‏ياما من الملح في خشمك وفي عينك
‏تصدق إني عشقتك صدق من تالي

‏وأبي البشر يكرهونك وبيني وبينك
‏ أبيني أصير بس أحبك لحالي

‏بالله أبنشدك ما توجعك رجلينك
‏من كثر منت بتجي وتروح في بالي

ان جيت صار العيد عيد المحبّينن
وإن غبت صار العيد عيد الضحية

كل عام وانتم بخير وصحه وسلامه يارب ❣️

لا تنادي لـ المقفّي .. ولا تهيم بـ كل وادي
القلوب اللي تحبك ماهي بـ حاجة عزيمه

صباح الخير

‏فدوة عيونك ماطلبت إلا قليلٍ من كثير
‏كلي حلالك دام كفّك عند كفي جاسره

‏لكن أنا محتاج وصلك لان أبو قلب فقير
‏يشوف كنّ أغصَان صدره من الجفا متكاسره

‏فيه كلمات تشتهي تسمعها، أكثر من شهوتك للأكل والشرب.

الوكاد أني على خلّي غيور ياحسين

‏كل ما قالوا لي لكل مجتهدٍ نصيب
‏قلت انا اسعى للحبايب ولا اعيّن لقا
‏
‏وكل ما قالوا لي شوي يمكنّك تطيب
‏قلت أنا ضيعت زهرة شبابي وش بقى؟
‏
‏وكل ما نادى الرفيق القريّب يا الحبيب
‏انت تطرد لك سرابٍ مدي.. قلت تهقى؟
‏
‏والله اني شفق واني من اللهفة غريب
‏وان الايام استدارت والاوضاع مْحقا

‏على الموعد وصلت وكان كفّي للسلام الحار
‏ما كنت أدري مخبّي في دفى كفّيك تلويحة!

‏دخيلك يالسنين المقبله لا تبخسين الكيل
‏تراني ما أخذت من السّنين الماضيه حقي

أحسب إني معك قاطع حدودٍ بعيده
‏وأثرني راكض لحالي .. وواصل لحالي

‏قصيدة سعد علوش هذه لا يمكن تجاوزها، شعور خيبة الأمل الملموس فيها غير طبيعي.

حزين جدًا، ومتعومس، وخايف
‏أحس كنّي على مهوى نهايات

‏"أوحش مسافات العمر: منتصفها"
‏عبدالعزيز العبلان يتحدّث عن عشرينيات عمرك عزيزي القارئ.

‏مواصل بطعم الجفا ما أدانيه
‏أما مواصل صح .. ولا جفا صح

‏يا موجس النار ، ريح الموهبه عاتي
‏و النار ؟ ما حس فيها اللي يطفيها

‏اسامر الليل مثل مسامر ابياتي
‏كني من ضلوع جنبيني مسويها

‏كشفت للناس حزني من معاناتي
‏قصايدٍ يدرج الماء من معانيها

‏استلهم احساسها من حر عبراتي
‏وانا ماحد شاف دمعي يوم اغنيها

‏تغيب شمسي وتشرق بين رغباتي
‏و اهمها رغبةٍ بموت هاويها

‏من عادني فالمهد تطغى على سكاتي
‏كبرت وانا متجود في مباديها

‏حريصه انجح ، وتحرص تجمع شتاتي
‏و قصرت في حقها رغم مساعيها

‏تستاهل اكون معها معظم اوقاتي
‏مثل ما ترضي ضميري ودي ارضيها

‏انا شعرت بـ خطاي فـْ بعض خطواتي
‏حلفت ، في سكة التقصير ما اخطيها

‏خلوني اعيش في شعري معَ ذاتي
‏شعوري اصدق من الناس و هقاويها

‏خسرت واجد عشان اكسب قناعاتي
‏الراحه احيان تخسر .. لجل تشريها

‏يقلقني العرف ، من تحليل نظراتي
‏يكشف لي اسرار بين ضلوع راعيها

‏عالجت صدماتي ، وكثرت هقواتي
‏هقواتي اكثر ما يصدمني و امشيها

‏الطيب مبداي ، يكفي طيب نيّاتي
‏اراعي قلوب ناسٍ ماتراعيها

‏اكثر من العايش فْـ دائرتي .. امواتي
‏اموات في داخلي مامات طاريها

‏ودي اشوف الحياه بشكلها الآتي
‏هي باقي بتستمر من دون اهاليها ؟

‏شديت ركبي على نية مسافاتي
‏بغادر الدار ، مشتاق لـ ضواحيها

‏وداعي اصدق من دموعي وزفراتي
‏مْسافر لـ ديرةٍ م أعرف احد فيها

‏صملت من دون حقي صملة زناتي
‏لكن الايام شلفا ذياب فـ يديها

‏لايطمع الذيب فـ سلاحي ولا شاتي
‏والطلقه ان صابته ماهوب موحيها

وهق

قبل فترة أرسلت له:
‏لا تحمّلك الخطايا هم عذر ولا سموحة
‏إرجع أنت .. وكل شيٍ فات يرجع في مكانه

‏ومارد علي للآن.