⚠️ Қатор мутасадди ҳамда тегишли идоралар томонидан метан газ нархини барқарорлаштириш ҳамда нархларнинг асоссиз ошириб юборилишини олдини олиш бўйича жиддий назорат олиб борилади

АОКАда Энергетика вазири ўринбосари Азизхўжа Қобилов иштирокида ўтказилган брифингда газ нархининг эркинлаштирилиши билан боғлиқ масалалар юзасидан маълумот берилди:

📈 Ишлаб чиқарувчилар ва импортерлар томонидан биржа савдоларига суюлтирилган газ қўйиш ҳажмлари камайиб, маҳсулотнинг ўртача сотилиш нархи июль ойи бошидагига нисбатан 25 фоиз (6 млн сўмдан → 7,5 млн сўмгача) ошган.

🛢Август ойининг 7 санасидан эътиборан “Uzbekistan GTL” МЧЖ томонидан кунига яна қўшимча 100 тоннадан суюлтирилган газ биржа савдоларига қўйиб борилади.

⛔️Бугунги кунда суюлтирилган газнинг тадбиркорлик субъектлари томонидан импорт қилинишига ҳеч қандай тақиқ ва чекловлар мавжуд эмас.

📌 Жорий йилнинг ўтган даврида табиий газдан ноқонуний фойдаланиш ҳолатларини аниқлаш бўйича олиб борилган назорат тадбирлари давомида 1 601 та ҳолатда 369 млрд сўмлик 217 млн куб метр табиий газни талон-торож қилган истеъмолчилар аниқланди.

🔍 Табиий газдан ноқонуний фойдаланиш оқибатида етказилган зарар миқдорининг 155 млрд сўмлик қисмини ташкил этувчи 42 фоизи 1 568 та ҳар хил тоифадаги истеъмолчилар ҳиссасига тўғри келса-да, унинг 214 млрд сўмлик 58 фоизи 33 та автомобилларга газ тўлдириш компрессор шохобчаси томонидан талон-торож қилинган.

📱 2025 йил 1 январга қадар барча шохобчада газ тўлдириш устунларига қўшимча қурилмалар ўрнатилиб, реализация қилинаётган газ ҳажми онлайн кузатиб борилади.

‼️ Эндиликда сотилаётган ёқилғиларнинг нархларини сунъий равишда ошириш ҳолатлари аниқланган тақдирда, мазкур тадбиркорлик субъектлари қонунчиликда белгиланган тартибда жавобгарликка тортилади ҳамда уларга ёқилғи етказиб берилиши тўхтатилади.

📞 Ҳурматли истеъмолчилар, агар сиз метан газ нархининг асоссиз равишда оширилиши ҳолатларига дуч келсангиз, Рақобат қўмитасининг 71-207-47-00, 71-207-48-00 ёки 1159 қисқа рақамига, шунингдек, Бош прокуратуранинг 1007 қисқа рақами ҳамда “Ўзэнергоинспекция”нинг 71-200-02-86 телефон рақамларига қўнғироқ қилишингизни сўраймиз.

📌 Батафсил

https://t.me/hudud_inform

📍 Заковатли билимдонларимиз Остона шаҳрига қўллаб-қувватлаш учун етиб келишди!

🇺🇿🇰🇿 Бугун ўтказиладиган «Заковат» Осиё кубоги турнирида ёрқин ва ҳаяжонли ўйин гувоҳи бўламиз.

https://t.me/hudud_inform

📈 Олмалиқ кон-металлургия комбинати меҳнат жамоаси жорий йилнинг 7 ойида барча ишлаб чиқариш прогнозларини бажарилишини таъминлашди

⏺Жумладан, товар маҳсулотлар ишлаб чиқариш бўйича прогноз 7 ойда 116%га, июль ойида эса прогноз 115,5%га бажарилди.

⏺Қалмоққир конидан маъдан қазиб олиш прогнози 102,1% га (июл ойида 103,4%) бажарилиб, ўсиш суръати +106,9% ни ташкил этган.

⏺Мис концентратини қайта ишлаш прогнозида +102,2% лик ўсиш суръати кузатилган. Ушбу йўналишда июль ойида прогноз 103,4%га бажарилган.

⏺Шунингдек, концентратда мис бўйича прогноз 7 ойда 101,6%га, июль ойида 106,6%га бажарилиши таъминланди.

⏺Ушбу йўналишлардаги прогнозларининг бажарилишида Мис бойитиш фабрикаси ва 2-Мис бойитиш фабрикаси каби меҳнат жамоаларини алоҳида таъкидлаш жоиз.

⏺Бундан ташқари, мис катоди ва ўз хом ашёмиздан мис катоди, рух ишлаб чиқариш прогнозлари ошиғи билан бажарилган.

⏺Сульфат кислотаси ишлаб чиқариш бўйича +100,9%лик ўсиш суръати қайд этилган.

⏺Хондиза кон бошқармаси меҳнат жамоаси томонидан полиметалл маъданларни қазиб олиш (100,9%), уни қайта ишлаш(100,5%), рух концентратида рух (105,9%) каби белгиланган ишлаб чиқариш прогнозлари бажарилиши таъминланган.

⏺Ангрен, Чодак кон бошқармалари ва Ковулди кони каби меҳнат жамоалари томонидан олтин таркибли маъданларни қазиб олиш, қайта ишлаш, концентратда 1- ва 2-металл прогнозлари бажарилган.

⏺Шунингдек, мис купороси, эмалланган мис сим, техник селен ва теллур, перранат аммоний, палладий кукуни, молибден 3 оксиди каби маҳсулотларини ишлаб чиқариш бўйича режавий вазифалар адо этилган.

https://t.me/hudud_inform