• Ҳеч нарсага кафолат йўқ.
• Севганинг бир кун бегонага айланиши мумкин.
• Дўстинг душманга айланиши мумкин.
• Душманинг дўстга айланиши мумкин.
• Ёмон кўрган кишинг яхши кўрганингга айланиши мумкин.
• Яхши гапирган ёмон гапириши мумкин.
• Мақтаган ёмонлаши мумкин.
• Хуллас хамма нарса бўлиши мумкин....
• Фақат ота-онанг ва туғишган жигарларингни муносабати ҳеч қачон ўзгармайди. Ҳар қандай ҳолатда хам улар барибир сени чин юракларидан яхши кўришади!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Бир жажжи қизча икки қўлида иккита олма ушлаб турарди. Шу вақт онаси кириб келди ва табассум билан, оҳиста қизидан сўради:
— Асалтойим, ойижонингга шу олмаларингдан бирини берасанми?

Шунда қизалоқ онасига бир муддат қарадида, шарт олмани бирини тишлаб олди ва тезда яна иккинчи олмани хам тишлаб қўйди. Онаси буни кўриб юзидаги табассум музлади, ҳафсаласи пир бўлди лекин буни қизчасига билдирмасликка ўзида шижоат топа олди, сабр қилди. Қизи эса дархол тишланган олмалардан бирини онасини қўлига тутқазиб, шундай деди:
— Ойижон, мана буниси Сизга, шуниси ширинроқ экан.

Сиз ким бўлсангиз ҳам, қанчалик ҳаёт тажрибангиз кўп бўлса ҳам, ўзингизни шу қадар билимдонман деб хисобласангиз ҳам, ҳар доим ҳукм чиқаришни ортга суринг. Бошқаларга имкон беринг, ўзлари тушунтириб беришсин. Сиз кўриб, эшитиб турган нарса ҳақиқат бўлмаслиги мумкин. Ҳeч қачон бировлар учун хулоса чиқариб қўйманг. Юқоридаги ҳикояда агар она шошқалоқлик ёҳуд ғазаб билан қизига қўполлик қилганда ёки юзига тарсаки туширганда қиз қанчалик руҳий синишини тасаввур қилолсангиз керак. Бекорга доно халқимиз, “…берди”сини айтгунча бошини ёрмагин демаган…

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Германияда ҳам хайриянинг ортидан "соққа" қиладиган фирибгарлар бор экан-да)

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Ҳар қанча тўғри юрма, дўстинг эгри бўлса — фойдасиз...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Кунларнинг саййиди Жума муборак бўлсин!

Қиёматнинг Жумасида ҳам бир-биримизни қутлаш насиб этсин, биродарим!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

• Қалбларнинг энг афзали, ундан ростгўйлик ажрамайдиган қалбдир.
• Инсонларнинг энг афзали сени унутмайдиган кишидир. Чунки, у сени Аллоҳ учун яхши кўради.
• Кунларнинг энг афзали гуноҳсиз ўтган хар бир кунингдир.
• Ҳадяларнинг энг афзали сен учун дуога кўтарилган
қўллар бўлиб, сен бундан бехабар бўлганингдир.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Суд ва таълим тизимининг инқирози...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Одам меҳнатига яраша маош олмаса, маошига яраша меҳнат қила бошлайди.

© Озод Шарофиддинов

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Беш тоифа инсон билан дўст тутинманг:

Ёлғончи билан: чунки ҳар лаҳза алданиб қолишингиз мумкин. У мисоли сароб — узоқни яқинлаштириб, яқинни узоқлаштириб кўрсатади;

Аҳмоқ билан: зеро, у сизга фойда келтираман, деб зарарга бошлайди;

Хасис билан: энг муҳтож пайтингизда сизни ташлаб кетади;

Қўрқоқ билан: чунки у таҳликали пайтда сиздан қочади;

Фосиқ билан: зеро, у сизни бир ҳовуч таом ёки ундан озига алмашиб юборади.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Тақдир ҳеч кимни ҳаётингизга бекорга олиб келмайди. Дўстни ҳам, душманни ҳам, ҳатто ярим соатлик танишни ҳам ҳаётингизда қандайдир ўрни ва вазифаси бор. Кимдир қувонч олиб келган бўлади, кимдир ташвиш, кимдир синов, яна кимдир эса БАХТ...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Сен эркаксан!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Дунёдаги энг яхши нарса миннатларсиз, манфаатларсиз ва чин дилдан қилинган яхшиликдир.

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Яшашни ёш боладан ўрганинг!

Хеч сабабсиз табассум қиладилар. Йиқилсалар дархол ўрнидан туриб кетадилар. Бир нарсани хоҳласалар етишмагунча чекинмайдилар. Қизиқтирган нарсасини англаб етмагунларича уларни хеч нарса тўхтата олмайди. Асло қўрқувни билмайдилар. Уришиб койисангиз хам хафа бўлиб гина қилмайдилар — дарҳол унутадилар..

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

У кўзгунинг олдида юзидаги ўзгаришларга синчиклаб тикилаётган аёлига яқинлашди-да, бир гапни айтмоқчи бўлди. Хаёлидан тилига сирғалиб чиқишга тайёр сўзлар қуйидагича эди:
— Болани олдирақол, хотин! Шундоғам 4 та боламиз бор. Етар...

Шу пайтда аёли унга кулимсираб қаради ва эрининг дилидан ўтаётган афкорни англагандек сўз қотди:
— Дадаси, мен бу боламизни бошқача суйсам керак. Ахир, сиз ҳам ойижонимнинг бешинчи фарзанди бўлгансиз-ку. У, — деб кўрсатаркан қорнини, — сиздек ақлли, фаросатли ва бахтли бўлишини истайман...

Йигит беҳол бўлиб ўтириб қолди. 38 йил олдин ўзи ҳақида ҳам шундай қарорга келишганда нима бўларди, деган савол уни ўтирғизиб қўйганди...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Ҳақиқий чемпионлар илмда чемпион бўлганлардир!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

Зулм қилма!

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

... биз "лайк" босишни билмасдик, "респект" сўзини ҳам тушунмасдик, лекин тўп тополмай, ўрнига ёнғоқ тепиб ҳам ўша “лайк”лардан минг чандон ортиқроқ завқни туя олардик.
... бизга ақлли статуслардан ўргатишмаганди, лекин бу ақлли гапларсиз ҳам дўстларимизни оғир пайтида ташлаб қўймасдик.
... биз селфи тушишни билмасдик, лекин уятдан қизараётган юзимиз тафтини бизга қараб турган одамдан олдиноқ сезардик.
... биз “инстаграм” нималигини билмасдик, лекин альбомдаги суратларимиз остидаги изоҳларни бехато ёзардик.
... биз “фейсбук” деган оламдан олисда яшаганмиз, лекин ўз оламимизда анча самимийроқ эдик – ҳамманинг юзи бор эди.
... биз компьютерларни фақат дарсликларда ўрганганмиз, лекин онгимизда минглаб флешкаларнинг маълумоти бор эди.

... биз телевизор орқали кўплаб футбол ўйинларини томоша қила олмасдик, лекин Марадонанинг финтларини такрорлай олардик.
... бизда ҳар куни қирғинбарот, ўткирсюжетли кинолар кўришга имконият бўлмаган, лекин бир бола билан уришадиган бўлсак, бутун маҳаллани чақириб келмасдик, бирга бир уришардик.
... биз "Аватар"ни кўрмаганмиз, лекин қўй боқиб юрганимизда майсаларнинг шивирини тушунардик.
... биз "Корзинка"нинг ичидаги диснейларда қийқиришиб ўйнамаганмиз, лекин ўзимиз ясаган варракни учиргандаги ҳисга қушлар ҳам жўр бўлишини билардик, тинглардик.
... биз Шоҳруххоннинг ашулаларини эшитмаганмиз, аммо шимни фақат ўғил болаларга тегишли деб билардик.
... биз лотин алфавитида ёзмасдик, лекин дадамиз билан бирга “Что? Где? Когда?” кўрсатувини томоша қилиб, саволларига ҳам жавоб топиб қўярдик.
... биз телефонда футбол ўйнаш мумкинлигини тасаввур ҳам қила олмаганмиз, аммо реал ҳаётда чилликни “синдириб ташлардик”.
... биз “IMO”да гаплашиш нималигини билмаганмиз, аммо сафарга кетган дадамизни ҳар куни тушимизда кўриб, аҳволларини сўраб турар эдик.

Ҳа, бизнинг авлод эртакларга ишонадиган авлод эди. Дўстлари даврасида ҳеч қаерга чалғимай гаплаша оладиган ва даб-дурустдан “покемон” қидириб кетмайдиган содда авлод эди.

Хайрулла Ҳамидов

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓

🦷 ТИШЛАРИНГИЗ САДАФДЕК ЯРҚИРАБ ТУРИШИНИ ХОҲЛАЙСИЗМИ!?

✅ тишларни оқартиради;
✅ оғиздаги бадбўй ҳидларни йўқотади;
✅ 7 кунгача таъсири сақланиб қолади;
✅ мутлақо зарарсиз.

💸 Чегирма нарх: 5️⃣9️⃣🔤🔤🔤 сўм

🚗  ЕТКАЗИБ БЕРИШ ХИЗМАТИ МАВЖУД!
💸 Тўловни маҳсулотни қабул қилиб олганда қиласиз.

🛒 БУЮРТМА БЕРИШ
🛍 БОШҚА МАҲСУЛОТЛАР

Умр вагони...

🌗🌘🌑🌒🌓
Ибрат излаганга — ибратдир дунё
🌗🌘🌑🌒🌓