نعمة الله الضهر بالخيل سحگـوها
شيلت الزهره صوب الشام ودوها
مشه ضعن الفواطم
متنـــــهن بي علايم

السمه اعله الگاع..يذبــهه الله
ويردهه ال الله ابو الاكبر
بضهر عاشور..انذبح بالسيف
علي والجامع ايكبر
الا من ماي..يضوگه حسين
شفافه ضلت اتفطر
خيرت الله العطش ذبل معانيهه
الله بالناس جهنم راد يچـــفيهه
دعاء امن الهواشم

دفع بيبان..حرگ صيوان
يمهدي اشگد بعد تحمل
العرش مختاض..يهيل اتراب
الخيم ماتطفي بس تشعل
استحى جبريل..بچه عزريل
على زينب دمع يهمل
شمعنه ياماي تركت الخدر عطشانه
حسين لو شايل ايده الگاع غرگانه
بخت بحسين نايم

يثار حسين..الجفه اشجندوب
شتسولف ويه روحك دوم
يبو صالح..عليك العين
تراقب يمته بلكي اتگوم
الضعن من سار..اخذ منك
بحياتك ماعرفت النوم
امحمل اوجاع تصد الحال عــــماتك
تارس الهيمه بواچي ادخيل دمعاتك
شعورك وين هايم

بعتبت الباب..عثرت ام عون
قصر ماشايفه وشافت
لون ينگال..حچي الشمات
عمايمكم اضن طاحت
يهل زينب..خذو زينب
بعيده الكوفه من راحت
رايه حمره اعله كل الساده علگــوها
بسم الحسين شكو مشيات رفضوها
لحد طلعت القائم


بعد زلمه..بدون اچفوف
اخو زينب فده الخوه
گمر عدنان..ابن هاشم
كفيل الخيمه والنسوه
النهر مطلوب..اله مديون
ولاترهم عليه عطوه
اتبده من ايده عطش حرمت الزهره
خله زينب مشت للشام متيـــــــسره
بقت عينه وراهم

*شاكر الصيمري*
@hussein889

#قصيده #لرحيل ام ابيها ع

───✤◐►🖤◄◐✤───

عله فراكج ييمه الروح حزنانه
وين ام المحنه الجانت وآيانه

───✤◐►🖤◄◐✤───

اون عليج يمه الليل مانامه
روحي لشوفتج كل لحظه محتامه
العمر مايسوه بعد لاتسوه ايامه
عليج الكلب يمه دوت نيرانه

───✤◐►🖤◄◐✤───

بعد شخص الحنينه لينه شيعوده
عليها يهل دمعنه الروح ممروده
وسفه الغاليه من الدار مفكوده
عمه الناظر جفاها وحيل اذانه

───✤◐►🖤◄◐✤───

وين ام المحنه الوكت وداهه
بعدنه بعازت امنه شلون ننساهه
خالي مكانها ماهيه بت طه
بغياب ام حسن ضلمت دنانه

───✤◐►🖤◄◐✤───

نطوف بدارها وتهل دموع العين
نصيح بصوت يمه علينه متردين
مانكدر عله فركاج مو تدرين
من شوفتج وسفه الدهر حرمانه

───✤◐►🖤◄◐✤───

شلتي والنزل ضل موحش اوخالي
ييمه عليج غالي ينشد الغالي
ردي يم حسن لينه اوتعالي
فلا يبطل وحك عينج بجانه

───✤◐►🖤◄◐✤───

خطت هذي الكلمات بقلم الخادمه ام ايسر الخزعلي

───✤◐►🖤◄◐✤───

"""""حماااسيه للزهراء"""""
_ __

عليج يازهراء مدمعنه يسيل
ننسه كسر الضلع لا بل مستحيل
يازهراء يازهراء يازهراء

**** ......................****
لا وحق طاه واملاك السمه
لا وحق حيدر حماي الحمه
مانسينه كسر ضلعج فاطمه
عليج تهمل المدامع من دمه
ومن ندك اصدورنه لجلج قليل
يازهراء يازهراء يازهراء


شلون ننسه الضلع ونهون المصاب
الج من كل شيعي يالزهره الجواب
عهد هذا بدمعته موقع الكتاب
يصرخ باسمج لو تحت التراب
يالمصابج نار تسعر بالدليل
يازهراء يازهراء يازهراء



شلون ننسه اومايهل لجلج دمع
نهون الصطره لو كسر الضلع
شلون نتصورج بذاك الوضع
الصدر للبسمار سويتي درع
ولجل حجابج ضحيتي بطفل
يازهراء يازهراء يازهراء



يالي خلف الباب لذتي بلا خمار
وانتي بيج الكون كله يستجار
شلون بابج فاطم ادفعه الاشرار
وحيدره مجتوف ماسل الفقار
الوصيه مجتفه حامي الدخيل .
يازهرا ءيازهراء يازهراء


الشاعره العلويه ام رائد زوين


@hussein889

#نعي_لسان_حال_ام_الشهيد
=====•••===••••••=====

عريس وليدي وللگبر زفيته/

بدال الملبس دمع طشيته/

عدل مامات گلبي نهجم بيته/

وشلون ريع الگلب فارگيته/


〰️〰️〰️〰️〰️〰️〰️〰️〰️〰️
بعمر الورد يبني وفارگاني/

خذاه الموت مني و عذباني/

ضمه بلحد يا وسفه وعماني/

يريت الموت وياه خذاني/

〰️〰️〰️〰️〰️〰️〰️〰️〰️
يريت الموت يمه گبله دفني/

اه يمه وكون گتالك گتلني/

يمه الموت أليه وانت متهني/

منك يالولد يمه انگطع ظني/
〰️〰️〰️〰️〰️〰️〰️〰️〰️〰️

صارت طلابه وگعد ديوان/

مجانك يالولد يا وسفه خلوان

يمعدل الميله ويحجي بوزان /

يهابه العدو وبيه المحب فرحان/

〰️〰️〰️〰️〰️〰️〰️〰️〰️〰️

وسفه شواربكم على الطين/

اه يمه
يسباع يرجال الميادين/

يالكلكم شيم ياهل الدواوين/

ااه.
يسلوة زماني ويا ضوه العين/
〰️〰️〰️〰️〰️〰️〰️〰️〰️〰️


#تــمــت_بــعــون_الله
10/12/2018

#بـــــقـ✍️ــٰلم

#خــــــادمة_الزهراء_ع_
#ام_كرار_الطائيه

@hussein889

ٰ:
#قصيده_في_حق_السيده_فاطمه_الزهراء_عليها_السلام
------------
على لحن اجينه ننشدكربله مضيعينها

-------------------------
_______________________________

اه يادار الزجيه وينها
ابنار تسعردارها امخلينها
—----------_💔------------
صدگ حرقودارها دار الرسول=
بحكم ظالم صگطو طفل البتول=
وين عنها صار يافحل الفحول=
علمصيبة الزهرة الله ايعينها

اه يادار الزجيه وينها
ابنار تسعردارها امخلينها
_💔___
للضلاله اجتمعت اصحاب السقيفه
و عمر وصحابه قض بالحقد حيفه
يطب دار الما يطبها غير ضيفه
وفاطمه احقادهم وهظم ساقينها////
اه يادار الزجيه وينها
ابنار تسعردارها امخلينها
_💔____
مار عوا وصه النبي ابضعته
كسروا ضلوع الزجيه صحبته
عالعين صبحت ظالم صطرته
دفع باب ومارحم بجنينها
اه يادار الزجيه وينها
ابنار تسعردارها امخلينها
____💔_______

احركوا دار البيها انوار اليقين
الحسن بيها الدار وياه الحسين

والوصي ذاكه امير المؤمنين
وزينب امها صاروا اماذينها
اه يادار الزجيه وينها
ابنار تسعردارها امخلينها
_💔_____
فاطمه تبچي بحزن فقدت طفلها
الصحابه بيوم اسود هاجمتها
اشذنبها الزچيه اشذنب عدها
ياحسافه مارحمها بينها
اه يادار الزجيه وينها
ابنار تسعردارها امخلينها
____💔_______
ٱه يابغض السقيفه وصل حده لكربله
ابقتل سبط النبي وسبي العايله
وينه وين العدل يوم المايله
احقاد عدهم رجعوا امبيتينها
اه يادار الزجيه وينها
ابنار تسعردارها امخلينها
____💔______
#تــمــت_بــعــون_الله

#بـــــقـ✍️ـــلم
#خــــادمة_الزهراء_ع
#ام_كرار_الطائيه
@hussein889

#الليالي_الفاطمية
#زينب_والزهراء


يمه رحتي... من اديه
يمه الفراك... شسوه بيه
ونّتي اتطر السمه....عكبج آنه ميتمه
يالزجية

...

يمه لو تدرين لمن شبت النار
اسمع اصوات اللهب جايينه خطار
يمه كمت ابجي و اونن عاللذي صار
شفتج تنادين بوية اه يمختار
صحتي بوية.. مارعوني
شبو النار... و اضربوني
والصدر ينزف دمه.. عكبج انه ميتمة
يالزجية

....

يمه شحجيلج بعد عاللي هضمني
ريته لا شافته عيوني وسمعت اذني
صوت الضلوع التكسرت المتني
وسطرة الجاني عله خدج هدمتني
بعصرة الباب... هالرزية
سكط محسن.. هالمسية
مصابج يهد السمه... عكبج انه ميتمه
يالزجية

...
يمه ماشفتيني انحب و اهمل العين
جي تصد عينج بقت يم ابو الحسنين
بونتج صحتي اخذتو حيدره وين
خلو عنه و فكو كيده من الايدين
يجري دمعج ... ويه دمج
انكسر كلبج... ويه ضلعج
من خذو حامي الحمه... عكبج انه ميتمه
يالزجية

...

بعد موقف فطر كلبي و طرّه نصين
وانتي بين الحايط و بابج تلوذين
ايدج الما مسهه ضيم بكل السنين
صافحت سوط العدو والونه صوبين
ونتج يوم... هدت جبال
منعت النوم... و الضلع مال
من سطرته مألمة... عكبج انه ميتمه
يالزجية

...

ها يزهرة شحاله خدج شفته أحمر
لجن هالحمرة عجيبة بيهه جم سر
بيهه تبدي الأمة بينه يمه تغدر
جي تجرأ من هجومه بيده يسطر
يمه خدج... يحمل هموم
مو عجيبة... ينزف دموم
هالقضية الحاسمة... عكبج انه ميتمة
يالزجية

๑๑๑๑๑๑๑๑๑๑๑๑๑๑๑

✍🏻ذكرى الخفاف

@hussein889

#الليالي_الفاطمية
#زينب_والزهراء


يمه رحتي... من اديه
يمه الفراك... شسوه بيه
ونّتي اتطر السمه....عكبج آنه ميتمه
يالزجية

...

يمه لو تدرين لمن شبت النار
اسمع اصوات اللهب جايينه خطار
يمه كمت ابجي و اونن عاللذي صار
شفتج تنادين بوية اه يمختار
صحتي بوية.. مارعوني
شبو النار... و اضربوني
والصدر ينزف دمه.. عكبج انه ميتمة
يالزجية

....

يمه شحجيلج بعد عاللي هضمني
ريته لا شافته عيوني وسمعت اذني
صوت الضلوع التكسرت المتني
وسطرة الجاني عله خدج هدمتني
بعصرة الباب... هالرزية
سكط محسن.. هالمسية
مصابج يهد السمه... عكبج انه ميتمه
يالزجية

...
يمه ماشفتيني انحب و اهمل العين
جي تصد عينج بقت يم ابو الحسنين
بونتج صحتي اخذتو حيدره وين
خلو عنه و فكو كيده من الايدين
يجري دمعج ... ويه دمج
انكسر كلبج... ويه ضلعج
من خذو حامي الحمه... عكبج انه ميتمه
يالزجية

...

بعد موقف فطر كلبي و طرّه نصين
وانتي بين الحايط و بابج تلوذين
ايدج الما مسهه ضيم بكل السنين
صافحت سوط العدو والونه صوبين
ونتج يوم... هدت جبال
منعت النوم... و الضلع مال
من سطرته مألمة... عكبج انه ميتمه
يالزجية

...

ها يزهرة شحاله خدج شفته أحمر
لجن هالحمرة عجيبة بيهه جم سر
بيهه تبدي الأمة بينه يمه تغدر
جي تجرأ من هجومه بيده يسطر
يمه خدج... يحمل هموم
مو عجيبة... ينزف دموم
هالقضية الحاسمة... عكبج انه ميتمة
يالزجية

๑๑๑๑๑๑๑๑๑๑๑๑๑๑๑

✍🏻ذكرى الخفاف

@hussein889

قصيدة في رثاء أم ابيها فاطمة الزهراء عليها السلام


ظلموني يابويه. من بعدك الاصحاب
ظلموني يابويه. دفعـوا عليّة البــاب
عصروا جنيني. وشتد انيني
_______

آنه فاطم بويه احمد. دلّـلـتـنـــي
عـذّبوني ومارعـوني من عفتني
يدّعون اصحـاب بس بعدك ولوني
دفعوا الباب عله صدري وصوّبوني
انكسر ظلعي وصحت يالمختار وينك
يامُحـمّـد ريـتــك اتشــاهـدنـي عينـك
بويه ما تــدري بيه
بعيني شفت المنيه

مجروحه ودمعاتي. يابويه دم تسيــــل
وي ابنـي بمـأسـاتي. يابويه طاح الحيل
مجروحه عيني. وشتد انيني
________

من غيـابك گلبي ذايب يجري دمعي
فوگ حزني صـوّبـونـي آ يـظـلـــــعي
داري دارك آنـه بيــها وحـرگـوا الدار
كلها صارت ضدنه كلها وماكو انصار
عرفوا بأمر الوصيّة علي مچتوف
طَـبّـوا لـداري يبويه بنار وسيـوف
والــــــدي والهضمني
طگني بيده وشتمني

اذّاني ومايرحم. ياوالدي الطاغوت
خـــلّاني اتـألّــم. اتمنّه بويه المـوت
ريتك تجيني. وشتد انيني
________

بلايه رحمه من عصرني طاح ابني
دمّه يجري ودمّي يجري راح مني
بياذنب عصروا جنيني بياذنب مات
يُمّه يالمحسن اصيح واجري عبرات
شلته بيدي ومات بچفوفي وشبگته
بي اثـر بسـمـــار بويه بعينــي شفته
فاطمة وهذا حالي
ما دريت شجرالي

اصحابك اذّوني نوح ودمـع وجـــروح
والمدمع بعيوني. طول الوكت مسفوح
ظلموا بنيني. وشتد انيني
________

بويه وينك من عفتنه ستضعفونه
علي وحده من ينصره حـاربــــونه
ملتزم چان بوصيتك علي الكرار
ما شهر سيفه عليهم دخلوا الدار
والله لو ما امــرك بسيفـــه فناهم
شحدهم يحرگون داري لو اجاهم
علي ريتــك تشوفه
بويه چتفوا چفوفه

للمسجد يردونه. يبايعـهـم الـكـرار
يابويه يقتــلونه. لو يرفض المغوار
أخذوا مُعيني. وشتد انيني
________

تابعتهم صحت بيهم امشي وعثر
خَلّوا عنّه خل يجيني ردوا حيــدر
شلت ايدي للسّمه لرب البريه
خافـوا ورَدّوا علي سالم اليّـه
بويه صَبّرني علي ورجّعني بيده
صِبري يا امّ الحسن لجل العقيده
ظلمه صارت حياتي
تالي گـربـت وفــاتي

ما دامت ايّـامي. بعدك يبويه هواي
من همي وآلامي. لا ما ردت دنيــاي
خلصت سنيني. وشتد انيني

سيد زيد الفحام
________________________________@hussein889

قصيدة نزلة .... في رثاء فاطمة الزهراء عليها السلام


لوما الوصيّة وخـالـق الكـون
لدار الزچيّــة ما تـدخــلــــون
±±±±±±±±

آنـه الأميـر وسيفـي فـرقــان
لوما الوصيّــة والله ما چـــان
تـكـدر تجيـنـي لـداري يفــلان
وصّـانـي طـه بهـــاي تـــدرون
±±±±±±±±±

حيـدر عـلي بالشـده معـــروف
افني اليضدني وسحک الخوف
بأمر الوصيّـة سيــفي مچتـوف
لوما الوصـيّـــة ما تـســــلِـمـون
±±±±±±±±±

آنـه الوصي يـهـل السقيفـــــــه
بـوجـودي اذّيتـوا الشريفــــــــه
ثـار الزچيّــــــــة مـا اعيفــــــــه
لابُـد يجـي اليـوم وتشـوفــــون
±±±±±±±±±

مـو وكتــه هــذا اليـوم ثــــــاري
ضمّـيـتــه الـكـم ذوالـفـقـــــــاري
لـمّــن يــرد ليّــة قـــــــــــــــراري
أظـهـر وحــزّ رگـابـكــــــــم كـون
±±±±±±±±±

يـهـل السقيفــــه لا تـفـرحــــــون
لابُــد يـجـي اليـوم وتـنـدمـــــون
من سيـفـي واللّه مـا تـفــــــــرّون
من عدكم اقتص حقي مضمـــون
±±±±±±±±±±

يـهـل السقيفــــه وعـدكـم اخبــــار
مـن يـظـهــر المــوعــــــود للثـــــار
يـذبحـكــــــم ويـحــرگّـــم ابنـــــار
وعـد الله هــذا وصـار قــانــــــــون

سيد زيد الفحام
____________________________
@hussein889

قصيدة في رثاء امُّ أبيها فاطمة الزهراء عليها السلام


الله أكّــد هيّــه. الراضيه المرضيّه
فاطمة. فاطمة
..........

فاطمة الزهراء معروفه بفضلها
الله بالاكــــــوان ما خالق مثلها
سيّدت كل النسه البـاري جعلها
والنبي المختــــار ربّـاها وكفلها
آيته القُـدسيّــه. الراضيه المرضيّه
فاطمة. فاطمة
.........

الله انـزل عالنبي حكمه وكــلامه
وفاطمه الزهـراء خصّاها بسلامه
اصطفاها البــاري ونطاها الكرامه
أصبحت بس هيّه مصدر للامامه
الشافعه المهديّـه. الراضيه المرضيّه
فاطمة. فاطمة
...........

الراضيه المرضيّه سمّاها الخلقها
من عملها الصالح الباقي وخُلقها
فاطمة بتقواها عاشت وبصدقها
انزل عله النـاس بالقــــرآن حقها
مو مره عاديّه الراضيه المرضيّه
فاطمة. فاطمة
...........

فاطمة الزهــراء معصومة بزغرها
يا مرَه التگـدر تضـاهيــها بقـدُرها
آسيـا ومـريـم ينـهـلـن من بحـرها
أم أئـمّـه ومخفي عن الناس سرها
بالعلم مكفيّه. الراضيه المرضيّه
فاطمة. فاطمة
...........

وصّوا بـحـب فاطـمـة الله ونبيّـه
وحدّث اصحابه النبي سيد البريه
بضعة منّي گـلهم الزهـره الزچيــه
لـكـن الأصحـــاب راووها الاذيّـــه
بالترب مخفيّه. الراضيه المرضيّه
فاطمة. فاطمة

سيد زيد الفحام
___________________________
@hussein889

قصيدة في رثاء فاطمة الزهراء عليها السلام


خلصت بنوح وقهر دنيتـچ يافـاطـمــه
تــارك بوجـهـچ اثـر دمعچ الينزف دمه
.......... 1

فـاطـمـة الزهــراء انتي بضعة الهادي الرسول
شخصچ المكنون سـرّه حارت بوصفه العقول
خصّچ البــاري بـكـرامـه منبـع لـكـلّ الأصــول
الدنيا لو ما سر وجودچ لحظه ما تبقه وتزول

بفضلچ تشيد السور يابتـول العــالـــمـه
تــارك بوجـهــچ اثـر دمعچ الينزف دمه
............ 2

بضعة المخـتــار احـمـد انتي يا أُمّ الحجاب
انتي روحه وبيچ وصّه والدچ كل الصحاب
والإلــه البــــــاري انّـزل فضلچ بنَصّ الكتاب
مـن رحــل عنـچ مُحمّد شفتي انواع العذاب

من عكب سيد البشر. دنيا وحشه ومظلمه
تــارك بوجـهــــچ اثـر دمعـچ الينـزف دمه
............ 3

چـانـوا يعـرفــون قـدرچ انتي آيه من السماء
فاطمة المعـروف اسمــها سيّـدة كـل النســـاء
لـكـن اصحــاب السقيفـه علنـوا عليـچ العـداء
هجمـوا عليـچ بحقـدهـم ونّتي بعـدچ بالعـزاء

والكسر ظلعچ كسر. كلمـة الرافــع سمه
تــارك بوجـهـچ اثـر دمعچ الينزف دمه
............ 4

صحتي خلف البــاب آنه فاطمـــة أم الحسن
الثاني صاح بعالي صوته ندخل لدارچ " وأن "
مـن دفــع بـابـچ تـكـسّــر ظلعـچ وطاح الابن
طحتي وتصوّب جنينـچ والظلوع اترضرضن

وجهچ الغالي انسطر. بچف لعينـه وآثمه
تــارك بوجـهــــچ اثـر دمعچ الينزف دمه
.............. 5

فاطمــة الزهــراء صبـرچ تعجز تحمله الجبال
حيـدر الـكــــرار يـمّـچ وانتي ما صحتي تعال
موصّه وتـقـدريـن امـره هـذا مـو وكت القتال
يامـره المثـلـچ ظلعــــها مصوّب وتصبر محال

للأمـــام المنـتـظــر. ثـارچ الله يســلّمَه
تــارك بوجـهـچ اثـر دمعچ الينزف دمه

سيد زيد الفحام
_________________________________
@hussein889

قصيدة نزلة ... في رثاء فاطمة الزهراء عليها السلام


يزهراء. خادمچ سجليني
يزهراء. ادري ما تنسيـني
..............

حبچ فاطمة وياي
خادم عندچ وهاي .... تكفيني بحياتي
مولاتي وتكـرمين
عبـدچ ما تبخـلين .... يالحبّـچ نجـاتي
ماأخشه اليلومون
أُمري وآنـه ممنون .... ياصومي وصلاتي

يزهراء. بالشــدد عينيني
يزهراء. ادري ما تنسيـني
...........

كل هاي السماوات
بسمـچ تـقـره آيات .... تسبيحچ شغلها
الله ختـــارچ وراد
مصدر كل الامجاد .... من عندچ اصلها
حبچ أصل الإسلام
ومـلاك الله خــدام .... تحت امرچ جعلها

يزهراء. حبّـچ امكفّينـــي
يزهراء. ادري ما تنسيـني
............

بضعة سيّد الناس
مثلچ ماكو تنقاس .... مولاتي ابمقامچ
توفيقي عله ايدچ
مـولاتـي واريــدچ .... تعنينـي بسلامچ
بجاهچ والمقامات
مثلچ نلگه هيهـات .... مسموعه بكلامچ

يزهراء. بالگبـر حضريني
يزهراء. ادري ما تنسيـني
............

بعـد الهـــادي ظلموچ
عمـداً وسفه عصروچ .... اصحاب السقيفه
دفعـوا كلـــهـم البـــاب
طحتي وظلعچ انصاب .... يالزهره الشريفه
حــرگـــوا دارچ بنـــار
چـتـفـوا حامي الجـار .... ناس المو نظيفه

يزهراء. تجري دمعة عيني
يزهراء. ادري ما تنسيـنـــي
..............

ابچي وگلبي مجروح
لجلج دمعي مسفـوح .... وذّكّــر مصــابچ
كسـروا ظلعـچ وطاح
محســن ابـنــچ وراح .... ودمومه عله بابچ
عـمـرچ خلّص آهـــات
مـصـدر لـلـكـــرامــات .... مخفيّـه بتـرابـچ

يزهراء. بالحشر ذكريني
يزهراء. ادري ما تنسيني
..............

مهدي العترة موجود
لابُــد لجــلچ ايـعـــود .... منهم يطلب الثار
الكسروا ظلعچ ثنيـن
منهـــم يـاخــذ الديَن .... يضرم بيهم النار
احنـه احبــابـچ ويـاه
بينـه ايـعـذّب اعــداه .... نـتـجـنّـدله انصار

يزهراء. اخذي كل سنيني
يزهراء. ادري ما تنسيـني


سيد زيد الفحام
_______________________________
@hussein889

قصيدة في رثاء فاطمة الزهراء عليها السلام


آنـه الزچيـة
نوحوا علية
آنه امـكـم فاطمـة تعرفوني
شيعتي وخدامي لا تنسوني
وصيتي. وصيتي
______ 1

بالله يالاحبـــاب ذكـروا الصار بيه
بساعة الاصحاب من هجموا عليه
هـذه خلف البـاب گـالـولـه الزچيـه
"وإن " صاح برفسته شفت المنيـه
عمداً عصرني
بيـده سطرني
صـوّبـونـي بـلا ذنـب اذّوني
شيعتي وخدامي لا تنسوني
وصيتي. وصيتي
______ 2

الله لا ينطي العصرني وصاب عيني
صاب ضلعي بدفعته وطيّح جنينـي
بياذنـب أســأل عجيبـه مـعـذّبـيـنـي ؟
اشـكـي للبـاري الجـره عليـة بونينـي
يارب رجائي
تسمع دعائي
آنـه بضعـة طـه ويظلـمـوني
شيعتي وخدامي لا تنسوني
وصيتي. وصيتي
_______ 3

احيوا امري شيعتي يالرافضيه
بـالـرّوايـــات الثـلاثـه الفاطميه
بلاذنب ظلموني راووني الاذيه
ذوله مو اصحاب چانوا ناصبيه
ذكروا مصابي
ونّـي وعـذابي
عالوجه بعد الكسر سطروني
شيعتي وخدامي لا تنسـوني
وصيتي. وصيتي
_______ 4

بالمجـالـس آنـه ويّه الناعـي انعـه
والبچه عليّة وصرخ بسمي اسمعه
باجـر بيـوم الحشـر احـضـر ونفعه
بـيــدي عـنّ النــار لـلـجـنّـه ارفـعـه
لـمّـن اشــوفه
هيهات اعوفه
عالصراط اهناك من تلگوني
شيعتي وخدامي لا تنسوني
وصيتي. وصيتي
_______ 5

آنه بنت المصطفى الزهره الأميره
خادمي عنـد الله مـنـزلّتـه چبيـره
والله ما يـحـزن ولا يـوگـع بحيره
آنـه مـنّ النـار والمـحـشـر اجيــــره
ينظر مقـامه
جنّة وسلامه
شافعه بيوم الحشر تدروني
شيعتي وخدامي لا تنسوني
وصيتي. وصيتي
_________ 6

يالتـقـيـمـون المجـالـس آنـه امكم
صيحوا يا امّ الحسن ينزاح همكم
باجـر بيوم الحـشـر احضـر ولمكم
لجنّة الله الواسعــة ادّخـلون كلكم
شيعه واحبكم
طيّـب گـلبــكم
وبجهنّـم مسـكـن الظلمـوني
شيعتي وخدامي لا تنسوني
وصيتي. وصيتي

سيد زيد الفحام
______________________________
@hussein889

قصيدة ( ميمر مجنس ) في رثاء فاطمة الزهراء عليها السلام والإمام المهدي المنتظر عجل الله فرجه الشريف


يالتستمع اجري الدمع
ما ينجبُر. كســر الظلع
إلّا بظهور الموعود من يظهر ابفقّاره
_____ 1

ما يشفه ظلع امّ الحسن. يالمها
تشكي لأبوها المصطفى. يالمها
لو جَـمّـع انصــاره الولي. يالمها
يوفي الوعد. شبل الأسد
ثـار الظلــــع. لازم يــرد
ثاره ويردّه بضعفين هيهات يترك ثاره
______ 2

ليش الصحـابه ما وفت دافعها
يعرف سبب هجمتهم و دافعها
ويله العصرها بلا ذنـب. دافعها
الصار السبب. خل يرتقب
امـر الفَـــرج. كلش قـرب
والحرگ باب الزهراء مهدينه يحرگ داره
_______ 3

لَـمّـه الزچيـــة المنتظر. سرّاها
ثـارچ امـانـه بـرگبتـــي سرّاها
للباري دعـوة من الگلب سرّاها
يدعي بحزن. ابن الحسن
صبح ومسه. لثاره يحـن
( اَمّن يُجيِبُ المُضْطَرْ ) يدعي وتصب اعباره
_________ 4

من تگرب حبـــال الصبر. يگطعها
دروب الصحــاري برايته. يگطعها
روس اللي ظلمت فاطمه. يگطعها
هـــذا الشـهـم. مـن ينتقم
بسيفه الغضب. يفني الظلم
والهجموا عله الزهراء. يـذبـحـهـم ابتّــاره
___________ 5

بهـاي القضيـة المنتظـر. صاحبها
امر السقيفه يكشفه وي. صاحبها
اهل السقيفه الخانت بــ. صاحبها
لابُـد تـذل. من تنسئل
منهم عذر. ما ينـقـبـل
إلّا بقصاص الشيخين. انزف للزچيّة ابشاره

سيد زيد الفحام
__________________________________
@hussein889

قصيدة في رثاء الشهداء السعداء
( شهداء الفتوى المباركه من الحشد والقوات الأمنية)


الدنيا وحشه وظلمه بفراگ الغوالي
چـانـوا ابــــــدور ويـضـوّن الليــالي
ياتـــراب گبورهم
اسمحلنه نزورهم
مايرجعون. مايرجعون
.............. 1

راحوا احباب العمر
تركوا جروح شكثر
تشفه هيهات
بيــها مأسات
تعجز جبال الارض تحمل ألمها
آه من جرح القـدر
چم گلب امّ انكسر
بيـن لگبـور
تبچي ودّور
والده وتحت الترب دفنوا حلمها

وين ما تلتفت برض المگبره تشوف
چم شهيد ابگبره امّه تشمّه وطّـوف
ما نشاهد نورهم
يا تـراب گبورهم
مايرجعون. مايرجعون
............... 2

الچانـوا ويـانه امس
وسفه بيهم ما نحس
چانـوا ورود
سكنوا لحود
بس صورهم ظلت بوجه الحياطين
ضحّوا ارواح ودمه
كـتبـوا بوجه السمه
الضحّه بدماه
يبقــه ذكــراه
تعلّموا هذا النهج من منهج حسين

والله ما ننساهم ورود المدينه
ملّت دروب المگابر من بچيِنه
لا تضم ابدورهم
ياتــراب گبورهم
مايرجعون. مايرجعون
................ 3

لنصرت الدين انتخوا
عـاهــدوا ربهم وفـوا
ضحّوا ارواح
نـزفـوا جراح
عالسواتـر وگفـوا ورفعـوا علمنه
طبّوا لسوح الحرب
عالعدو نزلوا غضب
ولِد الحسين
نصروا الدين
بيهم انصان الوطن حفظوا قيمنه

ذوله حشد الله النشامه رفعة الراس
تـخـرّجـوا من مدرسة كافلنه عباس
ما تهدم سورهم
ياتـراب گبورهم
مايرجعون. مايرجعون
................ 4

بالله يتراب اللحـد
أسأل رجال الحشد
هم يحسّون
بـاليــزورون
من نزور اگبورهم لابد يسمعون
آه يـتــراب النجـف
حتى مدمعنه نشف
عميت عيون
ما يرجعــون
ظلمه دنيانه بفگدهم نصبر شلون

بالله يتراب المگابر بيهم اشصار
ردنه عن احبابنه العافونه اخبار
والحچي بصدورهم
ياتـــــراب گبــورهم
مايرجعون. مايرجعون


سيد زيد الفحام
______________________________
@hussein889

نار نار وجت بالخيم نار
نار نار ومصاب الضلع حار
وجروح الزجيه. شفناها برقيه
@@@@@@@@@
كل ما اشوفن باب واذكر جدتي الزهره
واشما امد جفي اعله اذني اتذكر السطره
من مات ابونه اعيونه اشكد نطرت بعبره
الاخرها حرك الباب والاخرني شم نحره
بالخرابه. يمته نوصل حته اشمه
بالخرابه. ما اموتن الا اضمه
وين وين بيت العز بعد وين
نار نار وجت بالخيم نار
@@@@@@@@@@@
من طلع حيدر يصلي وناده المنادي
اشتاكت لابوها وافرشت سجاده الهادي
من هجمو اندك بابها جن دكه الي يعادي
دفعوه عليها بكل حقد منا بده احدادي
واعصروها. وبالعصر كسرو ضلعها
واعصروها. طاح ابنها وهل دمعها
اهنا اهنا طاح المحسن اهنا
نار نار وجت بالخيم نار
@@@@@@@@@
وانه العطش دك بابهن لاخيامي وايتامي
ودك صدره حماي الضعن كال اروي كل ضامي
راح وبقيت اتنطره واتاخر الحامي
والي احركو دارج امس هم حركو اخيامي
كل يتيمه. اشتاكت وحنت لكوها
كل يتيمه. بعينها الدمعه ارسموها
ماي ماي لمن كصد للماي
نار نار وجت بالخيم نار
@@@@@@@@@@
شيخلص ايام العمر لليفكد الغالي
بين المصلايه ونحر والسوط يبرالي
الماعرف بالزهره اشجره خل يدري من حالي
بيناتنه بس السبي والضلع جتالي
من اذكره. يلهب بروحي الجمر
من اذكره. اثنينه متنه بزغر
حيل حيل ماضل بينه كل حيل
نار نار وجت بالخيم نار
@@@@@@@@@@
الهجمو عله الدار ومشو حطو بدي جامع
ولمن سمع حير رجع بس عمي ما راجع
واتوسدت بفراشها من روحها اتنازع
وافراش الي صار السبي وسوط بمتن طابع
ياعبايه. مخططه بسوط وتراب
ياعبايه. بيها اثر عصره الباب
هاي هاي تلكه الفرق بس هاي
نار نار وجت بالخيم نار
@@@@@@@@@@
زيد الزيدي

@hussein889

قصيدة ( سكرة الموت ) وحضور امير المؤمنين علي عليه السلام عندما يموت الشيعي والموالي لآل البيت عليهم السلام


كُلشي تخلّه عنّي بسكرت الموت وينك
عـزرائيــل إجـه وجابولي تابـوت وينك
أصرخ ياعـلي وما يطـلـع الصوت وينك
ماظل كُلشي عندي
لـتـخـلّيـنـي وحدي
___________

بفراش الأجل عمري خلص هاي المسيّة
عــزرائيـل إجـه وعاينّتـه يـتـقـرّب اليّـة
اوّل ما بــده برجلـيّــة شـلـهـن وبـأديّــة
جبـال الارض چن مو أيـده خـلّاها عليّة

يسحب روحي ظل ويجرح عضاي. وينك
ما اگــــدر احــرّك أيـــدي مــــولاي. وينك
بس عيني عله دربك تـنـتـظـر جاي. وينك
أشعـر كُلشي ضدي
لـتـخـلّيـنـي وحدي
____________

أصرخ وستغيث من الألم من روحي تطلع
خلصوني اصيح وماكو واحــد منّي يسمع
انـظــر للأهـل يـبـچـون بسّ بلايـه مَـنّـفـع
احچي وياهم بلا صوت بس عيوني تدمع

لصدري الروح وصلت بيد عزريل. وينك
جـرّ الروح حيـل وصـابنـي الويل وينك
آنـه دخِيـل عنـدك حامـي لدخِيل. وينك
صار الموت وعـدي
لـتـخـلّيـنـي وحدي
___________

جسمي ابّين اهـلي امَـدّد واحبـابـي يبچون
اتـوادع گـمـت ويّاهـم بـرمـشــــات العيــون
وصلت روحـي للبلـعــوم منّي تـغـيّــر اللون
قابض روحي ملك الموت حاير افلت شلون

هـاي الروح طلعـت آخـر انفـاس وينك
ما تتركني تحضر عندي احساس وينك
يالله تـشـاهـدوله صاحت النـاس وينك
ازرگ صـار جلّدي
لـتـخلّيـني وحدي
__________

انظر للسمه ولن نور نازل من سـمــاوات
شفتك ياعلي ارتاحيت من كل المعـانات
شفتك كلّمت عـزريـل گتله بهالعبــــارات
خادم عـدنا لا تاذيــه هـذا الطيـب الذات

نفّس عني ملك الموت من جيت وينك
ياحيـدر عــلي مـــــولاي نـاديـت وينك
يـرئـف بيّـة عـزرائيــــل وصّيـت. وينك
ابقـه ويــاك ودّي
لـتـخلّيني وحدي
____________

ملك الموت سلّم ونحنه من جيت يمي
حسّيت بأمـان بشـوفـتـك ونّـزاح همي
شفت بدفترك موجـود بالخـدام اسمي
ما خـاب التمـسّـك بيـك ياكـرّار محمي

ملهوف عله شوفك ياعلي سنين وينك
أشبـع شـوف منك وغمض العين. وينك
ما معـقـوله تـتـرك خـادم حسين. وينك
عمري وياك يبدي
لـتـخلّيني وحدي
____________

براحه الروح طلعت ونّتهه كلشي بوجودك
ملك المـوت عاملّني برفق والله عله مودك
روحي تعلّگت بس بيـك تـنـهـل من ورودك
تـحـضـر ياعـلي الـوالاك وفّـــاي بـوعـــودك

لا ما قصّرت من صوتـي ناداك وينك
تحضر لـلـيـمـوت بشدّه ينخاك. وينك
ما خاب اليجيك وصاح بحماك. وينك
يوسع بيك لحدي
لـتـخلّيني وحدي

سيد زيد الفحام
_____________________________
@hussein889

ساعد الله قلبك سيدي ياامير المؤمنين كيف تحملّت دفن الزهراء عليها السلام بيديك في جوف الليل


ياعلي بياحيل؟ شيّعتــها بليل
فاطمه الزهراء. والدموع تسيل
_______

ياعـلي الـكـرار بيـدك غسّلتـــها
فاطمه بياحيل نسأل من شلتها؟
بـآخـر الليل بـدمـوعـك شيّعتها
شصار بيك وللگبر من نـزّلتــــها
تدفن وتنحب والگلب يلهــب
خِلّك اتـغـيّـب والدموع تسيل
________

بيدك تهيل التــراب اعله الزچيــه
هم چنت حاسبها ياحامي الحميه؟
بهيده لا تلچم ظلعـــــها بهالمسيه
شافت أنــواع المصـايـب والاذيـه
ودّع البضعـــه واللحـد وسعـه
وشعل الشمعه. والدموع تسيل
________

ياعـلي أشبـع بواچـي يم گبــــرها
انت بس انت الذي تعرف قـــدرها
ياعلي بـوجــودك الظالم عصـــرها
عالوجه يابالحسن خصمك سطرها
فاطمـه يمك. وعتده خصمك
صابر بحلمك. والدموع تسيل
________

انت والحسنين يم گبـر الشهيــده
الدنيه ليل وزينـب ابدارك وحيده
فـزّت من النوم تـرجـف يالصميده
لزينب ارجع ياعلي وعطفك تريده
تجري دمع العين. وين ابويه وين
تســأل بكل حين. والدموع تسيل
__________

يعينـك الله ياعـلي بهــاي الرزيـــه
الدنيه ضاگت بيك من بعد الزچيه
من بعـدها ومن بـعـد سيد البريــه
گمت كل لحظة التمر تهوه المنيــه
راحت احلامك. زادت آلامـــــك
فجعـوا ايتامك. والدموع تسيل
__________

شمعة سنينك طفت يم عتبة الباب
غـابـوا الاعـزاز عنك تـحـت التـراب
لا تعـاتـبـهـم بـعـد ما ينفـع اعتــاب
ياعلي وگلبـك عليهـم بالحـزن ذاب
راحوا احبابك. والدهـر صابـك
يجرح اعتابك. والدموع تسيل


سيد زيد الفحام
________________________________
@hussein889

شـوط كــربــــــلائــي فـي رثــاء فاطـمــة الزهـــراء عليها السلام


هــاي أم الحسـن وحسيـن روحك ياعلي بيها
شكبر صبرك يحامي الجار تصبـر عاليــأذّيــها
....................................................................

عـزيـزة گلبك الزهــراء اعز من روحك تعدها
غـيـرك ياعـلي الـكــرار والي الزهره ما عدها
يهضموها عجب ياحيد لمّـن غــاب والــــدها
بوجــودك يظلـمـوها
خلف الباب عصروها
وعله العين سطروها
وديعـة سيّـدالـكـونين غيرك منـهـو يحميـــها
..................................................................

تصبر ياحليف السيف ويمّك فاطمة انهضمت
ابّـابـك ياعـلي الزهـره نصابت تدري ونشتمت
اظن لا مو ضلع واحد كل ضـلاعــها انهشـمت
يفضّة تصـيـح الحگيـنـي
طفلي انصــاب عينـيـنـي
كسر ضلعي وطفت عيني
المصيبـة الحلّت بدارك الله يعيـنـــك عليـــها
.....................................................................

گـالـوا بالصبر مچتـوف ما تگـدر تسل سيفك
الظلموا فاطمة الزهراء منهم ما خذت حيفك
انت البالحرب مهيـوب ياموت وعدو يخيفك
الله يعينك عله الصـار
بـابـك محتــرگ بالنــار
وصوّب فاطمة البسمار
بصبـرك ياعلي بصبـرك تصبّــرها وتواسيــها
.....................................................................

رفسـها الظــالـم برجـله وطاحت فاطمة الزهره
محسنها الجنين انصاب وگع من شدّت العصره
ضلعها انصاب بالبسمار وسمـعـت فاطمة كسّره
وانت يصيـر ما تـدري
صاحت والدمع يجري
يافضّة انكسـر ظـهـري
فـوگ اللي جـره عليــها نـار البـاب تـچـويـــها
....................................................................

عــاشــت بالـحـزن والآه ياحيــدر ليـــاليــــــها
ليل انهـار تجـري دمـوع ما گطـعـت بواچيـــها
ضلعـها يهيـج من تـنوح مکســـور ويــأذّيـــــها
مـا تـشـكـيـــلك الآلام
تخاف عليك لا تنضام
اللـه يلـعــن الـظـــلاّم
ذابـت روحـــها وسـلّت مـن شــدّت مـآسيـــــها
.....................................................................

مـاتـت وانـت يمها تنوح مهضـوم عله حـالتــها
تـدفنــــها بـظــلام الليـل ياحيــدر وصيّــتــــها
والدفـعـوا عليـــها البـاب لا تـحـضـر جنـازتـــها
ودعّ فاطـمـة بدمعه
وسعلّها اللحد وسعه
بالك تلچـم البضـعـه
وخـفـي الـگـبـر ياحيــدر بـيـدك مـن تواريـــــها

خادم فاطمة الزهراء عليها السلام
سيد زيد الفحام
_____________________________________
@hussein889

قصيدة على لحن يا عيوني الفاركوني



لسان حال السيد زينب ع بعد استشهاد السيد الزهراء ع


أ ييمه الدنيا ظلمه ...والله من كد الحزن ... والفراك والفراك
أه يا ييمه.....أه ياييمه
..................
من يوم رحتي لليوم .... عيني ما ظاكت النوم.... ولا نمت ليلي ... لا نمت ليلي

ما شفت راحه بدنياي ... من زغري عكست وياي ... ورمت دليلي .. ورمت دليلي
اولها جدي من راح.... وختفه عطره الفواح ... هو خليلي .. هو خليلي
ثانيها زهرة دنياي ... من اختفت من عيناي... ونهدم حيلي ..ونهدم حيلي
من رحلتو وعني بعدتو ... ما دريتو الي جرى عليه .. عليه
أه ياييمه ...... اه ياييمه 4
.....................
لمن حركها للدار ... وبصدرج طب البسمار
ونكسر ظلعج ... ونكسر ظلعج
وبيده سطرها للعين ... من انكرج يم حسين
ما نشف دمعج ... ما نشف دمعج
ياويلي محسن من طاح ... وعليج يمه من صاح .. تيهتي وضعج ..تيهتي وضعج
من كلبج اسمعت الاه ... من ألالم واويلاه
محد يسمعج .....محد يسمعج
من وكعتي ..فضه صحتي ... وين راح ابو الحسن ... يفضه ... يفضه
أه ياييمه..... أه يا ييمه 4
...............
وسمعت امي من اصيح ... بالعتبه تنهض وطيح... وينك يوالي .. وينك يوالي
حركوها دارك يا حيد .. ومن عندي طيحو لوليد.... محسن الغالي .... محسن الغالي
وبسطره ورموها العين... دحظرني يا بو الحسنين ... شوف الجرالي ... شوف الجرالي
ادري بوصيه جتفوك ...من يمي مجبور اخذوك... ويلي اعله حالي .. ويلي عله حالي
وتصرخ يصنديد ... والصرخه متفيد
بالوصيه ملتزم ... يبويه... يبويه
أه ياييمه اه يا ييمه 4
...............
شحالي من دفعوها.الباب.. وضلع منج انصاب
حسيته ضلعي... حسيته ضلعي
والسطره فوك الخدين .. والدمع لولح بالعين
وذرفت دمعي ... وذرفت دمعي
وتحيرت يم حسين.... لمن خذج مني البين
وانطفى شمعي .... وانطفى شمعي
وصرخت يا بويه شلون.... خاف انكلب هذا الكون
وينك يدرعي..... وينك يدرعي
جدي وينك .. تشوف ابعينك... هذة اصحابك ترى
وفعلهم .... وفعلهم
أه ياييمه ..... اه يا ييمه 4
................
وينك يبو صالح كوم... احظر الصدر الملجوم
واذكر العصره... واذكر العصره
وذكر مصاب ابو تراب.... من انغدر بالمحراب
وبصدره حسره ..... وبصدره حسره
وخويه الحسن المسموم .... والطشت متروس ادموم
وعيني تنظره ... وعيني تنظره
امن حسين انكطعت لانفاس...من طاح اخوه العباس
وانحنه ظهره ... ونحنه ظهره
من هل مصايب ..... دحظر يغايب
وخذ ثارات الاهل
من اعداك ... من اعداك
اه ياييمه ... اه يا ييمه




لخادم اهل البيت
سيد محمد الهاشمي الموسوي
@hussein889

🌲قصائد حسينية مكتوبة ومقروءة من قبل الرواديد🌲

📜 قصيدة: عجبني ليل موادعك
✒️الشاعر: السيد عبد الخالق المحنه
🌿 الرادود : احمد الفتلاوي

https://youtu.be/YDjabKeXvJw

عجبني ليل موادعك يسرع صباحه
واليفگد الغالي يظل يحسب جراحه
غيمة حزن تبرالي .. والمايشوف الغالي
يحسب جراحه
🌿🌿🌿🌿🌿🌿🌿🌿
يبتدي عد التنازل لحظه لحظه
وابتدت گلبي تخف دگاته نبضه
ها يليلي الراح مني بيش اعوضه
يا الهي ابجاهك الرايح تحفظه
يابويه گالوها الابو لعياله خيمه
باچر اذا عني رحت اصبح يتيمه
ضاع الصبر يلوالي .. والمايشوف الغالي
يحسب جراحه
🌿🌿🌿🌿🌿🌿🌿🌿
تنتهي ليلة وداعك دمعه دمعه
اني ادري بروحتك ما بيها رجعه
ليلة وداعك بحر صبري اودعه
بعد ما ظن لو صحت صوتي تسمعه
زينب تظل بغيبتك تترقب الباب
ماتغفه عينه ياعلي الفارگ احباب
بويه انتهت امالي .. والمايشوف الغالي
يحسب جراحه
🌿🌿🌿🌿🌿🌿🌿🌿
خلة الوالد فلا واحد يسدهه
توگع الخيمة اذا يوگع عمدهه
بويه ريت الروح تطلع من جسدهه
ولا تگول الناس مايرجع ضمدهه
عذبني دهري ابلارحم تمطر سهامه
يابويه باچر انحسب من اليتامه
يابويه ارحم حالي .. والمايشوف الغالي
يحسب جراحه
🌿🌿🌿🌿🌿🌿🌿🌿
ما يمر اعله العباد المر عليه
حايره ومدوهنه واصفگ بديه
بويه وفراشك افرشه كل مسيه
كل غروب احسب تجي ونفطر سويه
لوما تجي ابقه انتظر انه واخوتي
زينب انه وبعد الولي اتمنه موتي
والله انفطر دلالي .. والمايشوف الغالي
يحسب جراحه
🌿🌿🌿🌿🌿🌿🌿🌿
من يحرك الريح بابك گلت انته
گلبي طير وطار مني وما لزمته
يعني عجبة المثلك ايظل ويه بنته
حاضر الشدات تحضر يمي يمته
منهو الي يحضر شدتي يابو الكلافه
زينب تظل ابلا ابو والله حسافه
يالرايح شيبقالي .. والمايشوف الغالي
يحسب جراحه
🌿🌿🌿🌿🌿🌿🌿🌿
بويه گلي اشلون برض الغاضريه
من يروحون اخوتي وامشي سبيه
بويه ما مسبيه قبلي هاشميه
منهي قبلي الراحت لديوان اميه
يابويه بسياط المتن تسمع جوابي
واعذرني لو يم النهر يبدي عتابي
اعتب على كفالي .. والمايشوف الغالي
يحسب جراحه
@hussein889