شوط كربلائي


عدنا الي يموت نروح نعشه لحيدره نزَوره
بس ام الحسن يا ناس حيدر زاير الزهرة

ــــــــــــــــــ
من عادتنا وي المات نمشي نشيع بنعشه
عند المغتسل والناس كلها لاجلة متجمعه
وما ندفن بدينه انسان حدنا لقبره ونودعه

بس حيدر دفنها وناح
وظل اعله القبر ماراح
تبجيلة الأرض من صاح

قلبة من الوجع والاه جنة تفجر بصدرة
ــــــــــــــــــ
من بعد الحزن جم يوم عالحايط يظل صورة
شمعه و تنطفي من البيت لو ميت هدم سورة
بس الزهرة كل الكون اظلم ورتحل نوره

ظل مثل الرماد الكون
فگد ام الحسن ميهون
ماتت واليظل شلون

يصبر يا قلب مشتاگ بي غصة والف حسرة
ــــــــــــــــــ
تقديراً وره التابوت ودام تمشي متكلفة
وتودع الجنازة الناس حتى المحد يعرفة
بس الزهرة نص الليل بالسر تندفن وسفة

نعش ام الحسن من راح
لليل وماكو كل مصباح
لا خلف الجنازة صياح

تتشيع غريبة بليل هاي وصية الحرة
ــــــــــــــــــ
تاريخ اليموت يعود كل عام ويرد يومة
من ظمن الثوابت هاي كل احبابة ملمومة
موعد لاجلة داير حول بس الزهرة مظلومة


شما دارت سنة وتنعاد
موعدها عصف برماد
موعد يوم الاستشهاد

مو بس الگبر يا ناس منها تختفي الذكره
ــــــــــــــــــ
للگاضي العمر موجوع راحة الموت اله ورحمه
والعمره جبير ومات عايش بالعمر نعمه
بس اثمنطعش وتموت وعمر الورده تتسمه

قتلوها بغدر ظلام
ذبحوا سنة الاسلام
ولها جفت الاقلام

ونرفعت صحف والكون ما طايح عجب امره
ــــــــــــــــــ
للميت گبر معروف يندله اليجي زيارة
واسمه ينكتب فوگاه يصبح مرقده وداره
وبكاع النجف موجودضيف الحيدره وجارة

يم المرتضى ومدفون
وأهله من يجي يزورون
كبرة لاجلة من يبجون

گبر الزهرة ما معلوم يمن نسجب العبرة
ــــــــــــــــــ
من طاحت ورگته فلان صار جنازة عنوانة
بصحن المرتضى نوديه ونصلي اعله جثمانة
ونطوف الضريح يزور ونشيعة اعله بيبانة

ونصلي صلاة الموت
والوحشة على التابوت
ونودعه برفيع الصوت

مامر كل نعش بالكون يشبه فاطمة الحرة
ــــــــــــــــــ
كل شيعي امنيات يزور گبر ام الحسن قلبة
مشهد فاطمة الزهراء يم حيدر علي وقربة
يعني اربع مناير كون گبة مجاورة لگبة

رب العالمين وشاء
هذا مرقد الزهراء
يمها المحسن وأسماء

أدخل يالتزور تريد طفي بدمعك الجمرة
ــــــــــــــــــ

الليالي الفاطمية
الشاعر زين العابدين الشمري


https://t.me/httpsm80100000

اويــــــلاه يـــــفاطم اويــــــلاه
علي ابـ آه بـــــدونچ علي ابـ آه

جمر دمعـه
على البضعه
أويلاه

ـــــــــــــــــــــــــــــــــــ

يم گبر فاطم تعنه حيدر وخانگته عبره
تعثر ابكل خطوه جدمه والنَفَس كل شهگه حسره
منحني ومو مثل الاول منكسر وايده اعله ضهره
يم حسن بشريني گلها ضلعچ ابيا حاله كسره

تشـافه عسنَّه تشـافه
وسافه خسرتچ وسافه

قهر ينعه
على البضعه
أويلاه

ـــــــــــــــــــــــــــــــــــ

سلّم اعليها ابنحيبه وناده يافاطم بدونچ
عيني ما ناشف دمعها ساعة الغُمضت عُيونچ
جيت اناشد يلحبيبه عن أثر شفته ابجفونچ
ازرگ امن السطره لونه ذبّل امن القسوه لونچ

بالــعيون سطرتچ بالعيون
والجفون يورمن والجفون

أثر صفعه
على البضعه
أويلاه

ـــــــــــــــــــــــــــــــــــ

يالحد گبر الوديعه ام حسن طمّنّي عنها
هوّدت ونّتها يمّك فاطمه لو بعده ونها
ينلچم متن البتوله هذا كل خوفي ابچفنها
يالحد شحچي وشسولف عن سياط الألمنها

نحيبي اشيبطل نحيبي
نصيبي أفارگ نصيبي

علي اشوضعه
على البضعه
أويلاه

ـــــــــــــــــــــــــــــــــــ

فاطمه وشاغلي بالي هلسؤال اشما اجيلچ
شوغة البسمار خفّت لو بعدها ابنص دليلچ
اچفوفچ امچوايه لَسَّه لا تگليلي دخيلچ
رحتي زعلانه وحزينه ما طفت جمرة غَليلچ

جريَّه دموعچ جريَّه
عليَّه تخافين عليَّه

بچه اتسمعه
على البضعه
أويلاه

ـــــــــــــــــــــــــــــــــــ

فاطمه الباب امن اصده علخدود ادموعي تجري
يلبتول وچن عصرتچ ينعصر بحزانه صدري
مُختصر وضعي ابغيابچ بالجزع راح اگضي عمري
تفارگيني ابسرعه قدرچ وانفجع بيچ انه قدري

غـــريبه يروحي غــريبه
الحبيبه جفتني الحبيبه

مثل شمعه
على البضعه
أويلاه

ـــــــــــــــــــــــــــــــــــ

راح ارد لدياري ميت ويه روحچ تبقه روحي
أرد اسمع اهل المگابر للمشت مظلومه نوحي
فاطمه اشكي لمُحمد علجرالچ هسه روحي
طه خيـضمد جروحچ مو مهم تنزف جروحي

الاگيه يجي ويوم الاگيه
احاچيه على الصار احاچيه

ذبل فِرعه
على البضعه
أويلاه

ـــــــــــــــــــــــــــــــــــ

سيد علي عبدالزهره الناجي


https://t.me/httpsm80100000

اويلاه يفاطم اويلاه
علي اب آه بدونج علي اب آه

جمر دمعه
على البضعه
اويلاه

باداء الرادود الحسيني ملا مصطفى السعد 💔💔😢😢

مامصدگ ماتت أمي البارحه
گلبي ماينطيني اقره الفاتحه

يا أرض تدفن سمه شلون افارگ فاطمه

گلبي ماينطيني اقره الفاتحه

__

اليفگد امه ادموعه شوگ وانتظار
يبچي من الليل لاطراف النهار
برد كولشي بعيني بس اصوابي حار
وبارده احضاني رغم بأنفاسي نار

بكل براءة حسين يسأل والده
بيش يتعوض حنان الوالده

كولشي بيه اتيتمه شلون افارگ فاطمه

گلبي ماينطيني اقره الفاتحه



بويه بعده اخضر گبر جدي الرسول
بيا گلب اتحمل فراگ البتول
البگه براسك يگلولي وشگول
خاف يگصر صبري وعتابي يطول

شفتك اعله الباب عينك شابحه
وأمي تستاهل الدمعة المالحه

حگها عيني تصب دمه شلون افارگ فاطمه

گلبي ماينطيني اقره الفاتحه

____

بويه متبسمر على شفافي الكلام
مساهر وبسمار وسط ضلوعي نام
اباب بيتك ذبحو الحب والغرام
مااعرفه شلون تشييع الحمام

ذبحو المحسن گبل ميلاده
ما دروا ميلاده بـاستشهاده

الورده يذبحها الضمه شلون افارگ فاطمه

گلبي ماينطيني اقره الفاتحه



من انوي اقره الفاتحه اتفز السنين
واحط عيني بعين رب العالمين
الوحشه تكتل والحنين ايظل حنين
الباقية اعله اشفافي بس الـ أمي وين

اطب للدار وتفك ذرعانها
يا هلـه وليدي اعله طرف السانها

روحي ظلت هايمه شلون افارگ فاطمه

گلبي ماينطيني اقره الفاتحه

____

هيه أمي اشافت ابهاي الحياة ؟
تارسه الحيطان آه وذكريات
ماتت أمي وعدل آنه وحيلي مات
إيــألمني من اذكـر أسبـاب الوفاة

سوط چف الأول البچاني
والشتم والـ وإن من الثاني

الكسر ضلعي وهشمه شلون افارگ فاطمه

گلبي ماينطيني اقره الفاتحه



گبل چنت اعطش يجي إحساس أُمي غيم
هِسه أشم دخان من عگب النسيم
وآنه بين أصبر وبين الله الكريم
منين متباوعلي تلگاني يتيم

بويه بس اثمنطعش بسنينها
ازغيرة بس اچبيره سطرة عينها

صعبة ياحامي الحمه شلون افارگ فاطمه

گلبي ماينطيني اقره الفاتحه

____

بين امس واليوم حسرات ونحيب
ابيتنه وگمت اشعر بروحي غريب
ايعيش ميت كل مُحب فاگد حبيب
يگف كولشي ويركض ابراسه المشيب

هنا بچت وهنانه چانت طايحه
هنانه گالت آنه باچر رايحه

هنانه دلالي انرمه شلون افارگ فاطمه

گلبي ماينطيني اقره الفاتحه



بويه من اتزورها اتشملي التراب
گلها ابنج كلما صدله باب
گلها وجناتي مثل لون المُصاب
اضلوعي بالطف راح اوزعهن ثواب

گلها يوميه أموت ابدونچ
كولشي أسود صار لجل امتونچ

ابـ هالسنين المُظلمه ** شلون افارگ فاطمه

گلبي ماينطيني اقره الفاتحه



كلمات الشاعر ~ محمد الفاطمي

https://t.me/httpsm80100000

📌 🕊🕊🕊🕊🕊🕊📌

👈 بوت لتواصل المحضورين


بأدارة ملأ علي الواسطي


👈قناة نعي كل ماهوه جديد لكافة الشعراء


قناة تجنن كل جديد👉🥀
(تثبيت الدعم نصف ساعه)
👆🏻غير مبري الذمه الذي ما يثبت نص ساعه بدون نشر اللسته 👆🏻
❌المسح تلقائيا علينا❌
⚖
على محبة الزهراء ع اشتركوا👇👇

يتشـــــابهن يوم الزچيه ويوم عـاشور
نفس المحن نار وسياط وضلع مكسور
مصرع طفل .... گيد و حبل
نار وسياط وضلع مكسور

ـــــــــــــــــــــــــــــــــــــــــ

نفس العصابه الداهمت
دار الزچيه وهاجمت
بالطف عساكر حشدو ... لبن الزچيه
والرضّو اضلوع الطُهر
خيّاله اجو فوگ المُهر
داسو جسد سبط النبي ... بالأعوجيه

بين الباب والحايط انرضت للزچيه اضلاع
وبالطف جسم ابو الاكبر الحوافر ساوته اويه الگاع

چف السطر عين ام حسن وادمه جفنها
هوه الشهر سيف وذبح بالطف ابنها
قتل وقتل .... گيد و حبل
نار وسياط وضلع مكسور

ـــــــــــــــــــــــــــــــــــــــــ

محسن صُفه امن الجاهلي
اول شهيد ابحب علي
محروم من هزة المهد ... ما فتّح العين
وابن الاُخو بطف كربله
ما قصر اوياه حرمله
صابه ابسهم والدم ترس ... چفين الحسين

لعبدالله الرباب اتنوح گلبها لمصرعه اتفطّر
لَچن الزهره بالمحسن الضلع والخاطر اتكسّر

هذا انحرم / من امه راح وفاتح ايده
هذا انفطم / بالنبله واحتزو وريده
طبق الأصل .... گيد و حبل
نار وسياط وضلع مكسور

ــــــــــــــــــــــــــــــــــــــــــ

باب الوديعه امن اشتعل
دُخانه يم زينب وصل
حرّگ خيمها ابكربله ... وفرت نجايب
والزهره لوما تنولي
ما سلبو ارقيه الحُلي
واثنينهن بيهن أثر ... صطرة نواصب

متن ام الحسن ياناس صار امن السياط ازرگ
ولزينب متن ما ظل من گد ما سياط انطگ

متن الطُهر / يبعث رسايل دمعه واحساس
لم الخدر / عن التشوفه ابغير عباس
فرع وأصل .... گيد و حبل
نار وسياط وضلع مكسور

ـــــــــــــــــــــــــــــــــــــــ

صوبها بسمار الگلب
والزهره طاحت علتُرب
تنزف دمه وفوگ الوجن ... مدمع تهلّه
واحسين ابنها ابمُهجته
بسهام اُميه الصابته
ومن ضهره حين اللي طلع ... هد حيله كلّه

چن شمعه وتذوب ابنار حيدر صعبه ينظُرها
وزينب شافت العطشان ابنص خيل وحوافرها

ما لحّگت / تجري الزچيه لـ طه دمعات
زينب بُگت / مدمعها ناشف تبچي آهات
ولية نذل .... گيد و حبل
نار وسياط وضلع مكسور

ــــــــــــــــــــــــــــــــــــــــــ

ساعة اجه الموش ازلمه
ما عدها ناصر فاطمه
بس حيدر وچان النبي ... اموصي ابوصيه
والحره ما شافت خطر
لوما تطيح اعله النهر
چفوف وعلم راعي العلم ... بالغاضريه

الگضاها ابكل حرب شردات ومُشرك عمره ما قاتل
عله الزهره ايتمرجل حيـف اجيبه امنين ابو فاضل

گادو علي / وسفه ابحبل عُباد الاصنام
واخذو علي / السجاد لرض الكوفه والشام
فعل ابفعل .... گيد و حبل
نار وسياط وضلع مكسور

ـــــــــــــــــــــــــــــــــــــــــ

للجامع الزهره اطلعت
والها النواظر باوعت
معناها حسّت بالسبي ... وهم چفها محروگ
لاكن سبية كربله
وياها روس العايله
وابيا وكت زينب تطب ... ديوان لوسوگ

رجعت فاطمه الزهره للدار بـحفظ سلمان
وزينب ياهو اليــردها واخوها امگطع الذرعان

اي تختلف / زينب محنها وما مثلها
كلش كلف / دم دمع ابو صالح لـجلها
ما ينحمل .... گيد و حبل
نار وسياط وضلع مكسور

ــــــــــــــــــــــــــــــــــــــــــ

سيد علي عبدالزهره الناجي

https://t.me/httpsm80100000

باقي لليوم أثر نار اعله بابـي
بيت الأحزان يظل شاهد عذابي
أنه الما بُطل ونها
أنه الـمذبوح ابنها
بيت الأحزان يظل شاهد عذابي

ــــــــــــــــــــــــــــــ


مثلي يــا حُره ، يا خلـﮓ أسئل
والدي علكون ، السيد الأول
آسيه ومريم ، منهن آنـه افضل
والنّكر فضلي ، أعمه ما يندل

لغيري ما ﮔــال رسول الأُمه طه
هايه يا ناس رضا الباري رضاهـه
أيمه اهدعش منها
أنه الــمذبوح ابنها
بيت الأحزان يضل شاهد عذابي


ـــــــــــــــــــــــــــــــ


طه من سافر ، جارت اسنينـي
وزمرة الشيطان ، بدت تــوليني
من ظـُــلمهم طــاح ، ميت اجنيني
والظلع مكـسور ، صطرتي ابعيني

شايل النار والمْـوجّرلي بابي
هذا ملعون وأن سمّوه صحابي
مآسي الــــعذبنها
أنه المذبوح ابنها
بيت الأحزان يضل شاهد عذابي


ــــــــــــــــــــــــــــــــــــ


ما عشت يا ريت ، طه لمن راح
عمري من دونه ، بس حزن ونياح
يا جرح يشفه ، للكسير اصفاح
الگلبه بي بسمار ، هذا هم يرتاح

گوّه الچفوف اشيلنها ابصلاتي
أدعي كل يوم يرب عجّل وفـــاتي
تره الدنيا سجنها
أنه المذبوح ابنها
بيت الأحزان يضل شاهد عذابي


ـــــــــــــــــــــــــــــــــــــــــــ


والله ﮔـبل الموت ، ما رضيت آنـي
لا على الأول ، لا على الـثاني
ساخط اعليهم ، ﮔـلبي ولــــساني
شاهد اعله الصار ، دار أحزاني

الخله الدموع نهر بخدودي سافح
ابيا وجه جاي يريد انسه وأسامح
أبد ما أرضه عنها
أنه المذبوح ابنها
بيت الأحزان يضل شاهد عذابي


ـــــــــــــــــــــــــــــــــــــــــــــــــــــ

امعصّبه ابحزني ، ناحله امن الهم
لشدة الصطره ، جفني يهمل دم
يلچم اضلوعي ، الهوه امن اشتم
موتي احس گرّب ، والأجل خيّم

لو دنا الموت نعش سويلي اريدك
وفوگ الثياب يحيدر غُسلي بيدك
علي البسِّر دفنها
أنه الــــمذبوح ابنها
بيت الأحزان يضل شاهد عذابي

ــــــــــــــــــــــــــــــــــــــــــــــــــــ


جسمي الـناحل ، من تدفنونه
يا علي اوصيتي ، ﮔـبري تخفونه
ﮔـصدي عُذالي ، لا يــزورونه
أدري لو تبنيه ، هَم يهدمونه

حسبي الله عله الظلموني حسبي
يوم الحساب يجازي الطاغي ربي
وتهيد اجروحي أضنها
أنه الــــمذبوح ابنها
بيت الأحزان يضل شاهد عذابي


ــــــــــــــــــــــــــــــــــــــــــــــــــــــ


من بعد موتي ، بـ اللحد و أسمع
بالحسن مسموم ، ﭼـبده ومـﮕـطع
بالطفوف احسين ، دامي ومبضع
تنسبي زينب هاي ، أشد وافـــــجع

ابني عباس لَـون توگع چفوفه
ينحني احسين على اعضيده اشوفه
محن بالطف ولنها
أنه الـــمذبوح ابنها
بيت الأحزان يضل شاهد عذابي

ــــــــــــــــــــــــــــــــــــــــــــــــــــ

سيد علي عبدالزهره الناجي


https://t.me/httpsm80100000

صيدة: كلهم اولادي / هالنوح يازهراء
✒للشاعر المرحوم: ملا علي بن فايز

هالنوح يا زهراء على منهو تنوحين
نوحچ على المسموم لو نوحچ على حسين
🍂🍂🍂🍂🍂
حنت او نادت والدمع بالخد بادي
ان تسئلوني يا خلگ كلهم أولادي
لكن امصاب احسين ساطي في افادي
كل العزا والنوح والصيحة على احسين
🍂🍂🍂🍂🍂
ابچي على أولادي فنوا بالسيف والسم
وابچي على بوهم قتيلٍ لابن ملجم
وانچان بالله تسألوني يا هو أعظم
كل المصايب هونتها امصيبة احسين
🍂🍂🍂🍂🍂
دهري رماني بالرزايا ابكل غالي
او شتت أولادي عن يميني وعن شمالي
ماشوف ساعة فارغ من النوح بالي
وأعظم علي لي نعى الناعي على احسين
🍂🍂🍂🍂🍂
أبچي على أولادي ذبايح يوم عاشور
وأنا نصبت العزاء ليهم وسط لگبور
وانسيت ضلعي اللي ابصير الباب مسكور
كل العزاء والنوح والضجة على احسين
🍂🍂🍂🍂🍂
فرگت يا دهر الخنا بحصة الأمجاد
طيبة حوت الآباء وبارض الطف الأولاد
بأرض الغري منهم وسامراء وبغداد
كل المصايب هونتها مصيبة حسين
🍂🍂🍂🍂🍂
لا تحسبوني للرضا في طوس ما جيت
ولا الى بغداد ما رحت و تعنيت
كلهم عليهم نوحت والجيب شگيت
واعظم عليه لي ذكرت مصيبة احسين
🍂🍂🍂🍂🍂
مادري شجنيتوا في دهركم يا أهل البيت
حتى رماكم في البلا وي ذي التشتيت
وشلك عليهم يادهر حتى استوفيت
كل المصايب هونتها مصيبة حسين
🍂🍂🍂🍂🍂
#اللهم_عجل_لوليك_الفرج

https://t.me/httpsm80100000