ليه بنصلي؟
السبب البخلّينا نخلي أي شي في يدّنا ونمشي هسي بس عشان نصلي
أيًا كانت الحاجة دي مُهمّة أو لأ!
الجمعة الفاتت كُنّا مُمتحنين .. (آي ما تستغربو : في الجنوبي بنمتحن يوم الجمعة)
الجلسة كانت من 2:30 لغاية 5:30
ومعروف يعني إنو المغرب بكون أذن خلاص
والعصر وقتو راح!
في عز الزمن اللي بنحاول نجازف لينا فيه مسألة نفهما أو معلومة نحفظها
البنات الجنبي بتناقشو
طيب والصلاة؟؟
نجمع العصر مع الظهر؟
ولا نطلع نصليهو متأخر مع المغرب!!
قلوب حارّة على الصلاة وطاعة ربنا
حتى في لحظة كاتمة زي دي!
الصلاة ياها نفسها الصلاة
شنو الفرق طيب؟
زمان درسونا في المدرسة "أرِحنا بِها يا بِلال"
نحن ما لاقيين الراحة دي ليه طيب؟
وين المشكلة يعني!
ماف زول فينا بِنكر إنو بعد يرجع بيتهم من الشغل أو الجامعة
بكون (شايل هم) الصلاة!
وين الـ (أرِحنا بها) دي بالضبط؟ ليه ما بنلقاها؟
شنو البخلّي النبي صلى الله عليه وسلم
بعد كل أمر أو موضوع يضايقو
بعد كل هم يشيلو
يجي بي كل ثِقلو ويقول "أرِحنا بها"
ونحن برضو بنجي مهمومين بس بنستثقل الصلاة!
السِّر وين؟
الموضوع ده كان مشيِّلني هم عديل!
فتحت قوقل وكتبت "لِماذا نُصلِّي؟" ... فلقيت إِجابات ما تدّيك الدرب
مقالات .. فيديوهات.. مقاطع صوتية (ما ح أقدر احصرها هنا بس بتمنى تشوفو ولو القليل منها)
الصلاة بتعلّمنا الصبر .. ربنا قال "وأمر أهلك بالصلاةِ واصطبِر عليها"
اصطبر... يعني أصبر وزيد في صبرك!
ليه؟
فكرة إنك في عز البرد... تخلي البطانية وتلجأ من برد موية الوضوء لي دفء السكينة والوقوف بين يدي ربنا
فكرة إنك وفي عز زحمة شغلك
تخلي القدّامك والوراك عشان تمشي تصلي
وفي قمة تعبك .. تلجأ لربنا قبل ما تلجأ لي سريرك!
لو قدرت تعمل ده خمسة مرات كل يوم وتصبر وتصطبر
فإنت قادر تصبر على كل شي ممكن يواجهك في حياتك
اتأمّل في حديث النبي صلى الله عليه وسلم
"كان النبي إذا حزبَهُ أمر، فزع إلى الصلاة"
عاين معاي في الكلمتين (حزبَهَ/فزع)
حزبه أمر يعني شال للأمر ده هم كبير
وما مشى للصلاة بي خطى متثاقلة... لالا جرِي على ربنا
لأنو موقِن إنو "كل شي بي يد ربنا"
كل شي
أي شي
كبير ولا صغير
تافِه ولا مهم
مصيري أو عادي
(فزع إلى الصّلاة)
أي شي كان بغلبهم في الدنيا دي بصلّو ليه
مُحتار وما عارف تاخد قرار؟؟
صلاة الاستخارة
في حرب وخايف من العدو؟
صلاة الخوف
في قحط .. وجفاف وعام كرب؟
صلاة الاستسقاء
مات ليك زول؟
صلاة الجنازة
ماشي تقابل ربنا وداخل الجامع؟
تحية المسجد
وغيرو وغيرو!
شي يخلّيك تتعجب زاتو!
القومة والقعدة دي أكيد ما في حاجة صغيرة أو ما ذات أهميّة!
(الصلاة عماد الدين)
(إن أول ما يحاسب عليه العبد يوم القيامة الصلاة)
(إن الصلاة تنهى عن الفحشاء والمنكر)
الزول البتأدّب مع ربنا وملتزم بالصلاة
بقدر يضبط نفسو ويتأدب مع الخلق!
لاحظت إنو كل العبادات والأركان بتسقط عند العذر
يعني ما عندك قروش ما تمشي تحج
عيان أو مسافر ما تصوم
إلّا الصلاة
عليك حرج وما قادر تقوم للصلاة؟ صلّي جالس
عندك أذى وما قادر تتوضى؟ اتيمّم وصلي
ما بتقدر تصلي جالس؟ صلّي بي أصبعك!!
للدرجة دي!!
لو ما مهمة للدرجة دي .. ربنا ما بفرضها علينا!
أخيرًا
"ربّ اجعلنِي مُقِيم الصّلاةِ ومن ذُرّيتي ربنا وتقبّل دُعاء" ♥️
وشُكرًا
وعفوًا
#صفِيّة_مُصطفى
السبب البخلّينا نخلي أي شي في يدّنا ونمشي هسي بس عشان نصلي
أيًا كانت الحاجة دي مُهمّة أو لأ!
الجمعة الفاتت كُنّا مُمتحنين .. (آي ما تستغربو : في الجنوبي بنمتحن يوم الجمعة)
الجلسة كانت من 2:30 لغاية 5:30
ومعروف يعني إنو المغرب بكون أذن خلاص
والعصر وقتو راح!
في عز الزمن اللي بنحاول نجازف لينا فيه مسألة نفهما أو معلومة نحفظها
البنات الجنبي بتناقشو
طيب والصلاة؟؟
نجمع العصر مع الظهر؟
ولا نطلع نصليهو متأخر مع المغرب!!
قلوب حارّة على الصلاة وطاعة ربنا
حتى في لحظة كاتمة زي دي!
الصلاة ياها نفسها الصلاة
شنو الفرق طيب؟
زمان درسونا في المدرسة "أرِحنا بِها يا بِلال"
نحن ما لاقيين الراحة دي ليه طيب؟
وين المشكلة يعني!
ماف زول فينا بِنكر إنو بعد يرجع بيتهم من الشغل أو الجامعة
بكون (شايل هم) الصلاة!
وين الـ (أرِحنا بها) دي بالضبط؟ ليه ما بنلقاها؟
شنو البخلّي النبي صلى الله عليه وسلم
بعد كل أمر أو موضوع يضايقو
بعد كل هم يشيلو
يجي بي كل ثِقلو ويقول "أرِحنا بها"
ونحن برضو بنجي مهمومين بس بنستثقل الصلاة!
السِّر وين؟
الموضوع ده كان مشيِّلني هم عديل!
فتحت قوقل وكتبت "لِماذا نُصلِّي؟" ... فلقيت إِجابات ما تدّيك الدرب
مقالات .. فيديوهات.. مقاطع صوتية (ما ح أقدر احصرها هنا بس بتمنى تشوفو ولو القليل منها)
الصلاة بتعلّمنا الصبر .. ربنا قال "وأمر أهلك بالصلاةِ واصطبِر عليها"
اصطبر... يعني أصبر وزيد في صبرك!
ليه؟
فكرة إنك في عز البرد... تخلي البطانية وتلجأ من برد موية الوضوء لي دفء السكينة والوقوف بين يدي ربنا
فكرة إنك وفي عز زحمة شغلك
تخلي القدّامك والوراك عشان تمشي تصلي
وفي قمة تعبك .. تلجأ لربنا قبل ما تلجأ لي سريرك!
لو قدرت تعمل ده خمسة مرات كل يوم وتصبر وتصطبر
فإنت قادر تصبر على كل شي ممكن يواجهك في حياتك
اتأمّل في حديث النبي صلى الله عليه وسلم
"كان النبي إذا حزبَهُ أمر، فزع إلى الصلاة"
عاين معاي في الكلمتين (حزبَهَ/فزع)
حزبه أمر يعني شال للأمر ده هم كبير
وما مشى للصلاة بي خطى متثاقلة... لالا جرِي على ربنا
لأنو موقِن إنو "كل شي بي يد ربنا"
كل شي
أي شي
كبير ولا صغير
تافِه ولا مهم
مصيري أو عادي
(فزع إلى الصّلاة)
أي شي كان بغلبهم في الدنيا دي بصلّو ليه
مُحتار وما عارف تاخد قرار؟؟
صلاة الاستخارة
في حرب وخايف من العدو؟
صلاة الخوف
في قحط .. وجفاف وعام كرب؟
صلاة الاستسقاء
مات ليك زول؟
صلاة الجنازة
ماشي تقابل ربنا وداخل الجامع؟
تحية المسجد
وغيرو وغيرو!
شي يخلّيك تتعجب زاتو!
القومة والقعدة دي أكيد ما في حاجة صغيرة أو ما ذات أهميّة!
(الصلاة عماد الدين)
(إن أول ما يحاسب عليه العبد يوم القيامة الصلاة)
(إن الصلاة تنهى عن الفحشاء والمنكر)
الزول البتأدّب مع ربنا وملتزم بالصلاة
بقدر يضبط نفسو ويتأدب مع الخلق!
لاحظت إنو كل العبادات والأركان بتسقط عند العذر
يعني ما عندك قروش ما تمشي تحج
عيان أو مسافر ما تصوم
إلّا الصلاة
عليك حرج وما قادر تقوم للصلاة؟ صلّي جالس
عندك أذى وما قادر تتوضى؟ اتيمّم وصلي
ما بتقدر تصلي جالس؟ صلّي بي أصبعك!!
للدرجة دي!!
لو ما مهمة للدرجة دي .. ربنا ما بفرضها علينا!
أخيرًا
"ربّ اجعلنِي مُقِيم الصّلاةِ ومن ذُرّيتي ربنا وتقبّل دُعاء" ♥️
وشُكرًا
وعفوًا
#صفِيّة_مُصطفى
خواااااطر💕🎶 via @like
- كم هي جميلة ودافئة تلك اللحظة التي تكتشف فيها أنك أنتَ المقصود بنص كُتِب بطريقةٍ مُبهرة ، وأنك الشخص الوحيد الذي يستطيع إدراكَ ذلك . ❤️
خواااااطر💕🎶 via @like
نحا كبرنا على إننا نصاحب ناس جديدة .. مافي صحة ولا طاقة نشرح نفسنا لي زول!😕
عندما أخبرتُك عن حبي لك كُنت أخبرُك عن مدى حاجتي لك ، وحين قلت لك أن الحياة ضدي ، كُنت أنتظر أن تقولي أنا معك.💔😢
لا شيء يُضاهي الشُّعور بالطمأنينة،
تخيَّل أن تمضي يومًا دون شك
أو خوف أو ريبة ، تخيَّل أن تمضي يومًا
وجميع ما بداخلك مُطمئن
تخيَّل أن تمضي يومًا دون شك
أو خوف أو ريبة ، تخيَّل أن تمضي يومًا
وجميع ما بداخلك مُطمئن