ما يُنقذني في نهاية كل يوم ، بعد عناء يومٍ طويل أتخبّط فيه مع هذه الحياة السريعة ،
هو أنّني أحاول ..

أُحاول أن أتمهّل ، أُحاول أن أهدأ ، أن أتنفّس ، وأن أذكر الله ، فأطمئنّ.

وأقول لنفسي:
لا بأس .. ستفوتنا أشياء كثيرة.
لا بأس ، سنُخطئ أحيانًا ، ونتعلّم أيضًا.

ما يُنقذني كل يوم ، وفي كل لحظة ، أنني أحاول مع نفسي بكل ما أملك وأستطيع ، وأستعين بالله في كل خطوة ، وأُذكّر قلبي أن ما فات لم يكن ليُصيبني ، وأن ما كُتب لي سيأتيني.

لأنني أستحق
أن أُمهل نفسي ، وأستحق أن أرحمها ، وأستحق أن أعود إلى الله كلّما أثقلَتني الحياة.

وطوال الوقت ..
سأحاول.
وسأستعين بالله ، فهو خيرُ مُعين.

وأنا بقلب على السوشيال ميديا من شوي لقيت جملة ابن تيمية الشّهيرة

"ليتني وهبت القرآن عمري"

وقفت عندها شوي بصراحة!
ابن تيمية قعد في تفسير سورة "نوح" لوحدها سنة كاملة!
وبِقول هيك!

احنا كثير بعيدين عن القرآن

منذ أربع سنوات ، وأنا أكتب إلى الله ما يعجز قلبي عن البوح به ..

واليوم .. وأنا أقرأ رسائلي القديمة ،
لفتتني عبارةٌ كنت أكرّرها كثيراً :

"يا رب ، لقد تعبت ، ولم أعد أقوى على كلّ هذا الوجع."

أربعة أعوامٍ من التعب ، ومن أمور كثيرة لا يجب التحدّث بها

لكنّني رغم كلّ ما مررتُ به ، ما زلتُ أؤمن أنّ الله يُخبّئ لقلبي عوضاً يُنسيني مرارة كلّ ما مضى.

يلي بيعمل أي شي كرمال الناس تقلّه "برافو" بعمره ما بينجح ، و يلّي بيعمل أي خطوة كرمال يجاكر الناس ما بيتوفّق ..

لاتكون بمكان منافسة ع طول ، و تبني نجاحك و إنجازاتك على فكرة " شو راح يقولوا النّاس عنّي " و كيف راح يصيروا ينظرولي بعد الشي يلي راح أعمله !

ساوي الأشياء يلّي بتحبّها لحالك ، حاول تنجح و تأنجز لنفسك ، و شيل النّاس ع جنب ..

لا تبني حياتك و سعادتك على تعاسة الآخرين ، و لا تكون عايش عشان نظرة النّاس إلك ، عيش عشان حالك و بس .

ارتفاع حصيلة قتلى الإرهابيين على يد سلاح الجو الأردني في درعا إلى 8 إرهابيين:

الارهابي الاول طفل عمره 5 سنوات
الارهابي الثاني طفل عمره 4 سنوات
الارهابي الثالث طفل عمره 7 سنوات
الارهابي الرابع طفل عمره 12 سنة
الارهابية الخامسة فتاة عمرها 16 سنة
الارهابية السادسة امرأة عمرها 55 سنة
الارهابي السابع عجوز عمره 60 سنة
الارهابي الثامن عجوز عمره 68 عام

أَنَرْتَضي العيشَ والإِسْلامُ فِي قَفَصٍ ؟
تُنْمَى لَهُ تُهَمُ الإِرْهابِ تَوْهِينَا
وكيفَ نُمْضي نَهارَ العمرِ في لَعِبٍ
والدِّينُ تغتالهُ سَبعونَ سِكِّينا

كانتْ تدينُ لنا الغَبراءُ قاطِبةً
الرّومُ والفرسُ بالأموالِ تُجزينا!
كُنّا الأساطِينَ نسقي العينَ صافيةً
واليوم نُسقى بأكوابِ الأسى طينَ

لم يحزن من قلّة النّاصر فحسب .. لطالما كانت درعا وحيدة في هذه الحرب ومازالت وحيدة وستبقى وحيدة ليس لها معين سوى الله

بل بكى بحرقة حين فتح شاشات الأخبار ، فوجد أنّ الموت الذي أكل أبناءه لم يأتِ من عدوٍّ مجهول!

بل وُقّع بنيران من طالما تشاركنا معهم الخبز والملح والحدود .

ربنا شايف تعبك.
شايف محاولاتك.
شايف دموعك اللي ما حدا شافها.

وما عند الله لا يضيع.

اصبر ، ربنا كريم.

لما تجيك فرصة أنّك تتوب توب!!
ولما تجيلك فرصة أنّك تصلّي صلّي ..

لا تكابر نفسك واستعجل في التوبة والرّجوع لله .. لا تبقى ضايع كثير هيك!

شو مستنّي طيّب عشان تتوب!
شو باقي يحصل حواليك من أحداث عشان تتوب ؟؟

مرّة بيسندك بأنّه يبعثلك حدا يساعدك ، ويذكّرك بغلاوتك عنده

ومرّة بِخلّيك أنت تسند غيرك ، لحتى يذكّرك إنّه لسا إلك قيمة ودور ..

مرّة بيختصرلك الطريق رحمةً فيك ، ومرّات بيتركك تمشيه بكل تعبه ومشقته ، حتى لو كان مشوار الـ ١٠ أيّام بـ ٢٠ سنة ..

وما بين الحنان والتعب ، وبين الطبطبة والخذلان اللي بتحسّه ، بتبقى رعايته محاوطتك ، حتى بالأوقات اللي بتفكّر فيها إنّك لحالك!

هو شايف ، هو أرحم فيك من حالك ، وهو صاحب الكلمة الأخيرة .. حتى لو طال الطريق .

لهاليوم كل ما بشوف مصوّرة ناشرة صور عريسين ، بوقف عند المشهد وبنصدم صدمتين ، وكل وحدة منهن أكبر من الثانية!

الأولى .. كيف هان عليها تنشر صور الناس وتعرّض خصوصيتهم لعيون العالم ، يعني الحياء صار خيار ؟

والثانية وهي الأصعب .. كيف رضي هالشب إنّ صور زوجته تكون معروضة أمام كل العيون ، وكأنّ الأمر ما بيعنيه ، لمجرّد إنّه صار عادة والكل عم يعمل هيك؟

يا أخي والله بسألك بجد!
ومن باب الخوف على حالنا ، مو من باب التجريح بأحد .. وين الغيرة؟ وين الحميّة؟ وين الحرص على الستر؟

هل لأنّ الكل صار يعمل هيك؟ هل لأنّها صارت عادة ، وصار اللي بيرفضها بنظر البعض معقّد أو متخلّف أو ربّما متشدّد؟

أنت أكثر شخص بتعرف كيف بعض الناس بتفكّر ، وكيف ممكن تنظر لهالصور ، فليش ترضى؟ وليش صار تقليد الناس أهمّ من مبادئك؟ ومن ايمت صار انتشار الشيء دليل على صحّته؟

أمّة مثقلة بالجراح ، بأمسّ الحاجة إلى أن تستعيد وعيها وتتمسّك بقيمها ، مش حتى تركض خلف المظاهر وتنسى ما يميّزها!

الله يردّنا إليه ردًّا جميلًا ، ويرزقنا حياءً يصوننا ، وبصيرةً توقظ قلوبنا قبل أن يأتي يوم ننسى فيه أصلاً ما الذي كنّا نؤمن به.

حاب أحكيلكم شيء كنت أتمنى حدا يحكيلي ياه من بدري ، وهاد يُعتبر من أهم الدروس اللي اتعلّمتها الفترة اللي فاتت؛

"لا تعطي لحدا مكانة في حياتك هو مش معطيك ايّاها"

المُبالغة في حُبّ النّاس وتقديرهم بِعلّمهم الغرور والتّكبُّر ، وأول شخص راح يبدأوا فيه هو أنت.

وحابب أذكّركم بكلام الإمام الشافعي:
"ما رفعتُ أحدًا قطّ فوق قدره إلّا حطّ منّي مقدار ما رفعتُ منه"

إنّك تمشي ورا القطيع لمجرّد إنّه "ما هو الكل بيعمل هيك " ..

هاد بِخليك تتنازل عن أهم ميّزة ربنا ميّزك فيها عن باقي مخلوقاته ..

يلي هي عقلك .

حكّم عقلك بأي فعل بتفعله وخلّي رضا الله هو الأولولية بحياتك .

مرات بتضيع بزحمة الدنيا وما حدا يعطيك المفيد ..

حتى يجيك اللي يضرب على الوتر الحسّاس يفيقك ، يفرجيك طريقك ، يفرجيك أنت شو قيمتك مقابل مخلوقات الله

ويخلّيك تتقدم وأنت فاهم شو تعمل ..
هذا هو الشيخ أمجد سمير.

مقطع بتمنّى تسمعوه للآخر.

لما يجي شخص يحكيلك أنه هو زعلان من شغلة استنزفته .. هو بكون جاي يحكيلك مش عشان تعرفه أنّك فيلسوف و ناضج و فهمان الدنيا

هو مش محتاج نصيحتك عشان غالباً كل كلامك هاد هو راح يكون عارفه و عارف أكثر منه كمان

هو محتاج تسمعه و تعرف أنه الشغلة هي كان روحه فيها و تهوّن عليه مش أكثر .

كلمتين نفسي أقولهم ..

لا تتفرّجوا لحدا بشغله ولا رزقه ولا حياته

ما في حدا بياخذ كل شيء بالحياة .. اتمنّوا الخير للناس مثل ما بتتمنّوه لنفسكم بالضبط ..

ماحدا يتفرّج على حياة حدا ويتمنّاها .. كل واحد عنده أسرار وابتلاءات لا يعلمها إلّا الله.

أحب أمي حب عظيم
أُمنيتي فالحياة يصير عندي مصدر رزق كريم عشان أعيشها أميرة .. أعيشها ملكة

يارب عشان أمي بس .

بعد ما تمرّ بضغوطات كثيرة ومشاكل وأشياء بتستنزف طاقتك ، راح توصل لمرحلة من التبلّد واللامبالاة تجاه كل شيء وكل حدا

راح تصير مثل البرّاد .. واقف بكل برودة أعصابه ، عم يتفرّج عالغاز وهو شاعل من كل الجهات ، من دون ما يفقد ثباته أو برودته!

بس بهالمرحلة بالذات ، راح تكتشف إنّك اتغيّرت كثير ، بطريقة تفكيرك ، بردّات فعلك ، بتحمّلك وحتى بنظرتك للحياة .. صرت أهدى ، أوعى ، وما عاد كل شيء بيستاهل ياخذ من طاقتك

ومع الوقت راح تتصالح مع هالنسخة الجديدة منك ، ويمكن تكتشف إنّك صرت أقوى بكثير مما كنت تتخيّل ..

لأنه بالنهاية
مش كل ضربة بتترك فيك وجع ، في ضربات بتعيد تشكيلك من جديد .. ومِثل ما بقول المَثَل " الضربة اللي ما بتكسرك ، بتقوّيك" .