ОКМК ва KIAT ўртасида грант шартномаси имзоланди

Аввал хабар берилганидек, 2022 йилнинг 25 декабрь куни Корея Миллий Ассамблеяси томонидан Олмалиқ кон-металлургия комбинатига 15 млрд вон(12 млн АҚШ доллари атрофида) миқдоридаги грант ажратилиши бўйича қарор қабул қилинган эди.

Шу муносабат билан жорий йилнинг 8 февраль куни Корея технологияларни ривожлантириш институти (Korea Institute for Advancement Technology - KIAT) вакиллари Олмалиқ кон-металлургия комбинатига ташриф буюришди.
ОКМК раҳбарияти ва меҳмонлар ўртасидаги учрашувда ўзаро манфаатли ҳамкорлик масалалари муҳокама этилди. Кореялик меҳмонлар томонидан институт фаолиятига оид, Ўзбекистон билан Корея давлати ўртасидаги ҳамкорлик муносабатлари бўйича тақдимот ҳам ўтказилди.

https://t.me/hudud_inform

🔰 Қонунчиликка кўра, нотариус мақомига эга бўлиш учун малака имтиҳонини муваффақиятли топширган талабгор 1 ой ичида Қорақалпоғистон Республикаси Адлия вазирлигига, адлия бошқармаларига лицензия олиш учун мурожаат қилиши керак.

☑️ Белгиланган тартибда лицензия олган, талабгор шахс лицензия олган кундан эътиборан 3 ой ичида нотариал идора ташкил этиши ва нотариал ҳаракатларни амалга оширишга киришиши шарт.

⚠️ Талабгор томонидан лицензия олиш учун мурожаат қилиш муддатининг узрсиз сабабларга кўра ўтказиб юборилиши лицензиянинг амал қилишини тугатишга асос бўлади.

https://t.me/hudud_inform

#Қашқадарё_вилояти

Оққўрғон тажрибаси Қамаши туманида

📹 Видеолавҳа Қашқадарё вилояти ҳокимлиги ахборот хизмати томонидан тақдим этилди.

https://t.me/hudud_inform

Фармацевтика соҳасидаги коррупциявий жиноятлар фош этилмоқда

Коррупцияга қарши курашиш агентлиги томонидан Фармацевтика тармоғини ривожлантириш агентлиги ва унинг ҳузуридаги “Дори воситалари, тиббий буюмлар ва тиббий техника экспертизаси ва стандартлаштириш давлат маркази” ДУКда ўтказилган ўрганиш якунларига кўра аниқланган жуда кўп миқдордаги молиявий хато ва камчиликлар ҳамда бюджет маблағларининг сарф қилинишида белгиланган талабларнинг қўпол равишда бузилганлик ҳолатлари бўйича жиноят иши қўзғатилган. Ҳозирда ДХХ тергов бошқармаси томонидан тергов ҳаракатлари олиб борилмоқда.

Шунингдек, “DOK-1 MАKS” ва «АМБРОНОЛ» сиропининг ножўя таъсири сабабли “ўткир буйрак етишмовчилиги” ташхиси билан болалар вафоти бўйича қўзғатилган жиноят иши тергови доирасида бир қатор мансабдор шахслар қамоққа олинган.

Хусусан, тўпланган далиллар асосида Фармацевтика тармоғини ривожлантириш агентлиги ҳамда унинг ҳузуридаги “Дори воситалари, тиббий буюм ва тиббий техника экспертизаси ва стандартлаштириш давлат маркази” ДУК директори К.С. ҳамда содир этилган жиноятларга алоқадор бўлган унинг бир нечта жиноий шериклари иш бўйича гумон қилиниб ушланиб, уларга нисбатан қамоқ эҳтиёт чораси қўлланган.

Дастлабки тергов давомида сифатсиз дори воситаларини Ўзбекистонга импорт қилиб, истеъмолга чиқарилишига рухсат берган масъуллар доирасини аниқлаб, ҳаракатларига ҳуқуқий баҳо беришга қаратилган комплекс тергов-тезкор ҳаракатлари ва тегишли экспертизалар ўтказилмоқда.

https://t.me/hudud_inform

❗️Тайёр мебель маҳсулотларини экспорт қилувчи тадбиркорлар қўллаб-қувватланади

“Мебель маҳсулотлари ишлаб чиқариш ва экспорт қилишни рағбатлантиришга оид қўшимча чора-тадбирлар тўғрисида”ги Президент қарори (ПҚ–51-сон, 10.02.2023 й.) қабул қилинди

🔰 Қарорга кўра, 2023 йил 1 февралдан 2024 йил 1 январгача:

🔹тайёр мебель маҳсулотларини экспорт қилувчи тадбиркорларга хориждаги офис, савдо ва омбор биноларини ижарага олиш харажатларининг бир қисмини қоплаб беришда мазкур нотурар жойлар майдонига қўйилган меъёр 100 квадрат метрдан 250 квадрат метрга оширилади;

🔹йиллик тушумида тайёр мебель маҳсулотлари экспортидан тушум улуши камида 30 фоизни ташкил қиладиган маҳаллий корхоналар томонидан инженер-технолог, лак ва бўёқ сепиш устаси, дизайнер каби хорижий мутахассислар жалб қилинганда, улар иш ҳақининг 25 фоизи, бироқ меҳнатга ҳақ тўлашнинг энг кам миқдорининг 9 баробаридан кўп бўлмаган қисми қоплаб берилади.

🗓 2023 йил 1 февралдан 2024 йил 1 январгача тегишли мебель ишлаб чиқаришда фойдаланиладиган хомашё, эҳтиёт қисмлар, фурнитура ва аксессуарлар импортида божхона божининг ноль ставкаси қўлланилади.

➡️ Шунингдек, Президент қарорида назарда тутилган хомашё, эҳтиёт қисмлар, фурнитура ва аксессуарларни Ўзбекистонга олиб киришда божхона божининг ноль ставкаси қўлланилиши 2024 йил 1 январгача узайтирилди.

https://t.me/hudud_inform

Ўзбекистон Республикаси Фавқулодда вазиятлар вазирлиги томонидан бу  маълумот эълон қилинмаган.

Ишончли маълумотларни фақатгина бизнинг расмий манбаларимиздан олишингиз тавсия этилади.

ФВВ

https://t.me/hudud_inform

Қорақалпоғистон Республикасининг 2022 йилдаги макроиқтисодий кўрсаткичлари

Ўтган йили Қорақалпоғистон Республикаси ялпи ҳудудий маҳсулоти 2021 йилга нисбатан 4 фоизга ўсди ва 29,9 трлн. сўмни ташкил этди.

https://t.me/hudud_inform

"Менимча" телелойиҳасининг навбатдаги сонида таҳлил қилинадиган мавзулар:
- Президент Шавкат Мирзиёев Тошкент шаҳридаги ерусти метросининг янги бекатлари ва трансформатор заводи билан танишди, пойтахт учун долзарб масалалар бўйича йиғилиш ўтказди;
- Давлатимиз раҳбарининг Жиззах вилоятига сафари тафсилотлари;
- Заминдан куч олаётган кучли аёл қиссаси.

Кўрсатувни бугун, 11 февраль куни соат 20:10 да "O'zbekiston 24" телеканалида томоша қилишингиз мумкин.

Эртага, 12 февраль куни соат 12:20 ва 17:20 да такроран намойиш этилади.

https://t.me/hudud_inform

✅ Ўзбекистон Республикаси Иқтисодиёт ва молия вазирлиги ҳузуридаги Солиқ қўмитасининг ахбороти

Президент farmoniga мувофиқ Солиқ қўмитаси 2023-йил 1-октябрга қадар тажриба тариқасида QQS to‘lash bo‘yicha soliq uzilishi аниқланганда солиқ назорати тадбирларини амалга ошириши мумкин.

ҚҚС билвосита солиқ бўлиб, хўжалик юритувчи субектлар учун унинг нейтраллиги ҳисоб-китоб механизми орқали таъминланиши сабабли, товар (хизмат)лар реализациясининг ҳар бир босқичида soliq budjetga to‘lanishi zarur.

Шуни амалга ошириш мақсадида intizomsiz soliq to‘lovchilar tomonidan QQSni noqonuniy qoplashni олдини олиш бўйича тажриба ўтказилади.

Бу Европа ва МДҲ давлатларида кенг қўлланиладиган бутунжахон амалиётдир. Ушбу мамлакатларнинг солиқ маъмурчилигида товар (хизмат)ларни етказиб бериш занжирида ҚҚС узилишлари аниқланганида, солиқни асоссиз қоплашда нафга эга бўлаётган бенефициарларни аниқлаш учун бундай етказиб бериш жараёнларида иштирок этган барча шахсларга нисбатан қатъий солиқ назорати тадбирлари ўтказилади.

❗️Муҳим. Тажриба доирасида ўтказиладиган солиқ назорати чоралари оммавий характерга эга бўлмайди.

Бироқ, сохта тадбиркор - солиқ тўловчилар томонидан ҚҚСни буджетга тўламаслик шарт-шароитларининг яратилиши товар (хизмат)ларни етказиб бериш занжирининг барча иштирокчиларини, ҳатто улар билан боғлиқ бўлмаган инсофли тадбиркорларни, солиқ ҳуқуқбузарлиги содир этлиши мумкин бўлган хавф гуруҳига кириб қолишига олиб келмоқда.

Шу боис, солиқ органларининг вазифаси ҳақиқий бенефициарлар ҳамда уларга алоқадор шахсларни ва ноқонуний қопланган солиқларни аниқлашдан иборат.

Бугунги кунда Солиқ қўмитасининг soliq maʼmuriyatchiligini raqamlashtirish тажрибаси қўшилган қийматни яратиш ва ўтказиш, шунингдек, ҚҚСни буджетга тўлаш занжирининг тўлиқ харитасини шакллантириш имконини беради.

Ушбу имкониятдан келиб чиқиб, солиқ узилиши кўрсаткичини қўллаш фақат солиқдан қочишнинг агрессив усулларига мурожаат қиладиган интизомсиз солиқ тўловчиларга нисбатан амалга оширилади.

Таъкидлаш жоизки, манзилли ишлар фирибгарлик схемалардан фойдаланган ҳолда асоссиз солиқ нафи олиш  билан боғлиқ бўлмаган инсофли солиқ тўловчиларнинг ҳуқуқларини ҳимоя қилиш имконини беради. Бундай аниқ ва манзилли ишларни амалга ошириш зарурлиги ишбилармон доиралар ва профессионал жамоатчилик вакиллари томонидан ҳам билдирилган.

Тажриба кенг жамоатчилик ва экспертлар ҳамжамиятини жалб қилган ҳолда ўтказилади ва унинг натижалари, жумладан, дастлабкилари ОАВда ёритилади.

https://t.me/hudud_inform

🔰 Янгиҳаёт туманидаги "Tashkent INDEX"да туркиялик қардошларимизга гуманитар ёрдам йиғиладиган марказлашган пункт ташкил этилди

Турк қардошларимизга ёрдам сифатида 8 февралдан бошлаб юртимизда гуманитар ёрдам йиғила бошланди. Ана шу ҳаракатларни марказлаштириш, ёрдам сифатида тақдим этилаётган маҳсулотларни сараланган ҳолда қадоқлаш, логистикасини йўлга қўйиш ҳамда ёрдам юкини ҳукуматлараро келишган ҳолда манзилли етказишни таъминлаш мақсадида 11 февралдан бошлаб, Янгиҳаёт туманидаги "Tashkent INDEX" мажмуасида “Ўзбекистон халқидан турк қардошларимизга” гуманитар ёрдам йиғиладиган марказлашган пункт ташкил этилди.

Мазкур пунктда республикамизнинг барча ҳудудларида йиғилаётган ёрдам юклари жамланади. 

Туркиядаги табиий офат юз берган ҳудудлардаги жабр кўрган аҳоли эҳтиёжидан келиб чиққан ҳолда  хайрия ёрдамини кўрсатиш истагидаги тадбиркорлар ва аҳолимизга қуйидаги 14 турдаги маҳсулотларни етказиб беришга эътибор беришлари тавсия этилади:

1.Чодир (палатка)
2. Кроват
3. Тўшак (матрас)
4. Кўрпалар
5. Ухлаш учун махсус қоплар
6. Печ-иситгичлар
7. Термос
8. Қўл фонарлари
9. Поwер-банк
10. Генераторлар
11. Чақалоқлар озиқ-овқат ёрмаси
12. Болалар тагликлари
13. Гигиена маҳсулотлари
14. Озиқ-овқат маҳсулотлари (консервалар)

Эслатиб ўтамиз, гуманитар ёрдам пункти 24 соат давомида ишлайди. Пунктда кўнгилли сифатида ишлаш истагидагилар маъмуриятга мурожаат этишлари мумкин.

Изоҳ: фойдаланилган кийимларни олиб келиш тавсия этилмайди.

Мурожаат учун телефон: (99) 332-33-33.

https://t.me/hudud_inform

Қурилиш меъёрий талаблари қўпол равишда бузилган обектда қурилиш-монтаж ишлари тўхтатилган.

🔨 Фарғона вилояти Қурилиш соҳасида ҳудудий назорат инспекцияси Фарғона шаҳар Регистон кўчасида жойлашган турар-жой биноси бўйича ижтимоий тармоқлар орқали тарқалган  ҳолат юзасидан қуйидагиларни маълум қилади:

Буюртмачи Ҳ.Латипов томонидан қурилаётган Фарғона шаҳар Регистон кўчасидаги бўш ер майдонида тўрт қаватли турар-жой биноси, автотураргоҳ, болалар майдончаси қуриш ҳамда туташ ҳудудни ободонлаштириш ва кўкаламзорлаштириш обекти инспекциядан 2018 йил 3 декабр куни рўйхатдан ўтган ва қурилиш ишлари бошланган, обектда инспекция томонидан доимий назорат ишлари олиб борилган. 

Турар-жой биносининг лойиҳа ҳужжатларида тўрт қават қуриш белгиланган, амалда эса етти қават қилиб қурилган. Ушбу обектнинг бешинчи, олтинчи, еттинчи қаватларини қуриш учун пастки қаватларни юк кўтариш қобилиятини ўрганиш бўйича “ИНСПЕCТИОН WОРК” МЧЖ (бино иншоотларни техник холатини текшириш бўйича лицензия рақами АЛ-002105) томонидан тайёрланган техник хулосага асосан юқори қаватларни енгил қурилиш материалларидан бажаришга тавсия этилган. Лекин буюртмачи Ҳ.Латипов ва пудратчи “Икат Водий” МЧЖ томонидан ушбу хулосага асосан лойиҳа ҳужжатлари қайта тўлиқ ишлаб чиқилмаган, белгиланган тартибда экспертизадан ўтказилмаган ҳамда инспекцияга хабарнома юбориб рўйхатдан ўтмасдан қурилиш ишлари амалга оширилган.

🔔Ушбу ҳолат юзасидан Фарғона вилояти қурилиш соҳасида ҳудудий назорат инспекцияси томонидан обект қурилишини тўхтатиш тўғрисида 2022 йил 12 декабрда ёзма кўрсатма берилган. Шунингдек, аниқланган қонун бузилиш ҳолати юзасидан 2022 йил 26 декабр куни маъмурий ҳуқуқбузарлик тўғрисида МЖтК 99-модда 7-қисми билан баённома расмийлаштирилиб, маъмурий судга юборилган.

Бугунги кунда обектда қурилиш-монтаж ишлари тўхтатилган деб хабар берди Қурилиш ва уй-жой коммунал хўжалиги вазирлиги ахборот хизмати.

https://t.me/hudud_inform

☑️ Ўзбошимчалик – “ўзича судлаш” (самосуд) фуқароларга БҲМнинг учдан бир қисмидан 1 бараваригача (300 минг сўмгача), мансабдор шахсларга эса 1 бараваридан 3 бараваригача (900 минг сўмгача) миқдорда жарима солишга сабаб бўлади.

➡️ Худди шу ҳаракатлар кўп миқдорда зарар (БҲМнинг 300-500 бараваригача) ёки жиддий зиён етказилишига сабаб бўлса, мазкур қилмиш жиноят ҳисобланиб, БҲМнинг 50 бараваригача (15 млн сўмгача) жарима ёки 300 соатгача мажбурий жамоат ишлари ёхуд 2 йилгача ахлоқ тузатиш ишлари билан жазоланади.

❗️Бундан ташқари, ушбу қилмишни содир этган шахс самосуд оқибатида вужудга келадиган жиноятлар (тан жароҳати етказиш, ўзини ўлдириш даражасига етказиш, қасддан одам ўлдириш ва ҳ.к.)нинг ҳар бири учун алоҳида жавобгарликка тортилади.

https://t.me/hudud_inform

Ижтимоий тармоқларда Пайариқ тумани Челак шифохонаси ходимлари ўртасидаги жанжал акс этган видеоматериал тарқалди.

Самарқанд ИИБ ахборот хизмати маълум қилишича, мазкур ҳолат жорий йилнинг 2 февраль куни шифохонанинг режали хирургия бўлимида ходимлар ўртасидаги ўзаро келишмовчилик сабаб келиб чиққан.

Мазкур ҳолат юзасидан вилоят соғлиқни сақлаш бошқармаси ишчи гуруҳи томонидан ўрганиш ишлари олиб борилмоқда.

Шунингдек, жанжалда тан жароҳати етказишда гумонланаётган А.Н.гa нисбатан Пайариқ тумани ИИБ ҳузуридаги Тергов бўлими томонидан Ўзбекистон Республикаси жиноят кодексининг 109-моддаси 2-қисми билан жиноят иши қўзғатилиб, ҳозирда тергов ҳаракатлари олиб борилмоқда.

https://t.me/hudud_inform

Деворлари ёрилган Тошкентдаги турар жойни қурган ва сотган одам қамоққа олинган

Ижтимоий тармоқларда янги қурилгани айтилган кўп қаватли уй деворлари ичидан дарз кетгани акс этган видеолар тарқалган. Ҳолат юзасидан Қурилиш ва уй-жой коммунал хўжалиги вазирлигининг маълум қилишича, Мирзо Улуғбек туманининг Мағрур кўчасидаги 55Б-уй 2017 йилда фуқаро Б.Зокиров томонидан ўзи ва оила аъзоларининг яшаши учун якка тартибдаги уй-жой сифатида қурилган ва фуқароларга алоҳида квартира сифатида ўзбошимчалик билан реконструкция қилинган ва сотилган.

Қайд этилишича, барпо этилган уй экспертизадан ўтказилган ва унинг хулосасига кўра, қурилишнинг бир нечта талаблари бузилган. Бино сейсмик зонада қурилиш ўтказиш талабларига жавоб бермаслиги ҳам аниқланган. Ҳозир уй авария ҳолатида.

Фуқароларга алдов йўли билан уй сотган Б.Зокиров эса 2022 йилнинг июн ойида ЖКнинг 186-моддаси 4-қисми «а», «б» бандлари (Хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатишда одамлар ўлимига, бошқача оғир оқибатларнинг келиб чиқиши), 168-модда 4-қисми «а» банди (жуда кўп миқдорда фирибгарлик) ва 229-моддалари (ўзбошимчалик) билан айбли деб топилган ва 8 йилу 2 ой муддатга озодликдан маҳрум қилинган.

Айни вақт фуқароларга етказилган зарарни қоплаш мақсадида суд органи томонидан компенсация пулини ундириш учун суд жараёнлари давом этмоқда.

https://t.me/hudud_inform

Шарифа Давронова катталар ўртасида ҳам Осиёда тенгсиз

Қозоғистоннинг Остона шаҳрида енгил атлетика бўйича ёпиқ иншоотлардаги қитъа биринчилигида уч ҳатлаб сакраш дастурида иштирок этган 16 ёшли Шарифа Давронова энг юқори натижа қайд этиб, катталар ўртасида ҳам тенгсиз эканини кўрсатди.

🥇Шарифа Давронова (Ўзбекистон) 🇺🇿 – 13.98 метр
🥈 Марико Маримото (Япония) 🇯🇵 - 13.66
🥉 Чен Тин (Хитой) 🇨🇳 - 13.52

Эслатиб ўтамиз, Ш.Давронова ўтган йили Қувайтда 18 ёшгача бўлган спортчилар ўртасида ўтказилган Осиё чемпионатида ҳам биринчи ўринни эгаллаган эди.

https://t.me/hudud_inform