الهوى يلتم
الهَوى يَلتم عَلي مَنين ماذكرِوك
وأدَگ رِجلي واضِل بعَازة الخنگة
وأغص بَريحتك ماگمت اغـَص بالزاد
ألمفارگ النسَمة العَابرة تغرگة
مَو بَس الصَواب، النِفس هَم كَتال
سهم يمشي الخريف برية الوركة
نيتك صافية وتعرف شلون تروح
وتندل ياحلم من ليلك تشكه.

علي رشم

-وَيّن چفوّفك .

هاك الروَح
اخذها واني ممَنون
ما انطيك عُينِي
لا اعوفِك مو بخلا عليك
وشنهَي العُيون
بَس لِو اخذت
عيني بيش اشوفِك؟

انت
موقسمة ونصيب اصلا
مشيت، انت عندك موعد
وقسمة وحبيب، بدلتني
مكيف مبين عليك، واني آذا.
بدل مكاني احسبها عيب

غيرت الأسم والصوره مو تيهون .

انت هاون ذكرى باقي من
الحصار يونس التعبان
صوتك من يدگ
خاف أغثك يوم !
والله عليك أغار
وتدري ناس اليوم
ماتستر تشگ!

- اسمع شكال حسين -
ليش تكلي اريدك
وانت غيري تريد
وتسويني محطة
وبية تنتظرة
أثاريني بعيد وحلمك انت بعيد
انه العشرة الطويلة وعشرتك فتره

وحق كل شامة بيك استسلمت للموت
اكابر والدمع ماينشف بخدي
كتلك شنهي جيتك كتلي جيت اهواك
ماكتلي بحياتك جاي متعدي
جنت حاسب هلي يصيرون ضدي بيوم
ما حاسب دليلك ينكلب ضدي

وطلع كُل الرسمته أوهام بأوهام
وارسم على الظلام بقلم كحله
انترس راسي الثلج واتأمل تعود
وبعد ماضل وكت منطيك مهله
بدله عرسي خلصت تفصال
و من شيب الزلف فصلت بدله
وبعد هذا انتضاري
وحب السنين ...
ماريدك تجي الاحلامي فارس

-

حَنـيتلك من صار الغروب!
وأيدي ؏ خدي مگابل البوب!
چِفني وقميصي عليك مرطوب!
ودمع النواظر سيل ينهد!
اتصنت لــ گلبي وشوف صوتة!
وكل ساعه اموت عليك موتة!
فاتتني من حبيت فوتة!
مو موتتني الله الاحد!
حالكَ تغير مدري حالي!
صَاير تغثني وما تبالي!
ننهيها اظن بفراگ تالي!
گهوه المشاعر عيب تبرد!

منك للأسف من بعد هذا
الصار سمعت كلمات مامتوقع أسمعها
اني المالي داعي؟شلون صارت هاي!
داحجيها على روحك شوف تقنعها؟
اني الما أهمك؟هيج صرت اليوم؟
واني بكل أمورك جنت مرجعها