قصيدة بداية المجلس بحق باب الحوائج الامام موسى الكاظم عليه السلام

( سيدي ياموسى الكاظم )

###############
ترعرع بالمأسي وبيه كومه جروح
وأبد ماهاد كلبه من الهظم والنوح
كظه عمره بسجن يرتاح مامسموح
هارون الرجس جمع ملاعينه
@@@@@@@@@@
ظكت طعم الحزن لكن صرح صبرح
بكرامه بلامذله اكظيته كل عمرك
امكيد بالسناسل بس كبر قدرك
كظمت الغيظ لجل المصطفى ودينه
###############
اشباه الرجال تراقبك كل حين
شافو صوره منهه هواي منذهلين
من تسجد خشوع ايسجدن حياطين
السكف من سجدتك ظلت تهل عينه
###############
يامولاي اعظم دور من أديت
كلهه سنين عمرك للوصي طشيت
كل هذا وتكول بعمري ماوفيت
حكنه شيعتك لمن تباهينه
###############
الرضا بفكدك يون ظكه الهظم مالوم
لمن نظر حالك سيدي مسموم
يويلي اخلاف ابوي النايبات تحوم
ونيران المصاب ابحركه تجوينه
###############
خادمك عبدالمعين الشمري
@hussien889

نزله
للامام موسى بن جعفر (عليهما السلام)

صاحب السجده الطويله
كظه بقيود الثجيله
@@@@@@@@@@
جان امامك صرخه تنصر للعبيد
شما يزيد الظلم اصراره يزيد
بالصبر ذل فكر هارون الرشيد
مثل جده حسين للعالم نشيد
صرخة الحق بزمانه
بكل فخر ماصح مثيله
@@@@@@@@@@
يوم ظاكت بي امام المتقين
بدمعه وبحركه وألم ناجه المعين
يا اللهي يامخلص الجنين
خلص ابن الزهره من سجن اللعين
اقسم عليك بضلعهه
وبصبر عمتي العقيله
@@@@@@@@@@
من السناسل والضرب جسمه خوى
تختنك ريته وصعب شم الهوى
بكأس سمهم صاحب السجده ارتوى
وبجمر احقادهم من انجوى
ابمصابه الكون حاير
والعرش مهدوم حيله
@@@@@@@@@@
اربع احماميل وضعوه عالجسر
نور وجه سطع للعالم بدر
بحالته ايات وسور تنعصر
بالسناسل كيدوه اهل الغدر
لا أهل تحضر تشيعه
ولاكرابه ولاقبيله
@@@@@@@@@@
آه واويلاه عله ابن المرتضى
الساك مهشوم وجفوفه امرضرضه
فوك هذا بجبدته السم من مضه
حك تلطمون الصدر يارافضه
وكل غيور عله أمامه
واجب المدمع يسيله
@@@@@@@@@@
راهب العتره يعرفونه الرجس
بلا سبب من كظه عمره منحبس
مثل جده نوره واضح كالشمس
اخذ من عمته العقيله اعظم درس
اتشيب الاطفال قصته
المنعرف روح الوسيله
@@@@@@@@@@
خادمك عبدالمعين الشمري
@hussien889

#على_لحن_مجنونك_لباب_الحوائج

ياذونك بالسلاسل والسجن
ياذونك طبع الغريب شكد يحن
ياذونك دمع المصاب على الوجن
ياذونك....ياذونك
____________________________
لكاظم الغيظ الدموع
واله ملتمه الجموع
دخيله ....
باب للحاجه انحسب
والطلب منه طلب
يقضيله....٠
الجمعة موعد عالجسر
هذا عاشك ينتظر
يبجيله....
العايش بديرة غرب
جروحه ضلت بالقلب
تحجيله ....
بغدادك هي بيك تشرفت
بغدادك أنت نور الماطفت
بغدادك دمع المصاب على الوجن
ياذونك..... ياذونك
___________________________
بروحه ملتمه الونين
وتبجي لمصاب الحسين
عيونه ....
الشاف عمته بلا خيام
شلون لو لحضه تنام
جفونه ....
لحاله ماينفع طبيب
اليخطر اباله حبيب
ضنونه ....
عايش اللحضه بعمر
يساعد الله الينتظر
مسجونه ....
طاموره عينه ماشافت شمس
طاموره حيل مخنوكه النفس
طاموره دمع المصاب على الوجن
ياذونك.... ياذونك
_______________________
موسى ابن جعفر سجين
وضلمه بعيونه السنين
شحاله ....
السجن مابي صبح
والجرح بعده جرح
يبراله....
بجبده ملتهبه السموم
ودارت عليه الخصوم
كتاله....
جفوفه مكيوده بحديد
وطبع اليسافر يريد
عياله...
يغربونه بروحهم وعد وعد
يغربونه ولهله مايرجع بعد
يغربونه طبع الغريب شكد يحن
ياذونك... ياذونك
__________________
خادمك طول العمر
وبيك باجر تفتخر
أيامي...
غير بابك ما أشوف
والك تترجه الطيوف
أحلامي...
بصحن كبتك أنفني
خادم وليك أنحني
تلكاني...
شلون لو ردت أعترض
وحبك بقلبي فرض
خلاني...
شافيني دوم من علت الزمن
شافيني بيه لو كثرت محن
شافيني دمع المصاب على الوجن
ياذونك ....ياذونك
__________________
هايه شيعه النادتك
بدمعه لمن ندبتك
وفايه...
والله هنياله اليزور
وياه تتعنى الطيور
مشايه...
بدربك العاشك يموت
وصوت حبك أحلئ صوت
حجايه....
بيك ذكروها الخيم
وقسمو بزينب قسم
والرأيه....
يوفونك كالو اليوم الحشر
يوفونك وياك خل يكضي العمر
يوفونك ودمع المصاب على الوجن
ياذونك....ياذونك
____________________________
✍أحمد حامد الشمري
@a_m_d1997

قصيده بحق راهب ال محمد (عليه السلام)

انعصر كلب الصبر
من نظر فوك الجسر
اينادي قران الفجر
يامسموم يامسموم
@@@@@@@@@@
لاحت ارسوم الفجيعه والحزن لاح
دموع ناظرها الجبال عليك سفاح
كله حيل الكون لجلك سيدي طاح
والملائك ظل تون عليك بنياح

والسمه كبل الارض
اتنوح ياروح الفرض
وبالكلب دك النبض
يامسموم يامسموم
@@@@@@@@@@
الصخر لآن وهمل دمعاته بونين
والسجون اصبحت ظلمه والحياطين
جان نورك رحمه ياوالي المساجين
بلارحم لاذمه سموك الشياطين

روحك اتهد الجبال
القدر من عنده نال
مصابك ايفوق الخيال
يامسموم يامسموم
@@@@@@@@@@
كظيت عمرك بالسجن للحك مساند
لحظه لا مافرطت ساجد وعابد
الربك بأول نفس انت معاهد
وتبقى حيطان السجن للحشر شاهد

والسناسل كل زمن
شاهده بكل المحن
مصيبه وحده مانسن
يامسموم يامسموم
@@@@@@@@@@
حكهم الشيعه ينوحون ويلطمون
شيبت اطفال المصيبه شلون ينسون
جبدك اتمرد يمامي ابفعل هارون
موش دمعات علمودك تنزل عيون

تنوح مهظومه عليك
بحركه ناحت ترتجيك
من علينه كلشي بيك
يامسموم يامسموم
@@@@@@@@@@
موش بس اللوح من عدنه الجرح
واهل بيتك حايره من عظم المصاب
والرضا اوليدك ينوح بدمع سجاب
عله راسه ظل يهيل بحركه التراب

اينادي ودموعه تسيل
بويه ماظل بيه حيل
اشكي الرب الجليل
يامسموم يامسموم
@@@@@@@@@@
خادمك عبدالمعين الشمري
@hussien889

حبيب گلوبنه .. شفيع ذنوبنه
ابا عبد الله .. ابا عبد الله
...
اجيت وجابك الله رحمه للوادم
يهنياله الدليله بهالعشگ هايم
تره طبع الخدامه عيب عند الناس
بس انت ايتباهه الصار الك خادم
يعطر انفاسنه .. يتاج براسنه
ابا عبد الله .. ابا عبد الله
...
يآيه وحيرتنه بلغز تفسيرك
ما إلنه سوالك ومالنه غيرك
يا سُفره اعله گد الكره الارضيه
حته الما يعرفك ياكل بخيرك
صرت مجنونك .. دخيل اعيونك
ابا عبد الله .. ابا عبد الله
...
يخيمتنه الچبيره البالوفه اتلمنه
مثل ويلادك بچفينك اتضمنه
يبو السجاد چي صرنه الك خدام
املاك السمه تتمنه تخدمنه
عشگت احروفك .. ابد ما عوفك
ابا عبد الله .. ابا عبد الله
...
يمصباح الهدايه وعالفلك ضوّه
من شلال حبك كلنه نتروه
لو ما انته المن بالحياة انعيش
لولاك العمر فلسين ما يسوه
يمعنه سنيني .. محبتك ديني
ابا عبد الله .. ابا عبد الله
...
هَواي انته وبدونك تختنگ ريتي
حُسيني ودوم اتباهه بحُسينيتي
عابس من جنونه خل بيه اجنون
وعباسك الوقّع بيدي جنسيتي
وحگ عباسك .. غمرني احساسك
ابا عبد الله .. ابا عبد الله
...
خادم الحسين ( عليه السلام)
كرار حسين الكربلائي
( ابو كميل)
@hussien889

هوسات بحق علي الاكبر (عليه السلام)

ذبل حسن الورد وتصوفر بلونه
لخدوده النظر يلتذ وخيعونه
شحلات جفوفه تنكط وفه ازغيرونه
( وجن احمد تسطع انواره)
&&&&&&&&&&&&&&&
قر عين الرسول وعين ابوه حسين
جلمته بالحرايب ماتصير اثنين
قواد الكتايب منه مذعورين
(سبحهه ابدم الخياله)
&&&&&&&&&&&&&&&
متبسم الاكبر للحرب عازم
يكر عالجيش بيده شاهر الصارم
يكول حسين أمامي بأمرته خادم
(كل عمري امجتف لعيونه)
&&&&&&&&&&&&&&&
الخادم عبدالمعين الشمري
@hussien889

علي الاكبر سطع نوره عله الافلاك
والافلاك أبد ماتكفي كل نوره
صفات البيه مانوصفهه ثكل جبال
دستور النبي المختار دستوره
الترافه والشجاعه اثنين صارن بيه
مثل الماي من يلتذ بناعوره
الورد لو نظر وجهه كبال حسنه ايضيع
كمر بين النجم لمن اخذ دوره
نخاف من الحسد واجب نصلي عليه
الصلاة الكامله لاموش مبتوره
صلوات
#################كلشي البسمه لجله سهر مانام
الكون اصبح بصفنه كبال نوره اعمه
زغير بعمره لكن سرق منه كلوب
ابن راعي الشهاده تربع القمه
جمالك فاق يوسف ياعلي مرتين
ابكبر صبر العقيله هواي شيلمه
من حكنه نصلي عليك يامولاي
يموت من القهر كل بايع الذمه
صلوات
###############
الخادم عبدالمعين الشمري
@hussien889

#قصائد_استشهاد_الامام_علي_ع



------------_---------------------------------


ليلــة وداع وأجل من علي ماظل أمل
غَمُّضَتْ للموت عينه للگـــــبر نعشه ارتحل
*
صـــوت جبريل بألــم ركُن دين الله انهـــدم
والعـرش وكتابه
ينزف آيات وســــور جرحه وبأقدس شهر
للحـــزن فك بابه
ويّه آذان الفجــــــــر علي وبخير الشّــــهُر
اتصّوّب بمحرابه
دمه خَضّب شــــيبته وما أتم السّجــــــــدته
آ يَعُظم مصــــابه
رافع السّبعه الشّدد سيف ظالم حيله هَد
ونفذ سم سيفه بجبينه والجدم حيدر وصل
*
علي باء البســـــــمله وهالأتى والزّلزلــــــه
الكل سور قرآنه
آيه آيه اتشّـــــــير اله بفضله الاسلام اعتله
والعدل مـــيزانه
علــي حبل الله المتين وعلي أمير المؤمنين
بحلمه وبإيمــانه
هوّه نفس المُصطفى علي أبواب المعــرفه
السّـابق بإحسانه
علي المامثله أحد بالخليقه ولانوجد
وصي المختار وأمينه بيه دين الله اكتمل
علي الأوّل والأمـــير من الأزل گبل الغــدير
چفّه بالحق راجــح
علي بس لله إســـتِقَم وجـها وبدينه اعتصم
البي تمسّــــك رابح
علي الآمـــر والوزير حاكم فراشه الحصير
علي النّهج الواضح
علي الفقره أحـــــبابه فــــــــــاتح الهُم بابه
وبچفوفـــه يصافح
الكل فقير إبّســمته وگبله تهمل دمعته
جاب كل عُمره وسنينه المُرتضى خير العمل
*
هذي حيدر ســـــيرته من الولاده الطّـــبرته
واضح بوضح الشّمس
بكل مــــــــيادينه عَلَم لا قصــــور ولا خــدم
خاضــــــها بعزّة نَفس
علي الكل حــاكم نطه بزهده أكــبر موعظه
منّه خل تاخــــذ درس
البالكراســـي اتشّبّثت وبالفساد شـگد عثت
وبالرّذايل ؛؛؛ تنغمس
خل تشوف السّاسه حـــيدر واحساسه
بهالشّعوب الحرّه وينه البي تمسّك وامتثل
*
حروب حيدر شــاهده الچّف يمينه وسـاعده
المــــــــاتنكِّس رايه
والفقاره المــــــاغُمد بيه لو صـــــال ورعـد
الموت طوعه ورايه
علي المافر بحــــرب الحومه تهتز من يطب
ايدگ رِجل بالثّـــايه
من أبو طالـــــب نِعم ومن علي حــــيد الزّلم
والمــــراجل هـــايه
الخندق وأُحد وبدر بكلها حيدر منتصر
راية الحق ابيمـــــينه بالحرايب لونزل
*
بمثل هالــــــيله مضه علي والــــي الرّافضه
ونطـــــوت أيامه
فَطّر مصــابه الأرض والسِّمه طــول بعرض
وكسر گلب أيتامه
ابن مُلجم من جســـر بسيفه من خير البشر
وطـبر منّه الهامه
وعلي كــبّر من سجد فُزتُ والواحــــــد أحد
وختم شهر صيامه
بالشّهاده المُرتضى وأظلم اعلـيه الفضه
ياعلـي ينادي بأنينه وداعة الله ودمعه هَلْ
*

الشّاعر
أبو سجّاد الجعفري
@hussien889

لا لا تناشدنه شصار ... صابو علي بمحرابه
...
هالليله حيدر رحل عن عالمنه
واملاك نزلت تلطم بمأتمنه
من صوبو حامي الحمه اتيتمنه
يسلم عسه ومن اضياه ... ما تنحرم احبابه
...
راحت البسمه وغيّم اعلينه الهم
مو عيلته حته الاسلام اتيتم
من اتخضبت شيبة علي بفيض الدم
مسرع نزل جبرائيل .. بجناحه مش اخضابه
...
هبت الريح وهالهبوب انشوفه
واتصافگت بيبانها بالكوفه
راح اليفيضن بالعطايا چفوفه
وانهدمت اركان الدين ... صوّب الدين الصابه
...
يا ناس خيمتنه الچبيره طاحت
وبروحته گلوب الشماته ارتاحت
كل انبياء الله اعله حيدر ناحت
ونزلته افواج افواج ... تنصب عزه يم بابه
...
حس گلب زينب واهي ام گلب الحساس
من بعيد شافت زلمه معصوب الراس
صاحت اويلاه وسمعها العباس
ناداها لا لا تبچين ... حيدر بخير صوابه
...
صاحت عساك بخير يا وجه الخير
يل سفرتك منها شبع حته الطير
غيرك كرم موجود بس چفك غير
خيرك شمل حته اعداك ... يا بو الشيم يا يابه
...
شذنبك يبويه واللعين ايطبرك
يا بالحسن من عمري كون لعمرك
گبري يحفرونه عسه ولا گبرك
وبيدك يحمّاي الجار .. گبري تهيل اترابه
...
وهاماك
بيقينك عشت ما عايش وهاماك
هموم الناس شايلها وهاماك
شذنبك يا علي ساجد وهاماك
يشطرونه يحماي الحمه
...
وسايل
يل ما رجعت مضطر وسايل
مثل زمزم همل دمعي وسايل
شفت دمك بگيت انشد وسايل
دمك هذا لو دم الزچيه
...
ظلماي
الوكت بعدك ظلمني شوف ظلماي
وصار الكون يا بوحسين ظلمه
اسألك بعد غسل الجسد ظل ماي
نغسّل بي ذبيح الغاضريه

كرار حسين الكربلائي
@hussien889

الشال خيبر بالحرب فوك الجتف
علّا الچتف مشيول رد من النزف
----------
من طلعتة وگلبي الة ضل يلجم
المشة ابطولة راد ويخط بالجدم
الخضرة جانت هسة ردت كلة دم
ورجع حيدر لونة كلش مختلف
----------
امخضب ابدمة اجة خير العمل
انكسر كلشي ابروحي من شفت الجبل
و علي ما جنة علي ابكد ماذبل
وانهدمت اركان الهدى الناعي هتف
-----------

بگلبي جرح اصوابة ابد ما ينجبر
من عمود ابيوتنة رد منكسر
وابطبرتة كل ولدة مكسورة ضهر
وردلي بايد حيلة ابو حيل الكلف
----------
رجف جف الرجف بس وكت الصلا
ويانحيب ايليق بي وانصب عزاء
ريت اموت ابجيتة لا مو بكاء
جي علم هاشم رجع بس مايرف

----------
كرب ليه ابشوفتة گلبي انمرد
وطب لدارة شمعت البيت وكعد
وكلف جرحة وابد ماينفعلة شد
وشفت طبرت راسة ابد ما تنوصف

------------
يبو عين الما غفت عن الايتام
هاي عيني اشلون بفراگك تنام
اعزاز تاخذ دوم من عندي الايام
وراح تمشي وجرح فاطم ما نشف

-----------
يل تطفي شموع لو نطلع ابليل
كفو من اخوي ياحامي الدخيل
لجن بوية ياهو وي خدري الكفيل
وخدري اعز شي للهواشم منعرف

علي الحميداوي الكربلائي

@hussien889

الليله أبو قلب الحنين .. يموت أمـيرَ الـمؤمنين

كلشي صاحالي يزينب .. حَضري روحج للمصيبه
باجـر اعـيـونـج تشـاهد .. الحبـيـب ابـلا حـبـيـبه
امن النزف ذبلت رسومه .. واييس بحاله طـبيبه
اكباله كعدي الليله كلها .. والصبح عينج غـريـبه

السمه تمطر ؤنين .. يموت أمير المؤمنين

يكسر الـخاطر وضعنه .. ياعلي كـوم ابـسلامه
سوه مرفوعـه الأيادي .. تـدعي للباري الـيتامه
اسوت بحالت ابنيتك .. ياعلي طـبرت الـهـامه
انته شمعتنه يحيدر .. والـشمع يكـتل ظـلامه

وبالـبواجي امكـبعين .. يموت أمير المؤمنين


آه من هل الليله حيدر .. قلبي محروگ المسيه
ياعلي وداعك عماني .. و أنـته رايـح مـن اديـه
بـويـه يـاديـرت مـحنه .. ريـت تـابـوتـك الــيـه
ليش كل أعزار روحي .. امن يدي تاخذهم منيّه

وعنهم كلـهم رايحين .. يموت أمير المؤمنين


مددوك أكـبـال عيـني .. وعيني تشرحلك حـزنها
يم علي الخيمه الجبيره .. هـاي أخـر ليله جـنها
بكبر كلبك روحي انه .. الـحسره والـ آه كـبرنها
شجرة البسمات بويه .. بـروحتك يـذبل غصنها

كلشي بالـدنيه حـزين.. يموت أمير المؤمنين


العيد ماريده يـجـيني .. بعيني ذبلت كل وروده
من اشوف الناس تفرح .. وانه بهـدومي السوده
العيد شوفت علي واكف .. وانـه اقـبـله أزنـوده
مـو يـجيني بـلا أبـويه .. والـحزن ضايع حدوده

كلبي عكبه يروح وين .. يموت أمير المؤمنين


يم علي الأملاك نزلت .. وأنـه يمـهم ودعيتك
روح يم الزهره حيدر .. روح وترك حته بيتك
عن سواد الـغاضـريه .. ياعـلي أكـتب وصيتك
نعّـم من ولـدك ولكن .. وياهـو يتكفل ابنيتك

وعين يطيها وأدين .. يموت أمير المؤمنين


- خادمكم : خيري الصفراني
@hussien889

اللـيـله مـاتـت روح .. أعـز مـن روحـي
والضوه بعيني راح .. ضعت بجروحي
وصغرت بعيني السمه
لا عـلــي لا فــاطــمـه

سافرت روح اشكد حنينه الليله
هالروح جانت دوم همي اتشيله
وگلب اليتيم ابكل مسه اتلوليله
راحت وگـلبي الحزن شـد حـيله

تدرون هـاي الروح .. أشكد حنينه
لـو ما أغمض الليل .. مايسد عينه
دنيه وصفت مـظلمه
لا عـــلـي لا فــاطـمـه

يلوجهك امن الـيتيم اهواي ينحب
يا أبـو زينب رايـح وخـلـيت زينب
وبلون كلبك بويه انه رمشي شيب
ياوسفه أبويه الدمه بلحيته خضب

يـاعـلـي ليش تـروح .. وگـلـبي توگـعه
وذَّبل اعيوني الشوگ .. وأعلـيك أنّـعـه
لـعيوني ريت الـعّـمه
لا عـلـي لا فــاطـمـه


كلشي برحـيلك ياعلي ضـل صافن
معقوله ذرات الـتراب اعـليك طافن
متمدد أكبالي ابدمه وعيوني شافن
اتمنيت عافن دنيه مـو انته عـافن

ياعلي ريت الموت .. وياك اخذني
كلشي يريدك صاح .. مارحم وني
والسمه تمطر دمه
لا عـلي لا فـاطمه


وياك عمري امس جن ياعلي عشته
انباگ مثل الـحلم من عـيـني سكته
والمـوت ما گـلك خطـيه هايـه بنـته
من غمضت عينك يبويه الموت شفته

مثل الدمع نزليت .. ومــا الـك رده
ياندئ شلون تعيش .. ابهجرك الورده
ويــاك أنـا قـادمـه
لا عـلـي لا فـاطـمه


الـعـيد بغـيابـك تــره ذبـلـت وروده
النـاس فـرحانه وثـيابي انـه سـوده
يسبيني هجرك لـدمع كلبي يـگـوده
وبالـشفه بـويه الـبسمه ما موجـوده

يابـويه صار الـبيت .. اضلم بدونك
مو تدري انه أشتاگ.. دوم لعيونك
وما أدري هالـخـاتمه
لا عــلـي لا فــاطـمه

توصي عليه هواي بويه من رحت
يابـوفـاضل وأنـتـه ياحيدر صحت
بشـاربك يابـويـه وصـيته ومـتت
شـني گـلي ايـصير ياحيدر خـفت

جم جرح بيه يطوف .. لو متت حيدر
طولي أضن ينشاف .. وتنسبي الـخدر
هالجرح ما اعضمه
لا عـلي لا فـاطـمـه


خادمكم : خيري الصفراني
@hussien889

حان آذان الحُزِن وآ زينبا
گومي صلي ثم إجهشي بالبكا
ــــــــــــــــــــــــــــــــــــــ
اللهُ اكبر صيحي آخ امن الگلب
أشهدُ ان علي دمه يصب
أشهدُ ان العزاء لو ينصب
تلطم إويانه ملائكة السماء
ــــــــــــــــــــــــــــــــــــــ
أشهدُ ان محمد لو عدل
چان ذب اعمامته ودمعه يهل
والله لو وجه إبوجه ما ينقتل
علي مات بسيف اشقه الاشقياء
ــــــــــــــــــــــــــــــــــــــ
حيَّ عالعباس يعني عالصلاة
ابو اچفوف التنگطع يم الفرات
راح حيدر ذاك سبع الكائنات
وإجه سبع الزلم ساقي كربلاء
ــــــــــــــــــــــــــــــــــــــ
اتوضي بالجربه واسجدي عالعلم
وانوي ياستار من حرگ الخيم
واقري سورة كربلاء وسبي الحرم
وسلمي امرج الى راعي الوفاء
ــــــــــــــــــــــــــــــــــــــ
خلف الإجنازه يلبون البشر
وأنتي تلبيتج علي اليوم انطبر
ظهر اخوج احسين مرتين انكسر
مره بالكوفه وكسر في نيوى
ــــــــــــــــــــــــــــــــــــــ
لبسي ثوب الاسود آسف ما أگول
وإنتي حزنچ من عهد فقد الرسول
علي مات وماتت الزهره البتول
والحسن ناده لقد حان العزاء
ــــــــــــــــــــــــــــــــــــــ
حافيه ترگضين خَلف إجنازته
شايله إبچفچ التربه وسبحته
آخ يازينب غميجه طبرته
مايرد هيهات سابح بالدماء

محمد الجماسي

@hussien889

نعي


مثل دمعي يصب دمك من الهام
اشوفه وينفطر گلبي من الهم
جريب العيد وايتامك من الهم
أنه الحسرات والونات اليه
ــــــــــــــــــــ ــــــــــــــــــــ
يون اعليك ظل گلبي بلف طور
سحوري ادموع واصيامي بلا افطور
جنت من تذكر امي اتون بالافطور
هسه اعليك اون وعالزجيه
ــــــــــــــــــــ ــــــــــــــــــــ


گبل لاجفن عينك ياعلي اتسده
الك رده بعد لو ماالك رده
ادفنه اوياك يابويه الگلب وده
بهاي الدار بعدك ماالي گعده
تعال بحضني وني اوونتك تهده
تره صبري جزع بويه وعبر حده
يابوالشده جرحك حاطني بشده
يطيب بشيلتي بلكي اذا اشده
يبو جف الحنين اعله الگلب مده
اسمعه ايون عله امي وماسكت بعده
ــــــــــــــــــــ ــــــــــــــــــــ

علي محسن @hussien889

السيده زينب تخاطب الامام علي


تانيني _ ما بيه اودعك يا علي ورايح وين ،
حاچيني _ هسه انت رايح باچر يروح حسين ،
دليني _ تعوفوني مابياش اموتن مرتين ، ،
يا عيني _ التارسهه طولك تنترس دمعه العين ، ،
من كون اودعك باچر _ يبن العين
شو چنه يوم العاشر _ ويه حسين
يابويه كسرَة خاطر _ رايح وين ،
______________________
وصيني _ گبل المنيه شويه حاچيني ونام ،
بچيني _ سولفلي عن ضيم السبي وطَبْت الشام
وديني _ من هسه ليل العشره متروس اسهام
حاچيني _ بويه الله يعلم شنهي ضمت الايام ،
يابويه شوف شبيه _ وراح الحيل ،
من موتتك مسبيه _ بهيمه وليل ،
عالبيه والمابيه _ عيؤؤني تسيل ،
______________________
تعبانه _ يم راسك وكون امن اسولف بهداي ،
عطشانه _ خاف الچم العباس لو جبت الماي ،
اتلگانه _ التمينه يمك واحد وأحنه هواااي ، ،
جافانه _ طول المهابه وسوده صارت دنياي ،
التمينه واتلگانه _ وانه ام عون ، ،
سالفتي مو عطشانه _ اتريد امتون ،
يعيوني عگبك آنه _ بليه اعيون ،
______________________
يا ليلي _ لا تلفي بيك يسافر الجرحي اضماد ،
وبحيلي _ چم حسره وعيونك عَلي هسه بعاد ،
يحچيلي _ اوداعك يبويه شگد حچي الماينراد ،
يلوليلي _ محرابك البي سجده منك ومراد ،
باچر سبي البعيوني _ وجرح الماي ،
باچر جرح بمتوني _ وضيم هواي ،
مو يمي ويعينوني _ دموعي وياي
______________________

- علي مهدي المالكي @hussien889

بين مولاتي فاطمه الزهراء وولدها المحسن في ليلة استشهاد الامير علي عليهم السلام


ياقصة الباب ادنالي
اگعد يمي وريح بالي
يمه وتدري انا لله
وانا الليله يرد الغالي
......................................
ياگرة عينك يايمه اليوم يردلك رايح حيله
اوگف يمه اباب الجنه ويعرفك بس انته اوميله
لاتحچي ولتصيحه ابويه الخيال يفرزن الكحيله
وتعينه بحيلك يايمه خل ايدك بيده وتچيله
عوف الفرحه اگبال الوادم
وخل بجيته يرحب ادم
وبعدين لوحدكم يمه اگعد وشبع شوف احجيله
لاتحجيله اشمر اعليه
وبالجنه اتوچه ومحنيه
استانس وياه وبعدين
هوه اليعرف شنهو البيه
........................................
يايمه اليشبگه اعزازه سامع ينسه الضيم وهمه
راح ايرد اشلون بهايه گالولي متفايض دمه
حاچيني وفهميني ادخيلچ ماظل شي راح يطب يمه
واصل للسته بهل الساعه كلهه انخبصت صارت لمه
اوگفلي ورتب هنادامك
راح يرد سيد احلامك
من اتشوفه اتغورگ عينك زحمه اطيح ادموع الزلمه
يمفارگ ومتاني الملگه
خل روحك تطلع بالشبگه
هيه القصه اتبين يمه
من تحظنه وتسمع شهگه
........................................
يتباوعلي واتباوعله والعين تركز بالعين
صاحالي اتگرب يالتشبه كل اوصاف اوليدي حسين
شو تتچه بظلعك بويه هم لاحك بسمار البين
بنص الوادم انه اعرفتك انه اتلگيتك مرتين
مره اتلگيتك بالباب
وهاي المره شكبرك شاب
لاتحجيلي اصار اخلافي احجيلي بحال امك زين
امفرفح شوگ انه اعله امك
ميزتك من ريحت شمك
هذا العنبر نفسه العندي
الله شگد خالط وي دمك
..........................................
خل الايد بايد اوليده وردت كل عذبه الجاريهه
واتمشه وگله ادليني ظل صافن شنهي اليحچيهه
گلاله انت محدد كلشي العگال يحلي خواچيهه
من كون التعله اعله الحاجب واعيونك يابويه اعميهه
دگ متنه ويانعم الربت
ماماتت يابويه الخلفت
واتكشخ محسن بالجنه هاي اللحظات متانيه
شوگ بروحه الچلمه بصوت
يتعاتب جان ويه الموت
يلحارمني احجاية بويه
كون يشيعوك بتابوت
.......................................
حل ايد ابنه وفك ذرعانه وصاح ادخليك جد الساده
جان امرادي شوف ارسومك وياهو الماتنظيه امراده
بين اتلگاك وبين ابقه وموش انه الدورله اشراده
ومشابگ صارت ومطالس وصار البالدنيه وكالعاده
والكل دنگت صاحوا جتي
هاي المشيه مشية مرتي
ياعافيتي ولهفت روحي يامية اهلا وزياده
شافاها وردت عافيته
واتغيرت شيبات الحيته
گلله اتعذريني اهوايه
ومسح دمعاته بخاجيته
.....................................
يم الله التموا اهل الله وگعدوا گعدت اهل البيت
وحيدر كام اتعذر منهم خاف اعليكم انه ابطيت
والمحسن گال اسال جدي اشگد انشد عنك وبچيت
والزهراء كالت من يبچي بچلمة ياحيدر لوليت
ويسكت لوكتلته ادللول
الطگني وطگك ساكن چول
وابن العم گلهم چا وانه سالوا الله اشگد اشتاگيت
اتذكروا كعدت طرف الدار
من خمستهم جوه ستار
المحسن ماواعي لهايه
ربك دز سادس خطار



خادمكم الاقل شرفاً
كرار اللامي

@hussien889

من الذي شايل بزنده الحيل لافتى الا علي
من الذي يلحگـهم ابلا خيل لافتى الا علي

سطار وگـرب يومه
گمط بيهم الحومه
ابو العباس ونعومه

ياهله ابن عم النبي
گالو عليه چنه صبي
ياعلي لبــسهم عبي

يافارس الفرسان
يمـعدل العوجان
اتشـــيم ابزودك
جدامك الميـدان

من الذي يتناوش الفقار لافتى الا علي
من الذي كرار مـــو فرار لافتى الا علي
*
خورسهم يــــبن عمي
فــــــك الثامك وسمّي
من عين الحسد محمي

اتذب طفلهه البي تصد
چا خلــفته شتطلع بعد
يامن جــمالك ماله حد

ياگــــــاطع البزره
عريچ عالــــفطره
ياتوأم الغــــــيره
خشم الزلم كسره

من الذي يطبگهه راس براس لافتى الا علي
من الذي يطـــلع عليه عباس لافتى الا علي
****
صاحت بيهم الصيحه
اتوسط بلّــه شيزيحه
عالي ومحد ايطيحه

من هيبتك كلشي صفن
رف شاربك يابالحــسن
شوفني مـنك احلا فن

من تبرز امتـــونك
كلهم يهابـــــــونك
الماطاحو ابسيفك
تذبحهم  اعيونك

من الذي كاشخ ومامتعوب لافتى الا علي
من الذي ابعركاته مامغلوب لافتى الا علي
*
شيخ وشايخ اعليهم
اگباله اتموت رجليهم
جرهم من چفافيهم

ملاچ سيفك كل حرب
تندلهه طـــگات الرگب
افركهن اخشوم العرب

ياســــيد الشاره
والحرب تسياره
محد يفك حلگه
ادخيــــــل بتاره

من الذي يتلگــه صدره الموت لافتى الا علي
من الذي خالسهم امن الصوت لافتى الا علي
***
اترجل من سمع حرشه
ذب خاچــــيته وتمشه
صارت بالــــــزلم طشه

وگف زلمهم تك رجــل
حفاي شردو للــــــبزل
چا شنهي وجهه بالزعل

يوگــــف شعر راسه
اليــــــــــــمر بنفاسه
الشايف صدگ روحه
حــــــدر الزلم داسه

من الذي يندل اگصصهم زين لافتى الا علي
من الذي بيهم خسـف صفين لافتى الا علي

*شاكر الصيمري*
@hussien889

قصيدة نزلة..... في رثاء الإمام امير المؤمنين عليه السلام


رافضي وافخر .. بايعت حيدر .. للقيامه للقيامه
..........

رافضي وكل النواصب خل يسمعون
بايـعـت حيـدر علي وبحُبّـه مجنـون
هوه روحـي هوه گلبـي هوه العيـون
آنـه بعنـاد العشگ من عابس وجـون
والعشگ يكبر .. بايعت حيدر .. للقيامه للقيامه
...........

اللّه وصّــــانـي بـعـلـي ولازم اتبعــه
يعني اسمه عله الگلب واجب اطبعه
لگلبي يدخل بس علي وغيره امنعـه
ينبض بأسمه الگلب كل يـوم اسمعـه
عالگلب سيطر .. بايعت حيدر .. للقيامه للقيامه
...........

آنـه مـن قـنـبــر خــذت حبّي وّلائي
مستـعــد ابقــه لـعــلي اوّل فـــدائي
والله حُب حيدر علي يسري بدمائي
خـادم يسجـلني عنـده كـل رجـــائي
تابعت قنبر .. بايعت حيدر .. للقيامه للقيامه
............

آنـه حبّ الكـافـل بعمره اليتامه
يفـتـر عله الفقره ليله ما ينـامه
من ازوره اشـعـر براحه وسلامه
ادري يشفعلي علي بيوم القيامه
صوتي يتكرر .. بايعت حيدر .. للقيامه للقيامه
.................

آنـه بـايـعـت الوصـي اول خليـفـــه
رافضي ومابايـعـت اهـل السقيـفــه
گلبي ابيض وي عـلي ونيتي نظيفه
كلشي اعيفه بس علي هيهات اعيفه
ارفض المنكر .. بايعت حيدر .. للقيامه للقيامه
............

ابقـه ادافــع عـن عـلي لآخــر حيــاتي
هوه ديني ومذهبي وصومي وصلاتي
بـعـتـقـــادي يـحـضـر بســاعـة ممـاتي
آخـذ الصك مـن عـلي واضـمـن نجاتي
والله ما اخسر .. بايعت حيدر .. للقيامه للقيامه

سيد زيد الفحام. @hussien889
_________________________

نزلة ... في حق امير المؤمنين علي عليه السلام


غالي ويضل غالي
بس حيـدر الوالي
بايعناه. بايعناه


مـو رابـع الاوّل علــي نرفـعــها صرختنـه
تخسه السقيفـه الظالمـه حيـدر خليفتنـه
بسـم الولايــة ياعلــي مـرفـوعـه رايتـنــه
شيعة عله حب حيدر علي متوحده كلمتنه
وبغيــره مانهتم
مو بالحبر بالدم
بايعناه. بايعناه


الله الفرض طاعـة علـي وتنصّب بأمره
لعنه عله كلمن خالفـه والمارضه ينصره
بس احنه شيعة حيدره بايعنه عالفطره
وصـانه طـه بعـتــرتـه تمسّكنــه بالعتـره
بينه العشگ دايم
بالـــذر گبــل آدم
بايعناه. بايعناه


والمارضه بحيـدر ولـي خل يسمع انگلّه
منهو الشطر راس ابن ود بالخندق وذلّه
منهـو القلـع باب الحصـن وبخنصـره تلّه
لملاگـه مرحـب مـن برز منهـو الّذي تولّه
ياهو المثل حيـدر
من حگنه لو نفخر
بايعناه. بايعناه


لوما علـي ماينتصـر دين الله وحكامه
كلمن نكر حب الوصي مايكمل اسلامه
احنـه الرضينـه انبايعـه ونتباها خدّامه
والينــه يبقـه المرتضـه يحسبنه ايتامه
خل يسمع الحاقد
حيدر علـي القائد
بايعناه. بايعناه


حيـدر علـي جـن وأنـس والكل يهابونه
عدوانه ترجف من يمر اسمه ويسمعونه
إلّا بغــدر ماگــــدروا لحيــدر يـلاگــونـه
بشهر الله وبليلة قـدر سـاجـد يصوبـونه
يشهـدله محـرابه
سيف الغدر صابه
بايعناه. بايعناه


احبابك احنه وشيعتـك نذّكّـر امصـابك
نتعنّــه ليلـة جـرحـك ونتـجـمّــع ابّـابك
نبچي عله جرحك ياعلي ونقبل اعتابك
كل شيعتك يابالحسن من فـدوه لترابك
يالحبك الجنّه
ماينشبــع منّه
بايعناه. بايعناه

خادم امير المؤمنين عليه السلام
سيد زيد الفحام. @hussien889
_____________________________

قصيدة نزلة ... في رثاء الإمام امير المؤمنين عليه السلام


حامي الحميه يمي خلّوه
........

زينب تنادي بدمعة العين
ياحسن خويه خويه يحسين
ريضوا بنعش عودي يطيبين
حيدر اريده ولا تدفنوه
حامي الحميه يمي خلّوه
..........

عگب الوصي محتاره ظلّيت
دفنوني وي حيدر تمنّيت
مظلم يخوتي وموحش البيت
والي اليتامه لا تشيّعوه
حامي الحميه يمي خلّوه
.............

ظلّت عگب عينه اليتامه
مجروحه كتلتها الملامه
ياويلي ما تمّم صيامه
واليهم الـكـرار يردوه
حامي الحميه يمي خلّوه
............

آنـه العقيله زينب وياه
عشت العمر ياخوتي بحماه
ماريد اظل بالدنيه بجفاه
گلبـي بغيـــابـه لا تـأذّوه
حامي الحميه يمي خلّوه
............

گلها الحسن يختي الحنينه
راح الوصي من بين ادينه
أبچي وألطـمـي يالحزينـه
ما يرجع البالراس صابوه
حامي الحميه يمي خلّوه
...............

شالوا نعش حامي الحميه
گامت تنادي الهاشميه
يابويه لا تـبـعـد عليّه
من بين اديها نعشه شالوه
حامي الحميه يمي خلّوه
...........

عدمن عفتني صاحت بصوت
ريت ابدالك خذنيّ الموت
جرحك بقه بدلّالي منحوت
ياوالــدي ودلّالي جرحوه
حامي الحميه يمي خلوه

سيد زيد الفحام @hussien889
__________________________

وداع الاميـــــر


هالليله وي حيـدر علي تتوادع العقيله
مجروح ابوها اتعاينه وتتعذّب برحيله
ماتحمل الغيـاب
وبدمعة المصاب ....... تتعذب برحيله


الليلة زينب تبچي يم حامي الحميه
الليلـة ودعـها الوصـي وداع المنيــه
تگلّه بـويـه بداعتــي جــاوب عليّــه
آنـه زينــب لو رحـت منهـو الألـيّــــه
مااحمل اوداعك صعب ارحم گلب يتيمه
ميت اشـوفك ياعلي اعظم وشد هضيمه
يالفرگتك عـذاب
وبدمعـة المصاب ......... تتعذب برحيله


الليلة مـات المرتضه وزينب تشوفه
بويـه بويـه تصيــح وتقبـّل چفــوفه
ودعـت والــدها ابو الروح العطـوفه
يمّـه تبقــه تـريـــد ماتگــدر تعــوفـه
تبچـي وتـون ام الخــدر من ودعت ابوها
وحسين اخوها والحسن واسوها صبّروها
ماينفــع العتـاب
وبدمعة المصاب ........... تتعذب برحيله


الحسن وحسين بدمع يجري ومناحه
غسّلـوا حيـدر علـي وشـدّوا جــراحه
بالچفـن لفـّوا علــي راعـي السمــاحه
وماتفـيـده اليفگـد الغــالـي صيــاحه
الله يعين ام الخدر فگد الوصي هضمها
شـافت ابـوها بالچفـن ماينـوصف المها
لمـن گلبــها ذاب
وبدمعة المصاب .........تتعذب برحيله


للگبــر حيـدر علــي اولاده شـالـوه
وزينب تنادي بحزن يخواني خلّوه
ماشبعـت اوداع منّه بالله عـوفـوه
بالگبـر عـن عيـني حيدر لا تغيّبـوه
اخذوني وي حيدر علي وي والدي دفنوني
ماريده عمري بلا علي يهل الرحم سمعوني
عمري بغيابه غاب
وبدمعـة المصـاب .......... تتعذب برحيله


شـــالـوا جنــازة علـي وزينـب تنظره
تنــادي يابويه وتصب عبره عله عبره
اظلـــم الـكــون بغيـــابـك وانـت ادره
روحي وي نعشك مشت وبگلبي جمره
خوفي عله جرحـك ينلچم ياوالــدي بترابك
حيلي انهدم گلبي انصدع يالمرتضه بمصابك
من هالوا التراب
وبدمعة المصاب ............... تتعذب برحيله


تگلّـه مـن بعـدك يبـويـه شچـم رزيه
الحسـن مسمـوم اشـوفه وتـدري بيه
ونظـر حسيـن علـه رمضـه الغاضريه
بالسيــوف مگطعينــه علـه الوطيـــه
راس الحسين عله الرمـح بعيـوني راح اشوفه
عگب خوتي وعگب الخدر مسبيه طب الكوفه
مكتوبة بالكتاب
وبدمعة المصاب ..................تتعذب برحيله

خادم امير المؤمنين عليه السلام
سيد زيد الفحام. @hussien889