مەلی بەیان هەستە ڕابە
ئەو بێدەنگێی تۆ چدابە

سازکە ئورکێستی بەیانی
بە شیعرو شیرین زوبانی

دژ بە شەو و شەوە بچرە
بەرگی نوێ بۆ ژیان ببرە

پڕ بە گەرووی ڕێگیراوت
پڕ بە ئاسمانی بێ تاوت

پڕ بە دەشت پڕ بە کەژ بە کۆ
بوێر نەترس سەر بە شکۆ

بخوێنە نەغمەی بەیانی
سرودو بەیت و گۆرانی

با لە تۆڕا فێر بن مەلان
لەعنەت بنێرن بۆ قەلان.

20ی سەرماوەزی 1402ی
هەتاوی
سەراو
حاتەم مەرزەنگ
https://t.me/Hatam_marzang

ئەی خودا چبکەم لە دەس ژان و کەسەر
وەک پدەر موردە و هەتیوی دەربەدەر
ژینەکەم تەی بوو بە کێشەو دەردی سەر
دەردەکەم زۆرە مەی گەر نێتی ئەسەر

دەردی کورد بوونم بەڵایە و بێ بەشم
شان بە شانی مێژوو هەم چارەش ڕەشم
تاقە یەک ڕۆژیش نەبۆ ڕۆژی گەشم
باری دوژمن خواری کرد جەستە و لەشم

زۆرم نووسین نامە بۆ دەرگای خودا
نە خودا خوێندێوە نە کا مستەفا
جوابم هات کوردیت نووسین سەر بە هەوا
عەڕەبی نەیژی دەردت ناکەین دەوا

جا گوتم سوێندم بە خاکی نیشتمان
سوێند بە کانیاوی بە دەشتی و بە تەلان
خۆ منیش مافم هەیە چەشنی گەلان
کوردی نەبێ نانووسم بۆت مەسەلان

خۆت زمان و مافی ژینت داوە پێم
من هەزارو چوار سەت ساڵە سەر لە ڕێم
هەر گلەیت لێدەکەم هەر وا دەڵێم
چۆن لە خاکی خۆمدا نەڵێم خانە خوێم؟؟

22ی سەرماوەزی ساڵی 2723ی کوردی
بەرانبەری 1402ی هەتاوی
حاتەم مەرزەنگ

https://t.me/Hatam_marzang

تنها مکتبی کە اندیشە را بە عروج میرساند
مکتب علم است.
زیرا بر اساس شک و تردید
وپرسشگری در تکاپو و جستجو است.

قبول هر تفکر و مکتب و مانیفیستی بدون
سوال و شک کمال جهالت است.و کسیکە پرسشگر
نیست هیچ وقت متعالی نمیشود و جاهل میمیرد.

حاتم مرزنگ سەراوی
22 آذر سال 1402


https://t.me/Hatam_marzang

نەسیحەت بۆ دڵی شەیدا مەفەرموو
شەریعەت بۆ منی ڕیسوا مەفەرموو

لە مێژە دڵ پەرێشان و پەرۆشە
لە پێوەر بەحری بێ مەودا مەفەرموو

قەرارت پێ نەهێشتم بوومە مەجنوون
لە ئاوارەی بەڕو سەحرا مەفەرموو

کوتوتە بۆ دەوای دڵ دێیە دیدار
لە زامی قوڵی بێ ئەنوا مەفەرموو

شەهیدی هیجری تۆم زیندوم بە جەستە
لە قەتڵی عاشقت پەروا مەفەرموو

ئەگەر شۆفار کوتیان حاتەم خەتای کرد
ئەزیزم زەڕەیەک بڕوا مەفەرموو.

24ی سەرماوەزی 2723ی کوردی
سەراو، حاتەم سەراوی

https://t.me/Hatam_marzang

بۆ خوێڕێ پیاو

ئەی خوێرێ پیاو
دڵم نایە ناوت بێنم
وەک ئەوەی هەی بتشکێنم
بەڕەی سەر هەتیوان لادەم
ڕازی ژیانت بدرکێنم

ئەی خوێڕێ پیاو
دڵم نایە وەک چڵێ پووش
بدەم بە دەم بای ڕاستێوە
پەردەی سەر ئەسرارت لادەم
وات بشکێنم هەڵنەستێوە

ئەی خوێڕێ پیاو
دڵم نایە
دەم بێنی گۆزەی دڵ دەرکەم
لە دڵمدا مێهرو وەفا و ویژدان دەرکەم
ئەوەی دەبێ نەیڵێم بیڵێم
وەک دەواری شژی دەم با
هێندت بەم لاو بەو لا دەدەم
بێ کەڵکت کەم

خۆت دەزانی
شیعرەکانم چەن خۆش دەوێ
پیسیان ناکەم
چون دڵدارێکی تری وام دەس ناکەوێ
بۆیە ناوی نەحست نابەم
سوێند بەقیبلەم سوێند بەکابەم.


حاتەم سەراوی 25ی سەرماۆەزی 2723
https://t.me/Hatam_marzang

تو کە قسە دل بە ساز میگویی
بزن،کە از عشق و پرواز میگویی

بنازم مضراب و پنجە و هنرت را
کە از شب هجر و راز میگویی

چە سریست در این سیم و پنجە
کە از پردە سوز دلنواز میگویی

از کجا دانی کە من غرق غمم؟
کە از غمو سوزو گداز میگویی

عشق بە جان دل رخنە کردەست
بزن کە از شب و ناز میگویی

قسە عشقم را بە یار نتوانم گفت
بزن کە قسە دل باز میگویی

بزن کە حقیقت محض را میگویی
کی میگوید کە مجاز میگویی؟؟

حاتم مرزنگ

26 آذرماە سال 1402خورشیدی
2723ی کوردی،مانگی سەرماوەز
https://t.me/Hatam_marzang

لە بەر تیری فیراقت نازەنینم
عەیامێکە ئەمن ساردە هەناسەم

لەوەی تۆم دی لە ڕۆژی مێهرەجانا
گرفتاری چەق وچۆی ویست وتاسەم

بە پێی چۆمان دەپێوم کانی ئەسرین
لە مێژە گوێ بە زەنگی ئەو تەماسەم

هەناسەم هاتە کۆتایی بە قوربان
گوڵم موحتاجی سۆزێکی هەناسەم

لە نێو یاران و گوندو شارەکانا
وەکو نوقڵێ لە نێو ئەو باس و خواسەم

لە سۆی تۆیە خەراباتیم و ئاوا
قوتابێکی هەمیشەی ئەو کلاسەم

دەڵێم ئاسۆ ئەتۆ حاڵی لە حاڵم
دەفەرموێ حاتەم خۆم ئەهلی حەماسەم

جەلالیش تێگەیی چەن زارە حاڵم
کوتم حاجی قەبووڵ کە ئەو سپاسەم

قزڵباشی بەڕێزیش با بزانێ
کە پێکراوی نیگای ئەو شۆخە خاسەم.

27 ی سەرماوەزی ساڵی 2723 ی کوردی
سەراو
حاتەم مەرزەنگ سەراوی

https://t.me/Hatam_marzang

لای منی بێ خەو لە سۆی تۆ شەو هەموو یەڵدایە شەو
زۆر لە مێژە لای منی شێت ڕۆژی ناپەیدایە شەو

با بزانن خەڵکی عاڵەم چەند لە دوات وێڵ و کزم
من چباکم نێ بە گشتی با بڵێن ڕیسوایە ئەو

تۆ دەزانی بولبولی شەیدا لەسۆی گوڵ شین دەکا؟؟
خۆ دەزانی هەر لە بەر گوڵ بێ مەکۆ و مەعوایە ئەو

پایزان مات و کەلاکی دەردی هیجرانی گوڵە
فەسڵی گوڵ یەکپارچە دەیژن دەغدەغەی سەودایە ئەو

تا بوو وە عورفی محەل، کوتراوە شەیدایان هەڵەن
خەڵکی مەیخانان دەزانن عەشقی بێ کۆتایە ئەو

چیتە حاتەم دەرسی ڕەندی بۆ عەیاران هەڵگرە
قەت بە زین نابێتە ڕەخشی ڕۆستەم ڕیشەی وایە ئەو.

حاتەم سەراوی 27ی سەرماوەزی 2723

https://t.me/Hatam_marzang

بۆ لە دایک بوونت

شەوی یەڵدا بە تۆ وە بۆ چراخان
لە جستانا گوڵیان دا دارو باخان

لە نێو بەفرو ڕنوودا کەو دەخوێنن
لە سەر تەپک و تەلان و دوندو شاخان

هەموو چاویان بە مۆلەق وێستا دڵ پیس
دڵیان تۆقی شەوەی کەڵپن لە داخان

بەشی تاکوو بنی مێژووت شەفەقدا
شەپت هەڵدا لە حیزو پیس و چاخان

گەزیزە و سویسنە و بەیبوونە شین بوون
لە سەر بەرد و ڕەوەزوو دەم قەراخان

بە میلیۆنان کەسن شەیدای ڕوخی تۆن
نەترسن،دڵ بوێرن،هەر هەواخان

بە خاکی پێت و تۆزی مەقدەمت بم
شەمی ئەشقت گڕاندوو وم لە ناخان.


ئێوارێی ڕۆژی پێنجشەممۆ 30ی سەرماوەزی
ساڵی 2723ی کوردی، بەرانبەری 30ئازەری
ساڵی 1402ی هەتاوی
حاتەم مەرزەنگ سەراوی
https://t.me/Hatam_marzang

تو نبودی تا ببینی زفراق
چە کشیدم من دیوانە تو

شمع یادت در دلم آتش زد
شدە بودم مست و پروانە تو

شاهدند تار و می و اشعارم
دل من پاک شدە بود خانە تو

آری، بهر دل من، بی مثلی
بخدا، گهر یکدانەای تو

جان جانم، میدانم کم گفتم
دل نرنجان،در و دردانەای تو

منم، زیبا پرست و عاشق می
ساقی و شراب و میخانەای تو

دل ما کفتر جلدیست پرید
بهر این مرغ طرب لانەای تو.

حاتم مرزنگ سەراوی
یکم دیماە سال 1402

https://t.me/Hatam_marzang

خۆرە تاو

خۆرە تاو،تۆ شەوی دەیجورت بەزاند
تۆ شەوی تاریک و سایەقەت تەزاند

دەرکەوتی لە سەر قەڵای دمدمەوە
بە سواری سەمەندی زێڕین سمەوە

بە بزەی شیرینی سەر لێوی گەشت
بە نیگای پڕ لە عەشقی چاوی ڕەشت

لە چەهریق و وڵاتی نەهرێوە
خۆرێکی هەموو وڵات دەگرێوە

خۆرەتاو هێندە پڕشەنگت زۆرن
هەر پڕشەگێکت هەزاران خۆرن

شەوی تاریکی دەیجور نابینین
گیان فیدای خۆر و ئاشقی ژینین.


حاتەم مەرزەنگ سەراوی

https://t.me/Hatam_marzang