ប្រធានអាស៊ាន ប្រាប់ថៃឱ្យយកបញ្ហាព្រំដែនជាមួយកម្ពុជា ដាក់តុចរចា

ភ្នំពេញ៖ លោក អាន់វ៉ា អុីប្រាហ៊ីម នាយករដ្ឋមន្រ្តីម៉ាឡេស៊ី និងជាប្រធានប្ដូរវេនអាស៊ាន បានប្រាប់លោក Anutin Charnvavidakul នាយករដ្ឋមន្ត្រីថៃឱ្យយកបញ្ហាព្រំដែនជាមួយកម្ពុជា ដាក់តុចរចាតាមរយៈកិច្ចប្រជុំគណៈកម្មការព្រំដែនរួម (JBC)។

នៅលើបណ្ដាញសង្គមហ្វេសប៊ុក នៅរាត្រីថ្ងៃទី១៨ ខែកញ្ញា ឆ្នាំ២០២៥ លោក អាន់វ៉ា អុីប្រាហ៊ីម បានឱ្យដឹងថា រូបលោកបានជជែក ជាមួយលោក Anutin Charnvavidakul នាយករដ្ឋមន្ត្រីថៃអំពីការវិវឌ្ឍន៍ចុងក្រោយនៅតាមព្រំដែនថៃ-កម្ពុជា។

លោកអាន់វ៉ា សង្កត់ធ្ងន់ថា វាមានសារៈសំខាន់សម្រាប់ភាគីទាំងអស់ ក្នុងការរក្សាសណ្តាប់ធ្នាប់ និងមិនអនុញ្ញាតឱ្យមានភាពខុសគ្នាណាមួយ បង្កើតភាពតានតឹងដែលមិនចាំបាច់ឡើយ។

លោកអាន់វ៉ា បានស្នើឱ្យបញ្ហាទាំងអស់ដែលកើតឡើងត្រូវនាំយកទៅកាន់តុចរចា តាមរយៈកិច្ចប្រជុំគណៈកម្មការព្រំដែនរួម (JBC)។

លោកថា ប្រទេសម៉ាឡេស៊ីជឿជាក់ថា ស្មារតីនៃការសន្ទនា ការទូត និងការយោគយល់ គឺជាវិធីល្អបំផុត ដើម្បីធានានូវសន្តិភាព និងស្ថិរភាពក្នុងតំបន់៕

ប្រភព៖ Soy Sopheap

សូមអនុមោទនា ពិធីកាន់បិណ្ឌ ១២ ថ្ងៃសុក្រ ១២រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៩ ខែកញ្ញា ឆ្នាំ២០២៥៕

ម៉ោង7:10នាទីព្រឹកនេះ តំបន់ជួរភ្នំដងរែកកំពុងមានភ្លៀងធ្លាក់ខ្លាំង!

Fresh Exclusive៖ រក្សាសន្តិភាពដោយកម្លាំងច្បាប់៖ កម្ពុជា ជំរុញអាស៊ាន និងមេដឹកនាំពិភពលោក គាំទ្រការអនុវត្តកិច្ចឈប់បាញ់កម្ពុជា-ថៃ

(ភ្នំពេញ)៖ ភាគីថៃ បានបន្តប្រើល្បិចកលនយោបាយដដែលៗ ក្នុងការជំរុញឱ្យកម្ពុជា ប្រើប្រាស់ហិង្សាដើម្បីទាញកម្ពុជាធ្លាក់ ក្នុងក្រឡាអុកដ៏គ្រោះថ្នាក់ខ្លាំងបំផុត។ ប៉ុន្តែរាជរដ្ឋាភិបាលកម្ពុជា មិនបានលង់ខ្លួនធ្លាក់ចូលក្នុងក្រឡាអុករបស់ថៃឡើយ។ វិធីឈ្នះរបស់កម្ពុជាលើភាគីថៃ គឺយន្តការ «ផ្លូវច្បាប់និងការទូត»។

Fresh Exclusive មានអត្ថបទស៊ីជម្រៅមួយជុំវិញបញ្ហានេះ៖
YouTube: https://youtu.be/x2OAhQYwZTY