‏لك شــموخ ولك وقــار وبالــغلا عـزه وهيبه

‏من يــشوفك شــاف مرّه في غــثا الايام حالي
‏وأنتي وجــه الثامنه بعد الــعجايب يا عجيبه

‏ما أذكــر بليله جــفيتي بالــخيال حـدود بالي
‏من متى التــعبان ينسى بالتعب حاجة طبيبه

‏والله إني راضــيٍ بمــحبتك لــو فـي خــيالي
‏حظ من كانت مشاً عرك البخيله من نصيبه

تمادي ياخـشف الريم لين الكلام يطول
‏ مـساء وصباح النور واخـباري اخـبارك

‏عليك الـحنين اللي يتجدد لادار الـحول
‏ لو اني مغني ماقـدر اعزف على اوتـارك

‏جـمالك ، يتـيه عـقل ويحرك الـمشلول
‏ تـقول اللّٰه ،، من الناس ميزك واختارك

‏ياحظ الحظيظ اللي يشوفك ياذاك الزول
‏،، يـاحـظه ، ويـابخـته .. وياحـظ زوارك !

‏اشـوف الـحمام اللي ذهـلني وانا مذهول
‏ يـوقـف عـلى شـباكـك ،، وتـاركِ جـارك ؟

‏طـبيعي اشـوفك شـي نادر ذهـب او لول
‏ يازيـن الـهبوب .. وكـل نسمه من ديارك

‏تـقول الـشعور الـلي ف قلـبي دبيك خيول
‏ ياليت الصدف تجمعني ف درب مشوارك

‏لـون العـقول احـيان تبـحث عن المعقول
‏ تـراك الـوحيد الـلي مـن الـناس بخـتارك

‏حبـيبي انا للـحين عـايش عـلى المـجهول
‏، يضـيع الـعقل لاشـاف نـور مـن انـوارك

‏تـثير الشـكوك وتبـعد اكـثر مـن المسئول
‏ لو اني جـبرت الـقلب ماقدر على جبارك

‏من الـمستحيل انـي ب خـليك يالمجمول
‏ انا اقـرب مـن يـدينك ومـن صـكة زرارك