ተጀምሯል ገባገባ በሉ ስለዘገን ይቅርታ

በሸይኽ ሙሃመድ ሲራጅ ከሃሮ መድረኩ ተጀምሯል በጥሞና ተከታተሉ ባረከሏሁ ፊኩም

https://t.me/hussenhas

የሽ በካ መቆራረጥ ችግር ስለገጠመን ነው
እናም ሪካርዱ ስለሚለቀቅ ያን ያህል አታስቡ ከሰራ እንደምንም እሞክራለሁኝ

ዝግጅቱ በሳላም አጠናቀን ተመልሰን መጥተናል አልሃምዱሊላህ ረቢል አለሚን

⏺ ሰለፍያና ሱፍያ ልዩነታቸው
⏺ س እና ص  ልዩነታቸው

➼ የሙሐደራው አቅራቢ
🎙 ሸይኽ ሙሐመድ ሃያት አቡ መንሱር "አላህ ይጠብቃቸው!"

➲ ሸይኹ አላህ ይጠብቃቸውና በፈገግታ የታጀበና ብዙ ትምህርቶችን ያዘለ ማራኪ ሙሐደራ አድርገውልናል።

➜ ከዳሰሷቸው ነጥቦች መካከል፦
        ➘➷➴➷➴➘
➀ኛ በሰለፍዮች እና በሱፍዮች መካከል ያሉ አንኳር ልዩነቶች ተዳሰዋል።

➁ኛ የሱፍዮች ቂልነትና አስቂኝ ማንነት በተግባራዊ ምሳሌዎች እና በትክክለኛ አጋጣሚዎች ቀርቦበታል።

➂ኛ በጣም የገረመኝ የሸይኹ አባባል እንዲህ ያሉት ነው «ኢኽዋኖች س እና ص አይለየንም በማለት ሱፍዮችን ከሰለፍዮች ጋር አንድ ለማድረግ ሞክረዋል። የኔ ስጋት አሉ ሸይኽ ሙሐመድ ሃያት ኢኽዋኖች ወደፊት ነሷራ ላይ ያለውን ص እና ሙስሊም በሚለው ቃል ላይ ያለውን س በመያዝ ሙስሊሞች እና ነሷራዎች (ክርስቲያኖች) አንድ ናቸው ይላሉ የሚል ስጋት አለኝ» አሉ

➞ ሱብሃን አላህ ድንቅ አባባል ነው። ይህን ድርጊት ከሀገር ውጭ ያሉ የኢኽዋነል ሙስሊሚን መሪዎች አስተጋብተዋል። ከዚህና መሰል ከንቱ ንግግር በአላህ እንጠበቃለን!!!

➃ኛ ሌሎችም ትምህርቶች የተዳሰሱበት ማራኪ ሙሐደራ ነው።

ሙሐደራውን ለማግኘት ↙️ ይጫኑ
https://t.me/AbuImranAselefy/4728

አል-ኢኽዋኑል ሙስሊሙን የአህባሽ ባለ ውለታዎች ናቸው!!
—————
አህባሽ በአይሁዶች ምህንድስና አክራሪ ሙስሊም ብለው የፈረጁትን የኢትዮጵያን ሙስሊም ህብረተሰብ በመንግስት ደረጃ በኢህአዲግ ወቅት ከፍተኛ ድጋፍ አግኝቶ የኢትዮጵያ ህዝበ-ሙስሊም እንዲጠመቅበት እቅድ ተነድፎ ወደ ተግባሩ ሲገባ ቀደም ብለው በተለያየ አቅጣጫ መጅሊሱን ለመረከብ ሲቋምጡት ለነበሩት ለኢኽዋኖች የመጅሊሱን መንበረ ስልጣን ለመቆናጠጥ ትልቅ የሆነ ምኞትና ተስፋ ሰንቆ ነበር። 

በዚህ ምክንያትም ነበር አህባሽን ለህዝበ-ሙስሊሙ ጭራቅ አድርገው የቀረፁለት። ይሁን እንጂ አህባሽን እንደ ጭራቅ ሲያደርጉት የነበረው ለአላህ ብለው ከልብ እምነቱን ጠልተውት ሳይሆን የስልጣን ጉዳይ ሆኖባቸው ስለነበር ብዙም ሳይጓዙ አህባሽን የሚተቹበት መንገድ የተለያየ ሆኖ ነበር። ከፊሎች "የአህባሽ እምነት በህዝባችን ተቋም አማካኝነት በሀይል ሊጫንበት አይገባም!" ሲሉ፣ ሌሎች ደግሞ "መጅሊሱን በህገ ወጥ መንገድ የያዙ አካላት መጅሊሱን ለቀው ህዝብ የመረጠው አካል እንዲቀመጥ ይደረግ" ሲሉ ነበር። ሌሎች ደግሞ "አህባሽ አይስበክ አይንሰራፋ አላልንም፣ ግን መጅሊሱን በህገ ወጥ መንገድ የብቻው ተቋም አያድርግ" ነው ያልነው ብለው ህዝብ ፊት ሲናገሩ ነበር።

ይህ የርስ በርሳቸው በአህባሽ ላይ የያዙት አቋም ለምን ተለያየ? ከተባለ ግልፅ ነገር ነው። አንድኛ:- ኢኽዋን የሁሉም የጥመት ቡድን ጥርቅም ውጤት ስለሆነ በውስጡ ብዙዎች የአህባሽና የአሻዒራ እምነት ያለባቸው አካሎች ስላሉ ነው። ለምሳሌ እንደ ሀሰን ታጁ፣ ሰመሃር ተክሌና ሌሎችም በቀጥታም ይሁን በተዘዋዋሪ ይህን እምነት የሚቀበሉ ኮሚቴ ተብሎ ተቋቁሙ ከነበረው አካል ሁሉ ሳይቀር አሉ። እንደ ኢኽዋኑል ሙስሊሚን ምስረታም ዋና መስራቹ ሀሰነል በና ሱፊይ አሽዐሪይ ነው። ያሲን ኑሩ "ኢማም ሰይድ ቁጥብ" እያለ አንቆለጳጵሶ የሚጠራው ሰይድ ቁጥብም በአስማእ ወሲፋት ላይ ሙዐጢላ ሲሆን በሌላ በኩል ደግሞ ሙስሊሙን ጨርሶ የሚያከፍር የለየለት ተክፊር ነው።

ሁለተኛው:- ከንፁህ ሰለፊዮች ውጪ ያለውን "ሁሉንም የጥመት ቡድን አቅፈን እንሂድ" የሚል መርህ ስላላቸው ህዝቡ እንዳይበታተንባቸው ከመፍራት አንፃር ነው። እነሱ ዘንድ ታላቁን የኢስላም ባለ ውለታ የነቢዩን (ሶለላሁ ዐለይሂ ወሰለም) የዋሻ ባለደረባ አቡበክርን፣ ዑመርን፣ እናታችን ዓኢሻን (ረዲየላሁ ዐንሃ ወረዲያ ዐንሁም) ካፊር ናቸው የሚሉትን ሺዓና ራፊዷን ሳይቀር "አንድ ነን ሙስሊሞች ነን አንለያይም…" በማለት ከነዚህም ጋር አንድነትን ይሞግታሉ።

ኢኽዋኖች ሁሉንም ግሳንግስ ሰብስበው መሄድ መለያቸው ነው። ታላቁ ዓሊም ሸይኽ ሙሀመድ ቢን ዐለይ አል-ጃሚይ (ረሂመሁላህ) እንዲህ በማለት ይገልጿቸዋል:-
“የኢኽዋኖች አካሄድ ልክ ገበያ ቦታ ላይ መስጂድ ገንብቶ ከዚያም ሰዎች ፊት ቆሞ እንዲህ እያለ ወደ ሶላት እንደሚጣራ ሰው ነው:- ሁሉም ባለበት ሁኔታ ላይ ሆኖ ወደ መስጂድ ይምጣ፣ ውዱእ ያለውም የሌለውም ባለበት ሁኔታ ሆኖ ይምጣ። የወር አበባና የወሊድ ደም ያለባትም የሌለባትም ሴት ባለችበት ሁኔታ ትምጣ። ጀናባ ያለበትም ሳይታጠብ ባለበት ሁኔታ ይምጣ፣ ምክንያቱም እኛ ማንንም አንመልስም። የተሟላ የሆነ ሙስሊም ማህበረሰብ ከፈለግን ማንንም አንመልስም። ሁላችንም ሙስሊም ወንድማማች ህዝቦች ነን። ወደ ተሸዱድ (አጥባቂነት) መጣራት የለም፣ ምክንያቱም አጥባቂነት የሙስሊሞችን አንድነት ይበታትናል።” [መጀለት አልጃሚዐት አል-ኢስላሚየህ 283]

"አል-ኢኽዋኑል ሙስሊሙን" የተባለው የጥመት ቡድን መሰረቱ የተበላሸ ጠርቶ የማይጠራ፣ በሙስሊሙ ማህበረሰብ ላይ በሀገርም በዓለምም ደረጃ ከባድ አደጋን ያደረሰ የአይሁድን ሴራ በግልፅም በተዘዋዋሪም ያሳካ አደገኛ ቡድን ነው!!።

ኢኽዋን ለአህባሽ የዋለው ውለታ:-
ያ ሁሉ ስልጣን በመያዝ ስሜት ሆነው ህዝበ-ሙስሊሙን "ዲንህ ተነካብህ፣ መንግስት አህባሽ የሚባልን አንጃ በሀይል ሊጭንብህ ዶላር ተቀብሎብሃል…" እያሉ ስስ ብልቱን ነካክተው መክፈል የሌለበትን ዋጋ ያለ አግባብ ከከፈለ በኋላ ዳግም ስልጣን የመያዝ ተስፋ ከሰነቁ በኋላ ሌላ ሆነው ብቅ አሉ። የተለመደችዋን ቃል በመጠቀም ትላንት ህዝበ-ሙስሊሙን "ጠላትህ ነው፣ ከኋላው ተከትለህ አትስገድ!…" ሲሉት ከነበረው አህባሽ ጋር እጅ ለእጅ በመያያዝ "ሁላችንም አንድ ነን ብለው።" እርፍ አሉ።

ይህ ለአህባሽ ትልቅ ውለታ ነበር!። ምክንያቱም ህዝቡ አህባሽ የዐቂዳ ጠላቱ እንደሆነ አውቆ ተጠንቅቆ አላነፋንፍህ ብሎት ነበረና እጅ ለእጅ በመያያዝ ነፃነቱን በአደባባይ አውጀውለታል። ውለታው ይህ ብቻም አይደለም። ቀደም ሲል የነበሩ የመጅሊስ መስራቾችን በመጥቀስ "ውሃቢያን ያስፋፉት እነሱ ናቸው፣ ከነሱም ጭምር ስታገል ነው የኖርኩት… አላህ ከዐርሽ በላይ ነው የሚል ካፊር ነው…" ከሚለው መሰሪው አሽዓሪይ ሱፊ የሆነውን ዑመር ገነቴና መሰሎቹን ጋር ለመስራት ተስማምተው ሌሎችን ደግሞ የመጅሊሱ የበላይ አድርገው ቀደም ሲል ከነበሩ አህባሾች የባሱና የሰለጠኑ መሰሪ አሻዒራዎችን ቁልፍ ቦታዎች አስቀምጠዋል።  ሌሎችንም ቀደም ሲል ከነበሩ አህባሾች የባሱና የሰለጠኑ መሰሪ አሻዒራዎችን ቁልፍ ቦታዎች አስቀምጠዋል። ይሀው አህባሽ ይህን ውለታ በመጠቀም ምንም ሳይሸማቀቅ ዛሬ ላይ በመላው አገሪቱ በርካታ መድረሳዎችን እና መርከዞችን ተቆጣጥሮ፣ መቆጣጠር ያልቻላቸው ቦታዎች ላይ ደግሞ አዳዲስ መርከዞችን አቋቁሞ ከአይሁድ የተሰጠውን ተልእኮ ከግብ ለማድረስ እንደ ልቡ የሙስሊም ልጆችን እየወሰደ በአህባሽ የጥመት አስተሳሰብ ያጠምቃል። በተለይ ደግሞ ከተብሊጎች ጋር ተቀላቅሎ በስመ ደዕዋ ሰበብ ባመቻቹለት መንገድ እንደ ልብ ሀገሪቱን ከዳር እስከ ዳር እያዳረሳት ይገኛል። በሀገሪቱ በየ አቅጣጫው ካሉት መርከዞች ባሻገር ለልዩ ስልጠናና ማጥመቂያ በሂፍዝ ማእከል ስም ሲ ኤም ሲ ወደ ሚገኘው መርከዛቸው ልጆችን እያጎረፉ "አላህ ያለ ቦታ ነው ያለው፣ ውሃቢያ ካፊር ነው…" እያሉ በኩፍር ትምህርት እያጠመቋቸው ነው። ባገኙት አጋጣሚም ተደራጅተው የሱና አመለካከት ያላቸውን ከመስጂዳቸው በዱላና በስለታማ ነገሮች አሰቃይተው ያስወጡባቸው ቦታዎች በርካታ ናቸው።

ይሀው ኢኽዋኖች ህዝባችንን ያንን ሁሉ የሞት፣ ሀገር ለቆ የመሰደድ፣ የእስርና ስቃይ ዋጋ ካስከፈሉት በኋላ አህባሽን በህጋዊ መንገድ በስልጣን ላይ አደላድለው አስቀምጠው "ሁላችንም አንድ ነን፣ ሱፊይ ሰለፊይ ብላችሁ አትከፋፍሉን…" ብለው ከአህባሽ ጋር በፍቅር እየኖሩ ነው። ህዝብ የተንገላታበት፣ የሞተበት፣ የተሰደደበት፣ የተከበረችዋ ሙስሊሟ እንስት የተደፈረችበትና በካፊር ክብሯ የተገፈፈበት አላማ ግን ውኃ በላው።

ነጋዴ የንግዱን ቁማር በገንዘብ ሀይል ይጫወታል፣ ፖለቲከኛ የፖለቲካውን ቁማር በህዝብ ህይወት ይጫወታል፣ አል-ኢኽዋኑል ሙሰሊሙን ደግሞ የግል አጀንዳቸውንና የፖለቲካቸውን ቁማር በዲኑና በሰው ህይወት የሚጫወቱ ቆሻሻ የሆኑ የጥመት ቡድኖች ናቸው!!።
✍🏻ኢብን ሽፋ (t.me/ibnshifa)
የተለያዩ ት/ቶችን ለማግኘት የቴሌግራም ቻናላችን ⤵️ #join አድርገው ይቀላቀሉ
https://telegram.me/IbnShifa
https://telegram.me/IbnShifa