انه اجيتك      وتدري جايب ماي وجهي ابين اديه

انه اجيتك      عندي حاجه ومنتضر تكظيها اليه

*******

عفت كلشي وجيت اذبها اليوم يمك

يابو فاضل لا تردني بداعت امك

اشبك الشباج نوبه ونوبه اشمك

ادري بيك ابساع تفزع من احشمك

 

انه اجيتك      وزامطتهم بيك يا راعي الحميه

انه اجيتك    عندي حاجه ومنتضر تكظيها اليه

******

كلبي يخفك من اصدن عالمناره

رافع ايدي بالدعه وابجي بغزاره

الما يزورك سيدي عمره خساره

ماكو بالدنيه تره احله امن الزياره

 

انه اجيتك  ارد اسولفلك حبيبي المر عليه

انه اجيتك     عندي حاجه ومنتضر تكظيها اليه

*******

يابو فاضل عمري ما عفت المجالس

وبمحرم جنت امثل دور عابس

مني كامت تاخذ امراد النوارس

انه ماخذ باللطم مرتبه فارس

 

انه اجيتك    ودمعه تارك سيدي بكل حسينيه

انه اجيتك      عندي حاجه ومنتضر تكظيها اليه

********

للحسينيات اخذ جنت ابني

ومن بجه اعله حسين ابني اشكد عجبني

حسين من خدامه متأكد حسبني

مثل ما حب اللطم زينب تحبني

 

 انه جيتك    يامن بمجدك حييت الغاضريه

انه اجيتك     عندي حاجه ومنتضر تكظيها اليه

*****

يابو فاضل مستحي من كد ذنوبي

امن المعاصي جيت اعلنك هروبي

صحت توبي امن الذنب يا روحي توبي

ادعي ربي بكل وكت يستر عيوبي

 

انه اجيتك     وجدمي اخطه بدمعتي وناري سريه

انه اجيتك     عندي حاجه ومنتضر تكظيها اليه

********* 

يابو فاضل ارد احلفك توكف وياي

البسني ثوب العافيه يا نور عيناي

ادعيلي اجيك الكربله كل سنه مشاي

اهواي مشتاك الضريحك كلش اهواي

 

انه اجيتك    كون كل الصار بيك ايصير بيه

انه اجيتك      عندي حاجه ومنتضر تكظيها اليه

******

اقسم بجفينك وكطعت وريدك

عنك اشما ابتعد اصرخ اريدك

حاجتي اتخليني واحد من عبيدك

يامن بكربله وفيت بوعيدك

 

انه اجيتك     خادم اتخليني عندك للمنيه

انه اجيتك     عندي حاجه ومنتضر تكظيها اليه

*********

 

تمت

تحسين الخفاجي
@hussein889

(سيد علي الموسوي)
محروم يوليدي..ماشلتك ابإيدي
روح....واشتكي الرب الجلالـه
روح....ماشفت حظني ودلاله
ـــــــــــــــــــــــــــــــــــــــــــــــــــــــــــ
يمه يامحسن مصابك أعظـــــم امصاب
انت جرحي الماحسبتك ضمـن الحساب
لاتگلـــــي ماحضنتك مثـــــــل الاحباب
ردت احضنك بس قويه دفعـــــــة الباب
وتموت يالغالي...ماچانت ابالي
هاي....حسرتي ورحت ابعجاله
روح....ماشفت حضني ودلالـه
ـــــــــــــــــــــــــــــــــــــــــــــــــــــــــــ
يمه تعذرني يمحسن حيلــــي مهــــدوم
حتى رجليه بعد ماتگـــــــدر اتگـــــوم
انت لو عد غيري هسه اتحظر اهــدوم
إحنه واحدنه صفه امن الثانــي محروم
والحسره والهضمه..ماگتلي يايمه
ذاب....هالگلب ضيع نوالـــــه
روح....ماشفت حظني ودلاله
ـــــــــــــــــــــــــــــــــــــــــــــــــــــــــــ
گلت تكبر ياحلم واتشوفـــــــــك العيــــــن
زينب اتشيلك بديهــــــــه ويفــــرح حسين
أحچي وي روحي وبگيت اصفج بالايدين
اشلون باچر كربله وجــــرح الدواويــــــن
والدنيه تاذيني..بالحسن وحسيني
سال....دمك وحيدر بچالـــــه
روح...ماشفت حظني ودلاله
ـــــــــــــــــــــــــــــــــــــــــــــــــــــــــــ
صار يكشفلي صــــــور دمك إليـــــه
يلي مالحگـــــت اشيلنـــــــك بديــــــه
صور حيدر والحسن نفس الضحيــــه
وتالي يفجعنه مصاب الغاضريـــــــــه
جن وإنس تنحب..مضلومه يازينب
صوت....يخوتي منهه ايتعالـه
روح....ماشفت حظني ودلاله
ـــــــــــــــــــــــــــــــــــــــــــــــــــــــــــ
روح يوليـــــــــدي يمحسن الله ويــــاك
انت موغايب ييمه واگعــــــــد اتنــــاك
هيه چم ليله يغالي وباچــــــر الگـــــاك
وننتظر يطلب المهدي ابدمي ودمـــــاك
يامحسن وندعي..عاللي كسر ضلعي
غاد....محكمة رب العدالـــــه
روح...ماشفت حظني ودلاله
@hussein889

#قصائد_استشهاد_الزهراء_ع


🥀الســـلام علــﮯ المكــسور ضلـ؏ـها🥀


أمي أمي/أم سوالف دافيه
أمي أمي/أمي هيه العافيه
أمي أمي ★★★★ أمي أمي
÷÷÷÷÷÷÷÷÷÷÷÷÷÷÷÷÷÷÷÷÷÷
شايله أمي كلب كلش حنين
لو تروح منين الكه منها وين
تبچي من تسمع مصاب أم الحسين
مثل ما زينب بچت وأم البنين

أمي أمي/تنصب أعله الزهره
أمي أمي/مجلس وبي تقره
أمي أمي ★★★★ أمي أمي
*
يل رضه الباري ييمه من رضاچ
يل ضوه عيوني ييمه من ضواچ
شلون لو هالموت يايمه خذاچ
أنه أموت وداعت عيونج وراچ

أمي أمي/ نظرتچ تحييني
أمي أمي/من الألم تشفيني
أمي أمي ★★★★ أمي أمي

إلي فاكد أمه شله بالحياة
خله يدعي الباري يلفيه الممات
الله كرم أمي بأنواع الصفات
لجل عينچ يمه مقبولة الصلاة

أمي أمي/لله بيها أتوسل
أمي أمي/كل دعائي يقبل
أمي أمي ★★★★ أمي أمي

أعتذر لو صوتي عليته عليچ
سامحينى أنطيني أقبلها الأديچ
بروحي يايمه وحياتي أشتريچ
أني أدري تسامحيني أدري بيچ

أمي أمي/بروحي لوخليها
أمي أمي/والله ماوافيها
أمي أمي ★★★★ أمي أمي

إلي ترضه أمه يطب جنة عدن
شلون لو ترضه عليه أم الحسن
أكبالچ ذنوبي يبت طه أجن
بنظره منچ أدري كلهن ينمحن

أمي أمي/الله كلشي أنطاها
أمي أمي/ شافعه خلاها
أمي أمي ★★★★ أمي أمي

دكول أسماء أويه فظه الخادمه
الخيط من نور الزچيه نلظمه
لعنة الله عالعصابه الآثمه
والله يلعن من سطر خد فاطمه

أمي أمي/هيچي زينب صاحت
أمي أمي/ بويه أمي طاحت
أمي أمي ★★★★ أمي أمي
======================
الشاعر (أسعد الكريعاوي )
@hussein889

#للسيدة ع

『🕸 ┇❃..⇣┝🖤🎼┥⇣..❃┇ 🕸』

نقشت حروف اسمج ع جبين اوسام
اومامحتاج بعد الكل عناويني

ما تضيع الروح بزحمة ظلام
ولااهدر بغيرج زينب سنيني

ماتنزل دمعتي بغير طاريج
وحكج لا بس انتي أحتويتيني

بيه كلشي يتلاشه اذا انساج
وارد اتذكرج وانتي تلميني

يازينب انتي الله شكبر طاريج
والله أحروف اسمج تارسه العيني

اسولف بيج يالبيج الفكر مشغول
والحسبات ليل انهار ترجعني اوتوديني

بعيون البصيره دوم اصدن ليج
ياهيبة علي ياعزت أحسيني
بيج اسولف للأبد أبحبج لساني نشد
منج اطلب المدد
انتي روحي وكل كياني
بدون زينب ياهو اني

منج اطلب المدد بحبج لساني نشد

يازينب يازينب يازينب

『🕸 ┇❃..⇣┝🖤🎼┥⇣..❃┇ 🕸』@hussein889

﴿❥✍.. .. ✿ُالشاعره
ام رائد

اماه يازهراء اماه يازهراء
&&&&&&&&&&&&
من وجه حيدر صور اول علامة
راحت الزهرة بعد اخر كلامه
من بعد عينج اسف صرنه يتامة
والفكد وجهج ترة يعيش ابملامة
اقيموا معي العزاء
اماه يازهراء
&&&&&&&&&&&&
صحنا ع الدنية العفة بعد الحبيبة
دارج الوحشة صفت بيه رهيبة
احنه واصغار اليتم عشنة المصيبة
بلكت السافر يرد الله اليجيبة
نرفع له النداء
اماه يازهراء
&&&&&&&&&&&&&&&&
تارس عيوني الدمع فارشلي ونها
سطره اشاهد ع الجفن احمر جفنها
صدك امي ياعلي ازرك متنها
ياترب يقبل غطه يجرح دفنها
ناحت لها السماء
اماه يازهراء
&&&&&&&&&&&&&&&
دار الاحزان وصبح دار المآسي
غابت امه ياعذر يقنع احساسي
لسه نظراتج بقه شايلها راسي
يمة اشمن ياهوة تغصه انفاسي
في حيرة البيداء
اماه يازهراء
&&&&&&&&&&&&&&&
شلون حالك ياعلي من ودعتهه
وانت بيدك غسلتها و جفنتهه
شكال جتفك ياعلي من شيعتهه
الزهرة نادت ياعلي لا مسمعتهه
جرت منها الدماء
اماه يازهراء
&&&&&&&&&&&&&&&
العمر دمعة العمر لوما اظن يجوني
اني وبيا ذنب من عدهه امنعوني
يمة يذبحني الهجر من فاركوني
موتي احله امن العسل بيج ادفنوني
عمر الجرح بكاء
اماه يازهراء


@hussein889

فاركتني فاطمة والكلب ذاب
فاركتني وابتدة ليل العذاب
فاركتني .....فاركتني
******************
آ ه يوم الفاركت زهرة حياتي
البيها دافن بسمتي حلم امنياتي
فاطمة طعم الهجر احسه بلهاتي
بيت الاحزان انبنه بهم نايباتي

ياعذابي من رحل نور الوديعة
ياعذابي ضاكت الدنية الوسيعة
فاركتني ....فاركتني
*******************
اني ابو الحملة انهدم يمج كياني
القالع الباب اختله بعيني زماني
دهري راواني العجب موتي اجاني
ياعمر راح انتظر كلشي جفاني

حيدر اني بدنية الضيع خليلة
حيدر اني ودعت روحي النحيلة
فاركتني ...فاركتني
*******************
نور قدسي من السمة الزهرة الزجية
يـاحـنان الـدنـيـة رازق ربـي إلـيـة
غـيبـوا نـورج عليّ بـذيـج الـمنية
كـسرة ضلوعج جمر نـزلت عـلية

كل وجودي رايح لكسرة ضلوعج
كل وجودي انذبح بنظرة دموعج
فاركتني ....فاركتني
*******************
اعرف الفاكد محب يذبح صباحة
يشتهي موته يجي وبموته راحة
الفـكد فـاطم نعم تكثر جـراحة
تغفة عينة بالدمع وبهم نياحة

ماتردلي تَجاوب الدمعات بية
ماتردلي ايام عمري فاطمية
فاركتني ...فاركتني
******************
مدللة كلب النبي هاي ام ابيها
تآنسة يوم المحن يشرح حجيها
يـندفع باب النبي صعبة عليـها
الحرك بابج غداً حسابة بـديها

روح طة يوكع المحسن طفلها
روح طة مختلف شاحب شكلها
فاركتني ...فاركتني
********************
فـاطمة بـكل قل هوه ونج اسـمعة
والله لو عمري خلص يلزهرة دمعة
مايكفي حك ضلع لو اشعلة شمعة
من اذكر مصابج اون للسمة السبعة

ياغربتي ابأيدي دافنها الحبيبة
ياغربتي عايش احساس المصيبة
فاركتني ....فاركتني

خادم الحسين / علي موفق القزاز

من باب الزجية
تبدي الغاضرية
بداية خلق الدموع
جلمة ياسبية

من الباب انولدت صوره
رسمتهه كلوب المكسوره
ظلعين وحرمة بلا خيمة
صعدت ع التل بس مجبورة

جف الدفع باب السمه محضرلهه
ومبينه نيته البلكب شايلهه
كسر ظلوع الزهره بس جملهه
بالطف عقيلتنه احترك محملهه


•••••••••••••••••


الثكيلة والخفيفة
ودموع العفيفة
كل لجمة ومعانات
من فعل السقيفة

كل دمعة اتصب وكل ثغبة
ضيم اهل البيت بيا رگبة
الاول والثاني بفعلتهم
ضعن الله اطشر بالغربة


بدولتنه باجر كل وجه يتلاگة
اليتجاسر ومد ايده نكسر ساگة
طعم الهضم بس الجسر ما ضاگة
لازم الثاني انصلبه فوك الناگة


••••••••••••••••••

يادمعة التشافي
كلب بجروحة دافي
بعدنه بحرگة الباب
وطلع خدر الله حافي

ياضيم المجروح بخدرة
صبر الدنية شويه بصبرة
ياهو الشاف اخته اعله الناگة
وهوه الشاف ظلوع الزهره


كلب الحسين شكبرة شاف الحاله
شاف امه مكسورة وسبيه اعياله
حدر السقيفة تخطط الكتالة
دفعو الباب وهجمت الخيالة

••••••••••••••••••

مصيبة اتجر مصيبة
وجرحنة انهد نحيبة
بقت بس هاي الدموع
تسولف ع الغريبة


من الباب لذيج الغربة
واحدنه شكد شايل كلبه
نساعد كلب المهدي بدمعة
ومنتضرينه ونبجي بدربة

يامدرك الثار الجرح ما ينشل
وكل السوالف يم غربتك تذبل
اعذرنة اذا بس للدمع نتوسل
عدنه ضلع باب وضعن فوك التل


••••••••••••••••••@hussein889

#حيدر_شايع

يمه يمه يمه وينچ باي مگان
يمه يمه خالي بيتچ من زمان
يمه يايمه اليتيمه
صارت تبچي الهضيمه
يمه يمه يمه يمه

***********

يمه انه زينب بنتچ شلون بالله تهاجريني
تدري بيه ماحمل فرگه بالله يمه گلميني
عوفي گبرچ يمه هسه والى زينب دليليني
مالي گوةيمرني طيفچ تدري بعدچ تجرحيني

رحتى رحتى ٠رحتى عنه وماتجينى
رحتى رحتى ٠بعد گلبي تجرحينى

بعدچ احنا في العذاب يمه تدري بالمصاب

يمه يمه *يمه يمه

***************
كسر خاطري يمه ولدچ من گعد يشم العبايه
وانه وحدي اصرخ وابچي گولي يمه أنت جايه
لا تگولي يمه رايحه وغربت روحي مشايه
بيتي مظلم وحشه داري لا تجي زينب ورايه

روحي روحي يمه ماتحمل عِتاب
روحي روحي تدي يمه بالمصاب

دارچ يمه بالحزن وحشه ليلي من يجن

يمه يمه يمه يمه

****************

يمه بابچ يضل شاهد اودفعة الباب الأليمه
وجرو يمه اعلى بابچ او نار تسعر ياجريمه
كسرو يمه الوصيه والضلع والله عظيمه
شكوتچ لله اونبيه ابعصرة الباب ياهظيمه

عيشتي عيشتي يمه گلچ ظليمه
عشتي عشتي شابه و تموتي هظيمه
بغيبتچ يمه بچينه رحتى عنى وماتجينه

يمه يمه يمه يمه

**************

@hussein889

قصيدة مقدمة مجلس في رثاء فاطمة الزهراء عليها السلام


وينه اليواسي الزهراء خل يحضر ابمأتمها
هنياله والله وربحان الگضّه العمر يخدمها
----~~~~----

بضعـة مُحَمّد ياناس رب العـرش شرّفــها
غير النبي واهل البيت محّد گـدر يعرفـها
ام الحسن آيـة نـور مو كل بشـر يوصفــها
والــدها سيـد الأكــوان وامّ الـمـكـارم امها
هنياله والله وربحان الگضّه العمر يخدمها
----~~~~----

كلّش حنينـه الزهــراء شيعتـها ما تنســانه
بالمجلس ويانه تنوح طول الدهر حزنــانه
احنه بعنايتـها انعـيـش ام الحسن ترعــانه
هاي الحقيقة وهيهات عـنّ البشـر نكتمــها
هنياله والله وربحان الگضّه العمر يخدمها
----~~~~----

أمنه الزچيــة الزهــــراء ليليّـة تـتـفـگـدنه
لو طحنه بالشده نصيح يافاطمة تساعدنه
ويّـاها نبقـه وهيهــــات جور الزمن يبعدنه
الله بعظمّتـه الرحـمـــان ام الحسن عظّمـها
هنياله والله وربحان الگضّه العمر يخدمـها
----~~~~----

تعرفنه احنـه الخــدام نـذكـرها ما ننساها
بضعـة نبينـا المختــار طـول العـمـر ويّاها
ما نخشه منّ الأهـوال يوم الحشر بحماها
عالخدموا الزهره النار رب العرش حـرّمـها
هنياله والله وربحان الگضّه العمر يخدمها
----~~~~----

نـتـبــرّه من كل ملعون اذّه الزچية الزهره
وبلاذنب خلف البـــاب عصروها امّ العتره
ليوم الحشر ما ننساه ظلع الزچيّة وكسره
يغضب عليه رب الكون ومايرحم اليظلمها
هنياله والله وربحـان الگضّه العمر يخدمها

سيد زيد الفحام
__________________________
@hussein889

قصيدة نزلة في رثاء فاطمة الزهراء عليها السلام


رافضيــه رافضيـــه
احنه عشاگ الزچيه
~~~~~~~~~~~

احنه ماننســه الزچيــه للحشــر ويّاها
نلعـن الصـوب ظلـعـــــها نلعـن الأذّاها
فاطمه الله اصطفاها رحمه من سواها
وحنه شيعتها الروافض نرفض العاداها
نقســم برب البريــه
احنه عشاگ الزچيه
~~~~~~~~~~~

رافضيه ومانبايع ناصبي وسفياني
بس علي والينه يبقه مانبايـع ثاني
گرّب المهدي يجينـه يالتعـانـد تاني
ألّا ناخـذ ثار فاطـم ماتضـل اتعـاني
سمعوا صوت الجعفريه
احنـه عشــاگ الزچيـــه
~~~~~~~~~~~~~

يالتبغضـون الزچيــه احنـه نتحـداكم
لا تـظنــونـه نسينـــه النـه ثـار ويـاكم
شيعه تدرون بطبعنه احنه مانخشاكم
لو ظهر مهدي الروافض ياكتر منواكم
عدنه ثوره مهـدويه
احنه عشاگ الزچيه
~~~~~~~~~~~~

باچر المهدي يجيكم يالكفرتوا بهايه
يالثـارات الزچيــه تنكتـب عالـرايــه
اية الله المهدي هوه ذولفقــاره الآيه
يبقه ثار امّه وظلعها مطلبه والغـايه
اي وحگ حامي الحميه
احنـه عشـــاگ الزچيــه
~~~~~~~~~~~~~~

بالليالي الفاطميه احنه جينه نعــاهد
للزچيــة ولمـحـمـد يبقه حيــدر قائد
والله مانترك محبته لو نظل بس واحد
فاطمة تبقه الاميرة رغم انف الحاقد
ماتخــوّفنــه المنيـه
احنه عشاگ الزچية
~~~~~~~~~~~~

فاطمة السر الإلهي وحنه شيعة فاطم
نوصل ونبني گبـرها من يجينه القائم
نفنـي كل الناصبيـه مايضـل كل ظالم
واليشـك بهالحقيقـه نگلّه انت الواهـم
يشهد البــاري ونبيه
احنه عشاگ الزچيه

خادم الزهراء عليها السلام
سيد زيد الفحام
_________________________________ @hussein889

قصيدة في رثاء فاطمة الزهراء عليها السلام


بويه گلبـي مجمور استـمـع ونيني
بويه ظلعي مكسور وفگدت جنيني
آه. خدي المنسطر
آه. ظلعي المنكسر
____________

ياوالـــدي سيـد الرسـل اشـكيـلـك عليّة الصار
لـمّـن غـبـت عني ومتت هجـمـوا عليّة الأشرار
هتكوا حُـرمّتـي بلا ذنب والبـاب حـرگـوها بنار
عصروني بالباب وطحت ظلعي انكسر بالبسمار
آ يظلـعـي ناديت والنذل سطرني
ناره تحرگ البيت بويه ما رحمني
آه. يچويني الجمر
آه. ظلعي المنكسر
________

لـمّـن عصـرنـي الناصبي ظل يـدفـع عليّـة البــاب
حدما كسر ظلعي النذل والمحسن اوليدي انصاب
ايد عله ظلعي المنكسر وأيـد لزمت بيــها حجـاب
محسن وگع مني وشفت متخضب بدمه خضــاب
ما صحت يكرار. بالوصيّـة ملــزوم
ما يسل ذولفقّار. والجرالي محتوم
آه. اذّانـي الصبــر
آه. ظلعي المنكسر
_________

للمسجد اخذوا حيدره وعافونـي ابچي بهمّي
اتعثّر ابجدمي اطلعت ومن ظلعي ينزف دمّي
أصرخ وصيح بدمعتي خلوا الوصي يـرد يمّي
ردلـي العبـد ياوالـــــدي بالسـوط ورّم جسـمي
عـذّبـوهـا بجفـاك فاطمة العفتها
مُنيتي كون وياك دنيا ما ردتــها
آه. نـاديـت شكثـر
آه. ظلعي المنكسر
__________

عشت الليالي ابغيبتك ياوالـــــدي بس آلام
كل لحظة اتمنّه الأجل بعيوني سوده الأيام
فاطمة الچانت زهرتك ذبّلــها جـور الظــلّام
دنيايه بعـدك مظلمه واصبح غريب الإسلام
هـذا حـالي ياريـت ميته وي مماتك
ابچي وحدي ظلّيت من بعد حيـاتك
آه. ما ريــد العمـر
آه. ظلعي المنكسر
__________

گـلـت لعـلـي ياوالـــــدي يبنيلي بيت الأحــزان
حتّى ابقه ابچي لوحّدي ماريد اشوف العدوان
ظلينـه بـويـه بـلا سنـد كلش قليلـه الصحبــان
ما بايعـوا بعـدك عـلي اخـذوا مكـانه الشيخـان
شـلـت اديّــة لله للاجل دعائي
موتي صرت اتمنّاه ما ردت بقائي
آه. من جرح الغدر
آه. ظلعي المنكسر
____________

وصّيته حيدر لو متت يغسّلنـي ويكفّـنّـي
بالليل وصّيت الوصي مـن يطلـع يشيّعني
ما ريد من اهل الظلم خلف النعش يتبعني
ويخفي الگبر ياوالدي وصّيتـه مـن يدفنّي
گبري عنهم اخفيـه ياعلي وصيتي
والسبب تظل بيــه تـنـذكـر رزيتـي
آه. حزني المستمر
آه. ظلعي المنكسر

سيد زيد الفحام
________________________________ @hussein889

قصيدة وداع بين فاطمة الزهراء عليها السلام وامير المؤمنين علي عليه السلام


وداعاً ياعلي يابالحسن
وداعاً ياعلي يابالحسن
____________ 1

فاطمه وزهرة حياتك ياعــلي مسمّيني
صادروا منّك حياتي وعشرتي وسنيني
الليله آخـر ليله باچـر ما تشوفك عيني
إقـتـرب ما ريـد فاصل بينــك ومابيني

يحيدر چنهن أيامي گضن
وداعــاً ياعــلي يابالحسـن
_____________ 2

فاطمه الزهره الزچيّة العيشتني بروحك
الليله آخر ليله يمّك خل اداوي جروحك
ياعلي لا يجري دمعك كافي بطّل نوحك
خايفه عليك بغيـابـي مثلي تطلع روحك

سريعاً جتّك ايّام الحزن
وداعـاً ياعـلي يابالحسن
_______________ 3

عشنه آنه وياك فتره امن العمر محلاها
فـتـره بيــها ايّـام حلـوه لا تظن انساها
لـكـن الحُـسّــــــاد رادوا ما نظـل ويّاها
صوبوني وطاح طفلي وآنه بضعة طه

مصيبه عينك وعيني بچن
وداعــاً ياعــلي يابالحـسـن
______________ 4

سـاعـة العـصـروها ذبلت زهـرتـك يالغالي
عـمـري عُـمـر الورد لـكـن شـيّـبـت يالوالي
انـظـر لحـــــالـك يحيـدر لا يـهـمّـك حـالي
كلشي فدوه يروح لجلك يبقه راسك عالي

سلاماً. ياعلي كافي تون
وداعاً ياعلي يابالحسن
______________ 5

گلـها يازهــــراء عـمـري ما أريـده بدونچ
اصبـر شلـون واشــاهـد فاطمه يظلمونچ
تغفه عيني شلون ونتي تجري دم عيونچ
ظلعـچ المكسـور يـنـزف والألـم بـمـتـونچ

رجائي لا تگـوليــها علن
وداعـاً ياعلي يابالحسن
_____________ 6

مو سهل تـوديـعــــك ادري ياعلي يأذّيني
لو مـتـت شيّعنـي بيـــدك لـلـگـبـر ودّينـي
ياعـلي وبالليل أريــــــدك وحـدك تواريني
والغصب حقّـي وظلمنـي لا يجـي يعزّيني

وصيتي. آخر الليل اندفن
وداعــــاً ياعلي يابالحسن

سيد زيد الفحام
______________________________ @hussein889

نعي
لسان حال الزهراء عليها السلام

يشيعة حيدرى نوحو عليه
راح احجي مصاب الصار بيه
###############
ماترهم عله حالي الاوصاف
جرحي اشعظم جرحي صعبه يراف
اصحاب السقيفه ماهم اشراف
ظلموني بعد سيد البريه
###############
اباب الدار جومة حطب جمعوه
وبيت الامامه بحقد شعلوه
وصدري بنبتت البسمار اذوه
الألم يكتل الباب التج عليه
###############
بنت المصطفى بس مارعوني
وكع حيلي بعجل يوم اعصروني
عله العتبه طحت منخطف لوني
ودموعي عله الوجن ظلت جريه
###############
الثاني بكل وقاحه بيوم عتني
وقنفذ بالحقد من ضرب متني
كوم الناصبه وليه ولتني
زمره ناصبيه وعوجيه
###############
صحت وينج يفضه بعظم المصاب
محسن من وكع يم عتبة الباب
سترني الباب وانا بين الاجناب
مذهولة فكر بعظم رزيه
###############
يشيعه بسوطهم عيني اسطروها
وفدك ياشيعتي من خذوها
باعو كل ذممهم من خذوها
اهل دنيه نسو امر الوصيه
##############

كل شي بمر رب الكون طفلي
يقبل ياشرع ناظري طفلي
وعله العتبه غصب من وكع طفلي
وكسر ضلعي وسطرني ابن الدعيه
###############
محسن من وكع بدماه ماييت
احس الارض بيه بساع ماييت
وينك ياعلي الكرار ماييت
تشاهد حالتي والجرى عليه
###############
الخادم عبدالمعين الشمري
@hussein889

لسان حال الموالي يقول

شرف خادم اظلن للزجيه
قسم هذا العهد حد المنيه
₩₩₩₩₩₩₩₩₩₩
نفوز بخدمتج مولاتي كل حين
وحك عباس تحسدني السلاطين
رغم كيد النواصب والملاعين
متباهي بخدمتج تاج اليه
₩₩₩₩₩₩₩₩₩₩
ورغم كلي جرح بس صوتي مامات
لأني بخدمتج اكطع مسافات
عهد وي دمي يازهره الشعارات
الحمدلله شمرتي النور بيه
₩₩₩₩₩₩₩₩₩₩
رحمه ومفخره هاذي الخدامه
هويتي الخاصه واكبر علامه
من يذهب خيالي للقيامه
يصور وكفتج حبج هويه
₩₩₩₩₩₩₩₩₩₩
عظيمه بهولهه وكفت الميعاد
صدك لاينفعك لامال لاولاد
بس حبج فخر ياتاج الاسياد
لغز حبكم يحل اكبر قضيه
₩₩₩₩₩₩₩₩₩₩
حكي عيوني ابجي موش الدموع
وحك موبس ضلع اكسرلج ضلوع
لان حبج بدمي موش مطبوع
ومنج انتظر اكبر هديه
₩₩₩₩₩₩₩₩₩₩
الخادم عبدالمعين الشمري
@hussein889

فزاعيه بحق السيده الزهراء عليها السلام
ياعلي حامي الحميه
هشمو ضلع الزجيه

تحالفو اهل السقيفه
وكونو اكبر قضيه
هجمو عله الدار كلهم
ونارهم بانت سريه
ياولينه وماكفاهم
والاشد واصعب رزيه
ويلي خلف الباب لاذت
من فئات الاعوجيه
بلاذنب لمن عصرها
دمومهه سالت جريه
ونبت بسمار بصدرها
وطاح محسن عالوطيه
جروحهه يعجز وصفهه
لكن الونه خفيه
وقنفذ الطاغي سطرها
بمر من الناصبيه
بياذنب ازرك متنهه
وحامله الهم والاذيه
تنادي وينك بويه طه
سعرت النيران بيه
لاضلع لا حال ظلي
والجرح ماله شفيه
تصيح لحكيني يفضه
انهدم بيتي عليه
زمرة ملعونه بفعلهه
الظلم عدهم هويه
شكثر صبرك ياعلينه
شفت بت سيد البريه
شفت كل الجرى عليهه
علي تمنيت المنيه
ما اشوفن نور وجهج
وبعد مانكعد سويه
هاذي اخر لحظه اشوفج
سلمت لله ونبيه
@@@@@@@@@@
الخادم عبدالمعين الشمري
@hussein889

قصيده بحق السيدة الزهراء عليها السلام

مثل ورده ام الحسن
مارحم بيهه الزمن
والوصي خير العمل
افكاره كلهه اتسلبن
###############
تهزهز الدين وكيانه ومحتواه
سهم جف ابليس واضح ماخطاه
عظام صدره مثل محسن رضرضاه
الحلم من اجفوف احبتهه خذاه
الدين ضلعه منهشم
وحيله اصبح منهدم
لا احلام ولا أمل
ظنونه كلهه تفرهدن
###############
اغبر الكون بجفاها وصب دموع
عليهه من شاف الضلع هشم ضلوع
والأصول تواسي بالنوح الفروع
وكلب ابوها من الجرى دامي ويلوع
كلبي بحزان انفرش
بليل شالوه النعش
اخلافهه حل الوجل
المرتضى عيونه انعمن
###############
فاطمه بدونج فلاتسوى الحياة
انت نور الله خصيم الظلمات
الجبال عليج تنعى امهدلات
واسيا ومريم واسماء لاطمات
والملائك حايره
تواسي نزلت حيدرى
لجلج انهار الفحل
ايام وكته ماوفن
###############
وكلب زينب منفجع لا مايهيد
بدونج اوهام العمر بعد اشيفيد
جروحهه كل ساعه بغيابج تزيد
جويعده وبحساسهه تنظر بعيد
تنتظر ام الحجاب
جويعده فوك التراب
تربي الجيت البطل
ارسوم امهه امنختفن
###############
من رجع حيدر علي من الدفن
ضلوعه محنيه فكد حيله ويون
هاا يبويه علي غركان الجفن
صعبه من بيدي الترافه تندفن
متوني منهه امهدله
الهجر ما اتحمله
الحزن بكليبي انشتل
حبوب الافراح انجفن
###############
الخادم عبدالمعين الشمري
@hussein889

قصيدة لسان حال الامام علي عليه السلام مع الصحابي سلمان بحق الزهراء عليها السلام
صعبه حالتهه يعم كلش عجيبه
اتصور ابنت النبي شعظم المصيبه
الكون ضلعه منكسر
وشابت ظنون الصبر
واويلاه واويلاه
@@@@@@@@@@
نظر سلمان الصحابي
الحيدرى بلوعه وحزن
مهبط الراس ودموعه
زرفن حتى الجفن
بالصبر توصينه حيدر
نحمد الله ونستجن
واذا شافتك الحره
يبو الفقره تنسحن
صبري وشل بالجرى ياعم يسلمان
يوم حركو باب بت سيد الاكوان
حكه كلبي ينعصر
شابت ظنون الصبر
واويلاه واويلاه
@@@@@@@@@@
امنين ابديلك وسولف
جم مصيبه تيهت
حكي من ايطيح حيلي
وحكي من اتألمت
باب بس ياباب دفعو
وحرك والدم من شفت
وشوفة البسمار تكتل
انسرد خلكي وشيبت
ولطمت الخد خذت كل حيل امنياتي
بعد فاطم كمت اتمنه مماتي
ريت لاطال العمر
شابت ظنون الصبر
واويلاه واويلاه
@@@@@@@@@@
الصبر يمي تبده
موقفي كلش ثجيل مجان رفسه مجان لطمه
اتشيغ روحي مالي حيل
امتونهه زركه شفتهه
والوجه فت الدليل
صاير احمر من سطرته
بفعله فاق المستحيل
ازغيره فاطم من فعلهم عذبوها
حفظت امنتحملت هيبة ابوها
انفاسهه تلفظ جمر
شابت ظنون الصبر
واويلاه واويلاه
@@@@@@@@@@
اهتزت الدنيه وحزينه
مكدره ومدلهمه
حيره من وكعو طفلهه
هدلت متون السمه
االورد محني وخدوده
املطخه وفاظت دمه
ابد ماراعو سترهه
الطاهره والعالمه
الشرف فرع لجلهه من نظرهه
العفه ناحت بالعجل شكت سترهه
اللوح كلبه منفطر
وشابت ظنون الصبر
واويلاه واويلاه
@@@@@@@@@@
استشهدت مظلومه فاطم
وفكر الاحلام انسلب
زمرة راوتهه مأسي
والعجب كل العجب
لاكبر لاحضره عدهه
من الرجس حقهه انهب
بالهظم ضايع كبرهه
والله معروف السبب
بليل محد شيعاها ورد الورود
كلبي من كثر المصيبه بحزن معكود
سلب احلامي الكبر
شيبت ظنون الصبر
واويلاه واويلاه
@@@@@@@@@@
الخادم عبدالمعين الشمري
@hussein889

علي طبت ابن ازياد شده
يعرضونه وحده وحده
او من شافني كثر النشده
يسبني ولا واحد ايرده
بس راس اخوي احسين عنده
يضربه النذل بالصوط عمده
وبنه علي ابعنيه يصده
بس دمعته تجري اعله خده
توجه علي الكرار جده
هتف بالمشيره او بهل وده

المرحوم
عبد الامير الفتلاوي



#اللهم_عجل_لوليك_الفرج
@raab13

يم الابنين ام العشــگ
رايد احبن من صـــدگ
ابكل لحظه خلصه جرح
ويه المخيم احترگ


خليني اعيشن عــــابس
خضريلي عشگي اليابس
اوفهميني ال رايد يحب يتحمل الظيم

انطيني دمـعـه عـاشــگ
اوكل لحظه احس امفارگ
اوخيالي بس ابكربله مسموح اله ايهيم

خليني احس
الحـب يلمس
من ينـتـرس . . . احساس لوعه اوشوغات

لا مـوصعب
حچي الگلب
ينزفلي حب . . . لمن تعيش اللچمات

من عينچ امجـدي الدمع
اوكل لحظه اريدن انفجع
وعليچ اعـرف مو صعب
ويه المخيم احترگ

ــــــــــــــــــــــــــــ

رطبي الجفن بدمـوعه
وانطيني حرگه اولوعه
ما سامع امرجعه انتي سائل يم الابنين

اشـلـون لو دگ الباب
وابدمعه احلفچ بحباب
خليني ابچي اعلى الحسين اعليچ الحسين

رايــــد اون
وابدمعه احن
يم الحــــزن . . . ومن گلبي تطلع ويلاه

واتنــفــسه
ابنص مجلسه
واتحــسـسه . . . لمن اجيبن طـــرواه

مايشفي مجلس وانهظم
خل حـزني ياكـل بالعظم
وفقيني بجـروحي انتحب
ويه المخيم احترگ
ـــــــــــــــــــــــــــ
عطشيني حب بيامـي
لحسين اعيشن ظامي
جارح الكون اعليه اريدن ابقى مجروح

مايشفي هذه المدمع
شلطم شفيد اوشجزع
اغله حبيب اعـالتـرايب نام مــذبــوح

وابصدري ارظ
لأعظم فـرض
فـوگ الأرض . . . بدموع گلبي ارد ابچيه


ماريـد اهــود
ومشي وانـود
الجـرح الوجود . . . اوكون ابگبر وانعه اعليه

للــخـــدمه اريدن أنـذر
كل لحظه من هذه العمر
من جودچ انطيني سبب
ويه المخيم احترگ

ــــــــــــــــــــــــــــ
يم الابنين ابگـلـبــي
اهديلي جمره ابنبضي
رايد احسن بالغريب الراح عطشان

عطشان بس رحمه ايچـيـل
ال من جربته امرشف خيل
الساترني هسه اهناك بالطف باقي عريان

ذاك العذب
شو ينسلب
اوهم ينظرب. . . مو للظرب عطر الهيل

هيـل ابهـوه
وينزف ضوه
وكـل نينـوه . . . انصاغت جرح من الخيل

يل بس اله ايلوگ السهر
اومخلوق اله كسر الظهر
رايد انــه هالحظه اطـب

ويه المخيم احترگ

ــــــــــــــــــــــــــــ

للخـدم صاير خيمه
ايتامه تبچي ابهيمه
ابكربله الطشت ايتامه لامنه اليوم

اشگد مستحي انه گباله
عطشلي حتــى اعيــاله
اومتهندم انه ابصيت المسلوب الاهدوم

الرب العشگ
خـل احتــرگ
وفقيني اشگ . . . ثوبي اوصيرن مجنون

عـيــال النبي
مــن تنسبـي
ويحدي اجنبي . . . ابذاك الظعن آه اشلون

بچــفــوفهن ويلي الحبـل
وبشرف ظعن يحدي النذل
مثلــچ اريدن ابقـى اشـب

ويه المخيم احترگ

ــــــــــــــــــــــــــــ

لا ريد اجر لا رفعه
اعليه اريد الـدمـعه
اشلون ادور اجر ويه المنطي الاظلوع

والجروح بته ارقيه
تسحـگ جمر رجليه
خاطر احس اشلون ظلت طفلته اتلوع

اتلـوع ابألم
ابجمر الخيم
ابليا عم . . . لاظل ابو اوتشكي الحال

ذاك الخدر
وسفه ويمر
يمه الشمر. . . . اويحديه عگب الكفال

يسبيه واطـــويل السفر
خاطر تشم عــطـر النحر
ابراسي احس ذاك الترب

ويه المخيم احترگ


الخادم
علي الحميداوي الكربلائي
@hussein889

لمولاتي ام البنين ......




ماتت بخت ديوان هاشم
وفوگاها ما فيت صوارم
محد حضرها بيوم ماتت
غربه بحياة وموت عاشت
الصلت عليها بس فواطم

........................................

الحرمه من يگرب اجلها اعيونها اتصد للضنه
ادير طارف صوب اهلها اتبين الموت الدنه
تعاين اوجوه التحبهم الگلب لكبرهم عنه
لون غمضت عين هيه يصيح يانوم الهنه


الشيلت نعشها انراد تسنيع
مامش ولدها بيوم توديع
غمضت وسفه ام البنين
و بالها عباس و حسين
واختلفت وياها المواظيع

..........................................

من تطب غرفتها جانت تعاين ارسوم وصور
تلگه عالحايط بيارغ بيها چف حنه واثر
اهناك ليغادي المحنه وگلب بالفرگه انكسر
وتلگه ام بلا ولدها وتمشي مكسورة ظهر


مهظومه ماعدها الفه يعين
ومناطره ادروب المحبين
مكسوره خاطر باخر ايام
تشبه رقيه ودفنت الشام
ومگابله اتصد للروازين

............................................

تخلص اشموع التوجها وتبقه سهرانه عشگ
اشتاگت المت حبايب يمها والصوت اختنگ
الذكريات تمر ذهنها وگلب بالسرعه يدگ
تشتعل بالشوگ چنها تصير خيمه وتحترگ

شيطفي نار الفگدت احباب
ومناطره بلكت تدگ باب
بحسرة خبر والناس اشاعات
تحجي بسوالف كلها اهات
حته الهوه من مرها جذاب

................................................

اتجت بعكازه كوه من عگب متن الولد
الكاسر ابفيه عليها جان واغطه من البرد
سومر الضي بسماها وشح عليها چم ورد
حوشها الفارغ يسولف بيها وتروح وترد

من جفت اعيون المراسيل
دم نزفت اعيون المچاتيل
الشوگ بين بيها واثار
صارت عله البيبان والدار
وانقرت بحلوگ التراتيل

.................................................

احتاجت التشكيله همها يشيل من عدها الحمل
ولاكو واحد سد مجانه والفضل بعده طفل
جانت اتسولفله قصه وعينها اتغورگ تضل
ومن تناغيه وينام بفدوه يايمه الفضل

جانت دللول الولد نام
اسم الله من طواري الاسهام
عبد الله مالحگ يفطموه
ولاشبع من جلمة دللوه
راح امشي عنك هاي الايام

.............................................

وصلت انفاس الاخيره وذكرت العين وسهم
اوصت اليسمع حجيها بزينب اشكلكم ذمم
وچفنوني بالعبايه البيها حرگ من الخيم
وانتها المشوار بيها بشوغه ترجمها الالم

خشبه بوكت تحجي المناشير
النامت بسدها العصافير
ماتت واخذت احله ذكره
وبگلب زينب بقت حسره
وخلصت وياها المشاوير

................................................



خادمكم الاقل شرفاً

كرار اللامي
@hussein889

كلمات الشاعر ميرزا علي ابوسما الديواني

زهــــراء يـازهـــراء يـاحــوريــــــه
زهــــراء يـازهـــراء يـاأُنــســيــــــه
زهــــراء يـازهـــراء يـامــرضــيــــه
*
ليـلـة فـرح وأسرور وجـهـچ يـشـع أبنـور
والكـــل تـبــشـر
نـورچ عـليـنـه عــاد مـثـل البـــدر بـعـيـاد
عـالـدنـيـه ازهــر
للمصطـفــه انـهنيـه بـاقـة فــرح نهديـهـه
وانـهـني حـيـدر
ليـلـة فـرح يـانـاس طشينه جوري وياس
والجــو تـعـطــر
هــالفـــرحـــه نحييـهـــــه
وللـــزهــــره نهـديـهــــــه
زهــــراء يـازهـــراء يـاحــوريــــــه
زهــــراء يـازهـــراء يـاأُنــســيــــــه
زهــــراء يـازهـــراء يـامــرضــيــــه

شيعـه ونصوغ اشعـار للمصطـفـه المخـتار
صغـنـه الأمانــي
والعـلـي داحـي البــاب عشاگ ألـه وأحبـاب
نـبعـث تـهـانـي
گلـب المحـب مسـرور كـل الهــلـه أبهالنـور
يـلهــج لسـانــي
مـولـوده أم حـسـين نهديهـه ضـي العيـن
حـلـوة مـعـانـي
بــهــواهـــــه جـنـيـنــــه
نـبـعــــــث تـهـــانـيـنــــه
زهــــراء يـازهـــراء يـاحــوريــــــه
زهــــراء يـازهـــراء يـاأُنــســيــــــه
زهــــراء يـازهـــراء يـامــرضــيــــه

انـصــار وامــوالـيــن بـالـزهره فـرحـانيـن
يـهــتـف گـلـبـنــه
عـطـر البتـول أيفـوح نورچ عليـنـه أيلـوح
بـيــه انبـهــرنــــه
لـيـلـة فــرح وآيمـان تـتـنـاغـم ابـألـــوان
بـالحـب حـضـرنـه
للمصـطـفـه انـهـنـيـه بـولادتــچ نهـديـهـه
نـهــدي شـعـرنـــه
بـسـمــــــچ تــغـنــيـنــــــــه
وابــفـــرحـــــه نــاديــنـــــه
زهــــراء يـازهـــراء يـاحــوريــــــه
زهــــراء يـازهـــراء يـاأُنــســيــــــه
زهــــراء يـازهـــراء يـامــرضــيــــه
* *
عــم الفـرح بسمــــاي واتـنــورت دنـيـــاي
والهــم طـويـنـــاه
شـع نورچ أعله الكون بـيچ المحب مفتون
يـومــچ يـمـحــلاه
للشيـعه اعـز محبوب اسمچ سكـن لگـلـوب
بــالحــب كتبـنــاه
وللمصطـفـه ابأفـراح صوت المحب صداح
نـتـبــارك أويــــاه
أنـگــلـــــه تــهــــانـيــنـــــه
افــــــــــرح يـهــاديـــنـــــه
زهــــراء يـازهـــراء يـاحــوريــــــه
زهــــراء يـازهـــراء يـاأُنــســيــــــه
زهــــراء يـازهـــراء يـامــرضــيــــه
** *
الليلــه الحـزن مـمنوع خل نعلگ احنه اشموع
افـــرح يمحبـــوب
اسـم الـزچـيـه اهـنــاه بـيـن الـرمـش شلنــاه
ســاكــن بـالگلـوب
هـذا الفــرح نـحـيـيـه وللـزهـره خـل نهـديـه
بالدمعـه مصحوب
انـصــار ألــچ انـصــار يُــم الحســن انـصـــار
بمحبتچ انـــذوب
انــحـنـــــي أيــــــاديـــنــــه
وأنـعـــلــــــگ الــــزيـــنـــــه
زهــــراء يـازهـــراء يـاحــوريــــــه
يازهراء يازهرا يا انسيه

يا زهراء يازهراء يا حوريه
▪️@hussein889