قصيدة في رثاء الإمام الحسن العسكري عليه السلام

جرح مصابك
اذّه احبـــابك
والمهدي تيتّم بغيابك
..........

ياوالــد مهـدينـه الغـالي ياحجّة رب الأكوان
الله ختـارك بـعـد الهادي وتكمّل بيـك الإيمان
يالعسكري وحبك واجب موجود بنَصّ القرآن
مو بس الإسـلام يعرفـك تشهدلك كل الأديان
الينكر فضلك
لاشـك يهـلك
ما ينخط اسمه عله كتابك
.............

معصوم وبارينه ختارك حجّة عله الناس يطيعوك
يالحسن معروفه اوصافك بوصاف الهادي يوصفوك
خـوّف عــدوانـك منهاجك من عنـدك خافـوا اذّوك
تـتـراقَـب حتّـى لســـامـرّه عن موطن جدك بعدوك
يشهد صبرك
خلّص عمرك
بالغربه وطوّلت غيابك
..............

يالعسكري وعشت الغربه مظلوم بدارك مسجون
متراقـب بعيون اعـدائـك يخفـون انوارك يردون
شافوا امرك ظل يتوسع ومن امرك هُمّه يخافون
والمـعـتـمـد قـرّر قَـتـلـك قَـدمـلـك سِمّه الملعون
حاقد سَمّك
محّـد يـمّـك
بس المهدي ينوح ابابك
..............

بـآخـر انفاسـك ودّعته حاچيت المهدي وحاچاك
ضمّيته لصدرك بچفوفك شمّيته وغمضت عيناك
ظل يبچي عليك ويتحسّر مفجوع المهدي بفرگاك
غسّل جسمك بيده المهدي وبگـبـرك هـوّه الواراك
تيتّم بعدك
فاگـد ودّك
مفجوع اتعفّر يترابك
..............

يالعسكـري واحنـه حبــابـك نقيم المأتم ونواسيك
لو نعمي عيون عله مصابك نصرخ هيهات نوافيك
اقـبـلنـه الليـله وسـجّـلنــه غايتنـه انريـد انعزّيك
نعـرف متخيّب كـل واحــد يتعنّـه ويوصل واديك
لـلـمـحـتـــاجه
تگضي الحاجه
وفّاي ومتعوف اصحابك

اهدي ثواب هذه القصيدة إلى روح والدي المرحوم خطيب المنبر الحسيني سيد جوده سيد صادق الفحام

خادمكم سيد زيد الفحام
_______________________
@hussein889

نعي. للإمام الحسن العسكري عليه السلام


غريب العسكري ومسموم چبده
يعالج بالسجن ياناس وحده
سمه المعتمد بچفوف حقده
يعرفونه النبي المبعوث جده


غريب ومات مسموم بغربته
ومن كثر الألم ذابت مهجته
يمه المنتظر يهمل دمعته
ينوح لوالده وفگده ومحنّته


وحنه نشارك المهدي عتنينه
يم گبر الحسن نحنه وبچينه
نصيح بصوت خدامك اجينه
مصابك يالحسن يصعب علينه


چف السممك ياريت. ينشال
جرحك لاتضن مولاي. ينشال
نعشك للگبر مسموم. ينشال
يويلي وتندفن تحت الوطية

خادم الامام الحسن العسكري عليه السلام
سيد زيد الفحّام
________________________________@hussein889

((نزله لشهادت الامام الحسن العسکری ع ))

ویلی عل مسموم گلبا نصین إنفطر
ویلی عل مظلوم ساعد اللّه إلمنتظر
&&&&&&&&&&&&&&&&
شیعتک نادت یقائم و إعتله عدنه إلندا‍ء
للحسن و اللّه إعتنینه للگبر ننصب عزاء
نعتنی إبهای إلمسیره چنهه مشیت کربلاء

تعتنی هل ناس ما یهم بیهه الخطر
تلطم إعله راس ساعد اللّه المنتظر
ویلی عل مظلوم...ویلی عل مسموم
&&&&&&&&&&&&&&&&
ما نخاف إلموت لحظه ومانرد من هل درب
نمشی و إنعزی ولینه إلمهدی حزنان إلگلب
نعتنی وندری إلزچیه إویانه دمعتهه تصب

نسرع إلخطوات و ألدمع یجری نهر
نرفع إلرایات ساعد الله المنتظر
ویلی عل مظلوم...ویلی عل مسموم
&&&&&&&&&&&&&&&&
إحنه أولاد إلصمیده حیدرا راعی إلفقار
ما نطخ إلراس لَحد لو یگطعونه وذار
نعتنی صوب إلزیارا بلمشی عدنه إنتصار

بل عقیده إنزور کل فخرنه إبهل سفر
نسحگ إعله إلزور ساعد اللّه المنتظر
ویلی عل مظلوم...ویلی عل مسموم
&&&&&&&&&&&&&&&&
إحنه من نمشی إبمسیره ترجف إگلوب إلعده
وإلی یتعده إعله حگنه بلولایه إنگیده
نعتنی إلیله إبعزانه وإلعزاء إنجدده

ما نهاب إلموت والیعاندنه إنکسر
یرتفع هل صوت ساعد اللّه المنتظر
ویلی عل مظلوم...ویلی عل مسموم
&&&&&&&&&&&&&&&&
نعتنی إلیله نعزی فاطمه وحامی إلحمه
للحسن هلیله کلنه نهمل إلمدمع دِمه
نعتنیله وإلایادی عل صدر هل لاطمه

تهمل الدمعات چن جمر من النظر
ونه و الحسرات ساعد اللّه المنتظر
&&&&&&&&&&&&&&&&

تمت بعون اللّه

لخادم محمّد وآل محمّد ص
عباس ابوحمزه الزرگانی الفلاحیه
@hussein889

الليله تتويج الامام
مفخره ورحمه وسلام
المهدي امامك ابوالغيره
بايعه بجف البصيره
مفخره ورحمه وسلام
@@@@@@@@@@
واجب الليله كلبنه ينسعد
ويجي للمحفل يبايع يستعد
من نشيل جفوفنه نذل الحقد
ونترس بافراحنه الدنيه ورد
المنتظر بيه امتثل
يملي الدنيه عدل
ابو صالح ماكو غيره
بايعه بجف البصيره
@@@@@@@@@@
ياترافه الليله دغدغنه النسيم
رغم جرح البينه حبه بالصميم
عاشكينه وحكنه بشواكه نهيم
ابن قائدنه وصراط المستقيم
ننتظر رفت لواه
العذب ساحرنه بهواه
ارواحنه بجيته اميره
بايعه بجف البصيره
@@@@@@@@@@
رغم جور اعداه ويعصرنه الالم
يبقى بينه يعيش ناموس وقيم
ننتظر لمته يرف بيده العلم
نشوف كلشي من الارجاس انهدم
من يحل في كل مكان
ينملي خير وامان
بكلشي نصبح نستشيره
بايعه بجف البصيره
@@@@@@@@@@
بنور وجه ينمحي وجه الجهل
كلهه تسكت لو ضهر ابن الفحل
بأمر من الله صبح راعي المحل
وبهذاك اليوم الاسلام اكتمل
ياعذوبه وياسماح
ابد ماتبقى جراح
راحه لمن طش عبيره
بايعه بجف البصيره
@@@@@@@@@@
شماحجت وشماتكول المغرضه
مايهزنه كل حجيهم نرفضه
من وعي وادراك اخذنه الموعظه
تنادي عجل بالضهور الرافظه
تندبه من كل فج
ربي عجل للفرج
جفوفنه خلافه كصيره
بايعه بجف البصيره
@@@@@@@@@@
الخادم عبدالمعين الشمري

قصيدة في تتويج الإمام المهدي المنتظر عجل الله فرجه الشريف


ياوريث المصطفى وجامع خصاله
علمه وخلاقه وفضل جاها وجماله
..

سيدي يالمهدي خصّك بالكـــرامه
خالق الأكـوان ونطـاك الزعـــــامه
لبّسك يالمنـتـظــر تـاج الامـــــامه
سيدي وكل شيعي يبعثلك سلامه
الله خـصّـك بالـعـــلم جـلّه جــلاله
..

اليوم تتويجك ياقـــائـدنه واملنه
الله مـن دونـك فـلا يـقـبـل عملنه
انبـايـعـك يالمهدي هالليله بحفلنه
نـشـكـر المعبـــود خـدامـك جعلنه
بيك يالمـهــدي كـمـل نهج الرساله
..

توّجك رب العرش يالمـهـدي قــائد
وارث أهل البيت غيرك ماكو واحد
انّـجـمـعـنـه الليله اتبـاعــك نعــاهد
انبايعك بعد الحسن والباري شـاهد
كل محب يمته الفرج تسمع سؤاله
..

فرحـت الزهــراء بيـك وفرحة هيّـه
مـن تـسـلّمـت الأمــر هــاي المسيّــه
انـت تـاخــذ ثـارها امن النـاصبيّــــه
وثـار ابـوالأكـبـر ذبيــح الغـاضـريّــه
بسيفـك تبـيـد الظلم وهـل الضــلاله
..

بفـرحــة التتويـج هالليله انجمعنــه
سيـدي انـهـنّـيـك يالمهدي ابفـرحنـه
احنه انصـارك يـمـهـدي العترة احنـه
يمته يايوم الفـرج يالمـهـدي صحنـه
كل ظلم يـنـزاح وتـســود العـــــداله

سيد زيد الفحام
____________________________
@hussein889

فداء للحسين:
فرحانه هليله الملة وتهني والد فاطمة
مولد علي مولد علي مولد علي الليله
...........................................
مولد علي هذا المسه حامي الحميه علي
والفرحة شعت بالفلك هاي المسيه علي
بعد النبي حيدر صبح خير البريه علي
وتهني طه المصطفي بمولد وصيه علي
والنور ضوه المظلمة وتهني والد فاطمة
مولد علي مولد علي مولد علي الليله
...........................................
وشمس زفت للگمر اجمل هديه علي
والگمر هليله بتشر وادة التحيه علي
والكون اعلن لنجم حفله زهيه علي
ونجم ماخذه العزم تضوي سريه علي
الحفل صاير بالسمه وتهني والد فاطمة
مولد علي مولد علي مولد علي الليله
...........................................
الفرحة عندي تكتمل يوم الشفاعة علي
تحضرني يوم الموزمة عندي قناعة علي
تشفعلي يا نعم الولي بوگفت الساعة علي
وگت الشدد ما يخذلك هاي طباعة علي
والي نگر گلبه عمة وتهني والد فاطمة
مولد علي مولد علي مولد علي الليله
...........................................
مولد علي رمز الابا وتشع الافراح علي
والعطر شع بهل فلك جن ورد قداح علي
كل حزن بذكرك علي هليله ينزاح علي
ولي مشه بنهج الولي صدگني يرتاح علي
يرتاح يروه من الضمة وتهني والد فاطمة
مولد علي مولد علي مولد علي الليله
...........................................
مولد علي نور ويشع برض المدينة علي
والكعبة بيه تشرفت مولد ولينة علي
هنياله كلمن شايعه حيدر علينه علي
شيعتك بسمك تفتخر اسمك سفينة علي
والكفر ذل بصارمة وتهني والد فاطمة
مولد علي مولد علي مولد علي ألليله
...........................................
خادمكم
مرتضى الشيخ راضي الدراجي
@hussein889

فزاعيه مع رباط هوسه

؟؟؟؟؟؟؟؟؟؟؟؟؟؟؟
نويتو عله السفر // ودار خلوانه
تخلوني بهضيمه // وحيل حزنانه
__________

نويتو عله السفر كلكم يهالينه
بفراك الحبايب حيل ونينه
والله فراكهم ياناس يكضينه

شيعوده // الشال وغرب
؟؟؟؟؟؟؟؟؟؟؟؟،

شيعوده علينه الراح شيرده
والله فراكهم والكلبي يمرده
تشيل احباب عنه شلون يتهده

خلوانه // الدار خلافه
؟؟؟؟؟؟؟؟؟؟

مايرجع بعد والراح شيرجعه
بهمي اني تره وسلواي بس دمعه
اقنع الروح لاكن كلبي شيقنعه


عله احبابه // الونه تزيد
؟؟؟؟؟؟؟؟؟؟؟؟


ونتهم ثكيله وحيل تاذيني
شالو والنزل يوحش يبجيني
اريد اعميج ياعين وضوه عيني

عله احبابي // ياروح اكضيها
؟؟؟؟؟؟؟؟؟؟؟؟؟؟

عله احبابي اريد اعميج ياعين
يالشالو هلج بس علي الونين
بعازتهم بعد انتي تضلين

مايرجع // ميت مضنونه
؟؟؟؟؟؟؟؟؟؟؟؟؟

رحمينه يدنيا وكافي الحزان
ويالتسئل عليه وحزني عنوان
وجنت مدلله وهسه دهر خان

ويانه جاوين // الكعدو
؟؟؟؟؟؟؟؟؟؟؟؟؟؟

:
:
تـــــمـت والحمـــــدللـــه
✍الشــــاعره ام حـــوراء الاسدی

@hussein889

قصيده ثكيله لفقد الاحباب
؟؟؟؟؟؟؟؟؟؟؟
عشت ذكره بجفاكم واضلن مانساكم
اشو طالت الغيبه ونريد احنه وراكم
اخذونه اه يالحباب ؟؟؟؟ دمعنه دوم سجاب
اشو طالت الغيبه
؟؟؟؟؟؟؟؟؟؟؟؟؟؟؟؟؟؟؟

اشو طالت الغيبه والسفر طال
والله فراكم عذبلي الحال
بجيت انه عليكم دمعي همال
دم ابجي بالفراك ؟؟؟؟ كلبي حيل مشتاك
اشو طالت الغيبه
؟؟؟؟؟؟؟؟؟؟؟؟؟؟؟؟


اشو طالت الغيبه اه يالحباب
عفتوني غريبه بين الاجناب
اضل مناطره يادكت الباب
اعيش انه بذكرهم ؟؟؟ احبابي مااملهم
اشو طالت الغيبه
؟؟؟؟؟؟؟؟؟؟؟؟؟

اعيش انه بذكرهم كلبي ملهوف
فكدت احباب كلبي ودربي مأشوف
احس الدنيا ضلمه وكمر مخسوف
ضلمه الدنيا صارت ؟؟؟؟ عيني بدمعي حارت
اشو طالت الغيبه
؟؟؟؟؟؟؟؟؟؟؟؟؟؟؟؟
ضلمه الدنيا صارت من بعدهم
دعيت الله علي هوه اليردهم
احباب وكلبي ابدن مايملهم
نكعد وكت الغروب ؟؟؟؟ بسوالف نجلي المكلوب
اشو طالت الغيبه
؟؟؟؟؟؟؟؟؟؟؟؟؟؟؟؟؟؟؟؟

نكعد وكت الغروب ولمه هنيه
حلوه اه يالحباب كعدتنه سويه
هسه انه بذكرهم ودمعه جريه
دمعتي دوم بالعين ؟؟؟؟ يروحي شنو تردين
اشو طالت الغيبه
؟؟؟؟؟؟؟؟؟؟؟؟؟؟؟

:
:
تـــــمـت والحمـــــدللـــه
✍الشــــاعره ام حـــوراء الاسدی

@hussein889

شور …

عوفي يخيل ..
شضل بي بعد .. جسمه انمرد ..
عوفي يخيل ..
لضهرچ صعد .. دم الجسد ..
عوفي يخيل

.....................
چماله فوگ الذبح .. حافرچ بي يلح
كافي عوفي الصدر .. شخله بيه الرمح

كافي صدره انكسر .. جسمه صاير وذر
حافرچ حذوته .. چلبت بالظهر

ضل بيه اثر ..
من انرفس ..حافر فرس ..
ضل بيه اثر ..
صدره نعفس .. غبره انترس ..
ضل بيه اثر

………………………
ليش طول ابعرض.. حافرچ بي يرض
جسم اخوي انتثر .. بكل كتر بالارض

هنا وصل للخيم ..من اخيّي لحم
من الخيم للجسد .. الدرب كله دم

درب الخيام ..
دم انمله .. مني اله ..
درب الخيام ..
حيلي انسله .. شلون اوصله..
درب الخيام
......................
عيونچ معصبه .. چنچ امدربه
وين مابيه جرح ..حافرچ صوبه

الميت من الالم .. وبالگلب چم سهم
مايحس بالسحگ .. ضلعه لو انهشم

بيّا الألم ..
من ينسحگ .. اني احترگ..
بيّا الألم ..
ضلعه يطگ .. واني اختنگ ..
بيَا الألم

.....................
منه شي چن طلع .. وگلبي مني وگع
گلبه لوچبدته .. عالترابه انطبع

واني رأسن متت .. بعيني لمن شفت
چبده هذا الوگع .. وبالهضيمه صحت

اه يالعذاب ..
حتى السمه .. مطرت دمه ..
اه يالعذاب ..
فوگ الضمه .. چبده انرمه ..
اه يالعذاب
…………………….

بعيني گمت اني اصد .. عليه تروح وترد
دققت بالنظر .. لنه طايح چبد

العشره ألسحگته .. طلعت چبدته
عليها مالحگت .. والچبد مردته

شلحگ بعد ..
فوگ العطش .. كل جسمه طش ..
شلحگ بعد ..
لحمه نفرش .. عظمه نهرش ..
شلحگ بعد
……………………...
هناكتلني الهضم .. لشبگته انحرم
منين اقبله احترت .. بسته من العظم

بجسمه ماضل شبر .. ماكو طعنه الشمر
شما اشيله بديه .. عظم اصد منكسِر

موهذا اخوي ..
بس ضل نحر .. صاير وذر ..
موهذا اخوي ..
حيل انعصر .. وجه وظهر ..
موهذا اخوي


الشاعر عقيل كاظم الحسناوي..
@hussein889

نزلة
( السيدة زينب ع والامام العباس ع )

لا تفاركني. تبتعد عني. يعباس

بيدي ربيتك بعيني خليتك يعباس

اني كبرتك يخويه لهايه الايام
لو عبر واحد حدودك ليله مانام
انته مثلك بشر ماكو بكل الاسلام
شبه حيدر ذاك هو الرافع الهام

انته اوفاهم. انته اعلاهم يعباس

شامخ بصيتك بعيني خليتك. يعباس

انته يل شايل محنت ام البنين
نذرتك كافل اليه وحامي الحسين
كتلي ماعوفج يزينب تشهد العين
لون شفتيني طريح بلايه جفين

توفي بوعودك. فدوه لزنودك يعباس

بكلبي باريتك بعيني خليتك. يعباس


اني ضميتك كفيلي بوسط الضلوع
لو همس بذني حنانك تجري الدموع
لا تخليني بغيابك كلبي مفجوع
من ترد سالم لخيتك اشعل اشموع

تلتم جروحي. روحك بروحي. يعباس

رايه سلمتك. بعيني خليتك يعباس


بصمه جودك خله خويه لكل الاجيال
خله تشرب وفه منه هاي الاطفال
فضلك الصاير عليهم كد الجبال
من وصل حالك يخويه لهايه الاحوال

فاركت خدرك. ضيعت عمرك. يعباس

بكلبي راسمتك بعيني خليتك. يعباس


انه من امشي نشدتك تمشي وياي
كتلي من عيني يزينب هاي وي هاي
انه من امشي بغيابك صعب ممشاي
ينظر الاختك يخويه الراح والجاي

دهري اذاني باعد اخواني. يعباس

بروحي شاريتك بعيني خليتك. يعباس


الله اليعينك يخويه بهذه المصاب
من تمر زينب سبيه ويه الاحباب
لا يظل بالك علينه بين الاجناب
أنتو علمتونه خويه درس الحجاب

رغمه لمصابي ستري بحجابي يعباس

اني راخصتك. بعيني خليتك. يعباس

نسألكم الدعاء
علي حسين المياحي
@hussein889

هنيالها زينب بيك هنيالها

ياحلم يالماتنجاس ياماي يمصاحب هله
سولفوا بيك الفرسان كالوا شما يتعب حله
والكمر لو باكه الغيم العباس عدنه بكربله
ليش عله جودك ركضت الجتاله تارس جربتك ماي لو خياليه

__________


تخطف ضوه وماتنشاف يمحير وياك الزلم
مثل الحلم ماتنلاح ياجف كدر يلزم حلم
من عينك يريد يشوف ثاري السهم هم يفتهم
روحك بزينب ما متت بجروحك حركوا خيمكم يلا طلعت روحك


___________
عباس موت عله حسين وتقاسم وياه الضمه
موت الكمر مو للكاع هو الكمر بس للسمه
مر طيف اريد اكضي الشوك واوصل بطيفك للعمه
هو اليحبك عشكه يعبر قلبه هذا الحجي وماشفنه بس التربه


__________
عباس يالواكف خير هنيال بطن الحملتك
ماطاح جفك بالكاع طاحت الكاع بيمنتك
عطشان بس جان الماي يحسد الماي بجربتك
اثنينهن عباس جنك كمره يامحله وجهك بالسهم والخضره

____________________

زينب تسولف للريح من هده وصارت سكته
من شالوا عليه الصوت كالت فراكك ضكته
معناها ميت عباس عباسنه وحافظته
البيت بالطف عالرمح خي عوني هو انت نفسك عباس بعيوني
________@hussein889
الرادود سيد فاقد الموسوي
الشاعر حمزه الحسناوي

🌲قصائد حسينية مكتوبة
قبل الرواديد🌲
📜 قصيدة : شيخ الانصار
✒️ الشاعر : محمد الجماسي
🔷 الرادود : حسين والي اللامي

حي الله حي الله شيخ الانصار
يا هلا بهالشيبة المباركة
ملك چنه من الملائكة
واحد وتسعين عمره
عوزه بس اعوام عشرة
يصير تسبيحة الزهرة
شيخ الانصار .. شيخ الانصار
🔷🔷🔷🔷🔷🔷
طلع الشيخ علينا من ثنيات النجف
راكب الناكه الجبيرة وفوگة نخلة من السعف
وصل يم خيمة رقيه وشمر خاچيته وزحف
واحد من الفتية چنه النامو بوسط الكهف
مولده بعاشوره ومقتله ..والهوى البأنفاسه من كربله
والحسين يشوفه حاير.. كله يا ابن مظاهر
راح القبك يوم عاشر
شيخ الانصار .. شيخ الانصار
🔷🔷🔷🔷🔷🔷
بنية لو زهراء عندة چان سميته نبي
طولة يم عبد الله يزغر چنه تل الزينبي
بالصلاة يوميه يدعي ربي احلفك بالعبي
ربي سويني عليل وحتى اروحن للسبي
قل هو الما ضاحك صار اشكثر
يبچي عالمظلومة ونال الكسر
بيت الاحزان بضميره .. جروحه هم مثله چبيرة
استقبلوا شيخ العشيرة
شيخ الانصار .. شيخ الانصار
حي الله حي الله شيخ الانصار
🔷🔷🔷🔷🔷🔷
مثل ما سوة محمد من رجع من المغيب
حسين يالأنصار گلهم انما النصر قريب
وين ما تبرك الناگه ابنوا صيوان لحبيب
هذا عمي الي احبه هذا جرحي والطبيب
غالي شابگ غالي برقة وحنين
ويمكن لهالساعة متشابگين
حي الله حي الله شيخ الانصار
🔷🔷🔷🔷🔷🔷
بخيمة العباس ترب لحيته وباس العلم
عرگت چفوفه ودمعته چلبت مثل السهم
گله يا عباس يلي تارس الدنيه خيم
انته اكبر من محرم طاخ راسك بالقمم
كربلاء زغيره وطولك جبل
يا حلاته بعينك هذا الزعل
انطيني جفك خل اشمه.. البيه عطر كل الائمة
طيب وبالطف تسمه
شيخ الانصار .. شيخ الانصار
حي الله حي الله شيخ الانصار
🔷🔷🔷🔷🔷🔷
راح يتبرك بزينب والعقيلة تلگته
يا هلا بريحة اهلنه وهلا بشيبة لحيته
كلها يا ولاتي عبدج بس اقبلي طاعته
النار من توصل الخيمة اعليها اذب فصل الشته
بركاتچ زينب ما تنحصي
عالمه وعلويه وبنت الوصي
من عباتچ خيط واحد الله سوه شگد مراقد
وبسمچ اول من يجاهد
شيخ الانصار .. شيخ الانصار
حي الله حي الله شيخ الانصار
🔷🔷🔷🔷🔷🔷
بكربلاء صلوا جماعه وياهم الحر التحق
انصعقوا ابنور الامامة مثل موسى من اصعق
من اجه عزريل صاحوا ان وعد الله حق
چم يزيد وشمر منهم يرجف وعاش بقلق
من نختهم زينب شوف شحدث
گامو من الحومه بس الجثث
من جديد انولد عابس .. ابيض ومثل النوارس
ينذكر ظل بالمجالس
شيخ الانصار .. شيخ الانصار
حي الله حي الله شيخ الانصار


@hussein889

لسان حال الامام الحسين ص..
..........................................
لمن شوفنج اكول..رقيه نسخه امن البتول
من ماتت الزهره الجبيره..الله رزقني بام زغيره
حاير شوصفهه وشكول..رقيه نسخه امن البتول
........................................................
لمن تجيني بخيمتي بنيتي رقيه
عايزهه طول شويه وتصير الزجيه
دخيلك علي من تبتسم شسوي بيه
اكعد على ركبي واظل فاتح اديه
تشبكني ومغمض اكون...عاشكهه ولحد الجنون
وتصير بحضاني اسيره..الله رزقني بام زغيره
حاير شوصفهه وشكول..رقيه نسخه من البتول
.............................................


انه وعضيدي نسولف اعله الخططيته
ولو مرت رقيه بغفل انسه الحجيته
عباس ذكرني شكلت خويه نسيته
بس كلي رباط الحجي بيمن ببديته
عباس هم صافن حنين..يمكن ذكر ام البنين
تصعد على جتافي الاميره..الله رزقني بام زغيره
حاير شوصفهه وشكول..رقيه نسخه من البتول
..................................................
راسي بحضنهه اتمدد هيه طبيبي
وبسرعه انامن من تحك بصبعهه شيبي
من اغفه بوسه بكصتي صارت نصيبي
وتكول اسكتن يالنسه نايم حبيبي
شكد انه مقهور وهظيم..ما حسستني انه يتيم
حسيت جن يمي العشيره..الله رزقني بام زغيره
حاير شوصفهه وشكول..رقيه نسخه من البتول
.....................................
لو ردت امشط لحيتي اندهه ليه
امراية الله وبالخيم صارتلي هيه
خنصر بخنصر نمشي ونطلع سويه
واصبعهه يعرك بصبعي وتبوس اديه
خطواتي اكصرهن لان..حسيت بيهه ام الحسن
ام الحسن لكن كصيره...الله رزقني بام زغيره
حاير شوصفهه وشكول.رقيه نسخه من البتول
.......................................
ادريهه ما تحمل ابد فكد الحبايب
حاير شكلهه بكربله عن المصايب
ماتدري بعد العاشر تشوف النوايب
خايف اكلهه بموتتي تشوف العجايب
كون انه بحضانج متت..شو بارده احضان الطشت
لموني يابويه بحصيره....الله رزقني بام زغيره
حاير شوصفهه وشكول...رقيه نسخه من البتول
..............................
باجر تطيح اعله الرمل محد حرسهه
ويسطرهه حيل واستمع يتعاله حسهه
يكسر ظلعهه ابن النذل لاون رفسهه
ويجر تراجيهه ويظل كاطع نفسهه
بويه تراجيج الحمر.....ذنيج عد بت الشمر
ياحيره المامنهه حيره...الله رزقني بام زغيره
حاير شوصفهه وشكول..رقيه نسخه من البتول
...........................................
ابو قسور العويدي
@hussein889

يالي تسئل گبري وين و ناشدت
گبري مخفي و انه ازورك لو ردت
من تسوي اقرايه
اعتنيك اعنايه
و انه ازورك لو ردت
###############################
يالتريد اتزور گبري و هايه كل امنيتك
انت بس سويلي مجلس وانه اجيك البيتك
اعتبرني بدارك احضر و اقبلت تعزيتك
و بسجل خدام فاطم بالاسم خليتك

وانتظرني من بعد طول العمر
ثاني مره راح ازورك بالكبر
اخذ مني احجايه
اعتنيك اعنايه
###############################
يالتريد اتزور گبري عن قرب شمتاني
باب كل مجلس ضريحي وهذا هو امچاني
من تطب ال اي عزية حاضرة تلگاني
بدمعك اقرالي الزيارة و العن الاذاني

و لمصابي اذكر و كسر الضلع
يمك اني و لكلامك استمع
للعهد وفاية
اعتنيك اعناية
‏#####‎##########################
اعتني كل المجالس عهد كاتبته بدمه
ولو بده وگت المناحة گولو حضرت فاطمة
وياكم اسمعها النواعي و انه حيل امألمة
بچف اديه وي لطمكم اعله وجهي لاطمه


وي دمعكم دمعي بالمجلس همل
و لو تعبتوا انه ارد المستهل
من ترد ويايه
اعتنيك اعنايه
###############################
ابد لا تنسوا مصابي و انه ما انساكم
شيعتي احيوا عزائي چف علي يرعاكم
من ارض طيبة محمد والدي هالجاكم
و اثنعش معصوم حاضر هالمسية وياكم


بنتي زينب حاضرة بهذا العزاء
و الكفلها شايل بچفه اللواء
فوگه رفت رايه
اعتنيك اعنايه
‏#####‎##########################
يالنويت اتقيم مجلس حٓسِب الها احسابك
الليلة ام عباس لازم تسحك اعله اعتابك
العنده حاجة خل يجيها وصي كل احبابك
هايه باب الله الوسيعة گاعِدة بصف بابك


لو نخاها من عليه ضاگ الفضى
بيده ياخذ حاجتة بطيبة و رضى
و انه اضمن هايه
اعتنيك اعناية
###############################
من تقيمون المجالس يشفى جرح البيه
و الضلع ينجبر كسره بدكة اللطمية
اتلاث روايات لمصابي مو قليلة شوية
كون كل ليلية مأتم و العزه يومية

لاجل محسن ذاك لضلوعي الحنه
ريت مجلس ينعقد طول السنه
كون ماله انهايه
اعتنيك اعنايه
###############################
علي حسين الكناني
@hussein889

لسان حال الامير علي يقول مخاطب الزهراء

روحي لقدس روحج دوم تربه
و على جروحي ليالي الضيم تربه
دفنتچ و احس من هليت تربه
چن هليت روحي بهاي اديه
###############################
يروحي و يا نظر عيني يزهرة عمري و سنيني
هذا الما اجى ابالي
يٓصٓبح منزلج خالي
يزهرة عمري و سنيني يزهره عمري و سنيني
###############################
لچم گلبي و هضمني و هيج اجروحي
وداعج يام حسن نار السٓعٓت روحي
جبل يالزهره حيدر انه و اسفوحي
تهدمت من فرگتج و انسمع نوحي

الحبيبه انتي الحبيبه انتي صفت مسموعة الچ ونتي
انچوه بالفرگة دلالي
يصبح منزلج خالي
###############################
يريحانت ابوها و گرت اعيوني
مدري شلون شالت نعشچ امتوني
هدل حيلي و تغير و انخطف لوني
اغسلج كون يا ريت و يغسلوني

عسى لا طال يا ريته العمر للفاگد ام بيته
بغيابچ دمعي يبرالي
يصبح منزلج خالي
###############################
الوديعة انت الوديعة البنبض تسري
اعيش اخلافج اني شلون ما ادري
عيني مساهره و دم مو دمع تجري
احفرت گبرچ واحس بيدي احفرت كبري

و لا سهله و لا سهله اليفارگ صاحبه و خله
يضل ابلا ولف تالي
يصبح منزلج خالي
###############################
رفيقة دربي يا بلسم جراح الهم
العزيزه انتي العزيزه العايشة بالدم
بدالج ريته ياخذ روحي المحتٓم
و يريت ابدال ضلعج ضلعي التهشم

جراحچ بيمن اضمدها وعشرتچ شنسه من عدها
خابت عگبج امالي
يٓصٓبح منزلج خالي
###############################
يگشافة همومي و شدتي و گربي
نحيب الثكلة لمصابج صٓبٓح نحبي
على مصابج سعر وسط الگلب لهبي
انكسر ضلعج و احگج و انكسر گلبي

جرحتيني جرحتيني يزهرة من تركتيني
حال الفاگده حالي
يصبح منزلج خالي
###############################
دارچ وحشة دارچ للگدر ظلت
دمه اعيون الحسن وحسين الچ هلت
زينب نار زينب للگلب شعلت
و ام كلثوم عيناها بهضم هملت

مثل شمعة و ذبت چني بين اولادچ و حزني
و لا چان يتراوالي
يصبح منزلج خالي
###############################
علي حسين الكناني
@hussein889

الشاعر علي ستار الزبيدي:
يابو صالح يلا صول ..... وأخذ ثار ابن البتول
بيك خلينة الأمل. ..... أنهض وطبق العدل
..................................................................................
يموعود .... انظلمنة وانت اعرف يالمغيب
والحسين ... لحيتة وشعرة من دمة يتخضب
وبناتة. ... يلوذن بالفلا بس عدنة الأصعب
من السياط. ... تصيح إم عون من بيها اتعذب
...................ر
وسفنة يالموعود نار ...... حركة جفوف الزغار
وانت ابن ذاك البطل ...... أنهض وطبق العدل
....................................ثم المستهل ...........................
الارماح .... ارفعت روس الصحابة وراس جدك
العساكر .... تفرهد بالخيم وانداس حدك
بوفاضل .... يصيح ابصوت يوصلك لعندك
يمهدي .... انكطع زندي انتفض ليهم بزندك
....................ر
أبو فاضل يدري بيك .... نص عليه ونص عليك
أبو فاضل وارتجل. ..... أنهض وطبق العدل
..........................ثم المستهل. .... ..............................
انتفاضك ..... تدوس الظلم كلة وكل حماتة
ثورتك ..... بعيدة أعلى النفاق وكل صفاتة
دعالك .... دعالك جدك حسين بصلاتة
بظهورك. ... يموت الظلم كلة ونايباتة
........................ر
وابو الأكبر بنتضار ....... تنهض اتسل ذو الفقار
والنصر بسمك يهل ..... أنهض وطبق العدل
...............................ثم المستهل.. ...... ......................
يغايب .... يابن حامي الحمة يالمهدي أظهر
النواصب. .... بذكر اسمك يمهدينة اتعثر
بغيابك .... بكطع انحرنا جم ظالم تبختر
لحرمتك .... عبر ولكسر ضلع أمك تجسر
.....................ر
تندب الزهرة وتصيح ..... الحك وليدي الذبيح
وانذبح خير العمل ...... انهض وطبق العدل
....................................ثم المستهل .........................
العقيلة .... تصيح بلهفة يا عمة عباتي
سلبوها ....ويريت اسلبو يالمهدي حياتي
ابدواوين .... ابدواوين أدخلت مو من صفاتي
والسياط .... كضة كل الدرب تضرب بناتي
..................ر
لا نهار ولا كو ليل ....... صعدونة على الهزيل
من مشيت بلا اهل. .... أنهض وطبق العدل
....................................ثم المستهل ...........................
عجيبة .... يابو صالح نكف وكفة الأسرة
وغريبة ..... أخت عباس ما تكدر تنظرة
والحسين .... تشوف الشمر لمن داس صدرة
وكبلها .... تشوف النذل ضلع أمها يكسرة
................ر
تعبت ابممشة السنين ..... الضلع وي نحر الحسين
والحزن تعرف شلل ..... أنهض وطبق العدل
..................................................................................

أبو ذيات. متعلقة باللطمية

اصيح بصوت بين الجيش ..... يعضاي
أختكم تعباها السوط ..... يعضاي
أبو فاضل اسمعة يصيح .... يعضاي
ردلي لذبح جيش أمية

..................................................................................
ألم محد يحملة وضيم ..... يلماي
عجيب شكد جبير اليوم ..... يالماي
حرمو منك حياتك كون ...... يالماي
ولا حرموك شرب الهاشمية


الشاعر علي ستار الزيدي


@hussein889

ثكيل

لمصاب مولاتنا الزهراء ع ،

بابٌ عليهِ روحَ طفلاً تَعَلَقت
امٌ سَقت ستراً بريعِ شبابها ،
انها الزهراء _ انها الزهراء ،
______________________
بين الباب والحايط طفت شمعه
بين الدمعه والدمعه الف دمعه
ترتيل البواچي من السمه السبعه
راحت زهرة الله وضاگت الوسعه
- باتَ الفؤادِ لفقدها يتَفطرا ،
- حزناً لقد غابَ الهدى والكوثَرا ،
انها الزهراء * انها الزهراء ،
____________________
وين الراحت بغفله وخذت حيلي
وين الساهرتلي بصغري كل ليلي ،
ما اغفه چنت اله وتلوليلي ، ،
يم العافيه الكسرت ضلع حيلي ،
- عَيني بكتْ حزناً لفقدِ حنانِها ،
- ياجنَتاً اخذَ الفراقِ مكانها ، ،
انها الزهراء * انها الزهراء ،
____________________
عدمن عفتي واحد حاسبچ نعمه ،
ضايع كل حچينه وماتت الچلمه
رحتي الچنت اعدنچ بالف زلمه ،
يمه فراگچ الحط بالجرح لچمه ،
- اينَ العيونُ الساهراتِ لطفولتي ،
- باتت على عينايَ حزني دمعتي ،
انها الزهراء * انها الزهراء ،
____________________
عگبچ ياحنينه شلون تاليتي ، ،
ياكوسر ضواي ويا عطر ريتي ،
يهلال ويريتچ كون هليتي ، .
يمه وجيبي روحي وياچ لو جيتي ،
- فارَقتُ روحي عندكِ وترَكْتُها ،
- قد غار في روحي هوى لهفتُها ،
انها الزهراء * انها الزهراء ،
____________________


- علي مهدي المالكي ،
@hussein889

#مقدمه_لأستشهاد_الزهراء ع


زهره يم كلب الحنين

شلون عنه ترحلين

تمهلي تمهلي تمهلي لاترحلين


❀❀❀❀❀❀❀❀❀❀❀❀

صعب فكدج يبت سيد الوصياء

عليج تنعه الليله املاك السماء

نصبت بسابع سمه لجلج عزاء

بعد طه تحمليتي شكد بلاء

روعوج الحاقدين تمهلي لاترحلين


❀❀❀❀❀❀❀❀❀❀❀❀

بحقدهم الدفين داسو عتاب الثنيه

الباب دفعوهه عله فاطمة الزجيه

الضلع نكسر منهه والجنين عالوطيه

بحالج اسوة يويلي اهل الرديه

مارعو حرمت الدين تمهلي لاترحلين


❀❀❀❀❀❀❀❀❀❀❀❀

ردت لطاها الوديعه بيا وضع

العين حمره ومنها مكسور الضلع

عليهه كلب النبي الهادي منصدع

من يشاهده يهل دم الدمع

عايفه الحسنين تمهلي لاترحلين


❀❀❀❀❀❀❀❀❀❀❀❀

عله الزهره مكدره ارض وسمه

فاطمه الانس والجان تندب يامصيبة

النواظر ابفكده تهمل الليله دمه

بهل رزيه تعزي حماي الحمه

بت سيد المرسلين تمهلي لا ترحلين


❀❀❀❀❀❀❀❀❀❀❀❀

اليله زينب تون ونتهه شجيه

تنادي وينج ضلمه دارج يالزجيه

الدار ضلمه وموحشه بعدج عليه

عني لاتغيبين يمه ردي ليه

يمه لا لطولين تمهلي لا ترحلين


❀❀❀❀❀❀❀❀❀❀❀❀
@hussein889

#نزله _لرحيل_الزهراء ع


يبويه باليل امي لاتشيعها

خلها تبات يمنه خل نودعها


❀❀❀❀❀❀❀❀❀❀❀❀

يبويه ليش امي تندفن باليل

بت طاه النبي الخادمها جبرائي

فاطم ام ابيها اوهذا موتئويل

الباري اسراره بالزهراء واضعها


❀❀❀❀❀❀❀❀❀❀❀❀

اذا سر الجلاله بفاطمه مكنون

يعني بلايه فاطم مايكون الكون

فاطم سر الاهي ليش ميبصرون

مايدرون فاطم شنهي موقعها

❀❀❀❀❀❀❀❀❀❀❀❀

بين الباب والحايط يعصروها

روح المصطفى بفاطمه يدروها

الدفعو بابها الكون هدوها

ليش اهل السقيفه الباب تدفعها


❀❀❀❀❀❀❀❀❀❀❀❀

لاتشيع نعشها بويه اتمهل

خلينه يبويه بيهه اتوسل

شلون الحنينه تعوفنه تقبل

تدري غيابها للروح يصدعها

❀❀❀❀❀❀❀❀❀❀❀❀

اريد اكعديبويه يم رجليها

يم الصدر مااكرب واذيهه

من بعيد خليني احاجيها

وانشدها شنهو الحيل يوجعها

❀❀❀❀❀❀❀❀❀❀❀❀

امصاب اازجيه فاجعه كبره

ياويلي ردت عينها حمره

شيكول النبي لوشاهد ااصطره

عله خدها الحاقد طابعها

❀❀❀❀❀❀❀❀❀❀❀❀

تم بعون الله ...
بقلم
ألشاعرة 📝
أم رائد زوين ✏
@hussein889

(قصيده فزاعية)
لحك عله الزهراء علي
تره الدار فاتوها
## 1 #########
فاتو هما الرجاس
عليه ماكو حراس
غدة تتفرج الناس
يبو الحمله انتفض

عليه دفعو الباب
صحت حرمه بلحجاب
غلط وشد النگاب
أجه يركض ركض

صحت والدمعه بعيني
لحك عله الزهراء علي
تره الدار فاتوها
## 2 #########
كمت ابجي ونوحن
اصابع عشره اشبجن
قبل بالسوط ماظن
وأنه بأول العمر

علي ضل ويعجل
يهم بالسوط يحمل
وأنه ضليت ارتل
سور بيه الصبر

وياهو اللذي ايواسيني
لحك عله الزهراء علي
تره الدار فاتوها
## 3 #########
اجاني افلان وفلان
وشوف ابابي نيران
بقه دلالي حيران
مثل طير انذبح

ردت ستري وعبايه
لذت خلف المنايه
وصحت للموت جايه
لمن شامت شبح

وهو بنظراته ياذيني
لحك عله الزهراء علي
تره الدار فاتوها
## 4 #########
لذت جن عدو ثاني
اهو المسمار اجاني
خدشني وألماني
بوسط كلبي حفر

اويلي من ضربني
اهو للكاع ذبني
ورقم هذه عصرني
احس ضلعي انكسر

ردت لو لحضه ينطيني
لحك عله الزهراء علي
تره الدار فاتوها
## 5 #########
صحت فضه لحكيني
علكيفج و سديني
و ريدنه يجيني
ابو الكلفه علي

اريدن حسن وحسين
كبل لايلحك البين
و زينب لاتصدين
يألمج منظري

عله حالي لاتسأليني
لحك عله الزهراء علي
تره الدار فاتوها
#############
للشاعرالحسيني ...
مصطفى عبد السجاد الباهلي
@hussein889

يايومه ضلعي انصاب. ها يابو فاضل
عصروني خلف الباب.وينك يكافل
وبداري شعلوا نار..وانه ابنة المختار

عمر سبني وعصرني وحطم امالي
جنت احلم اشوفك كاعد اكبالي
تسولف ويه زينب صوره تبرالي
وسفه الكوم يومه لعبوا بحالي
من عالم التكوين..تكفل ضعن لحسين..

طفت عيني بصطرته وصحت ياعباس
ردت يبني تجيني تشوف هاي الناس
ازرك جفن عيني ودنكيت الراس
اخاف الخد يشوفه صاحب النوماس
ابجي واون بسكوت ..ماردت يسمع صوت..

ردت اندب علي يحضرني الكرار
يوخر الباب عني ويبعد البسمار
لجن هيه الوصيه وجلمة المختار
خلت والدك يسكت يضل محتار
اتحمل كسر ضلعي..ولايعرف شنو وضعي..

حرت بحسين خاف يشاهد اجروحي
وضمن عالحسن حسراتي وي نوحي
زينب من بجيها خلصت روحي
المحسن بين اديه صبح مذبوحي
ميت طاح اخيك..افه ماشاف ضيك..

يبني اليوم اريدن منك حجايه
اريدنك لزينب حمه وتجايه
اخوك حسين تصبح ضله وفيايه
واعذرنك لونها طاحت الرايه
اجي يمك وناغيك..اعوف ابني واجي ليك..

كريم الجياشي
@hussein889