Ҳасан Басрий раҳимаҳуллоҳ айтадилар:
Қайси бир киши ўзига берилган Аллоҳ таолонинг неъматларини кўра билса ва: “алҳамду лиллаҳиллазий биниъматиҳи татиммус солиҳат” (салоҳиятли ишлар Унинг неъмати ила тугал бўлувчи зот Аллоҳ таолога ҳамду санолар бўлсин) деса, Аллоҳ таоло албатта, уни Ўзидан бошқага муҳтож қилмайди ва яна Ўз фазлидан зиёдалик ато этади.

Ҳасан Басрий раҳимаҳуллоҳдан сўрадилар:
Эй Абу Саъийд айтингчи, қиёмат кунида одамларнинг ичида энг қаттиқ дод соладигани ким? Жавоб бердиларки: неъмат билан ризқланган, аммо ўша неъматдан Аллоҳга осий бўлиш йўлида фойдаланган киши.

⚠️ #Долзарб #Видеолавҳа

‼️Ўз фарзандларига қарши жиҳод эълон қилаётганларга мурожаат

🎙Шайх Муҳаммад Саид Рамазон Бутий раҳимаҳуллоҳ

✍️ Абдуллоҳ домла Ғуломов таржимаси

Улашинг: @AhliSunnaValJamoaUz

Шайтон яралганидан бошлаб уч марта йиғлаган экан.

1. "Шайтон" деб ном олганда!
2. Пайғамбариммиз Муҳаммад соллаллоҳу алайҳи васаллам бу дунёга келганларида!
3. Учинчи марта жудаям қаттиқ бақириб йиғлаган экан! Фаришталар
— Нега бундай йиғлаяпсан? — деб сўрашганда.
— Ер юзига Фотиҳа сураси туширилди. Кимки бомдод намозидан олдин Фотиха сурасини ўқиса, гуноҳлари ювилиб янги туғилган гўдакдек бўлиб қолади, — деб жавоб қилган экан.

Мўминларга шайтондан ҳимояланиш учун учта қўрғон бор:
1. Масжид;
2. Аллоҳни зикр этиш;
3. Қурьон ўқиш.

Бугун биз буларнинг баридан йироқ бўлганлигимиз учун шайтонга таслим бўляпмиз!

Ibn Hajar Asqaloniy rahimahulloh aytadilar: "Zikr yettitadir:

1. Koʻzlarning zikri – yigʻlash.
2. Quloqlarning zikri – quloq solish.
3. Tilning zikri – sano, tasbeh aytish.
4. Qoʻlning zikri – berish (sadaqa qilish).
5. Tananing zikri – vafo qilish (ibodat qilish).
6. Qalbning zikri – xavf va rajo.
7. Ruhning zikri – taslim boʻlish va rozi boʻlish".

“Fathul Boriy” kitobidan.

Hikmat

قال الإمام الشافعي (رضي الله عنه): ”ما ضحك من خطأ امرئ قط إلا وثبت صوابه في قلبه“.

“Kishining xatosi ustidan kulinmasa, toʻgʻrisi albatta uning qalbiga mustahkam oʻrnashadi”.

Imom Shofeʼiy (roziyallohu anhu)

​​БИР МУҲАББАТ ҚИССАСИ🫀

Абу Ос Пайғамбар ﷺ пайғамбар бўлишларидан олдин олдиларига бориб, катта қизлари Зайнабнинг қўлини сўради. (ОДОБ)

Унга Пайғамбар алайҳиссалом:
- Ўзидан рухсат олмагунимча бу ишни қилмайман, - дедилар. (ШАРИАТ)

Пайғамбар ﷺ Зайнабга:
- Холангнинг ўғли қўлингни сўраяпти, унга тегасанми? - дедилар.
Зайнабнинг юзлари қизарди ва табассум қилди. (ҲАЁ)

Пайғамбар ﷺ қизлари Зайнабни Абу Осга узатдилар. Шу билан бир муҳаббат қиссаси бошланди. Улардан Али ва Умома дунёга келди.

Кейин бир катта муаммо пайдо бўлди. (ЭЪТИҚОД)

Пайғамбар ﷺ пайғамбар бўлиб юборилдилар. Абу Ос сафарда эди. Сафардан қайтганида хотини Зайнаб мусулмон бўлган эди. Зайнаб унга:
- Муҳим янгилик бор, - деди. Абу Ос ўрнидан туриб, чиқиб кетди. (ЭҲТИРОМ)

Зайнаб даҳшатга тушиб, унинг ортидан борди ва деди:
- Отам пайғамбар бўлиб юборилди ва мен мусулмон бўлдим.
- Олдин менга айтиб, кейин бўлмабсан-да...
- Мен отамни ёлғончига чиқара олмайман-ку. Отам ҳеч қачон ёлғон гапирмаган. У ростгўй ва ҳалол одам. Бир ўзим эмас, онам, ака-укаларим, амакиваччам (Али ибн Абу Толиб) ҳам, аммангизнинг ўғли (Усмон ибн Аффон) ҳам, дўстингиз (Абу Бакр Сиддиқ) ҳам мусулмон бўлишган.
- Лекин мен одамлар, хотинини рози қилиш учун қавмидан юз ўгирди ва ота-боболарига куфр келтирди, дейишларини истамайман. Айни пайтда отангни ҳам айбламайман. Тўғри тушунасан ва узримни қабул қиласан, деб умид қиламан. (КЕЛИШУВ)
- Сизни мен тушунмасам, ким тушунади? (Сизни тушунмай ўлибманми?) Лекин мен сизнинг завжангизман. То ҳақиқатни тан олишга қодир бўлгунингизга қадар сизнинг ёрдамчингиз бўлиб қолавераман. (ОҚИЛАЛИК ВА ҒАМХЎРЛИК)

Зайнаб шу сўзига 20 йил вафо қилди... 20 йил!!! (АЛЛОҲ УЧУН САБР ҚИЛИШ)

Ҳижрат пайтида ҳам Абу Ос ҳали Исломга кирмаганди. Зайнаб Пайғамбар ﷺнинг олдиларига бориб:
- Эрим билан қолишимга рухсат беринг, - деди. (МУҲАББАТ)
Пайғамбар алайҳиссалом рухсат бердилар. (МЕҲРИБОНЛИК)

Бадр ғазоти. Абу Ос урушга Қурайш сафида чиқди. Эр отага қарши урушади. Бағри қон Зайнаб йиғлаб-йиғлаб, шундай дуо қиларди:
- Аллоҳим, отамни йўқотиб қўйишдан ҳам, боламнинг етим бўлиб қолишидан ҳам қўрқаман. Шундай кун келишини бошимга солма! (ҲАЙРАТ ВА УМИД)

Абу Ос Бадр жангида асир тушади. Зайнаб отасининг ғалабасидан қувониб, Аллоҳга сажда ва шукр қилади. Эрининг асир тушганини эшитиб, уни қутқариб олишни ўйлайди. (ОҚИЛАЛИК ВА УЗОҚНИ КЎРА БИЛИШ)

Эрини қутқариб олишга онасидан қолган бўйнидаги тақинчоқдан бошқа нарсаси йўқ эди. Ўша тақинчоқни Абу Оснинг укасидан бериб юборди. Пайғамбар ﷺ асирларни фидясини олиб қўйиб юбораётганди. Хадича онамизнинг тақинчоқларига кўзи тушиб:
- Бу кимнинг фидяси? - деб сўрадилар.
- Абу Ос ибн Рабиъники, - деб жавоб беришди. Пайғамбар ﷺ йиғладилар ва:
- Бу Хадичанинг тақинчоғи эди, - дедилар. (ВАФО)
Кейин ўринларидан туриб:
- Эй одамлар, куёвимиздан ҳеч ёмонлик кўрмагандик, уни шундоқ қўйиб юборсам майлими? - дедилар. Ҳамма:
- Ҳа, эй Аллоҳнинг пайғамбари, - дея жавоб қайтарди. (АСКАРЛАР ОДОБИ)
Пайғамбар ﷺ унга тақинчоқни бера туриб:
- Зайнабга тайинла, онаси Хадичанинг шодасини эҳтиёт қилсин, - дедилар. (КОФИР БЎЛСА ҲАМ УНИНГ ХУЛҚИГА ИШОНЧ БИЛДИРИШ)
Кейин Абу Осга, сенга бир сирни айтай, дея уни бир чеккага тортдилар-да:
- Эй Абу Ос, Аллоҳ менга муслимани кофирдан ажратишни буюрди, қизимни ўзимга қайтариб юборасанми? - дедилар.
- Хўп, - деди Абу Ос. (ЭРКАКЛИК)
Зайнаб Абу Осни Макка остонасида кутиб олди. Абу Ос унга:
- Мен кетаман, - деди.
- Қаерга?
- Мен эмас, сен отангнинг олдига кетасан. (ВАЪДАГА ВАФО)
- Нима учун?
- Иккимизни бир-биримиздан ажратиш учун. Бор, отангнинг олдига кет.
- Сиз ҳам мусулмон бўлиб, мен билан бирга кетмайсизми?
- Йўқ.
Зайнаб ўғли ва қизини олиб, Мадинага кетди. (ИТОАТ)

Олти йил совчилар кети узилмади. Эрининг келишини умид қилиб, ҳаммасига рад жавобини берди. (ВАФО)

(давоми бор)

​​БИР МУҲАББАТ ҚИССАСИ🫀

(Боши олдиги постда)

...Олти йилдан кейин Абу Ос бир карвон билан Маккадан Шомга сафар қилди. Йўлда бир қанча саҳобаларга дуч келди ва карвонини йўқотиб қўйди.

Бомдоддан сал олдинроқ Зайнабнинг уйи ёнига келди ва эшикни қоқди. Зайнаб уни кўриб:
- Мусулмон бўлиб келдингизми? - деб сўради. (УМИД)
- Қочиб келдим.
- Мусулмон бўласизми? (ТАЛАБИДА ҚАТЪИЙ ТУРИШ)
- Йўқ.
- Қўрқманг. Холамнинг ўғли хуш келибдилар. Али ва Умоманинг отаси хуш келибдилар. (АЖРИМ ВА АДОЛАТ)

Пайғамбар ﷺ бомдод намозига имомлик қилдилар. Намоз ўқиб бўлингач, масжиднинг охиридан бир овоз келди:
- Мен Абу Ос ибн Рабиъни ўз ҳимоямга олдим.
- Нимадир эшитгандек бўлдим, сизлар ҳам эшитдингларми? - дедилар Пайғамбар ﷺ.
- Ҳа, эй Аллоҳнинг пайғамбари, - дейишди саҳобалар.
Зайнаб деди:
- Эй Аллоҳнинг пайғамбари, Абу Ос узоқдан келадиган бўлсам, холамнинг ўғли, яқиндан келадиган бўлсам, болаларимнинг отаси, мен уни ўз ҳимоямга олдим.
Пайғамбар ﷺ ўринларидан туриб:
- Эй одамлар, куёвимиздан ёмонлик кўрмаганмиз, рост гапирган, берган ваъдасига вафо қилган, маъқул кўрсангизлар, унга молини қайтариб бериб, шаҳрига қайтиб кетишига қўйиб беринглар, шундай қилишинглар менга ҳам ёқади, маъқул кўрмасангизлар, унинг масаласи сизларнинг қўлингизда, қандай ҳукм қилсангизлар ҳам сизларни айбламайман, - дедилар. (ШЎРО)
- Молини қайтариб берамиз эй Аллоҳнинг пайғамбари, - дейишди одамлар. (АСКАРЛАР ОДОБИ)

Пайғамбарﷺ Зайнабга қараб:
- Сен ҳимоянгга олган одамни биз ҳам ҳимоямизга олдик, - дедилар.
Кейин Зайнабнинг уйига бориб:
- Зайнаб, уни яхшилаб меҳмон қил, ҳурматини жойига қўй, у холангнинг ўғли, болаларингнинг отаси, лекин унга яқинлашма, у сенга ҳалол эмас, - дедилар. (МЕҲРИБОНЛИК ВА ШАРИАТ)
- Хўп бўлади, отажон, - деди Зайнаб. (ИТОАТ)

Зайнаб уйга кириб, Абу Осга:
- Бизни ташлаб кетиш сизга шунчалар осонми, ундан кўра мусулмон бўлиб, шу ерда қолавермайсизми? - деди. (МУҲАББАТ ВА УМИД)
- Йўқ, - деди Абу Ос ва молини олиб, Маккага қайтиб кетди.
Маккага етиб келгач:
- Эй одамлар, мана молинглар, менда яна бирон нарсанглар қолдими? - деб сўради. (ҲАЛОЛЛИК, ОМОНАТДОРЛИК)
- Худо хайрингни берсин, жуда гўзал вафо қилдинг, - дейишди одамлар. (ТАБИИЙЛИК)
- Ундай бўлса, гувоҳлик бераманки, Аллоҳдан ўзга илоҳ йўқ ва Муҳаммад Аллоҳнинг расулидир. (НЕЪМАТ)...

Бомдодда Мадинага кириб борди. Пайғамбар ﷺнинг олдиларига бориб:
- Эй Аллоҳнинг пайғамбари, кеча мени ўз ҳимоянгизга олгандингиз, мана бугун ёнингизга келдим ва гувоҳлик бераманки, Аллоҳдан ўзга илоҳ йўқдир ва сиз Аллоҳнинг расулидирсиз, - деди. (ЭНГ ГЎЗАЛ СУРАТДА ЯХШИЛИККА ЯХШИЛИК ҚАЙТАРИШ)
Кейин Пайғамбар ﷺдан, Зайнабнинг олдига қайтсам бўладими, деб сўради. Пайғамбар ﷺ эса унинг қўлларидан тутиб, юр кетдик, дедилар. Зайнабнинг эшиги олдига келиб, эшикни қоқдилар ва:
- Зайнаб, холангнинг ўғли яна келиб, яна қўлингни қайта сўраяпти, розимисан, - дедилар.
Зайнабнинг юзи қизарди ва табассум қилди. (ДОИМИЙ РОЗИЛИК)

Шу воқеадан бир йил ўтиб, Зайнаб оламдан ўтди...

Абу Ос шу қадар қаттиқ йиғладики, ҳатто одамлар Пайғамбар ﷺнинг ўзлари уни юпатганини кўришди. У шундай дерди:

- Аллоҳга қасамки, эй Аллоҳнинг пайғамбари, Зайнабсиз яшай олмайман, тоқатим етмайди. (УМР ЙЎЛДОШИ)

Зайнаб ўлимидан бир йил ўтиб, у ҳам вафот этди. (РУҲЛАР УЧРАШДИ, ҚОВУШДИ)

Уяти борлар ўлиб кетган!

Айтишларича Усмонийлар халифалиги даврида Шом юртлари оммавий ҳаммомлар билан таниқли эди. Ҳаммомда иссиқ сув, совун ва бошқа хушбўйликлар бўлгани учун кўплаб одамлар оммавий ҳаммомларда ювинишган.

Кунлирнинг бирида катта бир ҳаммомга ўт кетди. Ичкаридаги одамлар ярим-яланғоч ҳолида жонсарак бўлиб ташқарига қочишди. Баъзи одамлар эса кийимсиз ҳолатда ташқарига чиқишдан уялиб ичкарида қолишди ва аланга ичида куйиб ҳалок бўлишди.

Кейин шаҳарда "Бу ёнғинда кимлар ўлди?", — деган саволга бир киши: "Уяти борлар ўлди!", — деб жавоб берди.

Шу одамнинг гапи тарқаб масал бўлиб қолди. Ҳозир ҳам Шомда бу гап машҳур: "Уяти борлар ўлиб кетган!"

​#Биласизми

Жаннатнинг саккизта даражаси бор.

1️⃣. Жаннатул хулд. -- Омматан кишилар учун.
2️⃣. Дорус салаам. -- Фақир ва сабр қилувчилар учун.
3️⃣. Дорул мақом. -- Шукр қилувчи бойлар учун.
4️⃣. Жаннатул Адн.-- Зоҳид, ғозий, обид, сахий ва имомлар учун.
5️⃣. Дорул қарор. -- Қори ва олимлар учун.
6️⃣. Жаннатун наъийм.-- Шаҳид ва муаззинлар учун.
7️⃣. Жаннатул маъваа. -- Шухадои Акбар, муҳсийн, авлиёи киромлар учун.
8️⃣. Жаннатул фирдавс. -- Пайғамбарлар, расуллар, аммалли уламолар учун.

Фирдавснинг юқорисида нурдан бир қаср бўлиб, у хотамул анбиё Расулуллоҳ ▫️нинг жойларидир.

Ёдингда тут

  Луқмони Ҳаким айтадилар:

1. Намоз ўқиганингда қалбингни сақла. 

2. Ўзганинг уйига кирганда кўзингни сақла.

3. Одамлар ичида тилингни сақла.

4. Икки нарсани ёдингда тут: - бири Аллоҳнинг Биру Борлиги, иккинчиси - ўлимнинг аниқлиги.

5. Икки нарсани эсингдан чиқар - бири - ўзгаларга қилган яхшилигинг, иккинчиси ўзгаларнинг сенга қилган ёмонлиги.

БОШҚАЛАРГА САВОБ БАҒИШЛАСА, ЎЗИДА ҲАМ ШУ САВОБ ҚОЛАДИМИ?
#савоб

❓1369-CАВОЛ: Инсон савобли амал қилиб, ўтганларга бағишлайди. Мана шу амалининг савоби ўзида ҳам қоладими?

💬 ЖАВОБ: Бисмиллаҳир роҳманир роҳим. Албатта, ўзига ҳам савоб қолади. Ҳошиятут Таҳтовий” китобида бундай дейилган:
"فللإنسان أن یجعل ثواب عمله لغیره عند أهل السنة والجماعة سواء کان المجعول له حیًّا أو میتًا من غیرأن ینقص من أجره شيء. وأخرج الطبراني والبیهقي في الشعب عن ابن عمر قال: قال رسول الله ﷺ: إذا تصدق أحدکم بصدقة تطوعاً فلیجعلها عن أبو یه؛ فیکون لهما أجرها ولاینقص من أجره شيء"
“Аҳли сунна вал жамоа наздида инсон қилган амалининг савобини бошқа инсонга бағишлаши мумкин. Бағишланган инсон тирик ёки маййит бўлишининг аҳамияти йўқ. Бунда амални қилган инсоннинг савобидан ҳеч нарса камаймайди. Имом Табароний ва Имом Байҳақий Ибн Умар розияллоҳу анҳумодан ривоят қиладилар: “Расулуллоҳ соллаллоҳу алайҳи васаллам: “Сизлардан бирингиз нафл садақа қилса, унинг савобини ота-онасига бағишласин. Шунда садақанинг савоби ота-онасига бўлади ва ўзининг ҳам савоби камаймайди”, деганлар”. Бу маънодаги гаплар бошқа манбаларда ҳам келган. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

#ибрат

• Тажрибасиз кишига ёрдам бермоқчи бўлсанг — у билан бажар.
• Кекса кишига ёрдам бермоқчи бўлсанг — унинг ўрнига бажар.
• Моҳир кишига ёрдам бермоқчи бўлсанг — унга ҳалал берма.
• Аҳмоққа ёрдам бермоқчи бўлсанг — сен ҳам аҳмоқсан.

Ahmad Lutfiy hozirgi zamon adibi, tarixchi olim. Biz eʼtiboringizga havola etayotgai “Intizor kutilgan tong” qissasi Saodat asridan hikoya qiluvchi olti jildli asarning birinchi kitobidir. Kitob toʻla holida Janobi Paygʻambarimiz alayhissalomning tugʻilishlaridan to vafotlariga qadar muborak hayotlarini kamrab oladi. Xuddi shu mavzuga bagʻishlangan boshqa asarlardan farqi muallif aniq tarixiy voqeahodisalarni oʻziga xos badiiy yoʼsinda aks ettirganidir. Natijada u gʻoyat oʻqishli chiqqan. Bu kitoblarning mashhur boʻlib ketganini shundan ham bilsa boʻladiki, asar toʻrt marta nashr kilingandir. Inshaalloh, sizlarga ham yoqadi, degan umiddamiz.

Ⓜ️anba ➤ @ibratli_umrlar
✅ Kanalga ulanish👇
https://t.me/joinchat/RCmKGHZ_fA0yYWI6

MUALLIFDAN
Saodat yoʼlining eng ulugʻ va eng soʻnggi rahbari, Olloh taoloning eng sevgili quli va elchisi hazrati Muxammad Mustafo sollallohu alayhi vasallam (s.a.v.) janoblarining goʻzal, barkamol, oʻrnakli hayotlarini butun borligʻicha aynan tasvirlash, as'hobining unga nisbatan muxabbatini, vafodorlik tuygʻularini mukammal koʻrsatish, dushmanlarining kin va hasadga toʻla xatti-harakatlarini toʻlasicha ifodalab berish, fikrimizcha, hech bir insonning qoʻlidan kelmaydi. Masalan, Abu Bakr hazratlarining Janobi Rasulullohga (s.a.v.) boʻlgan mehr-muhabbati, Abu Jahldagi kin va hasad ummon kabi cheksiz chegarasizdir. Hozirga qadar aytilgan gaplar ham, aytilajak gaplar xam shu ummondan bir necha qatradir, xolos.
Yuz yillarcha davom etgan tussiz, masʼuliyatsiz hayot, bu hayot ichidagi yaxshi-yomon, ibrat olish mumkin boʻlgan eʼtiqod, axloq, odat va anʼanalar... undan keyin ilohiy amr xilpiratgan Tavxid sanjogʻi va haq bilan botil orasida yuzaga kelgan buyuk kurash...
Qoʻlingizdagi kitobning birinchi boʻlimi Sarvari anbiyo janoblariniig (s.a.v.) tugʻilishdan to nubuvvat vazifasini olgunga kadar kechgan xayotlarini va oʻshandagi johiliyat davrini aks ettiradi. Undan keyingi — nubuvvat va risolat vazifasini olgandan to Parvardigoriga qovushgunlariga kadar oʻtgan vaqt “Saodat davri” deyiladi. “Oydinliklar sari” deb nomlangan ikkinchi boʻlim shu davrning ilk pallalaridan hikoya kiladi.
Oʻylaymizki, ushbu kitobni oʻqiganlar orasidan “Paygʻambarimizni yanada yaqindan tanidim, yanada koʻproq sevadigan boʻldim”, deydigan biror inson chiqar va xuzuri iloxiyda ham shunday shohidlik berar. Ana shunda bu kitobdan kutilgan natija mukofotga erishgan boʻlamiz.
Asarning bu jildida paygʻambarlik vazifasi kelgunga qadar Rasulullohning muborak
ismi shariflariga “sollallohu alayhi vasallam” salovoti qoʻshilmagan. Biroq buni Rasuli Akramga nisbatan xurmatsizlik deb tushunmaslik kerak. Kitobda qoʻldan kelganicha hurmatga rioya qilingan.
Bugun ham marqadi muboraklarida samimiyat ila salotu salom aytganlarga shaʼnlariga yarashadigan darajada muomala qilishlariga ishonganimiz Rasulullohga (s.a.v.) abadiyatlar qadar va olingan nafaslar sonicha salotu salomlar aytamiz.
Olloh taolo sari eltuvchi yagona saodat va hidoyat yoʼli bor, u ham boʻlsa, naygʻambarimiz (s.a.v.) koʻrsatgan yoʼldir. Insoniyat erisha oladigan eng yuksak axloq qanday boʻlishi lozimligini paygʻambarimiz (s.a.v.) shaxsan yashab koʻrsatganlar. Bundan boshqa yoʼl qidirgan kimsa badbaxt boʻlur. Uni kamsitgan kishi dunyo va oxiratda xoru zor boʻlur. Unga qarshi chiqqanlar alaloqibat baloqazoga giriftor boʻlur.
U zotga boʻlgan sevgi — ibodat, u zotning sharafli ismlarini zikr etish — saodat, u kishining shafoatlaridan mahrum qolish — falokatdir. U zoti sharifga, u zotning yoʼllaridan yurganlarga, u zotga xos ummat boʻlishga gʻayrat qilayotganlarga salomlar boʻlsin.
“Inson sevgani bilan birgadir” hadisi xabar bergan saodatga erishganlarga salom...
“Bugun bir soatgina Rasulullohni uyimda mehmon qilsam, qanday baxtiyor boʻlardim!”
“Doʻkonimga borayotganimda, oldimda paygʻambarimiz yurib borayotganlarini koʻrsam, men oʻzim qanday yurgan boʻlardim?”
“Men qatnashayotgan majlisda Nabiyi Akram janoblari (s.a.v.) ham oʻtirgan boʻlsalar, men oʻzimni qanday tutardim?”
“Janobi Rasululloh yashagan Saodat davrida yashaganimda, u zotga hurmatim qanday boʻlardi?” kabi hayajonli savollarni oʻziga bera oluvchi va bularni aziz umrida tadbiq qilish fursatini topguvchi, yotarda u kishining sevgisi yodi bilan uyquga ketguvchi, uygʻonganida u zotning gul boʻylarini hidlash fikri ila turadigan moʻminlarga salomlar boʻlsin...
Tilim seni soʻylasin, qalbim doim seni eslasin, Sevgingga toʻqnashmagan qalb koʻksimda boʻlmasin. Mushk taratgan tuprogingga yuzlarimni surmasam, Isyon ila chirigan koʻzlarim yumulmasin.

Ⓜ️anba ➤ @ibratli_umrlar
✅ Kanalga ulanish👇
https://t.me/joinchat/RCmKGHZ_fA0yYWI6