#Konstitutsiyani_oʻrganamiz

Konstitutsiyamizning 38-moddasi: “Fuqarolar o'z ijtimoiy faolliklarini O'zbekiston Respublikasi qonunlariga muvofiq mitinglar, yig'ilishlar va namoyishlar shaklida amalga oshirish huquqiga ega. Hokimiyat organlari faqat xavfsizlik nuqtai nazaridangina bunday tadbirlar o'tkazilishini to'xtatish yoki taqiqlash huquqiga ega”.

Ushbu moddada fuqarolarga ijtimoiy faolliklarini ommaviy tadbirlar, xususan mitinglar, yig'ilishlar va namoyishlar shaklida amalga oshirish huquqiga ega ekanligi belgilangan.

Vazirlar Mahkamasining 2014 yil 29 iyuldagi qarori bilan Ommaviy tadbirlarni o'tkazish qoidalari tasdiqlangan.

Mazkur qoida bilan O'zbekiston hududida ommaviy tadbirlarni tashkil qilish va o'tkazish hamda ularning ishtirokchilari, ommaviy tadbirlarni o'tkazish obyektlari ma'muriyatlarining, ichki ishlar organlari, Milliy gvardiya bo'linmalari, shuningdek, davlat boshqa organlarining ommaviy tadbirlarni o'tkazishda fuqarolarning xavfsizligini va jamoat tartibini ta'minlash bo'yicha o'zaro munosabatlari, majburiyatlari va huquqlari tartibga solingan.

Video: https://youtu.be/dxsbighfFBQ

Kanalga ulanish👇👇👇
https://t.me/huquqiyaxborot_lotin

#Bilasizmi

✅ Talabalar o'qishini ko'chirishi uchun arizalar 5-avgustga qadar quyidagi platformalar orqali qabul qilinadi:

▫️davlat oliy ta'lim muassasalariaro – transfer.edu.uz orqali;
▫️xorijiy va nodavlat OTMlaridan – my.uzbmb.uz orqali.

🔰 Davlat oliy ta'lim muassasasining biridan ikkinchisiga o'qishni ko'chirishga quyidagi 2 holatdagina ruxsat beriladi:

1️⃣ talaba oila qurishi munosabati bilan turmush o'rtog'i doimiy yashaydigan hududdagi oliy ta'lim muassasasiga o'qishini ko'chirish uchun murojaat qilganda;

2️⃣ davlat organlarining xodimlari ish joyi o'zgargan taqdirda uning turmush o'rtog'i yoki voyaga yetmagan farzandi o'qishini ko'chirish uchun murojaat qilganda, tegishli vazirlik (idora) rahbarining tavsiyasi asosida.

Kanalga ulanish👇👇👇
https://t.me/huquqiyaxborot_lotin

#Ijtimoiy_aksiya

🚫 Jamoa kelishuvida yoki jamoa shartnomasida xodimni ish beruvchi tomonidan ishdan bo'shatishda kasaba uyushmasining roziligini olish belgilangan bo'lsa, kasaba uyushmasi roziligisiz xodimni ishdan bo'shatish mumkin emas.

❕Quyidagi holatlarda kasaba uyushmasi roziligi talab qilinmaydi:

🔹korxona tugatilganda;

🔹ish beruvchi ishdan bo'shatishi mumkin bo'lgan istalgan asos bilan tashkilot rahbari, alohida tarkibiy bo'linma rahbarini ishdan bo'shatishda;

🔹tashkilot mulkdori o'zgarganda tashkilot rahbari, o'rinbosarlari, bosh buxgalter va tashkilot alohida bo'linmasi rahbarini ishdan bo'shatishda, bunda mulkor tashkilotni o'ziga mulk qilib olgandan keyin 3 oyda ularni ishdan bo'shatishga yo'l qo'yiladi.

📝 Kasaba uyushmasi roziligini olish uchun unga taqdimnoma kiritiladi, kasaba uyushmasi 10 kunda uni ko'rib chiqib xulosa beradi, xulosa 1 oy amal qiladi, 1 oydan keyin mazkur xulosa bilan xodimni ishdan bo'shatib bo'lmaydi. O'z vaqtida xulosa berilmasa, xodim kasaba uyushmasi roziligisiz ishdan bo'shatiladi.

Kanalga ulanish👇👇👇
https://t.me/huquqiyaxborot_lotin

#Bilasizmi

❗️Sababsiz signal berish 330 ming so'm jarima solishga sabab bo'ladi

☑️ Tovushli ishoralar faqat quyidagi hollarda qo'llanilishi mumkin:

🔹aholi punktlaridan tashqarida boshqa haydovchilarni quvib o'tish haqida ogohlantirish uchun;
🔹zarur bo'lgan hollarda yo'l-transport hodisasining oldini olish uchun.

🚫 Yuqorida ko'rsatilgan hollardan tashqari tovushli ishoralardan foydalanish taqiqlanadi.

⏩ Tovush signalini sababsiz berish 330 ming so'm jarima solishga sabab bo'ladi.

Kanalga ulanish👇👇👇
https://t.me/huquqiyaxborot_lotin

#Bilasizmi

✅ Ota-ona yoki ularning o'rnini bosuvchi shaxslar tomonidan nikoh yoshiga yetmagan shaxsni erga berish yoxud uylantirish 4 mln 950 ming so'm jarima solishga sabab bo'ladi.

❗️Ushbu qilmish ma'muriy jazo qo'llanilganidan keyin sodir etilgan bo'lsa 2 yilgacha axloq tuzatish ishlari bilan jazolanadi.

⚠️ Ma'lumot uchun nikoh yoshi erkaklar va ayollar uchun 18 yosh etib belgilangan.

Kanalga ulanish👇👇👇
https://t.me/huquqiyaxborot_lotin

#Konstitutsiyani_oʻrganamiz

Konstitutsiyamizning 39-moddasi: “O'zbekiston Respublikasi fuqarolari kasaba uyushmalariga, siyosiy partiyalarga va boshqa jamoat birlashmalariga uyushish, ommaviy harakatlarda ishtirok etish huquqiga egadirlar.

Siyosiy partiyalarda, jamoat birlashmalarida, ommaviy harakatlarda, shuningdek davlat hokimiyati vakillik organlarida ozchilikni tashkil etuvchi muxolifatchi shaxslarning huquqlari, erkinliklari va qadr-qimmatini hech kim kamsitishi mumkin emas”.

Fuqarolarning kasaba uyushmalariga, siyosiy partiyalarga va boshqa jamoat birlashmalariga uyushish, ommaviy harakatlarda ishtirok etishi eng asosiy siyosiy huquqlardan hisoblanadi.

Kasaba uyushmasi – fuqarolarning o'z faoliyati yoki o'qishi turi bo'yicha umumiy kasbiy manfaatlari bilan bog'liq bo'lgan, ularning mehnatga oid, boshqa ijtimoiy-iqtisodiy huquq va manfaatlarini ifodalash hamda himoya qilish maqsadida tuziladigan, o'z ustavi asosida faoliyat ko'rsatadigan ixtiyoriy jamoat birlashmasi.

Siyosiy partiya – O'zbekiston fuqarolarining qarashlar, manfaatlar va maqsadlar mushtarakligi asosida tuzilgan, davlat hokimiyati organlarini shakllantirishda jamiyat muayyan qismining siyosiy irodasini ro'yobga chiqarishga intiluvchi hamda o'z vakillari orqali davlat va jamoat ishlarini idora etishda qatnashuvchi ko'ngilli birlashmasi.

Jamoat birlashmasi – o'z huquqlari, erkinliklarini hamda siyosat, iqtisodiyot, ijtimoiy rivojlanish, fan, madaniyat, ekologiya va hayotning boshqa sohalaridagi qonuniy manfaatlarini birgalikda ro'yobga chiqarish uchun birlashgan fuqarolarning xohish-irodalarini erkin bildirishlari natijasida vujudga kelgan ixtiyoriy tuzilma.

Video: https://youtu.be/9iJWki6RSQc

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Tadbirkorlik faoliyatini qo'llab-quvvatlash davlat jamg'armasi sudlarga murojaat qilganda boj to'lamaydi

Prezident tomonidan imzolangan qonun (O'RQ–855, 13.07.2023 y.) bilan “Davlat boji to'g'risida”gi qonunga o'zgartish va qo'shimchalar kiritildi

🔰Kiritilgan o'zgartish va qo'shimchaga ko'ra, Raqobatni rivojlantirish va iste'molchilar huquqlarini himoya qilish qo'mitasi hamda Tadbirkorlik faoliyatini qo'llab-quvvatlash davlat jamg'armasi fuqarolik ishlari bo'yicha sudlarga, iqtisodiy hamda ma'muriy sudlarga murojaat qilish chog'ida davlat bojini to'lashdan ozod etiladi.

📌 Qonun rasmiy e'lon qilingan kundan e'tiboran kuchga kiradi.

Kanalga ulanish👇👇👇
https://t.me/huquqiyaxborot_lotin

#2023_yil_1_avgustdan

🔰 Ayrim tibbiyot muassasalarida quyidagilar lavozimlar joriy etiladi:

🔹tuman (shahar) ko'p tarmoqli markaziy poliklinikalarida – tibbiy psixolog;

🔹stasionar o'ringa ega bo'lmagan ruhiy-asab kasalliklari dispanserlari va tarkibida dispanser mavjud bo'lgan ruhiy kasalliklar shifoxonalarida – suisidolog;

🔹stasionar o'ringa ega bo'lgan ruhiy-asab kasalliklari dispanserlari va ruhiy kasalliklar shifoxonalarida – qabul bo'limi shifokori, navbatchi psixiatr, tibbiy psixolog yoki psixoterapevt shtatlari.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Hisob palatasi har chorakda o'z faoliyati to'g'risida jamoatchilikka hisobot berib boradi

“O'zbekiston Respublikasi Hisob palatasining faoliyati yanada takomillashtirilishi munosabati bilan O'zbekiston Respublikasining ayrim qonun hujjatlariga o'zgartish va qo'shimchalar kiritish to'g'risida”gi qonun (O'RQ–856, 17.07.2023 y.) Prezident tomonidan imzolandi

✅ Jumladan, Ma'muriy javobgarlik to'g'risidagi kodeksga kiritilgan o'zgartirishga ko'ra:

➡️ Hisob palatasiga oz miqdorda talon-toroj qilinganligi va davlat xaridlari to'g'risidagi qonunchilik buzilganligi, Iqtisodiyot va moliya vazirligining davlat moliyaviy nazorati organlariga esa oz miqdorda talon-toroj qilinganligi uchun ma'muriy huquqbuzarliklar to'g'risida bayonnoma tuzish vakolatlari berildi.

🔰Shuningdek, “O'zbekiston Respublikasining Hisob palatasi to'g'risida”gi qonunga kiritilgan qo'shimchaga ko'ra, Hisob palatasi:

🔹moliya yilining birinchi oyida moliya yili uchun ish rejalari to'g'risidagi ma'lumotlarni o'z rasmiy veb-saytiga joylashtiradi;

🔹nazorat tadbirlari natijalari bo'yicha aniqlangan moliyaviy huquqbuzarliklar va ularning bartaraf etilishi to'g'risidagi ma'lumotlarni har chorak yakunlariga ko'ra, chorakdan keyingi oyning 25-sanasidan kechiktirmay o'z rasmiy veb-saytiga joylashtiradi, bundan davlat sirini yoki qonun bilan qo'riqlanadigan boshqa sirni o'z ichiga olgan ma'lumotlar mustasno;

🔹har chorakda kamida bir marta o'z faoliyati to'g'risida jamoatchilik oldida OAV vakillari ishtirokida hisobot berib boradi.

☑️ Qonun bilan Hisob palatasi qonunchilik tashabbusi huquqi subyektlariga qonunchilikni takomillashtirish bo'yicha takliflar kiritishga haqliligi belgilandi.

Qonun rasmiy e'lon qilingan kundan e'tiboran kuchga kiradi.

Kanalga ulanish👇👇👇
https://t.me/huquqiyaxborot_lotin

#Ijtimoiy_aksiya

❗️Ogohlantirish muddati davomida xodimga boshqa ish topishi uchun haftada kamida 1 kun vaqt beriladi va bu kunga haq to'lanadi

✅ Ish beruvchi xodimni bir qator asoslar bilan ishdan bo'shatishi mumkin, mazkur holatlarda ish beruvchi quyidagi muddatlarda xodimni ishdan bo'shatish haqida ogohlantirishi shart:

🔸tashkilot tugatilganda, xodimlar soni yoki shtatlar o'zgarganda – kamida 2 oy oldin (ya'ni, 2 oydan ko'proq muddat 3, 4 oy, 2 oy-u 10 kun va h.k);

🔸tashkilot rahbari, o'rinbosarlari, bosh buxgalter va alohida bo'linma rahbari mulkdor o'zgarganligi uchun ishdan bo'shatilganida – kamida 2 oy oldin;

🔸xodim malakasi yetarli bo'lmaganligi uchun bajarayotgan ishiga muvofiq emasligi sababli bo'shatilganda – kamida 2 hafta oldin;

🔸xodimning aybli harakatlari (harakatsizligi) uchun ishdan bo'shatilganda – kamida 3 kun oldin.

🔘 Ayrim toifadagi xodimlar uchun ogohlantirish muddatining alohida muddati belgilangan:

🔸mavsumiy ishda ishlaydigan xodimni tashkilot tugatilganda, shtat o'zgarganda kamida 7 kun oldin, malakasi yetarli bo'lmaganida kamida 3 kun oldin, o'zining aybli harakati bilan bo'shatilganda 1 kun oldin;

Mavsumiy ishlar – iqlim va boshqa tabiiy sharoitlar tufayli muayyan davr (mavsum) davomida bajariladigan ish.

🔸vaqtinchalik xodimlar korxona tugatilganda, shtat o'zgarganda xodim malakasi yetarli bo'lmaganda kamida 3 kun oldin, o'zining aybli harakati bilan bo'shatilganda kamida 1 kun oldin.

⚠️ Ikki oygacha bo'lgan muddatga ishga qabul qilingan shaxslar vaqtinchalik ishlarda band bo'lgan shaxslardir.

📝 Ogohlantirish yozma shaklda, imzo qo'ydirib amalga oshiriladi.

❕Ogohlantirish muddati pulli kompensasiya bilan almashtirilishi mumkin.

☑️ Ogohlantirish muddati ichida xodimga boshqa ish topish uchun haftada kamida 1 kun vaqt beriladi, bu kunda xodimning ish haqi saqlanadi. Ushbu imtiyoz xodim o'zining aybi bilan ishdan bo'shatilganda berilmaydi.

➡️ Ogohlantirish muddatiga xodimning kasal bo'lgan vaqti, davlat yoki jamoat majburiyatlarini bajargan vaqti kiritilmaydi. Korxona tugatilganda esa hamma vaqt kiritiladi, istisno yo'q.

📌 Davlat yoki jamoat majburiyatlarini bajargan vaqtga saylov huquqini amalga oshirish, deputatlik, Senat a'zosi vazifalarini bajarish, harbiy majburiyatni bajarish va boshqa bir qator ishlarni bajargan vaqt kiradi, bu ishlar bilan batafsil bu yerda tanishishingiz mumkin.

Kanalga ulanish👇👇👇
https://t.me/huquqiyaxborot_lotin

#Konstitutsiyani_oʻrganamiz

Konstitutsiyamizning 40-moddasi: “Har kim bevosita o'zi va boshqalar bilan birgalikda davlat organlariga hamda tashkilotlariga, fuqarolarning o'zini o'zi boshqarish organlariga, mansabdor shaxslarga yoki xalq vakillariga arizalar, takliflar va shikoyatlar bilan murojaat qilish huquqiga ega.

Arizalar, takliflar va shikoyatlar qonunda belgilangan tartibda va muddatlarda ko'rib chiqilishi shart”.

Murojaat qilishi huquqi har bir shaxsga tegishli, uni jamoaviy shaklda ham amalga oshirish mumkin.

Ariza – huquqlarni, erkinliklarni va qonuniy manfaatlarni amalga oshirishda yordam ko'rsatish to'g'risidagi iltimos bayon etilgan murojaat.

Taklif – davlat va jamiyat faoliyatini takomillashtirishga doir tavsiyalarni o'z ichiga olgan murojaat.

Shikoyat – buzilgan huquqlarni, erkinliklarni tiklash va qonuniy manfaatlarni himoya qilish to'g'risidagi talab bayon etilgan murojaat.

Murojaatlarni ko'rib chiqish “Jismoniy va yuridik shaxslarning murojaatlari to'g'risida”gi Qonun bilan tartibga solinadi.

Ariza yoki shikoyat masalani mazmunan hal etishi shart bo'lgan davlat organiga, tashkilotga yoki ularning mansabdor shaxsiga kelib tushgan kundan e'tiboran 15 kun ichida, qo'shimcha o'rganish va (yoki) tekshirish, qo'shimcha hujjatlarni so'rab olish talab etilganda esa, 1 oygacha bo'lgan muddatda ko'rib chiqiladi.

Taklif davlat organiga, tashkilotga yoki ularning mansabdor shaxsiga kelib tushgan kundan e'tiboran 1 oygacha bo'lgan muddatda ko'rib chiqiladi.

Video: https://youtu.be/MVFuxQOYD7w

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️O'zbekiston futbol assosiasiyasi bir qator soliqlardan ozod etiladi

Prezident tomonidan imzolangan Qonun (O'RQ–857, 18.07.2023 y.) bilan Soliq kodeksining 483-moddasiga qo'shimcha kiritildi

🔰Shunga ko'ra, 2026 yil 1 yanvargacha O'zbekiston futbol assosiasiyasi, uning hududiy bo'linmalari, “O'zbekiston Professional futbol ligasi” jamoat birlashmasi, O'zbekiston futbol hakamlari markazi va professional futbol klublari quyidagi soliqlarni to'lashdan ozod etiladi:

🔹barcha turdagi soliqlarni (bundan ijtimoiy soliq mustasno);

🔹o'zi jalb qilgan chet el mutaxassislari va futbolchilarining daromadlaridan to'lanadigan jismoniy shaxslardan olinadigan daromad solig'ini;

🔹O'zbekistonga olib kiriladigan, O'zbekistonda o'xshashi ishlab chiqarilmaydigan sport asbob-uskunalari va inventari, translyasiya qilish uchun zarur bo'lgan asbob-uskunalar, inventar va texnika, farmakologiya tovarlari, sport oziq-ovqatlari, futbol (futzal) maydonlari uchun sun'iy o'tlar, shokpad, granulalar, maxsus yelimlar va maxsus professional sport kiyim-boshlari, transport vositalari, shu jumladan maxsus transport vositalari uchun qo'shilgan qiymat solig'ini.

Qonun rasmiy e'lon qilingan kundan e'tiboran kuchga kiradi.

Kanalga ulanish👇👇👇
https://t.me/huquqiyaxborot_lotin

#2023_yil_1_avgustdan

✅ Qonunchilikka ko'ra, soliq to'lovchilar tomonidan yoshidan qat'i nazar farzandlarining O'zbekiston Respublikasi ta'lim tashkilotlarida ta'lim olishlari uchun yo'naltiriladigan to'lovlar soliq solinmaydigan daromadlar toifasiga kiritiladi.

Kanalga ulanish👇👇👇
https://t.me/huquqiyaxborot_lotin

#Ijtimoiy_aksiya

✅ Shtat qisqarishi natijasida xodimlar ishdan bo'shatilganda malakasi va mehnat unumdorligi yuqoriroq xodimlar ishda qoldiriladi.

🔰 Malakasi va mehnat unumdorligi bir xil bo'lganda quyidagilarga afzallik beriladi:

🔹qaramog'ida 2 yoki undan ko'p kishi bo'lgan xodimlarga;

🔹oilasida mustaqil ish haqi oluvchi boshqa xodim mavjud bo'lmaganlarga;

🔹shu ish beruvchida uzoq muddat ish stajiga ega bo'lganlarga;

🔹malakasini oshirayotgan xodimlarga hamda o'qishni tamomlagan shaxslarga;

🔹ushbu tashkilotda mehnatda mayib bo'lgan yoki kasb kasalligiga uchragan shaxslarga;

🔹nogironligi bo'lgan shaxslarga;

🔹1941 – 1945 yillardagi urush qatnashchilariga va imtiyozlar bo'yicha ularga tenglashtirilgan shaxslarga;

🔹mehnatdagi yutuqlari uchun rag'batlantirishlarga ega va intizomiy jazolarga ega bo'lmagan xodimlarga;

🔹atom obyektlaridagi avariyalar oqibatida zarar ko'rgan shaxslarga.

Kanalga ulanish👇👇👇
https://t.me/huquqiyaxborot_lotin

#Bilasizmi

❗️Yangi turmush qurgan yoshlarga o'z xonadonida qo'shimcha uy-joy qurish uchun garovsiz kredit ajratiladi

🔰 “Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan yangi turmush qurgan yoshlarning yakka tartibdagi xonadonida qo'shimcha uy-joy qurish uchun 33 million so'mgacha garovsiz kredit ajratish tartibi belgilangan.

▶️ Kredit quyidagi shartlar asosida ajratiladi:

▫️bozor stavkasida mijoz xohishiga ko'ra 6 oy imtiyozli davr bilan;

▫️20 yildan ko'p bo'lmagan muddatga;

▫️boshlang'ich badali yakka tartibdagi xonadonda qo'shimcha qurilayotgan uy-joy qiymatining 15 foizidan kam bo'lmagan miqdorda.

☑️ Shuningdek, qarz oluvchi quyidagi muvofiqlik mezonlariga mos bo'lishi lozim, jumladan:

🔹kredit olish uchun murojaat qilgan kunida 18 yoshga to'lgan va 30 yoshdan oshmagan bo'lishi;

🔹 “Temir daftar” va “Ayollar daftari”ga kiritilgan oilalarning farzandlari hamda “Yoshlar daftari”ga kiritilgan yoshlarning yangi turmush qurganlari (nikohi qayd etilganiga 3 yildan oshmagan bo'lishi lozim);

🔹daromad manbalariga, shaxsiy yordamchi yoki dehqon xo'jaligidan yoxud yakka tartibdagi tadbirkorlik faoliyatidan doimiy daromadgaega bo'lishi.

Kanalga ulanish👇👇👇
https://t.me/huquqiyaxborot_lotin

#Konstitutsiyani_oʻrganamiz

Konstitutsiyamizning 41-moddasida “Har bir shaxs mulkdor bo'lishga haqli. Bank operasiyalarining, omonatlarning va hisobvaraqlarning sir tutilishi, shuningdek meros huquqi qonun bilan kafolatlanadi”, deb belgilangan.

Xususiy mulk huquqi shaxsning qonunchilikka muvofiq tarzda qo'lga kiritgan mol-mulkka egalik qilish, undan foydalanish va uni tasarruf etish huquqidir.

Bank sirini himoya qilish maxsus “Bank siri to'g'risida”gi Qonun bilan tartibga solingan.

Unga ko'ra bank sirini tashkil etuvchi ma'lumotlarni ommaviy axborot vositalari orqali e'lon qilish, og'zaki yoki yozma shaklda yoxud boshqa yo'sinda tarqatish yoki ma'lum qilish, uchinchi shaxslar e'tiboriga yetkazish, bunday ma'lumotlarni qo'lga kiritishi uchun uchinchi shaxslarga bevosita yoki bilvosita imkoniyat yaratib berish bank sirining oshkor qilinishi deb hisoblanadi.

Bank sirini oshkor qilganlik uchun ma'muriy javobgarlik belgilangan.

Merosga egalik qilish huquqi Fuqarolik kodeksida batafsil tartibga solingan.

Video: https://youtu.be/tbzJw_EVU3k

Kanalga ulanish👇👇👇
https://t.me/huquqiyaxborot_lotin

#Bilasizmi

▶️ Qonunchilikka ko'ra, sportning quyidagi turlari bo'yicha respublika musobaqalarida 1-o'rinni, xalqaro musobaqalarda (Olimpiya o'yinlari, Osiyo o'yinlari, jahon chempionati va Osiyo chempionatida) 1-, 2-, 3-o'rinlarni egallagan akademik lisey, kasb-hunar kolleji va maktablar bitiruvchilari tegishli OTMga ushbu yo'nalishlarga umumiy qabul kvotalari doirasida test sinovlari va qo'shimcha imtihonlarsiz qabul qilinadi:

🔸avtomobil va motosikl sporti;

🔸sportning aviamodel va raketamodel turlari;

🔸olimpiya o'yinlari dasturiga kiritilgan sportning texnik va amaliy turlari bo'yicha.

Kanalga ulanish👇👇👇
https://t.me/huquqiyaxborot_lotin

#2023_yil_1_avgustdan

✅ Qonunchilikka ko'ra:

🔸“Suv omborlarida seysmologik kuzatuvlarni amalga oshirish elektron platformasi” ishga tushiriladi;

🔸suv omborlarida ishlovchi mas'ul xodimlarning seysmologik va seysmometrik kuzatuvlarni amalga oshirish va birlamchi tahlil qilish bo'yicha har 2 yilda malakasini oshirish amaliyoti yo'lga qo'yiladi.

Kanalga ulanish👇👇👇
https://t.me/huquqiyaxborot_lotin

#Ijtimoiy_aksiya

❗️Ishga qabul qilish qoidalari buzilganligi asosi bilan ishdan bo'shatishga faqat o'sha qoidabuzarlikni bartaraf qilish iloji bo'lmaganda yo'l qo'yiladi

🔰Ishdan bo'shatish ish beruvchi va xodimga bog'liq bo'lmagan asoslar bilan amalga oshirilishi mumkin. Mehnat kodeksida quyidagilar taraflar ixtiyoriga bog'liq bo'lmagan holatlar sifatida ko'rsatilgan:

1️⃣ xodimning harbiy yoki muqobil xizmatga chaqirilganligi;

2️⃣ shu ishni ilgari bajarib kelgan xodimning avvalgi ishga tiklanganligi (masalan, xodim noqonuniy ishdan bo'shatilsa, sud uni qayta tiklasa). Bunda xodimni bo'shatishdan oldin unga boshqa ish taklif qilinishi kerak;

3️⃣ xodim sud hukmi bilan ishlashni cheklaydigan jazoga hukm qilinganda (masalan, ozodlikdan mahrum qilinganda);

4️⃣ ishga qabul qilish qoidalari buzilganda, agar qoidabuzarlikni bartaraf etish imkoni bo'lmasa va u ishni davom ettirishga to'sqinlik qilsa;

5️⃣ ishni davom ettirishga to'sqinlik qiladigan holatlar yuzaga kelganda (xodim tibbiy xulosa asosida to'liq mehnat qilishga qobiliyatsiz deb topilganda, lisenziya yoki ruxsatnoma tugatilganda). Bunda xodimni bo'shatishdan oldin unga boshqa ish taklif qilinishi kerak;

6️⃣ sud qarori asosida tashkilot tugatilganda;

7️⃣ xodimni ishga tiklash haqidagi sud qarori yoki Davlat mehnat inspeksiyasining qarori bekor qilinganda;

8️⃣ xodim vafot etganda, sud tomonidan bedarak yo'qolgan deb e'tirof etilganda yoki vafot etgan deb e'lon qilinganda;

9️⃣ Qonunchilik palatasi deputati, Senat a'zosi vakolati tugaganligi yoki ular tarqatib yuborilganligi uchun ular avvalgi lavozimiga (ishiga) qaytganligi. Bunda xodimni bo'shatishdan oldin unga boshqa ish taklif qilinishi kerak;

🔟 qonunda nazarda tutilgan boshqa hollar.

⚠️ Saylanadigan yoki tanlov asosida tayinlanadigan lavozim muddati tugaganidan keyin xodim qayta saylanmasa yoki tanlovdan o'tmasa, u ishdan bo'shatiladi.

Kanalga ulanish👇👇👇
https://t.me/huquqiyaxborot_lotin

#Konstitutsiyani_oʻrganamiz

Konstitutsiyamizning 42-moddasi: “Har kim munosib mehnat qilish, kasb va faoliyat turini erkin tanlash, xavfsizlik va gigiena talablariga javob beradigan qulay mehnat sharoitlarida ishlash, mehnati uchun hech qanday kamsitishlarsiz hamda mehnatga haq to'lashning belgilangan eng kam miqdoridan kam bo'lmagan tarzda adolatli haq olish, shuningdek ishsizlikdan qonunda belgilangan tartibda himoyalanish huquqiga ega.

Mehnatga haq to'lashning eng kam miqdori insonning munosib turmush darajasini ta'minlash zarurati hisobga olingan holda belgilanadi.

Homiladorligi yoki bolasi borligi sababli ayollarni ishga qabul qilishni rad etish, ishdan bo'shatish va ularning ish haqini kamaytirish taqiqlanadi”.

Mehnat kodeksida har bir shaxsning mehnat qilish huquqi kafolatlari batafsil tartibga solingan.

“Aholi bandligi to'g'risida”gi qonunda aholini ish bilan ta'minlash, ishsizlikdan himoya qilish, ishsizlik nafaqasi to'lash tartibi belgilangan.

Ishsizlik nafaqasi ishsiz deb tan olingan shaxsga u mahalliy mehnat organida ish qidirayotgan shaxs sifatida ro'yxatga olingan birinchi kundan e'tiboran hisoblanadi va to'lanadi.

Ishsizlik nafaqasi 12 oylik davr ichida ko'pi bilan 26 kalendar hafta davomida to'lanadi.

Insonning munosib yashashi deganda, insonning yashash xarajatlarini (oziq-ovqat, kiyim-kechak, uy-joy, kommunal, transport, aloqa va boshqa) qoplash, shuningdek ta'lim olish, sog'liqni saqlash, dam olish va boshqa ehtiyojlarini qondirish imkoniyatiga ega bo'lishi tushuniladi.

Homilador yoki bolasi bor ayollarning ishga joylashish huquqi konstitutsiyaviy kafolat sifatida belgilangan.

Video: https://youtu.be/t6wqZ-FEQOs

Kanalga ulanish👇👇👇
https://t.me/huquqiyaxborot_lotin