❗️Выбарчыя спісы Каардынацыйнай Рады цяпер у базе даных Ideology.me

Мы дадалі ўсе 11 спісаў, якія прэтэндуюць на месца ў т.зв. Каардынацыйнай радзе дэмакратычных сілаў Беларусі.

На жаль, не ўсе спісы змаглі падаць нам свае пазіцыі па пытаннях тэсту, але мы змаглі прааналізаваць іх праграмы і перадвыбарныя інтэрв'ю каб стварыць максімальна блізкія да рэчаіснасці ідэалагічныя партрэты спісаў.

На час правядзення выбараў з базы даных былі схаваныя некаторыя іншыя структуры, якія часткова ці цалкам прадстаўленыя ў гэтых спісах.

👉 Прайсці тэст:
https://ideology.me/test

👉Паглядзець спісы на каардынатах:
https://ideology.me/compass

За 2 тыдні працы наш тэст прайшло амаль 1.5К асобаў і мы атрымалі шмат карыснай зваротнай сувязі 🎉

Для таго, каб адказаць на некаторыя пытанні, якія ўзнікалі ў нашых карыстальнікаў і карыстальніц, прапануем да чытання невялічкі артыкул пра тое, як увогуле з'явілася падобнае вымярэнне палітычных поглядаў і што менавіта азначае кожная з дадзеных у нашым тэсце шкалаў:

https://blog.ideology.me/2024/05/27/jak-pracuje-ideology-me/

Аналіз вынікаў выбараў у Каардынацыйную Раду 🗳

Усяго ў выбарах прыняла ўдзел 6723 чалавека. Гэта, безумоўна, не шмат, але можна сказаць, што выбары былі дастаткова канкурэнтнымі і вынікі гэта дэманструюць:

У КР III склікання трапіла 8/11 спісаў розных ідэалагічных напрамкаў і пазіцыяў адносна спецыфічна беларускіх пытанняў. Суадносіны выглядаюць наступным чынам:

Эканамічна левыя/правыя: 46%/54%

Палітычная аўтарытарныя/лібертарныя: 67%/33%

Канфрантацыйныя/дыялогавыя: 38%/62%

Старая апазіцыя/новая апазіцыя: 45%/55%

Дасведчаныя ва ўнутраку КР кажуць, што высокая верагоднасць кааліцыі Латушкі і Пракоп'ева-Ягорава, якія разам будуць мець простую большасць (50%+1). Але якім чынам гэта на нешта зможа паўплываць (як і сам КР) пакуль незразумела. Застаецца толькі чакаць і назіраць.

Але ў любым выпадку гэта быў цікавы эксперымент па практыкаванні прамой дэмакратыі які дае пэўны зрэз мабілізацыйнага патэнцыялу асобных прадэмакратычных структураў Беларусі.