قصيدة على لحن يا عيوني الفاركوني



لسان حال السيد زينب ع بعد استشهاد السيد الزهراء ع


أ ييمه الدنيا ظلمه ...والله من كد الحزن ... والفراك والفراك
أه يا ييمه.....أه ياييمه
..................
من يوم رحتي لليوم .... عيني ما ظاكت النوم.... ولا نمت ليلي ... لا نمت ليلي

ما شفت راحه بدنياي ... من زغري عكست وياي ... ورمت دليلي .. ورمت دليلي
اولها جدي من راح.... وختفه عطره الفواح ... هو خليلي .. هو خليلي
ثانيها زهرة دنياي ... من اختفت من عيناي... ونهدم حيلي ..ونهدم حيلي
من رحلتو وعني بعدتو ... ما دريتو الي جرى عليه .. عليه
أه ياييمه ...... اه ياييمه 4
.....................
لمن حركها للدار ... وبصدرج طب البسمار
ونكسر ظلعج ... ونكسر ظلعج
وبيده سطرها للعين ... من انكرج يم حسين
ما نشف دمعج ... ما نشف دمعج
ياويلي محسن من طاح ... وعليج يمه من صاح .. تيهتي وضعج ..تيهتي وضعج
من كلبج اسمعت الاه ... من ألالم واويلاه
محد يسمعج .....محد يسمعج
من وكعتي ..فضه صحتي ... وين راح ابو الحسن ... يفضه ... يفضه
أه ياييمه..... أه يا ييمه 4
...............
وسمعت امي من اصيح ... بالعتبه تنهض وطيح... وينك يوالي .. وينك يوالي
حركوها دارك يا حيد .. ومن عندي طيحو لوليد.... محسن الغالي .... محسن الغالي
وبسطره ورموها العين... دحظرني يا بو الحسنين ... شوف الجرالي ... شوف الجرالي
ادري بوصيه جتفوك ...من يمي مجبور اخذوك... ويلي اعله حالي .. ويلي عله حالي
وتصرخ يصنديد ... والصرخه متفيد
بالوصيه ملتزم ... يبويه... يبويه
أه ياييمه اه يا ييمه 4
...............
شحالي من دفعوها.الباب.. وضلع منج انصاب
حسيته ضلعي... حسيته ضلعي
والسطره فوك الخدين .. والدمع لولح بالعين
وذرفت دمعي ... وذرفت دمعي
وتحيرت يم حسين.... لمن خذج مني البين
وانطفى شمعي .... وانطفى شمعي
وصرخت يا بويه شلون.... خاف انكلب هذا الكون
وينك يدرعي..... وينك يدرعي
جدي وينك .. تشوف ابعينك... هذة اصحابك ترى
وفعلهم .... وفعلهم
أه ياييمه ..... اه يا ييمه 4
................
وينك يبو صالح كوم... احظر الصدر الملجوم
واذكر العصره... واذكر العصره
وذكر مصاب ابو تراب.... من انغدر بالمحراب
وبصدره حسره ..... وبصدره حسره
وخويه الحسن المسموم .... والطشت متروس ادموم
وعيني تنظره ... وعيني تنظره
امن حسين انكطعت لانفاس...من طاح اخوه العباس
وانحنه ظهره ... ونحنه ظهره
من هل مصايب ..... دحظر يغايب
وخذ ثارات الاهل
من اعداك ... من اعداك
اه ياييمه ... اه يا ييمه




لخادم اهل البيت
سيد محمد الهاشمي الموسوي
@hussein889

🌲قصائد حسينية مكتوبة ومقروءة من قبل الرواديد🌲

📜 قصيدة: عجبني ليل موادعك
✒️الشاعر: السيد عبد الخالق المحنه
🌿 الرادود : احمد الفتلاوي

https://youtu.be/YDjabKeXvJw

عجبني ليل موادعك يسرع صباحه
واليفگد الغالي يظل يحسب جراحه
غيمة حزن تبرالي .. والمايشوف الغالي
يحسب جراحه
🌿🌿🌿🌿🌿🌿🌿🌿
يبتدي عد التنازل لحظه لحظه
وابتدت گلبي تخف دگاته نبضه
ها يليلي الراح مني بيش اعوضه
يا الهي ابجاهك الرايح تحفظه
يابويه گالوها الابو لعياله خيمه
باچر اذا عني رحت اصبح يتيمه
ضاع الصبر يلوالي .. والمايشوف الغالي
يحسب جراحه
🌿🌿🌿🌿🌿🌿🌿🌿
تنتهي ليلة وداعك دمعه دمعه
اني ادري بروحتك ما بيها رجعه
ليلة وداعك بحر صبري اودعه
بعد ما ظن لو صحت صوتي تسمعه
زينب تظل بغيبتك تترقب الباب
ماتغفه عينه ياعلي الفارگ احباب
بويه انتهت امالي .. والمايشوف الغالي
يحسب جراحه
🌿🌿🌿🌿🌿🌿🌿🌿
خلة الوالد فلا واحد يسدهه
توگع الخيمة اذا يوگع عمدهه
بويه ريت الروح تطلع من جسدهه
ولا تگول الناس مايرجع ضمدهه
عذبني دهري ابلارحم تمطر سهامه
يابويه باچر انحسب من اليتامه
يابويه ارحم حالي .. والمايشوف الغالي
يحسب جراحه
🌿🌿🌿🌿🌿🌿🌿🌿
ما يمر اعله العباد المر عليه
حايره ومدوهنه واصفگ بديه
بويه وفراشك افرشه كل مسيه
كل غروب احسب تجي ونفطر سويه
لوما تجي ابقه انتظر انه واخوتي
زينب انه وبعد الولي اتمنه موتي
والله انفطر دلالي .. والمايشوف الغالي
يحسب جراحه
🌿🌿🌿🌿🌿🌿🌿🌿
من يحرك الريح بابك گلت انته
گلبي طير وطار مني وما لزمته
يعني عجبة المثلك ايظل ويه بنته
حاضر الشدات تحضر يمي يمته
منهو الي يحضر شدتي يابو الكلافه
زينب تظل ابلا ابو والله حسافه
يالرايح شيبقالي .. والمايشوف الغالي
يحسب جراحه
🌿🌿🌿🌿🌿🌿🌿🌿
بويه گلي اشلون برض الغاضريه
من يروحون اخوتي وامشي سبيه
بويه ما مسبيه قبلي هاشميه
منهي قبلي الراحت لديوان اميه
يابويه بسياط المتن تسمع جوابي
واعذرني لو يم النهر يبدي عتابي
اعتب على كفالي .. والمايشوف الغالي
يحسب جراحه
@hussein889

🌲قصائد حسينية مكتوبة ومقروءة من قبل الرواديد🌲
📜 قصيدة ابني عطشان
✒️ الشاعر احمد الهلباوي
🔷 الرادود عمار الكناني
https://youtu.be/5g1wqftMMSg

موبالجذع گلبي انحنه من كثر الاحزان
ألف وخمسميه سنة وبعده ابني عطشان
زمن يجي ويعبر زمن .. ليهسة مارد الضعن
وبعده ابني عطشان / 2
🔷🔷🔷🔷🔷🔷🔷
جروحي ما الهن زمان ..اقره وانعى بكل مكان
ما اتاني هلال حزني يهل عليه
كلبي من ذيج الخيم ..جروح مسبية وعلم
ونار ما تطفى ابدمع جفن السبيه
ابني عاري بلا ظلال .. حركوا خيام الدلال
فد عباية طلعن سكينة ورقيه
انعي وابجي ليا ممصاب ..ابني لو ابن الرباب
وجم طفل لاحه الجمر بالغاضرية
ليش ابني محد غسله ولا شربه الماي
ما انصف ويه اخته الدهر ولا انصف وياي
وظلن بناتي بلا وطن ..وليهسه مارد الضعن
وبعده ابني عطشان / 2
🔷🔷🔷🔷🔷🔷🔷
جرحي يكبر كل سنه ..حزني ما يوم انثنه
ابكل عزاء اطلع واطب كل ليله وانعه
وين الي يواسيني وين ..والينادي ياحسين
ما يضيعن عندي اضمهن دمعه دمعه
اليبچي لوليده اعتنيه .. اليلطم انه الزم ايديه
بيدي احس راس الذي مثلي اعله ضلعه
مثلي يلطم عالضلوع ..وانه احب اهل الدموع
والذي طاري العطش بالطف يفجعه
وينه اليساعد فاطمة ويجلي حزنهه
يا ناس انه الوالده المذبوح ابنهه
عريان ما لفه الجفن .. وليهسه ما رد الضعن
وبعده ابني عطشان / 2
🔷🔷🔷🔷🔷🔷🔷
ما اكف حزني واجن .. ياهو مثلي عدها ابن
بخيل داسوه من بعد گطعة وريدة
والرمل حار وچواه.. والشمس تكوي بكفاه
فوك سلب اهدومه گطعوا خنصر ايده
واخته مكسورة گلب .. راحت تماشي الغرب
عدهه راده والدهر سوه اليريده
تروح وين بهالعمر .. وينهه اوين اليسر
مدللة مو مالت مراكض وحيده
لو عاب ضلعي من اللطم حال ارده من حال
ادري ابرقيه مدللة ومو مالت احبال
لو طر دلال ام الحسن ..وليهسة ما رد الضعن
وبعده ابني عطشان / 2
🔷🔷🔷🔷🔷🔷🔷
شيبني النايبات.. اشعنده ويه ابني الفرات
ليش ما مر اعله چبده الضامي سلّم
شفته نايم عالترب .. مات ما ضاگ الشرب
ان چان ما يسگيه يطفيله المخيم
عيونه ذبلهه الضمه.. العطش فطّرمبسمه
بات عاري ثلث ليالي وغسله الدم
فوگ جرفك يا نهر .. ظهر ابو اليمه انكسر
وسگف خدر ام الخدر طاح وتهدّم
كل لطمة ادگهه اعله الصدر تعادل الف باب
يا ناس ودموعي الحمر من هذا المصاب
مهضومه وعيوني عمن ..وليهسة ما رد الضعن
وبعده ابني عطشان / 2
🔷🔷🔷🔷🔷🔷🔷
النار هضمتني شكثر.. ابيوم شبت بالخدر
والهضمني اكثر بعد حرگت عبيهن
والجمر غطه الارض .. والفواطم بالركض
من يعثرن تحرگ النار بايديهن
طلعت اتدور كفيل .. بت علي حامي الدخيل
اتلم بناتي حتى لا يزعل وليهن
ذاب گلبي من الحزن.. من البچي طاح الجفن
هذا كله وبالسبي يكلف مشيهن
الماخوذه گوه اعله الهزل وواليهه مذبوح
بسكوت تنعه من التعب لوحسهه مبحوح
والأكلف ويامن مشن..وليهسة ما رد الضعن
وبعده ابني عطشان / 2

@hussein889

🌲 قصائد حسينية مكتوبة ومقروءة من قبل الرواديد🌲

📜 قصيدة :عباس اعتنيتك
✒️ الشاعر : محمد الموسوي
💠 الرادود : مسلم الوائلي
https://youtu.be/apA3RqKH_-c

عباس اعتنيتك...واتعثر اجيتك
هاي بطيحتك ياخويه تدري
اول مرة احط ايدي اعله ظهري
واتعثر اجيتك / 2
💠💠💠💠💠💠💠💠💠
تمنيتك وطريت الميادين
ووليدي علي فاركني توه
ظلت فاهيه اعليك الصواوين
مدري فراكك بدين شسوه/ 2
من تخوصرت صاحولي ياحسين
هالمرة الفراك فراك خوه
هالمرة انجفه لعباس مو ماي
ومو خوك اليكلهم راح فدوه/ 2
غيري اجدامي يهدن
اوصله ويردن
حكي تخوصرت ومدنك الراس
غير الطايح اعله الكاع عباس
واتعثر اجيتك / 2
💠💠💠💠💠💠💠💠
من بعيد شو ما عندك جفوف
طاحن لو عيوني الوهدنني
ما اعرف شصاير انه لا شوف
كون اوصلك ويعمن هذني / 2
انه حسين ما موتن بالسيوف
بس فراك عباس الكتلني
امشي وذكرياتك ترسن البال
ومدري لياكتر عنك خذني/ 2
كبالي وما عرفتك
انه امشي وعبرتك
حكي مدوهن وما اندل منين
اول مرة هيج يصير لحسين
واتعثر اجيتك/ 2
💠💠💠💠💠💠💠💠💠
اكعد يالاعز من ولد الحسين
فدوه لطيحتك يرحون ولدي
هيه البلوه مو بس موت وفراك
ولا بلوه خيول ادوس جبدي/ 2
بس سبعين الف شامت يعباس
كلهم شافو دموعي اعله خدي
كون كبالهم نتشابك وموت
مو عباس اليخليني وحدي/ 2
اول مرة عباس
بيه تشمتت ناس
تدري عيوني مو هين بجيهن
هاك جفوفي اديه وكوم بيهن
واتعثر اجيتك/2
💠💠💠💠💠💠💠
جلمة خوية ماتنكال بجفاك
وداعة خوتك تحرم عليه
كظيت الظهر من طاح عباس
وصارت عادة لليفكد اخيه/ 2
حيرة تفارك اليندلك شبيك
وانته بلاحجي وتعرف شبيه
اول مرة عاي يغثني عباس
من مديتها وماكظ اديه
ويفه ياعضيدي
ما كظيتها ايدي
الف وتسعمية جرح يا ناس
كلهن طلعن من فراك عباس
واتعثر اجيتك/ 2
💠💠💠💠💠💠💠💠💠
الله وياك لكن الله وياي
وين الله واموت وتكعد انته
من كد عازتي لحضنك يعباس
حتى السهم كظيته وشبكته/ 2
اوصل للخيم ولوجهك اشتاك
واركض وانهطر والكاك سكته
كسرة شيخ يم المالها شيوخ
هيج حسين بفراكك كسرته/ 2
اول مرة الحسين
تفزعله النساوين
حسين لما مخلي بخاطرك يوم
يحطه ايده اعله زينب يالله يكوم
واتعثر اجيتك/ 2

@hussein889

يا امير الدمعه والعبره
اتكفلتني وفضلك شكبره
وفقتني لخدمة الزهره
شكراً ابا عبد الله
....
يا مَلِك ومن الطفوله اتملكتني
انت گبل امي وابويه اتكفلتني
عاشگ الدمعه الحسينيه شفتني
ماعفتني وبالمجالس كبرتني

كبرتني بخيمة الخدمه
كون اشكرك يا ولي النعمه
بفضلك اسمي الوادم تذكره
شكراً ابا عبد الله
....
هذا عالم خدمتك احله العوالم
مجلسك ما تفهمه بس الاوادم
عندي تسوه الجنه ساعه بهالمآتم
كل نبي يتباهه من تحسبه خادم
انبيا تتوسل بجدك
توسطت تصبح خدم عندك
اتنادي لمن تدخل الحضره
شكراً ابا عبد الله
...
الدنيه ما بيها امان وانته ادره
الزم ايدي لا اروحن يمنه يسره
يضيع كلمن ما يسلّم بيدك امره
من ينظره خادمك لو ما تنظره
بهذا عمري منحسب ضيفك
آنه اگوم واگعد بكيفك
قصرت لو گول الف مره
شكراً ابا عبد الله
...
انته اسمك صاحب الخيمه الچبيره
وبسُفرتْك عاشت الناس الفقيره
أنسإل من يا عمام من اطب ديره
وگلت غير حسين ماعندي عشيره
بصايتك امشي على طولي
وخادم الزهره يصيحولي
حگها من اتگلك الفقره
شكراً ابا عبد الله
...
معشر الخدام بيدك تنتخبهم
وما يجون لمجلسك لو ما تحبهم
من خلقهم ربنه خدامك حسبهم
وگالك يحسين ذوله انت ربهم

وانت ربيت اليخدمونك
والخَدَم حافظها بعيونك
يا ملاذي الي وجب شكره
شكراً ابا عبد الله
...
بزودك احچي كلمتي بزود وتحدي
مطمئن يحسين لو طبيت لحدي
يا گبر يوحشني والعباس عندي
يلگه دمعات اعله زينب فوگ خدي

گبري يصبح جنه بوجودك
مطمئن يابوعلي بزودك
تبقه بعدي خدمتي ذكره
شكراً ابا عبد الله
...
خادم الحسين ( عليه السلام)
كرار حسين الكربلائي
( ابو كميل)
@hussein889

سامعه الصوت
صوت كسر اعظام هذا وكَلبي حاير
سامعه الصوت
بس كَبل بسمار جان وهسه حــافر

نشلع كَلبي مَرِتين**ويالزجيه اوي حسين
سامعه الصوت
¯¯¯¯¯ ¯¯¯¯¯ ¯¯¯¯¯ ¯¯¯¯¯ ¯¯¯¯¯

بهيده ابجي.. المن احجي .. صوت اخذ روحي وعلي لمن سمعته .
كَبل عصرات… هسه سحكات… صوت جن ضلع انكسر هذا عرفته .

اخ من هاي الحوافر شيبتني
شما تدوس ابهيده اصيحن دولبتني
بصوت اه من امي طالع ذكرتني
داست بصدر الحسين ودوهنتني


بهيده ياخيل

هذا اخوي شبيجن بهيده على صدره
بهيده ياخيل
شو حوافرجن غـــدة من دمه حمره
شبجين تطلبني دين
نشلع كَلبي مَرتين
سامعه الصوت
***
شفت الحسين… طاح مرتين… اني ع التل ونهدلي خلص الحــيل
بحسره اناديه ..حسين احاجيه… خويه هم روحك تره وصلنك الخيل


سحكن بصدر الحسين وكلها تشهد
واني انادي خيولكم سحكت محمد .
ردت واحد بي رحم بس مامش احد
جن اسمعه احســــين يازينب تنهد


والله حيره

بصدر اخوي احسين جم حافر لكيته

والله حيره

لو ابو فــــاضل عدل يفـــزع نخيته

وين ادير الوجه وين
نشلع كَلبي مَرتين

**********

شفت واحد… فوكه كاعد… برجله داس حسين وكَبالي يرفسه
بعيني شفته… حز ركبته… واني انادي هذا اخونه لا تلمسه

يحز ركبته وتارسـه وجهه ابتسامه
دنت نفسه وباك من راسه العمامه
وهوه يذبح بيــه شافــنه اليتــامه
وجنه راس حسين ينــده بالسلامه


جيت اركض

بس احس بالراس جان يكلي ارجعي

جيت اركض

السبكَني بطيحته من اعيوني دمعي

انده بصوتي الحزين
نشلع كَلبي مَرتين
سامعه الصوت
******

واني ع التل ..كَلبي يسأل… اشلون اخلص حسين ورجع يم خيامه
المن امشي… رعب كلشي… شفت باكو محبسه وسلبو عمـــامه

للخيول احــسين صدره صار ملعب
واني ما اكدر ليمه شــلون اكرب
الموتتني بعيني شفته من تسـلب
شارب حسين وعلي بالدم تخضب

العذبتني
واحـــد لواحد شــمر ياناس راســـه
العذبتني
دم اكو بموضع كَبل بي جدي باســــه

بس انادي بالونين
نشلع كَلبي مَرتين
سامعه الصوت
******

هواي الجروح… التاخذ الروح ...وانتظر ليلي يحل خاطر اروحن
اجمع اضلوع… واحجي بدموع… غادي الم اوصاله ويم صدره انوحن

روحي اخلصها ردت دمعه على دمعه
اثر حافر هذا باقي فوك ظلعه
هذا جف احسين بس مكطوع اصبعه
وفوك صدره لجم رجل متروكه طبعه

يا زمن لا

هذا اخوي شلون الم جسمه باديــه

يا زمن لا

واني راح اطلع تره باجر سبيـــه

هاي قصتي ويالسنين
نشلع كَلبي مَرتين
سامعه الصوت
*********

خالد البديري
@hussein889

تتچّه اعله سيفك ــ وتگوم اعله كيفك
اذنوب الشيعه گالو هيه تاذيك
اوﻻ تنهض على حيلك تخليك
777777777777777777777777
ها يبن الحسن اذانه الغـــــياب
هايلبيك عاشت عصرة الـــباب
تتوسد يشوفونك عالتــــــراب
يسألونك تگول اذنوب الاحباب
لوجودك نسينه ــ وبالدنيا التهينه
اتـراب الگـــاع يامــولاي غاطيك
اوﻻ تنهض على حيلك تخليك
777777777777777777777777
يالمتحزم بشيلة رقيــــــــه
ابعبايتهه تشم عطر الزجيه
يالبمتنك اثر سوط السبيه
يبو گلب الحلو عينك عليه
دليني اعله بابك ــ تعبني غيابك
اريد اقرلك اعله امك وبجــيك
اوﻻ تنهض على حيلك تخليك
77777777777777777777777
إذا ذنــبي يأخــــرك امــــدانـــــي
شلي بروحي عسن موت اللفاني
تعال ارجوك يا صاحب زمـــــاني
عساني لا عشت عمري عسانــــي
عذرا“ ياحياتي ــ يالبيدك نجاتي
عذرا جي ذنوبي مرت علــــيك
اوﻻ تنهض على حيلك تخليك
7777777777777777777777
بسبب ذنبي صدگ ما تغفه ليلك
وتضل ما تكدر تگوم اعله حيلك
صدگ رجليك ما تگدر تشـــيلك
لمــن فاطــمه الزهـــره تجــيلك
اتگلك يبني يمناك ــ انهض حيدر اوياك
تواسيــهه يمـــهدي لو تواسيك
اوﻻ تنهض على حيلك تخليك
777777777777777777
شنو حجمي وجرحت بذنبي گلبك
ومـــأخـــر ضــهــورك عـــاليحبــك
يبو صالح صرت عثره اعله دربك
يــــوميه بســــهم مسـموم اضربك
ونته تنشر ايديك ــ وتستغفر لي ادريك
شلون أمأخرك وبــالي اتانيــك
اوﻻ تنهض على حيلك تخليك
777777777777777777777
ويــن تنام ونتــه مـالك احــد
الجو بارد يمهدي وخاف تبرد
صدگ خدك عله اترابه توسد
تلــم رجلــيك ما تــكدر تمدد
بعبايه محرگه اتنام ــ ما توصل للجدام
عبــاية عـــمتك زيـنب تغطيك
اوﻻ تنهض على حيلك تخليك
7777777777777777777777
حسين باهض الحلفي
@hussein889

انه اجيتك      وتدري جايب ماي وجهي ابين اديه

انه اجيتك      عندي حاجه ومنتضر تكظيها اليه

*******

عفت كلشي وجيت اذبها اليوم يمك

يابو فاضل لا تردني بداعت امك

اشبك الشباج نوبه ونوبه اشمك

ادري بيك ابساع تفزع من احشمك

 

انه اجيتك      وزامطتهم بيك يا راعي الحميه

انه اجيتك    عندي حاجه ومنتضر تكظيها اليه

******

كلبي يخفك من اصدن عالمناره

رافع ايدي بالدعه وابجي بغزاره

الما يزورك سيدي عمره خساره

ماكو بالدنيه تره احله امن الزياره

 

انه اجيتك  ارد اسولفلك حبيبي المر عليه

انه اجيتك     عندي حاجه ومنتضر تكظيها اليه

*******

يابو فاضل عمري ما عفت المجالس

وبمحرم جنت امثل دور عابس

مني كامت تاخذ امراد النوارس

انه ماخذ باللطم مرتبه فارس

 

انه اجيتك    ودمعه تارك سيدي بكل حسينيه

انه اجيتك      عندي حاجه ومنتضر تكظيها اليه

********

للحسينيات اخذ جنت ابني

ومن بجه اعله حسين ابني اشكد عجبني

حسين من خدامه متأكد حسبني

مثل ما حب اللطم زينب تحبني

 

 انه جيتك    يامن بمجدك حييت الغاضريه

انه اجيتك     عندي حاجه ومنتضر تكظيها اليه

*****

يابو فاضل مستحي من كد ذنوبي

امن المعاصي جيت اعلنك هروبي

صحت توبي امن الذنب يا روحي توبي

ادعي ربي بكل وكت يستر عيوبي

 

انه اجيتك     وجدمي اخطه بدمعتي وناري سريه

انه اجيتك     عندي حاجه ومنتضر تكظيها اليه

********* 

يابو فاضل ارد احلفك توكف وياي

البسني ثوب العافيه يا نور عيناي

ادعيلي اجيك الكربله كل سنه مشاي

اهواي مشتاك الضريحك كلش اهواي

 

انه اجيتك    كون كل الصار بيك ايصير بيه

انه اجيتك      عندي حاجه ومنتضر تكظيها اليه

******

اقسم بجفينك وكطعت وريدك

عنك اشما ابتعد اصرخ اريدك

حاجتي اتخليني واحد من عبيدك

يامن بكربله وفيت بوعيدك

 

انه اجيتك     خادم اتخليني عندك للمنيه

انه اجيتك     عندي حاجه ومنتضر تكظيها اليه

*********

 

تمت

تحسين الخفاجي
@hussein889

(سيد علي الموسوي)
محروم يوليدي..ماشلتك ابإيدي
روح....واشتكي الرب الجلالـه
روح....ماشفت حظني ودلاله
ـــــــــــــــــــــــــــــــــــــــــــــــــــــــــــ
يمه يامحسن مصابك أعظـــــم امصاب
انت جرحي الماحسبتك ضمـن الحساب
لاتگلـــــي ماحضنتك مثـــــــل الاحباب
ردت احضنك بس قويه دفعـــــــة الباب
وتموت يالغالي...ماچانت ابالي
هاي....حسرتي ورحت ابعجاله
روح....ماشفت حضني ودلالـه
ـــــــــــــــــــــــــــــــــــــــــــــــــــــــــــ
يمه تعذرني يمحسن حيلــــي مهــــدوم
حتى رجليه بعد ماتگـــــــدر اتگـــــوم
انت لو عد غيري هسه اتحظر اهــدوم
إحنه واحدنه صفه امن الثانــي محروم
والحسره والهضمه..ماگتلي يايمه
ذاب....هالگلب ضيع نوالـــــه
روح....ماشفت حظني ودلاله
ـــــــــــــــــــــــــــــــــــــــــــــــــــــــــــ
گلت تكبر ياحلم واتشوفـــــــــك العيــــــن
زينب اتشيلك بديهــــــــه ويفــــرح حسين
أحچي وي روحي وبگيت اصفج بالايدين
اشلون باچر كربله وجــــرح الدواويــــــن
والدنيه تاذيني..بالحسن وحسيني
سال....دمك وحيدر بچالـــــه
روح...ماشفت حظني ودلاله
ـــــــــــــــــــــــــــــــــــــــــــــــــــــــــــ
صار يكشفلي صــــــور دمك إليـــــه
يلي مالحگـــــت اشيلنـــــــك بديــــــه
صور حيدر والحسن نفس الضحيــــه
وتالي يفجعنه مصاب الغاضريـــــــــه
جن وإنس تنحب..مضلومه يازينب
صوت....يخوتي منهه ايتعالـه
روح....ماشفت حظني ودلاله
ـــــــــــــــــــــــــــــــــــــــــــــــــــــــــــ
روح يوليـــــــــدي يمحسن الله ويــــاك
انت موغايب ييمه واگعــــــــد اتنــــاك
هيه چم ليله يغالي وباچــــــر الگـــــاك
وننتظر يطلب المهدي ابدمي ودمـــــاك
يامحسن وندعي..عاللي كسر ضلعي
غاد....محكمة رب العدالـــــه
روح...ماشفت حظني ودلاله
@hussein889

#قصائد_استشهاد_الزهراء_ع


🥀الســـلام علــﮯ المكــسور ضلـ؏ـها🥀


أمي أمي/أم سوالف دافيه
أمي أمي/أمي هيه العافيه
أمي أمي ★★★★ أمي أمي
÷÷÷÷÷÷÷÷÷÷÷÷÷÷÷÷÷÷÷÷÷÷
شايله أمي كلب كلش حنين
لو تروح منين الكه منها وين
تبچي من تسمع مصاب أم الحسين
مثل ما زينب بچت وأم البنين

أمي أمي/تنصب أعله الزهره
أمي أمي/مجلس وبي تقره
أمي أمي ★★★★ أمي أمي
*
يل رضه الباري ييمه من رضاچ
يل ضوه عيوني ييمه من ضواچ
شلون لو هالموت يايمه خذاچ
أنه أموت وداعت عيونج وراچ

أمي أمي/ نظرتچ تحييني
أمي أمي/من الألم تشفيني
أمي أمي ★★★★ أمي أمي

إلي فاكد أمه شله بالحياة
خله يدعي الباري يلفيه الممات
الله كرم أمي بأنواع الصفات
لجل عينچ يمه مقبولة الصلاة

أمي أمي/لله بيها أتوسل
أمي أمي/كل دعائي يقبل
أمي أمي ★★★★ أمي أمي

أعتذر لو صوتي عليته عليچ
سامحينى أنطيني أقبلها الأديچ
بروحي يايمه وحياتي أشتريچ
أني أدري تسامحيني أدري بيچ

أمي أمي/بروحي لوخليها
أمي أمي/والله ماوافيها
أمي أمي ★★★★ أمي أمي

إلي ترضه أمه يطب جنة عدن
شلون لو ترضه عليه أم الحسن
أكبالچ ذنوبي يبت طه أجن
بنظره منچ أدري كلهن ينمحن

أمي أمي/الله كلشي أنطاها
أمي أمي/ شافعه خلاها
أمي أمي ★★★★ أمي أمي

دكول أسماء أويه فظه الخادمه
الخيط من نور الزچيه نلظمه
لعنة الله عالعصابه الآثمه
والله يلعن من سطر خد فاطمه

أمي أمي/هيچي زينب صاحت
أمي أمي/ بويه أمي طاحت
أمي أمي ★★★★ أمي أمي
======================
الشاعر (أسعد الكريعاوي )
@hussein889

#للسيدة ع

『🕸 ┇❃..⇣┝🖤🎼┥⇣..❃┇ 🕸』

نقشت حروف اسمج ع جبين اوسام
اومامحتاج بعد الكل عناويني

ما تضيع الروح بزحمة ظلام
ولااهدر بغيرج زينب سنيني

ماتنزل دمعتي بغير طاريج
وحكج لا بس انتي أحتويتيني

بيه كلشي يتلاشه اذا انساج
وارد اتذكرج وانتي تلميني

يازينب انتي الله شكبر طاريج
والله أحروف اسمج تارسه العيني

اسولف بيج يالبيج الفكر مشغول
والحسبات ليل انهار ترجعني اوتوديني

بعيون البصيره دوم اصدن ليج
ياهيبة علي ياعزت أحسيني
بيج اسولف للأبد أبحبج لساني نشد
منج اطلب المدد
انتي روحي وكل كياني
بدون زينب ياهو اني

منج اطلب المدد بحبج لساني نشد

يازينب يازينب يازينب

『🕸 ┇❃..⇣┝🖤🎼┥⇣..❃┇ 🕸』@hussein889

﴿❥✍.. .. ✿ُالشاعره
ام رائد

اماه يازهراء اماه يازهراء
&&&&&&&&&&&&
من وجه حيدر صور اول علامة
راحت الزهرة بعد اخر كلامه
من بعد عينج اسف صرنه يتامة
والفكد وجهج ترة يعيش ابملامة
اقيموا معي العزاء
اماه يازهراء
&&&&&&&&&&&&
صحنا ع الدنية العفة بعد الحبيبة
دارج الوحشة صفت بيه رهيبة
احنه واصغار اليتم عشنة المصيبة
بلكت السافر يرد الله اليجيبة
نرفع له النداء
اماه يازهراء
&&&&&&&&&&&&&&&&
تارس عيوني الدمع فارشلي ونها
سطره اشاهد ع الجفن احمر جفنها
صدك امي ياعلي ازرك متنها
ياترب يقبل غطه يجرح دفنها
ناحت لها السماء
اماه يازهراء
&&&&&&&&&&&&&&&
دار الاحزان وصبح دار المآسي
غابت امه ياعذر يقنع احساسي
لسه نظراتج بقه شايلها راسي
يمة اشمن ياهوة تغصه انفاسي
في حيرة البيداء
اماه يازهراء
&&&&&&&&&&&&&&&
شلون حالك ياعلي من ودعتهه
وانت بيدك غسلتها و جفنتهه
شكال جتفك ياعلي من شيعتهه
الزهرة نادت ياعلي لا مسمعتهه
جرت منها الدماء
اماه يازهراء
&&&&&&&&&&&&&&&
العمر دمعة العمر لوما اظن يجوني
اني وبيا ذنب من عدهه امنعوني
يمة يذبحني الهجر من فاركوني
موتي احله امن العسل بيج ادفنوني
عمر الجرح بكاء
اماه يازهراء


@hussein889

فاركتني فاطمة والكلب ذاب
فاركتني وابتدة ليل العذاب
فاركتني .....فاركتني
******************
آ ه يوم الفاركت زهرة حياتي
البيها دافن بسمتي حلم امنياتي
فاطمة طعم الهجر احسه بلهاتي
بيت الاحزان انبنه بهم نايباتي

ياعذابي من رحل نور الوديعة
ياعذابي ضاكت الدنية الوسيعة
فاركتني ....فاركتني
*******************
اني ابو الحملة انهدم يمج كياني
القالع الباب اختله بعيني زماني
دهري راواني العجب موتي اجاني
ياعمر راح انتظر كلشي جفاني

حيدر اني بدنية الضيع خليلة
حيدر اني ودعت روحي النحيلة
فاركتني ...فاركتني
*******************
نور قدسي من السمة الزهرة الزجية
يـاحـنان الـدنـيـة رازق ربـي إلـيـة
غـيبـوا نـورج عليّ بـذيـج الـمنية
كـسرة ضلوعج جمر نـزلت عـلية

كل وجودي رايح لكسرة ضلوعج
كل وجودي انذبح بنظرة دموعج
فاركتني ....فاركتني
*******************
اعرف الفاكد محب يذبح صباحة
يشتهي موته يجي وبموته راحة
الفـكد فـاطم نعم تكثر جـراحة
تغفة عينة بالدمع وبهم نياحة

ماتردلي تَجاوب الدمعات بية
ماتردلي ايام عمري فاطمية
فاركتني ...فاركتني
******************
مدللة كلب النبي هاي ام ابيها
تآنسة يوم المحن يشرح حجيها
يـندفع باب النبي صعبة عليـها
الحرك بابج غداً حسابة بـديها

روح طة يوكع المحسن طفلها
روح طة مختلف شاحب شكلها
فاركتني ...فاركتني
********************
فـاطمة بـكل قل هوه ونج اسـمعة
والله لو عمري خلص يلزهرة دمعة
مايكفي حك ضلع لو اشعلة شمعة
من اذكر مصابج اون للسمة السبعة

ياغربتي ابأيدي دافنها الحبيبة
ياغربتي عايش احساس المصيبة
فاركتني ....فاركتني

خادم الحسين / علي موفق القزاز

من باب الزجية
تبدي الغاضرية
بداية خلق الدموع
جلمة ياسبية

من الباب انولدت صوره
رسمتهه كلوب المكسوره
ظلعين وحرمة بلا خيمة
صعدت ع التل بس مجبورة

جف الدفع باب السمه محضرلهه
ومبينه نيته البلكب شايلهه
كسر ظلوع الزهره بس جملهه
بالطف عقيلتنه احترك محملهه


•••••••••••••••••


الثكيلة والخفيفة
ودموع العفيفة
كل لجمة ومعانات
من فعل السقيفة

كل دمعة اتصب وكل ثغبة
ضيم اهل البيت بيا رگبة
الاول والثاني بفعلتهم
ضعن الله اطشر بالغربة


بدولتنه باجر كل وجه يتلاگة
اليتجاسر ومد ايده نكسر ساگة
طعم الهضم بس الجسر ما ضاگة
لازم الثاني انصلبه فوك الناگة


••••••••••••••••••

يادمعة التشافي
كلب بجروحة دافي
بعدنه بحرگة الباب
وطلع خدر الله حافي

ياضيم المجروح بخدرة
صبر الدنية شويه بصبرة
ياهو الشاف اخته اعله الناگة
وهوه الشاف ظلوع الزهره


كلب الحسين شكبرة شاف الحاله
شاف امه مكسورة وسبيه اعياله
حدر السقيفة تخطط الكتالة
دفعو الباب وهجمت الخيالة

••••••••••••••••••

مصيبة اتجر مصيبة
وجرحنة انهد نحيبة
بقت بس هاي الدموع
تسولف ع الغريبة


من الباب لذيج الغربة
واحدنه شكد شايل كلبه
نساعد كلب المهدي بدمعة
ومنتضرينه ونبجي بدربة

يامدرك الثار الجرح ما ينشل
وكل السوالف يم غربتك تذبل
اعذرنة اذا بس للدمع نتوسل
عدنه ضلع باب وضعن فوك التل


••••••••••••••••••@hussein889

#حيدر_شايع

يمه يمه يمه وينچ باي مگان
يمه يمه خالي بيتچ من زمان
يمه يايمه اليتيمه
صارت تبچي الهضيمه
يمه يمه يمه يمه

***********

يمه انه زينب بنتچ شلون بالله تهاجريني
تدري بيه ماحمل فرگه بالله يمه گلميني
عوفي گبرچ يمه هسه والى زينب دليليني
مالي گوةيمرني طيفچ تدري بعدچ تجرحيني

رحتى رحتى ٠رحتى عنه وماتجينى
رحتى رحتى ٠بعد گلبي تجرحينى

بعدچ احنا في العذاب يمه تدري بالمصاب

يمه يمه *يمه يمه

***************
كسر خاطري يمه ولدچ من گعد يشم العبايه
وانه وحدي اصرخ وابچي گولي يمه أنت جايه
لا تگولي يمه رايحه وغربت روحي مشايه
بيتي مظلم وحشه داري لا تجي زينب ورايه

روحي روحي يمه ماتحمل عِتاب
روحي روحي تدي يمه بالمصاب

دارچ يمه بالحزن وحشه ليلي من يجن

يمه يمه يمه يمه

****************

يمه بابچ يضل شاهد اودفعة الباب الأليمه
وجرو يمه اعلى بابچ او نار تسعر ياجريمه
كسرو يمه الوصيه والضلع والله عظيمه
شكوتچ لله اونبيه ابعصرة الباب ياهظيمه

عيشتي عيشتي يمه گلچ ظليمه
عشتي عشتي شابه و تموتي هظيمه
بغيبتچ يمه بچينه رحتى عنى وماتجينه

يمه يمه يمه يمه

**************

@hussein889

قصيدة مقدمة مجلس في رثاء فاطمة الزهراء عليها السلام


وينه اليواسي الزهراء خل يحضر ابمأتمها
هنياله والله وربحان الگضّه العمر يخدمها
----~~~~----

بضعـة مُحَمّد ياناس رب العـرش شرّفــها
غير النبي واهل البيت محّد گـدر يعرفـها
ام الحسن آيـة نـور مو كل بشـر يوصفــها
والــدها سيـد الأكــوان وامّ الـمـكـارم امها
هنياله والله وربحان الگضّه العمر يخدمها
----~~~~----

كلّش حنينـه الزهــراء شيعتـها ما تنســانه
بالمجلس ويانه تنوح طول الدهر حزنــانه
احنه بعنايتـها انعـيـش ام الحسن ترعــانه
هاي الحقيقة وهيهات عـنّ البشـر نكتمــها
هنياله والله وربحان الگضّه العمر يخدمها
----~~~~----

أمنه الزچيــة الزهــــراء ليليّـة تـتـفـگـدنه
لو طحنه بالشده نصيح يافاطمة تساعدنه
ويّـاها نبقـه وهيهــــات جور الزمن يبعدنه
الله بعظمّتـه الرحـمـــان ام الحسن عظّمـها
هنياله والله وربحان الگضّه العمر يخدمـها
----~~~~----

تعرفنه احنـه الخــدام نـذكـرها ما ننساها
بضعـة نبينـا المختــار طـول العـمـر ويّاها
ما نخشه منّ الأهـوال يوم الحشر بحماها
عالخدموا الزهره النار رب العرش حـرّمـها
هنياله والله وربحان الگضّه العمر يخدمها
----~~~~----

نـتـبــرّه من كل ملعون اذّه الزچية الزهره
وبلاذنب خلف البـــاب عصروها امّ العتره
ليوم الحشر ما ننساه ظلع الزچيّة وكسره
يغضب عليه رب الكون ومايرحم اليظلمها
هنياله والله وربحـان الگضّه العمر يخدمها

سيد زيد الفحام
__________________________
@hussein889

قصيدة نزلة في رثاء فاطمة الزهراء عليها السلام


رافضيــه رافضيـــه
احنه عشاگ الزچيه
~~~~~~~~~~~

احنه ماننســه الزچيــه للحشــر ويّاها
نلعـن الصـوب ظلـعـــــها نلعـن الأذّاها
فاطمه الله اصطفاها رحمه من سواها
وحنه شيعتها الروافض نرفض العاداها
نقســم برب البريــه
احنه عشاگ الزچيه
~~~~~~~~~~~

رافضيه ومانبايع ناصبي وسفياني
بس علي والينه يبقه مانبايـع ثاني
گرّب المهدي يجينـه يالتعـانـد تاني
ألّا ناخـذ ثار فاطـم ماتضـل اتعـاني
سمعوا صوت الجعفريه
احنـه عشــاگ الزچيـــه
~~~~~~~~~~~~~

يالتبغضـون الزچيــه احنـه نتحـداكم
لا تـظنــونـه نسينـــه النـه ثـار ويـاكم
شيعه تدرون بطبعنه احنه مانخشاكم
لو ظهر مهدي الروافض ياكتر منواكم
عدنه ثوره مهـدويه
احنه عشاگ الزچيه
~~~~~~~~~~~~

باچر المهدي يجيكم يالكفرتوا بهايه
يالثـارات الزچيــه تنكتـب عالـرايــه
اية الله المهدي هوه ذولفقــاره الآيه
يبقه ثار امّه وظلعها مطلبه والغـايه
اي وحگ حامي الحميه
احنـه عشـــاگ الزچيــه
~~~~~~~~~~~~~~

بالليالي الفاطميه احنه جينه نعــاهد
للزچيــة ولمـحـمـد يبقه حيــدر قائد
والله مانترك محبته لو نظل بس واحد
فاطمة تبقه الاميرة رغم انف الحاقد
ماتخــوّفنــه المنيـه
احنه عشاگ الزچية
~~~~~~~~~~~~

فاطمة السر الإلهي وحنه شيعة فاطم
نوصل ونبني گبـرها من يجينه القائم
نفنـي كل الناصبيـه مايضـل كل ظالم
واليشـك بهالحقيقـه نگلّه انت الواهـم
يشهد البــاري ونبيه
احنه عشاگ الزچيه

خادم الزهراء عليها السلام
سيد زيد الفحام
_________________________________ @hussein889

قصيدة في رثاء فاطمة الزهراء عليها السلام


بويه گلبـي مجمور استـمـع ونيني
بويه ظلعي مكسور وفگدت جنيني
آه. خدي المنسطر
آه. ظلعي المنكسر
____________

ياوالـــدي سيـد الرسـل اشـكيـلـك عليّة الصار
لـمّـن غـبـت عني ومتت هجـمـوا عليّة الأشرار
هتكوا حُـرمّتـي بلا ذنب والبـاب حـرگـوها بنار
عصروني بالباب وطحت ظلعي انكسر بالبسمار
آ يظلـعـي ناديت والنذل سطرني
ناره تحرگ البيت بويه ما رحمني
آه. يچويني الجمر
آه. ظلعي المنكسر
________

لـمّـن عصـرنـي الناصبي ظل يـدفـع عليّـة البــاب
حدما كسر ظلعي النذل والمحسن اوليدي انصاب
ايد عله ظلعي المنكسر وأيـد لزمت بيــها حجـاب
محسن وگع مني وشفت متخضب بدمه خضــاب
ما صحت يكرار. بالوصيّـة ملــزوم
ما يسل ذولفقّار. والجرالي محتوم
آه. اذّانـي الصبــر
آه. ظلعي المنكسر
_________

للمسجد اخذوا حيدره وعافونـي ابچي بهمّي
اتعثّر ابجدمي اطلعت ومن ظلعي ينزف دمّي
أصرخ وصيح بدمعتي خلوا الوصي يـرد يمّي
ردلـي العبـد ياوالـــــدي بالسـوط ورّم جسـمي
عـذّبـوهـا بجفـاك فاطمة العفتها
مُنيتي كون وياك دنيا ما ردتــها
آه. نـاديـت شكثـر
آه. ظلعي المنكسر
__________

عشت الليالي ابغيبتك ياوالـــــدي بس آلام
كل لحظة اتمنّه الأجل بعيوني سوده الأيام
فاطمة الچانت زهرتك ذبّلــها جـور الظــلّام
دنيايه بعـدك مظلمه واصبح غريب الإسلام
هـذا حـالي ياريـت ميته وي مماتك
ابچي وحدي ظلّيت من بعد حيـاتك
آه. ما ريــد العمـر
آه. ظلعي المنكسر
__________

گـلـت لعـلـي ياوالـــــدي يبنيلي بيت الأحــزان
حتّى ابقه ابچي لوحّدي ماريد اشوف العدوان
ظلينـه بـويـه بـلا سنـد كلش قليلـه الصحبــان
ما بايعـوا بعـدك عـلي اخـذوا مكـانه الشيخـان
شـلـت اديّــة لله للاجل دعائي
موتي صرت اتمنّاه ما ردت بقائي
آه. من جرح الغدر
آه. ظلعي المنكسر
____________

وصّيته حيدر لو متت يغسّلنـي ويكفّـنّـي
بالليل وصّيت الوصي مـن يطلـع يشيّعني
ما ريد من اهل الظلم خلف النعش يتبعني
ويخفي الگبر ياوالدي وصّيتـه مـن يدفنّي
گبري عنهم اخفيـه ياعلي وصيتي
والسبب تظل بيــه تـنـذكـر رزيتـي
آه. حزني المستمر
آه. ظلعي المنكسر

سيد زيد الفحام
________________________________ @hussein889

قصيدة وداع بين فاطمة الزهراء عليها السلام وامير المؤمنين علي عليه السلام


وداعاً ياعلي يابالحسن
وداعاً ياعلي يابالحسن
____________ 1

فاطمه وزهرة حياتك ياعــلي مسمّيني
صادروا منّك حياتي وعشرتي وسنيني
الليله آخـر ليله باچـر ما تشوفك عيني
إقـتـرب ما ريـد فاصل بينــك ومابيني

يحيدر چنهن أيامي گضن
وداعــاً ياعــلي يابالحسـن
_____________ 2

فاطمه الزهره الزچيّة العيشتني بروحك
الليله آخر ليله يمّك خل اداوي جروحك
ياعلي لا يجري دمعك كافي بطّل نوحك
خايفه عليك بغيـابـي مثلي تطلع روحك

سريعاً جتّك ايّام الحزن
وداعـاً ياعـلي يابالحسن
_______________ 3

عشنه آنه وياك فتره امن العمر محلاها
فـتـره بيــها ايّـام حلـوه لا تظن انساها
لـكـن الحُـسّــــــاد رادوا ما نظـل ويّاها
صوبوني وطاح طفلي وآنه بضعة طه

مصيبه عينك وعيني بچن
وداعــاً ياعــلي يابالحـسـن
______________ 4

سـاعـة العـصـروها ذبلت زهـرتـك يالغالي
عـمـري عُـمـر الورد لـكـن شـيّـبـت يالوالي
انـظـر لحـــــالـك يحيـدر لا يـهـمّـك حـالي
كلشي فدوه يروح لجلك يبقه راسك عالي

سلاماً. ياعلي كافي تون
وداعاً ياعلي يابالحسن
______________ 5

گلـها يازهــــراء عـمـري ما أريـده بدونچ
اصبـر شلـون واشــاهـد فاطمه يظلمونچ
تغفه عيني شلون ونتي تجري دم عيونچ
ظلعـچ المكسـور يـنـزف والألـم بـمـتـونچ

رجائي لا تگـوليــها علن
وداعـاً ياعلي يابالحسن
_____________ 6

مو سهل تـوديـعــــك ادري ياعلي يأذّيني
لو مـتـت شيّعنـي بيـــدك لـلـگـبـر ودّينـي
ياعـلي وبالليل أريــــــدك وحـدك تواريني
والغصب حقّـي وظلمنـي لا يجـي يعزّيني

وصيتي. آخر الليل اندفن
وداعــــاً ياعلي يابالحسن

سيد زيد الفحام
______________________________ @hussein889

نعي
لسان حال الزهراء عليها السلام

يشيعة حيدرى نوحو عليه
راح احجي مصاب الصار بيه
###############
ماترهم عله حالي الاوصاف
جرحي اشعظم جرحي صعبه يراف
اصحاب السقيفه ماهم اشراف
ظلموني بعد سيد البريه
###############
اباب الدار جومة حطب جمعوه
وبيت الامامه بحقد شعلوه
وصدري بنبتت البسمار اذوه
الألم يكتل الباب التج عليه
###############
بنت المصطفى بس مارعوني
وكع حيلي بعجل يوم اعصروني
عله العتبه طحت منخطف لوني
ودموعي عله الوجن ظلت جريه
###############
الثاني بكل وقاحه بيوم عتني
وقنفذ بالحقد من ضرب متني
كوم الناصبه وليه ولتني
زمره ناصبيه وعوجيه
###############
صحت وينج يفضه بعظم المصاب
محسن من وكع يم عتبة الباب
سترني الباب وانا بين الاجناب
مذهولة فكر بعظم رزيه
###############
يشيعه بسوطهم عيني اسطروها
وفدك ياشيعتي من خذوها
باعو كل ذممهم من خذوها
اهل دنيه نسو امر الوصيه
##############

كل شي بمر رب الكون طفلي
يقبل ياشرع ناظري طفلي
وعله العتبه غصب من وكع طفلي
وكسر ضلعي وسطرني ابن الدعيه
###############
محسن من وكع بدماه ماييت
احس الارض بيه بساع ماييت
وينك ياعلي الكرار ماييت
تشاهد حالتي والجرى عليه
###############
الخادم عبدالمعين الشمري
@hussein889

لسان حال الموالي يقول

شرف خادم اظلن للزجيه
قسم هذا العهد حد المنيه
₩₩₩₩₩₩₩₩₩₩
نفوز بخدمتج مولاتي كل حين
وحك عباس تحسدني السلاطين
رغم كيد النواصب والملاعين
متباهي بخدمتج تاج اليه
₩₩₩₩₩₩₩₩₩₩
ورغم كلي جرح بس صوتي مامات
لأني بخدمتج اكطع مسافات
عهد وي دمي يازهره الشعارات
الحمدلله شمرتي النور بيه
₩₩₩₩₩₩₩₩₩₩
رحمه ومفخره هاذي الخدامه
هويتي الخاصه واكبر علامه
من يذهب خيالي للقيامه
يصور وكفتج حبج هويه
₩₩₩₩₩₩₩₩₩₩
عظيمه بهولهه وكفت الميعاد
صدك لاينفعك لامال لاولاد
بس حبج فخر ياتاج الاسياد
لغز حبكم يحل اكبر قضيه
₩₩₩₩₩₩₩₩₩₩
حكي عيوني ابجي موش الدموع
وحك موبس ضلع اكسرلج ضلوع
لان حبج بدمي موش مطبوع
ومنج انتظر اكبر هديه
₩₩₩₩₩₩₩₩₩₩
الخادم عبدالمعين الشمري
@hussein889