هنيالها زينب بيك هنيالها

ياحلم يالماتنجاس ياماي يمصاحب هله
سولفوا بيك الفرسان كالوا شما يتعب حله
والكمر لو باكه الغيم العباس عدنه بكربله
ليش عله جودك ركضت الجتاله تارس جربتك ماي لو خياليه

__________


تخطف ضوه وماتنشاف يمحير وياك الزلم
مثل الحلم ماتنلاح ياجف كدر يلزم حلم
من عينك يريد يشوف ثاري السهم هم يفتهم
روحك بزينب ما متت بجروحك حركوا خيمكم يلا طلعت روحك


___________
عباس موت عله حسين وتقاسم وياه الضمه
موت الكمر مو للكاع هو الكمر بس للسمه
مر طيف اريد اكضي الشوك واوصل بطيفك للعمه
هو اليحبك عشكه يعبر قلبه هذا الحجي وماشفنه بس التربه


__________
عباس يالواكف خير هنيال بطن الحملتك
ماطاح جفك بالكاع طاحت الكاع بيمنتك
عطشان بس جان الماي يحسد الماي بجربتك
اثنينهن عباس جنك كمره يامحله وجهك بالسهم والخضره

____________________

زينب تسولف للريح من هده وصارت سكته
من شالوا عليه الصوت كالت فراكك ضكته
معناها ميت عباس عباسنه وحافظته
البيت بالطف عالرمح خي عوني هو انت نفسك عباس بعيوني
________@hussein889
الرادود سيد فاقد الموسوي
الشاعر حمزه الحسناوي

🌲قصائد حسينية مكتوبة
قبل الرواديد🌲
📜 قصيدة : شيخ الانصار
✒️ الشاعر : محمد الجماسي
🔷 الرادود : حسين والي اللامي

حي الله حي الله شيخ الانصار
يا هلا بهالشيبة المباركة
ملك چنه من الملائكة
واحد وتسعين عمره
عوزه بس اعوام عشرة
يصير تسبيحة الزهرة
شيخ الانصار .. شيخ الانصار
🔷🔷🔷🔷🔷🔷
طلع الشيخ علينا من ثنيات النجف
راكب الناكه الجبيرة وفوگة نخلة من السعف
وصل يم خيمة رقيه وشمر خاچيته وزحف
واحد من الفتية چنه النامو بوسط الكهف
مولده بعاشوره ومقتله ..والهوى البأنفاسه من كربله
والحسين يشوفه حاير.. كله يا ابن مظاهر
راح القبك يوم عاشر
شيخ الانصار .. شيخ الانصار
🔷🔷🔷🔷🔷🔷
بنية لو زهراء عندة چان سميته نبي
طولة يم عبد الله يزغر چنه تل الزينبي
بالصلاة يوميه يدعي ربي احلفك بالعبي
ربي سويني عليل وحتى اروحن للسبي
قل هو الما ضاحك صار اشكثر
يبچي عالمظلومة ونال الكسر
بيت الاحزان بضميره .. جروحه هم مثله چبيرة
استقبلوا شيخ العشيرة
شيخ الانصار .. شيخ الانصار
حي الله حي الله شيخ الانصار
🔷🔷🔷🔷🔷🔷
مثل ما سوة محمد من رجع من المغيب
حسين يالأنصار گلهم انما النصر قريب
وين ما تبرك الناگه ابنوا صيوان لحبيب
هذا عمي الي احبه هذا جرحي والطبيب
غالي شابگ غالي برقة وحنين
ويمكن لهالساعة متشابگين
حي الله حي الله شيخ الانصار
🔷🔷🔷🔷🔷🔷
بخيمة العباس ترب لحيته وباس العلم
عرگت چفوفه ودمعته چلبت مثل السهم
گله يا عباس يلي تارس الدنيه خيم
انته اكبر من محرم طاخ راسك بالقمم
كربلاء زغيره وطولك جبل
يا حلاته بعينك هذا الزعل
انطيني جفك خل اشمه.. البيه عطر كل الائمة
طيب وبالطف تسمه
شيخ الانصار .. شيخ الانصار
حي الله حي الله شيخ الانصار
🔷🔷🔷🔷🔷🔷
راح يتبرك بزينب والعقيلة تلگته
يا هلا بريحة اهلنه وهلا بشيبة لحيته
كلها يا ولاتي عبدج بس اقبلي طاعته
النار من توصل الخيمة اعليها اذب فصل الشته
بركاتچ زينب ما تنحصي
عالمه وعلويه وبنت الوصي
من عباتچ خيط واحد الله سوه شگد مراقد
وبسمچ اول من يجاهد
شيخ الانصار .. شيخ الانصار
حي الله حي الله شيخ الانصار
🔷🔷🔷🔷🔷🔷
بكربلاء صلوا جماعه وياهم الحر التحق
انصعقوا ابنور الامامة مثل موسى من اصعق
من اجه عزريل صاحوا ان وعد الله حق
چم يزيد وشمر منهم يرجف وعاش بقلق
من نختهم زينب شوف شحدث
گامو من الحومه بس الجثث
من جديد انولد عابس .. ابيض ومثل النوارس
ينذكر ظل بالمجالس
شيخ الانصار .. شيخ الانصار
حي الله حي الله شيخ الانصار


@hussein889

لسان حال الامام الحسين ص..
..........................................
لمن شوفنج اكول..رقيه نسخه امن البتول
من ماتت الزهره الجبيره..الله رزقني بام زغيره
حاير شوصفهه وشكول..رقيه نسخه امن البتول
........................................................
لمن تجيني بخيمتي بنيتي رقيه
عايزهه طول شويه وتصير الزجيه
دخيلك علي من تبتسم شسوي بيه
اكعد على ركبي واظل فاتح اديه
تشبكني ومغمض اكون...عاشكهه ولحد الجنون
وتصير بحضاني اسيره..الله رزقني بام زغيره
حاير شوصفهه وشكول..رقيه نسخه من البتول
.............................................


انه وعضيدي نسولف اعله الخططيته
ولو مرت رقيه بغفل انسه الحجيته
عباس ذكرني شكلت خويه نسيته
بس كلي رباط الحجي بيمن ببديته
عباس هم صافن حنين..يمكن ذكر ام البنين
تصعد على جتافي الاميره..الله رزقني بام زغيره
حاير شوصفهه وشكول..رقيه نسخه من البتول
..................................................
راسي بحضنهه اتمدد هيه طبيبي
وبسرعه انامن من تحك بصبعهه شيبي
من اغفه بوسه بكصتي صارت نصيبي
وتكول اسكتن يالنسه نايم حبيبي
شكد انه مقهور وهظيم..ما حسستني انه يتيم
حسيت جن يمي العشيره..الله رزقني بام زغيره
حاير شوصفهه وشكول..رقيه نسخه من البتول
.....................................
لو ردت امشط لحيتي اندهه ليه
امراية الله وبالخيم صارتلي هيه
خنصر بخنصر نمشي ونطلع سويه
واصبعهه يعرك بصبعي وتبوس اديه
خطواتي اكصرهن لان..حسيت بيهه ام الحسن
ام الحسن لكن كصيره...الله رزقني بام زغيره
حاير شوصفهه وشكول.رقيه نسخه من البتول
.......................................
ادريهه ما تحمل ابد فكد الحبايب
حاير شكلهه بكربله عن المصايب
ماتدري بعد العاشر تشوف النوايب
خايف اكلهه بموتتي تشوف العجايب
كون انه بحضانج متت..شو بارده احضان الطشت
لموني يابويه بحصيره....الله رزقني بام زغيره
حاير شوصفهه وشكول...رقيه نسخه من البتول
..............................
باجر تطيح اعله الرمل محد حرسهه
ويسطرهه حيل واستمع يتعاله حسهه
يكسر ظلعهه ابن النذل لاون رفسهه
ويجر تراجيهه ويظل كاطع نفسهه
بويه تراجيج الحمر.....ذنيج عد بت الشمر
ياحيره المامنهه حيره...الله رزقني بام زغيره
حاير شوصفهه وشكول..رقيه نسخه من البتول
...........................................
ابو قسور العويدي
@hussein889

يالي تسئل گبري وين و ناشدت
گبري مخفي و انه ازورك لو ردت
من تسوي اقرايه
اعتنيك اعنايه
و انه ازورك لو ردت
###############################
يالتريد اتزور گبري و هايه كل امنيتك
انت بس سويلي مجلس وانه اجيك البيتك
اعتبرني بدارك احضر و اقبلت تعزيتك
و بسجل خدام فاطم بالاسم خليتك

وانتظرني من بعد طول العمر
ثاني مره راح ازورك بالكبر
اخذ مني احجايه
اعتنيك اعنايه
###############################
يالتريد اتزور گبري عن قرب شمتاني
باب كل مجلس ضريحي وهذا هو امچاني
من تطب ال اي عزية حاضرة تلگاني
بدمعك اقرالي الزيارة و العن الاذاني

و لمصابي اذكر و كسر الضلع
يمك اني و لكلامك استمع
للعهد وفاية
اعتنيك اعناية
‏#####‎##########################
اعتني كل المجالس عهد كاتبته بدمه
ولو بده وگت المناحة گولو حضرت فاطمة
وياكم اسمعها النواعي و انه حيل امألمة
بچف اديه وي لطمكم اعله وجهي لاطمه


وي دمعكم دمعي بالمجلس همل
و لو تعبتوا انه ارد المستهل
من ترد ويايه
اعتنيك اعنايه
###############################
ابد لا تنسوا مصابي و انه ما انساكم
شيعتي احيوا عزائي چف علي يرعاكم
من ارض طيبة محمد والدي هالجاكم
و اثنعش معصوم حاضر هالمسية وياكم


بنتي زينب حاضرة بهذا العزاء
و الكفلها شايل بچفه اللواء
فوگه رفت رايه
اعتنيك اعنايه
‏#####‎##########################
يالنويت اتقيم مجلس حٓسِب الها احسابك
الليلة ام عباس لازم تسحك اعله اعتابك
العنده حاجة خل يجيها وصي كل احبابك
هايه باب الله الوسيعة گاعِدة بصف بابك


لو نخاها من عليه ضاگ الفضى
بيده ياخذ حاجتة بطيبة و رضى
و انه اضمن هايه
اعتنيك اعناية
###############################
من تقيمون المجالس يشفى جرح البيه
و الضلع ينجبر كسره بدكة اللطمية
اتلاث روايات لمصابي مو قليلة شوية
كون كل ليلية مأتم و العزه يومية

لاجل محسن ذاك لضلوعي الحنه
ريت مجلس ينعقد طول السنه
كون ماله انهايه
اعتنيك اعنايه
###############################
علي حسين الكناني
@hussein889

لسان حال الامير علي يقول مخاطب الزهراء

روحي لقدس روحج دوم تربه
و على جروحي ليالي الضيم تربه
دفنتچ و احس من هليت تربه
چن هليت روحي بهاي اديه
###############################
يروحي و يا نظر عيني يزهرة عمري و سنيني
هذا الما اجى ابالي
يٓصٓبح منزلج خالي
يزهرة عمري و سنيني يزهره عمري و سنيني
###############################
لچم گلبي و هضمني و هيج اجروحي
وداعج يام حسن نار السٓعٓت روحي
جبل يالزهره حيدر انه و اسفوحي
تهدمت من فرگتج و انسمع نوحي

الحبيبه انتي الحبيبه انتي صفت مسموعة الچ ونتي
انچوه بالفرگة دلالي
يصبح منزلج خالي
###############################
يريحانت ابوها و گرت اعيوني
مدري شلون شالت نعشچ امتوني
هدل حيلي و تغير و انخطف لوني
اغسلج كون يا ريت و يغسلوني

عسى لا طال يا ريته العمر للفاگد ام بيته
بغيابچ دمعي يبرالي
يصبح منزلج خالي
###############################
الوديعة انت الوديعة البنبض تسري
اعيش اخلافج اني شلون ما ادري
عيني مساهره و دم مو دمع تجري
احفرت گبرچ واحس بيدي احفرت كبري

و لا سهله و لا سهله اليفارگ صاحبه و خله
يضل ابلا ولف تالي
يصبح منزلج خالي
###############################
رفيقة دربي يا بلسم جراح الهم
العزيزه انتي العزيزه العايشة بالدم
بدالج ريته ياخذ روحي المحتٓم
و يريت ابدال ضلعج ضلعي التهشم

جراحچ بيمن اضمدها وعشرتچ شنسه من عدها
خابت عگبج امالي
يٓصٓبح منزلج خالي
###############################
يگشافة همومي و شدتي و گربي
نحيب الثكلة لمصابج صٓبٓح نحبي
على مصابج سعر وسط الگلب لهبي
انكسر ضلعج و احگج و انكسر گلبي

جرحتيني جرحتيني يزهرة من تركتيني
حال الفاگده حالي
يصبح منزلج خالي
###############################
دارچ وحشة دارچ للگدر ظلت
دمه اعيون الحسن وحسين الچ هلت
زينب نار زينب للگلب شعلت
و ام كلثوم عيناها بهضم هملت

مثل شمعة و ذبت چني بين اولادچ و حزني
و لا چان يتراوالي
يصبح منزلج خالي
###############################
علي حسين الكناني
@hussein889

الشاعر علي ستار الزبيدي:
يابو صالح يلا صول ..... وأخذ ثار ابن البتول
بيك خلينة الأمل. ..... أنهض وطبق العدل
..................................................................................
يموعود .... انظلمنة وانت اعرف يالمغيب
والحسين ... لحيتة وشعرة من دمة يتخضب
وبناتة. ... يلوذن بالفلا بس عدنة الأصعب
من السياط. ... تصيح إم عون من بيها اتعذب
...................ر
وسفنة يالموعود نار ...... حركة جفوف الزغار
وانت ابن ذاك البطل ...... أنهض وطبق العدل
....................................ثم المستهل ...........................
الارماح .... ارفعت روس الصحابة وراس جدك
العساكر .... تفرهد بالخيم وانداس حدك
بوفاضل .... يصيح ابصوت يوصلك لعندك
يمهدي .... انكطع زندي انتفض ليهم بزندك
....................ر
أبو فاضل يدري بيك .... نص عليه ونص عليك
أبو فاضل وارتجل. ..... أنهض وطبق العدل
..........................ثم المستهل. .... ..............................
انتفاضك ..... تدوس الظلم كلة وكل حماتة
ثورتك ..... بعيدة أعلى النفاق وكل صفاتة
دعالك .... دعالك جدك حسين بصلاتة
بظهورك. ... يموت الظلم كلة ونايباتة
........................ر
وابو الأكبر بنتضار ....... تنهض اتسل ذو الفقار
والنصر بسمك يهل ..... أنهض وطبق العدل
...............................ثم المستهل.. ...... ......................
يغايب .... يابن حامي الحمة يالمهدي أظهر
النواصب. .... بذكر اسمك يمهدينة اتعثر
بغيابك .... بكطع انحرنا جم ظالم تبختر
لحرمتك .... عبر ولكسر ضلع أمك تجسر
.....................ر
تندب الزهرة وتصيح ..... الحك وليدي الذبيح
وانذبح خير العمل ...... انهض وطبق العدل
....................................ثم المستهل .........................
العقيلة .... تصيح بلهفة يا عمة عباتي
سلبوها ....ويريت اسلبو يالمهدي حياتي
ابدواوين .... ابدواوين أدخلت مو من صفاتي
والسياط .... كضة كل الدرب تضرب بناتي
..................ر
لا نهار ولا كو ليل ....... صعدونة على الهزيل
من مشيت بلا اهل. .... أنهض وطبق العدل
....................................ثم المستهل ...........................
عجيبة .... يابو صالح نكف وكفة الأسرة
وغريبة ..... أخت عباس ما تكدر تنظرة
والحسين .... تشوف الشمر لمن داس صدرة
وكبلها .... تشوف النذل ضلع أمها يكسرة
................ر
تعبت ابممشة السنين ..... الضلع وي نحر الحسين
والحزن تعرف شلل ..... أنهض وطبق العدل
..................................................................................

أبو ذيات. متعلقة باللطمية

اصيح بصوت بين الجيش ..... يعضاي
أختكم تعباها السوط ..... يعضاي
أبو فاضل اسمعة يصيح .... يعضاي
ردلي لذبح جيش أمية

..................................................................................
ألم محد يحملة وضيم ..... يلماي
عجيب شكد جبير اليوم ..... يالماي
حرمو منك حياتك كون ...... يالماي
ولا حرموك شرب الهاشمية


الشاعر علي ستار الزيدي


@hussein889

ثكيل

لمصاب مولاتنا الزهراء ع ،

بابٌ عليهِ روحَ طفلاً تَعَلَقت
امٌ سَقت ستراً بريعِ شبابها ،
انها الزهراء _ انها الزهراء ،
______________________
بين الباب والحايط طفت شمعه
بين الدمعه والدمعه الف دمعه
ترتيل البواچي من السمه السبعه
راحت زهرة الله وضاگت الوسعه
- باتَ الفؤادِ لفقدها يتَفطرا ،
- حزناً لقد غابَ الهدى والكوثَرا ،
انها الزهراء * انها الزهراء ،
____________________
وين الراحت بغفله وخذت حيلي
وين الساهرتلي بصغري كل ليلي ،
ما اغفه چنت اله وتلوليلي ، ،
يم العافيه الكسرت ضلع حيلي ،
- عَيني بكتْ حزناً لفقدِ حنانِها ،
- ياجنَتاً اخذَ الفراقِ مكانها ، ،
انها الزهراء * انها الزهراء ،
____________________
عدمن عفتي واحد حاسبچ نعمه ،
ضايع كل حچينه وماتت الچلمه
رحتي الچنت اعدنچ بالف زلمه ،
يمه فراگچ الحط بالجرح لچمه ،
- اينَ العيونُ الساهراتِ لطفولتي ،
- باتت على عينايَ حزني دمعتي ،
انها الزهراء * انها الزهراء ،
____________________
عگبچ ياحنينه شلون تاليتي ، ،
ياكوسر ضواي ويا عطر ريتي ،
يهلال ويريتچ كون هليتي ، .
يمه وجيبي روحي وياچ لو جيتي ،
- فارَقتُ روحي عندكِ وترَكْتُها ،
- قد غار في روحي هوى لهفتُها ،
انها الزهراء * انها الزهراء ،
____________________


- علي مهدي المالكي ،
@hussein889

#مقدمه_لأستشهاد_الزهراء ع


زهره يم كلب الحنين

شلون عنه ترحلين

تمهلي تمهلي تمهلي لاترحلين


❀❀❀❀❀❀❀❀❀❀❀❀

صعب فكدج يبت سيد الوصياء

عليج تنعه الليله املاك السماء

نصبت بسابع سمه لجلج عزاء

بعد طه تحمليتي شكد بلاء

روعوج الحاقدين تمهلي لاترحلين


❀❀❀❀❀❀❀❀❀❀❀❀

بحقدهم الدفين داسو عتاب الثنيه

الباب دفعوهه عله فاطمة الزجيه

الضلع نكسر منهه والجنين عالوطيه

بحالج اسوة يويلي اهل الرديه

مارعو حرمت الدين تمهلي لاترحلين


❀❀❀❀❀❀❀❀❀❀❀❀

ردت لطاها الوديعه بيا وضع

العين حمره ومنها مكسور الضلع

عليهه كلب النبي الهادي منصدع

من يشاهده يهل دم الدمع

عايفه الحسنين تمهلي لاترحلين


❀❀❀❀❀❀❀❀❀❀❀❀

عله الزهره مكدره ارض وسمه

فاطمه الانس والجان تندب يامصيبة

النواظر ابفكده تهمل الليله دمه

بهل رزيه تعزي حماي الحمه

بت سيد المرسلين تمهلي لا ترحلين


❀❀❀❀❀❀❀❀❀❀❀❀

اليله زينب تون ونتهه شجيه

تنادي وينج ضلمه دارج يالزجيه

الدار ضلمه وموحشه بعدج عليه

عني لاتغيبين يمه ردي ليه

يمه لا لطولين تمهلي لا ترحلين


❀❀❀❀❀❀❀❀❀❀❀❀
@hussein889

#نزله _لرحيل_الزهراء ع


يبويه باليل امي لاتشيعها

خلها تبات يمنه خل نودعها


❀❀❀❀❀❀❀❀❀❀❀❀

يبويه ليش امي تندفن باليل

بت طاه النبي الخادمها جبرائي

فاطم ام ابيها اوهذا موتئويل

الباري اسراره بالزهراء واضعها


❀❀❀❀❀❀❀❀❀❀❀❀

اذا سر الجلاله بفاطمه مكنون

يعني بلايه فاطم مايكون الكون

فاطم سر الاهي ليش ميبصرون

مايدرون فاطم شنهي موقعها

❀❀❀❀❀❀❀❀❀❀❀❀

بين الباب والحايط يعصروها

روح المصطفى بفاطمه يدروها

الدفعو بابها الكون هدوها

ليش اهل السقيفه الباب تدفعها


❀❀❀❀❀❀❀❀❀❀❀❀

لاتشيع نعشها بويه اتمهل

خلينه يبويه بيهه اتوسل

شلون الحنينه تعوفنه تقبل

تدري غيابها للروح يصدعها

❀❀❀❀❀❀❀❀❀❀❀❀

اريد اكعديبويه يم رجليها

يم الصدر مااكرب واذيهه

من بعيد خليني احاجيها

وانشدها شنهو الحيل يوجعها

❀❀❀❀❀❀❀❀❀❀❀❀

امصاب اازجيه فاجعه كبره

ياويلي ردت عينها حمره

شيكول النبي لوشاهد ااصطره

عله خدها الحاقد طابعها

❀❀❀❀❀❀❀❀❀❀❀❀

تم بعون الله ...
بقلم
ألشاعرة 📝
أم رائد زوين ✏
@hussein889

(قصيده فزاعية)
لحك عله الزهراء علي
تره الدار فاتوها
## 1 #########
فاتو هما الرجاس
عليه ماكو حراس
غدة تتفرج الناس
يبو الحمله انتفض

عليه دفعو الباب
صحت حرمه بلحجاب
غلط وشد النگاب
أجه يركض ركض

صحت والدمعه بعيني
لحك عله الزهراء علي
تره الدار فاتوها
## 2 #########
كمت ابجي ونوحن
اصابع عشره اشبجن
قبل بالسوط ماظن
وأنه بأول العمر

علي ضل ويعجل
يهم بالسوط يحمل
وأنه ضليت ارتل
سور بيه الصبر

وياهو اللذي ايواسيني
لحك عله الزهراء علي
تره الدار فاتوها
## 3 #########
اجاني افلان وفلان
وشوف ابابي نيران
بقه دلالي حيران
مثل طير انذبح

ردت ستري وعبايه
لذت خلف المنايه
وصحت للموت جايه
لمن شامت شبح

وهو بنظراته ياذيني
لحك عله الزهراء علي
تره الدار فاتوها
## 4 #########
لذت جن عدو ثاني
اهو المسمار اجاني
خدشني وألماني
بوسط كلبي حفر

اويلي من ضربني
اهو للكاع ذبني
ورقم هذه عصرني
احس ضلعي انكسر

ردت لو لحضه ينطيني
لحك عله الزهراء علي
تره الدار فاتوها
## 5 #########
صحت فضه لحكيني
علكيفج و سديني
و ريدنه يجيني
ابو الكلفه علي

اريدن حسن وحسين
كبل لايلحك البين
و زينب لاتصدين
يألمج منظري

عله حالي لاتسأليني
لحك عله الزهراء علي
تره الدار فاتوها
#############
للشاعرالحسيني ...
مصطفى عبد السجاد الباهلي
@hussein889

يايومه ضلعي انصاب. ها يابو فاضل
عصروني خلف الباب.وينك يكافل
وبداري شعلوا نار..وانه ابنة المختار

عمر سبني وعصرني وحطم امالي
جنت احلم اشوفك كاعد اكبالي
تسولف ويه زينب صوره تبرالي
وسفه الكوم يومه لعبوا بحالي
من عالم التكوين..تكفل ضعن لحسين..

طفت عيني بصطرته وصحت ياعباس
ردت يبني تجيني تشوف هاي الناس
ازرك جفن عيني ودنكيت الراس
اخاف الخد يشوفه صاحب النوماس
ابجي واون بسكوت ..ماردت يسمع صوت..

ردت اندب علي يحضرني الكرار
يوخر الباب عني ويبعد البسمار
لجن هيه الوصيه وجلمة المختار
خلت والدك يسكت يضل محتار
اتحمل كسر ضلعي..ولايعرف شنو وضعي..

حرت بحسين خاف يشاهد اجروحي
وضمن عالحسن حسراتي وي نوحي
زينب من بجيها خلصت روحي
المحسن بين اديه صبح مذبوحي
ميت طاح اخيك..افه ماشاف ضيك..

يبني اليوم اريدن منك حجايه
اريدنك لزينب حمه وتجايه
اخوك حسين تصبح ضله وفيايه
واعذرنك لونها طاحت الرايه
اجي يمك وناغيك..اعوف ابني واجي ليك..

كريم الجياشي
@hussein889

يااخي ياابا الفضل احرقوا خيامي

نسوان تاهت بالفله ارحم بحالي
راحت يخويه العايله محد صفالي
اختك بقيت معلعله بعدك يغالي
عفتوني وحدي بكربله منهو يبرالي
يااخي يابه الفضل احرقوا خيامي

مره اطفي بالخيم بنار شبوها
ومره ادور عالحرم بهيمه عفتوها
هالناس مابيهم رحم اطفال روعوها
عبد الله ذبحوه بسهم امه فجعوها
يااخي ياابا الفضل احرقوا خيامي

خلوني اركض عالجمر بالسوط ضربوني
يشتمني ياخويه الشمر دموعي بعيوني
يضحكون هاي ام الخدر بحبل جروني
ثارات يردون لبدر بيهن يذكروني
يااخي ياابا الفضل احرقوا خيامي

رضعان تنطر جيتك يابو الحميه
تحلم تشاهد جربتك هاي المسيه
خويه يريدن شوفتك سكنا ورقيه
اختك غريبه تنختك نخوه عربيه
يااخي ياابا الفضل احرقوا خيامي

تسمع يخويه صيحتي انهض يكافل
بجفاك كبرت علتي يبرالي عايل
شلون اركب ناكتي تميل المحامل
ماتنحمل يامحنتي هل حرم شايل
يااخي ياابا الفضل احرقوا خيامي

كريم الجياشي
@hussein889

باجر يسل سيف الغضب مهدينه
ياخذ بثارات الضلع وحسينه

ياخذ الثارات ابو صالح بيده
حرك الخيام اعلى الشمر ايعيده
يحرك عمرهم حرمله ويزيده
عثمان يسحك راسه يكطع جيده
قنفذ يسطره ويطفيها عينه
ياخذ بثارات الضلع وحسينه

باجر المهدي بزوده ترجع زينب
تدخل الشام الحره ابد ماتنحب
المهدي يزعل لون زينب تغضب
ويخلي ابن زياد جسمه مسلب
تفرح رقيه والضعن وسكينه
ياخذ بثارات الضلع وحسينه

باجر الحجه بامر الله يحكم
ويكول النه الامر لامو الكم
الكعبه عدنا بكربلا مو عدكم
ياال ابو سفيان اهدر دمكم
تنور الدنيا بطلتك والينه
ياخذ بثارات الضلع وحسينه

يهدم سقيفتكم اوكل ماضيها
ترجع خلافة حيدر او يحيها
ياخذ بثار الحسن ويصفيها
ويبني ضريحه وكبته يعليها
والرايه رفت بالمناره علينه
ياخذ بثارت الضلع وحسينه

عالمشرعه المهدي يخلي حدوده
ويرجع العباس يترس جوده
والرايه ترجع ماتضل معكوده
والجيش خيرهم يكص زنوده
عباس ينهض ينتجي بجفينه
ياخذ بثارات الضلع مهدينه

كريم الجياشي
@hussein889

القران فارگ سوره
كسروا ضلع من نوره
ويلاه شهگت بالهوه
ويلاه شح درب الضوه
ويلاه و المحسن هوه
ويلاه ويلاه ويلاه
................................
حجي الگلب ذكره وصور . لفراگ الهوه
شمره العشگ راسم عمر . خلصانه سوه
شمعة نبي انفخت حسد . وانباگ الضوه
شاتل دمع خضر كسر . معتاز الدوه
البير صاحب نشمي
اشگد سولفتله بهمي
ويلاه يبچي ويستمع
ويلاه من احجيله بدمع
ويلاه عن كسر الظلع
.............................
رجفت ورد اصغر غصن .. من عده انكسر
صفنت عطش عازت عذب .. والغيم انقهر
شاحب وجه لون الوكت .. من لوني انعصر
كلشي انبهت حته الملح . لمعاتب كبر
الباب واگف يسمع
الحايط اعيونه تدمع
ويلاه البسمار شكثر
ويلاه شارك بالعصر
ويلاه واتبده العطر
..........................
شيب الجفه مراية حزن .. لروح الفارگت
شيم النده يفزع مطر .. لهرش الذوبلت
الضل انحنه و الفي خلص .. لمن غربت
شهگت سمه رفت ارض .. من الباب اطبگت
بانت اثار الطبگه
طاح الرطب من عثگه
ويلاه من وليدي وگع
ويلاه گلب امه انفجع
ويلاه عرش الله انصدع
................................
الظهره انكسر ايحشم الدرب .. من اعثر انفضح
الثاره انعرف دمعه ابدوي .. شيهوده الصبح
سنطه الحچي وحرگت گلب .. والشوغه جرح
الساكت هظم فكره ابتعد .. ماينفع شرح
المنهظم شيفرحه
والزهره همه وجرحه
ويلاه العين مزورگه
ويلاه بدمع مغورگه
ويلاه روحي مشبگه
.............................
وحشة العمر صوت التحب .. لو ذكرى اختفه
مشيع دمع راسم صور ... بدروب الجفه
الفاتحه بروحي انقرت .. المكسورت صفه
البيت بلا ام شمعة شته .. واضواهه نطفه
ظلمه اصبحت كل عشره
من فارگيت الزهره
ويلاه من الباب ابتدات
ويلاه وبالعتبه انتهت
ويلاه عافيتي ومشت
................................
شارة طفل ينزف بخت .. اتبين حوبته
الصاحوله رد گلهم وان .. تطلع شارته
الذمه برگب كلشي استغل .. شمعي الطفته
الوشلت گصص باگت حلم .. عمري بطيحته
الجدته اتصير امه
خلوه امير الامه
ويلاه من نشفت گصص
ويلاه ع الدنيه انحرص
ويلاه كل حجي خلص
....................................

خادمكم الاقل شرفاً

كرار اللامي
@hussein889

حسين اغضب عالكوم..مثل النسر ضل يحوم
ساتر يدور اعلى الخيم..الجيش طش بيه علوم

سرفن اردانه ابن الفحل
طك الزلم رأس براس
سكنا تهوسله بعلم
يتنخه بسم العباس

حسين يضحك من يهد
عدوانه تشعر بالبرد
الكرب صدك ما يرد
زينب تكله الله أعد

ياخويه لعيونج تره..اليوم اسوي الاخره
من سيفي ماواحد سلم..الجيش طش بيه علوم

كور الحومه بصارمه
ولمه وخبط صافيها
فارس معلم بالحرب
عين الصلف يطفيها

يرعد دخل للميدان
بالحومه شبت نيران
الجيش سواه نسوان
صارت الوادم خرسان

معروف يوم الموزمه..شلون اخته تحشمه
منهو اليمر صوب الحرم..الجيش طش بيه علوم

شيخ العرب يوم الفعل
السيف يروي حجايته
وحسين من طب كربلا
معرفه جانت غايته

ليزيد ما يقبل حكم
ثائر اجه بوجه الضلم
عدوانه رواها السكم
فارس ومايعرف هضم

الصلب سواه نصين..صاحوا دخيلك يحسين.
بيهم ابد لامرحم ..الجيش طش بيه علوم

راعي المراجل صارمه
ذكرهم بحرب الجمل
شلون من حيدر برز
سجيل وي سيفه نزل

طش الزلم عن الماي
واحدهم متيه الراي
بس الصدى سمعوا جاي
خافوا يرد الوفاي

عباس اريدنه بالف..بالشاطي راح اترك خسف
اليوم ميفيد الندم..الجيش طش بيه علوم

اخو العباس بالعاشر
رد الشمر للكوفه
صاح اليوم بالميدان
اريد ارجال معروفه

اليوم بكربلا اثبت
زلمكم كاع ماتنبت
حيه ولابده وتنفت
وكت الموزمه تسكت

ازلزل بيهم الكاع..انه مخوف السباع
عالمشرعه نعلي العلم..الجيش طش بيه علوم

كريم الجياشي
@hussein889

قصيده ثكيله عتاب زينب (ع)
وخطاب الناكه
؟؟؟؟؟؟؟؟؟
عتاب هواي إليه وياج يالناكه
تمنيت انه ويه حسين نتلاكه
بس انتي مشيتي // بضعوني حديتي
تمنيت انه ويه حسين نتلاكه
؟؟؟؟؟؟؟؟؟؟؟؟؟؟؟؟؟؟

عتاب هواي إليه وياج وعتاب
اشوف حسين نايم فوك التراب
خليني اشد صواب الحباب
وحيده ومالي امعين // وانتي بحالي تدرين
تمنيت انه ويه حسين نتلاكه
؟؟؟؟؟؟؟؟؟؟؟؟؟؟؟؟

ياناكه شبيج بيه امشي عله الهون
اعفتهم عالثره كلهم يونون
وانه ميسره وي المايرحمون
ياناكه سمعي وني // شمر بيده ضربني
تمنيت انه ويه حسين نتلاكه
؟؟؟؟؟؟؟؟؟؟؟؟؟؟؟؟
ياناكه امشي عله هونج وادمع العين
عندي عتاب خليني اعتب حسين
وانتي بالمشي بهيده تسيرين
مريني عليهم // خل اسمع حجيهم
تمنيت انه ويه حسين نتلاكه
؟؟؟؟؟؟؟؟؟؟؟؟؟؟؟؟

تمنيت انه ويه حسين للدوم
فراكه عذباني وكلبي ملجوم
انه مدلله ومشي ويه الكوم
ياناكه صار الفراك // وكلبي محمل اشواك
تمنيت انه ويه حسين نتلاكه
؟؟؟؟؟؟؟؟؟؟؟؟؟؟؟؟؟؟

عتابي ماخلص ياناكه البين
من شفت الشمر يذبح بالحسين
تردين السفر بيه انتي تحدين
اموتن ويه الحباب // وانضم جوه التراب
تمنيت انه ويه حسين نتلاكه
؟؟؟؟؟؟؟؟؟؟؟؟؟؟؟؟؟

:
:
تـــــمـت والحمـــــدللـــه
✍الشــــاعره ام حـــوراء الاسدی

@hussein889

مربوعه

هد حيلي البعد // غبتو من العيون
شديتو المحامل // وين تردون
🎤🎤🎤🎤🎤🎤🎤🎤

هد حيلي البعد وفراك الحباب
مااحمل الغيبه والكلب ذاب
اضل متانيه والدمع سجاب
ائيس من بعدهم واكطع اضنون
🎤🎤🎤🎤🎤🎤🎤🎤🎤

هد حيلي البعد والدمع بالعين
اجيت ميسره وخليت الحسين
ماخذني الشمر مجتوفه الايدين
واسمعهم ترا باهلي يشتمون
🎤🎤🎤🎤🎤🎤🎤🎤
ماخذني الشمر ومخليه الخوان
لعب بيه اليريده دهري خوان
من زغري يدنيا كلبي حزنان
شفت امي بضلعها ضل يكسرون
🎤🎤🎤🎤🎤🎤🎤🎤

ضلع امي نكسر وانه سبيه
مشيت ويه الغرب محد اليه
صار اليل والهضمات بيه
والحكني يخويه بيه يحدون
🎤🎤🎤🎤🎤🎤🎤🎤


هد حيلي البعد شامت مشه وياي
جاوين الحياده ونور عيناي
نومه عله الترب ماشربو الماي
الزموهه الشريعه وامايشربون
🎤🎤🎤🎤🎤🎤🎤🎤🎤

:
:
:
تـــــمـت والحمـــــدللـــه
✍الشــــاعره ام حـــوراء الاسدی

@hussein889

:
فزاعیه: عله الولیان والخوان
الشاعرة ام حوراء الاسدی




دار اهلي تون ياناس //// تبجي تريد راعيهه
شايل يا جبير البيت /// ومسدد مبانيهه

^^^^^^^^^^^^^^^^^^^^^^^

شايل يا جبير البيت وانه عليه ولهانه
عايفنه بحزن يابوي روحي عليك خلصانه
جايمته ترد للدار واشوفك تكعد ويانه

(حزنانه/ ولدار تريدك)


^^^^^^^^^^^^^^^^^^^

حزنانه عليك الدار والله وكدر غاطيهه
تون عله لمشو ياناس والله وحزن لافيهه
اريد ابجي عليك اليوم والدمعات اجريهه

(واجريهه/ يادمعه عيني)

^^^^^^^^^^^^^^^^^^^^

وجريهه واصب دموع مجريه
وفكدك نحيل وامشي بضهر محنيه
فكدك نحلاني الحيل ماضل حيل جا بيه

(و يا حيلي/ وياهم شايل)

^^^^^^^^^^^^^^^^^^^

شال الحيل ويه شالو البعيد
شو ريض باهلنه لايجي العيد
لطمت انه عله راسي والطم الايد

(شيب راسي /يابويه ارجع)

^^^^^^^^^^^^^^^^^^^^

شيب راس كلبي وراحو الزينين
اهلنه سباع يااهل الدواوين
شالو للمكابر جنهم مغربين

(حزنانه/ ياروحي عليهم)

^^^^^^^^^^^^^^^^^^^^^^^^^^^

حزنانه المباني تريد راعيهه
ليش ازلامنه التراب غاطيهه
شيعودك بعد لوترجع عليهه

(مضنونه/ مايرجع راح )

^^^^^^^^^^^^^^^^^^^^^

:
:
:
تـــــمـت والحمـــــدللـــه
✍الشــــاعره ام حـــوراء الاسدی

@hussein889

فزاعيه للزهراء ( ع )
ام البيت شالت // ما ترد لينه
خلتنه بحزن // واليوم ونينه
//////////////////

ام البيت شالت ليش ماهيه
خلتني بونيني وروحي مجويه
صعب افراكهه ونار سعريه

؟ البيت اضلم طافي // انواره ؟

//////////////
يمه البيت ماريده بلياج
رديله ييمه الروح تهواج
مانرهم ترا احنه من فكدناج

؟ رديله بيتج // لايخرب ؟
//////////////////

بيتج من مشيتي يبجي عليج
يالرحتي من اديه تراب غاطيج
خله الموت يساوم واني اشريج

؟ الموت يساوم واني // الشرايه ؟
///////////////////


ام البيت شالت خذت كل حيلي
عافتني يتيمه شلون ياويلي
خلتني بهضم مانايمه ليلي

؟ محلاهه يا كلمه // يمه ؟
///////////////////


محلاهه وترد الروح محلاهه
ايامج ييمه مانسيناهه
شكد حلوه كعدتج من ذكرناهه

؟ ماريده البيت // خلافج ؟
////////////////////

:
:
تـــــمـت والحمـــــدللـــه
✍الشــــاعره ام حـــوراء الاسدی
@hussein889

مربوعه للزهراء ( ع)

؟؟؟؟؟؟؟؟؟؟؟؟
ضعيت الحنينه وين_______ الاكيها
_
شماابجي عله _ مااجازيها
؟؟؟؟؟؟؟؟؟؟؟؟؟؟؟؟؟؟

ضيعت الحنينه وكلمه اليمه
اطب اللدار يمه وحجرتج ضلمه
يالرحتي وتركتي بكلبي الهضمه
يمه بروحتج روحي هضمتيها
؟؟؟؟؟؟؟؟؟؟؟؟؟؟؟؟؟؟

شالت والمحنه شالت وياهه
اه ياأمي الحنينه وين نلكاهه
فكدنه احنه المحنه من فكدناهه
كون الموت يرضه انه لشريها
؟؟؟؟؟؟؟؟؟؟؟؟؟؟؟؟

كون الموت يرضه يبيعلي امي
ولله اشريج يمه تشرك بهمي
بس الموت خله دمعتي تهمي
اون عليج والله وانتي اعليها
؟؟؟؟؟؟؟؟؟؟؟؟؟؟

يمه فركتج صعبه وتهد الحيل
ماجازيج يلى سهرتي اه باليل
من نمرض دمعتج ماتبطل تسيل
شكد حلوه عبرتج من تلوليها
؟؟؟؟؟؟؟؟؟؟؟؟؟؟؟؟


ننام احنه ييمه وانتي تسهرين
هذا اليل كله ضاله تلولين
يانغمه حنانج حلوه من تنعين
اه يضناي يمه من حجيتيها
؟؟؟؟؟؟؟؟؟؟؟؟؟؟؟؟؟

اريد ابجي عله بالله خلوني
هاي امي العزيزه وياهه دفنوني
من راحت تراهي كطعت اضنوني
خلتني وحيده وهاي تاليها
؟؟؟؟؟؟؟؟؟؟؟؟؟؟؟؟؟

:
:
:
تـــــمـت والحمـــــدللـــه
✍الشــــاعره ام حـــوراء الاسدی

@hussein889

قصيده ثكيله للزهراء (ع)
؟؟؟؟؟؟؟
وين امي الحنينه ++ وين امي الحنينه
مشتاكه عله شوفج ++ وين امي الحنينه
شيعودج عليه // يالرحتي من اديه
وين امي الحنينه
☆☆☆☆☆☆☆☆☆☆☆

وين امي الحنينه موحشه الدار
يالرحتي من اديه و كلبي محتار
اباوع عالصور بس عندي تذكار
شلتي وين ترحين // بيه شوتكطعين
وين امي الحنينه
☆☆☆☆☆☆☆☆☆☆☆☆
بيه شو تكطعين مشتاكه عله شوفج
كون الموت ينباع اضل ومااعوفج
اريدج يمه وياي جفوفي ع جفوفج
انتي زهره البيت // بعدج حيل ونيت
وين امي الحنينه
☆☆☆☆☆☆☆☆☆☆☆☆
بعدج حيل ونيت ولونه خفيه
وين امي الحنينه طب هسه عليه
امي ونور عيني وترحب هيه بيه
ردي ولاتضلين // يبجي الحسن وحسين
وين امي الحنينه
☆☆☆☆☆☆☆☆☆☆

ردي ولاتضلين يمه بنص التراب
احنه عيال دونج ترا ماعدنه احباب
يالرحتي ومشيتي ودمع العين سجاب
دمعي دوم اهله // ونوحي ماامله
وين امي الحنينه
☆☆☆☆☆☆☆☆☆☆

نوحي ماامله ياغله الحبايب
االبنت بدون امهه اتضل هيه بغرايب
اشوفنج تنامين يمه بنص ترايب
كافي نوم الكبور // كلبي صار مكسور
وين امي الحنينه
☆☆☆☆☆☆☆☆☆☆

:
:
تـــــمـت والحمـــــدللـــه
✍الشــــاعره ام حـــوراء الاسدی

@hussein889