Hujum nishoni koʻplab federal idoralar joylashgan Alfred P. Murrah binosi boʻldi. 1995-yil 19-aprel kuni soat 09:02 da toʻxtab turgan 5 tonna portlovchi modda bilan toʻldirilgan yuk mashinasi besh daqiqali bomba yordamida bino oldida portlatilgan. Portlash natijasida, bino qisman qulab tushdi. Portlash natijasida, 16 blokli radiusdagi 324 ta bino shikastlangan. Terakt oqibatida 168 kishi halok bo‘ldi, 700 ga yaqin kishi jarohatlandi.

Terrorchilar ustidan sud 1997 yilda bo'lib o'tdi (ommaviy axborot vositalarida chuqur va keng muhokama qilingan tergov 2 yil davom etdi). Terrorchi Makveyga o'limga olib keladigan in'ektsiya yo'li bilan o'lim jazosi hukm qilindi, Nikols esa 161 ta umrbod qamoq jazosiga hukm qilindi. Terakt AQSh hukumatini zudlik bilan federal binolarni muhofaza qilish bo'yicha yangi qonunni qabul qilishga undadi.



@Ibtido_Tarix

❔Tunis nomi qayerdan olingan?🤔

🤩🤩 Tunis nomi uning eng yirik shahri va poytaxti nomidan kelib chiqqan. Qadimgi Karfagen yaqinida joylashgan Tunis shahri eramizdan ancha oldin ham ma'lum bo'lgan.

🤩Tunis toponimining kelib chiqishi turlicha izohlanadi. Ba'zi olimlar bu Finikiya ma'budasi Tanit (Tunis) bilan bog'liq deb taxmin qilishadi, chunki ko'plab qadimiy shaharlar homiy xudolar sharafiga nomlangan.

🤩Boshqa versiyaga ko'ra, bu nom berber tilidan kelib chiqqan bo'lishi mumkin. Ma'nosi "yotmoq" yoki "tunni o'tkazish" degan ma'noni anglatadi. Ehtimol tungi lager yoki vaqtinchalik to'xtash ma'nosida qo'llanilgandir.

🤩Tunis shahri qadimda eramizdan avvalgi 9-asrda Finikiyaliklar tomonidan asos solingan qudratli Karfagen soyasida qolib, muhim rol oʻynamagan. Miloddan avvalgi 146 yilda Karfagen rimliklar tomonidan vayron qilinganidan so'ng, mintaqa Rim imperiyasining bir qismiga aylandi. Tunis (o'sha paytda Tunes nomi bilan atalgan) kichik aholi punkti bo'lib qoldi, mintaqaning asosiy shahri esa Rim tomonidan qayta qurilgan Karfagen edi.

🤩🤩Tunisning ahamiyati keyinroq, islom davrida, ayniqsa 7-asrda Qayruan shahriga asos solinganidan keyin va 12-asrda Almohadlar sulolasi davrida poytaxt Tunisga koʻchirilgandan keyin ortdi.

🤩Shunday qilib, Tunis shahar sifatida qadimda muhim rol o'ynamagan, balki tarixning keyingi davrlarida muhim markazga aylangan bir shahar edi


@Ibtido_Tarix

#Tarix


1965-yil Turkiyada Kemalizm va Islom haqida BBC tomonidan hujjatli film taqdim etilgan.


@Ibtido_Tarix

🇮🇹 Zirhli italyan kondottieri . 15 - asr .

Shoh Ismoil Safaviy qoʻlida Eron qanday qilib shia boʻldi?


Eron yoki Fors musulmonlar unga Fotihlar sifatida kirib kelganidan beri islom olamida muhim hudud, turli xalqlarni bog'laydigan madaniy va geografik mamlakat bo'lib kelgan. U yerda Tohiriylar, Somoniylar, Safforiylar kabi mahalliy islom davlatlari barpo etildi. Keyin bir necha yillar Eronning katta qismi shia buvahiylar hukmronligi ostida bo‘lgan. Ammo bu davrda ijtimoiy tuzilma o‘zining sunniylik holatini saqlab qolgan. Moʻgʻullar bostirib kirib, u yerda oʻz davlatlarini barpo etishdan oldin Eron saljuqiylar va xorazmshohlar tomonidan boshqarilgan. Forsda Ray, Tus va Nishopur kabi islom madaniyat markazlari ham bor edi. Bu shaharlar Islom Sharqining eng gullab-yashnagan shaharlaridan boʻlib, ularda Imom Muslim, Ibn Moja, Al-Hakim An-Nishoburiy, Abu Dovud kabi koʻzga koʻringan sunniy ulamolar va buyuk imomlar sunnat hamda hadis boʻyicha kitoblar yozganlar. Bularning barchasi fors millatiga mansub va sunniylik oqimi vakillari edi.
Shunday qilib, Fors ham boshqa musulmon o‘lkalari kabi sunniy musulmon mamlakati bo‘lib, hijriy 907/milodiy 1501 yilda Safaviylar davlati barpo etilgunga qadar mamlakat tarixida o‘zgarishlar kiritgan. Uning asoschisi Ismoil Safaviy oʻzini sunniy musulmonlarga qarshi qo'yib, ularga kurashish va yoʻq qilishga, shuningdek, Eronda oʻn ikki Imom shia taʼlimotini oʻrnatishga bagʻishladi. Shia Rafidiy Safaviylar davlati boshida Ozarbayjonning Ardabil shahridan kelgan Shoh Ismoil tomonidan tashkil etilgan. U Eron platosi boʻylab tarqalgan turkman amirliklarini yoʻq qilish hamda musulmon sunniylarga qarshi bo'lgan Shia davlatini barpo etish uchun Forsning siyosiy tarqoqligidan foydalangan.


Ismoil Safaviy mamlakatda shialik siyosatini boshladi, oʻz taʼlimoti va mazhabini qilich orqali yoyadi. Bu yo'lda oʻnlab va yuz minglab sunniylarni yoʻq qildi. Shoh Ismoil o'zining raqiblariga nisbatan o'ta shafqatsizligi bilan mashhur bo'lib, hatto o'z onasini o'ldiradi. Bu harakati bilan u sunniy Eronni shia ta’limoti va rofidiylik e’tiqodi mamlakatiga aylantira oldi. Shundan keyin Ijtimoiy va siyosiy miqyosda Fors Markaziy Osiyodagi islomiy muhitga qarama-qarshi bo'lgan davlatga aylandi. Bu yerda endi sunniylar mutlaq ko'pchilikdan kichik, ta'qib qilinadigan ozchilikka aylandi.

Ismoil Safaviyning harakatlari faqat Eron bilan chegaralanib qolmay, undan tashqariga ham yoyilgan. U Iroqqa hujum qildi, Bag‘dodni bosib oldi va sunniy xalqini qirg‘in qildi. U, shuningdek, Usmonli imperiyasiga qarshi kurashdi. Bu orqali Usmonlilarning Yevropadagi fathlariga to'sqinlik qildi. Bu yo'lda Safaviy hatto Usmonlilarga qarshi Yevropa bosqinchi kuchlari bilan til biriktirdi. Qolaversa, u Xuroson tomonga kengayib, Movarounnahrda sunniy oʻzbeklarga qarshi kurash olib bordi. Aynan Ismoil Safaviy va uning avlodlari bosqinlari orqali bu oʻlkalarni ruslar uchun oson oʻljaga aylantirib qo'ydi. Ismoil Safaviy hijriy 930 yilda vafot etdi. Undan keyin uning vorislari Eron va Forsga qarshi harakatlarini davom ettirdilar.
Hijriy 1148/milodiy 1736 yilda Safaviylar davlati qulagandan keyin, 1796-yilda hokimiyatga kelgan Qojar davlati sunniy musulmonlarga dushman shia jamiyatini meros qilib oldi. Fors XX asrda Pahlaviy rejimi tomonidan o'rnatilgan G'arbcha tuzum nazoratni boshdan kechirdi. Biroq, bu uzoqqa cho‘zilmadi, chunki 1979 yilgi inqilobda shia, imomiy va fors millatchilik xarakteriga ega Eron qayta tiklandi.
Eron Respublikasi bugungi kunda rasman aytilmasada, Safaviylar davlatini va hatto qadimgi Fors imperiyasini tiklash yo'lida harakat qilmoqda.
----------------------------------
Manbalar:
Muhammad Suhayl Taqush, “Tarixi Safaviylar davlati”, birinchi nashr, “Dor al-Nafayes”, Bayrut, 1430 hijriy/2009 milodiy.


Husayn Mu’nis, Islom tarixi atlasi, Birinchi nashr, Arab ommaviy axborot vositalari uchun Al-Zahra, Qohira, 1407 hijriy/1987 milodiy.

@Ibtido_Tarix