الحياة اللي انت عايشها وتحسها متعبة ،
صدگني غيرك ممكن يحلم بشوية منها ،
دائماً اكو شخص ظروفه اسوء من ظروفك ،
لذلك لا تنسى دگول الحمدلله على كلشي .

من تصيبك عثرة ، اتقبلها ..
من يصيبك حزن و يسيطر عليك اتقبله ،
لأن متگدر ترجع بالزمن واتغير اللي صار .
عيش حياتك على مبدأ التقبل ،
وإنُّ رب العالمين راح يكتبلك الخير شي يوم ،
بس اصبر ولا تيأس ، و لا تخاف يجيك العوض .

الحياة عبارة عن رحلة وانت صاعد بقطار هتشوف انواع واشكال الناس ، وانت تمشي تدورلك محطة زينه تنزل بيها وتدور تدور ، ممكن متلاگي وممكن اكو محطات تأذيك ، لكن انت تعلمت هواي دروس برحلتك هاي ، فلا تعيد نفس الغلط ، ماكو داعي تكره نفسك يمكن شي يوم تلاگيلك محطة تشبهك وتعوضك عن تعب هالحياة و التجارب المريت بيها .

اني من الناس اللي من اضوج أو تتعب نفسيتي ،
او يصير وياي فد موضوع معين أو بلاء ،
مايبين على شكلي وممكن تشوفني
عايشه حياتي طبيعي ، بس الحقيقة
غير هيج ابداً ، حزني داخل گلبي
ما ينشاف ولا احب احد يشوفه .

.

ارحم نفسك .

لا تخاف ، الله يرتبها .

سلام عليكم يابة مشتاقين 🙂‍↔️🩵.

قبل فترة وعدتكم نسولف ع كل شيء يخص الجامعة ف تربعوا بين ما أجي .

خلونة نتفق على شغلة
أن الجامعة "مدرسة چبيرة"
يعني الغرض الأساسي من روحتك الها هو الدراسة ، مو مكان عرض أزياء ولا مكان أرتباط وعلاقات ووو ...
يعني مو مثل الفكرة البانيها الأغلبية عن الجامعة .
• طبيعي يكون مصروفك قليل
• طبيعي ملابسك بسيطة وتكررها
• طبيعي م تختلط بالجنس الأخر
• طبيعي يكون تلفونك مو آيفون
• طبيعي معندك آيباد
هواي طلاب سادس عبالهم من يدخلون جامعة لازم آيفون للكشخة وأيباد للدراسة وملابس ماركات ومصروف عالي ، وبصراحة هالشيء يعتبر ثانوي لأن أكو بدائل أقل وأرخص وممكن أفضل ♥️.

من تدخل جامعة

' خليك مثل ما أنت '

لا تحاول تغير شخصيتك حتى تعجب غيرك !

المهم نفوت بالجانب الدراسـي :

- أهتموا بالحضور لا تضربون محاضرات!

- التزموا بالزي" إذا جامعتكم بيها زي موحد" + أذا عدكم مُختبرات التزموا باللابكوت والكفوف والكمامة لأن مرات تطگ عدهم ينقصون عليهن 🙃♥️.

-حاولوا تدرسون المُحاضرات والتجارب التأخذوها يوم بيوم حتى مَتتراكم .

- أذا تلخصون بأوراق أو دفتر باليومي أحتفظوا بيهن يفيدوكم بالمد والفاينل لأن متلحگون تلخصون من جديد + خلوا وياكم دفتر ملاحظات بكل محاضرة سجلوا الأشياء المُهمةة .

بقية الأشياء أعتقد ماكو داعي اذكرها لأن تعرفوها مثل أحترام الدكتور ووقت المحاضرة وچذي 🤝🏻 .

• جانب التجهيزات

مو ضروري تكون تجهيزاتك بـ مبلغ قووي وتشتري كل شيء تشوفة 😼!
قبل الدوام أشتروا شغلات أساسية فقططط لا تكثروون عود من تداومون وتشوفون الأجواء راح تقررون شنو تجيبون ف لا تصرفون فلوسكم كلها لگدام ، الشباب سالفتهم مُريحة بنطرون وقميص وحذاء ونضارة 🤣.

🎀نسولف ع البنوتات 🎀.

أشتروا قطع أساسية " جوكر " يعني ترهم لأكثر من تنسيقة مثلاً بناطير كيلووت عريض قمصان سادة أو نقشة چبيرة حلوة (ماحب النقشات الناعمة🥲) .
ربطات أو شالات بالوان مُريحة للنظر
الأحذية أفضل تكون سبورت مو كعب لأن بالدوام تخلصوها فره من ترحون لمن ترجعون محد تتحمل كعب 😞.

بالنسبة للجنط أكيد تعرفون أكثر شيء طشت التوت باگ وهي تستحق الطشة صراحة " جنطة أم زكي 🤣♥️"
جيبوا وحدة أو أثنين منها تفيدكم
وإذا يعجبكم غير أنواع عادي المهم تكون واسعة شوية يعني تشيل أغراضكم حتى متحتارون وتشيلون علاگة وي الجنطة خصوصاً إذا عدكم عملي .

إذا تلبسون عباية ما أنصح بالفساتين أبداً خصوصاً إذا ممتعودين عليها لأن يقيد بالمشي حيل !
+ ما أنصح بالسترة والأشياء اللي بيها أكتاف جوا العباية لأن منظرها محلو 🥲.
أنا وحدة من الناس ولا مره لبست تنورة أو فستان جوا العباية أحس روحي ماعرف أمشي 🤝🏻.

‏*تفيدكم البناطير الجينزات والكيلوت .

وأخر شيء

المكياج

أبد ما أنصح بي بغض النظر عن أعتبارة زينة وچذي ، هو يتعب البشرة لأن سنة دراسية كاملة يومية تخلون مدري شكم منتج ع وجهكم ولو تلحگون تنظفون بشرتكم زين كل يوم لو متلحگون " بسبب تعب وضغط الدوام" وتخيلوا شيصير بالبشرة 🫠.
ف شخصياً أنصح بالعناية العميقة ؛
غسول ، سيروم ، مرطب ، واقي شمس ، مرطب.
وكذلك لا ننسى ترتيب الأضافر ضروري + حمام يومي خلال الدوام تعرفون بعد العطر وحدة ميكفي خصوصاً بفترة الصيف ✨.

عندك حاجةَ مستعصيه ؟
જ⁀◝
اليوم راح اشَارك وياكم بعض الاعمال
الدينيه الي كنت اسويهن لقضاء الحوائج
وان شاء اللّٰه مقضيه حوائجكم سووهن
بنيه صافيةَ وان كانت بيها خير فـ
راح تصير لكم بأذن اللّٰه تعالى ♥️ .
જ⁀◝
زيارةَ عاشوراء : تستمرون بيها لمدةَ 40
يوم وتهدون ثوابها الى السيدة نرجس
ام الإمَام المهدي عليهم السَلام♥️ .
જ⁀◝
صلاةَ الاستغاثه
بفاطمه الزهراء عليها السَلام :
والله هاي يرادلها گعده شگد ماحجي
عن هاي الصلاة اكون مقصره صلوها
مرتين و3 مُستجااااابه واني ناشرتها
الكم وان شاء اللّٰه مقضيه حوائجكم ♥️.
જ⁀◝
الدعاء : تكتبون يارب اقسم عليك
بالعباس وبستر اخته السيدة زينب
ان تقضي حاجتي " تكتبون حاجتكم"
وتخلوها الورقه بسورة طه ♥️ .
જ⁀◝
والله اني كانت حاجتي جداً مستعصيه
والحمد للّٰه اليوم جايبه بشارتي وياي
وگلت لازم اشاركم هالشي لاتنسوني
بالدعاء ، كذلك سوو هالشي بنيه صافيه
والتزمو حتى ورا ماتنقضي حاجتكم
لاتقصرون باعمالكم الدينيه ♥️ .

شَارك تَؤجر

.

لا تسيء الظن

امراه ركبت جنب سائق التكسي من الامام لا تسيء الظن
صاحبك تاخر عليك بالرد لا تسيء الظن
مريت جمب شخص سلمت وما رد لا تسيء الظن
المراه قد تكون زوجه صاحب التكسي
صاحبك قد يكون مشغول
و الي سلمت عليه يمكن ما سمعك

الله عز وجل يقول
يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ۖ

و النبي عليه الصلاة و السلام قال
"إيَّاكُم والظَّنَّ؛ فإنَّ الظَّنَّ أكذَبُ الحَديثِ"

وعمر رضي الله عنه قال

«لا تظنن بكلمة خرجت من أخيك سوءاً، وأنت تجد لها في الخير محملاً».

و الله المستعان🦋