#Ижтимоий_акция

✅ Ходимларга ишга киришда ишга мослигини текшириш ҳамда ишни давом эттиришга ходим қарор қилиши учун дастлабки синов қўлланилиши мумкин.

🗓 Дастлабки синов муддати 3 ойдан, ташкилотларнинг раҳбарлари ва уларнинг ўринбосарлари, бош бухгалтерлар ҳамда ташкилотлар алоҳида бўлинмаларининг раҳбарлари учун эса 6 ойдан ошмаслиги керак.

❕Вақтинча меҳнатга қобилиятсизлик даври ва ходим ҳақиқатда ишда бўлмаган бошқа даврлар дастлабки синов муддатига қўшилмайди.

Каналга уланиш👇👇👇
https://t.me/huquqiyaxborot

#Биласизми

❗️Безорилик, совуқ қурол ёки кишининг соғлиғи учун амалда шикаст етказиши мумкин бўлган нарсаларни (қурол сифатида) намойиш қилиб, уларни қўллаш билан қўрқитиб ёхуд қўллаб содир этилса, қуйидаги жазо чораларидан бири қўлланилишига сабаб бўлади:

▫️300 соатдан 360 соатгача мажбурий жамоат ишлари;
▫️1 йилдан 3 йилгача озодликни чеклаш;
▫️3 йилгача озодликдан маҳрум қилиш.

Каналга уланиш👇👇👇
https://t.me/huquqiyaxborot

Журналистларга қонунчиликда берилган муҳим 10 та кафолат

Журналистни таъқиб қилиш тақиқланади. ОАВлар фойда солиғи бўйича қандай имтиёзга эга? Журналистлар ўртасида ҳар чоракда танловлар ўтказилиши керак. Журналистларнинг хорижий тилни ўрганиш харажатлари қоплаб берилади.

Батафсил 👉 Ўқиш.

Каналга уланиш 👉 @Hudud24official

#Адлия_табриги

Ҳурматли журналистлар!

Сизни 27 июнь – Матбуот ва оммавий ахборот воситалари ходимлари куни билан табриклаймиз!

Сиз ўз қаламингиз билан юртимизда тинчлик-осойишталик, ўзаро ҳамжиҳатлик муҳитини янада мустаҳкамлашга, аҳолининг ҳуқуқий онги ва ҳуқуқий маданиятини оширишга муносиб ҳисса қўшиб келмоқдасиз.

Шундай шарафли, масъулиятли ва фидокорона меҳнатингиз, ҳақиқатни сўзлашдаги жасоратингиз мамлакатимизда демократик ислоҳотларни амалга оширишда катта аҳамиятга эга.

Барчангизни қутлуғ касб байрамингиз билан самимий табриклаб, хайрли ташаббусларингизда куч-қувват, мустаҳкам соғлиқ, оилангизга тотувлик, эзгу ишларингизда муваффақиятлар тилаймиз.

Хонадонингиздан файз-у барака аримасин. Байрамингиз муборак бўлсин!

Ҳурмат билан,
Адлия вазирлиги жамоаси

Каналга уланиш👇👇👇
https://t.me/huquqiyaxborot

#Биласизми

✅ Қонунчиликка кўра, ишланмайдиган байрамлар арафасида иш вақти барча ходимлар учун камида 1 соатга қисқартирилади.

❕Байрамдан олдинги кун иш вақтини қисқартириш имкони бўлмаганда ходимга бошқа куни қўшимча дам олиш вақти берилади ёки ишланган соат учун 2 баравар ҳақ тўланади.

Каналга уланиш👇👇👇
https://t.me/huquqiyaxborot

#2023_йил_1_июлдан

✅ Нодавлат футбол муассасалари учун Ўзбекистон футбол ассоциацияси аъзоси бўлиши талаби ўрнатилади.

📝 Ўзбекистон футбол ассоциацияси томонидан нодавлат футбол муассасаларининг рейтинги юритилади.

Каналга уланиш👇👇👇
https://t.me/huquqiyaxborot

#Қонунчиликдаги_янгиликлар

❗️ОАВни қўллаб қувватлаш бўйича 5 та низом тасдиқланди

Ҳукумат қарори (262-сон, 26.06.2023 й.) билан ОАВни қўллаб қувватлаш ва журналистика соҳасини ривожлантириш бўйича қуйидаги низомлар тасдиқланди:

1️⃣ Болалар учун мўлжалланган энг яхши теле- ва радиолойиҳа танловини ташкил этиш ва ўтказиш тартиби тўғрисидаги.

❕Бунда танлов 2 йўналишда – “болаларга мўлжалланган энг яхши телелоийҳа” ва “болаларга мўлжалланган энг яхши радиолойиҳа” номинацияларида ташкил этилиб, жами 30 та энг яхши лойиҳа молиялаштирилади.

🗓 Танлов ҳар йили июль–август ойларида, ғолибларни тақдирлаш сентябрда ўтказилади;

2️⃣ Оммавий ахборот воситаларида эълон қилинган энг яхши материал” танловни ташкил этиш ва ўтказиш тартиби тўғрисидаги.

🔰 Шунга кўра, танлов ҳар йили чорак якуни бўйича қуйидаги йўналишларда ўтказилади:

▫️газеталар ва журналларда чоп этилган материаллар;
▫️телеканалларда эфирга узатилган материаллар;
▫️радиоканалларда эфирга узатилган материаллар;
▫️веб-сайтларда эълон қилинган материаллар.

➡️ Бунда ҳар бир йўналиш бўйича ғолиблар тегишлича БҲМнинг 50 баравари (1-ўрин), 40 баравари (2-ўрин) ва 30 баравари (3-ўрин) миқдорида рағбатлантирилади.

💰 Шунингдек, ҳар бир йўналиш бўйича 5 тадан 22 тагача совриндорлар аниқланиб, улар БҲМнинг 10 баравари миқдорида рағбатлантирилиши назарда тутилган;

3️⃣ ОАВ ходимларининг хорижий тилларни ўрганиш ҳамда хорижий тиллар бўйича тегишли милилй ёки халқаро сертификатга эга бўлиш учун имтиҳон топшириш харажатларини қоплаш тартиби тўғрисидаги.

✅ Низомга мувофиқ, ОАВда камида 1 йил давомида асосий иш жойи сифатида ишлаб келаётган ходимларнинг хорижий тилларни ўрганиш харажатларининг 50 фоизи, бироқ БҲМнинг 15 бараваридан ошмаган қисми компенсация қилинади.

❕ Бунда улар хорижий тиллар бўйича B2 ва ундан юқори даражадаги сертификатга эга бўлиши лозим;

4️⃣ Жисмоний шахслар томонидан даврий босма нашрлар, китоб ва бошқа матбаа маҳсулотларига электрон тарзда обуна бўлиш ҳамда даврий босма нашрлар учун обуна харажатларининг бир қисмини қайтариб бериш тартиби тўғрисидаги.

❗️Шунга кўра, “Обуна” ягона электрон платформаси ва унинг мобил иловаси орқали даврий босма нашрларга обуна харажатларининг қайтариладиган миқдори обуна расмийлаштирилгандан 1 ой ўтганидан кейин шакллантирилади.

🔰 Обуна харажатларининг бир қисми қуйидаги миқдорларда қайтарилади:

➖ижтимоий-сиёсий, маънавий-маърифий, адабий-бадиий, ҳуқуқий, илмий-оммабоп даврий босма нашрлар – обуна нархининг 10 фоизи миқдори;

➖болаларга мўлжалланган даврий босма нашрлар – обуна нархининг 20 фоизи миқдори;

5️⃣ Давлат органлари ва ташкилотлари муассислигида бўлмаган даврий босма нашрларнинг замонавий электрон шаклларини яратиш, уларни модернизация қилиш ва бир йил давомида юритиш харажатларини қоплаш тартиби тўғрисидаги вақтинчалик низом.

🔘 Бунда ҳар йили энг яхши 20 та лойиҳани аниқлаш бўйича танлов эълон қилиниб, ғолиб лойиҳаларга Ўзбекистон Республикасининг ахборот соҳаси ва оммавий коммуникацияларни ривожлантиришни қўллаб-қувватлаш жамғармаси ҳисобидан маблағ ажратилади.

Каналга уланиш👇👇👇
https://t.me/huquqiyaxborot

#Сўровнома

Ҳурматли каналимиз обуначилари!

Каналимизда Сизга керакли ҳуқуқий маълумотларни Сиз истаган вақтда ва шаклда етказиш мақсадида сўровнома ўтказилмоқда.

Мазкур сўровномада фаол иштирок этишга чақирамиз👇