أهلين ي حلوين ادري والله اني من زمان عنكم للظروف ولا ودي بهالبُعد الله حق ، فعشان نصير أقرب ونشوف احوالنا ان شاء الله هذاي فتحت حساب ع الانستقرام

حياكم الله معاي اذا مهتمين تشوفون حوستي و اذا م تبون خلوكم بهاه تعضلون بصمت وأمان إن شاء الله 😹🤍 ..

https://www.instagram.com/imu7aaa/profilecard/?igsh=a25zb2I4OWlmZWk=

السلام عليكم ورحمة الله وبركاته 🙄🤍
رد السلام واجب 🙄🤍

بسولف معكم كني ممداي معطيكم ١٦ وصفة حصرية مُتتاليه وانا ادري بكم م تاخذون بخاطركم بس احب اواسيكم وادللكم فجبت لكم مكس خورافي 🙄🤍


شايفين وصفه الوافل هذي ؟ حطيت عليها صوص المعصوب وطلع لي طعم خورافي من الآخر


وصفة الوافل هي :

٤٠ جرام شوفان مطحون + ملعقة صغيرة بيكنج باودر + نفسها نشأ + بيضة + قطرات فانيليا + ٤٠ جرام زبادي يوناني زيزو فات + ٣ ملي زيت زيتون + سُكر ستافيا + ١٥ ملي حليب لو فات

كلهم اخلطوهم ع بعضهم بعدها حطوهم في آلة الوافل مع بخة زيت وخلوها لين م تستوي، و ع بال م تجهز حضروا صوص المعصوب وهو

٣٠ جرام بروتين فانيلا + ٢٠ جرام جبن كريمي + ٤٠ جرام زبادي يوناني لو فات + قطرات فانيلا وبسس


الاضافات نص موزة + حبه سمراء + ١٠ جرام كاجو + ١٠ جرام انتم يعني عسل وكذا 🍯

وراح تطلع لكم القيمة الغذائية اللي تشوفونها ان شاء الله اما الطعم والله ي اخوكم محد يشكك بذوقي الحمدلله واكبر دليل هذا انتم جالسين تاكلون ماشاءالله وانا غاطس لي دهرين ونص يمكن 😹♥️ ..

السلام عليكم

والله م ادري وش أقول لكم بس امانه عاملوني كني م غبت عنكم ، اتفقنا ؟

نفس الوصفه بالتمام بس هالمره لابسه كرفتة الفرينش توست ، ركزوا معاي بكل هدوء

بعد م تجهزون المقادير بس هاتوا

شريحة توست البُر المحمصه وحطوا عليها صوص البروتين + شرايح موز

بعدها نحط عليها الشريحه الثانيه من توست البر + الصوص و الـ 🍌 + حبة سوداء + كاجو + أنتم ي 🍯

وبكذا يصير معصوب بأقل خطوات ونفس الطعم اللذيذ وفيهه ٤٠ جرام بروتين✨🤍 ..

السلام عليكم ورحمة الله وبركاته ادري انكم صابرين واجد علي ويمكن شفتوا احد يعطيكم وصفات غيري لكن بسوي نفسي م ادري واكمل كن م بوه الا انا اغذي عضلاتكم الحلوه

وصفة الوافل هي :

٤٠ جرام شوفان مطحون + ملعقة صغيرة بيكنج باودر + نفسها نشأ + بيضة + قطرات فانيليا + ٤٠ جرام زبادي يوناني زيزو فات + ٣ ملي زيت زيتون + سُكر ستافيا + ١٥ ملي حليب

كلهم اخلطوهم ع بعضهم بعدها حطوهم في آلة الوافل مع بخة زيت وخلوها لين م تستوي، و ع بال م تجهز حضروا الصوص الخورافي اللي طحت عليه وهو

٣٠ جرام بروتين شوكولاته + ١٠ جرام بودرة كاكاو + ١٥ ملي حليب ع ٣ دفعات يعني تحطون ١٥ ملي وتخلطونه وتعيدونها مره ثانيه + ١٥ ملي ومرهه ثالثه ويطلع لكم القوام الرهيب

وبس والله شلونكم انتم اذا عضلاتكم مو بخير لا سمح الله اعطوها من ذا الصوص وكما جرت العادة اشكروني بعدين لا تسحبون علي مثل م انا صامل معكم زي المثبته 🤍

شسالفه ليش جايه كل صوره بروحها ، صبر بعيدها

اوما ماشاءالله دامكم متفاعلين عليها كذا بخليها ، الله يسعدكم ويكبر عضلاتكم ي أجمل البشر 🤍✨ ..

اسمعوا عشان تخلون هالطبق فخم اذا احد سألكم عنه بس قولوا لوه 🫴🏻

Yogurt bowl 🥣

وبيني وبينكم تروه زبادي يوناني ابو ١١ جرام بروتين + سكوب بروتين خلطتهم مع بعض واستخدمت نكهة ماني معلمكم عليها وحطيت فوقه فواكه و جرانولا وطلع من الذ م يكون ماشاءالله

البروتين ٤٠ جرام بالراحه وصلى الله وبارك

اسمعوني ي حلوين هالوصفه هذي تصلح أنكم تسوونها قبل التمرين ، يعني تتبلون الدجاج وتخلونه و تروحون للتمرين ، من تردون تسونها وبعدها شاور وعقبها احلى استرخاء ع الوجبه


ركزوا معاي ع الرايق

المقادير:

صدور دجاج ع حسب احتياجك

ملعقه صغيره من هذولي (بابريكا حلوة + كمون + كزبرة اذا مو فيه عادي + بودرة ثوم + ملح + فلفل أسود )

معجون صلصة طماطم شويات بس

ع حسب كمية الدجاج يصير تحطون زبادي بالنسبه لي الـ ١٠٠ جرام دجاج يصير احط معاها ٢٥ ج زبادي وكذا

شوي زيت زيتون

معجون فلفل رومي اذا مو موجود عادي

كل م تخلونها تتبل اكثر كل م تصير الذ ، عاد كيفكم بطريقة التحضير ي حمس ولا شوي، انا امس شويتها و وريت المعضلين عندي بالإنستقرام كيف الطريقة من طقطق الى سلام عليكم

وعليكم بالعافية ولو سمحتوا غذوا عضلاتكم الحلوين