Muaz Mohamed 👉 Official

Dr Zakir Naik Afaan Oromoo:
Godina Jimmaatti har’as Sababa Jilbaabaatiin Kora bittinneessaan tumamanii hidhaman. Warri Kaleessa hidhamanis Mana murtiitti dhihaatan.
★★★★★★★★★★★★★★★★★★★★★

Taatee Limmu Gannat kaleessaatti dabalatee Godina Jimmaa Magaalaa Hasandaaboo mana barumsaa qophaa’inaa fi sadarkaa 2ffaa barattoota dubraa muslimootaa Jilbaaba uffatanii akka hin baranne yammu dhorkaman barattoota kuniif maaliif ta’ee jedhanii gaafatan 7 poolisoonni kora bittineessaa tumamamni hidhaniiruu.

Barattoota hidhaman gidduu dhaa kanneen armaan gadii yaroo ammaa gara mana Waajira Poolisi Naaddaatti hidhamanii argamu
1. Ahmaddiin Haji Muhammadnur
2. Saabit Siraaj
3. Mu’aaz Abbaa Tamaam
4. Mubaarak
5. Muhammad
6. Riyaad Haafiz

Barattoonni kora bittineessaa dhaan rukuttaan irra qaqqabe Gariin qaamaan madaa’uu fi miidhamuun irra qaqqabeera. Yaroo ammaas Magaala Hasandaaboo keessa kora bittinneessaan faca’ee barattoota biro hidhuuf akka bobba’an jiraattoonni naannoo fi Imaamooni ni ibsu.

Haaluma walfakkaatuun Limmuu Gannatitti Barattoonni kaleessa sababa jilbaabaa/Hijaabaa hidhaman gaafachuu namoota dhaqan dabalatee guyyaa har’aa barattoonni 6 kan hidhamaniiru. Har’a odeeffannoo naannoo dhaa na gaheen har’as ajaja itti gaafatamaa Paartii Badhaadhinaa godina Jimmaa Obbo Ashannaafi tiin shamarran jilbaaba uffatanii naannoo mana barumsaatti socho’aa argaman hidhamaniiru.

Kannneen gidduudhaa hidhaman keessaa Barsiisaa Anwaar Musxafaa namoota har’a hidhaman keessatti kan argamu yammuu ta’u, kaleessa irraa eegalee hanga yoonaatti barattoonni hidhaman 17 kan gahan yoo ta’u har’a waaree duuba mana murtitti dhihaachuun beellamni guyyaa 7 itti gaafatameera. Haaluma walfakkaatuun, Torban darbeerraa eegalee godinuma Jimmaa aanaa Xiroo afataa Magaalaa Dimtuu keessatti Barsiisoota muraasa amantaa biraa hordofanii fi bakka biraatii dhufaniin bifa qindaa’een yoo shamarran muslimaa jilbaaba uffatani akka baratan kan eehyyamamuuf yoo ta’e barsiisuu kan dhaaban ta’u akeekkachissuun isaani barameera. Akkasumas yoo baratoota muslimaatiif jilbaabni eyyamameef isnis baratoota amantaa biraas akka uffata amantaa kessan naxalaafi uffata masqala qabu dhufatani dhuftanu jedhani kakaasaa jiru.

Dabalataanis Bulchaan godina Jimmaa Obbo Abdulhaakim Muluu akka jedhanutti barsiisoonni bakka birootii dhufan barattoota amantaa biraa hordofaniin yoo isaanii jilbaaba/Hijaaba uffatanii barachuun kan eeyyamamu ta’e isiniis Naxalaa fi uffata Masqalli irra jiru uffadhaa kottoo jechuun barattoota kakaasaa akka jiran gabaasa akka qabanii fi Caaseeffama nageenyaa godinichaa keessas rakkoon akka jiruu yaroo dhiheenyaa keessatti qulqulleessinee tarkaanfii kan fudhannu ta’a jedhaniiru.

Haaluma walfakkaatuun Magaala Oomoo Naaddaa keessatti dhiha kana warra jilbaaba uffatanuuf barattoota muslimaa qindeessu kan jedhan manaa mana deemuun yaalii poolisoonni qabanii hidhuuf taasisan maatiin waan dheekkameef ummata magaalattitti boombiin imimmeessaa itti dhukaafameera.
Odeeffannoo arganneen, Godina Jimmaatti Biiroon barnootaa fi Dhimmi nageenyaa barattoota irratti dhiibbaa isaa jabeessuun maatii amansiisuuf dhorkaa jilbaabaan walqabatee jiru itti fufsiisuuf kallatti akka qabatan beekameera.

Naannoodhaa kan naa bilbilan hooggansi Majlisaa tokko fi bulchaan aanaa tokko rakkoon caasaa biiroo barnootaa fi dhimma nageenyaa keessa garaagarummaa fi hasaasni akka jiru fi dhimmi kana irratti ejjannoodhaan gargar bahanii rakkoo kana barattoota irraan gahaa akka jiran ibsu.
From Ahmadin Jabal

726 viewsMuaz Habibi, 11:39