⚖️𝐐𝐚𝐛𝐞𝐞𝐧𝐲𝐢 𝐝𝐡𝐢𝐦𝐦𝐚 𝐲𝐚𝐤𝐤𝐚𝐚 𝐢𝐫𝐫𝐚𝐭𝐭𝐢 𝐚𝐤𝐤𝐚 𝐜𝐢𝐫𝐚𝐚𝐭𝐭𝐢 𝐪𝐚𝐛𝐚𝐦𝐞 𝐌𝐮𝐫𝐭𝐢𝐢 𝐤𝐚𝐧 𝐚𝐫𝐠𝐚𝐭𝐮 𝐘𝐚𝐤𝐤𝐢𝐜𝐡𝐚 𝐢𝐫𝐫𝐚𝐭𝐭𝐢 𝐦𝐮𝐫𝐭𝐢𝐢𝐧 𝐝𝐡𝐮𝐦𝐚𝐚 𝐲𝐚𝐦𝐦𝐮𝐮 𝐤𝐞𝐧𝐧𝐚𝐦𝐮 𝐚𝐛𝐛𝐚𝐚 𝐪𝐚𝐛𝐞𝐞𝐧𝐲𝐚𝐚𝐟 𝐡𝐚𝐚𝐝𝐞𝐞𝐛𝐢'𝐮 𝐲𝐤𝐧 𝐦𝐨𝐨𝐭𝐮𝐦𝐦𝐚𝐚𝐟 𝐠𝐚𝐥𝐢𝐢 𝐡𝐚𝐚𝐭𝐚'𝐮 𝐣𝐞𝐝𝐡𝐚𝐦𝐮𝐮𝐧 𝐲𝐞𝐫𝐨𝐨 𝐦𝐮𝐫𝐭𝐚𝐚'𝐮 𝐲𝐤𝐧 𝐚𝐝𝐞𝐞𝐦𝐬𝐚 𝐬𝐞𝐞𝐫𝐚 𝐫𝐨𝐠𝐮𝐦𝐦𝐚𝐚 𝐪𝐚𝐛𝐮𝐮 𝐡𝐨𝐫𝐝𝐨𝐟𝐞𝐞 𝐪𝐚𝐚𝐦𝐧𝐢 𝐚𝐚𝐧𝐠𝐨𝐨 𝐪𝐚𝐛𝐮 𝐚𝐣𝐚𝐣𝐚 𝐲𝐚𝐦𝐦𝐮𝐮 𝐝𝐚𝐛𝐚𝐫𝐬𝐮 𝐝𝐡𝐚 𝐦𝐚𝐥𝐞𝐞 𝐡𝐢𝐦𝐚𝐧𝐧𝐚𝐚 𝐲𝐚𝐤𝐤𝐚𝐚𝐝𝐡𝐚𝐚𝐧 𝐦𝐮𝐫𝐭𝐢𝐢 𝐨𝐬𝐨𝐨 𝐞𝐞𝐠𝐠𝐚𝐭𝐮𝐮 𝐠𝐚𝐥𝐦𝐞𝐞 𝐬𝐚𝐧𝐚 𝐢𝐫𝐫𝐚𝐭𝐭𝐢 𝐚𝐤𝐤𝐚 𝐜𝐢𝐫𝐚𝐚𝐭𝐭𝐢 𝐤𝐚𝐧 𝐪𝐚𝐛𝐚𝐦𝐞 ,𝐡𝐢𝐦𝐚𝐧𝐧𝐚𝐚𝐧 𝐇𝐇  𝐚𝐤𝐤𝐚 𝐝𝐡𝐢𝐲𝐚𝐚𝐭𝐮 𝐭𝐚𝐚𝐬𝐢𝐟𝐚𝐦𝐞𝐞 𝐡𝐢𝐦𝐚𝐧𝐧𝐚𝐚 𝐤𝐚𝐧𝐚𝐚𝐧 𝐪𝐚𝐛𝐞𝐞𝐧𝐲𝐢 𝐡𝐚𝐚𝐠𝐚𝐝𝐡𝐢𝐢𝐟𝐚𝐦𝐮 𝐣𝐞𝐝𝐡𝐚𝐦𝐞𝐞 𝐦𝐮𝐫𝐭𝐢𝐢𝐧 𝐤𝐞𝐧𝐧𝐚𝐦𝐮 𝐛𝐮'𝐮𝐮𝐫𝐚 𝐬𝐞𝐞𝐫𝐚𝐚 𝐡𝐢𝐧 𝐪𝐚𝐛𝐮 𝐣𝐞𝐝𝐡𝐞𝐞𝐫𝐚.𝐉𝐢𝐥𝐝 21𝐟𝐟𝐚𝐚 𝐋/𝐆: 126017 𝐢𝐫𝐫𝐚𝐭𝐭𝐢 𝐛𝐚𝐫𝐚 2009 𝐦𝐮𝐫𝐭𝐢𝐢 𝐤𝐞𝐧𝐧𝐞𝐞𝐫𝐚.
⚖️𝐇𝐢𝐦𝐚𝐭𝐚𝐦𝐭𝐨𝐨𝐭𝐚 𝐝𝐡𝐢𝐲𝐞𝐞𝐬𝐬𝐮𝐮 𝐝𝐡𝐢𝐢𝐬𝐮𝐮𝐝𝐡𝐚𝐚𝐧 𝐡𝐢𝐦𝐚𝐭𝐚𝐦𝐭𝐨𝐨𝐧𝐧𝐢 𝐡𝐚𝐠𝐚 𝐝𝐡𝐢𝐲𝐚𝐚𝐭𝐚𝐧𝐢𝐭𝐭𝐢 𝐣𝐞𝐝𝐡𝐚𝐦𝐞𝐞 𝐚𝐝𝐞𝐞𝐦𝐬𝐚 𝐦𝐮𝐫𝐭𝐢𝐢( 𝐟𝐢𝐫𝐝 𝐡𝐢𝐝𝐞𝐭?)𝐲𝐚𝐦𝐦𝐮𝐮 𝐚𝐝𝐝𝐚 𝐜𝐢𝐭𝐮 𝐚𝐤𝐤𝐚 𝐜𝐢𝐫𝐚𝐚𝐭𝐭𝐢 𝐪𝐚𝐛𝐞𝐞𝐧𝐲𝐚𝐚𝐧 𝐪𝐚𝐛𝐚𝐦𝐞 𝐚𝐤𝐤𝐚 𝐠𝐚𝐝𝐡𝐢𝐢𝐟𝐚𝐦𝐮 𝐡𝐢𝐦𝐚𝐧𝐧𝐚𝐚 𝐝𝐡𝐢𝐲𝐚𝐚𝐭𝐞 𝐢𝐫𝐫𝐚𝐭𝐭𝐢 𝐦𝐮𝐫𝐭𝐢𝐢 𝐨𝐬𝐨𝐨 𝐡𝐢𝐧 𝐤𝐞𝐧𝐧𝐢𝐢𝐧 𝐭𝐮𝐫𝐮𝐮𝐧 𝐛𝐮'𝐚𝐚 𝐚𝐛𝐛𝐚𝐚𝐧 𝐪𝐚𝐛𝐞𝐞𝐧𝐲𝐢𝐜𝐡𝐚𝐚 𝐪𝐚𝐛𝐞𝐞𝐧𝐲𝐢𝐜𝐡𝐚𝐚 𝐚𝐤𝐤𝐚 𝐡𝐢𝐧 𝐟𝐚𝐲𝐲𝐚𝐝𝐚𝐦𝐧𝐞 𝐡𝐨𝐫𝐝𝐨𝐟𝐬𝐢𝐢𝐬𝐮𝐮𝐧 𝐦𝐢𝐫𝐠𝐚 𝐪𝐚𝐛𝐞𝐞𝐧𝐲𝐚𝐚 𝐤𝐚𝐧 𝐜𝐚𝐛𝐬𝐮𝐮 𝐟𝐢 𝐝𝐢𝐢𝐧𝐚𝐠𝐝𝐞𝐞 𝐛𝐢𝐲𝐲𝐚𝐚𝐫𝐫𝐚 𝐚𝐤𝐤𝐚 𝐡𝐢𝐧 𝐨𝐨𝐥𝐥𝐞 𝐰𝐚𝐚𝐧 𝐭𝐚𝐚𝐬𝐢𝐬𝐮𝐮𝐟 𝐚𝐛𝐛𝐚𝐚𝐟 𝐝𝐞𝐞𝐛𝐢'𝐮𝐮 𝐪𝐚𝐛𝐚 𝐣𝐞𝐝𝐡𝐞𝐞𝐫𝐚.
✒️𝐃𝐡𝐈𝐌𝐌𝐖𝐅,𝐋𝐆:  176890 𝐟𝐢 240930
✍️https://t.me/Ijooseera

Beekumsaaf
#JECHA AMANTAAFI WAAKKII HIMATAMAA IRRATTI MURTIILEE DhIjMMWF KENNE.

1) #DhIjMMWF Jildii 14ffaa LGMM 77842 ta’e irratti:
‘’Himatamaan himannaa ittiin himatame sana beekee/hubatee akkaataa himannaa keessatti ibsameen firiiwwan dubbii tokko tokkoo isaanii amanee jecha kan kennu yoo ta’e jecha isaa akka ragaatti fudhachuun bu’uuruma amantaa isaatiin murtiin balleessummaa kennamuu akka qabu;Manni Murtii himatamaan himannaa isarratti dhiyaate guutumaan guutuutti amanuu isaa tokko tokkoon gaafatee qulqulleeffatee galmeessee murtii balleessummaa kennuu akka qabu’’
Seera Yakkaa bara 1996 bahe keewwata 23 fi sdfy keewwata 134 waliin wal qabsiisuun hiikoo dirqisiisaa kennee ture.

2) #DhIjMMWF Jildii 16ffaa LGMM 96954 ta’e irratti:
‘’Himatamaan tokko himannaa ittiin himatame tarree yakkichaa firii dubbii tokko tokkoon amanee  jecha amantaa yoo kenne, himatamaan balleessaa ta’uu amaneera jechuun Manni Murtii erga galmeesseen  booda himatamaa irratti murtii balleessummaa kennuu akka qabu; Manni Murtichaa jecha amantaa himatamaan kenne keessaa himatamaa kan fayyadu keessaa dhiisuun jecha himatamaan hin ibsinee fi hin galmeessisne akka ibsetti fudhachuun adabbii cimsuun kaayyoo fi galma sdfy keewwata 134(1) fi Qajeelfama Murteessa Adabbii Federaalaa Lakk. 2/2006 miti’’ jechuun hiikoo kenneera.

3) #DhIjMMWF Jildii 18ffaa LGMM11742 ta’e irratti:
’’Bu’uura jecha amantaa himatamaatiin murtiin kennamuu kan danda’u jecha amantaa himatamaan galmeessise akkaataa tarree himannaa keessatti caqafameen yakkicha raawwachuu isaa guutummaan guutuutti mirkaneessuu yoo danda’ee fi himatamaan yakkicha raawwachuu amanuu isaa mirkaneessuuf jecha himatamaan kenne ilaalamuu kan qabu tarree yakkichaa fi ulaagaa keewwata himatamaan ittiin himatame waliin ta’uu akka qabuufi jechi amantaa himatamaan galmeessise keewwata ittiin himatame waliin ilaallamee jecha amantaa himatamaa bu’uura godhachuun isaa bakka hin mirkanoofnetti
himatamaan amaneera jechuun murtii balleessummaa kennuun hin barbaachisu’’ jechuun sdfy keewwata 134(1) waliin wal qabsiisuun hiikoo kennee ture.

4) #DhIjMMWF Jildii 17ffaa LGMM 96310 ta’een:
’’Namoonni baay’een iddoo tokkotti yeroo himataman,isaan keessaa himatamaan tokko gocha yakkaa sana gareedhaan raawwachuu isaa amanuun jechi inni kennu himatamtoota biroo isa faana  himatamanii gochicha waakkachuun falmaa jiran irratti bu’aa seera qabeessa ta’e fidu hin jiru’’ jechuun hiikoo kennee ture.

5) #DhIjMMWF Jildii 12ffaa LGMM 63741 ta’e irratti:
"Himatamaan gocha himannaa keessatti caqafame tokko tokkoon isaa amanuun murtiin balleessummaa kan kenname yoo ta’e, murtii balleessummaa kenname irratti ol’iyyannoo gaafachuun hin danda’amu" jechuun sdfy keewwata 134(1) fi 185(1) waliin wal qabsiisuun hiikoo dirqisiisaa laatee ture..
https://t.me/Ijooseera

Manni Murtii Waliigala Federaalaa Dhaddachi Ijibbaataa galmee lakk.246525 ta’e irratti dhaddacha gaafa 08/02/2017 ooleen(Kan hin maxxafamne) murtii kenneen  bu’uura SMO keewwta 74(2) tiin wal fuutota keessaa gareen tokko  qabeenyaa dhaalaan argate gurguree qabeenyaa biroo yoo horate , gochaan kun hanga mana murtiiin hin mirkanoofnetti qabeenyaa waliiniii wal fuutotaati jedheera.
Firii dubbii Murti kana keessatti ibsaman keessaa gara biraatiin wanti hubatamu gareen qabeenyaa dhaalaa argate kun, qabeenyaa kana argate dhaaltota biro(Obboloota isaa waliin ) yoo ta’u, qabeenyaan kun dhaaltota jidduutti  gar gar kan hin qoodamneefi maqaa waliinii dhaaltotaatiin kan jiru , qofaattis kan bulfamu akkasumas haati warraatiis carraaqqiin ishii keessa akka hin jirre ibsamee jira.
https://t.me/Ijooseera

Hiikkoo Seeraa Dirqisiisaa Haala Itti Waldaan Dhuunfaa Itti Gaafatamummaan isaa Murtaa'e Tokko (PLC) Sababa Gahaadhaan Itti Diigamuu Danda'u Ilaalchisee Dhaddacha Ijibbaataa MMWFtiin Kenname.

"WALDHABDEE CIMAA" (ብርቱ አለመግባባት (Serious Disagreement or Deadlock) Jechuun Maal Jechuudhaa? (Akka Seera Daldalaa Haarayaatti) Hiikkoo Seeraa Dirqisiisaa Dhaddachi Ijibbaataa Ga.Lakk.258350 Ta'e Irratti Kenne (Murtii Olitti Dhoobame 👆👆👆 ilaali) Keessatti Haala Kamiin Ibsamee?

=====✓✓=====✓✓✓====✓✓=

👉Dhimmi kun kan eegale Mana Murtii Ol’aanaa Godina Adda Adaamaa duraanii (Yeroo ammaatti “Mana Murtii Ol’aanaa Magaalaa Adaamaa” jedhamee kan waamamu) irraa yemmuu ta’u, ka’umsi dhimmicha himannaa himattoonni (miseensota Waldaa baay'inni isaanii 25 ta'e keessaa 14n); himatamtoonni miseensa Warshaa Zayitaafi Saamunaa ‘Nazreeti’ fi Arsii waldaa Dhuunfaa IGM (PLC) ta’anii gocha seeraan alaa garaagaraafi jeequmsa miseensota waldichaafi boordii irratti uumuudhaan miseensa gidduutti hariiroo gaariin akka hin jiraanneefi waliin hojjechuunis akka hin danda’amne taasisaniiru. Kanarraa ka’uun waldichi kaayyoo hundeeffameef galma geessisuu dadhabee kasaarees jira. Waldhabdeen miseensota gidduutti uumame sadarkaa waliin hojjechuun hin danda’amne irra gahee waan jiruuf bu’uura seera daldalaa haarayaa kwt 181(6)tiin waldichi akka nuuf diigamu ykn himatamtoonni gahee isaanii fudhatanii waldaa keessaa akka gaggeeffaman nuuf haa murtaa’u jechuun dhiyeessanidha.

👉Himannaa kana irratti himatamtoonni deebii erga kennanii booda himannaa qaxxaamuraa himattoota irratti dhiyeessaniin himattoonni gahee isaanii fudhatanii akka bahan nuuf haa murtaa’u jechuun gaafataniiru.

👉Itti fufuun, manni murtii ol’aanaa, dhimmicha ragaa bitaafi mirgaafi sanadaatiin qulqulleeffatee sababoota garaagaraa kaa’uudhaan waldhabdee cimaan miseensota gidduutti uumamuufi waldichis kasaaruu ibsee, haala kanaan waldichi kaayyoo hundeeffameef galma ni geessisa jedhamee hin tilmaamamu jechuun waldichi diigamee herregni waldichaa akka qulqullaa’u ajajeera. Murtiin kun Dhaddacha Dhaabbii Bahaa MMWOtiin cimeera.

👉Kana booda, dhimmichi dhaddacha Ijibbaataa MMWF gahee dhaddachichis; waldhabdee cimaan kaayyoo waldichi hundeeffameef akka galma hin geenye taasisu waldhabdee akkamiiti kan jedhu ilaalchisee kuusaa jechoota seeraa, xiinxala ogeessota seeraafi kitaabota biyya keessaa erga sakatta'ee booda "Waldhabdee Cimaan" (ብርቱ አለመግባባት (Serious Disagreement or Deadlock) uumameera kan jedhamu sochii hojii waldichi hundeeffameef itti fufsiisuu irratti sadarkaa danqaa ta’uun miseensota murtii waldichaa tokko deeggaraniifi morman gidduutti sagaleen 50:50 (walqixa) yoo uumame ykn miseensota lakkoofsa walqixa ta’e qaban gidduutti waliigaltee barbaachisaa ta’e tokkorra gahuuf sochii hojii waldichaa itti fufsiisuuf sagalee caalmaa barbaachisu argachuun kan dadhabame yoo ta'edha.

👉Bu'uuraan, miseensa waldichaa nama 25 keessaa kan himannaa dhiyeesse nama 14 yemmuu ta’uu, gaheen aksiyoonaa namoonni Kudha afran kun qaban dhibbeentaa 65.12 ture. Erga waldichi akka diigamu murtaa’ee booda miseensonni kun waliigaltee araaraa raawwachuu, adeemsa keessa harca’uudhaan akka diigamuuf kan yaada isaanii ifatti ibsatanifi hanga dhaddacha ijibbaataatti akka diigamuuf cimsanii falman %30.8titti gadi xiqqaachuu, murtii waldaan diigamuu hin qabu jedhu yaa’ii waliigalaatiin darbuu kan danda’u deeggarsa namoota gahee %75 ol qabanii yoo argatedha jedhamee dambii ittiin bulmaataa keessatti tumameera jechuun mormiin dhiyaate falmii haarayaa mana murtii jalaatti ifatti hin kaanedha waan ta'eef fudhatama hin qabu.

👉Gochi himatamtoonni raawwatan jedhames kan isaan akka miseensaatti mirga fi dantaa isaanii kabachiifachuuf raawwatan akka ta’etti kan ilaalamudha. Gama birootinis himatamtoonni jeequmsaafi gocha seeraan alaa raawwatan yoo ta’e waldichi qaama seerummaa waan qabuuf akkaataa seeraatti mirga isaa kabachiifachuu qaba malee sababoonni ibsaman sababoota kaayyoon waldichi hundeeffameef akka galma hin geenye taasisan miti.
https://t.me/Ijooseera

Dambii Lafti Faayidaa Uuummataaf Jecha Yommuu Gadi Lakkifamu Beenyaa Kanfalamuu fi Kaafamtoota Misoomaa Deebisanii Dhaabuuf Mana Maree Ministeerotaatin Bahe Lakk.472/2012 Afaan Oromootti Kan Hiikame.
https://t.me/Ijooseera

Labsii Lafti Faayidaa Uuummataaf Jecha Yommuu Gadi Lakkifamu Beenyaa Kanfalamuu fi Kaafamtoota Misoomaa Deebisanii Dhaabuuf Mana Maree Ministeerotaatin Bahe
https://t.me/Ijooseeraa

#YAKKA_HAASAWA_JIBBINSAA_FI_DADDABARSA_ODEEFFANNOO_SOBAA ⚖️
✔️ Haasawa jibbinsaa fi daddabarsa odeeffannoo sobaa too’achuu fi to'achuuf labsiin lakk.1185/2012  ifatti bahee hojii irra jira.
➤ Akkuma beekkamu sadarkaa addunyaattis ta’ee haala qabatama biyya keenyaatiin guddina teeknoolojiin wal-qabatee haasawaan jibbinsaa fi daddabarsi odeeffannoo sobaa haalaan dabaluu isaatiin waliin jireenya ummattootaa jeequu bira darbee soodaa nageenya biyyoolessaa ta'ee waan argameef balaa inni fidu kana qolachuuf labsiin lakk.1185/2012  bahuu danda’ee jira.

✔️ Labsii kana keewwata 2(1) jalatti hiikni yeroo itti kennamu haasawa jechuun “jechaan,barreeffamaan,fakkii,bobbocaalee garagaraa fi karaalee kana fakkaatan kan birootiin ergaa dabarsuu jechuudha “jechuun kaa'ee jira. Haasawa jibbinsaa jechuun immoo eenyummaa nama dhuunfaa ykn garee murtaa’ e tokko miidhuuf sabaa,amantii, qomoo,saala yookiin qaama miidhamumma bu’uura godhachuun itti yaadamee miidhaa geessisuuf haasawa godhamu jechuu akka ta'e keewwata 2(2) jalatti taa’ee arganna.

✔️ Odeeffannoo sobaa jechuun immoo odeeffannoo tokko abbaan odeeffannoo sana dabarsu carraa dhugummaa odeffannoo sanaa qulqulleeffachuu osoo qabuu osoo hin qulqulleeffatin odeeffannoo carraan jeequmsa ykn walitti bu’insa kaasuu isaa ol aanaa ta’e daddabarsuu jechuu akka tahe labsii kana keewwata 2(3) irraa hubachuun ni danda’ama.

✔️  Labsii kana keewwata 4 fi 5 irraa akka hubatamutti namni kamuu miidiyaalee ykn maxxansa hawaasummaatiin haasawa jibbinsaa fi odeeffannoo sobaa maxxansuun dhorkaa akka ta'e tumamee .
      
              #ADABBII
✔️ Nama dhoorkaawwan  kana darbuun haasawa jibbinsaa kana facaase ykn dabarse adabbii hidhaa salphaa hanga waggaa 2 ykn adabbii maallaqaa qarshii 100,000 hin caalleen akka adabamu keewwata 7(1) irraa hubachuun ni danda’ama. Sababbii haasawaa jibbinsaa dabarfame kanaan nama dhuunfaa ykn garee irratti miidhaan qaqqabe yoo jiraate adabbiin isaa hidhaa salphaa waggaa tokkoo hanga shanii ta'uu akka danda’u keewwata 7(2) jalatti tumameera.

✔️ Yakka odeeffannoo sobaa dabarsuu namni raawwate immoo adabbii hidhaa salphaa hanga waggaa tokko ykn adabbii maallaqaa qarshii 50,000 hin caalleen kan adabbamu yemmuu ta’u yakka odeeffannoo sobaa kana kan dabarse fuula miidiyaa hawaasaa hordoftoota 5000 ol qabu ykn broadcastiin ykn maxxansa yeroo yeroon bahuun yoo ta’e adabbiin isaa hidhaa salphaa hanga waggaa 3 ykn adabbii maallaqaa hanga qarshii 50,000 ta'uu akka danda’u keewwata 7(3) fi 7(4) irraa hubachuun ni danda’ama.

#DHAAMSA
✔️ Namoonni dhuunfaa fi Miidiyaaleen broadcastiis haasawa jibbinsaa daddabarsuu fi odeeffannoo tokko dhugummaa isaa osoo hin mirkaneeffatin dabarsuun nageenya ummataa jeequu irraa of qusachuu qabu.
https://t.me/Ijooseera

Waa'ee Yakka 'ወስላታነት'

======={{{========}}}}=====

Gosti Yakkaa 'ወስላታነት' jedhamu kun Afaan Oromootiin "Saragummaa" jedhamee kan hiikame yemmuu ta'u, Afaan Ingilishiitiin 'Filching' jedhama. Yakkichi Seera yakkaa kwt 859 jalatti tumame.

          Saragummaa

Namni kamiyyuu kaffaluu akka hin dandeenye osoo beekuu manneen nyaataa, manneen bunaa, hoteelota yookiin manneen ciisichaafi 
dhaabbilee daldalaa kana fakkaatan ummataaf tajaajila kennan keessa seenee nyaata, dhugaatiiwwan, ciisicha yookiin faayidaalee akaakuu kamiyyuu kan ajaje yookiin kan argate yoo ta’e; adabbii maallaqaatiin yookiin hidhaa mana turmaataa ji’a tokko hin caalleen ni adabama.
  (Seera Yakkaa kwt 859)

               ወስላታነት

ማንም ሰው መክፈል እንደማይችል እያወቀ ለሕዝብ አገልግሎት በሚሰጡ ምግብ ቤቶች፤ ቡና ቤቶች፤ ሆቴሎች ወይም መኝታ ቤቶችና በመሳሰሉት የንግድ ተቋማት ገብቶ ምግቦችን፤ መጠጦችን፤ መኝታን ወይም ማናቸውም ዓይነት ጥቅሞችን ያዘዘ ወይም ያገኘ እንደሆነ፤ በመቀጮ ወይም ከአንድ ወር በማይበልጥ የማረፊያ ቤት እስራት ይቀጣል:
   (የወንጀል ሕግ አንቀጽ 859)

         https://t.me/Ijooseera

Murtii darbiinsa Yeroo qabiyyee lafa baadiyyaa
MMWFDHIJ   darbiinsa yeroo qabiyyee lafa baadiyyaa kan Naannoo Amaaraa ilaalchisee galmee lakk.17982 ta’e irratti  kennee jildii 24ffaa irratti maxxanfamee baheen  haalli qabannaa qabiyyee lafa baadiyyaa seera qabeessa ta’uu isaa hanga hin mirkanoofnetti  qabannaa seeraan alaati  jedhamee waan tilmaamamuuf darbiinsi yeroo hin jiru kan jedhe yoo ta’u, murtii hin maxxanfamne  galmee lakk.244435 ta’e irratti dhaddacha gaafa 06/02/2017 ooleen  kenneen ammoo qabannaan seeraan ala ta’uun hanga hin mirknoofnetti darbiinsi yeroo waggaa 10 raawwatiinsa ni qabaata jedheera.(Of course )murtii booda irra  kenname kanaan namni qabatee waggaa dheeraa fayyadame haala qabannaa,kan hin hubachiisne ta’us, ragaa abbaa qabiyyummaa irratti qabaachuun,seera qabeessaan akka qabatameetti fudhateera.#Garaagarummaa kan uume ragaa abbaa qabiyyummaati.
https://t.me/Ijooseera

 
Dhimmi falmii hojii hojjetaa dhaabbilee idil-adunyaa keessa hojjetu dhaabbaticha waliin qabu dhimma hojjetaa fi hojjechiisaa akkaataa seera hojjetaa fi hojjechiisaan ilaalamu malee dhimma uwwisa waliigaltee himatamuu dhabuu dhaabbilee mootummaalee giddutti raawwatamuun bitamuu miti. Akkasumas mirgi himatamuu dhabuu dhimma yakkaan qabamuu, qoratamuu, hidhamuu fi dhamaatii sanaan walqabatee dhaqqabu irraa bilisa ta’uuti malee dhimma hariiroon (civil liability) himatamuu dhabuu kan ilaalu ykn hammatuu miti jedheera Manni Maree Federeeshiinii Itiyoophiyaa murtii glm lkk 720/15 ta’erratti gaafa 29/01/2016 kennamee.
https://t.me/Ijooseera

Murtii MMF Lakk.galmee 41/2010  ta’e irratti kenname.
Haati Warraa fi Abbaan Warraa yeroo gaa’elaan waliin turan keessatti maqaa daa’ima isaaniitiin qabeenyaan bitan  , yeroo falmiin qoodiinsa qabeenyaa taasifamutti falmiin irratti yoo ka’e, Murtii Manneen Murtii “daa’imni sun waliigaltee taasisuuf gahumsa hin qabu,qarshii qabaatee qabeenyaa horachuu hin mirkaneessine waan ta’eef qabeenya waliinii haadha warraa fi abbaa warraati” jechuun Murtiin kennan-
-dantaa fi mirga dursaa  daa’immanii Heera Mootummaan  kabajame  kan tuqudha.
-Walfuutonni  gochaa gocha faallaa seeraa raawwatan irraa fayyadamoo ta’uu hin qaban.
Diiguun murtii kan itti kennedha.
https://t.me/Ijooseera

Dhimma hojjetaa fi hojjechiisaa =================Mana Maree Federeesjiinii Glm Lkk 78/12 ============
Waliigalteen eegumsaa fi himatamuu dhabuu dhaabbilee dippilomaasii idil-Adunyaa waliin mootummaan Itiyoophiyaa karaa Ministeera Haajaa Alaa raawwatu dhimmoota hariiroo dippilomaasii qaamolee mootummaa fi Dhaabatta Idil-Adunyaa Itiyoophiyaa keessatti socho’u gidduu jiru kan ilaalu malee hariiroo hojjettaan dhaabbatichaa tokko dhimma hojii irratti dhaabbaticha waliin qabu kan ilaalaa miti.
Waldiddaan dhimma hojii ilaalchisee hojjetaa Dhaabbata akkasii fi Dhaabbaticha giddutti ka’u dhimma dippilomaasii waliigaltee addaa dhaabbatichaa fi Ministeera Haajaa Alaa giddutti raawwatameen bitamu otuu hintaane dhimma hojjetaa fi hojjechiisaa labor proclamation bitamudha.
Ministeerri Haajaa Alaatis waliigalteen dippilomaasii Dhaabbilee Idil-Adunyaa waliin seenamu mirga namoomaa fi lammiilee heeraan tumaman kan kabaje ta’uu mirkaneessuun eegumsa gochuuf dirqama heera mootummaa irraa madde qaba jechuun murtii hiikkoo heeraa glm Lkk 78/12 ta’e irratti  gaafa Waxabajjii 03/2012 kennee jira.
Kanaaf dhimmi falmii Waldiddaa hariiroo hojii ilaalchisee hojjettoota dhaabbilee Idil-Addunyaa kanneen akka Eejansiilee UN keessa hojjetaniin dhaabbilee kan irratti ka’u waliigaltee dippilomaasii. Addatti kan bulu waan ta’eef MM aangoo hinqabu ykn seera hojjetaa fi hoojechiisaan kan murtaa’uu miti jechuun bu’ura heeraa akka hinqabne murtiin MMF olitti ilaalame nihubachiisa. Bal’inaan garagalcha murtichaa ilaalaa.
https://t.me/Ijooseera