ضعت بدنيتي وهوه لگاني
اخذني من ايدي يمه ودللاني
آنه بجال الحسين جنت وين وصرت وين
********
هذا آنه الجنت ضايع وضيعتي كلش جبيره
جنت ما مهتم بديني وللذنب روحي اسيره
لا صلاه لا صوم وآنه وضعي ما اعرف مصيره
وي صديق السوء امشي وعالغلط دوم استشيره

مشيت بدرب ضيعني بظلامه
ولا اعرف حلال الله وحرامه
اعمه الگلب والعين جنت وين وصرت وين
*********
الدنيه ما تسوه ودنيه يخسر اليركض وراها
وشكثر وادم غرتهم ياهو منهم حصلاها
الدنيه ما واحد عرفها ويتعب اليمشي بهواها
بس علي يعرفها غربه وبالثلاثه طلگاها

ماتسوه وعلي هالدنيه كلشي
خطار احنه بيها وراح نمشي
عنها كلنه ماشين جنت وين وصرت وين
*********
بالمعاصي جبت عمري ورحلتي وياها طويله
وين اروحن والله حيره اذنوبي جفتها ثجيله
جان اكو نور بحياتي وما فقدت الامل ليله
وجهت لحسين وجهي غيره ما عندي وسيله

حبيب الله اليگصده حسين ميحير
ومن بابه ردتها توبتي اتصير
اجيت بگلبي نارين جنت وين وصرت وين
********
للمجالس جدمي اخذني والها اول مره احضر
ناس تلطم ناس تبجي وكلها تصرخ يا ابو الاكبر
وحدي ظليت ابجي والطم بداخلي كلشي تغير
براحه اول مره اشعر والامل ظل بيه يكبر

صوت اسمع يگلي انطيني ايدك
تعال الخيمتي تخدمني اريدك
صوت حسين اجه منين جنت وين وصرت وين
**********
حسين للضايع وسيله وهو باب الله ورحمته
حسين غيّر كل حياتي عن طريقه الله عرفته
بجاله صرت انسان ثاني وكل ذنب لجله تركته
شگد حنين وگلبه طيب بيده وداني الخدمته

لطف بيه واخذني وصرت خادم
وعلى عمري الي ضاع بدونه نادم
وللخدمه انتبه زين جنت وين وصرت وين
*********
تمت
ميثم العمري

وحق دم الخامنائي الطاح عالمذهب شهيد
مانطخ للذله راس وما نصافح جف يزيد
احنه تربات الصميده عدنه يوم الحرب عيد


وماطخينه من صار الطگ
/////////////////////

اسم خرمشهر رعبهم صوفر ابجيته الخضار
وخيبر وسجيل رسمن فوگ تلهم ذو الفقار
ياعلي امن يصيح شيعي ابتل ابيب ايحل دمار

من اعيونه يجادح شر
//////////////////

هاي ثورتنه العظيمه هزت اگلوب الطغاة
يشهد التاريخ النه افعال عدنه امسجلات
ابد مانركع الواحد فقط بس وكت الصلاة

بيد الشيعه والرايه اتضل
/////////////////////

مانهاب امن المنايه وعالشهاده معلمين
ويه كل صاروخ يصعد نبقه نهتف ياحسين
همه جدهم صار مرحب وحنه امير المؤمنين

الدنيه اتهابه بس طاري اسمه

//////////////////

✍كامل السعيدي

يا حبيبي يا حبيبي يا حسين

**

أضم دموعي الك ما أهون ابچيهن
الطاحن مو الك ما معترف بيهن
احبسهن سنه ولمن يمر عاشور
اباب أول نعي اگعد وابديهن

***

حيل هواي انته ودمعتي شويه
يلمخليني خوش انسان يوميه
ترجعني الطريق الصح حنين هواي
احن من امي لو مر المرض بيه

**

شگلك يا حبيبي ويا بعد حيلي
اوديلك ذنب وانته شتوديلي ؟
وديت النحر وضلوع مسحوگات
حتى بگبري من اوگع تتچيلي

*

يذكرون اسمك وما تسكت عيوني
واطب الحضرتك ما اعرف شلوني ؟
خفيف من الذنب مشتاگ لا محتار
بضريحك واصرخ المولاي ودوني

*

الجنه بدون وجهك ما أظن جنه
يلمبعد عليك وانته تتدنى
انه الضايع بدونك انه اخذني الطيش
ردني الحظنك الما ينشبع منه


*

حسين اسمك اعرفه وانته ما اعرفك
احاول اقترب من جرحك ونزفك
اضيع بعالمك دمعه بمصاب حسين
أتاني المهدي هوه العالم بوصفك



كلمات الخادم / رعد الفريجي

خلي ننزل على ال سعود شويه

قصيدة سجل يا زمن

حظر دفترك سجل يتاريخ
بس الشيعي يتلگه الصواريخ
يا همه النشامه
وياهو الضام هامه

...........
سجل يا زمن شيعة علي شلون وگفو للمنايه
سجل يا زمن خافن ينكرون وتضيع الحكايه
سجل يا زمن وفتحه العيون ضل احفظ ورايه

ياهو الراد ياهو الهاد من كل الطوائف
ياهو الزين والمو زين ياهو الجان خايف
عد وياي سجل هاي تنفعنه المواقف
ياهو الحيد بالميدان ياهو الجفه راجف

كلش حلوه لو سجلت الاخبار
يا زلمه الثبت من هدت النار
وما لابس لثامه
يا همه النشامه
........................
سجل يا زمن اهل العزائات اي وحجي الصراحه
سجل يا زمن سووها غارات مو بس للمناحه
سجل يا زمن كل البطولات وحشد الله وجراحه

ابصر زين لأجل الدين ياهو السال صارم
ياهو الحيد بالصعبات بس اهل المأتم
وياهو الجان وكت الموت ما موجود نايم
مسافر عود ماموجود وينه ابن الوادم

رغم ما حشمه بس يكلي تعبان
حتى بصبح ربنا يصيح نعسان
ويعتعت كلامه
يا همه النشامه
..........................
سجل يا زمن عباد القبور قلعو باب خيبر
سجل يا زمن والثاني مقهور خايف وجه اصفر
سجل يا زمن بستان عاشور شنهي الليله خضر


ترس الكاع بس اسباع خدام الزجيه
تهوى الموت بالميدان متهاب المنيه
ولد ام عون عكس سعود اولاد البغيه
تهوى العار ذل تعيش متعلمه الرذيه


بس ضد الولي تتحشد الاف
وإذا عن اليهود تصيح نخاف
بس ضد الامامه
يا همه النشامه
..............................
سجل يا زمن ام الجمل وين خالد وينه ذكره
سجل يا زمن بس زلم ابو حسين الحق صارو بكتره
سجل يا زمن ما رمشت العين ولا ستسلمو مره

والعدوان بالميدان صاح الغوث منهم
ينذبحون تحصل هاي بس متذل رگبهم
عكس الغير خادم صار ويقبل جدهم
متعلمين ذل وخوف مثل الثاني جدهم


مثل اول صنم لو صارت حروب
جن خيط الشمع يتخفه ويذوب
تاريخ القمامه
يا همه النشامه
....................



حسن يونس التميمي

حبيبي ! عليك بمجالسة من كان من أهل الذكر و الذي يعرّفك بالله ، و لو كان غلاماً حبشياً أو فقيراً أو غيرهما ..

آية الله سعادت برور "ره

قصيدة الامام جعفر الصادق ع

يالمحـترگ   گلبك قبـل دارك
ما تنطفــي   طول الدهر نارك
اتذكرت طف عماتك
مـــن ركضن ابنياتك
يالمحترگ
ــ••••••••••••••••••••••ــ

بنـاتك ما انســـلبن يوم حرگ الدار
وما ســــــوه الحـــبل بچفوفهن آثار
طفت نارك وزينب تدري بيها اشصار
محـد فـزع طفه اخيامها امـــن النار

عالتل بقت    وتحشم اخوتها
لو قـــارنت    اعظـم مصيبتها
وتفجــرن دمعاتك
من ركضن ابنياتك
يالمحترگ
ــ••••••••••••••••••••••ــ

ما فــــرن بنـــاتك حافيــــــات ابر
ولاعنــدك مـره فوك الجثث تعثر
الحال اطفال جـــدك گلبك اتفطر
روحـك مثل جمـر اخيامهم تسعر

بيت الصبر   مل وغـــلق بابه
يالممتـحن   بمصايب احبابه
وتجـــددن لوعاتك
من ركضن ابنياتك
يالمحترگ
ــ••••••••••••••••••••••ــ

بيتك سيدي مـــــن گمت طفيته
شعواط الخـــــــيم بالدار شميته
تحس بحسين لمن شاهد ابنيته
مسلوبه وتفرهــــد وحترگ بيته

شيب الحزن   ضـل ياكل ابراسك
عـن كربــــله   يحچيلك احساسك
وتكاثرن مأســـاتك
من ركضن ابنياتك
يالمحترگ
ــ••••••••••••••••••••••ــ

تون للشيبته ابدم منحــره حمره
وبگاع الطفوف اوصـــاله مطشره
يم عتبت شـفافك للعــطش ذكره
تقص بالماي من تذكر گطع نحره

قصـــة ألم   ياسيدي اسنينك
چادر حزن   بالگلب لحسينك
تفطر الصخر وناتك
مـن ركضن ابنياتك
يالمحترگ
ــ••••••••••••••••••••••ــ

مخنوگ وعمن من البچي اعيونك
على يالوعه ناسك مـــــن يواسونك
كل عاشــر محـــــرم ينخطف لونك
ويأذنك ابطاري الســــــــبي امتونك

درب السبي    ماخذها عافيتك
حتى الهــوه    مل وهجر ريتك
زاد الزمن صدعاتك
مــن ركضن ابنياتك
يالمحترگ
ــ••••••••••••••••••••••ــ

   ✍الخادم
كامل السعيدي

قصيدة الامام جعفر الصادق ع

يا صاحب الثــوره الفكــريه
يالعلمــــك ايهابون طـــاريه
خوف انملو منه ملي
مثل الفقار العد علي
يالعلمــــك ايهابون طـــاريه
ـ••••••••••••••••••••••••ـ

چانو ايهــــابون كتبك يازعيــــم الفقهاء
يالچلت بصواع علمك كل علوم الانبياء
قررو ينهون امــــــرك الك ما رادو بقاء
شافو نجازك يضرهم بيه الدولتهم فناء

وتســــــــلحو بالعلم طــلابك
حقهم اذن لوحسبو احسابك
الرايد يمســك يبتلي
مثل الفقار العد علي
ـ••••••••••••••••••••••••ـ

اسست فقة المجالس سيدي ابذاك الزمان
نذكرك ونذكر حديثك لوگعــدنه بكل مكان
يا ســراج الله المنــير ويا مفـــاتيح الجنان
الحاربوك اولاد هند وحرمله وشمر وسنان

ياحـيف مارعــو كبــر سنك
وفعالهم يالصـــــادق أذنك
بس انته شامخ يالولي
مثل الفقار العـد علي
ـ••••••••••••••••••••••••ـ

شمسك امضويه العوالم يافخر دين الرسول
معرفه وحكمه وشجاعه والله حيرت العقول
ســر  بني العباس عجزو مالگـولك اي حلول
ابـد ماعــايز بســـاله انتـه تربـات الفحــــول

كلهن تعاليـــمك سماويه
يارادع الزمـــره الخطابيه
ماتطخ راسك معتلي
مثل الفقار العد علي
ـ••••••••••••••••••••••••ـ

جان دســـتورك رساله ايريد توحيد الخلاف
يهدف التحصين امه امن الكذب والانحراف
شفت دين الله جريح وردته من علمك يراف
الحـرگ دارك چان يعرف داركم كعبه وتطاف


عندك غزاره امن الوعي الكافي
للسلم تسعى من الحقد صافي
وبسيوف شرهم مبتلي
مثل الفقار العـــد علي
ـ••••••••••••••••••••••••ـ

ابد ما طامـع ابســــلطه ولعرشهم ما سعيت
لنشر فكر اهلك ودينك سيدي بهاي اكتفيت
بالورع والتقـــــوى انتـــه مثل للعــــالم بقيت
الفاضل الطاهر المنجي القاب من طه خذيت

أسست نهظة علـم فقهيه
وخلاقك وروحك حسينيه
أسمك عظـــيم وجللي
مثل الفقار العـــد علي
ـ••••••••••••••••••••••••ـ

  ✍الخادم
كامل السعيدي

لحن 1

نزال للامام الصادق ع

صحنه عالدنيه العفه
يا زعيــــــــــم الطائفه
واويلا      يامسموم
ـ•••••••••••••••••••••••••••••ـ

الموت الك والاهل بيتك يبوالكاظم عاده
بين مسـموم وقتـيل البـاري اجلكم راده
بالجهاد الموت يحلى موش فوك اوساده
قاده عالمذهب تطــيح وترد تنهض قاده

يالكبــــير ابموقفه
يا زعيـــــم الطائفه
واويلا      يامسموم
ـ•••••••••••••••••••••••••••••ـ

بني العـباس وجشــــــعهم ابـــد ميهمونك
علمك امــزلزل عرشــــــهم چـانو يهابونك
اتوقعو ينهون كلشي لمــن ايســـــــمونك
مثل شق الكعــــبه باقي وابــد مايمحونك

ياكتاب المعرفه
يا زعيـم الطائفه
واويلا       يامسموم
ـ•••••••••••••••••••••••••••••ـ

منــك العطـــشان عقله يگــوم يتــــروه علم
بكامل اســـرار الطبيــعه چنت يالصادق مُلم
عن قصـد ما تسل سيفك كل شعارتك سلم
ابكل ظلام انشوف اسـمك لامع بلون النجم

يالحملت اعظم صفه
يا زعيـــــــــم الطائفه
واويلا     يامسموم
ـ•••••••••••••••••••••••••••••ـ

انته سلـــطان المنــابر انته فخـــــر الشيعه
جعفريه وشـــرف حبـــك للابـــــــد منبيعه
عهـــد ويـاك احــــنه عـــدنه بالدمه توقيعه
مالكينه المثل شخصك حتى نمشي انطيعه

انته عنوان الوفه
يا زعيـــم الطائفه
واويلا       يامسموم
ـ•••••••••••••••••••••••••••••ـ

سالفه ويخلص حكمهم ونته حكمك دايم
ورايتك مرفوعه تبــقه لحـــد ظهور القائم
للكفــــر كابوس ذكرك وبصــــدرهم جاثم
جعفــــــريه وبيـــك نفخــــــر ما نهم بالايم

نضرت اعيونك شفه
يا زعيـــــــم الطائفه
واويلا        يامسموم
ـ•••••••••••••••••••••••••••••ـ

   ✍الخادم
كامل السعيدي

السلام عليك .. من گلب ندمان
السلام عليك .. يا إمام الزمان
عبدٌ اتاك .. طالب رضاك
::::::::::::::: صرتُ نادم من ذنوبي ياشفيع المذنبين
سيدي ارحم عبدك انه يارؤف العالمين
فدوه وديلي سحابك وستر عيوب العليه
بيك الوذن من هوايه يا ملاذ الخائفين

ليت شعري اين انت ...حته ادور دواره عنك
ليت امي لم تلدني ...ذنوبي صارن فوگ حزنك

هل لي اراك
طالب رضاك
يا إمام الزمان
::::::::::::::::::::::::::
الهمني ذكرگ خاطر أمگ بدون ذكرك انه ضايع
انت دليني عله إيدك تأمر انته وانه طايع
من صفاتي روحي اذله شوف بعيوني الندامه
خجلاني هواي عطفك وانت مني دموع شابع

تعيش غربه من ورايه ... وتبجي حركه ابلا نهايه
چنت غافل من اجرحك.فدوه سامحني عله هايه

خويدم أجاك
طالب رضاك
يا إمام الزمان.
::::::::::::::::::::::::::
هذه حالي وألك اشگي منه اضچُ ودمعي جاري
من غيابگ عشت غربه وظلمه من دونك نهاري
لمني لمت جوري بيدك وشلع جذور المعاصي
وسگي گلبي صبر هجرك بلكت يهون انتضاري

هبلي قلبٱ يدنو منگ ... يدخل عليك السرور
هبلي قلبٱ لنتضارگ ... خالص الحبك صبور

منْ لي سواك
طالب رضاك
يا إمام الزمان.
:::::::::::::::::::::::::::
غصن عمري عليك يابس خلي شوفك يرويني
تره بُعدك ذاب حيلي چي بعيده عليك عيني
واگف انه باب عفوك واعصر عيوني أعتذراي
دخيلك انه مالي غيرك حسبني خادم يا حنيني

العفو منگ گد غيابك ... وانت معروف بسماحك
يامسامح وانه تايب ... طحت ورقه بهب رياحك

هب لي هواك
طالب رضاك
يا إمام الزمان
::::::::::::::::::::::::::
ليلة اليشتاگ صعبه مثل صحره وبيهه ضامي
انه مشتاگ النسيمك مرني لو لحضه ابمنامي
يل مراعيني بغفلتي هاك اخذ چفيني بيدك
حزني خضر عل مشاعر مو هين هجرك إمامي

تصدق عليه بقبولك ... نضره منك تشفي روحي
گلبي بجروحه لچمني ... وچفك يطيب جروحي

رايد ظواك
طالب رضاك
يا إمام الزمان.
::::::::::::::::::::::::::::::

يا قائم قم في قلبي حييني يا عين الحياة
مالي وسيله غير عطفك يلي بدروبك نجاة
وين اروحن من تهدني حالي بل دنيه اسير
الله يعينك على نفسي البيهه مكروهه الصفاة

يا مجيبً للمنادي ... أخذ گلبي وانت طهره
ياحبيبً خذ بكفي ...وانت مشيني عله فطره

وانه الجفاك
طالب رضاك
يا إمام الزمان
::::::::::::::

اللهم عجل لوليك الفرج ❤️
ذو الفقار حيدر.

فاطمة العليله ع
يروحي الگلب ما لحظه .. هِجرهم
هلي عافوني ضل بيه .. هجر هم
مو بس مرض أذاني .. هَجرهم
ودمع الشوك ماخذ حيل بيه

مولاتي زينب ع
العمر من طاح اخيي .. ماشي فاني
ودمع الهضم يجرح .. ما شفاني
صحت عباس عل تل .. ما شافاني
السهم صايبهه عينه شلون بيه


مولاتي زينب ع
عشره الخيل وبجسمه . ترك بي
الحافر ضلع ما سالم .. ترك بي
مات احسين صاحولي .تركبي
بهزيله وخلي اخيج عل وطيه


حالي
شچاه العين ماتبجي . عليهم
اضنه من جبل ذنبي . علي هم
إلهي بداعت الزهره . وعلي هم
لمحرم خلي دمعي يفور بيه

مولاتي فاطمة العليله ع

متاع ادموع من راحو . ويا هم
بقيت أنه وخذو كلبي . وياهم
شسولف بعد عن همي. ويا هم ؟
عليله انه وخذو كل حيل بيه


اللهم عجل لوليك الفرج
. ذوالفقار حيدر .

شهادة الحمزه بن عبد المطلب
عم الرسول صلى الله عليه وآله وسلم




تاريخ الحروب اعليك شاهد
سيفك عالركب مايخطي واحد
اسد الله ونبيه
يالمخوف المنيه
يسيد الشهداء
........................

ياعم النبي يمخوف الخوف.. بالميدان الأوحد
منو اليكرب الحدك لمن تصول.. اثر خليت عالخد
السيف بيمنتك ينزل عله الروس.. بدر كل حين تشهد
تحارب عله دينك ناس ضلام.. ويدعيلك محمد

يحزام النبي بكل شده حاضر
حربك جانت تصحي الضماير
تزلزلهه الوطيه
يالمخوف المنيه
يسيد الشهداء
.........................

الزلم مرعوبه منك ماتلاكيك.. تفر اكبال سيفك
من يبدي القتال بروس الاكبار.. تصطاد اعله كيفك
يالمرجف الرجال بحلم لو جيت.. ويمر بيهه طيفك
يتزاحم الخوف اباب الگلوب.. ومنهم خذت حيفك

يرجف جيشهم لو جابو اسمك
وشيال الرمح ماوصل يمك
يعم حامي الحميه
يالمخوف المنيه
يسيد الشهداء
.....................

بكل نكلت جدم تتراجف الكاع.. الموت أعلن حداده
تكتل لو نضرت بطارف العين.. شارتكم يساده
يالگلبك حزين وبس بالحروب.. يشعر بالسعاده
حجر سجيل جفك بالميادين.. ينزل عله القاده

منهو البيك مر وما تدمه
بس ذاك الصدك تدعيله امه
يفر من الاذيه
يالمخوف المنيه
يسيد الشهداء
.....................

لمعت سيفك امن ايشوفهه الجيش.. كلهه تصير سكته
راجل تمشي انته تصول وتجول.. اليشرد مالحكته
اليفر منك فرح وبوجهه تنشاف.. سوه ادموعه وضحكته
والخيال يتلبد وره الخيل.. من تكصدله انته

حته بخيلهم خليت خوفه
تشمره الصاعد اعليهه وتعوفه
يروح اليا نويه
يالمخوف المنيه
يسيد الشهداء
....................

غبار المعركه ينزل عله العين.. من ضربت يمينك
وتتلاطم أمواج ارماح وسهام.. من المعتنينك
الوصل يمك بحيله اكبالك يموت.. من تنضرله عينك
غيره ومرجله ونخوه وكرامات.. تنضح من جبينك

اسمك عالصدر يتعلك اوسام
ومصابك مانسينه بكل الايام
ينور ويشع ضيه
يالمخوف المنيه
يسيد الشهداء


محمد هادي العقابي

خروج الظعن

قصيدة ضل خالي الوطن

سار الظعن سار بخضر العمايم
خالي صفه الدار مـن الهـواشم.
بگليبي جن نار شهنو اللي قادم

حملت نوگ الاهل وضل فارغ البيت
انه وعلـيله بلا أمل بالـحيـره ضليـت

دار الحزن ماليها ما ضل ولي يباريها
بس فاطمة وياي
بس الصور خلوها وطفله بمرض عافوها
ورده وبلا ماي


شالو اهل المرجله
امن المدينه الكربله
غيرو فيِ الوطن
بحر شموس وبالفله

ترست خاطري الغربه
صعبه ضلتي صعبه ويلاه
والدار أصبحت ظلمه
هضمه تذبني يم هضمه ويلاه

عيوني شكد بجن
ضل خالي الوطن
....................
من بيته للموت ناوي برحيله
دمعه وبلا صوت عاف العليله
مو بيت تابوت شايل خليله


بيته صاير بس حزن خنگتني أفكار
هـم يرد لو مــا يرد للـدار ابو الدار

دمعاتي فجأة وطاحن خاف الدرب مو أمن
وما يرجع حسين
بذهاني صارت حاله خاف الذبح يدناله
لو ياخذه البين

جفني كل ما ينبطگ
حسيني اشعر ينسحگ
وداير العين بهضم
الخيمته الشبعت حرگ

ينظر شفته لعياله
وكاعد فوگه جتاله ويلاه
افز من نومي مرعوبه
شفت اعمامه مسلوبه ويلاه

خوفي عله الظعن
ضل خالي الوطن
....................
شو رفت العين وضل گلبي فاير
بس لا بگى حسين بين الوافر
ها وين ما وين محبوبي صاير

گمت اصيحن يا علي وفرك بالجفوف
وليدي بس لا ينصرع ما بين السيوف

بس لا يضل عالغبره وحافر يدوس بصدره
وما يمه عباس
ذاكَ الاقدس عيونه خاف العدو يذبحونه
والطم على الراس


خوفي يبگى بنص عدو
وما يضل يحمي اخو
خوفي يوكع بالفله
وللعقيله يضل منو

لو خيل العدو تگرب
ياهو اليفزع الزينب ويلاه
لو فزعو عله خيامه
ياهو اليلزم ايتامه ويلاه

ونسوانه اركضن
ضل خالي الوطن
....... ........
اتأمل الخير و مامش ضحايه
وكل هذا ميصير مامش سبايه
وياخذني تفكير هزله وعباية


ويرجع العيني الدمع والحسره والاه
وبلا وعي اصرخ اضل يا يمه ويلاه

ويصب دمع من عيني شصار وحصل بحسيني
وبخيمته شصار
هسه الولي بيا حاله يم يا حرگ أطفاله
كتلتني الأفكار

جفني ساهر ما غفه
ويلي بعياله شصفه
ياهو اليجيب الخبر
وليدي ياهو اليعرفه

امشي وافرك بأيدي
ياهو اليمشي لوليدي ويلاه
لو بس جلمه ياوادم
عن قائد بني هاشم ويلاه

امه وكلبي حن
ضل خالي الوطن


يا ام البنين

حسن يونس التميمي

مجموعة قنوات راقية ومفيدة جدا تحتوي على :

☘️علوم القرأن الكريم
☘️ارشادات إسلامية لإنشاء أسرة سعيدة
☘️إحراز نافعة ومجربة
والكثير من المنشورات النافعة👇
https://t.me/addlist/RnQKAYQkQ6hlMGNk
انصحكم بالاشتراك هنا 👆