Dhaaltotni lafa dhaalaa waliin qaban (dhaalan) irratti dhaaltuun tokko yoo mana ijaare manni kun qabeenya eenyuu ta’a?
===
Dhaaltummaan akkaataa Seera Hariiroo Hawaasaa keewwata 942 fi itti aananii jiraniin erga qulqullaa’ee xumuramee booda qabeenyi dhaalaa hafu sababa adda addaatiin dhaaltotaaf osoo hin qoodamin hafuu ykn turuu danda’a.  Dhaaltummaa qulqulleessuun waantota baay’ee akka of keessatti hammatu quba qabaachuu qabdu. Fakeenyaaf dhaaltotni du’aa eenyu fa’ii? Namootni dhaamoon taasifameef jiru moo hin jiran? Yoo jiraatan qabeenya dhaalaa keessaa kam faa akka fudhatan dhamameef? Namootni du’aa irraa idaa qaban eenyu fa’i? Idaan barbaadamu hangam? Namootni du’aan irraa maallaqa ykn qabeenya qabu eenyu fa’ii? Hangam? fi kkf adda baasuu kanfaluu dabalatee hojiiwwan baay’ee of keessatti hammata. Akkaataa kanaan adeemsi qulquleessa dhaalaa erga xumuramee booda qabeenyi dhuma irratti hafu qabeenya waliinii dhaaltotaa qoodamuufii qabuudha.

Hanga akkaataa seerichaatiin gahee isaanii fudhatanitti qabeenyichi kan dhuunfaa dhaaltuu kamuu osoo hin taane qabeenya waliinii dhaaltotaa bu’uura seericha keewwata 1257-1277 jiraniin bitamuudha (seericha keewwata 1060 ilaalaa).

Haala kanaan qabiyyee qabeenya dhaalaa ta’e irratti dhaaltuun tokko ka’ee osoo dhaaltotni biroo isa hin mormin mana maallaqa dhuunfaa isaatiin yoo ijaare qabeenyummaan mana kanaa kan eenyuu ta’a? Kan nama ijaare sanaa moo kan dhaaltota hundaati jettu? Dhaddachi ijibbaataa MMWF dhimma kana ilaalchisee murtii dirqisiisaa galmee lakk. 178714 (jildii 27ffaa) irratti kenneen abbaan qabeenyummaa mana kanaa akkaataa seera hariirioo hawaasaa keewwata 1178 (1) fi 1179 (1) tiin kan nama ijaareeti malee qabeenya waliinii dhaaltotaa miti jechuun murteesseera. Murtii kana akkamitti ilaaltu? Manichi kan dhuunfaa nama ijaareti yoo jedhame lafti hunda dhaaltotaaf qabiyyee waliinii ta’e kan eenyu ta’a? Manaa fi lafa manichi irratti ijaarame hoo adda baasanii ilaaluun ni danda’amaa? Murtii dirqisiisaa dhaddachichi galmee lakk. 242314 ta’e irratti Abbootii Seeraa 7’n kenne waliin hoo akkamitti ilaalama? Mee irratti haa mari’annu!

Adeemsa Filannoo Keessatti, Haala Kenniinsa Sagaleetiin Walqabatee Namni Iyyannoo Dhiyeessuu Barbaadu Iyyannoo Isaa Kallattiidhaan Mana Murtii Aanaatti Dhiyeeffachuu Ni Danda'aa?

===✓✓====✓✓✓=====✓✓✓✓

Kenniinsa Sagaleetiin Walqabatee Namni Komii Qabu Adeemsota Armaan Gadii Hordofee Komii Isaa Dhiyeeffachuu Ni Danda'aa.

1) Sadarkaa Jalqabaa: Hogganaa Buufata Filannoo (Labsii Lakk.1394/2017 kwt 2(3)fi qajeelfamoota biroo)
👉Hogganaan Buufata Filannoo osoo adeemsi Kenniinsa Sagalee hin xumuramin murtii isaa barreeffamaan nama iyyate ni beeksisa; iyyataan sagalee isaa yeroof akka kennu hayyamuus ni danda'a. (Duraa Duuba armaan gadii eeggatee)

2) Oliyyannoo Jalqabaa: Koree Iyyannoo Dhageessuu Naannoo Filannoo (Labsii Lakk.1162/2011 kwt 154(3)fi qajeelfamoota biroo)
👉Asitti iyyannoon kan dhiyaachuu qabu sagaleen lakkaawamee osoo hin xumuramin dura ta'uu qaba.

3) Oliyyannoo 2ffaa: Naannoleetti Mana Murtii Aanaa (Labsii Lakk.1162/2011 kwt 154(4) fi qajeelfamoota biroo)

Hubachiisa:

✅Adeemsi kun iyyannoo Haala Kenniinsa Sagaleetiin Walqabatee Dhiyaatu qofa kan ilaallatudha. (Komii Yeroo Galmeessaafi Sagalee Lakkaawuu, akkasumas bu'aa ifa taasisuu Dhiyaatu hin ilaallatu jechuudha)
✅Seerichi, bifa daangaa yeroo fakkaatuun, komiin akkasii sagaleen walitti ida'amee osoo hin xumuramin dura dhiyaachuu akka qabuufi Manni Murtii Aanaa Iyyannoo akkasii kallattiidhaan (Akka Qajeeltootti) simachuu akka hin dandeenye haala agarsiisuun tumeera.
✅Labsiin Lakk.1162/2011 kwt 152(6) jalatti, qaamoleen komii dhagahan ragaa iyyannoon dhiyaate kan dhaqqabeen ta'uu agarsiisu, kan guyyaafi sa'atii itti isaan dhaqqabe ibsu kennuu qabu jechuun bifa dirqisiisaa ta'een tumeera. (Kun tumaa addaafi murteessaadha. Tarii, nama iyyannoo dhiyeesseef furmaanni yeroodhaan kan hin kennamne yoo ta'e, ragaa kennamuuf kana qabachuun darbanii qaama itti aanutti komachuun akka danda'amu kan agarsiisudha )

    Join:-@desberofMM

            Desalegn B.

ክፍት የስራ ማስታወቂያ