စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
အပိုင်း(၁)
akyiphyu
*a*ky*iphy*u****

မိုးဦးကျကာလဖြစ်သောကြောင့် ကောင်းကင်ယံထက်တွင် မိုးခြိမ်းသံများသည်ကြောက်မက်ဖွယ်ကောင်းလောက်အောင် တခြိမ်းခြိမ်းတဒိန်းဒိန်းဖြင့်မိုးရာသီဲ၏ သရုပ်ကိုဖော်ပြနေခဲ့သည်။တစ်ချက်တစ်ချက်တွင် လျှပ်စီးများဝင်းခနဲလက်သွားပြီး ခြိမ်းခနဲ့ပစ်ချလိုက်သံများသည် အသည်းငယ်သူများအဖို့ ပြေးပုန်းစရာနေရာပင်မရှိလောက်အောင်ကြောက်စရာကောင်းလှပေသည်။သို့သော်လည်း ဤမျှကြောက်စရာကောင်းလှသော မိုးခြိမ်းသံများနှင့် မိုးကြိုးပစ်ချသံများသည် ဦးကျော်မြင့်နှင့်ဒေါ်ခင်အေးတို့မိသားစု၏ အိမ်တွင်းပူကို ခြောက်လှန့်နိုင်ဟန်မရှိချေ။

" ကျွန်မမှာ ကိုယ်ဝန်ရှိနေပါပြီ "

" ဘာ ..အမိုက်မ ...နင့်မျက်နှာကို ငါမမြင်ချင်ဘူး....တစ်သက်လုံး...ငါ့အိမ်ရိပ်ကိုတောင် လာမနင်းနဲ့ ကြားလား "

" ဖြန်း "

ဦးကျော်မြင့်တစ်ယောက် ဒေါသတကြီးပြောဆိုရင်းမှ သမီးဖြစ်သူ၏ ပါးပြင်ကို သူ့၏လက်ဝါးကြမ်းကြမ်းကြီးနှင့် ဖြန်းခနဲရိုက်ချပစ်လိုက်သည်။ပြီးနောက် သမီးဖြစ်သူကို ချာခနဲကျော်ခိုင်းလိုက်ပြီး နေရာမှထွက်သွားခဲ့သည်။

" ခင်သစ္စာ အမိုက်မ...ညည်းဒီလောက်မိုက်ရလားအေ ..ယောက်ျားတွေဒီလောက် အများကြီးရှိတာကို....ဒီလိုမိသားစု..ဒီလိုလူနဲ့မှ သွားပတ်သက်ရလား...ညည်းသူ့ကို ယူရင် ..ညည်းအဖေက ညည်းကို‌ေ*သခန်းဖြတ်လိုက်မယ် ...ဒါကို ညည်းသိရဲ့လား "

မိခင်ဖြစ်သူဒေါ်ခင်အေးသည် သမီးဖြစ်သူအားကြည့်ကာ မချိတင်ကဲပြောလိုက်သည်။ထိုအခါ ခင်သစ္စာတစ်ယောက် မိခင်ကိုမော့ကြည့်လိုက်ပြီး

" သူတို့မိသားစုက ဘာဖြစ်လို့လဲ အမေရယ်...သူတိူ့တွေက ချမ်းသာတယ်လေ...ကျွန်မတို့မြို့မှာ လူတိုင်းလိုလိုက...ရတနာထိုက်မိသားစုကိုအားကျနေကြတာပဲလေ .... "

ခင်သစ္စာတစ်ယောက် ငယ်ရွယ်သူပီပီ မိခင်ကိုပြန်လှန်ပြောဆိုလိုက်သည်။

" အေး..အဲ့ဒီလိုအထင်ကြီးနေကြတဲ့လူတွေထဲမှာ ..ငါတို့မပါဘူးခင်သစ္စာရဲ့ ..ပိုက်ဆံရှိရုံနဲ့အထင်ကြီးစရာမဟုတ်ဘူး..သူတို့ဘယ်လိုချမ်းသာလာတယ်ဆိုတာကို နင်မသိဘူးလား...ပြီးတော့ နေထိုက်ဆိုတဲ့ကောင်က ...ကလေးနှစ်ယောက်အဖေ တစ်ခုလပ်ဆိုတာ နင်မသိဘူးလား.....အိမ်ထောင်သည်ကို မြူဆွယ်တဲ့မိန်းမလို့...ညည်းကိုလူတွေပြောနေကြတာကိုရော ညည်းမသိဘူးလား "

" အဲ့ဒါ ..မနာလိုလို့ပြောနေကြတာပါအမေ ..အစ်ကိုက တစ်ခုလပ်ဆိုတာမှန်ပါတယ်.... ဒါပေမဲ့ တစ်ခုလပ်ဆိုတာ လူလွတ်ပဲလေ...အိမ်ထောင်သည်မှမဟုတ်တာ ...သမီးအစ်ကို့ကိုချစ်တယ်အမေ..ပြီးတော့ သမီးချမ်းချမ်းသာသာနေချင်တယ်...လူလေးစားခံရရုံနဲ့...ငွေမရှိတဲ့ဘဝမှာမနေချင်တော့ဘူး "

" အမိုက်မ..ငွေမက်တဲ့မိန်းမ ....ရတနာထိုက်ဆိုတဲ့မိန်းမအကြောင်းကို သိသိနဲ့မိုက်တဲ့ညည်းအတွက် ...ငါတို့လဲပြောစရာကုန်ပြီ ..သူတို့မိသားစုထဲကိုဝင်မယ်ဆိုရင်တော့ ..ညည်းနဲ့ငါတို့နဲ့...ဘာမှ မပတ်သက်တော့ဘူးဆိုတာ မှတ်သွာားလိုက်တော့ ခင်သစ္စာ "

ဒေါ်ခင်အေးသည်‌ သမီးမိုက်ကို အပြတ်ပြောပြီးသည်နှင့် နေရာမှထွက်ခဲ့လေသည်။မိခင်ဖြစ်သူထွက်သွားသည်နှင့် ခင်သစ္စာသည်လည်း မိခင်နှင့်ဖခင်ကြီးရှိရာ အခန်းဆီသို့ လက်အုပ်ချီကန်တော့လိုက်သည်။အတန်ကြာကန်တော့ပြီးနောက် အဝတ်အစားအိတ်ကိုလက်မှဆွဲလိုက်ပြီး အိမ်ပြင်သို့ထွက်ခဲ့လိုက်သည်။အိမ်ပြင်တွင် မိုးခြိမ်းသံများကတခြိမ်းခြိမ်းအော်မြည်လျက် ရွာသွန်းနေခဲ့သည်။ခင်သစ္စာ အိမ်ပြင်သို့ထွက်လိုက်သည်နှင့် ခြံရှေ့၌ ရပ်ထားသောကားပေါ်မှ လူတစ်ယောက် အပြေးအလွှားဆင်းလာခဲ့လေသည်။

a~k~yip~h~~y~u~~~

ဒေါ်ရတနာထိုက်သည် မျက်လုံးအစုံကို မျက်တောင်ပင်မခတ်ဘဲ ချွေးမအသစ်စက်စက်ကိုကြည့်လိုက်သည်။

" ငါကတော့ သဘောမတူဘူးလို့မပြောပါဘူး....ဒါပေမဲ့ မင်းတို့ဟာက မြန်လှချည်လား ...ပထမမိန်းမနဲ့ကွဲတာမှ ငါးလမပြည့်သေးဘူး...နောက်အိမ်ထောင်ပြုတယ်...နောက်အိမ်ထောင်ပြုတာကတော့ထားပါတော့ နေထိုက်ရယ်.....ဒါပေမဲ့...မင်းတို့ဟာက ကိုယ်ဝန်ပါရှိနေတာဆိုတော့လွန်တာပေါ့ ..... မင်းတို့လုပ်ပုံနဲ့....မိန်းမနဲ့မကွဲခင်ကတည်းကများ...နှစ်ယောက်သားတိတ်တိတ်ပုန်းဖြစ်နေကြတာလားဆိုပြီး ..သူများတွေပြောကြတော့မှာပဲ "

ဒေါ်ရတနာထိုက်သည် အပြစ်ပြောခြင်းမဟုတ်ဘဲ စိတ်ပူပန်၍ညည်းညူသည့်ဟန့်နှင့်ပြောလိုက်သည်။

ယောက္ခမလောင်း၏ စကားကြောင့် ခင်သစ္စာမှာ မျက်နှာမပျက်အောင် မနည်းပင်ထိန်းထားလိုက်ရသည်။

" အမေရာ..ကျွန်တော်အိမ်ထောင်ကွဲတာက ငါးလကျော်ပါပြီ...ကိုယ်ဝန်ကသုံးလပဲရှိပါသေးတယ်...သူနဲ့တရားဝင်ကွဲပြီးမှ .....ကျွန်တော်တို့အချင်းချင်းမေတ္တာမျှကြတာပါ ...အမေဘာမှ မပြောပါနဲ့ဗျာ...ကျွန်တော်တောင်းပန်ပါတယ်....ခင်လေးထတော့ ..ကိုယ်တို့သွားကြစို့ "

နေထိုက်ကပြောပြောဆိုဆိုနှင့် ဇနီးလောင်းခင်သစ္စာ၏ လက်ကိုဆွဲပြီး အပေါ်ထပ်သို့ထက်ခဲ့လေသည်။

~a~ky~i~~ph~y~u~~

နေထိုက်နှင့်ခင်သစ္စာတို့လှေကားမှ တက်လာကြစဉ် လှေကားထိပ်တွင် ရပ်နေကြသော ကလေးနှစ်ယောက်ကိုတွေ့လိုက်ကြရလေသည်။ကလေးနှစ်ယောက်မှာ နေထိုက်၏ သားနှင့်သမီးဖြစ်ပြီး သားအကြီးမှာဆယ်နှစ်အရွယ်ခန့်ရှိလေသည်။သမီငယ်မှာမူအသက်ခြောက်နှစ်ခန့်သာရှိလေသည်။

ခင်သစ္စာသည် ကလေးနှစ်ယောက်ကိုကြည့်ပြီး နှုတ်ခမ်းလေးတွန့်ကွေးကာ ပြုံးပြလိုက်သည်။သို့သော်လည်း ကလေးနှစ်ယောက်သည် ခင်သစ္စာကို မျက်လုံးပြူးကြီးများနှင့်စိုက်ကြည့်၍သာ နေကြလေသည်။အထူးသဖြင့် အကြီးကောင်လေးသည် ခင်သစ္စာကို စူးစူးရဲရဲစိုက်ကြည့်နေလေသည်။အသက်အရွယ်နှင့်မလိုက်အောင် အကြည့်စူးရဲလှပြီးမျက်နှာထားတင်းလှသော ကောင်လေးအား ခင်သစ္စာကလည်း စူးစူးရဲရဲပင်ပြန်စိုက်ကြည့်ပစ်လိုက်လေသည်။

~ak~yi~P h~y-u~~~

" ဖြန်း "

" မိသက် အမိုက်မ...လမ်းဘေးအဆင့်သာသာပဲရှိတဲ့ကောင်မျိုးနဲ့မှဖြစ်ရလားဟဲ့ ..အခုဘယ်လိုလုပ်ကြမလဲ ပြောလေ..ညည်းပြောစမ်းပါအုံး "

သမီးဖြစ်သူကိုကြည့်ပြီး ဒေါ်သက်သက်မာ ရင်ထုမနာနှင့်ပြောလိုက်သည်။

နှင်းရည်သက်မှာလည်း မိခင်ဖြစ်သူ၏ ငိုညည်းသံကိုမကြားနိုင်ဘဲ သူမ၏ဝမ်းဗိုက်လေးကိုသာ မျက်လုံးအကြောင်သားနှင့်ငုံ့ကြည့်နေမိလေသည်။

" ဒီမှာ မိသက် ..အမေပြောမယ်် သေချာနားထောင်...တို့သားအမိ... ရွာကဒေါ်လေးအိမ်ကို ခဏပြန်မယ်ဆိုပြီး... ညည်းအဖေကိုပြောမယ် ..ပြီးရင် ဟိုမှာတစ်လလောက်နေမယ်..အဲ့ဒီမှာ...ညည်းဗိုက်ကိစ္စကို ရှင်းပစ်ကြတာပေါ့ "

" ရှင် ..အ..အမေ ပြောတာက "

မိခင်ဖြစ်သူ၏ စကားကြောင့် နှင်းရည်သက်အလန့်တကြားနှင့် ပြန်မေးလိုက်မိလေသည်။

" အေး..ဟုတ်တယ် "

" ဖျက်ချပစ်မှာလေ..ဘာဖြစ်လို့လဲ..ဘာလဲ...ညည်းကမွေးချင်လို့လားပြော.."

မိခင်ဖြစ်သူ၏ အမေးကြာင့် နှင်းရည်သက်ငြိမ်ကျသွားမိသည်။သူမဗိုက်ထဲမှ ကလေးသည် ရည်းစားဖြစ်သူနှင့်ရသော သွေးသားရင်းဖြစ်သော်လည်း နှင်းရည်သက်မစွန့်စားရဲပါ။မှန်သောစကားကို ဆိုရလျှင် ချစ်သူကိုအပျော်သဘောနှင့်တွဲခဲ့မိခြင်းသာဖြစ်သည်။သူမတစ်ဘဝလုံးအတွက်ရည်ရွယ်ပြီး တွဲခဲ့ခြင်းမဟုတ်။ရွယ်တူသူငယ်ချင်းများကြားမှာ ခပ်ချောချောခပ်မိုက်မိုက်ရည်းစားတစ်ယောက်ကို ပိုင်ဆိုင်ထားသူအဖြစ် ဟန်ရေးပြချင်ရုံသက်သက် တွဲခဲ့ခြင်းသာဖြစ်သည်။နှင်းရည်သက်ဆိုသောသူမသည် သာမန်မိသားစုတွင် မွေးဖွားခဲ့သော်လည်း ချမ်းသာချင်သည်။ကိုယ်ပိုင်ကားနှင့်ကျောင်းလာကြိုနိုင်သူကိုသာ အိမ်ထောင်ဖက်အဖြစ်လက်ခံချင်သည်။အပျော်ရည်းစားဘယ်လိုပဲတွဲတွဲ နောက်ဆုံးသူမ၏အိမ်ထောက်ဖက်မှာ သူမကို တိုက်နှင့်ကားနှင့်ထားနိုင်သူကိုသာလက်တွဲချင်သည်။နှုတ်ခမ်းပဲ့ချင်းမီမမှုတ်နိုင်၊မောင်တစ်ထမ်းမယ်တစ်ရွက်ဘဝကိုလည်း စိတ်ကူးပင်မယဉ်နိင်။သွေးသားဆန္ဒကို မလွန်ဆန်နိုင်၍ အကြိမ်ကြိမ်အပျော်လွန်မိခဲ့ကြသည့်အတွက်လည်း ကြိုတင်ကာကွယ်ထားပါလျက်နှင့် ယခုလို မမျှော်လင့်ထားသောအခြေအနေမျိုးဖြစ်ပေါ်လာခဲ့ရခြင်းဖြစ်လေသည်။ဘယ်လိုအခြေအနေပဲရှိရှိ ရည်းစားဖြစ်သူကို လက်မထပ်ချင်။ရုပ်ရည်အားဖြင့်ကြည့်ကောင်းချောမောရုံမှလွဲ၍ သူမတို့ထက်ပင် ဘဝပေးအခြေအနေဆင်းရနုံချာလှသော ရည်းစာဖြစ်သူမျိုးမင်းအောင်ကို ဘဝလက်တွဲဖော်အဖြစ်တော့လက်မခံနိုင်။သူမကိုယ်တိုင်က လက်မခံနိုင်သော အခြေအနေမှာ မိခင်၏စကားကို နားထောင်ရန် နှင်းရည်သက်သဘောတူခေါင်းငြိမ့်လိုက်သည်။

~ak~yiph~y~u~

" မင်းတို့ဘာသာ ... သားပဲမွေးမွေးသမီးပဲမွေးမွေး ..နာမည်ပေးရင်...ထိုက်နဲ့တော့ အဆုံးမသတ်နဲ့သားကြီးရယ်..ဒါက.... အားငယ်နေတဲ့မြေးကြီးနှစ်ယောက်အတွက် ..ဘွားအေကြီးပေးနိုင်တဲ့လက်ဆောင်မို့ပါ "

မိခင်ဖြစ်သူ၏စကားကြောင့် နေထိုက်တစ်ယောက်စိတ်ပျက်လက်ပျက်နှင့်ဆိုဖာခုံပေါ် ကျောမှီချလိုက်မိပြီး

"အမေရာ..ခင်လေးဗိုက်ထဲက ..ကလေးကလည်းကျွန်တော့သွေးသားရင်း..အမေ့ရဲ့မြေးအရင်းပါပဲဗျာ..သူ့အစ်ကိုအစ်မတွေနဲ့တူအောင်...နာမည်လေးတောင် ပေးခွင့်မရှိဘူးလား "

" တော်စမ်းသားကြီး ...မြေးချင်းတူပေမဲ့ မွေးတဲ့မိခင်ချင်းမတူဘူးလေ...မြေးကြိးတို့ရဲ့မအေက... အမေသဘောကျတဲ့သူ...ပြီးတော့နှစ်ဖက်မိဘတွေနဲ့ခမ်းခမ်းနားနားလက်ထပ်ခဲ့ကြတဲ့သူလေ ..ဘာမဟုတ်တဲ့မင်းရုံးက စားရေးမအဆင့်လောက်နဲ့တော့မယှဉ်နဲ့ပေါ့ "

" တော်ပြီဗျာ ..တော်ပါတော့အမေရာ...ခင်လေးက ဘယ်လိုအဆင့်တန်းပဲရှိရှိ..ဘယ်လောက်ပဲဆင်းရဲရဲ ခင်လေးလွယ်ထားရတာ ...ကျွန်တော့်ကလေးပါ...အမေ့မြေးအရင်းပါ..ဒါကိုတော့ အမေမမေ့ပါနဲ့..သားနဲ့သမီးကိုလဲ မျက်နှာမငယ်ရအောင်ကျွန်တော်ထားမှာပါ..အဲ့ဒီလိုပဲ မကြာခင်မွေးဖွားလာတော့မယ့်ကလေးကိုလည်း ...အမေဂရုစိုက်ပေးပါ ..ကျွန်တော်ဆိုင်ကိုသွားတော့မယ်အမေ.."

စကားသံနှင့်အတူ အထဲမှလျှောက်လာသောခြေသံကို ကြားလိုက်ရသောကြောင့် ခင်သစ္စာ တံခါးရှေ့မှခပ်မြန်မြန်ထွက်ခဲ့လိုက်ပြီး မိမိတို့အခန်းဆီသို့ ပြန်ခဲ့လိုက်သည်။

အခန်းဆီသို့ရောက်သောအခါ ယောက်ျားဖြစ်သူ၏ကား ခြံထဲမှမောင်းထွက်သွားသည်ကို စောင့်ကြည့်နေမိသည်။သူမကြည့်နေစဉ်မှာပဲ ယောက်ျားဖြစ်သူ၏ကား ခြံထဲမှမောင်းထွက်သွားသည်ကိုတွေ့လိုက်ရလေသည််။မောင်းထွက်သွားသောကားကို လိုက်လံငေးမောကြည့်နေမိရင်းမှ ခင်သစ္စာမှာ အံကိုတင်းတင်းကြိတ်ကာမျက်ရည်ကျမိလေသည်။မျက်ရည်များကြားမှ မြင်ယောင်နေမိသည်မှာက သူမနှင့်ခင်ပွန်းဖြစ်သူတို့ စပြီးဆုံစည်းခဲ့ကြသောအကြောင်း။

လွန်ခဲ့သော ကိုးလလောက်တုန်းက သူမနှင့်ကိုနေထိုက်တို့ စပြီးဆုံခဲ့ကြသည်။နှစ်ယောက်ဆုံတွေ့ရပုံမှာ သိပ်တော့လည်း မဆန်းပြာလှ။နှစ်ယောက်လုံးက တစ်နယ်တည်းသားချင်းမို့ မျက်မှန်းတန်းမိနေကြသည်မှာတော့ ကြာခဲ့ပြီဖြစ်သည်။နှစ်ယောက် သေသေချာချာဆုံခဲ့ကြသည့်အကြောင်းမှာ ခင်သစ္စာဘွဲ့ရပြီးစ အလုပ်ရှာနေချိန်မှာ နေထိုက်တို့အရောင်းဆိုင်ကလည်း အလုပ်ခေါ်နေချိန်နှင့်တိုးပြိး အလုပ်ဝင်ခဲ့ခြင်းကြောင့်သာဖြစ်သည်။တကယ်ဆိုလျှင် နေထိုက်တို့အရောင်းဆိုင်မှာ ခင်သစ္စာအလုပ်ဝင်လုပ်မည်ကို မိဘမျာကသဘောမကျချေ။ဤအတွက်ကြောင့်လည်း ခင်သစ္စာမှာ တိုးတိုးတိတ်တိတ်အလုပ်ဝင်လုပ်ခဲ့ခြင်းဖြစ်သည်။ခင်သစ္စာ၏မိဘများက နေထိုက်တို့မိသားစုအား သဘောမကျခြင်းအကြောင်းမှာ အကြောင်းပြချက်များစွာရှိသော်လည်း အရေးအကြီးဆုံးအကြောင်းပြချက် တစ်ခုကိုပြရမည်ဆိုလျှင်မူ နေထိုက်၏မိခင်ဖြစ်သူ ဒေါ်ရတနာထိုက်ကြောင့်ဖြစ်သည်။နေထိုက်၏ မိခင်အမည်မှာဒေါ်ရတနာထိုက်ဖြစ်သည်။နာမည်အရင်းပေပဲလားဆိုသည်ကိုမူ မည်သူမျှသေချာမသိ။သို့သော်လည်း ငွေတိုးချေးစားပြီးရွှေအပေါင်ခံသောလုပ်ငန်းလုပ်ကိုင်ခြင်းမှအစပြုပြီး ဒေါ်ရတနာထိုက်ဆိုသောအမည်နှင့်ပို၍လိုက်ဖက်လာသည်။နာမည်နှင့်လိုက်အောင်လည်း လုပ်ငန်းကအကျိုးပေးခဲ့သည်ကိုး။ပြောရမည်ဆိုလျှင် ရွှေအပေါင်ဆိုင်သေးသေးလေးမှသည် ရွှေဆိုင်ကြီးများဖွင့်နိုင်သည်အထိစီးပွားတိုးတက်ခဲ့သည်။သည်မျှတိုးတက်အောင်လည်း ဒေါ်ရတနာထိုက်က လူအများပေါ်မှာအပြောကြမ်းကြမ်းနှင့်ရက်စက်ခဲ့သည်။အနိုင်ယူခဲ့သည်။သည်လိုမျိုး ချမ်းသာကြွယ်ဝလာသော ဒေါ်ရတနာထိုက်တို့မိသားစုကို လူမှန်ကြီးဖြစ်သော ခင်သစ္စာ၏ဖခင်ကြီးက ရွံရှာသည်။တစ်နယ်တည်းသားချင်းဖြစ်သော်လည်း အဆက်ဆံလည်းမလုပ်ဘဲနေခဲ့သည်။ထိုအချိန်ကမူ ခင်သစ္စာကိုယ်တိုင်ကလည်း ဒေါ်ရတနာထိုက်ကိုရော၊သားဖြစ်သူနေထိုက်တို့မိသားစုကိုပါ စိတ်မဝင်းစားခဲ့။ပတ်သက်စရာအကြောင်းလည်းမရှိခဲ့။ဖြစ်ချင်တော့ နေထိုက်တို့ဆိုင်မှ စာရင်းကိုင်ခေါ်နေချိန်မှာ ခင်သစ္စာကလည်း အလုပ်အလွန်လိုအပ်နေချိန်ဖြစ်သောကြောင့် သွားလျှောက်ခဲ့သည်။ကံကောင်းချင်၍လား။ကံဆိုးချင်၍လားမသိ။အလုပ်လျှောက်ကြသူ အများကြီးထဲမှ ခင်သစ္စာအပါဝင် မိန်းကလေးသုံးယောက် အလုပ်ရခဲ့သည်။ထိုအချိန်က နေထိုက်မှာဇနီးဖြစ်သူနှင့်တရားဝင်ပေါင်းသင်းနေဆံဖြစ်သည်။
အမှန်မှာ ခင်သစ္စာကလည်း ဒေါ်ရတနာထိုက်ရော ၊နေထိုက်ကိုရော ဘာကိုမှစိတ်ဝင်မစားပါ။အလုပ်ရရေးသာ စိတ်ဝင်စားခဲ့သည်။ခင်သစ္စာအလုပ်ဝင်ပြီး သိပ်မကြာခင်မှာပဲ နေထိုက်၏ အတွင်းရေးမှူးလိုမျိုးဖြစ်လာခဲ့ပြီး နေထိုက်တို့အိမ်ထောင်ရေးအဆင်မပြေမှန်းလည်းသိလာခဲ့သည်။သည်လိုနှင့် စိတ်ညစ်နေသော နေထိုက်ကို နှစ်သိမ့်အားပေးရင်း နှစ်‌ယောက်သားသံယောဇဉ်တွယ်မှန်းမသိတွယ်လာမိခဲ့ကြသည်။ချစ်သူရည်းစားမထားခဲ့ဖူးသော ခင်သစ္စာအတွက် သူမထက်ဆယ်နှစ်လောက်အသက်ပိုကြီးသော နေထိုက်ကိုရင်ခုန်လာခဲ့မိသည်။တွယ်တာလာခဲ့မိသည်။နေထိုက်နှင့်စကားပြောနေရလျှင်ပျော်သည်။နေထိုက်စိတ်ညစ်နေလျှင် နှစ်သိမ့်အားပေးချင်သည်။သည်လိုအနေအထားမှာ ကိုယ့်အခြေအနေကိုယ်တိုင်ရိပ်စားမိလားသော ခင်သစ္စက အလုပ်မှထွက်ဖို့ရန်ကြိုးစားသည်။သို့်သောလည်း ခင်သစ္စာအလုပ်ထွက်ဖို့ကြိုးစားနေချိန်မှာပဲ နေထိုက်တို့ဇနီးမောင်နှံကွာရှင်းလိုက်ကြသည်။နှစ်ယောက်သား ကွာရှင်ပြီးနောက် နေထိုက်က သားသမီးနှစ်ယောက်လုံးကိုစောင့်ရှောက်ခွင့်ရသည်။ဇနီးဖြစ်သူက နိုင်ငံရပ်ခြားသို့ ထွက်ခွါသွားခဲ့သည်။အနှစ်ချုပ်လိုက်သောအခါ နေထိုက်တို့ ဇနီးမောင်နှံကွဲကွာရခြင်းသည် ခင်သစ္စာကြောင့်ဆိုသောအတွင်းသတင်းသဲ့သဲ့ထွက်ပေါ်လာခဲ့သည်။ဗိလိန်ဖြစ်ခဲ့ရသောခင်သစ္စာကလည်း နေထိုက်ကိုချစ်ခင်စွဲလမ်းနေမိသောကြောင့် မထူးဇာတ်ခင်းခဲ့လိုက်သည်။အိမ်ထောင်ကွဲပြီးနောက် ပြိုလဲချင်နေသောနေထိုက်ကို အားပေးနှစ်သိမ့်ရင်း နှစ်ယောက်သား ချစ်သူတွေဖြစ်ခဲ့ကြသည်။ချက်ချင်းကြီးလက်ထပ်ကြဖို့ အစီအစဉ်မရှိကြသော်လည်း မမျှော်လင့်ထားသော ကိုယ်ဝန်ပြဿနာကပေါ်လာသောကြောင့် နှစ်ဖက်မိဘများ တားမြစ်နေသည့်ကြားမှ လက်ထပ်ခဲ့ရခြင်းဖြစ်သည်။ဤအချက်ကပဲ ယောက္ခမကြီးအပါအဝင်လူတော်တော်များများ၏ နှာခေါင်းရှုံ့စရာအထင်သေးစရာဘဝသို့ ခင်သစ္စာရောက်ခဲ့ရခြင်းဖြစ်သည်။စဉ်းစားကြည့်လိုက်သောအခါအဖြစ်အပျက်များအားလုံးသည် ခင်သစ္စာအချစ်ကို ကိုးကွယ်ခဲ့မိခြင်းနှင့်ရူးမိုက်ခဲ့ခြင်းကြောင့်သာဖြစ်လသည်။

a~k~~y~i~phy~~u~
~

" ရှင်..ဘယ်...ဘယ်လိုဖြစ်လို့လဲ ဆရာမရယ်...ဘာဖြစ်လို့လုပ်လို့မရတာလဲရှင်.....ဆရာမကနာမည်ကြီးတယ်ဆိုလို့ .....ကျွန်မတို့မှာ ခရီးအဝေးကြီးက လာခဲ့ရတာပါရှင် ..,ကူညီပေးပါနော် ဆရာမ ...ဆရာမ ...မကူညီရင် ... ကျွန်မသမီးလေးဒုက္ခရောက်မှာပါရှင် ...သမီးက တက္ကသိုလ်တက်နေတုန်းပါဆရာမရယ်...ဘွဲ့ရဖို့တစ်နှစ်လိုပါသေးတယ် "

ဒေါ်သက်သက်မာတစ်ယောက် လက်အုပ်ချီလုမတတ်တောင်းပန်လိုက်လေသည်။

=============================

အပိုင်း(၂)ဆက်ရန်

A kyi phyu
#ဧကြည်ဖြူ
၃.၆.၂၀၂၄
(တနင်္လာနေ့)

" မင်္ဂလာပါ "

စာချစ်သူများရှင်

#မာယာမိုးတိမ်
(အခန်းဆက်ဝတ္ထု) ကိုစာဖတ်ခ 1000 Ksပေးသွင်းပြီး နေ့စဉ်ဖတ်ရှုနိုင်ပါတယ်။

စာဖတ်ခ 1000Ks ပေးသွင်းဖို့ရန်အခြေအနေအခက်အခဲရှိပါကလဲ Free ဖတ်ရှုလို့ရပါတယ်ရှင်
စ/ဆုံး ဖတ်ရှုပြီးမှလဲ စာဖတ်ခကိုပေးသွင်းလို့လဲရပါတယ်ရှင် ....

စာဖတ်သူများကို မေတ္တာရပ်ခံချင်တာက စာဖတ်ခ 1000 Ks ပေးသွင်းနိုင်သူများအနေဖြင့်စာဖတ်ခပေးသွင်းပေးပါရန်နှင့်
အခန်းဆက်ဝတ္ထုမှာလဲရေးသားထားပြီးသော ဝတ္ထုမဟုတ်ပါဘူးရှင် ..
နေ့စဉ်ရေးသားပြီးတစ်ပိုင်းစီတင်ပေးသွားမှာဖြစ်ပါတယ်...
စာဖတ်ခကို KPay (or) Wave နဲ့ ပေးသွင်းလို့ရပါတယ်

A Kyi phyu မှာ Paid group မရှိပါဘူးနော်
ငွေအများကြီးပေးလဲ စ/ဆုံး ပေးဖတ်စရာမရှိပါဘူးရှင်
တစ်နေ့တစ်ပိုင်းပဲ ရေးပြီး
ရေးပြီးတာနဲ့တင်တာပါ

စာဖတ်ခ 1000 ကျပ်ကိုလဲ စ/ဆုံး ဖတ်ပြီးမှ ဇာတ်လမ်းကြိုက်မှလဲ ချီးမြှင့်လို့ရပါတယ်

ငွေပို့ထားတဲ့ ss ပြပြီး စ/ဆုံး Link လာတောင်းရင် A Kyi မျက်နှာပူလို့ပါရှင်

ပေးသွင်းရမည့် အကောင့်များမှာ
KPay
09773745413
Lai Lai Win

Wave
09773745413
Lae Lae Win ဖြစ်ပါတယ်

အားလုံးကိုကျေးဇူးအထူးတင်ပါတယ်ရှင်

#AKyiPhyu
#ဧကြည်ဖြူ

စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
အပိုင်း(၂)
akyiphyu
*a*ky*iphy*u****

" ဒီမှာ ဒေါ်သက်သက်မာ ..ကျွန်မပြောတာကို နားထောင်ပါအုံးရှင် ..ကိုယ်ဝန်ကလရင့်နေပြီရှင့်..အခုချိန်မှလုပ်ရင် ရှင့်သမီးအတွက်ပါ ..အန္တရာယ်ရှိနိုင်တယ် သိရဲ့လား ..ရှင်တို့တွေလုပ်ချင်တယ်ဆိုရင်လဲ ...လနုနေတုန်းလာကြပါလား..အခုတော့ ကျွန်မတို့ကိုပါ ပြဿနာတက်အောင်လုပ်မလို့လား ...."

" ဟုတ်...ဟုတ်ပါတယ်ဆရာမရယ်..သမီးကကိုယ်ဝန်ရှီနေမှန်းကို မသိခဲ့လို့ပါရှင်.."

" အဲ့ဒီလိုအကြောင့်ပြလိုက်ရုံနဲ့လည်း ..ကျွန်မတို့ဘက်ကဘာမှလုပ်ပေးလို့မရဘူး ဒေါ်သက်သက်မာ...ရှင်းရှင်းပဲပြောမယ်နော်..ရှင့်သမီးရဲ့အသက်ကိုရင်းပြီး ဖျက်ဆီးဖို့သတ္တိရှိလား...ငါးဆယ်ငါးဆယ်တောင်မသေချာတဲ့အနေအထားမှာ ..ကျွန်မတို့ကတော့ မလုပ်ပေးပါဘူး..အကောင်းဆုံးအကြံပေးချင်တာကတော့ မွေးလိုက်ပါ....လလည်းအတော်ရင့်နေပြီဆိုတော့ မွေးဖို့လဲသိပ်မှမလိုတော့တာ...မွေးပြီးမှမစောင့်ရှောက်နိုင်ရင်လည်း ..ဂေဟာတစ်ခုခုကိုပို့ပစ်ပေါ့ရှင် ....ကျွန်မတို့ဘက်ကတော့ ဒီလိုပဲအကြံပေးနိုင်တယ် ..ကျွန်မတို့တွေက ငွေအတွက်အဓိကလုပ်စားနေကြတယ်ဆိုရင်တောင် ..ကူကယ်ရာမဲ့ဒုက္ခရောက်သွားနိုင်တဲ့ဘဝတချို့ကို ကယ်တင်ပေးချင်တာပါ...အသက်နဲ့ရင်း
ပြီးတော့လုပ်ရမှာမျိုးကိုတော့... မလုပ်ပေးပါဘူး "

တာဝန်ရှိဆရာမ၏စကားကြောင့် ဒေါ်သက်သက်မာတစ်ယောက်နေရာမှာတင် ပုံလျက်သားလဲကျချင်စိတ်ပေါက်သွားရလေသည်။

a~k~yi~ph~yu~~~

" ဘာလို့လဲ အမေ....ဘာဖြစ်လို့ပြန်မှာလဲ ..မလုပ်တော့ဘူးလား "

သီးသန့်ခန်းထဲကို ပြန်ဝင်လာပြီး အဝတ်အစားအိတ်ကိုယူကာ ပြန်ဖို့ပြောလိုက်သောမိခင်ကိုကြည့်ပြီး နှင်းရည်သက် အထိတ်တလန့်နှင့်မေးလိုက်သည်။

" အေး..လရင့်နေပြီမို့ လုပ်လို့မရတော့ဘူးတဲ့ "

ဒေါ်သက်သက်မာကတုံးတုံးတိတိနှင့်ဖြေလိုက်ပြီး လက်ဆွဲအိတ်ကိုကောက်ယူလိုက်သည်။

" အို ..လရင့်တာပဲ ဘာဖြစ်လို့်လဲ ..မွေးသေးတာမှမဟုတ်တာပဲ ..သက်သက်မဲ့မလုပ်ပေးချင်လို့ပြောကြတာနေမယ်..အမေပိုက်ဆံပေးတာနည်းလို့နေမှာပေါ့ "

နှင်းရည်သက်က မိခင်ကိုမကျေမနပ်နှင့်ပြောလိုက်သည်။

" မိသက်ရယ်..ဒီပုံစံအတိုင်းအိမ်ပြန်လို့... နင့်အဖေနဲ့ နင့်အစ်ကိုသိသွားရင် ..သားအမိနှစ်ယောက်လုံးအသ/တ်ခံရမဲ့ကိစ္စကို ..ငါကပိုက်ဆံကိုနှမြောနေမှာလား ...အခုကညည်းအသ*က်နဲ့ရင်းရမှာတဲ့သိရဲ့လား....ငွေဘယ်လောက်ပေးပေး မလုပ်ပေးဘူးတဲ့ ..သေမှာမကြောက်ရင်....ကြိုက်တဲ့နေရာမှာသွားလုပ်တဲ့ "

" ရှင်..ဒါ..ဒါဆိုရင် ...သမီးက ဘယ်လိုလုပ်ရမှာလဲ အမေရဲ့....ဟိုကောင်မျိုးမင်းနဲ့လဲ လက်မထပ်နိုင်ဘူး ..သူ့ကိုယူလိုက်ရင် ...သမီးတစ်သက်လုံး ထမင်းရည်သောက်နေရာမှာ....ဒီကလေးကိုလည်း မမွေးချင်ဘူးအမေ "

" တော်စမ်းအမိုက်မ..စကားကိုတိုးတိုးပြောစမ်း ...မျိုး'မင်းဆိုတဲ့ကောင့်က...တဲစုတ်မှာနေတဲ့ကောင်ဆိုတာကို ..မသိဘူးလား ...ကိုယ့်ကိုယ်ကိုထိန်းထိန်းသိမ်းသိမ်းမနေခဲ့ဘဲနဲ့..အခုမှမျက်ရည်ကျမနေနဲ့ အခုချိန်ကစပြီး. ..ငါစီမံတဲ့အတိုင်းပဲနေ ကြားလား "

" ဟုတ်..ဟုတ်ကဲ့ပါ အမေ "

နှင်းရည်သက်ခေါင်းငုံ့ကာ မျက်ရည်ကျရင်း မိခင်ဖြစ်သူ၏ပြောစကားကို နာခံဖို့သာဆုံးဖြတ်လိုက်သည်။

a~kyi~p~h~~yu

" သား...သားလေးမှာခြေလက်အင်္ဂါစုံတယ်မဟုတ်လားဟင် အစ်ကို"

ခင်သစ္စာစိုးရိမ်တကြီးနှင့်မေးလိုက်သည်။

" စုံပါတယ်ခင်လေးရယ်....သားလေးကလေ...ဖြူဖြူဖွေးဖွေးနဲ့ခြေတံလက်တံတွေလည်း အရှည်ကြီးပဲကွ...ဒီကောင်အရပ်ရှည်မဲ့ကောင်ကြီးကွ "

ခင်ပွန်းဖြစ်သူ၏ စကားကြောင့် ခင်သစ္စာရင်ထဲလှိုက်ခနဲပျော်ရွှင်သွားမိပြီး ဖခင်ကြီးကိုမြင်ယောင်လိုက်မိသည်။ခင်သစ္စာ၏ဖခင်ကြီးသည် အသားဖြူဖြူထောင်ထောင်မောင်းမောင်းနှင့် ယောက်ျားပီသသောဟန်ရှိသည်မဟုတ်ပါလား။

" ဆေးရုံမှာသုံးရက်လောက်တော့ အနားယူလိုက်အုံးနော် ခင်လေး "

" ဟုတ်...ဟုတ်ကဲ့ပါ အစ်ကို..ဒါ..ဒါနဲ့....ခင်လေးတို့အိမ်ကများ ..မလာကြဘူးလားဟင်..အမေတို့ကို ...အစ်ကိုအကြောင်းမကြားပေးဘူးလား "

ခင်ပွန်းဖြစ်သူကို ခင်သစ္စာမဝံ့မရဲမေးလိုက်သည်။ခင်သစ္စာ၏ အမေးကြောင့် နေထိုက်တစ်ယောက်သက်ပြင်းကိုချလိုက်သည်။

" အင်း ...အစ်ကိုကိုယ်တိုင်သွားတွေ့ပါသေးတယ်ခင်လေးရယ်...ဒါပေမဲ့ ...ခင်လေးရဲ့အစ်မမိသားစုနဲ့ပဲ တွေ့ခဲ့တယ်...မိဘတွေခရီးထွက်သွားကြတယ်တဲ့ "

ကြားလိုက်ရသော စကားကြောင့် ခင်သစ္စာရင်ထဲ တလှိုက်လှိုက်နှင့် ဝမ်းနည်းအားငယ်သွားသည်။မိဘများ၏စိတ်ထဲမှာ ခင်သစ္စာသည်် သူများအိမ်ထောင်ရေးကိုဖျက်ဆီးသော အငယ်အနှောင်းတစ်ယောက်အဖြစ် သိပ်ကိုရှက်နေကြမည်ထင်ပါသည်။

" ကဲ့ပါကွာ..ခုချိန်မှာ စိတ်မကောင်းစရာတွေ မတွေးပါနဲ့ခင်လေးရယ်...နောက်တော့ ခင်လေးရဲ့မိဘတွေက ..နားလည်ခွင့်လွတ်ပေးကြမှာပါ ..ကျန်းမာရေးကိုပဲဂရုစိုက်နော်.."

" ဟုတ်..ဟုတ်ကဲ့ပါအစ်ကို "

ခင်ပွန်းဖြစ်သူ၏ စကားကို ခင်သစ္စာခေါင်းငြိမ့်ပြလိုက်ပြီး ပါးပြင်ပေါ်သို့လိမ့်စင်းကျလာသော မျက်ရည်စကို လက်ဖဝါးနှင့် အသာပွတ်သုတ်ပစ်လိုက်သည်။

ak~y~ip~hyu~~~

ကလေးတစ်ယောက်ကို အရပ်ထဲကဝမ်းဆွဲသည်နှင့် တိုးတိုးတိတ်တိတ်မွေးရသောအလုပ်က လွယ်ကူလှသောအလုပ်မဟုတ်။ကျွမ်းကျင်သူလည်းဖြစ်အုံးမှ မိခင်ရောကလေးပါ အန္တရာယ်ကင်းမည်မဟုတ်လား။

ဒေါ်သက်သက်မာတို့မှာ မိသားစုကိုလိမ်ညာပြီး မသိသောအရပ်မှာ စွန့်စွန့်စားစားနှင့်တိတ်တိတ်လေး ကလေးလာ မွေးရခြင်းဖြစ်သည်။အတွင်းခန်းထဲမှ သမီးဖြစ်သူ၏ အော်ညည်းငိုယိုသံများက ဒေါ်သက်သက်မာ၏နှလုံးအိမ်ကို ဆွဲကိုင်ညှစ်နေသလိုနာကျင်ရလေသည်။

" အူဝဲ..အူဝဲ "

အတွင်းခန်းထဲမှ ကလေးငိုသံကိုကြားလိုက်ရသောအခါ ဒေါ်သက်သက်မာခြေမကိုင်မိလက်မကိုင်မိနှင့် အတွင်းခန်းထဲသို့ဇွတ်ဝင်ချသွားလိုက်သည်။

" ဟယ်...မိန်ကလေးသတိလစ်သွားပြီ ..လုပ်ကြပါအုံးဟဲ့ "

" သမီး..သမိး .နှင်းရည် သတိထားလေ "

ဒေါ်သက်သက်မာမှာ မွေးကင်းစမြေးငယ်လေးကို မကြည့်နိုင်အားဘဲ သတိလစ်သလိုဖြစ်သွားသော သမီးဖြစ်သူဆီကို အပြေးသွားလိုက်သည်။

a~k~yi~ph~yu~~~

နှင်းရည်သက် သတိပြန်လည်ဝင်လာချိန်တွင် သူမဘေးတွင် ထိုင်နေသော မိခင်ဖြစ်သူနှင့် အဒေါ်ဖြစ်သူကို တွေ့လိုက်ရသည်။

" အ..အမေ..ဟို,,,ဟို ...ဘယ်ရောက်သွားပြီလဲဟင် "

ကလေးလို့သုံးနှုန်းရမည်ကို ရှက်သလိုလိုဖြစ်နေမိသော နှင်းရည်သက်မှာ သူမ၏ဗိုက်ကိုလက်နှင့်အသာကိုင်စမ်းရင်း မိခင်ကြီးကိုခပ်တိုးတိုးမေးလိုက်သည်။

" အင်း ... မရှိတော့ဘူး.....အသ/က်မပါလာလို့် ..ချက်ချင်းမြေချခိုင်းလိုက်ပြီ "

" ရှင်..ဟုတ်..ဟုတ်လား "

မိခင်ဖြစ်သူ၏ အဖြေစကားကြောင့် နှင်းရည်သက်စိတ်ထဲမှာ ဝမ်းနည်းသလိုလိုတာဝန်ပေါ့သွားသလိုလို ခံစားချက်နှစ်မျိုးကို တစ်ပြိုင်တည်းခံစားလိုက်ရလေသည်။

" ဒါ..ဒါနဲ့ ..ယောက်ျားလေးလား..မိန်းကလေးလားဟင် '

မသိစိတ်မှသိချင်နေမိသော မေးခွန်းကို နှင်းရည်သက်လွှတ်ခနဲ့မေးလိုက်မိသည်။

" အိုအေ..အသက်တောင်မပါပါဘူးဆိုမှ ဘာလို့သိချင်နေမှာလဲ ..မသိချင်နဲ့တော့ ..ကိုယ့်ကျန်းမာရေးကိုပဲ ဂရုစိုက်...သမီးနေလို့ကောင်းတာနဲ့ ပြန်ကြမယ်...အိမ်ပြန်ရောက်ရင် ဟန်မပျက်ပဲနေနော်... ဟိုအကောင်နဲ့လဲ မဆက်သွယ်နဲ့....အိမ်ပြောင်းလို့ရအောင် ညည်းအဖေကိုတိုက်တွန်းမယ် "

" ဟုတ်..ဟုတ်ကဲ့ပါ အမေ "

မိခင်၏စကားကို နှင်းရည်သက်ခေါင်းငြိမ့်ပြလိုက်ပြီး အိပ်ရာပေါ်ပြန်လှဲချလိုက်သည်။အိပ်ရာပေါ်လှဲချလိုက်စဉ်မှာ ရင်သားအစုံကဆစ်ခနဲဆစ်ခနဲနာကျင်သောခံစားမှုမျိုးကို ခံစားလိုက်ရသည်။

a~ky~i~ph~~y~u~

" သားလေးနာမည်ကို နေသစ်ညီလို့်ပေးထားတယ်... ခင်လေး သဘောကျတယ် မဟုတ်လား "

" နေသစ်ညီဟုတ်လား အစ်ကို "

သားလေးနာမည်လေးကို ခပ်တိုးတိုးခေါ်ကြည့်ပြီး ခင်သစ္စာနှုတ်ခမ်းလေးတွန့်ကွေးကာ ခပ်မဲ့မဲ့လေးပြုံးလိုက်သည်။နာမည်ဆိုတာ လူတစ်ယောက်ကို အလွယ်တကူခေါ်ပြောနိုင်ဖို့အတွက် ပေးထားရုံသက်သက်မှည့်ကြတာပဲလေဆိုပြီး စိတ်ကိုဖြေသိမ့်လိုက်သည်။သို့သော်လည်း ယောက္ခမကြီးပြောခဲ့သော စကားများကို နားထဲတွင်ပြန်ကြားယောင်နေမိလေသည်။

ak~yiph~y~u~

" မင်း..မင်း..အဲ့ဒါဘာလုပ်နေတာလဲ ..နေထူးထိုက် "

" ဘုတ်"

ခင်သစ္စာစိုးရိမ်တကြီးအော်ဟစ်လိုက်ရင်းနှင့် နေထူးထိုက်ကို ခပ်မြန်မြန်ပင်တွန်းပစ်လိုက်သည်။ခင်သစ္စာတွန်းလိုက်သောအရှိန်ကြောင့် နေထူးထိုက်တစ်ယောက် ကြမ်းပြင်ပေါ်သို့ ဘုတ်ခနဲဖင်ထိုင်ရက်လဲကျသွားခဲ့သည်။

" အီး ..အဘွားရေ..အဘွား.."

ငိုယိုပြီး အခန်းထဲမှပြေးထွက်သွားသော နေထူးထိုက်ကို ခင်သစ္စာမကြည့်နိုင်ဘဲ ကလေးပုခက်ဆီသို့ အလျင်အမြန်ငုံ့ကြည့်လိုက်မိသည်။ပုခက်ထဲမှ သားလေးက ငိုမဲ့မဲ့မျက်နှာလေးနှင့် သူမကိုမော့ကြည့်နေခဲ့သည်။ရှစ်လသားအရွယ် သားလေးမှာ သူ့အပေါ်ကျရောက်လာသော အန္တရာယ်များကို ပါးစပ်ကထုတ်ဖော်၍မပြောပြနိုင်သေးသော်လည်း မျက်နှာအမူအရာကိုယ်အမူအရာနှင့်ထုတ်ဖော်ပြသတတ်နေပြီလေ။ခင်သစ္စာ သားလေးကို ပုခက်စင်ထဲမှ ပွေ့ချီထုတ်လိုက်သည်။

akyi~p~h~~yu~~~

" ဘယ်လိုဖြစ်ရတာလဲ ခင်လေးရယ်..သားကြီးက သူ့ညီလေးကို ချစ်လို့ချီကြည့်မလို့တဲ့လေ....ခင်လေးအစိုးရိမ်လွန်နေတာတော့မဟုတ်သေးဘူးကွာ...ခင်လေးလုပ်ပုံက သားကြီးကိုလူဆိုးလေးပုံစံဖြစ်အောင်လုပ်နေသလိုပဲကွာ..သားကြီးကလေ... ခင်လေးကိုမချစ်ရင်တောင် အငယ်တွေကို ညှာတာတတ်တဲ့ကလေးပါ ....အစ်ကို့သားသမီးတွေနဲ့သင့်မြတ်အောင်နေပါ ခင်လေးရယ်..အမေ့အကြောင်းလည်းသိတယ်မဟုတ်လား "

ယောက်ျားဖြစ်သူ နေထိုက်၏ ပြစ်တင်စကားများကြောင့် ခင်သစ္စာအံကလေးကိုကြိတ်လိုက်မိသည်။

" နောက်ဆုံးတော့.... မိထွေးက မိထွေးပါပဲဆိုတဲ့ စကားမျိုးကို အမေ့ပါးစပ်ကထုတ်ပြောတာကို ..ကိုယ်မကြားချင်ဘူးခင်လေး..နောက်ကိုအစ်ကိုသားနဲ့သမီးကိုလဲ ..ခင်လေးရဲ့သားသမီးအရင်းတွေလိုပဲ သဘောထားပေးပါ..သူတို့ခမျာ မိခင်မေတ္တာငတ်နေရရှာတာပါကွာ "

" မ..မဟုတ်သေးပါဘူးအစ်ကိုရယ်..ခင်လေးလေ..အစ်ကို့သားနဲ့သမီးကိုလည်း ..ခင်းလေးရဲ့သားသမီးတွေလိုပဲ သဘောထားတာပါ ....မနက်ကဖြစ်သွားတာကလဲ ..သားကြီးနေထူးက.... သားငယ်လေးကို ရို-က်နေတာအစ်ကိုရဲ့ "

" ဘာပြောလိုက်တယ် ခင်သစ္စာ...ငါ့မြေးကြီးက အငယ်လေးကို ရို//က်နေတာဟုတ်လား .....ညည်းဟာလေ ရုပ်လေးကြည့်တော့ ဖြူဖြူစင်စင်နဲ့နောက်ဆုံးတော့ မိထွေးကမိထွေးပါပဲလားဟဲ့ "

ခင်သစ္စာ၏ စကားမဆုံးခင်မှာဘဲ ယေက္ခမဖြစ်သူ ဒေါ်ရတနာထိုက်ဒေါသတကြီးပြောဆိုပြီး အခန်းထဲသို့ ဝင်ရောက်လာခဲ့လေသည်။

" ငါ့ကို... မြေးကြိးက အားလုံးပြောပြပြီးသွားပြီး ....သူ့ကသူ့ညီလေးကိုစနေတာကို.... ညည်းကအတင်းပြေးဝင်လာပြီး ...သူ့ကိုဆောင့်တွန်းပစ်လိုက်တာတဲ့...ညည်းကိုယ်တိုင်က ..သားအရင်းနဲ့ လင်ပါသားသမီးဆိုပြီး ခွဲခြားနေတာမဟုတ်လား ခင်သစ္စာ...ညည်းတို့ကို ငါပြောပြီးသားနော်...အေး..ငါ့မြေးနှစ်ယောက်ကို သားသမီးအရင်းလို သဘောမထားနိုင်ရင်တောင် ...မိထွေးပုံစံမျိုးနဲ့မဆက်ဆံနဲ့လို့ပြောထားပြီးသားနော်...ငါပြောသလိုမလိုက်နာနိုင်ရင်တော့ ငါ့အိမ်မှာမနေကြနဲ့....မိထွေးကလင်ပါးသားသမီးတွေကို နိုင်စားတာမျိုးဘယ်တော့မှမဖြစ်စေရဘူးဟေ့...မဟုတ်မဟတ်လုပ်ဇာတ်တွေပြောဖို့လည်းမစဉ်းစားနဲ့ ..လုပ်ဇာတ်ဆိုတာ နင်တို့လိုလူကြိးတွေပဲ ခင်းတတ်ကြတာ...ဆယ်နှစ်အရွယ်ငါ့မြေးကြီးက ဘာမှမသိသေးဘူး....ပြောထားပြီးပြီနော်နေထိုက်..မင်းမိန်းမကို မင်းနိုင်အောင်ထိန်း.,.ရတနာထိုက်ကို ....ဘာမှမသိတဲ့ငနုံမကြိးလို့တော့ မထင်နဲ့ ကြားလား "

သူပြောချင်ရာကိုပြောပြီး တစ်ဖက်လူကို ဖြေရှင်းခွင့်မပေးဘဲထွက်သွားသော ယောက္ခမကြီးကို ခင်သစ္စာမျက်လုံးအကြောင်သားနှင့် ငေးကြည့်နေမိသည်။

" ကိုယ်မပြောဘူးလား ခင်လေး..အမေက ဒီလိုပဲ ..သူ့မြေးတွေကိုထိလို့်မရဘူး..ခင်လေးဘက်ကပဲ ဆင်ခြင်လိုက်ပါကွာ..အစ်ကိုလည်း သားကြီးကိုနားလည်အောင် ပြောပြလိုက်ပါ့မယ်..သားကြီးက အမေ့တပည့်လက်သားတွေနဲ့ပဲ..ကျောင်းသွားကျောင်းပြန်တာမျိုးကအစ ....နေခဲ့ရတော့ နည်းနည်းလေးကြမ်းတမ်းချင်တာ အစ်ကိုလည်းသိပါတယ်..,,ဒါပေမဲ့ သားကြီးမှာ မကောင်းတဲ့စိတ်မျိုးမရှိပါဘူးကွာ...ခင်လေးကပဲ မိခင်မေတ္တာကိုပေးပြီး ...သားကြီးကိုနားလည်ပေးပါ...သားကြီးကိုပိုပြီးလိမ္မာတဲ့ကလေးတစ်ယောက်ဖြစ်အောင်ပြုစုပေးပါ ...အစ်ကိုတောင်းဆိုပါတယ်"

" ဟုတ်..ဟုတ်ကဲ့ပါအစ်ကို "

ခင်သစ္စာအံလေးကို မသိမသာကြိတ်ရင်းခေါင်းကိုငြိမ့်ပြလိုက်သည်။

" ဪ..ဒါနဲ့ ခင်လေးကိုပြောဖို့မေ့နေတာ...အစ်ကိုတို့မိသားစုတွေ ... ဒီနှစ်ကုန်ရင် ရန်ကုန်ကိုပြောင်းကြမယ်..ဟိုမှာနေဖို့တိုက်နဲ့ခြံကို ...အမေ့နဲ့အစ်ကိုလကုန်ရင်သွားကြည့်မယ်"

" ရှင် ..အိမ်..အိမ်ပြောင်းမလို့်ဟုတ်လား အစ်ကို "

ခင်သစ္စာ အံ့ဩတကြိးနှင့် ခင်ပွန်းဖြစ်သူကို ပြန်မေးလိုက်မိသည်။

" ဟုတ်တယ် ခင်လေး..အစ်ကိုတို့... လုပ်ငန်းတွေလဲတိုးချဲ့ချင်တယ်....ပြီးတော့ ဒီမှာက .ပတ်ဝန်းကျင်က ခင်းလေးကို အပြစ်တင်ချင်နေကြတာမဟုတ်လား....သားလေးကြီးလာတဲ့အထိ... လူတွေက ပေါက်ကရတွေပြောနေတာမျိုးတွေနဲ့ မကြုံစေချင်ဘူး.....အဲ့ဒါကြောင့် ရန်ကုန်ကိုပြောင်းကြမယ် "

‌ယောက်ျားဖြစ်သူပြောသော အကြောင်းအရာမှာ သူမတို့ သားအမိနှစ်ယောက်အတွက် အကောင်းဆုံးသော အခြေအနေဆိုသော်လည်း .မိဘများနှင့်ဝေးရာသိူ့ပြောင်းရမည်ဆိုသောကြောင့် မစိတ်ထဲမကောင်းဖြစ်သွားမိသည်။ကလေးရှစ်လအရွယ်သိူ့ရောက်ခဲ့သည်တိုင် စိတ်ဆိုးမပြေသေးသော မိဘများကို ခင်သစ္စာခွဲခွါထားရစ်ခဲ့ရပေအုံးမည်။

a~k~yi~p~h~yu~~

" တကယ်လို့များ ..ကျွန်မထွက်သွားခဲ့ရင် ..သမီးလေးကို စောင့်ရှောက်ပေးပါနော်မောင် ..."

" မိန်းမရယ်..မဟုတ်တာတွေမပြောပါနဲ့နော်...ကိုယ့်မှာရှိတဲ့ပိုက်ဆံတွေ အကုန်ကုန်သွားပါစေ ..မိန်းမကိုရအောင်ကုသမှာပါ ..မဟုတ်တာတွေမပြောပါနဲ့ကွာ....ဒီမှာ .... သမီးလေးနားထောင်နေတယ်လေ "

မိုးမြင့်ထွန်းက လသားအရွယ်သမီးငယ်လေးကို ဇနီးဖြစ်သူဘေးနားမှာထားလိုက်ပြီး' လက်တစ်ဖက်နှင့်ထိန်းကာပြောလိုက်သည်။ခုတင်ပေါ်တွင်ပက်လက်လေးဖြစ်နေသော နွေးနွေးသိမ့်သည် သမီးဖြစ်သူ၏လက်သေးသေးလေးနှစ်ဖက်ကို ညင်သာဆွဲယူဆုပ်ကိုင်ထားလိုက်ရင်း မျက်ရည်ကျသည်။သည်မြင်ကွင်းကို မကြည့်ရက်သော မိုးမြင့်ထွန်းမှာ မျက်နှာက်ိုတစ်ဖက်သို့လွှဲကာ အံကိုကြိတ်ထားလိုက်သည်။နှလုံးရောဂါဆိုသောရောဂါဆိုးကြီးသည် သူတို့မိသားစုကို အပြီးသတ်ခွဲခွါရန်အချိန်နီးကပ်လာခဲ့ပြီမဟုတ်ပါလား ။

" မွေးကတည်းက ရောဂါနဲ့ဖက်ပြီးလူဖြစ်လာခဲ့ရတဲ့နွေးအတွက် ..မောင်နဲ့သမီးလေးကြောင့် ...လူ့ဘဝရဲ့ပျော်ရွှင်မှုကို ပျော်ပျော်ကြီးခံစားခဲ့ရပါတယ်မောင်ရယ်...မောင့်ကိုလဲကျေးဇူးတင်ပါတယ်...မေမေတို့ဆီကိုရောက်လာခဲ့တဲ့သမီးလေးကိုလည်း ကျေးဖူးတင်ပါတယ််နော်...တကယ်လို့များ နွေတိမ်းပါးသွားခဲ့ရင် ...မောင်နောက်အိမ်ထောင်ပြုလို့ရပါတယ် ...နွေကိုတကယ်ချစ်တယ်ဆိုရင်... သမီးလေးကိုစောင့်ရှောက်ပေးပါ......ချစ်ခင်ပေးပါနော်..အဲ့ဒါဆိုရင် နွေးအ‌ေ-သဖြောင့်ပါပြီမောင်ရယ် "

" တော်..တော်ပါတော့နွေးရယ်....နွေးကိုမောင်ရအောင်ကယ်မှာပါ.....ပြီး...ပြီးတော့ သမီးလေးလရိပ်နွေးက မောင်တို့ရဲ့သမီးလေးလေကွာ..မောင်ချစ်မှာပါ...ဂရုစိုက်မှာပါနွေးရယ်...မောနေပါ့မယ်နွေးရယ် စကားတွေမပြောနဲ့တော့်နော် ...တရေးလောက်အိပ်လိုက်ပါအုံးမိန်းမရယ်..."

ဇနီးဖြစ်သူ၏လက်ဖဝါးလေးကို မိုးမြင့်ထွန်းခပ်တင်းတင်းဆုပ်ကိုင်ရင်းပြောလိုက်မိသည်။ဘာကိုမျှ သိနားလည်ခြင်းမရှိသေးသော သမီးငယ်လေး လရီပ်နွေးကတော့ မိခင်ဖြစ်သူ၏ဘေးတွင် မျက်လုံးပြူးလေးများဖြင့်ရှိလေသည်။

~ak~yip~h~~y~u~

" မေမေကိုယ်တိုင်မုန်လုပ်ပေးပါနော်..ပြီးရင်ကျောင်းလဲလိုက်ပို့ပေးပါနော် ..ကိုကိုနဲ့မသွားချင်ဘူး "

ခြေလေးဆောင့်ကာ ဂျီကျနေသော ဆယ်နှစ်ကျော်အရွယ် သီရိထိုက်ရဲ့အပြုအမူကြောင့် ခင်သစ္စာမျက်နှာမပျက်အောင် သတိထားနေရသည်။သူမဘဝက တစ်ခုခုများမတော်တဆအမှားအယွင်းလုပ်မိရုံနှင့် မိထွေးဆိုသော ခေါင်းစဉ်တပ်ခံရမည်။ထို့ကြောင့်လည်း လေးနှစ်အရွယ်သားလေးကိုတောင် ဦးစားမပေးနိုင်ဘဲ လင်ပါသားသမီးနှစ်ယောက်ဖြစ်သော နေထူးထိုက်နှင့်သီရိထိုက်ကိုပိုပြီးဦးစားပေးနေရသည်။တစ်ခုခုဆိုလျှင် သားလေနေသစ်ညီသည် နောက်ဆုံးမှနေရာရသူဖြစ်သည်။သူမဘဝ ယခုလိုဖြစ်နေရသော်လည်း သားလေးနေသစ်ညီကိုမူ သူမလိုမသိမ်ငယ်စေချင်။အစ်ကိုအစ်မများ၏ နိုင်စားခံရသောဘဝမျိုးမဖြစ်စေချင်မှာ အမှန်။သည်အတွက်ကြောင့်လည်း အကြီးနှစ်ယောက်ကို သူမပစားပေးနေခဲ့ပြီး သားငယ်လေးကို သူ့ဘွားအေကြီး၏ အချစ်တော်ဖြစ်အောင် ခင်သစ္စာအစွမ်းကုန်ကြိုးပမ်းဖို့သာဆုံးဖြတ်ထားခဲ့သည်။ဆုံးဖြတ်ထားသလိုလည်းဖြစ်အောင်ကြိုးစားဖို့ သားငယ်လေးကိုပါ တိတ်တဆိတ်ပုံစံသွင်းထားလိုက်သည်။သူမတို့သားအမိသည် ထိုက်မိသားစု၏ အငယ်အနှောင်းသားအမိမဟုတ်။ခင်သစ္စာသည် ဒေါ်ရတနာထိုက်၏ တရားဝင်ချွေးမဖြစ်ပြီး နေထိုက်၏တရားဝင်ဇနီးမယားဖြစ်သလို နေသစ်ညီသည်လည်း ဒေါ်ရတနာထိုက်၏မြေအရင်းဖြစ်ပြီး နေထိုက်၏သားအရင်းဖြစ်သည်ကို လူတိုင်းအသိအမှတ်ပြုစေရမည်။ဒါသည် ခင်သစ္စာအလိုချင်ဆုံးဆန္ဒဖြစ်သည်။

=============================

အပိုင်း(၃)ဆက်ရန်

A kyi phyu
#ဧကြည်ဖြူ
၃.၆.၂၀၂၄
(တနင်္လာနေ့)

" မင်္ဂလာပါ "

စာချစ်သူများရှင်

#မာယာမိုးတိမ်
(အခန်းဆက်ဝတ္ထု) ကိုစာဖတ်ခ 1000 Ksပေးသွင်းပြီး နေ့စဉ်ဖတ်ရှုနိုင်ပါတယ်။

စာဖတ်ခ 1000Ks ပေးသွင်းဖို့ရန်အခြေအနေအခက်အခဲရှိပါကလဲ Free ဖတ်ရှုလို့ရပါတယ်ရှင်
စ/ဆုံး ဖတ်ရှုပြီးမှလဲ စာဖတ်ခကိုပေးသွင်းလို့လဲရပါတယ်ရှင် ....

စာဖတ်သူများကို မေတ္တာရပ်ခံချင်တာက စာဖတ်ခ 1000 Ks ပေးသွင်းနိုင်သူများအနေဖြင့်စာဖတ်ခပေးသွင်းပေးပါရန်နှင့်
အခန်းဆက်ဝတ္ထုမှာလဲရေးသားထားပြီးသော ဝတ္ထုမဟုတ်ပါဘူးရှင် ..
နေ့စဉ်ရေးသားပြီးတစ်ပိုင်းစီတင်ပေးသွားမှာဖြစ်ပါတယ်...
စာဖတ်ခကို KPay (or) Wave နဲ့ ပေးသွင်းလို့ရပါတယ်

A Kyi phyu မှာ Paid group မရှိပါဘူးနော်
ငွေအများကြီးပေးလဲ စ/ဆုံး ပေးဖတ်စရာမရှိပါဘူးရှင်
တစ်နေ့တစ်ပိုင်းပဲ ရေးပြီး
ရေးပြီးတာနဲ့တင်တာပါ

စာဖတ်ခ 1000 ကျပ်ကိုလဲ စ/ဆုံး ဖတ်ပြီးမှ ဇာတ်လမ်းကြိုက်မှလဲ ချီးမြှင့်လို့ရပါတယ်

ငွေပို့ထားတဲ့ ss ပြပြီး စ/ဆုံး Link လာတောင်းရင် A Kyi မျက်နှာပူလို့ပါရှင်

ပေးသွင်းရမည့် အကောင့်များမှာ
KPay
09773745413
Lai Lai Win

Wave
09773745413
Lae Lae Win ဖြစ်ပါတယ်

အားလုံးကိုကျေးဇူးအထူးတင်ပါတယ်ရှင်

#AKyiPhyu
#ဧကြည်ဖြူ

အပိုင်း ( ၁)

https://www.facebook.com/100067151540690/posts/764909259090785/

စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
အပိုင်း(၃)
akyiphyu
*a*ky*iphy*u****

" မိန်းကလေးက မဆိုးပါဘူး ..အချောလေးပဲ ..မိဘမျိုးရိုးကရောကောင်းရဲ့လား ..သားတို့ဆိုင်မှာ ... စာရင်းကိုင်လုပ်နေတာဆိုတော့ ပညာရေးကတော့မနိမ့်ဘူးထင်တယ် "

" ဟုတ်ကဲ့ ..စာရင်းအင်းကျွမ်းကျင်သလို ...မျိုးရိုးကလည်း ပညာတတ်မျိုးရိုးပါပဲ ..မိန်းကလေးရဲ့ဖခင်ကလည်းဝန်ထမ်းတစ်ယောက်ပါ......မိခင်ဖြစ်သူကတော့ အထည်ဆိုင်ဖွင့်ထားပါတယ် ..မောင်နှမလည်းသိပ်မများပါဘူး..မောင်နှမနှစ်ယောက်မှာ အငယ်ပါ ..အချမ်းသာကြီးမဟုတ်ကြပေမဲ့ ...ရိုးရိုးကုပ်ကုပ်နဲ့သိုသိပ်သိပ်နေတတ်ကြတဲ့မိသားစုပါ မေမေကြီး "

" အင်း...တို့အတွက်တော့ ငွေကြေးထက်မျိုးရိုးဂုဏ်က အရေးကြီးတာဆိုတော့ ...မချမ်းသာတာပြဿနာမဟုတ်ပါဘူး..ဒါနဲ့နာမည်ကရောဘယ်သူတဲ့လဲ ...မင်းတို့သူဌေးလေးနဲ့ကရော..ဘယ်အနေအထားရောက်နေပြီလဲ "

" ဟုတ်ကဲ့ ..နာမည်ကနှင်းရည်သက်တဲ့မေမေကြီး ..အစ်ကိုလေးနဲ့တော့ တခြားသူတွေထက်ပိုပြီးရင်းနှီးပါတယ် ....ကျွန်တော်တင်ပြထားခဲ့သလိုပါပဲ ... သူဌေးကတော်ဆုံးပြီးကတည်းက ...စိတ်ဓါတ်ကျနေတဲ့သူဌေးလေးကို... သူကပဲနှစ်သိမ့်ကူညီပေးခဲ့တာပါ ..ပြီးတော့ သမီးလေးလရိပ်နွေးနဲ့လဲအဆင်ပြေပါတယ်...အခုဆိုရင် သူဌေးလေးရဲ့အတွင်းရေးမှူးတစ်ယောက်လိုတောင်ဖြစ်နေပါပြီ ..ပြီးတော့...လရိပ်လေးအပေါ်မှာလည်း...မိခင်တစ်ယောက်လိုပုံစံမျိုးနဲ့စောင့်ရှောက်ပေးတာကိုတွေ့ရပါတယ်မေမေကြီး "

အတွင်းရေးမှူးဖြစ်သူ၏ သတင်းစကားများကြောင့် ဒေါ်ငွေစင်ထွန်းပြုံးလိုက်သည်။

" အင်း..သားကြီးလည်းသူ့ဇနီးဆုံးသွားတာနှစ်နှစ်ကျော်ပြီပဲလေ...ပြီးတော့ နောက်အိမ်ထောင်ပြုမယ်ဆိုရင်လည်း.... ကလေးမသိတတ်သေးခင်မှာပြုတာက ...ပိုကောင်းတယ်မဟုတ်လား ...မင်းတို့သူဌေးလေးနဲ့တော့ စကားသေချာပြောရတော့မယ်ထင်တယ်..တွေ့ဖို့ချိန်းပေးပါအုံး "

" ဟုတ်ကဲ့ပါ မေမေကြီး "

ဒေါ်ငွေစင်ထွန်း၏ စကားကိုအတွင်းရေးးမှူးဖြစ်သူ ကိုမြင့်ခိုင်က ခေါင်းငြိမ့်ပြလိုက်လေသည်။

~akyi~ph~y~~u~~

ဖျတ်ခနဲသတိဝင်လာသည်နှင့် မိုးမြင့်ထွန်းအိပ်ရာထဲမှဆတ်ခနဲကုန်းရုန်းထလိုက်သည်။သူ့အသိဉာဏ်ထဲမှာမှတ်မိနေသည်မှာ ညတုန်းကသူအတော်လေးမူးသွားသည်။မူးမူးနှင့်ဇနီးဖြစ်သူကိုလည်းအိပ်မက်မက်ခဲ့သည်။

" အစ်ကိုနိုးလာပြီးလားဟင် "

တဆစ်ဆစ်ကိုက်ခဲနေသော ဦးခေါင်းကို လက်နှင်အသာဖိပြီး မိုးမြင့်ထွန်းအိပ်ရာထက်မှထထိုင်လိုက်စဉ်မှာပဲ ရုတ်တရက်နံဘေးမှ စကားပြောသံကြောင့် အလန့်တကြားနှင့် ငဲ့စောင်းကြည့်လိုက်မိသည်။

"ဟင်... နှင်း..နှင်းရည်သက် "

မိုးမြင့်ထွန်းတွေ့လိုက်ရဿည်မှာ သူနှင့်တစ်အိပ်ရာထဲအတူရှီနေသော သူတို့ရုံးမှစာရင်းကိုင်မလေး နှင်းရည်သက်ပင်ဖြစ်လေသည်။

" နှင်း..နှင်းရည်သက် ...မင်း..မင်းက ...ဒီကိုဘယ်လိုရောက်နေတာလဲ "

အဝတ်အစားမလှုံမခြုံနှင့် ဖြစ်နေသော နှင်းရည်သက်ကိုကြည့်ပြီး မိုးမြင့်ထွန်းတုန်လှုပ်ချောက်ချားစွားမေးလိုက်သည်။ပြီးနောက် အဝတ်အစားကင်းမဲ့နေသော သူ့ကိုယ်သူလည်း ပြန်ကြည့်လိုက်မိသည်။

မိုးမြင့်ထွန်း၏ အမေးကြောင့်နှင်းရည်းသက် ခေါင်းလေးကိုအောက်သို့ငုံ့ချလိုက်ပြီး

" ဟို ..ဟို ...နှင်းရည်အိမ်ပြန်မလို့လုပ်နေချိန်မှာ ..ဆ..ဆရာက ..လူမှားပြီးအတင်းဆွဲခေါ်ထားတာပါ ..နှင်း..နှင်းရည်လည်း ..ဆ..ဆရာ့ကိုသနားလည်းသနားသလို ,,ဟို .. နှင်းရည်ကိုယ်တိုင်ကလည်း ဆရာ့ကိုချစ်နေမိတာမို့ .. မရုန်းမိတာပါဆရာ.. နှင်းရည်တောင်းပန်ပါတယ်ဆရာ..နှင်းရည်မိုက်ခဲ့မိပါတယ်..နှင်းရည်ကို ဆရာတာဝန်မယူချင်လည်းရပါတယ်...နှင်းရည်မိုက်ပစ်နဲ့ နှင်းရည်ခံပါ့မယ် "

" တော်..တော်ပါတော့ကွာ..ဆရာတောင်းပန်ပါတယ်...ဆရာမှားခဲ့မိတာအတွက် တာ..တာဝန်ယူမှာပါ "

မိုးမြင့်ထွန်းပြောပြီးသည်နှင့် အိပ်ရာထက်မှ အမြန်ဆုံးထလိုက်ပြီး ရေချိုးခန်းထဲသို့ ဝင်ခဲ့လိုက်သည်။ရေချိုးခန်းထဲသို့ရောက်သောအခါ ရေပန်းကိုဖွင့်ချလိုက်ပြီး ယောက်ျားတန်မဲ့ငိုမိလေသည်။

" မောင့်ကို ခွင့်လွှတ်ပါနွေးရယ်...မောင်မှားသွားမိပါတယ်ကွာ....ဒါပေမဲ့ ..နွေးတောင်းဆိုခဲ့သလိုပဲ ...သမိးလေးကို တစ်သက်လုံးဂရုစိုက်ပါ့မယ်..ချစ်ပါ့မယ်ကွာ မောင်ကတိပေးပါတယ်မိန်းမရေ "

မိုးမြင့်ထွန်းမှာ ယောက်ျားရင့်မာကြီးဖြစ်သော်လည်း ရင်ထဲထိခိုက်လွန်း၍ ဆုံးပါးသွားပြီးဖြစ်သော ဇနီးသည်ကို တမ်းတပြီး တစ်ယောက်တည်း ကတိတွေပေးကာ စကားတွေတတွတ်တွတ်ပြောနေမိသည်။နှင်းရည်သက်ဆိုသော စာရင်းကိုင်မလေးက သမီးလေးလရိပ်နွေးကို ဂရုတစိုက်ရှိလွန်းတာမို့ မိုးမြင့်ထွန်းကိုယ်တိုင် မျက်နှာသာပေးပြီး အိမ်ကိုအဝင်အထွက်လုပ်ခိုင်းခဲ့မိသည်မှာ နောက်ဆုံးတော့ ဤအခြေအနေသို့်ရောက်ရှိလာခဲ့ရလေသည်။

a~k~~y~i~Ph~y~~~u~

နှင်းရည်သက်၏ဖခင်ဖြစ်သူ ဦးကောင်းမြတ်သည် မျက်နှာထားတည်တည်နှင့်ရှိနေခဲ့သော်လည်း မိခင်ဖြစ်သူဒေါ်သက်သက်မာတစ်ယောက်မှာမူ အပျော်မျက်နှာကို မနည်းပင်ဖုံးဖိထားရလေသည်။ဒေါ်ငွေစင်ထွန်းလို သူဌေးမနှင့် ခမည်းခမက်တော်ရမည်ကို မည်သူက သလောမကျဘဲနေမည်နည်း။သမက်ဖြစ်သူမိုးမြင့်ထွန်းသည်လည်း ကလေးတစ်ယောက်အဖမုဆိုးဖိုဆိုသော်လည်း ရုပ်ရည်အားဖြင့်မဆိုးလှသလို အသက်အရွယ်သည်လည်း

သုံးဆယ်ကျော်ကျော်သာရှီသေးသည်။သူ့ကိုယ်ပိုင်လုပ်ငန်းများသည်လည်းသုံးလေးခုမကရှိသေးသည်။လက်ရှိသမီးဖြစ်သူ နှင်းရည်သက်အလုပ်ဝင်လုပ်နေသော ပရိဘောကဆိုင်ကြီးသည်ပင်လျှင် အလုပ်သမားအယောက်နှစ်ဆယ်ကျော်ရှိသည်။တခြားလုပ်ငန်းများလည်းရှိသေးသည်။ဒေါ်ငွေစင်ထွန်းဦးဆောင်လုပ်ကိုင်နေသည့် ဆောက်လုပ်ရေးလုပ်ငန်းသည်လည်း ဆောက်လုပ်ရေးလောကတွင် လူသိများထင်ရှားလှသည်။ပြီးလျှင် အမေနှင့်သားကလည်းကိုယ်ပိုင်ခြံနှင့်တိုက်နှင့်ကားနှင့် သီးသန့်ခွဲနေကြသူများဖြစ်သည်။ကလေးကလည်း သူ့အထိန်းတော်နှင့်သူရှိပြီးသား။ကလေးအတွက်လည်း နှင်းရည်သက်အဖို့ ဘာမှကရိကထလုပ်ပေးနေစရာမလို။ဤမျှပြည့်စုံလှသောဘဝမျိုးကို သမီးဖြစ်သူရမည်ဖြစ်၍ ဒေါ်သက်သက်မာကျေနပ်နေမိသည်မှာမဆန်းလှထင်။နှင်ရည်းသက်သည်လည်းကံအကျေိုူးပေးကောင်းလွန်းသည်လားမသိ။သူမကိုယ်တိုင်မှာ ဘွဲ့လေးတစ်ခုရပြီး စာရင်းကိုင်သင်တန်းအောင်လက်မှတ်မှလွဲ၍ မယ်မယ်ရရပြစရာအရည်အချင်းလည်းမရှိ။သို့သော်လည်း နှင်းရည်သက်၏ ဖခင်ကြီးသည် သူ၏ရုံးဌာနတွင်ဂုဏ်သတင်းကြီးသည်။ဒေါ်သက်သက်မာသည်လည် သမိးကိုအလိုလိုက်လွန်းသည်မှလွဲ၍ နေတတ်စားတတ်သည်။သို့အတွက်ကြောင့်လည်း မျိုးရိုးကောင်းသော ချွေးမမျိုးကိုလိုချင်နေသော မိုးမြင့်ထွန်၏ မိခင်ကြီးဒေါ်ငွေစင်ထွန်းက နှင်းရည်သက်ကိုချွေးမအဖြစ်လိုလိုလားလားလက်ခံခဲ့သည်။မိုးမြင့်ထွန်းတစ်ယောက်မှာတော့ သူ့အမှားအတွက် အရာရာကိုခေါင်းငြိမ့်သဘောတူလိုက်ရသည်။အကြောင်းအရင်းကို ဆန်းစစ်ကြည့်လိုက်သောအခါ သူကိုယ်တိုင်ကလည်း သူ့ကိုလိုက်ကပ်နေသောနှင်းရည်သက်ကို ပြတ်ပြတ်သားသားမငြင်းဆန်ခဲ့မိသည့်အမှားများကြောင့် မိုးမြင့်ထွန်းနှင့်နှင်းရည်သက်တို့ တူနှစ်ဖြာရွှေဂဟေဆက်ပါလို့် အဖြစ်သို့ရောက်ခဲ့ကြရလေတော့သည်။

a~k~y~ip~h~~y~u~~~~

" ဘယ်လိုလဲ မျိုးမင်း..နှင်းရည်တို့ဘယ်ကိုပြောင်းသွားလဲဆိုတာကို... မင်းစုံစမ်းလို့ရပြီးလား "

သူငယ်ချင်းဖြစ်သူ၏အမေးကို မျိုးမင်းအောင်တစ်ယောက်စိတ်ပျက်လက်ပျက်နှင့်ခေါင်းယမ်းပြလိုက်သည်။

" မတွေ့ပါဘူးကွာ...ဘယ်ကိုများပြောင်းသွားကြလဲမသိတော့ဘူး ...ငါလဲလိုက်စုံစမ်းနေတာနှံ့နေပြီ ...စစ်ကိုင်း...မန္တလေးနှံ့နေရာပဲ '

မျိုးမင်းအောင်၏ စိတ်ပျက်အားလျော့သော ပုံစံကိုကြည့်ပြီး သူငယ်ချင်းဖြစ်သူကသက်ပြင်းမောကိုချလိုက်သည်။

' အေ...လေးနှစ်တောင်ကျော်နေပြီလေကွာ..မင်းဘာလို့်ရှာနေတာလဲသူငယ်ချင်းရာ....ဒီကိစ္စနဲပတ်သက်ပြီး... ငါသိလာတာတစ်ခုရှိလို့ ..မင်းကိုလာပြောပြတာ သူငယ်ချင်း...ငါရန်ကုန်သွားတော့... နှင်းရည်သက်ကို တွေ့ခဲ့တယ် ..မင်းစိတ်မကောင်းတော့ မဖြစ်နဲ့သူငယ်ချင်း "

" ဘာ..ဘာများဖြစ်လို့လဲကွာ..နှင်းဘာများဖြစ်လို့်လဲ "

မျိုးမင်းအောင်က စိုးရိမ်တကြီးနှင့်မေးလိုက်သည်။

" ဘာမှမဖြစ်ဘူးဟေ့ကောင် မင်းစိုးရိမ်မနေနဲ့...နှင်းရည်သက် ရန်ကုန်မှာအိမ်ထောင်ကျနေပြီကွ "

" ဘာ..ဘာပြောတယ်..နှင်းအိမ်ထောင်ကျသွားပြီဟုတ်လား ...သေချာလို့လားကွာ..သတင်းမှာတွေကြားပြီးပြောနေတာလား ...နှင်းပြောတာတော့ ...သူ့အိမ်ကငါတို့ကိုသဘောမတူလို့ စောင့်နေပါလို့မှာသွားခဲ့တာကွ "

" သွားစမ်းပါကွာ ...မင်းကိုတားလို့မရလို့သာ ...ငါတို့ဒီတိုင်းကြည့်နေခဲ့ကြတာ.....နှင်းရည်သက်က မိန်းမလည်မကွ....မင်းနဲ့တွဲနေရင်းက တခြားကောင်တွေလဲမလွတ်ချင်ဘူး..ဒါတွေထားလိုက်ပါကွာ..ငါနဲငါ့သူဌေးရန်ကုန်သွားတာ မင်းသိတယ်မဟုတ်လား ...သူဌေးကဆောက်လုပ်ရေးလုပ်ငန်းအတွက်သွားတာကွ..ငွေစင်ထွန်းဆောက်လုပ်ရေးရုံးကိုသွားခဲ့ကြတာ....အဲဒီမှာနှင်းရည်သက်ကိုတွေ့ခဲ့တာ...သူကတော့ငါ့ကိုမတွေ့ပါဘူး...သူကပိုင်ရှင်ရဲ့သားနဲ့လက်ထပ်ထားတာတဲ့လေ ...ဟိုကောင်က ...ကလေးတစ်ယောက်အဖေမုဆိုးဖိုကွ...ငါတို့ထက်အသက်လည်းကြီးတယ်...မုဆိုးဖိုဆိုပေမဲ့ရေတော့လျှံတယ်လေကွာ..နှင်းရည်သက်အကြိုက်ပဲဟာ....သူကမင်းနဲ့ချစ်သူဖြစ်နေကတည်းက ... ပိုက်ဆံရှိတဲ့ကောင်တွေဆိုရင် အသေကပ်တာကွ..မင်းစိတ်မဆိုးနဲ့ကွာ..မင်းကိုတော့ ရုပ်ရည်ကြောင့်ကပ်ခဲ့တာဖြစ်မယ်...ဒီလိုမိန်းမမျိုး သူ့လမ်းသူရွေးချယ်သွားတာ ဝမ်းနည်းစရာမလိုဘူး.."

" တော်..တော်ပါတော့ကွာ...သူအိမ်ထောင်ကျသွားပြီး တစ်နေရာရာမှာ အဆင်ပြေပြေရှိနေတယ်ဆိုရင် ..ငါလဲသူ့ကိုရှာစရာမလိုတော့ပါဘူး..နှုတ်ဆက်စာတစ်စောင်နဲ့ ...ရုတ်တရက်ကြီးပျောက်သွားခဲ့တဲ့ သူ့ကို ..ငါ့စိတ်ထဲတစ်မျိုးထင်နေမိလို့ လိုက်ရှာနေမိတာပါ..,သူ့ဘဝနဲ့သူဖြစ်နေပြီးဆိုရင် ...ငါနဲ့ဘာမှမဆိုင်တော့ပါဘူး....ငါလိုလူကို သူလက်မထပ်ရဲတာကိုလည်း .... အပြစ်မပြောပါဘူးကွာ "

မျိုးမင်းအောင်နာကျင်စွာပြောလိုက်ရင်း သူတို့၏အိမ်လေးကို လှမ်းကြည့်လိုက်မိသည်။သူတို့အိမ်လေးသည် လက်သမားဆရာကြီးနေသောအိမ်လေးပီပီ သစ်တိုသစ်စများ။ပရိဘောဂအဟောင်းများနှင့်ပြည့်နေသည်။သူထိုင်နေသောခုံတန်းလျားနောက်ရှိ သစ်ပင်တွင်လည်း ပရိဘောဂအဟောင်းများပြုပြင်ပေးသည်။အော်ဒါလက်ခံသည်ဆိုသော စာတန်းလေးကို ချိတ်ဆွဲထားလေသည်။သူနှင့်ချစ်သူနှင်းရည်သက်၏ ဘဝသည် မိုးနှင့်မြေလိုမကွာခြားသော်လည်း နှင်းရည်သက်လိုချင်သောဘဝမျိုးကို မျိုးမင်းအောင်မပေးနိုင်သည်မှာအမှန်ပင်ဖြစ်ပါလေသည်။သည့်အတွက်ကြောင့်လည်း ချစ်သူနှင်းရည်သက်ကို မျိုးမင်းအောင်ခွင့်လွှတ်ပေးနိုင်ပါသည်။

~~aky~i~~p~h~yu~

( ၂၈ ) နှစ်ကြာပြီးနောက်
...........................................

" ဧည့်သည်ရောက်နေတယ်ဆရာ "

မန်နေဂျာကိုသက်၏စကားကြောင့် နေသစ်ညီအနည်းငယ် ရင်တုန်သွားမိသည်။လုပ်ငန်းကိစ္စနှင့်လာသောဧည့်သည်ဆိုလျှင် ကိုသက်မျက်နှာကသူ့ထက်တောင်တည်ကြည်ပြီးလေးနက်နေတတ်သေးတာလေ။ယခုမူ ကိုသက်၏မျက်နှာသည် မချိုမချဉ်လိုလို ပြောင်စပ်စပ်လိုလိုမျက်နှာပေးမျိုးနှင့်။ကိုသက်မျက်နှာပေးကို အကဲခတ်ကြည့်လိုက်ပြီး တစ်ခုခုတော့တစ်ခုခုပဲဆိုသည်ကို နေသစ်ညီသိလိုက်သည်။

" ဧည့်သည်ဆိုလဲ ဝင်ခိုင်းလိုက်လေကွာ ."

" ဟုတ်ကဲ့ဆရာ ...ဒါဆိုဝင်ခိုင်းလိုက်မယ်နော် "

အတွန့်တက်ပြီးထပ်ပြောသောကိုသက်ကို နေသစ်ညီဘာမှပြန်မပြောဘဲနေလိုက်သည်။ကိုသက်အပြင်သို့ ထွက်သွားပြီးသည်နှင့်အခန်းတံခါးမှာ ချက်ချင်းပြန်ပွင့်လာပြီး အခန်းထဲသို့လူတစ်ယောက်ဝင်လာခဲ့လေသည်။ဝင်လာသူကိုကြည့်ပြီး နေသစ်ညီစိတ်အပျက်ကြီးပျက်သွားမိသလို ကိုသက်ကိုလည်း လက်သီးနှင့်ပြေးထိုးချင်စိတ်ပေါက်သွားရလေသည်။

" မောင်နေသစ်နေကောင်းတယ်နော်....မတွေ့တာကြာလို့်ထင်တယ်..မောင်နေသစ်ကပိုချောပိုခန့်လာပါလားကွယ် ..အသက်ကြီးလာလေလေ ...ပိုပြီးကြည့်ကောင်းလာလေလေဆိုတာ မောင်နေသစ်ကိုပြောတာထင်ပါရဲ့ကွယ်..ဟင်း...ဟင်း "

ရယ်သံကြီးကြားရသည်ကိုက ကြက်သီးထစရာကြီးလို့ နေသစ်ညီတွေးလိုက်မိသည်။သို့သော်လည်း သူတို့မိသားစုတစ်စုလုံးကြောက်ရသော အဘွားဖြစ်သူဒေါ်ရတနာထိုက်၏ မိတ်ဆွေရင်းကြီးဖြစ်နေသော ဤအမျိုးသမီးကြီးကို နေသစ်ညီအောက်အည်းသည်းခံပြီး ဧည်ခံစကားပြောရုံမှလွဲ၍ မတတ်နိုင်ချေ။

" ဟို ...ဘာကိစ္စများရှိလို့လဲအန်တီ "

" ဟင်း..ဟင်း ..ကိစ္စတော့ထွေထွေထူးထူးမရှိပါဘူးကွယ်.....မမကြီးက မောင်နေသစ်ဆီလူကြုံပါးခိုင်းလိုက်လို့ပါကွယ် ..ဒီမှာ ကြည့်ပါအုံး "

အကြောင်းအရင်းကို ကြိုတင်သဘောပေါက်ပြီးသာဖြစ်သော်လည်း နေသစ်ညီအပိုစကားများမပြောချင်သောကြောင့် မင်္ဂလာပွဲစားအန်တီကြီးပေးသော ဓါတ်ပုံများကိုယူကြည့်လိုက်သည်။
ဓါတ်ပုံထဲတွင် မြင်လိုက်ရသောမိန်ကလေးမှာ ဆံပင်ရှည်ရှည်နှင့်ချောမောလှပသောရုပ်ရည်သွင်ပြင်ဟန်ရှိသည်။ပွဲစားအမျိုးသမိးကြိးက အရည်အချင်းတော့မဆိုးလှဟုပဲပြောရလေမလားမသိ။နေသစ်ညီ ဘယ်လောက်ပဲငြင်းငြင်းမိန်းမချောမိန်မလှလေးများကို ဘယ်ကဘယ်လို ရှာတွေ့သည်မသိ။ယူလာသမျှပုံများသည်လည်း မင်းသမီးများထက်ပင်ချောမောလှပကြသေးသည်။သူလုပ်ပုံက နေသစ်ညီအတွက်စိတ်အနှောက်အယှက်ဖြစ်စရာဆိုသော်လည်း သူ့လုပ်ငန်းနယ်ပယ်မှာတော့ အမျိုးသမီးကြီးသည် ကျွမ်းကျင်အဆင့်ဖြစ်ပုံရလေသည်။

" နာမည်က ငွေနှင်းစက်တဲ့ ...အသက်က(၂၇) ...ငွေစင်ထွန်းဆောက်လုပ်ရေးလုပ်ငန်းရဲ့သမီးအငယ်လေ "

" ဗျာ..ငွေစင်ထွန်းဆောက်လုပ်ရေးက ဟုတ်လား "

သည်တစ်ခါတော့ နေသစ်ညီအံ့ဩကာမျက်လုံးပြုးသွားရသည်။အံ့ဩတကြီးနှင့် ဓါတ်ပုံကိုပြန်ကြည့်လိုက်မိသည်။သည်အခါမှ ဓါတ်ပုံထဲမှ မိန်ကလေးသည်နှုတ်ခမ်းများကိုတင်းတင်းစေ့လျက်မှ သူ့ကိုစေ့စေ့ကြည့်နေသကဲ့သို့ ခံစားလိုက်ရလေသည်။သူမသည် ဆောက်လုပ်ရေးလောကတွင် မာနမင်းသမီးလေး မဟုတ်ပါလား။ထိုကဲ့သို့နာမည်ကြီးနေသော မာနမင်းသမီးလေးသည် ဘယ်အတွက်ကြောင့် သူ့နှင့်ပတ်သက်ဖို့ဖြစ်လာရပါသနည်း။

" ချောသားပဲ.....ဒါပေမဲ့ ..အသက်ကငယ်တယ်နော်....ကျွန်တော်က ( ၃၂ )နှစ်လေ "

" အမယ်လေး ..မောင်နေသစ်ရယ် .....(၃၂)နဲ့ (၂၇)လေ ..ဘယ်လောက်များကွာလို့လဲကွယ်.....ဒီခေတ်ကြီးထဲမှာ ..အသက်နှစ်ဆယ်လောက်ကွာတဲ့သူတွေတောင် ယူနေကြတာပါကွယ် "

" ဪ..ဟုတ်ကဲ့ပါအန်တီ ..ဒါနဲ့ ..ဒီနေ့တော့ ဒီတစ်ယောက်ပုံပဲမဟုတ်လား "

" ဟုတ်တယ်ကွဲ့..မောင်နေသစ်ဘယ်လိုသဘောရလဲ ပြောပါအုံး ...နှစ်ယောက်အေးအေးဆေးဆေးတွေ့ချင်တယ်ဆိုရင် ..အန်တီစီစဉ်ပေးမယ်လေ "

" ဗျာ ..ဟို...နေ..နေပါအုံးအန်တီ..ကျွန်တော်အကြောင်းပြန်ပေးပါ့မယ်ခင်ဗျာ ...အဘွားကိုပြောပြလိုက်ပါမယ်နော် ..."

" ကောင်းပါပြီကွယ်..မမကြီးက..သူ့မြေးအသက်ကြီးလာပြီဆိုပြီး .... လောနေတာနဲ့အန်တီကလဲ လူကောင်းလေးလွှတ်သွားမှာစိုးလို့်ပါကွယ်....ငွေစင်ထွန်းဆောက်လုပ်ရေးကိုတော့ မောင်နေသစ်တို့ကပိုသိမှာပေါ့....အရင်ကတော့ သူဌေးမကြိးဒေါ်ငွေစင်ထွန်းကဦးဆောင်လုပ်တာလေ..ဒီနှစ်တွေထဲမှာ သူ့မြေးမလေးက လုပ်ငန်းခွင်ထဲရောက်လာပြီး နာမည်ကြီးနေတာလေ..ကောင်မလေးကရုပ်လေးကလည်းချော..တော်ကလည်းတော်တယ်လေကွယ် "

" ဟုတ်..ဟုတ်ကဲ့ပါအန်တီ ..ကျွန်တော်သိပါတယ်....လူကိုပဲမမြင်ဖူးသေးတာပါ ..သူ့သတင်းတွေတော့ကြားပါတယ်.....အကြောင်းပြန်လိုက်ပါမယ်အန်တီ "

" အေးပါကွယ်..ဒါတိုလဲ အန်တိပြန်တော့မယ်နော် ...ချိန်းပေးရမယ်ဆိုရင်.....ဖုန်းဆက်လိုက်နော် မောင်နေသစ်ညီ "

" ဟုတ်ကဲ့ပါအန်တီ "

ပြန်ဖို့အေရေးကို မပြန်နိုင်ဘဲ မှာကြားလို့်မဆုံးဖြစ်နေသောကြောင့် နေသစ်ညီ၏သဘောကျချင်ချင်ဖြစ်နေသောစိတ်လေသည်ပင် ‌ပျက်ချင်ချင်ဖြစ်သွားရလေသည်။ပွဲစားအမျိုးသမီးကြီးပြန်ထွက်သွားသည်နှင့် ကိုသက်တစ်ယောက်ပြုံးစိစိနှင့်မျက်နှာနှင့် အခန်းထဲသို့ပြန်ဝင်လာခဲ့သည်။

" ကိုသက်ရာ ..မင်းကွာမြားနတ်မောင်လာတာဆိုလည်း....အရိပ်အခြည်လေးတော့ပြမှပေါ့ကွ ...သူ့မှာလဲ လူတွေမကုန်နိုင်ဘူးကွာ..တကယ်ပါကွာ ..မော်ဒယ်အေဂျင်စီတွေတောင်..သူ့လောက်လူများမှာမဟုတ်ဘူး "

" တူ...တူ "

ကိုသက်ကို ပြောနေစဉ်မှာပဲ နေသစ်ညီ၏ လက်ကိုင်ဖုန်းကထမြည်လာသောကြောင့် နေသစ်ညီစိတ်ညစ်ညူးစွာနှင့်ဖုန်းကိုကောက်ကိုင်လိုက်ရသည်။

=============================

အပိုင်း(၄)ဆက်ရန်

A kyi phyu
#ဧကြည်ဖြူ
၃.၆.၂၀၂၄
(တနင်္လာနေ့)

" မင်္ဂလာပါ "

စာချစ်သူများရှင်

#မာယာမိုးတိမ်
(အခန်းဆက်ဝတ္ထု) ကိုစာဖတ်ခ 1000 Ksပေးသွင်းပြီး နေ့စဉ်ဖတ်ရှုနိုင်ပါတယ်။

စာဖတ်ခ 1000Ks ပေးသွင်းဖို့ရန်အခြေအနေအခက်အခဲရှိပါကလဲ Free ဖတ်ရှုလို့ရပါတယ်ရှင်
စ/ဆုံး ဖတ်ရှုပြီးမှလဲ စာဖတ်ခကိုပေးသွင်းလို့လဲရပါတယ်ရှင် ....

စာဖတ်သူများကို မေတ္တာရပ်ခံချင်တာက စာဖတ်ခ 1000 Ks ပေးသွင်းနိုင်သူများအနေဖြင့်စာဖတ်ခပေးသွင်းပေးပါရန်နှင့်
အခန်းဆက်ဝတ္ထုမှာလဲရေးသားထားပြီးသော ဝတ္ထုမဟုတ်ပါဘူးရှင် ..
နေ့စဉ်ရေးသားပြီးတစ်ပိုင်းစီတင်ပေးသွားမှာဖြစ်ပါတယ်...
စာဖတ်ခကို KPay (or) Wave နဲ့ ပေးသွင်းလို့ရပါတယ်

A Kyi phyu မှာ Paid group မရှိပါဘူးနော်
ငွေအများကြီးပေးလဲ စ/ဆုံး ပေးဖတ်စရာမရှိပါဘူးရှင်
တစ်နေ့တစ်ပိုင်းပဲ ရေးပြီး
ရေးပြီးတာနဲ့တင်တာပါ

စာဖတ်ခ 1000 ကျပ်ကိုလဲ စ/ဆုံး ဖတ်ပြီးမှ ဇာတ်လမ်းကြိုက်မှလဲ ချီးမြှင့်လို့ရပါတယ်

ငွေပို့ထားတဲ့ ss ပြပြီး စ/ဆုံး Link လာတောင်းရင် A Kyi မျက်နှာပူလို့ပါရှင်

ပေးသွင်းရမည့် အကောင့်များမှာ
KPay
09773745413
Lai Lai Win

Wave
09773745413
Lae Lae Win ဖြစ်ပါတယ်

အားလုံးကိုကျေးဇူးအထူးတင်ပါတယ်ရှင်

#AKyiPhyu
#ဧကြည်ဖြူ

အပိုင်း ( ၁)

https://www.facebook.com/100067151540690/posts/764909259090785/

(၂)

https://www.facebook.com/100067151540690/posts/765419929039718

စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
အပိုင်း(၄)
akyiphyu
*a*ky*iphy*u***

" ဟယ်လို အဘွား "

" အေး..ဘယ်လိုလဲနေသစ်....ကောင်မလေးကိုသဘောကျလား ....မိန်ကလေးတွေဘက်က မင်းလိုချင်တဲ့ပုံစံမျိုးပဲလေ ...အချမ်းသာကြီးလည်းမဟုတ်ဘူး..ရုပ်လေးလည်းချောတယ်.."

" ဟိုလေ အဘွား..ဒီလထဲမှာ လုပ်ငန်းသစ်လေးတစ်ခုလုပ်စရာရှိ "

နေသစ်ညီဆုံးအောင်ပင်ပြောခွင့်မရလိုက် ဖုန်းထဲမှ အဘွားဖြစ်သူ၏အော်သံထွက်ပေါ်လာခဲ့သည်

" ဟေ့ ..နေသစ်ညီတော်စမ်း ...ငါ့ကို ဘာဆင်ခြေမှမပေးနဲ့.....မနက်ဖြန်ညနေကျရင် ..အိမ်ကိုပြန်လာခဲ့ ငါစောင့်နေမယ် ..မင်းပြန်မလာရင် မင်းအမေကို အခေါ်ခိုင်းလိုက်မယ် "

" ဟာ အဘွား...မနက်ဖြန်ညနေကျရင် ..ကျွန်တော့်မှာချိန်းထားတာရှိ ...."

သည်တစ်ခါလည်း နေသစ်ညီစကားဆုံးအောင် မပြောလိုက်ရပြန်ပါ။တစ်ဖက်မှ ဖုန်းချသွားခဲ့လေပြီ။နေသစ်ညီ စိတ်မောလူမောနှင့် သက်ပြင်းရှည်ကြီးကိုချပစ်လိုက်သည်။သွေးသားဆိုသည်မှာ မခေါ်ချင်လို့်ရသည်။မတော်ချင်လို့မရဟူ၏။သို့သော်လည်း နေသစ် ညီအဖို့မူ မခေါ်ချင်လို့လဲမရပါလေ။

a~k~y~i~P~~hy~~~u~

" လက်ထပ်ဖို့ကိစ္စက မဖြစ်နိုင်တော့ဘူးလရိပ် ..တို့တွေလမ်းခွဲကြရအောင် "

ချစ်သူဆီမှ မမျှော်လင့်ထားသောစကားကို ကြားလိုက်ရသောကြောင့် လရိပ်နွေးကြက်သေသေကာ ချစ်သူကိုငေးကြောင်ကြည့်နေမိသည်။

" ကိုယ်ပြောတာကို ကြားလားလရိပ် "

ဒုတိယအကြိမ်မြောက်စကားသံထပ်ထွက်လာသောအခါမှ လရိပ်နွေးသတိဝင်လာမိပြီး တုန်တုန်လှုပ်လှုပ်နှင့်ထိုင်နေရာမှထလိုက်မိလေသည်။

" ဒါ..ဒါက..ဘာသေဘောလဲမောင် ...လရိပ်တို့နှစ်ယောက်လက်ထပ်ကြဖို့ကို... လူကြီးတွေကိုလည်း... အသိပေးပြီးသွားပြီလေ ..ဘာ..ဘာဖြစ်လို့လဲဟင် ...ဘာအဆင်မပြေလို့်လဲ ..ပိုက်ဆံလား "

လရိပ်နွေးတုန်တုန်ယင်ယင်ထစ်ထစ်ငေါ့ငေါ့နှင့်ပြန်မေးလိုက်မိသည်။

" ပိုက်ဆံဟုတ်လားလရိပ်..မင်းမသိချင်ယောင်ဆောင်နေတာလား....ဒါမှမဟုတ် ...ငါ့ကိုအရူးလို့ထင်နေတာလား "

ချစ်သူဝေဖြိုးနိုင်၏ စကားကြောင့် လရိပ်နွေးလုံးဝကို နားမလည်နိုင်ဘဲဖြစ်သွားရသည်။

" မောင်ဘာတွေပြောနေတာလဲ ...လရိပ်တော့ ဘာမှနားမလည်ဘူး..မောင့်ကိုဘာလို့... အရူးလို့ထင်ရမှာလဲ ..နားလည်အောင်ရှင်းပြပါအုံးမောင်ရယ် "

" အေးလေ..မင်းကတည့်တည့်ပြောမှသိမှာဆိုတော့လဲ ...ပြောရမှာပေါ့ ...ရော့ ..ဒီမှာကြည့်လိုက်အုံး... မင်းတို့ပုံတွေကို "

ပြောပြောဆိုဆိုနှင့်ဝေဖြိုးက သူမရှေ့သို့ဓါတ်ပုံတစ်ပုံကို ပစ်ချပေးလာသောကြောင့် လရိပ်နွေးကောက်ယူကြည့်လိုက်သည်။

" ဟင် ...ဒါ..ဒါကဘာလဲ ...ဘယ်လိုဖြစ်ပြီး မောင့်ဆီကိုရောက်နေတာလဲ "

ဓါတ်ပုံကိုကြည့်ပြီး လရိပ်နွေးအလန့်တကြားနှင့်မေးလိုက်မိသည်။

" ဘယ်လိုပုံစံနဲ့ပဲ ငါ့ဆီကိုရောက်ရောက်..အဲ့ဒါကအရေးမကြီးဘူး..ငါ့နောက်ကွယ်မှာ ...မင်းသစ္စာဖောက်နေတာက အရေးကြီးတာမဟုတ်ဘူးလား "

" မဟုတ်ဘူးနော်..မောင်အထင်လွဲနေတာ....ပုံကိုသေချာကြည့်ပါအုံး ...သူက...အမေ့ရဲ့အတွင်းရေးမှူးကိုအာကာကျော်လေ "

" သိတယ်လေ..သိလို့်မေးနေတာပေါ့....မင်းအမေရဲ့အတွင်းရေးမှူးက ..မင်းအခန်းထဲကိုရောက်နေပြီး မင်းနဲ့ဖက်နေလို့မေးတာလေကွ "

" မ..မဟုတ်ပါဘူးမောင်ရယ်..မဖက်ပါဘူး..အဲ့ဒါလရီပ်ခလုတ်တိုက်မိပြီး လဲမလိုဖြစ်သွားလို့ ...ကိုအာကာက ထိန်းပေးလိုက်တာပါ... ဘယ်သူကများအဲ့ဒါကို...ဓါတ်ပုံရိုက်သွားတာလဲမသိဘူး....ပြီးတော့ အဲ့ဒါလရိပ်အခန်းလည်းမဟုတ်ဘူးလေ....ပစ္စည်းဟောင်းတွေထားတဲ့စတိုခန်းပါ.."

"တော်ပြီး လရိပ်...စတိုခန်းပဲဖြစ်ဖြစ်..မင်းအိပ်ခန်းပဲဖြစ်ဖြစ်...မင်းတို့ဖြစ်နေတဲ့ပုံကိုလဲကြည့်ပါအုံး.....ငါ့ကိုဘာမှဆက်မရှင်းပြနဲ့.....ဆက်ပြီးလိမ်ညာနေမယ်ဆိုရင် ...နှစ်ဖက်မိဘတွေရှေ့မှာ ..အားလုံးကိုပြောလိုက်မယ်...အထူးသဖြင့် မင်းတို့အဘွားရှေ့မှာပေါ့ "

" ရှင်..ဘာ..ဘာပြောလိုက်တယ်မောင် "

"ငါတို့လမ်းခွဲလိုက်ပြီလို့်...မင်းအိမ်ကို ...မင်းပြောလိုက်တော့ ...ငါ့အိမ်ကို ငါလဲပြောလိုက်တော့မယ် "

ဝေဖြိုးကပြောပြီးသည်နှင့်နေရာမှထဖို့ရန်ပြင်လိုက်သည်။

" နေ..နေပါအုံးမောင်.... သုံးနှစ်ကျော်ချစ်သူတွေဖြစ်ခဲ့ကြတဲ့လူနှစ်ယောက် ...လမ်းခွဲကြတာမမြန်လွန်းဘူးလား ..ဒီလိုယုတ္တိမရှီတဲ့ဓါတ်ပုံလေးတစ်ပုံကြောင့် ..လမ်းခွဲတာလား ....ကိုအာကာနဲ့လရိပ်က... မေးထူးခေါ်ပြောအဆင့်ပဲရှိကြတယ်ဆိုတာ ...အရောင်းဆိုင်က လူတွေအားလုံးသိတယ် "

လရိပ်နွေးက ချစ်သူ၏လက်ကိုဆွဲထားပြီး ပြောလိုက်မိသည်။

" လွတ်စမ်းကွာ.....မေးထူးခေါ်ပြောအဆင့်လို့လဲပြောသေးတယ်.....စတိုခန်းထဲမှာ... နှစ်ယောက်သားဖက်နေကြတယ်ဆိုတော့ ဘာသဘောလဲ ..ရယ်စရာတွေသိပ်မပြောနဲ့လရိပ်...ပုံစံလေးကြည့်တော့ ဖြူဖြူစင်စင်လေးနဲ့ မထင်ရဘူနော် ...မာယာတွေများလိုက်တာကွာ....အသိစောသွားလို့ ကံကောင်းသွားတာပေါ့ ..မိန်းမလည်မ...လှေနံနှစ်ဖက်နင်းချင်တဲ့မိန်းမ "

ဝေဖြိုးသည် ဒေါသတကြီးကျိန်ဆဲပြောဆိုပြီးသည့်နောက် နေရာမှချာခနဲကျောခိုင်းထွက်သွားခဲ့သည်။လရိပ်နွေးမှာ ရှက်လွန်း၍ နေရာမှာအရုပ်ကြိုးပြတ်ထိုက်ချလိုက်မိသည်။ပြီးလျှင်လက်ထဲမှ ဓါတ်ပုံကိုကြောင်ငေးငေးနှင့်ကြည့်နေမိသည်။သူမနှင့် ကိုအာကာတို့ ဓါတ်ပုံထဲကလိုဖက်ခဲ့ကြသည်မှာမှန်သည်။သို့သော်လည်း ချစ်သူများလိုဖက်ခဲ့ကြခြင်းမဟုတ်။တကယ်ပင် သူမချော်လဲသွား၍ ကိုအာကာမှလှမ်းပြီးထိန်းလိုက်ခြင်းသာဖြစ်သည်။သည်အဖြစ်အပျက်သည် မနေ့တစ်နေ့ကမှ ဖြစ်ပျက်ခဲ့တာကြောင့် လရိပ်နွေးသေသေချာချာကိုမှတ်မိနေသည်။ဤမျှလေက်ရှင်းပြနေသည်ကို ဝေဖြိုးတစ်ယောက် အဘယ်အတွက်ကြောင့် နားလည်မပေးနိုင်ဖြစ်နေသည်ကို လရိပ်နွေးပိုပြီးနားမလည်ဖြစ်နေမိသည်။ချစ်သူသက်တမ်းသုံးနှစ်ကျော်ပြီဖြစ်သော သူမတို့နှစ်ယောက်ကြားတွင် တစ်ယောက်အကြောင်းကို တစ်ယောက်သိပြီးသားဖြစ်သည်။သူမတို့နှစ်ယောက်လုပ်ငန်းချင်းမတူသည်မှလွဲ၍ တစ်ယောက်နှင့်တစ်ယောက်နားလည်ခဲ့ကြသည်။ပျော်ရွှင်ခဲ့ကြသည်။နှစ်ယောက်သား အဘွား၏ ငွေစင်ထွန်းရုံးခန်းတွင်စတင်သိကျွမ်းခင်မင်ကြသည်။ထိုစဉ်က ဝေဖြိုးနိုင်က အဘွားတို့ရုံးမှာ အလုပ်ဝင်ကစအင်ဂျင်နီယာပေါက်စလေး။လရိပ်နွေး၍ကတော့ လိုအပ်လို့်အဘွားခေါ်ခိုင်းရင် အဘွားရုံးကိုသွားရသူ။လရိပ်နွေးသည် ဆောက်လုပ်ရေးလုပ်ငန်းကိုစိတ်မဝင်စားပါ။သို့သော်လည်း လရိပ်နွေးက အဆောက်အဦးအတွင်းပိုင်း အလှဆင်ခြင်းကိုစိတ်ဝင်စားသည်။အတွင်းပိုင်းအပြင်အဆင်များအတွက် ပရိဘောဂများကို ကိုယ်တိုင်ဖန်တီးရသည်ကိုနစ်သက်သည်။ပရီဘောဂဒီဇိုင်းများကို ကိုယ်တိုင်ဖန်တီးချင်သည်။ဒါသည် သူမ၏ဝါသနာ။သူမအခန်းထဲတွင်သုံးသောပရိဘောဂဒီဇိုင်းများကို သူမကိုယ်တိုင်ပြုလုပ်ခဲ့သည်။ပြီးလျှင် သူမတွင်ပုံစံငယ်များစွာကိုလည်းပြုလုပ်ထားသည်။လရိပ်နွေး၏ အလုပ်ခန်းမှာဖခင်ကြီး၏ ပရိဘောဂဆိုင်ရှိစတိုခန်းသာဖြစ်သည်။မိသားစုတွင် လရိပ်နွေးထမ်းဆောင်ရသောတာဝန်မှာလည်း ပရိဘောဂဆိုင်ခွဲငယ်လေး၏ ပစ္စည်းအဝင်အထွက်စာရင်းကိုကိုင်ရသောတာဝန်သာဖြစ်သည်။ထို့်ကြောင့် အဘွား၏ရုံးခန်းသည် လရိပ်နှင့်မဆိုင်။သို့သော်လည်း လရိပ်သည်မိသားစု၏ လက်တိုလက်တောင်းအလုပ်များကိုလုပ်ပေးရသောသူဖြစ်သသည်။အဖေကသူ့ရုံးခန်းသိူ့ခေါ်ခိုင်းလျှင်လည်းပြေးရသည်။အမေက သူ့အရောင်းဆိုင်သို့ခေါ်ခိုင်းလျှင်လည်းပြေးရဿည်။အဘွားကခေါ်ခိုင်းလျှင်လည်း အဘွားဆီသို့ပြေးရပြန်သည်။သည်မှာတင် အင်ဂျင်နီယာာပေါက်စလေး ဝေဖြိုးနှင့်ဆုံခဲ့ရသည်။နှစ်ယောက်သားမျက်မှန်းတန်းမိရာမှ ခင်မင်သွားကြသည်။ခင်မင်မှုသက်တမ်းနှစ်နှစ်အကြာမှာသူမတို့ချစ်သူများအဖြေစ်သို့ တဆင့်တက်ခဲ့ကြသည်။ယခုဆိုလျှင် သူမတို့နှစ်ယောက်၏ ချစ်သူသက်တမ်းမှာသုံးနှစ််ကျော်။တွေ့ဆုံခဲ့ကြသည်မှာ ငါးနှစ်ကျော်။သူမ၏အသက်ပင်လျှင် သုံးဆယ့်တစ်နှစ်ပြည့်ခံ့ပြီးဖြစ်သည်။ငါးနှစ်ကျော်သက်တမ်းသည် ဓါတ်ပုံလေးတစ်ပုံနှင့် ပြတ်တောက်သွားရသည်အဖြစ်ကို လရိပ်နွေးလုံးဝကို နားမလည်နိုင်။နှစ်ဖက်မိဘများကိုပါ အသိပေးထားသော သူမတို့နှစ်ယောက်အကြောင်းကို သူမကဘယ်လိုပုံစံနှင့် ရှင်းပြရမလဲ မသိပါလေတော့။

~ak~yi~phyu~~

" လ..လရိပ် ..ဘာ..ဘာကိစ္စရှိလို့်လဲ "

အာကာကျော်တစ်ယောက် ခြံရှေ့တွင် ရပ်စောင့်နေသော လရိပ်နွေးကိုမြင်သောအခါ လန့်ဖျပ်သွားပြီး ခြေလှမ်းအစုံမှာရပ်တန့်သွားရလေသည်။အာကာကျော်က ညနေတိုင်း သူဌေးမဒေါ်နှင်းရည်သက်ကိုအိမ်အထိ ကားလိုက်မောင်းပေးရသည်။ပြိးလျှင် သူဌေးအိမ်မှ ကားငှားပြီးပြန်ရသည်။သူ့အလုပ်သည် သူဌေးမဒေါ်နှင်းရည်သက်၏ အတွင်းရေးမှူးဖြစ်သလို ကားဒရိုင်ဘာလည်းဖြစ်သည်လေ။

" တစ်ညနေလုံး လရိပ်ဖုန်းဆက်နေတာ ..ကိုအာကာကဖုန်းမကိုင်ဘူးလေ....ဒါကြောင့် ...အမေ့ကိုလိုက်ပြန်ပို့်တဲ့ အချိန်ကိုစောင့်နေရတာပါ ..."

" ဪ ..ဘာ..ဘာကိစ္စရှိလို့်လဲ လရီပ် "

" ကိစ္စကတော့ ...လရိပ်လည်းသေချာမသိတော့ပါဘူး...ဒီမှာကြည့်ပါအုံး ...ဒီပုံက ဟိုတစ်နေ့က... လရိပ်တို့်ဆိုင်ကိုလာတုန်းကမဟုတ်လား...ဒါကိုဘယ်သူဓါတ်ပုံရိုက်တာလဲ....ပြီးတော့ ဒီပုံကို ...ကိုဝေဖြိုးဆီကို ပို့လိုက်လို့လေ ..အဲ့ဒါ ကိုအာကာများသိမလားလို့ပါ "

လရိပ်၏စကားကြောင့် အာကာကျော်က ဓါတ်ပုံကိုယူကြည့်လိုက်ပြီး

" ခက်တာပဲ လရိပ်ရယ်..ဒါက လရိပ်ရဲ့ဆိုင်မှာဖြစ်ခဲ့တာပဲလေ..ဓါတ်ပုံရိုက်မယ်ဆိုရင်လဲ ....လရိပ်ဆိုင်ကဝန်ထမ်လေးတွေပဲရိုက်မှာပေါ့ ...လူတိုင်းဖုန်းကိုင်နိုင်တဲ့ခေတ်မှာ ..တရားခံသိဖို့ကတော့ မလွယ်ဘူး..နေပါအုံး..သူကဓါတ်ပုံလည်းရိုက်သေးတယ်....ပုံကိုလည်း ကိုဝေဖြိုးဆီကိုပို့လိုက်သေးတာလား .....သူ့ရည်ရွယ်ချက်ကဘာလဲ ...ကျွန်တော်အလုပ်ပြုတ်အောင်ချောက်တွန်းတာများလား ...ဒုက္ခပါပဲလရိပ်ရယ်...ကိုဝေဖြိုးကဘာပြောသေးလဲ ...ပုံကလဲကြည့်ရင် အထင်လွဲစရာဖြစ်နေတာကို ....ဒုက္ခပါပဲလရိပ်ရယ်...ဒါကလရိပ်တို့ဆိုင်ကဝန်ထမ်းတွေကို မေးရမှာလေ..တော်ကြာမေးလိုက်မှ ကြေငြာသလိုဖြစ်သွားမှာလဲ စိုးတယ်......ကျွန်တော့်ကောင်မလေးသိရင် ပြဿနာတော့တက်တောမှာပဲ...သူကနည်းနည်းလည်းစွာတော့ ...လရိပ်ကိုရန်ရှာမှာ စိုးမိတယ်ဗျာ "

" ရှင် "

" ဟုတ်တယ် လရိပ်..အဲ့ဒီလို လိုက်မေးလိုက်မှ... မဟုတ်ဘဲ အရှက်တွေကွဲနေကြပါအုံးမယ်....စိတ်ညစ်ပါတယ်ဗျာ "

အာကာကျော်ကို မေးလိုက်လျှင်တော့ အားလုံးရှင်းသွားမည်ဟုတွေးထားခဲ့မိသော လရိပ်နွေးမှာ အာကာကျော်၏ စကားများကြောင့် ပို၍စိတ်ရှုပ်ထွေးသွားရလေသည်။နားထောင်ရသလောက်တော့ ကိုယ့်ပြဿနာမရှင်းခင် သူ့ပြဿနာကိုပဲ အရင်ရှင်းပေးရမည့်ပုံ။

" ကဲပါ ထားလိုက်ပါတော့ ကိုအာကာ...ဓါတ်ပုံကြောင့် ကိုဝေဖြိုးကတော့ စိတ်ဆိုးနေတာပေါ့ ...သူစိတ်ဆိုးပြေလောက်မှပဲ သေချာရှင်းပြရမှာပေါ့ ..ဂရုစိုက်ပြန်ပါကိုအာကာ "

အာကာကျော်ကိုနှုတ်ဆက်ပြီး အိမ်ထဲသို့ပြန်ဝင်ခဲ့လိုက်သည်။စိတ်ထဲမှာတော့ မရှင်းလင်းဘဲရှုပ်ထွေးနေခဲ့သလို ပြုလုပ်သူ၏ ရည်ရွယ်ချက်ကိုလည်း မစဉ်းစားနိုင်ဘဲဖြစ်နေမိသည်။

~ak~y~i~~p~h~yu~~~~

မိသားစုထမင်းဝီုင်းသည် မိခင်ဖြစ်သူဒေါ်နှင်းရည်သက်၏ စကားသံများဖုံးလွှမ်းနေခဲ့သည်။

" ကောင်လေးက မောင်နှမသုံးယောက်မှာ အငယ်ဆုံးတဲ့အစ်ကို...လုပ်ငန်းကတော့ ကိုယ်ပိုင်လုပ်ငန်းလုပ်နေတာတဲ့..မိသားစုလုပ်ငန်းထဲဝင်မပါဘူးတဲ့လေ..,ဒါပေမံ့ မိသားစုလုပ်ငန်းကိုဦးစီးဖို့က ...အရည်အချင်းမီတဲ့သူကိုပဲ ဒေါ်ရတနာထိုက်က လွှဲပေးမှာတဲ့လေ...ထိုက်ကုမ္ပဏီနဲ့လက်တွဲနိုင်ရင်တော့ နှင်းတို့အတွက်အတော်လေးအဆင်ပြေမှာအစ်ကို "

" အင်း..ကိုယ်လည်းသိပါတယ်....ဒါပေမဲ့ လုပ်ငန်းအောင်မြင်ဖို့အတွက်တော့ ...သားသမီးကို ထိုးမကျွေးနိုင်ဘူး..ဘာပဲဖြစ်ဖြစ် သမီးငယ်လက်ခံသဘောတူမှ ရှေ့ဆက်ရအောင်ကွာ ..သမီးကရောဘယ်လိုသဘောရလဲ "

ခင်ပွန်းဖြစ်သူ၏ စကားကြောင့် ဒေါ်နှင်းရည်သက်က သမီးငယ်ဖြစ်သူကိုကြည့်ပြီး ပြုံးလိုက်သည်။

ငွေနှင်းစက်ကမူ မျက်နှာတည်လေးဖြင့်ရှိလေသည်။သို့သော်လည်း သူမရင်တွေတဒိန်းဒိန်းခုန်နေသည်ကို သူမသိနေလေသည်။

" သမီးငယ်ကိစ္စကတော့ ..သူတို့အချင်းချင်းတွေ့ကြပြီးမှ စကားဆက်ပြောကြတာပေါ့ ...ဒါနဲ့သမီးကြီးကရော ..မောင်ဝေဖြိုးနဲ့ဘယ်လိုလဲ "

ဖခင်ဖြစ်သူဦးမိုးမြင့်ထွန်းကမေးလိုက်သော်လည်း လရိပ်နွေးကမကြားပါ။လက်တွင် ဇွန်းကိုကိုင်လျက် အသိစိတ်ကင်းမဲ့သူလိုဖြစ်နေခဲ့သည်။

" လရိပ် ..အဖေမေးနေတယ်လေ သမီးကြီး "

" ရှင်..ရှင် အဖေ..ဘာမေးတာလဲအဖေ "

လရိပ်နွေးတကယ်ပင် မကြားလိုက်သောကြောင့် ဖခင်ကိုပြန်မေးလိုက်မိသည်။

" ဪ ..သမီးတို့မင်္ဂလာပွဲကိစ္စလေ..မောင်ဝေဖြိုးတို့ဘက်ကလည်း ဘာမှမပြောဘူးလား..အဖေကတော့ သမီးကြီးရဲ့မင်္ဂလာပွဲပြီးမှ.. သမီးငယ်ရဲ့မင်္ဂလာပွဲကို စီစဉ်ချင်တယ် "

" ရှင်...သမီးရဲ့မင်္ဂလာပွဲဟုတ်လား အဖေ "

လရိပ်နွေးအထိတ်တလန့်နှင့်ပြန်မေးလိုက်မိသည်။သည်နေ့မှပဲ တိုက်တိုက်ဆိုင်ဆိုင် ဖခင်ဖြစ်သူကမေးလာသည်။လရိပ်နွေးမည်သို့ ပြန်ဖြေရမှန်းမသိတော့။

" ဘာဖြစ်နေတာလဲလရိပ်...ဖြေလိုက်အုံးလေ...အမေလဲ သမီးကြီးမင်္ဂလာပွဲကို ...ဒီနှစ်မကုန်ခင်ဖြစ်စေချင်တယ်..သမီးငယ်ကိုတော့ ...စေ့စပ်ပွဲလေးပဲဖြစ်ဖြစ်လုပ်ထားပေးပြီး ..မင်္ဂလာပွဲကို နောက်နှစ်မှလုပ်ဖို့တွေးထားတယ်..မောင်ဝေဖြိုးကဘာပြောလဲ သမီး "

ဒေါ်နှင်းရည်သက်ကပါ ဝင်မေးလိုက်သည်။အားလုံး၏အမေးကို လရိပ်ဘာဖြေလို့်ဖြေရမှန်းမသိ။သည်နေ့မှာပဲ ဖြစ်ပျက်သွားခဲ့သော သူမနှင့်ချစ်သူဝေဖြိုးတို့အခြေအနေကလည်း ဘာဆက်ဖြစ်မလဲမသိတော့။ချစ်သူကခဏစိတ်ဆိုးစိတ်ကောက်သွားတာလား။ပြန်ပြေလည်ကြမည်လားလည်းမသေချာလှ။

" ဟို..ဟို..လရိပ်တို့က သေချာမဆုံးဖြတ်ရသေးဘူးအမေ....အဖေတို့တွေ လုပ်ငန်း တိုးချဲ့ဖို့လုပ်ထားတယ်ဆို..သူလဲ အဲ့ဒီတွက်ကြိုးစားနေတာထင်တယ်..သမီးတို့သိပ်ပြီးမတွေ့ဖြစ်ကြဘူးလေ "

လရိပ်နွေး၏အဖြေကြောင့် ဦးမိုးမြင်ထွန်းက သမီးဖြစ်သူကိုသေချာကြည့်လိုက်သည်။

" အင်း..အသက်တွေလည်းမငယ်ကြတော့ဘူး....လက်ထပ်စရာရှိတာလက်ထပ်ကြမှာပေါ့.....လက်မထပ်ကြဘူးခိုရင်လဲ ကင်းကင်းရှင်းရှင်းနေကြ "

" ဟုတ်..ဟုတ်ကဲ့ပါအဖေ "

လရိပ်နွေးပေါင်းတုန်တုန်ယင်ယင်ထစ်ထစ်ငေါ့ငေါ့နှင့်ပြန်ဖြေလိုက်ရင်း ခေါင်းကိုငုံ့ချထားလိုက်မိသည်။

လရိပ်နွေး၏ အဖြစ်ကိုကြည့်ပြီး ဒေါ်နှင်းရည်သက်ကမသိမသာလေးပြုံးလိုက်သည်။

sKyi~P~hy~u~~~~

" ဧည့်သည်လာမယ်ဆိုရင်လဲ ...ကြိုပြောထားမှပေါ့အဘွား "

ထမင်းစားခန်းဝမှ ထွက်ပေါ်လာသော အသံကြောင့်နေသစ်ညီစိတ်ထဲတင်းခနဲဖြစ်သွားမိသည်။ဖြစ်နိုင်လျှင်နေရာမှ ချက်ချင်းပင် ထပြန်သွားချင်သောစိတ်လည်းပေါ်ပေါက်လာမိလေသည်။

====a===k====y=====i====p==h==y===u==

အပိုင်း(၅)ဆက်ရန်

A kyi phyu
#ဧကြည်ဖြူ

စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
(စ/ဆုံး )Links
akyiphyu
*a*ky*iphy*u****

( ၁)
https://www.facebook.com/100067151540690/posts/764909259090785/

J
https://www.facebook.com/100067151540690/posts/765419929039718/

၃

https://www.facebook.com/100067151540690/posts/766002055648172/

စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
အပိုင်း(၅)
akyiphyu
*a*ky*iphy*u***

နေထူးထိုက်သည် ခနိုးခနဲ့အသံနှင့်ပြောရင်း အခန်းထဲသို့ဝင်လာခဲ့လေသည်။

" ဘယ်ကဧည့်သည်လဲ မြေးကြီး....နေသစ်က မင်းရဲ့ညီအရင်းဆိုတာကို မေ့များနေတာလား ..အသက်တွေလည်မငယ်ကြတော့ဘူးကွယ်....မြေးတွေသင့်သင့်မြတ်မြတ်နေတာကိုပဲ မြင်ချင်တယ်..လာထိုင်အုံး ...အဘွားစိတ်မတိုချင်ဘူးနော် "

ဒေါ်ရတနာထိုက်က မြေးအကြီးဖြစ်သူ နေထူးထိုက်ကို လှမ်း၍မာန်မဲလိုက်သည်။ဘွားအေဖြစ်သူ၏စကားကြောင့် နေထူးထိုက်သည်လည်း မကျေမနပ်နှင့်ပင် ထမင်းစားပွဲဝိုင်းမှာဝင်ထိုင်လိုက်ရသည်။

" ဒီနေ့ အားလုံးကိုပြောစရာရှိလို့်ခေါ်လိုက်တာ ...သားကြီးရောမြေးတွေရောသေချာနားထောင်ကြပါ "

ဒေါ်ရတနာထိုက်၏ စကားကြောင့် အားလုံးဒေါ်ရတနာထိုက်ဆီကို ကြည့်လိုက်ကြသည်။

" အိမ်ရာဆောက်လုပ်ခွင့်ကို တို့ကုပ္မဏီကရလိုက်တာ မင်းတို့လည်းအသိပဲနော်.....ဒီဆောက်လုပ်ရေးကိုဦးဆောင်ဖို့အတွက်...ငါ့မြေးနှစ်ယောက်ယှဉ်ပြိုင်ရမယ်.....မင်းတို့နှစ်ယောက်ပြင်ဆင်တင်ပြတဲ့ပုံစံကို ...ရှယ်ယာရှင်တွေအားလုံးနဲ့ ရွေးချယ်မယ်...အရွေးခံရတဲ့သူကို...ထိုက်မိသားစုကုမ္ပဏီကိုအုပ်ချုပ်ခွင့်ပေးမယ် ...ဘယ်လိုလဲသားကြီး....မင်းရောယှဉ်ပြိုင်ဖို့စိတ်ကူးရှိသေးလား "

ဒေါ်ရတနာထိုက်က သားဖြစ်သူကိုမေးလိုက်သည်။

" ကျွန်တော်ကတော့ ...အသက်လဲခြောက်ဆယ်ကျော်လာပြီလေအမေ...သားတွေကိုပဲလွှဲပေးမှာပါ "

" ဟုတ်တာပေါ့ သားကြီးရယ်....တိုတွေက အသက်ကြီးပြီလေ..အမေလဲ မင်းကိုငယ်ငယ်ရွယ်ရွယ်နဲ့မွေးခဲ့လို့...မြေးတွေနဲ့အတူနေနေရပေမယ့်..အသက်ကရှစ်ဆယ်ဖြစ်နေပြီလေ..လူကမနက်ဖြန်သေမလား...သဘက်ခါသေမလားဘဲ..အမေကတော့ အမေမရှိတော့ရင်တောင် ...ထိုက်မိသားစုဆောက်လုပ်ရေးကိုတည်တံ့နေစေချင်တယ် ..ဒါကြောင့်လဲ... အမေမtသခင်မှာလုပ်ငန်းတိုးတက်တာကိုမြင်သွားချင်လို့်... အားလုံးကိုခေါ်ပြောရတာ ...မင်းတို့မှာပြင်ဆင်ချိန်သိပ်မမရဘူးနော် ...ရတဲ့အချိန်အတွင်းမှာ.... အဆောက်အဦးဒီဇိုင်းင်းနဲ့အတွင်းပိုင်းဖွဲ့စည်းမှုတွေကိုပါအကောင်းဆုံးတင်ပြနိုင်ရမယ်...မင်တို့တင်ပြတာတွေကို အဘွားတစ်ယောက်တည်းရွေးချယ်မှာမဟုတ်ဘူး...ရှယ်ယာရှင်တွေအားလုံးရဲ့ မဲအရေအတွက်နဲ့သွားမှာ ..ဒါကိုပြောချင်လို့ခေါ်လိုက်တာ.....ပြောလို့လဲပြီးပြီဆိုတော့ အားလုံး ထမင်းစားကြတော့ "

" ကျွန်တော်မစားတော့ဘူးနော်..အဘွားကကြိုမပြောထားတော့ ...အပြင်မှာစားလာခဲ့လို့ ..ကျွန်တော့်ကိုခွင့်ပြုပါအုံး ..သွားပြီးနော်အဖေ....သွားပြီနော်မေမေလေး "

နေထူးထိုက်သည် မိထွေးဖြစ်သူ ဒေါ်ခင်သစ္စာကိုပါခနဲ့တဲ့တဲ့နှုတ်ဆက်ရင်းထမင်းစားခန်းအပြင်သို့ထွက်သွားခဲ့သည်။သူ့ထက်ဆယ်နှစ်ကျော်မျှသာကြီးသော မိထွေးဖြစ်သူဒေါ်ခင်သစ္စာကို နေထူးထိုက်တစ်ယောက်အရိုအသေမ ရှိသလို လေးစားသမှုလည်းမရှိသောသူဖြစ်လေသည်။

ဒေါ်ရတနာထိုက်က မြေးဖြစ်သူနေထူးထိုက်ကို တစ်ချက်လှမ်းကြည့်ရင်း သက်ပြင်းကိုမသိမသာချလိုက်သည်။ပြီးနောက် နေသစ်ညီကိုပြန်ကြည့်လိုက်ပြီး

" နောက်တစ်ပတ်ထဲမှာ .....ကောင်မလေးနဲ့တွေ့ဖို့စီစဉ်ခိုင်းလိုက်တယ်...ဒီတစ်ခါတော့ အဘွား ဘာသံမှမကြားချင်ဘူးနော်နေသစ်...ဒီလိုအဖက်ဖက်ကပြည့်စုံနေတဲ့သူကို...တွေ့ရဖို့က လွယ်တာမဟုတ်ဘူးကြားလား "

" ဟို ...အဘွား .နောက်တစ်ပတ်ကျွန်တော်မအားဘူး "

" နေသစ်..မင်းက လူကြီးတွေကိုကလန်ကဆန်လုပ်နေတာလား ....တွေ့ဆိုရင် သွားတွေ့ကြည့်လိုက်ပေါ့...မင်းအတွက် ဘာတွေများအပန်ကြီးနေလို့လဲ "

ဒေါသသံနှင့်ဝင်ပြောလိုက်သော ဖခင်ကြီးကြောင့်နေသစ်ညီ ဘာမှပြန်မပြောတော့ဘဲ ခေါင်းငြိမ့်ကာ လက်ခံလိုက်ရသည်။

`~a~ky~i~p~h~y~~u

" ကျွန်တော်ကတော့ ...ကျွန်တော့်အလုပ်ကလွဲပြီးစိတ်မဝင်စားဘူး အမေရာ..အထူးသဖြင့် သူနဲ့မပတ်သက်ချင်ဘူး "

နေသစ်ညီက မိခင်ကိုပြောလိုက်သည်။

ဒေါ်ခင်သစ္စာက သားဖြစ်သူကိုကြည့်လိုက်ပြီး

" အမေ့ကိုကြည့်စမ်းသား...သားက ဘာအပြစ်လုပ်မိလို့် ..သူ့ကိုရှောင်နေရတာလဲ ...အမေက ... ငယ်ရွယ်တုန်းအရွယ်မှာအချစ်ကို ကိုးကွယ်ခဲ့မိလို့ ..ကလေးနှစ်ယောက်အဖေကိုယူခဲ့မိတာပဲရှိတာပါ..သူ့များအိမ်ထောင်ရေးကိုလည်းဖျက်ဆီးခဲ့တာမဟုတ်ဘူး ...သူတို့အပေါ်မှာလဲ မိထွေးလိုမျိုးကျင့်ကြံခဲ့တာမရှိဘူး ..ဒါပေမဲ့အမေအမြဲစော်ကားခံခဲ့ရတယ်..အထူးသဖြင့်နေထူးထိုက်ပေါ့ ..ဘာလုပ်လုပ်သူမှန်တယ်ပဲထင်နေတာမျိုးကို အမြင်မှန်ရစေချင်တယ်... "

နေသစ်ညီစိတ်ထဲမကောင်းစွာနှင့်မိခင်ဖြစ်သူကို ကြည့်လိုက်မိသည်။ကိုယ်တိုင်ကလည်း အစ်ကိုဖြစ်သူနေထူးထိုက်အကြောင်းကို သိနေသောကြောင့် မိခငဖြစ်သူဘယ်လိုနေခဲ့ရသည်ကို အသိဆုံးဖြစ်သည်။သိလို့လည်း ပြဿနာများစွာတက်ခဲ့ပြီး အိမ်မှထွက်ခဲ့ပြီး တစ်ကိုယ်တည်းနေခဲ့သည်။နေသစ်ညီအတွက်တော့ မိခင်ကြီးနှင့်ဘွားအေကြီးကြောင့်သာ ထိုက်မိသားစုစံအိမ်ကြီးကို အဆက်အသွယ်လုပ်နေခဲ့ခြင်းဖြစ်သည်။အနေအေးလှသောဖခင်ကိုမူ နေသစ်ညီမမုန်းပါ။သို့သော်လည်း သူ့သားကြီးပြောသမျှကို မျက်စိမှီတ်ယုံပေးနေသော အနေအထားကို မမြင်ချင်မတွေ့ချင်တောတာကြောင့် တစ်ယောက်တည်းနေခဲ့ခြင်းဖြစ်သည်။

" ကျွန်တော်စဉ်းစားပါ့မယ်အမေ...အမှန်တိုင်းပြောရရင် ....ထိုက်မိသားစုဆီက ဘာအမွေပစ္စည်းကိုမှ ကျွန်တော်မမက်မောဘူး .."

" ဧဉ်းစားပါသားရယ်...နေထူးထိုက်က ဆောက်လုပ်ရေးအတွက် ..မင်းအဖေအလုပ်ထုတ်လိုက်တဲ့အဖွဲ့နဲ့ပြန်ဆက်သွယ်နေတယ်လို့ကြားတယ် .."

"ဗျာ..အမေဒါတွေကိုဘယ်လိုသိတာလဲ ... ဒီသတင်းကနေထိုင်ခွင့်ရသူတွေအတွက်ရော...အလုပ်ခွင်ထဲကလူတွေအားလုံးအတွက်ပါ အန္တရာယ်များတယ် ..ဒါကိုအမေသိနေတယ်ဆိုတာကို သူသိသွားရင်... အမေ့ကိုရန်ပြုလိမ့်မယ် "

နေသစ်ညီစိုးရိမ်ထိတ်လန့်စွာပြောလိုက်မိသည်။

" အမေ့အန္တရာယ်များတာကို သိပါတယ်..ဒါ့ပေမဲ့ သူတို့ကြောင့်လုပ်ငန်းခွင်မှာ ထိခိုက်သူတွေလဲများလိမ့်မယ်လေ ...ဒါတွေကိုမဖြစ်အောင်...သားကတားရမယ်...ဒီပြိုင်ပွဲမှာသားနိုင်အောင်လုပ်ရမယ်...မင်းအဖေကတော့ ထုံးစံအတိုင်း ...သူ့သားကြီးကိုပဲ ယုံကြည်နေတယ်လေ..ကြည့်ရတာမင်းအဘွားကတော့ ...သူ့မြေးလောဘကြီးတာ...အတ္တကြီးတာတွေကို ရိပ်မိလာပုဲရတယ်...ဒါကြောင့်လဲ သားကိုခေါ်တွေ့တာပေါ့ "

ကြးနေရသောစကားများကြောင့် တာဝန်ကြီးတစ်ခု နေသစ်ညီခေါင်းပေါ်ကို ကျရောက်လာသလိုခံစားလိုက်ရသည်။

" ဒါနဲ့နေပါအုံးအမေ..ကျွန်တော့်ကို ဘာလို့ ...ငွေစင်ထွန်းမိသားစုဝင်နဲ့လက်ထပ်ပေးချင်နေရတာလဲ ..အဲ့ဒါက်ိုသေချာသိချင်တယ် "

" ဪ..သားရယ်...ငွေစင်ထွန်းကုပ္မဏီက ... ဆောက်လုပ်ရေးတင်မဟုတ်ဘဲ ..အိမ်တွင်းပရီဘောဂအစုံရတယ်လေ..ဒီလုပ်ငန်းနှစ်ခုသာပေါင်းလိုက်ရင်...မင်းအတွက်သင့်တော်တဲ့မိသားစုလို့ အဘွားကတွက်ထားပုံပါပဲ..သားရဲ့အသက်ကလည်းမငယ်တော့ဘူးလေ "

မိခင်ပြောတာလည်းဖြစ်နိုင်သည်ဟု နေသစ်ညီတွေးလိုက်မိသည်။

a~kyi~P~h~~yu~~

မိခင်ကြီးကိုနှုတ်ဆက်ပြီး အိမ်ကြိးထဲမှ နေသစ်ညီပြန်ထွက်ခဲ့လိုက်သည်။အိမ်ထဲမှ ထွက်လာခဲ့ပြီး ကားဆီသို့အသွားတွင် သူ့ကားနားမှာရပ်နေသော လူတစ်ယောက်ကိုမြင်လိုက်ရသဖြင့် စိတ်ပျက်သွားမိသည်။

" ဘယ်လိုလဲကွ.....အစ်ကိုနဲ့ အစ်မကို tသမ္ကြောင်းကြံခဲ့တဲ့ကောင်က .....အရှက်မရှိတဲ့မျက်နှာနဲ့ ...အိမ်ပြန်လာဖို့ကြိုးစားနေတာလား ..အမေနဲ့သားက လိုက်လဲလိုက်ပ..အင်းပေါ့လေ...ဒီလိုအမေမျိုးကမွေးထုတ်လိုက်မှတော့ ...ဒီလိုပုံစံပဲထွက်လာမှာပေါ့...မအေကလည်းသူများယောက်ျားကိုခိုးယူခဲ့တာပဲလေ "

ကြားလိုက်ရသောစကားကြောင့် နေသစ်ညီစိတ်ထဲ ဒေါသထောင်းခနဲဖြစ်သွားပြီးအစ်ကိုဖြစ်သူကိုမျက်နှာချင်းဆိုင်ကြည့်လိုက်သည်။

" အမှန်တရားကို လူတိုင်းမသိနိုင်ရင်တောင် ..ကိုယ်တိုင်တော့သိတယ်မဟုတ်လား...မိထွေးနှိပ်စက်တာခံခဲ့ရပါတယ်...အသက်ဆယ်နှစ်လောက်ငယ်တဲ့ ဖအေတူမအေကွဲညီက လုပ်ကြံပါတယ်ဆိုပြီး ဇာတ်နာပြနေလဲ....ခင်ဗျားလိုအသိဉာဏ်မရှီတဲ့သူတွေကပဲယုံလိမ့်မယ်...တစ်ခုတော့ကြိုပြောထားမယ်နော်..ခင်ဗျားဘာသာ တစ်ဖက်သတ်ပဲဇာတ်နာနာ..ဘာကြီးတွေပဲဖြစ်နေနေ..ကြိုက်တဲ့လူကို ဇာတ်နာတွေခင်းပြနေလည်း စိတ်မဝင်စားဘူး..ဂရုလည်းမစိုက်ဘူး..ဒါပေမဲ့ထိသင့်တဲ့သူကိုပဲထိ..မထိသင့်တဲ့သူကိုမထိနဲ့...အဲ့ဒီအခါကျရင်တော့... ခင်ဗျားတို့မောင်နှမတွေသိပ်ကိုလိုချင်လောဘကြီးနေတဲ့ ...ထိုက်မိသားစုနဲ့ပတ်သက်သမျှပိုင်ဆိုင်မှုတွေကို ...လုယူမိမှာစိုးလို့ ..သိတယ်မဟုတ်လား..ဉာဏ်ရည်ဉာဏ်သွေးရောလုပ်နိုင်စွမ်းတွေပါယှဉ်ပြိုင်လာရင် အစ်ကိုက ကျွန်တော့်ကိုမယှဉ်နိုင်ဘူးဆိုတာ ...အခုအားလုံးကို ခင်ဗျားစီမံခွင့်ရနေတယ်ဆိုတာကလေ ..ကျွန်တော်မလိုချင်လို့ဆိုတာကိုမမေ့နဲ့ "

" ဘာ ..ဘာကွ..မင်းလိုမယားငယ်မရဲ့သားကများ ...လူပါးဝစကားပြောရလား "

ဒေါသတကြီးထအော်လိုက်သော အစ်ကိုဖြစ်သူနေထူးထိုက်ကို တွန်းဖယ်ပစ်လိုက်ပြီး နေသစ်ညီ ကားပေါ်တက်ကာမောင်းထွက်လာခဲ့သည်။

a~K~yip~h~y~u~~

ကားရပ်သွားသည်နှင့် လရိပ်နွေးကားပေါ်မှဆင်းလိုက်ပြီးကျသင့်ငွေကို ရှင်းပေးလိုက်သည်။လရိပ်နွေးတို့မိသားလေးယောက်လုံး ကားမောင်းတတ်ကြသော်လည်း အိမ်မှာကားသုံးစီးပဲရှိသသည်။သည်တော့လည်း ထုံးစံအတိုင်းကိုယ်ပိုင်ကားမရှိသူမှာ လရိပ်နွေးသာဖြစ်လာသည်။ကိုယ်ပိုင်ကားမရှိသည့်အတွက်လည်း လရိပ်နွေးသိပ်ပြီးခံစားမနေ။အိမ်နှင့်အရောင်းဆိုင်သို့သာသွားလေ့ရှိသော သူမအတွက် အဆင်ပြေရာ အငှားကးတစ်စီးကို ငှားစီးသွားရုံပဲမဟုတ်လား။ကား၏ကရိကထဒုက္ခကြောင့် စိတ်ပင်ပန်းစရာမလိုတော့ဘူးပေါ့။လရိပ်နွေးတော့ စိတ်ကူးပေါက်ရင်ပေါက်သလို အငှားကားမစီးဘဲ လိုင်းကားပဲစီးသွားတာမျိုးတွေလည်းရှိသည်။

ကားပေါ်မှဆင်းပြီးသည်နှင့် ဆိုင်ထဲသို့ဝင်ခဲ့လိုက်သည်။သည်ဆိုင်က မိခင်ကြီးဦးစီးလုပ်ကိုင်နေသောဆိုင်။လရိပ်နွေးအလုပ်ဝင်နေသောဆိုင်လို ရပ်ကွက်လမ်းမတန်းက ဆိုင်ခပ်သေးသေးမဟုတ်။အရောင်းပြခန်းပါရှိသော ဆိုင်ကြီး။အမေ့ဆိုင်မှာက သူမတို့ပိုင်စက်ရုံမှထုတ်သော ပရိဘောဂများတင်မကဘဲ တခြားနာမည်ကြီးလူကြိုက်များသော ပရိဘောဂများလည်းရှိသည်။နိုင်ငံခြားမှတင်သွင်းလာသော ပစ္စည်းများလည်းရှိသည်။

ဆိုင်ထဲသို့ လရိပ်နွေးဝင်သွားသောအခါ ဧည့်ကြိုကောင်မလေးက လရိပ်နွေးကို ဆီးကြိုနှုတ်ဆက်သည်။လရိပ်နွေးလည်း ကောင်မလေးကိုပြုံးပြကာနှုတ်ဆက်လိုက်ပြီး ကောင်တာစားပွဲအထိ လျှောက်သွားလိုက်သည်။

" အမေရှိလားဟင် "

စာရင်းကိုင်ကောင်မလေးကို လရိပ်နွေးမေးလိုက်သည်။

" မရှိဘူးအစ်မ...ဧည့်သည်တွေနဲ့ချိန်းထားလို့လေ ...အပြင်ထွက်သွားတယ် "

" ဟုတ်လား ..အဲ့ဒါကြောင့်ဖုန်းဆက်လို့်မရတာပဲ ..ဒါနဲ့ ‌လေ...ပြပွဲအတွက် ဘယ်သူ့ဒီဇိုင်းတွေကို ရွေးထားလဲသိလား "

" အဲ့ဒါတော့ မသိဘူးအစ်မ ...သူဌေးက ဘာမှမပြောဘူး ..လျှို့ဝှက်ချက်ထင်တယ်..."

" ဟုတ်လား ..ကျေးဇူးနော်...အမေ့ကိုပဲမေးလိုက်တော့မယ် "

လရပ်နွေး နှုတ်ဆက်ပြီးပြန်ထွက်လာခဲ့သည်။သည်တစ်ခေါက်ပြပွဲမှာ သူမပုံစံငယ်လုပ်ထားသော အိပ်ခန်းတွင်းသုံးပရိဘောဂတဆက်စာကိုလည်း ပြပွဲမှာပြချင်သည်။ထို့်ကြောင့်လည်း မိခင်ကြီးထံကိုတင်ပြခဲ့သည်။သည်အတွက် အမေ့က ဘာမျှမပြောသေး ။ပုံးစံရိုးလွန်းသည်ဟုပဲကောက်ချက်ချခဲ့သည်။လရိပ်ကတော့ ကိုယ်လုပ်ထားသော ဒီဇိုင်းကို ကိုယ့်တိုင်အရမ်းကိုသဘောကျနေမိသည်။ဈေးကွက်ထံကိုလည်းဖြန့်ချင်မိသည်။သို့်သော်လည်း အမေကတုတ်တုတ်တောင်မလှုပ်။လရိပ်နွေး ကိုယ်တိုင် ထုတ်လုပ်ဖို့ကလည်းအင်အားမရှိ။စက်ရုံရဲ့သဘောတရားကိုနားမလည်။ပုံစံငယ်လုပ်ဖို့အတွက်တောင် စက်ရုံကသစ်တိုသစ်စများကို သွားသွားတောင်းရသလို။ရသောလုပ်အားခထဲမှ ဝယ်ရသည်။သည်လိုတွေဝယ်နေရသောကြောင့်လည်း လရိပ်နွေးမှာပိုက်ဆံမရှိ။အရောင်းဆိုင်၏စတိုခန်းထဲမှာတော့ ငွေကုန်ကြေးကျခံ။အချိန်ကုန်ခံပြီးပြုလုပ်ထားခဲ့သော သူမ၏နှလုံးသားများဟုလည်းခေါ်ထိုက်သော ပရိဘောဂပုံစံငယ်များ အများကြီးရှိသည်။ထုတ်လုပ်ရောင်းချနိုင်ဖို့အတွက်မူ လရိပ်မှာအခွင့်အာဏာမရှိချေ။

aK~y~i ~ p h ~.y~u


သူ့ရှေ့မှာ အမူအရာတစ်ချက်မပျက်ဘဲ ထိုင်နေသော သူမကိုကြည့်ပြီး နေသစ်ညီနည်းနည်းတော့ လန့်ချင်သလိုဖြစ်သွားမိသည်။သူမပုံစံကရဲတင်းတာလား။သို့မဟုတ်လျှင် သူ့ကိုယ်သူယုံကြည့်မှုရှိလွန်းတာလားမသိ။လှတာကတော့အတော်လေးလှသည်။အဝတ်အစားအပြင်အဆင်ကလည်း ပြည်တွင်းဖြစ်တစ်ခုမှမပါ။ဖြောင့်စင်းရှည်လျားသောဆံပင်ရှည်များကြားမှ မျက်နှာသွယ်သွယ်ဖူးဖူးလေသည် အသက်(၂၇) နှစ်ဟုပင်ထင်ရက်စရာမရှိ။မင်းသမီးများလှတာလောက်ကို သနားသည်ဟုပြောမည့်အလှမျိုးပင်။သည်လိုအလှလေးမျိုးက ယခုအချိန်အထိ ချစ်သူရည်းစားမရှိသည်ကတော့ စဉ်းစားစရာပင်။

သူမ ရှေ့မှာထိုင်နေသော နေသစ်ညီကိုကြည့်ပြီး ငွေနှင်းစက်ရင်တွေ တဒိန်းဒိန်းခုန်နေသည်။ယောက်ျားများကို အသုံးချရုံသက်သက်သာ သဘောထားခဲ့သော သူမအတွက်ယောက်ျားတစ်ယောက်နှင့် ပတ်သက်ပြီးပထမဦးဆုံးရင်ခုန်သံဟုပဲပြောရမည်လား။ယောက်ျားပီသသော အရပ်အမောင်းနှင့် ရုပ်ရည်ချောမောကြည့်ကောင်းရုံသာမကဘဲ ကိုယ်ပိုင်လုပ်ငန်းလည်းရှိသည်။ပြီးလျှင် အရေးအကြီးဆုံးနောက်တစ်ချက်မှာ သူသည် ထိုက်မိသားစု၏အငယ်ဆုံးသားဖြစ်သည်။ဆောက်လုပ်ရေးလောကမှာ နာမည်ကြိးနေသောထိုက်မိသားစု။ထိုက်မိသားစုနှင့်အမျိုးစပ်နိုင်ဖို့အတွက် မျှော်လင့်နေကြသူ အများအပြားရှိသည်။ထိုက်မိသားစုမှာလည်း လူပျိုလူလွတ်ဆို၍သားအငယ်ဆုံးတစ်ယောက်သာကျန်သည်လေ။ထိုသို့ဂုဏ်ပုဒ်များကြောင့်ပဲ ငွေနှင်းစက် ရင်ခုန်နေမိသည်လားမသိ။သေချာသည်မှာ သည်ယောက်ျားသည် ငွေနှင်းစက်ဆိုသော သူမ၏ ဘဝလက်တွဲဖော်ဖြစ်ရမည်ဆိုသော ခိုင်မာသည့်ဆုံးဖြတ်ချက်ပင်ဖြစ်ပါလေသည်။

" ကိုယ်က ပွင့်ပွင့်လင်းလင်းပဲပြောတတ်လို့ ...ပြောမယ်နော် "

နေသစ်ညီစကားစလိုက်သည်။

" ကိုယ့်ဘဝမှာ အိမ်ထောင်ပြုဖို့အတွက် ..တစ်ခါမှမတွေးခဲ့ဖူးဘူး..ဘာလို့လဲဆိုတော့ ...ကိုယ့်အကြောက်ဆုံးအရာကမိသားစုဆိုတဲ့ အသိုင်းအဝိုင်းဖြစ်နေလို့ပဲ....အဲ့ဒီတော့ ကိုယ်တို့နှစ်ယောက်.....ပထမဆုံးအဆင့်အနေနဲ့....မိတ်ဆွေတွေအဖြစ် ပေါ့ပေါ့ပါးပါးနဲ့ခင်မင်ကြတာပေါ့ကွာ....ကျန်တဲ့ကိစ္စတွေကိုတော့ နောက်မှအေးအေးဆေးဆေးဆွေးနွေးကြတာပေါ့ "

နေသစ်ညီနှုတ်မှထွက်လာသော စကားကြောင့် ငွေနှင်းစက်မျက်နှာမပျက်အောင် မနည်းထိန်းလိုက်ရလေသည်။ယေက်ျားတိုင်းလိုလို၏ နှစ်သက်သဘောကျခြင်းကို ခံနေရသောငွေနှင်းစက်။ငွေနှင်းစက်လို့ နာမည်ကြားလိုက်ရုံနှင့် ကြွေဆင်းချင်နေကြသော သူမလူကို လက်ခံနိုင်ခြင်းမရှိသေးဟုတိုက်ရိုက်ပြောလာသောသူ့ကို ငွေနှင်းစက်ပိုပြီးတောင်သဘောကျမိသွားသည်။သူသည် ငွေနှင်းစက်အတွက်သာဖြစ်ရမည်ဆိုသော ဆုံးဖြတ်ချက်က ပိုပြီးခိုင်မာသွားလေသည်။

" ဟုတ်ကဲ့ ..နှင်းစက်လဲ အဲ့ဒီလိုပဲတွေးထားပါတယ် ကိုနေသစ်ညီ....မိဘသဘောတူပေးစားသူနဲ့ပဲအိမ်ထောင်ပြုရမဲ့ခေတ်လည်းမဟုတ်တော့ဘူးလေ ..မှန်တာပြောရရင် ..လုပ်ငန်းသဘောအရ မင်္ဂလာပွဲကျင်းပတာထက်..ကိုယ်တွေချင်းနှစ်သက်သဘောကျလို့်... ကျင်းပရတဲ့မင်္ဂလာပွဲပဲ ဖြစ်စေချင်တာ ...နှင်းစက်တို့နှစ်ယောက် စိတ်သဘောထားချင်းတိုက်ဆိုင်နေကြတယ်ဆိုတော့ ....ပိုပြီးအဆင်ပြေသွဒးတာပေါ့ "

" ဟုတ်ကဲ့...ဒါဆိုရင်ရှေ့လျှောက် ..ကိုယ်တို့တွေ လုပ်ငန်းသဘောအရမဟုတ်ဘဲ ..မိတ်ဆွေတွေအဖြစ်ပါခင်မင်သွားကြတာပေါ့ နှင်းစက် "

" ဟုတ်ကဲ့ ..သဘောတူပါတယ်ကိုနေသစ်ညီ ...ဒါနဲ့ ကိုနေသစ်ညီ.....ဆောက်လုပ်ရေးအတွက် လိုအပ်တယ်ဆိုရင်..ကျွန်မတို့ ငွေစင်ထွန်းမှာ ...ဆောက်လုပ်ရေးပိုင်းအင်ဂျင်နီယာကအစ ..အလုပ်သမားအဆုံးအဆင်ပြေအောင် ကူညီပေးနိုင်ပါတယ်နော် "

" ဗျာ...နှင်းစက်က ဒီကိစ္စကိုသိနေတာလား "

" ဟုတ်ကဲ့ ..သိနေတယ်ဆိုတာကလဲ ..ကိုနေသစ်ညီရဲ့အဘွားနဲ့အမေကခေါ်တွေ့ခဲ့လို့ပါ...ကိုနေသစ်ညီက ဒီဇိုင်းပိုင်းပဲအဓိကလုပ်သူဆိုတော့... လုပ်ငန်းပိုင်းအတွက်အခက်အခဲဖြစ်မှာစိုးလို့ထင်တယ် "

" ဪ ...ဟုတ်တာတော့ဟုတ်ပါတယ်....ဒါပေမဲ့ ဒီပြိုင်ပွဲကို ကျွန်တော်သိပ်စိတ်မပါဘူးဗျ "

"ရှင် "

သည်တစ်ခါအံ့ဩသွားရသူမှာ ငွေနှင်းစက်ဖြစ်သည်။

" ဟုတ်ပြီလေ...ဘာပဲဖြစ်ဖြစ်ကျေးဇူးတင်ပါတယ််...မပြိုင်ချင်ဘူးဆိုပေမဲ့ ..စမိပြီးဆိုရင်တော့ ဆုံးအောင်လုပ်ရမှာပေါ့လေ..ထပ်ပြီးဆက်သွယ်လိုက်မယ်နော် ..နှင်းစက်လည်း လိုအပ်တာရှိရင် ..ကျွန်တော့်ဆီကိုဖုန်းဆက်လို့ရပါတယ် "

နှစ်ယောက်သား တစ်နာရီနီးပါးလောက်စကားပြောခဲ့ကြပြီးလမ်းခွဲခဲ့ကြသည်။

====a===k====y=====i====p==h==y===u==

အပိုင်း(၆)ဆက်ရန်

A kyi phyu
#ဧကြည်ဖြူ

စာရေးသူ....ဧကြည်ဖြူ
#မာယာမိုးတိမ်
(အခန်းဆက်ဝတ္ထု)
(စ/ဆုံး )Links
akyiphyu
*a*ky*iphy*u****

( ၁)
https://www.facebook.com/100067151540690/posts/764909259090785/

J
https://www.facebook.com/100067151540690/posts/765419929039718/

၃

https://www.facebook.com/100067151540690/posts/766002055648172/

၄

https://www.facebook.com/100067151540690/posts/766587615589616/