Azizim,
Ne uchun maysa emasmiz,
Yellar o‘pganida suykalib o‘tgan.
Ne uchun, ne uchun daraxt bo‘lmadik,
Ildizi, shoxlari chirmashib ketgan..
Ariqlar bo‘yida giyohdek o‘ssak,
Suvlarda tushimiz eshilarmidi?
Adirlar ortida shamol bo‘lsaydik,
Ko‘klarda ruhimiz qo‘shilarmidi?..
Nechun mavjudmizu, nechun yo‘qdaymiz?
Barmoqlar uchida nozik bir titroq.
Nafaslar qo‘shilib turganda, nechun
Olovlar ichida jim kutib turmoq..
Nechun pichoqlarga tiralar ko‘zim
Ko‘kka suyanganday suyanolmayman.
Nechun qo‘lingizda loladek uxlab,
Ko‘ksingizda tongdek uyg‘onolmayman..
Ne uchun hayotim bu qadar sahro,
Nechun yuragimda bu qadar zorlik,
Qarshimda shovullab oqar bir daryo,
Bir tomchi suv so‘rab o‘tinolmayman..
Azizim,
Ne uchun inson yaraldik,
Ko‘nglimiz sig‘masa yeru samoga?
Oh, endi shu qadar muhabbat bilan
Biz qanday yashaymiz bu tor dunyoda?..
Biz nechun yaraldik yolg‘on dunyoda?
Azizim, ne uchun maysa emasmiz?..
©Zebo Mirzo
Ne uchun maysa emasmiz,
Yellar o‘pganida suykalib o‘tgan.
Ne uchun, ne uchun daraxt bo‘lmadik,
Ildizi, shoxlari chirmashib ketgan..
Ariqlar bo‘yida giyohdek o‘ssak,
Suvlarda tushimiz eshilarmidi?
Adirlar ortida shamol bo‘lsaydik,
Ko‘klarda ruhimiz qo‘shilarmidi?..
Nechun mavjudmizu, nechun yo‘qdaymiz?
Barmoqlar uchida nozik bir titroq.
Nafaslar qo‘shilib turganda, nechun
Olovlar ichida jim kutib turmoq..
Nechun pichoqlarga tiralar ko‘zim
Ko‘kka suyanganday suyanolmayman.
Nechun qo‘lingizda loladek uxlab,
Ko‘ksingizda tongdek uyg‘onolmayman..
Ne uchun hayotim bu qadar sahro,
Nechun yuragimda bu qadar zorlik,
Qarshimda shovullab oqar bir daryo,
Bir tomchi suv so‘rab o‘tinolmayman..
Azizim,
Ne uchun inson yaraldik,
Ko‘nglimiz sig‘masa yeru samoga?
Oh, endi shu qadar muhabbat bilan
Biz qanday yashaymiz bu tor dunyoda?..
Biz nechun yaraldik yolg‘on dunyoda?
Azizim, ne uchun maysa emasmiz?..
©Zebo Mirzo
3❤28❤🔥13🕊11
Sen baxtlisan, har doimgidek,
Ko'zlaring quvonchdan porlagan.
Ta'rifing yozmoq ham mushkuldir,
Axir seni Xudo yorlagan.
Qoshlaring qaddini ko'targan,
Ko'zlaring g'amlarga botmaydi.
Men ila eng yomon suhbat qur,
So'zlaring og'ir ham botmaydi.
Baxt berkingan kipriklaringni
Ko'zoynak-la to'sib olgin, yor.
Senga ishqim balandligini
She'rlarimdan bilib olgin, yor.
Bir yoqadan boshni chiqarib,
Kel Ishq uchun bosaylik qadam.
Odamlarni ko'ngliga emas,
Ikkimizga yoqaylik har dam.
©Botir Bannop
Ko'zlaring quvonchdan porlagan.
Ta'rifing yozmoq ham mushkuldir,
Axir seni Xudo yorlagan.
Qoshlaring qaddini ko'targan,
Ko'zlaring g'amlarga botmaydi.
Men ila eng yomon suhbat qur,
So'zlaring og'ir ham botmaydi.
Baxt berkingan kipriklaringni
Ko'zoynak-la to'sib olgin, yor.
Senga ishqim balandligini
She'rlarimdan bilib olgin, yor.
Bir yoqadan boshni chiqarib,
Kel Ishq uchun bosaylik qadam.
Odamlarni ko'ngliga emas,
Ikkimizga yoqaylik har dam.
©Botir Bannop
1❤32🕊16❤🔥15
Qayta tugʻilgisi kelar odamning,
Baʼzan shu keladi xayol-hushingga.
Tartibni buzmoqchi boʻlasan gohi,
Uchib ham koʻrasan gohi tushingda.
Keyin soʻroqlarni haydaysan quvib,
Shu taxlit osmonga uzatasan qoʻl.
Bir yoʻl koʻrinadi "borsa-qaytmas"day,
Eng soʻnggi choraday koʻrinar bu yoʻl.
Ammo hammasidan kechgan lahzada,
Bir xayol ergashar qoʻlingdan tutib.
Ana shu xayol deb ketmaslik mumkin,
Oʻlmay turish mumkin kimnidir kutib.
Borligi qanchalar goʻzaldir uning,
Va buni his qilish naqadar lazzat.
Kechasan, ketasan, yetasan, ammo –
Birgina ishq uchun yashamoq shart!
Shart!
©️Dadaxon Muhammadiyev
Baʼzan shu keladi xayol-hushingga.
Tartibni buzmoqchi boʻlasan gohi,
Uchib ham koʻrasan gohi tushingda.
Keyin soʻroqlarni haydaysan quvib,
Shu taxlit osmonga uzatasan qoʻl.
Bir yoʻl koʻrinadi "borsa-qaytmas"day,
Eng soʻnggi choraday koʻrinar bu yoʻl.
Ammo hammasidan kechgan lahzada,
Bir xayol ergashar qoʻlingdan tutib.
Ana shu xayol deb ketmaslik mumkin,
Oʻlmay turish mumkin kimnidir kutib.
Borligi qanchalar goʻzaldir uning,
Va buni his qilish naqadar lazzat.
Kechasan, ketasan, yetasan, ammo –
Birgina ishq uchun yashamoq shart!
Shart!
©️Dadaxon Muhammadiyev
1❤🔥25❤21🕊11
Oldimda kulganlar,
Ortimdan mahzun,
Qaysi gunoh uchun, aytib ber Xudo,
Yoki men yomonga aylanganmidim?
Yaxshi doʻstlarimni qaytib ber Xudo.
Yoki ishonmaslik kerakmidi-ya,
Yoki men yashashni bilmaganmidim?
Ertakdagi oʻsha chin doʻstliklarni
Sendan soʻrab duo qilmaganmidim?
Suyanib boʻlmasdi moʻrt daraxtlarga,
Koʻnglimni kimlarga yoray Xudojon.
Sendan oʻzga hamma-hammaga bordim,
Endi Senga qanday boray Xudojon…
Topganim
tashvish-u,
yoʻqotganim - men,
Oʻzimni oʻzimga aytib ber, Xudo.
Xayrsiz qalblardan uzoq qilgin-u,
Koʻnglimga nuringni qaytib ber Xudo…
Koʻnglimga nuringni qaytib ber Xudo.
©Durdona Inomjonova
Ortimdan mahzun,
Qaysi gunoh uchun, aytib ber Xudo,
Yoki men yomonga aylanganmidim?
Yaxshi doʻstlarimni qaytib ber Xudo.
Yoki ishonmaslik kerakmidi-ya,
Yoki men yashashni bilmaganmidim?
Ertakdagi oʻsha chin doʻstliklarni
Sendan soʻrab duo qilmaganmidim?
Suyanib boʻlmasdi moʻrt daraxtlarga,
Koʻnglimni kimlarga yoray Xudojon.
Sendan oʻzga hamma-hammaga bordim,
Endi Senga qanday boray Xudojon…
Topganim
tashvish-u,
yoʻqotganim - men,
Oʻzimni oʻzimga aytib ber, Xudo.
Xayrsiz qalblardan uzoq qilgin-u,
Koʻnglimga nuringni qaytib ber Xudo…
Koʻnglimga nuringni qaytib ber Xudo.
©Durdona Inomjonova
1❤28❤🔥14🕊9
Bir ranglar istadim,
tuydilar yoqut,
Qog‘ozga rasmingni
so‘z bilan chizsam...
O‘zingni ilhom deb o‘ylaysan yoxud
She’rimdan o‘zini izlagan qizsan.
Kosamni sabrga
to‘ldirma lim-lim,
Quloq sol
berkinib solgan dodimga.
Seni rom etmagan qaqshagan ko‘nglim,
Sen maftun bo‘lgansan iste’dodimga.
Sen — men ham tushuna
olmagan tovush,
Sen — bir shoir
anglab yetmagan tilsim...
Ro‘yoga qaytaqol, tushlarda qovush,
Sendan farzand emas,
she’rlar tug‘ilsin!
©Humoyun Fattoh
tuydilar yoqut,
Qog‘ozga rasmingni
so‘z bilan chizsam...
O‘zingni ilhom deb o‘ylaysan yoxud
She’rimdan o‘zini izlagan qizsan.
Kosamni sabrga
to‘ldirma lim-lim,
Quloq sol
berkinib solgan dodimga.
Seni rom etmagan qaqshagan ko‘nglim,
Sen maftun bo‘lgansan iste’dodimga.
Sen — men ham tushuna
olmagan tovush,
Sen — bir shoir
anglab yetmagan tilsim...
Ro‘yoga qaytaqol, tushlarda qovush,
Sendan farzand emas,
she’rlar tug‘ilsin!
©Humoyun Fattoh
1❤🔥33❤29🕊16
His ettir,
Ovozing boricha baqir,
O'zingni isbotla, takror va takror.
Quyoshni olib tush osmonni qulat,
Yulduzni terib qo'y bir safga qator.
Hammasi bekor.
Iymonsiz tanadan sachragan uchqun,
Lovullab olovdek ketmaydi yonib.
Duo qil,
shukr ayt manfaatlarsiz,
Va keyin havodan nafas ol qonib.
Ketmagin tonib.
O'zingga kel dema,
O'zimga kel de,
O'zgalar gapirsa bo'lmasin ishing.
O'zingni o'nglab ol, soatga qara,
Qahri qattiq bo'lar doimo qishning.
Og'risa tishing.
Kimlardir ustingdan kulsa jilmaygin,
Jim bo'lgin so'zlarni qilmagin isrof.
Kimlardir seni deb kuysa, jilmayib
Ko'nglingdan chiqarib aylagin izhor.
O'chmas izi bor.
©Abdulaziz Ibrohimov
Ovozing boricha baqir,
O'zingni isbotla, takror va takror.
Quyoshni olib tush osmonni qulat,
Yulduzni terib qo'y bir safga qator.
Hammasi bekor.
Iymonsiz tanadan sachragan uchqun,
Lovullab olovdek ketmaydi yonib.
Duo qil,
shukr ayt manfaatlarsiz,
Va keyin havodan nafas ol qonib.
Ketmagin tonib.
O'zingga kel dema,
O'zimga kel de,
O'zgalar gapirsa bo'lmasin ishing.
O'zingni o'nglab ol, soatga qara,
Qahri qattiq bo'lar doimo qishning.
Og'risa tishing.
Kimlardir ustingdan kulsa jilmaygin,
Jim bo'lgin so'zlarni qilmagin isrof.
Kimlardir seni deb kuysa, jilmayib
Ko'nglingdan chiqarib aylagin izhor.
O'chmas izi bor.
©Abdulaziz Ibrohimov
100❤35❤🔥20🕊10
Inson ruhida ham qiyomatlar bor,
Og'ir sinovlar bor, sinoatlar bor.
Muhabbat sal chalg'ib turgan mahalda,
Sezilmasdan o'tgan xiyonatlar bor.
Mehr berolmasang, qiynoqqa ko'ndim,
Diydor berolmasang, firoqqa ko'ndim.
Sen meni boshqaga berma, iltimos
Boshqaning qo'lida kelmaydi o'lgim.
Ularda boshqacha itoatlar bor.
Menga o'xshamasin mehribonlaring,
O’rnimni bosmasin qadrdonlaring.
Chiqib ketamanku unda yodingdan,
Mensiz o'taverar ming bir oylaring,
Menda g'alat-g'alat shikoyatlar bor.
Men shirin sog'inchni Xudoga aytdim,
Sendan boshladim-da senda tugatdim.
Ko'nglini kul bosgan kimsalargamas,
Bog'dan yelib kelgan saboga aytdim,
Xudoga aytdim men, Xudoga aytdim,
Shu sabab duoda ijobatlar bor.
Inson ruhida ham qiyomatlar bor!!!
©️Rislig‘oy Hotamova
Og'ir sinovlar bor, sinoatlar bor.
Muhabbat sal chalg'ib turgan mahalda,
Sezilmasdan o'tgan xiyonatlar bor.
Mehr berolmasang, qiynoqqa ko'ndim,
Diydor berolmasang, firoqqa ko'ndim.
Sen meni boshqaga berma, iltimos
Boshqaning qo'lida kelmaydi o'lgim.
Ularda boshqacha itoatlar bor.
Menga o'xshamasin mehribonlaring,
O’rnimni bosmasin qadrdonlaring.
Chiqib ketamanku unda yodingdan,
Mensiz o'taverar ming bir oylaring,
Menda g'alat-g'alat shikoyatlar bor.
Men shirin sog'inchni Xudoga aytdim,
Sendan boshladim-da senda tugatdim.
Ko'nglini kul bosgan kimsalargamas,
Bog'dan yelib kelgan saboga aytdim,
Xudoga aytdim men, Xudoga aytdim,
Shu sabab duoda ijobatlar bor.
Inson ruhida ham qiyomatlar bor!!!
©️Rislig‘oy Hotamova
2❤46❤🔥31💔15
Lahzada tark etar miyangni o’ylov,
Mezon nafasini tuyasan tuyqus.
Bostirib kelmoqda bir quchoq olov –
Sen qaydan bu qadar sokinsan, Avgust?
Qachon tazarruga kelding butunlay?
Iymonli shoirga do’nibsan barvaqt.
Kuz senga bag’rini ochgandi atay –
Hislari yetilgan ayoldek sarmast.
Bormading, bormading, Kuzga bormading,
Mushtoq mevalarin uzmading, qiziq.
Siringni sotmading, ko’ngil yormading,
Muqaddas ontingni buzmading, qiziq.
Mag’rur mag’lub bo’lding, isyonlar tindi,
Sevgi o’yinida kim bo’lgan g’olib?
Qilinmagan gunoh tinch qo’ysin endi,
Do’zax yonib ketsin Kuzga qo’shilib.
©Mehrinoz Abbosova
Mezon nafasini tuyasan tuyqus.
Bostirib kelmoqda bir quchoq olov –
Sen qaydan bu qadar sokinsan, Avgust?
Qachon tazarruga kelding butunlay?
Iymonli shoirga do’nibsan barvaqt.
Kuz senga bag’rini ochgandi atay –
Hislari yetilgan ayoldek sarmast.
Bormading, bormading, Kuzga bormading,
Mushtoq mevalarin uzmading, qiziq.
Siringni sotmading, ko’ngil yormading,
Muqaddas ontingni buzmading, qiziq.
Mag’rur mag’lub bo’lding, isyonlar tindi,
Sevgi o’yinida kim bo’lgan g’olib?
Qilinmagan gunoh tinch qo’ysin endi,
Do’zax yonib ketsin Kuzga qo’shilib.
©Mehrinoz Abbosova
1💔37❤🔥30❤23
Menga toʻrt fasl ham farqsizdir butkul,
Menga begonadir qonun va mezon.
Xohlasam kuz chogʻi yozib qoʻyib gul,
Xohlasam bahorda boʻlaman xazon...
Men shunday devona, telba bir nasim,
Sogʻinish, sevishdan yot tashvishim yoʻq.
Oʻzganing men bilan ishi boʻlmasin,
Oʻzgalar bilan-da mening ishim yoʻq...
Men uchun dunyoni suv bossa ne gʻam,
Barchasi bir boʻlib yoʻq boʻlmaydimi...
Ming asr ichinda toʻlmagan bir kam,
Koʻz yosh bilan boʻlsin, bir toʻlmaydimi!
Hurlarning labida tutgan bolidan,
Lazzat topolmagan inson – haykaldir.
Kimlarning ayshi-yu gul visolidan,
Kimningdir hijroni menga afzaldir.
Bor-u yoʻqligini unutgan tushkun
Darveshlar tengiman, ulardan-da xor.
Baribir bu hayot oddiy bir tush-ku,
Xudojon, kel meni uygʻotib yubor!
©Nurmuhammad Abduzoir
Menga begonadir qonun va mezon.
Xohlasam kuz chogʻi yozib qoʻyib gul,
Xohlasam bahorda boʻlaman xazon...
Men shunday devona, telba bir nasim,
Sogʻinish, sevishdan yot tashvishim yoʻq.
Oʻzganing men bilan ishi boʻlmasin,
Oʻzgalar bilan-da mening ishim yoʻq...
Men uchun dunyoni suv bossa ne gʻam,
Barchasi bir boʻlib yoʻq boʻlmaydimi...
Ming asr ichinda toʻlmagan bir kam,
Koʻz yosh bilan boʻlsin, bir toʻlmaydimi!
Hurlarning labida tutgan bolidan,
Lazzat topolmagan inson – haykaldir.
Kimlarning ayshi-yu gul visolidan,
Kimningdir hijroni menga afzaldir.
Bor-u yoʻqligini unutgan tushkun
Darveshlar tengiman, ulardan-da xor.
Baribir bu hayot oddiy bir tush-ku,
Xudojon, kel meni uygʻotib yubor!
©Nurmuhammad Abduzoir
❤46❤🔥22🕊19
Begona
Afsus, sen Homerni o‘qimagansan...
Nima uchun kuchlar bir-biriga ters?
Nima uchun qalbing bo‘lmas namoyon?
Sendan menga qadar – hammasi sirli,
Mendan senga qadar – hammasi ayon.
Sochlaring rangiday qora tuyg‘ular,
Rangin kunlarimga qilar ibodat.
Soatni pullayman sariq chaqaga,
Har bir chaqa sen va mendan iborat!
Qarashlar – jinoyat, izhorlar – gunoh,
Gunohga botganman avval boshidan.
Ko‘zlarim qalbingda umrbod mahkum,
Sug‘ording ularni ko‘zing yoshida.
Endi boshimizga yog‘maydi yomg‘ir,
Quyosh yo‘qlamaydi bizlarni birrov.
Garchi Medeyaning qarg‘ishi urgan,
Ishqimiz – Prometey keltirgan olov.
Kipriging – Apallon o‘lim nayzasi,
Bilki, Afina ham bo‘lolmas raqib.
Men esa qo‘rqmasdan boraveraman,
Olimp xudolari qilsada ta’qib.
Men Ahill emasman, ruhim jangchimas,
Isming esa o‘tkir, yirtar bo‘g‘zimni.
Maydonga chaqirgim kelar hayqirib,
Soyanga berkinib olgan o‘zimni.
Ayriliq uydirma, vidolar soxta,
Ig‘volar yuzini yolg‘onga artgan.
Bizlarni miflar-u ertaklar emas,
Muhabbat loyidan osmon yaratgan.
Taqdir bitigiga peshonam ko‘nmas,
Sen – ta’qiq mevasi, sen – sirli kuysan.
Baribir uzaman, kuylayman seni,
Roziman toabad do‘zaxda kuysam.
Lekin, sen Homerni o‘qimagansan...
©Shoxruh Najot
Afsus, sen Homerni o‘qimagansan...
Nima uchun kuchlar bir-biriga ters?
Nima uchun qalbing bo‘lmas namoyon?
Sendan menga qadar – hammasi sirli,
Mendan senga qadar – hammasi ayon.
Sochlaring rangiday qora tuyg‘ular,
Rangin kunlarimga qilar ibodat.
Soatni pullayman sariq chaqaga,
Har bir chaqa sen va mendan iborat!
Qarashlar – jinoyat, izhorlar – gunoh,
Gunohga botganman avval boshidan.
Ko‘zlarim qalbingda umrbod mahkum,
Sug‘ording ularni ko‘zing yoshida.
Endi boshimizga yog‘maydi yomg‘ir,
Quyosh yo‘qlamaydi bizlarni birrov.
Garchi Medeyaning qarg‘ishi urgan,
Ishqimiz – Prometey keltirgan olov.
Kipriging – Apallon o‘lim nayzasi,
Bilki, Afina ham bo‘lolmas raqib.
Men esa qo‘rqmasdan boraveraman,
Olimp xudolari qilsada ta’qib.
Men Ahill emasman, ruhim jangchimas,
Isming esa o‘tkir, yirtar bo‘g‘zimni.
Maydonga chaqirgim kelar hayqirib,
Soyanga berkinib olgan o‘zimni.
Ayriliq uydirma, vidolar soxta,
Ig‘volar yuzini yolg‘onga artgan.
Bizlarni miflar-u ertaklar emas,
Muhabbat loyidan osmon yaratgan.
Taqdir bitigiga peshonam ko‘nmas,
Sen – ta’qiq mevasi, sen – sirli kuysan.
Baribir uzaman, kuylayman seni,
Roziman toabad do‘zaxda kuysam.
Lekin, sen Homerni o‘qimagansan...
©Shoxruh Najot
*Afsus, men Homerni oʻqimaganman...
❤🔥42❤25🕊19