نص اللي نبو انقولوه ماينكتبش ..

لعله ف النفوس ام الظروف مزالن نفس م هنا ..

‏شينه لما تبقي عندي تسوي كل الناس ونا عندك زيي زي كل الناس ..

مافش حاجة تجي بالساهل ضروري تتعب شوية بعدين ماتجش ..

مايفهموكش إلا اثنين واحد عاش نفس الي عشته والثاني يعرفك انت شنو ..

‏المستقبل الي رسمته في خيالي زمان ما لش اي علاقه بالمهزله الي صايره معايا توا ..

⁣نوئطه نسالكم :

معش نصدق اي كلام ينقال ليا، لان اغلب اللي شفته علمني ان الكلام ساهل، لكن الفعل هو اللي يبين الحقيقه، فيه ناس يضحكوا في وجهك، واول ما تعطيهم ظهرك يتغير كل شي، يحكوا عليك، ويقلبوا كلامهم كانهم عمرهم ما عرفوك، مرات نقعد نفكر كيف الواحد يقدر يمثل بكل البرود هذا وكيف يقدر يخبي حقيقته ورا ابتسامه لكن خلاص تعلمت ان الوجوه مش كلها كيف بعض وان النفاق قعد منتشر اكثر من الصدق، واللي يوجع مش انهم نافقوا اللي يوجع اني كنت حاسبهم ناس يستاهلوا الثقه، لكن الايام دايمًا تكشف كل واحد، وتوريك من الصادق، ومن اللي كان عايش بقناع .

الوهم مرات يعيشك عمر كامل في قصة ما صارتش، وتصدق كلام ما كانش له أي قيمة، وتبني آمال على ناس ما يستاهلوش، ولما تنكشف الحقيقة تعرف إنك كنت متعلّق بشي ما كانش موجود من الأساس، ومن يومها تعرف إن الوهم يكسر القلب أكثر من الحقيقة.

مش كل حاجه تمسكها في يدك تكون تحت سيطرتك، مرات هي اللي تبدء تمسك فيك من غير ما تنتبه، في البدايه تحسبها مجرد عادة، تهرب بيها من التفكير ولا من الضيق، وبعدها تلقى روحك كل ما تضيق بيك الدنيا تمشي لنفس الشي، الغريب إنها توهمك بالراحه وهي كل يوم تاخذ منك حاجه، مره من صحتك، ومره من هدوء بالك، ومره من عمرك. والاسوء انك تعرف انها ما تعطيكش الحل، لكن ترجع لها كل مره وكانها اخر باب مفتوح، في النهايه تعرف ان اكثر شي كنت تحسابه يخفف عليك، هو اكثر شي كان يستهلك فيك بصمت .

الوهم مش ديما يكون كذبه، مرات يكون فكره تكبرها في راسك لين تقعد حقيقه بالنسبه ليك، تقعد تبرر، وتستنى، وتقول يمكن، وكل يوم تضيف سبب جديد يخليك تتمسك، لين يجي الوقت اللي يطيح فيه كل شي مره وحده، وفي وقتها تعرف ان الحقيقه كانت ساكته من زمان، لكن الوهم كان صوته اعلى .

مع الوقت فهمت ان اكبر وهم عشت فيه، هو اني كنت نشوف الناس بالصوره اللي نبيهم يكونوا عليها، مش بالصوره اللي هم عليها فعلًا، كنت نبرر، ونسامح، ونقول يمكن فهمتهم غلط، لين المواقف كثرت وكشفتلي ان بعض الناس ما كانوش صادقين من البدايه، قدامك كلامهم كله وفا، وورا ظهرك يتبدل كل شي، يحكو على النفاق وهما اكثر ناس يتعاملو بيه، ويخاصمو شخص ويحكوا عليه بالسوء، وبعدها تلقاهم اول ناس واقفين معاه، وقتها فهمت ان مش كل قريب امان، ومش كل كلام حقيقي، وان بعض العلاقات مجرد وهم نتمسكوا بيه خوفا من الحقيقه، ومن يومها قعدت نصدق المواقف اكثر من الكلام، لان الكلام يقدر اي حد يقوله، لكن الموقف هو اللي يكشف الانسان على حقيقته.

مـش ديـما السكـوت علامـة الرضـا مـرات
نسـكت بـاش منسبـش امك .

الاهمال مش مجرد انك ما تسالش عليا، الاهمال انك تعرف شن يوجعني وتختار تديره كانك ما تعرفش، انك تشوف التغيير في صوتي وكلامي، ومع هذا ما تحاولش حتى تسال شن صاير، في البداية كنت نعاتب، مش ضعف، لكن لاني كنت نبي نحافظ على حاجة كانت تعنيلي واجد، كنت نستنى منك اهتمام بسيط، كلمة في وقتها، سؤال يخليني نحس ان وجودي عندك له قيمة، لكن مع كل مرة كنت نتجاهل، كنت نتعلم ان اللي نطلبه منك ما كانش صعب، بس انت ما كنتش تبيه، اقسى حاجة لما تعطي شخص كل اهتمامك، وهو يخليك تحس انك تطلب منه المستحيل، تبدأ تسال روحك، هل انا ثقيل؟ هل كثرة اهتمامي ضايقته؟ هل وجودي أصبح عبء عليه؟ وبعد وقت تفهم ان المشكلة ما كانتش فيك، المشكلة انك كنت تعطي قلبك لشخص ما يعرفش يحافظ عليه، الاهمال يخلي حتى الشخص اللي كان يحكي واجد، يتعلم السكوت، مش لانه ما عنده كلام، لكن لانه تعب من انه ما ينسمعش، وتوصل لمرحلة ما تبيش تشرح، لانك عرفت ان اللي يبي يفهمك، بيفهمك حتى من سكوتك، ومرات اكثر حاجة توجع مش انهم يتغيروا، لكن انك تكتشف انهم كانوا قادرين يكونوا افضل، بس اختاروا ما يكونوش، تتذكر كيف كنت تعطيهم وقتك وانت مشغول، وكيف كنت توقف كل شي عشان تسمعهم، وبعدين تلقاهم مش قادرين يعطوك حتى دقيقة من وقتهم لما تكون انت محتاجهم، هنا تعرف ان الاهتمام مش كلام ينقال، الاهتمام موقف، ووقت، وخوف على خاطر شخص تحبه، وانا ما نبيش حد يهتم بيا لانه خايف يخسرني، نبيه يهتم لانه فعلا يهمه وجودي، لان الاهتمام اللي يجي بعد العتاب مرات ما يكونش اهتمام، يكون مجرد محاولة لاسكات الوجع، ومع الوقت، الانسان ما يبردش فجاة، هو بس يتعب من انه يكون الطرف الوحيد اللي يحاول، لين يجي يوم تلقاه ساكت، هادي، ومعش يسال، وهنا مش معناها انه ما عادش يهتم، معناها انه فقد الامل، واصعب خسارة مش انك تخسر شخص، اصعب خسارة انك تخسر نفسك وانت تحاول تخليه ما يخسركش، لهذا مرات البعد مش قسوة، البعد يكون اخر طريقة تحافظ بيها على روحك من شخص كان المفروض يكون امانك.

ـ اِشتراك يَ طيري :

في بنت عرفتها وفعلا حسيت انها مش زي باقي الناس، مش لانها تحاول تكون مميزة، بالعكس، هي طبيعتها بروحها فيها حاجة مختلفة، طريقة كلامها، تفكيرها، وحتى التفاصيل الصغيرة اللي فيها، من الناس اللي تقدر تقعد معاهم وتحكي في اي حاجة من غير ما تحس انك لازم تشرح روحك، وجودها في حياتي خلاني نقدر معنى انك تلقى شخص ترتاحله من غير سبب واضح، مش كل شخص نعرفه يسيب اثر، لكن هي من الناس اللي خلت لها مكان خاص عندي، نقدرها على شخصيتها قبل اي حاجة ثانية، ونحترمها على كل موقف وقفته وكل كلمة قالتها في وقتها، يمكن هيا مش عارفة قيمتها عندي، ويمكن حتى ما تنتبهش للتفاصيل اللي انا نلاحظ فيها، لكن هذا مش مهم، المهم اني نعرف قديش وجودها فرق معاي، وما نحتاجش نسمي العلاقة ولا نحط لها وصف معين، يكفيني انها انسانة غالية عليا، ومن الناس اللي نتمنى تبقى في حياتي لي نهاية العمر، لان في ناس وجودهم عادي، وفي ناس مجرد معرفتك بيهم تعتبر حاجة تستاهل تحمد ربك عليها.

↜ اهلا فيك يا غالي منور القناة ؛ 🤍
↜ الاسم ↼ 𝑃𝑟𝑖𝑛𝑐𝑒
↜ لا تغادر يا طيب، منورنا .
— — — — — — — — —

↜ اهلا فيك يا غالي منور القناة ؛ 🤍
↜ الاسم ↼ ﮼سَنَد @X6_if .
↜ لا تغادر يا طيب، منورنا .
— — — — — — — — —