نعي ام البنين

حسين روحي وياضوه عيوني وضناي
واكفه الحد ما يحدبلك كفاي
حسين انت الاهم واغله من هواي
شوفتك يبن الوصي تحييني

عمري انطيته نذر كلي انحنيت
اربعه ومقصره لا ماوفيت
موحش ومابي ضوه اخلافك البيت
الدنيه ظلمت ياغلاي بعيني


شيبتني كربله بذاك الضهر
جروحك الطشرن حياتي والعمر
طحنو عظامك ولاصح ينجبر
وطشرو يمك يغالي سنيني

وجهك بدم منحرك احمر صبح
والجسد اصبح وذر موش انجرح
الثوب واصل للخيم دمك سفح
بالحوافر وذر صار حسيني

متت بالشمس يمه حسين ماظل
وتمنه انذبح وياك ماظل
عضو صاحي بجسمك يصح ماظل
ييمه اتوزعت بالغاضريه

الخادم عبدالمعين الشمري

ابوذيات لسان حال ام المصائب
مولاتي زينب (عليها السلام)

جسمي من الهظم مسلول ونحل
وكمت ابجي واكل للكلب ونحل
لاهي مسأله لو لغز ونحل
الاهل كلهه ضحايه عالوطيه

دمه عيوني عله الوليان هملن
ومن وني الصخر ياناس هملن
كظه حيلي وطحت عالكاع هملن
خذوني عله الهزله تجاره اديه

جروحي اوساع ابد مافاد شلهن
وجفوفي الوكت بعد الكمر شلهن
المصايب من تحزمن علي شلهن
غريبه بكربله ودارن عليه

ندبتك ياعلي بويه وناخيت
المصايب عشعشن بيه وناخيت
عله العرجه يصعدوني وناخيت
الوصيته بزغر سنه عليه


النوايب جلجل بكلبي يمرها
اختكم بالغرب محد يمرها
الدنيا وياي جن حنظل يمرها
وبس لون الحزن لايك عليه

الخادم عبدالمعين الشمري

ابوذيات لسان حال مولاتي زينب عليها السلام

الفرح من الزغر ما مر علينه
وجبل من الهظم والهم علينه
بالطف ريت ابوالحمله علينه
يوالينه تطفي الخيم ليه

كظيت العمر بالحسرات ولهم
وكمت اطحن بكايا الروح ولهم
مشينه ياعلي الوديان ولهم
منصيحن ياعلي ايشتمون بيه


عليه اعظم مصايب سدت وجرت
ودمعتنه بصميم العين وجرت
نيران الخيم بالروح وجرت
لحد الموت ماتطفي سريه

جفنهه عيني ماطبكت ونامت
بروحي ظل يمت حزني ونامت
عدله الناس ايحسبوني ونامت
عجيبه امشي ومتت بالغاضريه

صبري عله المصاب الصار يرهه
وجم حسره الكلب بسكوت يرهه
من شافت عيوني الشمر يرهه
رقيه ومن سحلهه عله الوطيه

الخادم عبدالمعين الشمري

لسان حال السيده رقيه عندما بقت بين صهيل الخيل وضرب السيوف


نظر عيني بعد هيهات ياراك
وجف الموت مني بساع ياراك
حالي جن صدر بالخيل يراك
مثل حالك طحن كل ظلع بيه
###############
وحك دين الولي وشرعه ولاذان
لاذني اسلمن منهم ولاذان
وعيني بسوط طفوها ولاذان
ظل تخر دمه يبن الزجيه
###############
اركظتلك حافيه اذاني الشوج
وعليه حرمو حتى البواجي
هظمني المايخاف الله يصنديد
كبالك يالولي وجر التراجي

هيجي امخليه اديه وحالي ياحال
يتيمه وضايعه ودم يجري متني
الحبل بجفوفي ياكل بس ولا ادريت
ضرب عمتي العقيله وحيل فتني

بدمع عيني يبويه كمت احاجيك
عمتي بالخرابه بولت الناس
ظل يستر وجيهه لون الصخام
الحنينه أيست من عمي عباس

يبويه وداعتك غيرنهه السياط
اعاين حافيه كوه مشيهه
محتاره بدمعهه لمن ايسيل
دمه ايخرن ومجتوفات اديهه

عله اليضحك ويشمت متنهه
عمتي السوط والهظمه متنهه
يبو اليمه دمه ينزف متنهه
وصاحو يالولي هاي السبيه


هيجي ايصير بيه شتمني
الفكر من دون حلي شتمني
بنات الشام بويه شتمني
حجار ورمل من شمرن عليه

الخادم عبدالمعين الشمري

نعي بحق مولاتي زينب عليها السلام


حزنج فاق دنيه بنت الاكرام
جبير وماتلمه احظان الاعوام
رظعتي الاه وانت بريع السنين
بكثر الألم فكرج لاهده ونام
كماطج جان لوعه وحسره ودموع
وخيالج من زغر بي حرك الخيام
كبرتي والحزن ظل يكبر وياج
وتأكل كام حيلج جور الايام
وطف حسين يم الحزن شيباج
لجلج عرش الله ايون والاسلام
بعد حسين اديج مجتفه بحبال
وبعد عباس كامت تحدي ظلام

ملك كلبي الحزن بالطف ولخيام
وعم ماعندي يازهره ولخيام
العيله من شفت طشت ولخيام
احركوها الكوم ماظلت بجيه

عيوني من المصايب هظم ياريت
ولبتوت الكلب دنياي ياريت
عميه ولاشفت بالشمس ياريت
اخيي داسته خيول ال اميه


الخادم عبدالمعين الشمري

نعي لاستقبال محرم


وحدهن جرن ياناس العيون
وكام الحزن وسط كلوبنه ايدور
وغدت دنيانه تبجي ومصفره اللون
اسالتهه شبيج كالت كرب عاشور
تجي من البقيع الزهره لحسين
تمشي حافيه والضلع مكسور
بصفهه المصطفى وحيدر ينوحون
الحسن كل حيله موش الدمع منثور
يشوفون بهظم ينداس الحسين
وخد أخته العقيله بسوط مسطور
ويشوفون الخيم محتركه بالنار
الوحي جبريل يلطم فأكد اشعور
وجم طفله وطفل بالخيل مسحوك
وجم شاب عله وجه الكاع منحور
حك يلبس سواد ويحزن الكون
عله زينب يوسفه الشمر ناطور
وعله الزمهريه راس عباس
سب وشتم يسمع دمعته تفور
مصاب الطف عظيم يشيب الراس
الى يوم الحشر مويوم وشهور

الخادم عبدالمعين الشمري

حك تعتب اختك ياكمر جرح العتب شيروفه
الماشافهه اي اجنبي تالي بحبل مجتوفه

ابكد ما بسوط يضربون
ماباقيه عدهه متون
تالي بحبل مجتوفه تالي بحبل مجتوفه
₩₩₩₩₩₩₩₩
زينب قضيه مؤلمه ومبدأ بقت للاجيال
اكبالهه راس النبي مو راس اخوها ينشال
وجانت بزودك ياكمر مرتاحه مسرور الحال
لكن عكب عينك مشت عالهزل مابين ارجال

شيبنهه ضحكات الشمر ظنهه وأملهه باكه
من حكهه تعثر بالمشي ودم تبجي عين الناكه
وياوسفه بيهه ايشتمون
ماباقيه عدهه متون
تالي بحبل مجتوفه تالي بحبل مجتوفه
₩₩₩₩₩₩₩₩
حجي الشماته بالكلب ياخويه يمرد بيه
وزينب يصيحون بضحك وين العلم راعيه
ام عون وين الدللج الكل شده بي مكظيه
راسه برمح وانتي بوضع بلامحمل ومسبيه

كفالج امكطع وصل الجانت جيوش تهابه
كلشي وكع لمن وكع يم الحزن بغيابه
الجان امنسمهه ايهابون
ماباقيه عدهه متون
تالي بحبل مجتوفه تالي بحبل مجتوفه
₩₩₩₩₩₩₩₩
يامعظمه درب السبي وشكد صبر بي يراد
منجفوفي تتسايل دمه وألالم بيه ماهاد
رغم الحبل ياكل عظم بس عيني صوب السجاد
تاكل بحيله الجامعه حافي بسناسل منكاد

يابالفضل فوك المرض روحه تون مالومه
ياويلي من كد الدمه مصبوغه حمره هدومه
وحرمله وربعه ايضحكون
ماباقيه عدهه متون
تالي بحبل مجتوفه تالي بحبل مجتوفه
₩₩₩₩₩₩₩₩
دخلوني للشام بهظم ميته كبلهه ياريت
بطبول ودفوف الجمع اتلكتني حيل اتاذيت
بحساسي لمن عاينت وراسك الدامي صديت
انهان وانطك وانشتم تقبلها ياراعي البيت

السوك تهظم وكفته مكاطف عيون عليه
علويه ماتت عالنهر بس جلمة المسبيه
ام الحزن ماكو ام عون
ماباقيه عدهه متون
تالي بحبل مجتوفه تالي بحبل مجتوفه
₩₩₩₩₩₩₩₩
دنيه غدر بهل الوفه وياهم وجيهه اديرة
بديوان ابن هند اوكفت اختك يراعي الغيرة
يابالفضل والله وكت زينب تضل ابحيرة
ياكافلي الجانت خدم عدهم الحره ايسيرة

دنيه فلابيهه عدل اتصعد البايع بخته
واللجله كلشي منخلق نكرته ماعرفته
حكه انهظم حته الكوم
ماباقيه عدهه متون
تالي بحبل مجتوفه تالي بحبل مجتوفه
₩₩₩₩₩₩₩₩
الخادم عبدالمعين الشمري

قصيده شوط كربلائي

وكع حيلي وطحت عالكاع
ورجلي مايعينني
كوى عله الهزل ركبيت
وكفيلي ماسأل عني
###############
هل دمعي بلايه اشعور
جمر يسعر جوه خدي
بثوب الصبر متكعبه
وبعد ماظل أمل عندي
هظيمه بحبل مجتوفه
وهظيمه الشمر ظل يحدي
أثر فوك المتن خله
انعكد دلالي شيحله
وجرح عباس شيشله
جان خيالي ماينشاف
عيون الغربه شافني
###############
لمن جن عليه الليل
أبد ماينوصف حالي
بخرابه لا خيم ظلت
مصايب عاشت أبالي
بس خوف ورعب وألام
وظل تتراجف عيالي
انظر روس ولياني
موقف حيل اذاني
بلب حشاي جواني
ظعت بضيعتك ياعباس
وبعدك خاب كل ظني
###############
بعد ماظن يرد الراح
وايام الكفاله تعود
ألم جرحي يهد الحيل
كل جف بحبل مشدود
النار امجلبه بذيالي
من بعدك يراعي الجود
وعله العجف رحت غصبا
متوني من السبي اتورمن
جروح البيه مايبرن
وضحكات الغرب عباس
جن جمرات جوني
###############
اجيت امدلله بزودك
وهسه الشمر يحديني
بحساسي امنسولفلك
وتعرف من نظر عيني
تاليهه سبيه ام عون
وكاس الهم يرويني
امشي شويه وتعذر
اريد انهض فلا اكدر
الزجر وسياطهم والحر
بت حيدر تطب ديوان
المصايب خويه شيبني
###############
الخدر ضيعته ياعباس
وكمت اتسله بجروحي
حال الفاكده بلا راي
يفت كلب الصخر نوحي
شلون اوكف كبال ايزيد
اشتتحمل بعد روحي
حزن البيه ماينقاس
شاب الكلب كبل الراس
صرت مسبيه ياعباس
مصايب كربله كبرى
يبو النوماس سلني
###############
الخادم عبدالمعين الشمري

قصيده تجليبه شجاعيه
بحق الامام العباس عليه السلام

رعيده وضغبره وبالكون لاح غبار
دخل عباس والعسكر بكه محتار
###############
من اتوسطها الكل يهابونه
اليطيح بلا وعي كامو يدوسونه
سكتت ماترد من خزرة عيونه
هله بكفال زينب جفه مايندار
############### يم عباس ايموت اليوصل شحده
ماي اوجوهم من صرخته اتبده
خلاهم بخطه وماتصح شرده
الحناجرها الكلوب وزاغت الابصار
###############
بيوم الكنطره ذكرهم العباس
ابو راية الخضره داس خيل وناس
بطرف السيف من ظل يطك راس براس
العساكر ترتجف كل دخلت بانذار
###############
سطر خد الشريعه وكلهه ظل ترجف
مرعوبه بخزرته جروحها تنزف
صدر الكاع لو داسه بعجل يخسف
رفع راس العقيله ظنوة الكرار
###############
من زمجر عليهه خيل داست خيل
بساع عيون طاحت مو دموع تسيل
بنص انهارها من حل ظلام الليل
وبعد رايد زلم مايقنع البتار
###############
مايبطي الكمر كل موقف ايحسمه
زلم ردمت زلم من تسمع باسمه
على اوجوه اليتامه زارع البسمه
أملهه وكل حلمهه ازغارهه وكبار
###############
الخادم عبدالمعين الشمري

قصيده
عندما اتت السيده الزهراء عليها السلام الى مصرع ابنها الامام الحسين (عليه السلام )لسان حالها يقول


كل نفس كسرت ضلع
يمه مايروي الدمع
يطحن بروحه الكلب
دمه من عينه يصب
يمه مايروي الدمع
###############
جيت للطف جرح امشي بهدوة الليل
امكبعه ابظيم ومصايب دمعتي تسيل
من شفت يمه جثثكم ساحكه الخيل
الكاع مفروشه بدماكم مابكه حيل
من شفت دم النحور
انسيت ظلعي ياغيور
وكام ايواسيني الدرب
دمه من عينه يصب
يمه مايروي الدمع
###############
دنكت وعيوني طاحن كلبي ملجوم
جثه وبلاراس يمه امسلبه الهدوم
وشفت جف مبتور صبعه وتجري الدموم
صحت يمه حسين يبني شعملت الكوم
عليك يوم الي انحنيت
الزمت كلبي وبجيت
نحرك ايون عالترب
دمه من عينه يصب
يمه مايروي الدمع
###############
ردت احظنك ياحياتي ابين اديه
امنين ماشيلك تطيح عله الوطيه
ومن حسبت اجروحك الف وتسعميه
طحت يمك مابكه كل حيل بيه
شكد عظيمه امصيبتك
الوحي يبجي الغربتك
المثل بيهه ينضرب
دمه من عينه يصب
يمه مايروي الدمع
###############
ردت ابوسن خدك ودلالي ايلوع
همست بس النحر والراس مكطوع
صبر ماظل بيه بس الحزن مجموع
عمت عيني من السحك مطحونه الضلوع
يمه كلبي مرمروه
حتى ثوبك سلبوه
هالوضع كلش صعب
دمه من عينه يصب
يمه مايروي الدمع
###############
غصبن عليه الصبر مر وجرعته
الرضيع عله الصدر لمن نظرته
راسه مكطوع وتهد حيلي ركبته
وانت بظلوعك المطحونه شبكته
اخذ كل حيلي وطحت
يوم عمه اتذكرت
محسن افكدته غصب
دمه من عينه يصب
يمه مايروي الدمع
###############
الخادم عبدالمعين الشمري

يحسين خيامك حركوها
##########
من ركظن بناتك غصبن عليهن
حركوها الخيم حركو شكو بيهن
عجوز وحافيه يوم اصعدت عالتل
حاجيهن خواتك كوم حاجيهن
واطفالك بالبر طشروها
₩₩₩₩₩₩₩₩
اوصلت محنيه ومغطي العبايه تراب
مثل رمح البكلبك احس كلبي انصاب
امذبله اشفايفك والرمل يكتل حار
وجروحك هواي الجبد منهن ذاب
وارسومك كلهن غيروها
₩₩₩₩₩₩₩₩
يخويه حسين يالغالي حرت بمرك
من شفت الشمر كاعد عله صدرك
وسيفه يالولي ماخله حيل وراي
صاباك اثنعش ضربه وكطع نحرك
وصاح ام الخدر ضربوها
₩₩₩₩₩₩₩₩
خيول الاعوجيه بيوم جابوهن
وعله جسمك يخويه حسين صعدوهن
الهظيمه كبال عيني ظلو ايهوسون
اشيضل بيهن ضلوعك يوم سحكوهن
والصوت اسمع من سحكوها
₩₩₩₩₩₩₩₩
من حكه دليلي منجسم نصين
ضهرك والصدر صارن سوى يحسين
ثوبك سالبينه وخنصرك كطعوه
صحت عباس اخوك امنين اجيبه امنين
جفين عضيدك كطعوها
₩₩₩₩₩₩₩₩
شبجت العشره تعبانه اكعدت عالكاع
جسمك عاينت ماتهده بيه اوجاع
الف وتسعميه جرح خويه حسين
جرح فوك الجرح كلهن يخويه اوساع
واختك بعدك مارحموها
₩₩₩₩₩₩₩₩
الخادم عبدالمعين الشمري

((نزله))

يحادي من تمر بحسين ريض خلي اودعنه
اريد اتمدد انه وياه و بصدره اشمنه
.......

اريد اتوادع انه وياه خافن ما بعد ارجع
بس محتاره اشبكه شلون هوه موذر مكطع
رايدله نهار وليل حته بجسمه الم وجمع
صدره ويه الرمل مطحون كد ما خيل داسنه

........


خل اتعاتب ويه حسين محله معاتب الخوه
اكله حسين تدري شلون بيه فراكك شسوه
لا حيل البقه ولا صوت بسمك لو صحت كوه
كوم وحشم العباس جا وين التكفلنه

.......



وين ازلام هاشم وين زلم التعدل الميله
وين الدك صدر والجان بيده يعكد الشيله
زينبكم سبوهه اجناب ويمهه وصلت العيله
من سياط ابن مرجان خويه متني كسرنه


.......


اجيت بريحة الدخان واثار الحرگ بيه
ماضلت خيم يحسين حركو خيمتي عليه
انه بت علي الكرار وسفه اسمه مسبيه
واحنه الخايف ومحتار يركض لايذ بسدنه
.............




الشاعر مصطفى الحسني

((شور))

ماعندي غيرك ...كلبي اسيرك..... ياموطن لكل فقير
علمني دربك ....نصبني حبك....حظرت جناب الامير
تحل حيلي صفناتي يمكصر العمر
تاخذني اذنوبي ورجع أعتذر
باجرحي الرافكني من سنين ازغر
طير وضريحك غصن
ضامي وخريفك حزن
غربه ولكيتك وطن....ابااعبدالله
انته الدوه ولجرح
دمك نده ع الصبح
ياحلمي المنذبح ....ابااعبدالله



.........


عالم خيالي ..... عزي ودلالي ...كلشي بوجودي الك
بس كل خدمتي...ولطمي ودمعتي..متوفي لوعه هلك
سر روحي وجروحي تصرخلك تعال
مغرب وعطش شمسك يفياي الدلال
بعيوني بس انته والباقي خيال
حزني وسبب غربتي
نوحي وجمر دمعتي
حد الكبر لوعتي ......ابااعبدالله
تارس خيال النظر
ضامي وشمك مطر
تارك مصابك اثر.....اباعبدالله


.......

‏
يالمشتريني ....بذنبي ويقيني......من امي انته احن
اعله بخدمتك....واغله بنظرتك..... خليت اليه ثمن
من عيني لحد عيني وشتمك هوه
اكبر جرح بكلبي مصيبت نينوه
ياضامي ويادامي ومسلوب الضوه
تحجي الهواجس عشك
بس انته اشوفك صدك
بروحي خيم تحترك ....اباعبدالله
بذاك الوجع والظمه
شايل ترافة سمه
يا لب كلب فاطمه ....ابااعبدالله

........


لهفت دمعتي .... ناري وحصرتي.....لأخر محطة عمر
عمر الخدامه .....ليوم القيامه .....بكلب الموالي جمر
بجيني وعيشني مصيبة كربله
مشيني بحساسي ويه القافله
نزلني بالمجلس احسن منزله

عشت بهواك وذبت
كلشي الاريده خذت
مثلك عشك ماشفت....اباعبدالله
دم بوريدي احس
ماينتهي ويه النفس
بكلبي اسمه انغرس .....اباعبدالله

......





مصطفى الحسني

القصيده للشاعر حسين قاسم الراشدي

#شور_رقيه_والحسين _ع💔

بويه انه بنتك ليش تنساني

تذكرني يحسين. من جنت انام وخنصرك ب ايدي
يالرايح الوين. لو رحت بويه يموت كل عيدي

بويه زغيره اعله الركض والشمر لاحكني
دمعاتي عل خد نازله وياهو اليجي يطكني
ماضايكه الماي وعلي والركض عطشني

امشي وين.
والخيمه ماضل فقط طاريها
امشي وين
التستحي منك غرب تسبيها

بويه انه بنتك ليش تنساني

ما شايف النار. بكلوبنه وبخيامنه موجره
مت عيني الزغار. كلساع واحد دايس الجمره

بويه انته ميت لو عدل من حركو خيامك
بويه ارد اشبكك بس وسف متغطي بسهامك
المن تروح ليا كتر ومذبحه ازلامك

دنيا ليل
وانده ي بابا المن تخليني
دنيا ليل
وبليل اخافن وانته تدريني

بويه انه بنتك ليش تنساني

بالسوط يحسين. يكعدون كلمن يعثر بجدمه
وما نعرف الوين. نمشي يبويه وموتتك صدمه

والخيل ماعدهن كلب من داسن اضلوعك
بكل حافر مجلب لحم يالتضم بدموعك
ونسوانك بهيمه صفن وانباكن شموعك

ماكو ماي
ياللحيتك بالدمه مصبوغه
ماكو ماي
مني تبده الجبته الك صوغه

بويه انه بنتك ليش تنساني

راسك عل ارماح. وجفي كصيره ابيش الوحنه
ارد اكعد ارتاح واليحدي ماعده كلب يحسين تعبنه

بويه انه مو مالت سبي ترضه يضربوني
تعبانه رجلي من المشي ومزوركه متوني
وكدام خلك الله تره بالسوك سبوني

تدري لا
ترجيتي باكوها اليكرهونك
تدري لا
كدام زينب كسرو سنونك

بويه انه بنتك ليش تنساني

طبينه للسوك. وموش بهلا بحجار لاكونه
نتباجه عل نوك. فرجه لهالي الشام خلونه

وشلون اشاكف بالحصه ومجتفه ايديه
الما طالعه كبال الشمس بالشام مسبيه
وعاكول متروسه ودمه من المشي رجليه

بويه ليش.
باكو هديتك واذني جرحوها
بويه ليش
عمتي بذبحتك والله ذبحوها

بويه انه بنتك ليش تنساني

حسين قاسم الراشدي

#لشجاعة_مولانا_علي_الاكبر_عليه_السلام

شكد جمال بعينه = الاكبر علي دخيله
وامه من خيمتهه = كعدت وتدعيله
شويه عن عيونه = مشدوده العمامه
اجمل الخياله = طالع كمر ليله ،

كلوله المهر ليشيله كلوله
من يصعده الاكبر تنحني ريوله
طكته الشمس بس ضاعت بعينه
كض اعنانهه وبيهه لعب جوله ،

اليكابل سيفه خوفاً يلبد بهدمه
ابن حسين والعباس لمعلمه
وتعلوم ابو فاضل ما يظل زلمه

ضوه الخيمه = وخده يغار من عينه
يخبل اكبر حسينه = علي الاكبر
شديد شكد = طب مبتسم بس غاضب
سحگ چم شارب بشارب = علي الاكبر
========================
شاب شمرت صايته = يطكهه الهوه وترهب
بلون عينه اتلاكن = العصريه والمغرب
ما يطبله بعركه = وفارغ طلع منهه
شلون يطلع فارغ = يا جدر المعزب

صوره بحايط حسينيه صولاته
هد المدللاته هواي عماته
مو عجبه اذا شك كربله بسيفه
موسى شك بحر من شال عصاته

بصياره امه يمكن ما امكمطته
لان ما تنلوي اذراعه شثكل طكته
اختنگ مقبض السيفه من ايده كضته

فخر وابحر = نص البحر مو راگه
قطيع وجيشهم ساگه = علي الاكبر
الجمع تايه = ابره وخيط عد اعمه
صار اليشرد الزلمه = علي الاكبر
========================
اوشاحه الاخضر لونه = منه الزرع يلبد
من كثر صولاته = ميمونه ما يگعد ، ،
مبخره امه اهدومه  = عن لا يحسدونه
ومن طلع جابلهه = راس اللذي يحسد

سيد هاشمي وچفيته علويه
النشمي تلوگله احچايات نشميه
بمشيته الكاع هزهه ولو ركض بلوه
چا شيصير بيهه الكره الارضيه

ياهو يهزله نخله تطيحله الرطبه
والاكبر يهز سيفه تطيح چم رگبه
سوالف عمه كلهن كاعده بكلبه

شديد البأس = وچفوفه اله مرايه
يرف بالغيم مو رايه = علي الاكبر
مطر طوله = وعيونه غضب تنگط
شيخ العركه ظل يزمط = علي الاكبر
==========================
چفوفه ما يتلاگن = يخنگ هوه بنصهن
عيونه كوكب ساطع = ضاع الضوه بفصهن
الميمنه واليسره = اجناحات شايفهن
ايخلص من الوسطه = ويترهدن يكصهن

ما اجمل وكفته ومحله طاريه
بمشيته كربله انترست انسانيه
الوقار بهدمه الابيض مو الشيب اوقار
طلع من باب خيمت عمته گمريه

قصيده اكتب عله انقاط اللي بحروفه
وعلى اردان القميص اللافه چفوفه
وصلت صولته لبوابت الكوفه

الفرس صهلت =  راعيهه يهد رادت
بيد المرجلي انگادت = علي الاكبر
اذا يهتز = سيفه تنگلب حمره
الصفار يضيع بالصحره = علي الاكبر
==============================

⁃ علي مهدي المالكي

#ازورُ_سيدي_ومولاي

السلامُ عليكَ وعلى الارواح
التي حلت بفنائك عليكم مني سلامُ الله ابداً
مابقيتُ وبقي الليل والنهار . . .

سلام الله عليك من البحر للبر
سلام الله اعله جسم العاري الموذز
وعلى ارواح اللي حلت يمك بهالحر
بدايه من حبيب لحد وجه قنبر

يا وجه الله امطشر ليش
ايحرك جسمك دوس الجيش
ما عدهم بالطف تابوت
يلمون المتطشر بيش ، ،

ابزيارة عاشور اقره
واجت للمقتل نظره
سليباً أبن الزهره = حسين

نزل دمه لحد صدره
ودعيت الخيل تعبره
ولا يم ضلعه تكسره = حسين
==========================
يا ابا عبد الله لقد عظمت الرزيه وجلت وعظمت
المصيبةُ بك علينا وعلى جميع اهل الاسلام
وجلت وعظمت مصيبتكَ في السماوات
على جميع اهل السماوات . . .

عظيم امصابك وما تُوْصفه الكلمه
الرزيه يا عظمها ويا عظم اسمه
تِحركه الخيل واسهام الگفه اتلچمه
الهظم لمن وصل چعب الرمح دمه

عطشان اتظل ابلا حيل
ويمك تشرب ماي الخيل
ما واصل يم نحرك ماي
ما يردونه يلوح الهيل

السمه السبعه وراعيهه
يقيم المأتم بيهه
وملائكته يبچيهه = حسين

جرح من يوم العاشر
على الداسوا بالحافر
بهضم من ضلعه شكاسر = حسين
============================
ان يومُ عاشوراء يومٌ فرحت بهِ الُ زيادٍ
وال مروان بِقتلهم الحُسين صلوات الله عليه
اللهم فضاعف عليهم اللعن منكَ والعذاب الاليم . . .

وادم ماهي عدهم عَرگت الگصه
ولن تمحوا ذكرنه موجز القصه
الرمح راكب براسك غصت الغصه
الظلم يضرب ثناياك بطرف عصه

من سورة جرحك للماي
( بسم الله ) اجروحه هواي
من كد ما ريجك عطشان
السيف بذبحك رايح جاي

ولاضن ضيمك ينفض
وقميصك ذاك الابيض
غطاه الدم ما ينكض = حسين

الدمع لليعشگ فرصه
وقريت المقتل نصه
وشفت شوغه بهالقصه = حسين
==============================
فأسل الله اللذي اكرمَ مقامك واكرمني بك
ان يرزقني طلب ثارك مع امام منصور من اهل بيت محمد وال محمد . . .

باجر يطلع المهدي ويجي بثاره
ويجون اهل اللطم خدامه وانصاره
على المذبوح حرگه وما اتظل چاره
عصب ذرعانهم ع الصدر ذب ناره

خليني لخيماتك باب
وداريني حچاية شياب
ما راح اتقصر مولاي
اتعيشه بصدگيه الچذاب

اريد الباقي بعمري
لطم من ايدي لصدري
واريدك بيه تدري = حسين

وقف للمهدي ايامي
وعطاء لثار الضامي
الخضيب الشيب الدامي = حسين
=============================

علي مهدي المالكي

#محرم_مولاتنا_فاطمة
#صلوات_الله_عليها


اكتب ماتت واقراها
راحت روحي وياها
ظل محسنهه على العتبه انكساراتي بفكد أمي

اليفگد حنان امه الحزن يترس وحشتـــه
اليوصل لحد ضلعه العذاب يموت سكته
وتوصـل لحـد هدمـه دموعه من عبرتــه

ايكض الدرب = اليفكد محب
ويدور خطوه من الرَحل
بثگله اندفع = باب الخشب
صوب امي بضلع امي شعمل

كلمن امه لسه وياه اكله الف خيعونك ، ، ،
اذا ما يمك التهواه المن فاتح عيونك
وبعد ياهو اليفك الباب ويگلي شبيك وشلونك
===========================
ممشه المشتاگ ايتعب
ويحچي همومه للمغرب
سطروا خدهه بجذع ثگله بثگل همي وجرح روحي

تظهـر تجاعيـده الوجـه من يبچي دمعــه
الـزلمه فــلا يحمل اذا لچمه اعله ضلعــه
شتحمل عذاب امي وضلعهه يطگ اسمعه

النار التشب = تحرگ گلب
مو خوفاً بس تاخذ طفل
ردنه اخو = وجهه دفو
مات وبعده ما مكتمل

وضحت لچمت جروحي وبعد ما ينفع التوضيح
وعسه ياباب بيتي اتظل ولا مرت عليك الريح
اخافن تنفتح ونوب اتخيل الزهره اتطيح ،
==========================
اول عثره صوب امي
يعثر بالمشيه جدمي
اشتاقت روحي لحنان امي لكلام امي المشن كلهن

ليلي يجي بذكرة من احط راسي بحظنهه
يـاهــو ليكللهه تـره بـس يـبـچـي ابنهه
اليمشي اعله فَي روحه تريد اليحتضنهه

ضاعت هله = البيهه ابتله
حزن الگلب منهه ابتده ، ،
يا فاطمه = شوگ وضمه
اليمچ گَعِدته لوَحَده

امودع يا نعش گلبي يكون الگه اعله گبرچ باب
بــس ما يندفع مرتين هـذا البــاب للأحبــاب
رحتي وفوضـت امـري لهواي وعطر منچ جـاب
==========================
بسمار الحايط لچمه
ضيّع عُمر امي وحلمه
شاغت لچمه النفس ضايع الحرگ يلچم بدين امي

آخر حچي بروحي اتفسره عيون رمده
يبچن صوّر مره ودمع مره اعله كعده
من امي يهل الوادم اريدن شوفه وحده

سر الدمع = يحچي ضلع
وجرح العذاب البي شگه
اخر آلم = بيه انكتم ، ،
يحچيلي اباب امحرگه

يخامس بيتنه ورحتي ودرينه اربع جروح انظل
ودرينه الباب والبسمار لچمه ويا جدم ننگل ،
يسالفتي الخذاچ الليل وفرگتچ منهه شنحصل
=========================

علي مهدي المالكي

نزله / لمصاب مولاتي فاطمة الزهراء عليها السلام

لا فتى إلا علي
لا ولي إلا علي
ما نبايعكم
ما نبايعكم
....................

فاطمة آنه الشريفة بت مُحمّد عالعهد
ما نذل يهل السقيفه ما نبايعـــكم ابــد
بس علي يبقه الخليفه بالذكِر والمعتقد
الله راده وما نخالف ( قل هوَ اللهُ احد)

حجه من رب السمه
بس علي حامي الحمه
ضد منافعكم
ما نبايعكم
.....................

ما يبايع عـلي هوه. من بعد طه امام
بس اله تلوگ القياده اول واخر كلام
احنه ماضيكم نعرفه ما نبايع للحرام
علي من مد ايده مُكره خاطر يعم السلام

بالوصية ملتزم
خذلته شباه الزلم
السلطه دافعكم
ما نبايعكم
.....................

يالظلمتونه نگلكم نخضعلكم مستحيل
شما تأذونه بحقدكم نبقة عالحق ما نميل
عترة الهادي مُحمّد احنه ما النه مثيل
اليعادينه ويضدنه يخسر ويصبح ذليل

باطل المايمتثل
للوصي وحتماً يذل
وي مطامعكم
ما نبايعكم
.....................

حتى لو ضلعي كسرته حتى لو ابني وگع
ما اطخ يفلان راسي وما يغيّرني الوجع
فاطمه ابقه بولائي. للأميـر الما خضع
علي بس هوه امامي وما يهمني المجتمع

بياذنب ضلعي انكسر
وانه بت سيد البشر
ما اسامحكم
ما نبايعكم
......................

سمعوا يالثاني والاول يا اصل كل الفتن
غاضبه عليكم دعائي لحدما لفني الچفَن
آنه ما راضية عنكم لاخر ايام الزمن
كل مصايبنه بسببكم. المضن اصل اليجَن

الله يلعنكم صحت
من أذيّتكم متت
هذ واقعكم
ما نبايعكم
.....................

باجر المهدي يجيكم ياخذ بثار الضلع
ضلعي وعيوني يطيبن افرح وانسه الدمع
يبني مرقد گبري بيده للسمه السبعه يشع
يأذّن المهدي وسمعه بسم حيدر يرتفع

غصباً اعله هل الظلم
يرجع لأهله الحكُم
من يحاكمكم
ما نبايعكم

سيد زيد الفحام
_________

مولاتي فاطمة الزهراء

عكب عيونك.   تعمه عيوني
كسروا ضلغي   ما رحموني
شسوّو بيه ما تدري
بعدك ما ردت عمري
ما رحموني
..............

مُحمّد يارسول الله وابو العتره
أنه الاية العظيمه وبنتك الزهره
اخبرك عالجرالي واسچب العبره
ضلع مكسور بويه وعالوجه سطره

ناس التحقد  عالوا بيه
دفعوا بابي.  بويه عليه
آه وصوّبو صدري
بعدك ما ردت عمري
ما رحموني
..............

يريتك بويه حاضر من اجو ليه
فلان وربعه كلهم هجموا عليه
خلف الباب انحب من دروا بيه
عصروني وطحت مصيوبه مچويه

شفت المحسن.    طاح مدمّه
روحي وگلبي.    طاحن يمّه
محنيّه انكسر ظهري
بعدك ما ردت عمري
ما رحموني
..............

خذوا حيدر علي مچتوف من يمي
وراهم بويه اركض وعثر بجدمي
صحت يهل السقيفه خلّو ابن عمي
لا ادعي عليكم وصرخ بدمي

اخذو حيدر   نكرو حكمه   
لوما اطلع      سفكو دمه
جارت دنيتي ودهري
بعدك ما ردت عمري
ما رحموني
..............

مُحمّد بويه ريت اتغطّه بترابك
بنتك فاطمه ظلموها بغيابك
اثر كسر الضلع ظل ينزف ابابك
بعدك ما دريت اشسوّوا اصحابك

ادعي الباري.  ياخذ روحي
بويه شينفع.   دمعي ونوحي
ابچي ومانفع صبري
بعدك ما ردت عمري
ما رحموني
..............

بقيت ابچي بغيابك ما غفت عيني
دعيت الله اموت ويختم سنيني
كسر ظلعي جرحني وظل يأذّيني
ونار فراگك بكل لحظه تچويني

بويه الهادي.   تسمع صوتي
ما مرتاحه.   الراحه بموتي
افضل اختفي بگبري
بعدك ما ردت عمري
ما رحموني

سيد زيد الفحام
__________

الاكبر بصوته
انا ابن صكر السمه
اول حجايه
نار كبره بصارمه
هلا بصولاته
حيد يابن فاطمه
امحزم بغيره
وخسف ظهر امطهمه

كمر = حيدر = كدر = واكدر = سرفن اردانه
يسند = يهد = يرعد = يمد = روحه لخوانه

ما صاير اليوصل جماله
ويطلع ضوه حته بخياله
كد ما جميل الماي اجاله

حي الله حي الله حي الله الاكبر
===============================
اعذرنه مولانه
الجيش خلاه يعتذر ،
اعذرنه مولانه ،
يا حرف بأول سطر
طفحت الغيرة
الاكبر بصولاته مر 
هيبة الساده
من يهد ياهو اليفر

ارعد  = وهد = وعد = يصعد = سمه بذرعانه  
اشرس = اشوس = اخنس = النس = ايده عوانه

نور الله انطش اعله طوله
من ايده اتصير الرجوله ،
حته الكباله هوسوله 

حي الله حي الله حي الله الاكبر
===============================
تلمع عيونه
الشمس من عدهه انطفت
يا علي الثاني
الروس احتراماً دنكت
اكبري وطوله
صاية الحظ والبخت
دارت عيونه
وليله يبني صؤحت

صعب = من طب = ضهضب = وصب = غيضه بالحومه
يزمجر = يكر = يأمر = ابشر = يگضي ملزومه

يالشايل بيرغ شهامه
يمنومس اهله وعمامه
جف ايدك سوه القيامه

حي الله حي الله حي الله الاكبر 
===============================
حاره چفوفه
وشال عصات العلم
حاره چفوفه
كاع طفهم كلهه دم
والشمس لبدت
طلع شاب من الخيم ،
ترهب عيونه
وشال وي عمه العلم

بعمه = عزمه = واسمه = نعمه = هله بفعاله
كسر = زمجر = عبر = يفتر = يرهب خياله

يمضوي اخيام الرساله
يل تنكط غيره وبساله
الاكبر علي مرجله افعاله

حي الله حي الله حي الله الاكبر
===============================

- علي مهدي المالكي