#المناعة هي ردة فعل الجسم لاي شي خارجي
هذا تعريف عام الهه اي شي خارجي يدخل للجسم هذا راح تواجهه او ترد عليه المناعة
زين شنو هيه تفاصيلهه
اكو نوعين من المناعة اما
#طبيعية من الجسم اشبهلكم هالشي بالمعركة اكو خطة رئيسية مخلينه هاي الخطة هيه بالضبط المناعة الطبيعية
الجسم مخلي خطة رئيسية عنده حتى يواجه الامراض هاي الخطة هي المناعة الطبيعية
#مكتسبة هاي الجسم يكتسبهه من ينصاب او الخطة البديلة يعني الخطة الرئيسية من فشلت الجسم يبدي يخلي خطة ثانية يدرس العدو وهاي الخطة الثانية راح تكون قاتلة ومميته للعدو هالشي اكيد لانو درسه وميزة وعرفه
خلي نتفق ع شغلة
احنه لازم نخصص شي خاص بالمناعة يعني منظل نكول البكتريا دخلت للجسم او الطفيلي او الفطريات او ... او ... او نكول أجسام غريبة لا ... راح نخلي مصطلح يشمل ذني كلهم
#اي جسم غريب يدخل للجسم راح نعتبره Antigen
المناعة الطبيعية دائما ما تكون ضعيفة لان ممدروسة واغلب #antigens تعبرهه وتهزمهه مو مثل المكتسبة اللي الجسم يدرس antigens ويعرفه

شنو السر اللي يجعل المناعة المكتسبة قوة لهدرجة غير دراسة الانتيجين
الجواب انو بهذا النوع الجسم راح يصنع مثل الكلبچات لل الانتيجين يعني يكمش الانتيجين بحيث ميكدر يتحرك بعده يجي شي بالجسم اللي هو يسمونه complement system هذا راح يضرب الانتيجين الضربة القاضية بحيث ميبقي منه شي
بعد ما مات الانتيجين الجسم راح يبدي يحتفظ بهذي الخطة وين يحتفظ اكيد لازم اكو ذاكرة اي اكيد اكو ذاكرة وهيه عبارة عن خلايا يسموهه memory cells هي هاي اللي تحتفظ بيهه

العينات اللي نحتاجهه بالاختبارات المناعية
1.ممكن بلازما plasma
2.ممكن سيرم serum
3.ممكن يورن urin
4.ممكن سائل نخاع شوكي cerebrospinal fluid
5.مسحة swap
6. خزعة biopsy
5. ممكن دم كامل نحتاجة whole blood

#فضلا_وليس_أمرا_شارك_القناة
https://t.me/httpsalidg96