اشتقت.. واشتاقت حبيبي مزوحي
‏للضحكة اللي لو تسيل أرتشفها

من القصيد العذب كم حرفٍ يبيك؟
‏ومن الزهر ومن المطر عقب البطا

‏كل الكلام الزين عندي .. يحتريك
‏واخاف من جرح الكلام اليا سطا

‏أنا حريص اكثر من اللازم عليك
‏وحرصي عليك اكثر من اللازم خطا

"وليا نويتي عقب حبي.. تحبّين
أمانتك حبّي الشجاع السنافي

على الأقل يوم أخسرك من حمر عين
أهون علي من أخسرك عند هافي"

يحاتي من قساه ومغريات الغيّ
‏وحنانه ظلل الطارف من ربوعه

‏يعاف الانتظار إلا انتظار الضيّ
‏ويحب انك تحبه حااااااف بطبوعه

وأنت ياللي سيرتك تطري جباري
‏وش صلاحك من هيامي والصبابة؟

‏صرت معك ألطف من أنسام الصفاري
‏التغلّي والتخلّي.. ويش جابه؟

حاضنة لأغلب تفاصيل الوله لو كنت ناسي
‏كل دربٍ ساقنا صوبه زرع فينا قصيدة

‏ادري إنك لو تلبّست القسى ما كنت قاسي
‏وإنّ ماني عابرة مرت ولا فرصة سعيدة

حتى لو تدفع خطاي الوحشة لخطوة غريبة
‏ماني بـ قايل فقدتك.. وأنت عن هالشيء داري

‏لا تقول أحبك قول أنا مرتاح
‏الحب ما يحتاج للتوضيح

‏لا تذبح التلميح بالإيضاح
‏الإيضاح يقتل روعة التلميح

ذنبك انّك ما تعرف البعيد من القريب
‏وعذره انّه دوّر رضاك ما دوّر زعلك

‏يوم قال إن الليالي تودّي ما تجيب
‏كان قصده يقتل الشك.. لكنه قتلك

لا تحاورني بنظرتك الحنونة
‏ولا تسيبّي مع الطرف المسبّه

نفسي اللي عن محايلها مصونة
وقلبي اللي لو خفق ما ينلعب به

‏كل شي إلا الكرامة والمهونة
‏أرخص الدنيا وأبيع اللي أحبه

معك المشاكل ما تبي عدّة حلول
‏الحل فيك ومنْك .. عينك تسكبه

‏حُبك حقيقة والملا مثل الفضول
‏أنت الصراحة يوم غيرك مشتبه

‏رغم اختلافات الجناسي والأصول
‏أنا حبيبك .. يا حبيب الموهبة

أحبّك .. كثر ما كنت اتوقّى والغلا مفضوح

والله إنّك سالفة قلبي الوحيدة

الله يمسّي ضحكة شفاك بالخير
لذ الوصال وجابت العلم سودك

منَّاك جيت من النوى تالي عصير
جفني يضف بجفلة النور ذودك

يا كبر حبي لك وهو توَّه صغير
وشلون لو زاد الغلا عن حدودك

قبل الهجير يدقّ بيبان السهر
‏قبل البراد يهبّ نفحه وينهمر
‏سلِّم علي ..
‏إرسل قصيدة عابرة
‏أو قل ”تذكّرتك“ ورا هذا الشّطر
‏إرسل موسيقى طارفة
‏لحنٍ أنا قد عارفه
‏إفتح معي أي سالفة !
‏وخلّي السوالف تنهمر
‏وش تنتظر ؟

القصيد العذب يا جرحه وطبّه
‏ما يعَد إلا على وصلك وصدّك

‏إن تراضينا.. كتبت اللي تحبه
‏وإن تجافينا كتبت اللي يردّك