Изҳорсиз ишқ

Муаллиф :Бинафша

56- қисим

-Ҳа ишларим кўпайиб кетди. Яна Элифни ҳам тез тез мазаси бўлмай қоляпти. Яқинда яна аперацияси бор. Касали анча кучайиб бормоқда, тезроқ аперация қилиш керак.
-Шунақа де. Тузалиб кецин. Аперациядан кейин унга жуда яхши эътибор керак. Энаганг яхши қарай оладими?
-Ҳа яхши қарайди. Нелдин холани биласизку?
-Ҳа яхши унда. Эртага Элифни ҳам олиб кел. Қизлар билан ҳам танишиб кетади.
-Хўп олиб келаман. Ўзи у ҳам опамлар билан таништиргани олиб боринг деб айтиб юрганди. Бек гапира туриб Малакка қараб қўяр, ҳаёли фақат шунда бўлиб қолганди. Малак ҳам буни сезиб ўзини ноқулай ҳис қилиб ўтирарди.
-Малак сен ҳам дугоналарингни таклиф қил қизим.
-Ҳа албатта ойи. Айтаман. Бўлди бошқа ўтиролмайман деб ўйладию, секин менга энди рухсат деб дарслари кўплигини баҳона қилиб туриб кетди. Ортидан Бек қараб қоларкан, у билан гаплашиб олиши кераклигини ўйлади. У аллақачон севиб қолганини тан олиб бўлганди. Аммо дадам бунга нима деркан деб бир қарорга келолмай юрибди. Малак кетгач у ҳам энди борақолай деб уйига кетди. Уйга келиб ҳам ярим кечагача дадасига қандай айтиш ҳақида ўйлаб чиқди. Эртасига ишларини эртароқ тугатиб, Элиф ва энагасини олиб дадасининг уйига йўл олди. Етиб борганда ҳамма тайёргарлик билан банд эди. Аммо Малак ҳеч қаерда кўринмасди.

Изҳорсиз ишқ

Муаллиф :Бинафша

57-қисим

Бек секин уни ҳеч кимга сездирмай излай бошлади. Аммо излаб тополмагач, хонасига чиқмоқчи эди ёнига Сафия келиб қолди.
-Салом Сафия. Жуда вақтида келдингда ўзиям. Элиф билан танишиб олдингми. Мана буни сенга олгандим.-У доим келганида Сафия учун бирон ширинлик ёки ўйинчоқ олиб келарди. Бугун ҳам йўлда Элиф музқаймоқ олиб беринг деб туриб олгач, магазин ёнида тўхтаб музқаймоқ билан бирга Элиф ва Сафия учун ширинлик олганди. Ҳозир шу ишидан жуда хурсанд бўлиб кетди. - Ҳа Сафия сизларга нима учун Малак ёрдам бермаяпти. Ёки яна дарси бормикан.
-Рахмат Бекзод ака ширинлик учун. Ҳа опамми? Ҳеч кимга айтмасангиз айтаман.
-Бўлди сен айтмадинг , мен эса эшитганим йўқ. Хўш гапирчи кичкинтой шунча сирли қаерда экан опанг.
-Чеҳра холамни танийсизку. Ўша холамни ўғли олиб кетди. Ойимга совға танлашда холамга ёрдам бераркан. Кейин бирга келишса керак. Бира тўла иккимиз учун ҳам совға олади.
-Шунақа дегин. Бошқа одам йўқ эканми?Жин урсин. Майли Сафия сен Элиф билан ўйнай қол. - Бекни рашкдан бутун танаси қизий бошлади. Бу гапдан кейин на бир жойда тура олди ва на ўтира олди. Уёқдан буёққа бориб келар, икки кўзи йўлда бўлиб қолди. Вақт ҳам атай қилгандек, кеч ҳам туша қолмади. Бир кўнгли қизга телефон қилиб, шартда бориб ўзи билн билан бирга олиб қайтсамми ҳам деди. Лекин буни ҳамма ҳар хил тушунишини ўйлаб яна ўзини босди. Ва ниҳоят меҳмонлар ҳам кела бошлади. Аста секин меҳмонлар зали одамга тўлиб кетди. Лекин ҳамон бу Малак хонимдан дарак йўқ. Бундан баттар жиғибийрон бўлиб ҳовлига чиқиб энди машинасига ўтирмоқчи бўлганда, Малак ва ўша холаси Зафарни машинасида етиб келди.

Реакция ва изоҳларни кутиб қоламан!

Изҳорсиз ишқ

Муаллиф :Бинафша

58-қисим

Улар жуда мамнун машинадан тушаркан, Малакни кўзи Бекка тушиб бирдан тўхтади. У шунчалар ғазаб билан қараб турардики, бир зум энди нима бўлади деган фикир ҳам ўтди ҳаёлидан. Кейин менга хўжайин эмаску деб олға юришда давом эта бошлади. Қараса улар томон келмокда.
-Салом, хуш келибсиз. Ичкарига марҳамат.
-Рахмат Бекзод. Хуш вақт бўл. Ишларинг жойидами. Сени ҳам кўрмаганимга анча бўлибдия. Майли гаплашамиз.
-Ҳа ҳаммаси жойида. - Чеҳра хоним Бекни бундай совуқ туршидан бироз чўчиб, ўғлини ҳам бошлаб ичкарига кириб кета бошлади. Зафар эса бу Малак учун шунақа асабий бўлиб олганини бирдан тушунди. Ичида жуда хурсанд ҳам бўлди. Малакни йўқ демай совға танлашишга боргани у учун зор имконият бўлганди. Қизни энди кетишим керак деганига ҳам қўймай, совға олиб бўлгач ҳатто кафега ҳам олиб борди. Буни онаси билан бир кун олдин режа қилиб олишганди. Онаси эса Райхон хоним билан олдинги ахволида бўлганида сира ҳам қуда бўлмасди. Аммо ҳозир у кимсан Мурат бейни севикли аёли ҳамда ўз безнисига эга безниследй хоним. Бундай имконни ким ҳам қўлдан чиқарарди. Қолаверса дугонаси, бир икки авраса бўлди. Улар шуни ўйлаб, ишни қизни кўнглини олишдан бошлашганди. Яна иккинчи томондан Бек ҳам Малакка бефарқ эмаслиги аниқ. Ахир шундай ёқимтой чиройли қизни севмай бўладими? Демак Бекка ҳам зарба берган. Бир ўқ билан икки қуённи уриб, энди секин иккинчи режага ўтсак ҳам бўлар деб ҳозирча индамай ойиси билан бирга кириб кетди.

Реакция ва изоҳларни унутманг!

Изҳорсиз ишқ

Муаллиф :Бинафша

59-қисим

Малак эса Бекни ёнида қолиб, унга бироз қараб турдида кетишга чоғланди.
-Хўш мазза қилиб айландингларми? Битта совға учун шунча вақт кетдингми у билан. Яна кийган кийимингни қара. Бу кийимда кимнидир эътиборини жалб қилмоқчи бўлдингми? Менимча уддалагансан.
-Бас қил Бек. Менга хўжайин эмассан. Мен Зафар учун эмас, Чеҳра холам учун бордим. Мен унга, холам эса менга совға танлашда ёрдам бердик. Бўлмаган гапларни қилма майлими? Бугун ойимни туғилган куни, булар эса азиз меҳмонлар. Илтимос шу бугун томоша кўрсатма. Эртага гаплашамиз бўптими? Ҳозир эса юр ичкарига кирайлик ҳамма келиб бўлган, ойим кутиб қоасин.
-Кўйлак ҳақида нима дейсан. Бунақа ёрқин кўйлакларни одатда эътибордан четда қолган қизлар кийишади. Жуда очиқ эмасми? Бошқа кийим қуриб қолибдими?
-Ўзим хоҳлаганимни кияман. Ҳеч қанақа очиқ эмас. Сен юрадиган қизлар кийими олдида бу қанчалик ёпиқ эканлигини яхши биласан. Тўғри бироз ёрқин. Ахир кийсам ойимни туғилган кунига кийдим. Шунга нима қилибди. Ўзи сен нима учун бунча мени тергаяпсан. Севган йигитиммисан ёки унаштирилдикми?
-Билмайман Малак. Сени атрофингда бошқани кўрсам, ақлдан озяпман. Сенга суқланиб қараганларни эса кўзларини ўйиб олгим келади. Менга нима бўлаётганини ўзим ҳам тушуниб етганим йўқ.
-Нималар деяпсан Бек. Бу айтган гапларинг хато. Илтимос бунақа гапларни гапирма. Ахир....ахир.. биз.. ўртамиз.. бундай бўлиши мумкин эмас.

Реакция ва изоҳларни кутиб қоламан!

#ижара_ҳаётлар

116-қисм


Оила мажлисидан олган баъзи хулосаларим бўлди. Ҳамма ўзи учун ўл етим эканини тушуниб етдим. Амма-ю, амакиларимдан хафа бўлишга ҳаққимиз йўқ эди. Чунки бундай кун уларнинг бошига тушганда, биздан ҳам худди шундай жавоб олишарди. Даврни айблаган кишилар, аслида инсонларнинг ўзида айб борлигини унутиб қўйишарди. Ўзимдан қиёс оладиган бўлсам, ўйламай қилган ишимни деб, йиққанларим оқибати ҳали номаълум. Хонамга ойим кириб келди. Йиғидан кўзлари шишганди.


"Баҳор, ростдан пулинг борми? Сен бизни алдамаяпсанми, қизим?"- деб ойим хавотир олиб сўради.


"Ойи, мен ёмон иш қилганим йўқ. Фикр-у хаёлим пул ишлаб, бир хонали бўлсада, ўзимизга уй олиш эди. Укамлар ўқишга кетса, ижарада яшаб, қийналишини истамадим ",-деб изоҳ келтира бошладим.


"Уй, яхши ҳаёт яхши-ю, лекин қиз болага оила қуриш биринчи ўринда, қизим."


"Қурилар ўша оила ҳам ойи! Ҳозир мени қай аҳволда эканимни тасаввур қила олмайсиз."


"Баҳор, икки -уч йилдан кейин сен тенгилар уйланиб бўлади. Худди эшигим тагини ҳар кун биров супириб, сени сўрагандек, борини ҳам қўлдан чиқармоқчимисан?",- деб ойим кўзига ёш олди.


"Ойи, унинг на муомаласи бор ва на ҳурмати!",-дедим ичим куйиб.


"Ҳамма эркак шу. Сен нима деб ўйлайсан? Дунёдаги ҳамма эркак севгисидан кўзи кўр. Оёғингга дунёларни ёяди, дейсанми? Сенлар отангни ота сифатида танийсанлар. Лекин эр сифатида мен биламан. Кунда кўнглимни хира қилганларини сен қаердан билардинг ?",-деб хўрлиги келиб йиғлай бошлади.


"Йиғламанг, ойи."


"Мана энди тўрт сўм ишлаб келади, десам, бунақа иш чиқартириб турибди. Аёл бўлиш мана шу қизим. Эрингни гапи етмайди, оиласини гап-сўзини ҳам кўтаришга тўғри келади."

Ойимнинг кўнгли тўлиб гапирган гапларига ичим ачиб қараб қолдим. Замон ва шароитлар фарқ қилмас эди, инсонлар ўзгариши лозим эди.


Ойим хонамдан чиққач, телефонимни қўлимга олдим ва Тимурнинг рақамига смс ёздим.


"Салом! Мен эртага зудлик билан Тошкентга кетадиган бўлдим. Отам Россияда бетоб бўлибди. Амаким уни олиб келгани боради. Бир-икки кун уйда сизларни кўрмаса бўладими? Бошқа борадиган еримиз йўқ",-деб хабар ёзиб юбордим.


Юрагим хавотир ва қўрқувга тўла бўлиб турганда, телефоним жиринглади.


Бир лайк ташла, бир изоҳ ёз — кўнглим яйрасин,

Ҳикоя давомида сенинг исминг, ҳар саҳнада порласин.

#ижара_ҳаётлар

117-қисм

Тимурнинг менга смс ёзиш ўрнига қўнғироқ қилишини кутмаган эдим. Гўшакни кўтариб, хонанинг четроғига ўтдим. Ўзимча ташқаридан овози эшитилмасин, деб ўйлагандим.



"Алло" ,-деганидан қалбимда бошқача ҳислар пайдо бўлди.



Мен Элбекка қарши ҳис этган нафратимни мисқолини Тимурда ҳис этмасдим. Буни англаганимдан бери ичимдаги у исён ўз байроғини олға кўтариб, Тимур томон шошарди. Баъзилар севги нима эканлигини ҳис этмай ўтса яхши бўлар эди. Айниқса мендек одам.



"Алло! Ассалому алаикум!",-деб унга биринчи марта тўлиқ салом бердим.



"Ваалайкум салом! Тинчликми Баҳор? Отангга нима қилди?",-деб сўради.



Икки одам орасида қандай қиёс қилмас эдим. Бири отамга яқин туриб ҳол аҳвол сўрамас бошқаси мендан ўзини олиб қочсада отамни сўрагани, қалбимга эгалик қилишга лойиқ эканини кўрсатмас эдими? Аллоҳим кўп нарса истадим сендан шу ҳаётда. Булар орасида моддий бўлмаган бир истагим йўқ. Аммо айни шу онда отамнинг соғлиғи ва Тимурнинг қалбини сендан сўрайман. Бер Аллоҳим,деб кўзимдан бир томчи ёш оқди.



"Инсульт дейишди",-дея олдим холос овозим жуда хириллаб ва паст чиқди.



"Ёмон бўлибди. Амакинг бир ўзи олиб келадими?",-деганида яна юрагимни фатҳ этишда давом этарди.



"Шунақа!",-деб қисқа жавоб беришга ҳаракат қилардим.



Эшик очилиб ойим кириб келишидан қўрқардим.



"Сен яхшимисан? Ўйлама тузалиб кетади. Уйдан хавотир олма. Боравер, биз ўн кунча уйда йўқмиз ",-деганида севиниш ўрнига кўксимга пичоқ урилгандек бўлди.



"Қаерда бўласизлар?",-деган савол ақлимнинг фильтрига учрамай тўғридан чиқди.



"Жасмина билан биргамиз....дам олишда",-деганида ичимдаги овоз нима қилиб чарчадиларинг деб сўради.



"Тушунарли",-дедим секингина




Бироз у жим турди, мен ҳам чуқур нафас олишдан бошқа иш қилмадим. Худди сўзсиз бир -биримизни тушунгандек эдик. Ичимда яна таърифлаб бўлмас бир ёнғин бошланди. Жасминанинг ўрнида бўлгим келди. Ўзимни тарозида тортдим рашким жуда баланд эканини сезиб ўзимдан қўрқдим. Мен севмаслигим керак бўлган тоифадаги кишилардан бўлишим кераклигига яна бир бор амин бўлдим.




"Баҳор....янги йилимиз билан!",-деганида илк маротаба у билан бир жумлада кичкина миз қўшимчада ёнма-ён келганимдан ҳаяжон босди.


Бир лайк ташла, бир изоҳ ёз — кўнглим яйрасин,

Ҳикоя давомида сенинг исминг, ҳар саҳнада порласин.

#ижара_ҳаётлар

118-қисм

Телефонни қулоғимдан олиб соатига қараганимда 00:01 кўрсатар эди. Янги йилни ким билан қарши олсанг бутун йил шу билан ўтказасан дейишарди. Мен Тимур билан кутиб олдим.



"Жо-он!",-деб Жасминанинг овози эшитилди.

"Бўпти хабарлашамиз ",-деб Тимур гўшакни қўйди.

Менга тонг қандай отар эди энди? Узоқ муддат кўзимга уйқу келмай турдим. Сўнг инстаграмга кириб Жасминанинг қўйган видеоларини кўрдим. Янги йил дастурхони ёзилганди. Бир уйга ўхшарди ёки дачага боришган шекилли. Бир расмда Нона билан юзларини бир бирига ёпиштириб тушган экан. Бек, Рустик ва Тимурнинг ёнма-ён қаҳқаҳа отган расмлари ҳам бор эди.


Тимурнинг саҳифасига кириб 15 та расми кўпайиб кўпаймаганига қарамоқчи бўлдим. Профили ёпиқ бўлсада ўша соннинг камайиб кўпайганидан билиб олардим. Саҳифасига кирганимда экранда бўй кўрсатган расмларни кўриб кўзларимга ишонмадим. Тимур менинг обуна истагимни қабул қилганди. 15 расм 16 та бўлганди. Ҳар бир расмини очиб кўрдим. Асосан ошпазлик билан боғлиқ расмлар бор эди.



Ўсмир Тимурни кўрдим эгнида оқ халат бир ресторан ошхонасида кулиб тушганди. Спорт залда шуғулланиб турган сурати бор эди. Машина ҳайдаган қисқа видеоси. Видеони ким олган билмадим лекин Тимурнинг камерага қараб жилмайгани бор эди. Денгизга ўхшаган ерда сув ичида расмга тушган экан. Фақат елкаси ва боши ташқарида бўлиб яна камерага хандон отган кулгиси бор эди. Сўнги ташлаган расми эса кичкина болакай Тимур, бир янги йил байрамида арча олдида тушганди. Бошида қизил қалпоқча худди бир саҳна кўриниши учун кийинганга ўхшарди. Орқасида бир опа ва қўлида нарсалар солинган халтаси бор эди. Халта устида эса ёзув


"Сирдарё вилояти Гулистон шаҳридаги болалар уйи"


Тимур болалар уйида тарбия топган эдими?


Расм остидаги ёзувга кўзим тушди.


"Янги йилдан мўъжиза кутган сўнгги йилим! Happy new year!",-деб ёзилганди.


Бу ёзув негадир қалбимни жуда тирнаб ўтди. 4 ёки 5 ёшли Тимурнинг ичдан табассум билан тушган бу расмида кўп маъно борга ўхшайди. Балки ўша ёшда янги йилда ота-онасини кутди. Ёки қорбобони ростдан бошқа диёрлардан келганига ишонганди. Ким билсин қайси бири кўпроқ юрагини оғритганди? Оиласининг келиб уни олмаслигими ёки қорбобони тарбиячи устозларидан бири бўлганими?


Бир лайк ташла, бир изоҳ ёз — кўнглим яйрасин,

Ҳикоя давомида сенинг исминг, ҳар саҳнада порласин.