دُعَاء دُخُوْل شهر رَمَضَان ألمبارك..

الْلَّھُم أَهِلَّه عَلّيْنَا بِالْأَمْنّ وَالإِيْمَانَ،
وَالْسَّلامَةِ وَالْإِسْلَامَ،
وَالْعَوْن عَلَى الْصَّلاة وَالصِّيَام.. وَتِلَاوَة الْقُرْآَن..
الْلَّھُم سَلِّمْنَا لِرَمَضَانَ، وَسَلَّمَه لنا وَتَسَلَّمْه مِنّا مُتَقَبَّلاً .

رمضان مبارك

☪SOOM MADQOOQI.

Soom akak iyyaanam macaay?

☪Soom akak iyyaanam dibrô baraak xabba haanam ilaa bar fan kulli caagidiy nafsi faxxa haak sinni waasaanama (xayyisaanama).

☪Soomu akak iyyaanam Yallak amriiy, Meqe NABIH (Q.S.W) Sunna/katayyo kinni.

Ramadhaan alsi kaaduk 11alsaak lakal yamaateh yan inki alsay muxxole kinni.

☪Tonnah kaaduk Soom abaanam Muslimti asta kinni, Num Islaaminnat culeek gamadal , ISLAAMINNÂ DIINI elle xissiimah yan 5 takke makaadok 4hattoh caddol geytima kaxxa rukni kinni.

Kalah kaaduk, Yalli SW umaan caagid galtoklem warseh yan waqdi, Soom galto anu mekleyyo iyye.
( قال الله تعالي في حديث القدس الصوم لي وأنا أجزي به)

Ceelalloh..
Away baaxoh abbah yan num, numuk teenak "ama numuh abam yoo wagitta, kaah anu innih aceeyyo" iyyek, baaxoh abba tah akah iyya numuhuuy, mangom aceele iyyaanah kaxxam hangi kah yaceen.

Hay Qaalam inkih gineeh, meqem gineeh, Jannat gineh yan Rabbiy, Qaran kee ardi khazaain inkih gabat akak yan Rabbi galto yol kak tan iyye caagid kaxxam gibdi caahidiy naba galtole kinnim waaga mali. nagay dacrisnam faxximta.

Ramadhaan soomuy, Yalli dirki nel abe hinnay, sunnâ soom abe numuk, Yalli SW 70sanatih gidel jahannam kay foocak yayxeere, toysa Yalli fardi siinil abe axcuk nel madqe soomih galto wohuk giffa ittam waaga mali.

Toh kinniimih taagah away nee fan tamaatem kaxxam naba qibnaytu, nel rubtam kaaduk Naba Rabbi, ah ni diiniiy, ni konnabna kinnim aaxaguk dacrisnam faxximta.

Away qunxaaneytak mangih tambullem, Ramadhaan alsak safarat raaqaanam tambulle,
xabcin baaxol gacca iyyeenih, Musaafir migaaqal fatrih asaanam mafaxximta.

Soom kulli mislimtuy buluugh gufel dirkih yan, gufem elle tamixxigem kaaduk..

★Labhak elle tamixxige asta.
1, Sammô xagooru.
2, Cimbo raaqis xagooru.
3, Maniyyi/shahwat baahaama.

★Sayyok elle tamixxigem asta..
1, Sammô xagooru.
2, Angu(kaquuna).
3, Miyangali qabala.

Tama astooti tumbulleek wadir soom abeenik galto elle loonuuh, abe weenik kak esserimaanah.

Wohuk naharal aban soomuuy, tarbiya(adbisiyya) akke waytek waajibik keenil mayan, abeenik ajri aba keenik itteh keenit taqabtaamih sabbatah xaleenah orba.


Qunxa urru kaaduk naharal elle soom kok faxxiima axcuk kaal amrisaanam faxximta.

“Wuynih xanbaqeween caxxi kafnal madaggaawa” itta qafar missilah.

Dr Macammad Saani(حفظه الله)
**************//


☪Soom dirki/fardi yekkem
Hijrâ loowok 2heele sanat kinni.

☪Ramadhaan Qhur-aan alsa kinniimih taagah, Nek dumal Warrayteh tan meqe qoloma Ramadhaan Alsi bilah yan waqdi abak sugaanah yanin Qilmi Bartiyyaa kee barsiyyih taama cabba heenih dibuh Qhur-an akriyuk yenen.

☪Ramadhaan makaado(Arkaan) magide takkeeh?
Ramadhaan makaado 2 takke.
1, Niya.
2,Soom sinaamak taggileemik yaxxeereenimi.

☪Ramadhaan alsi bilem mannal diggosnaah?
★Alsi bilo tambulleemil diggosna.
Alsi neh ambulleweek kaadu Muslimiinih yan mari yubleemil asmatle xaagu geynek too mablal diggosna.
★Wonna hinnammay alsi inkinnah ambulleweek shaqbaan alsi 30 gufam loowaanam faxximta.

-----------------
Md Ali

Abnah nan Soom Yalli neh oggolay.

@httpsDiiniKeeAnaakara

Soom taggilem yakkalen caagiiday, Soom aggile sinni.

★Meqe toobokoy mango mari edde baditah yan caagiiday, soom bayise sinni tan

①, Xiinit sugah yan maray xagar akak yanfixxigek soom sinaamak mabaya, oson sinni doorih abeenim maloonuy, garcik keenik tewqem kinniimihh sabbatah soom keenik mabaya.

②, Alliyo. Meqe NABI QSW "Alliyo caylah akak teyseh alliiteh yan numul kada matan, wonna hinnamay, gabah aaxagih is alliiseh yan num kada gacisay" iyye.

★Tohih taagah alliyo isih edde temeete numuk soom mabaya, Wonna hinnammay afat gaba isik rubba heeh gabah is alliisek, aw faxennal alliyo isit bahsiise numuk soom bayah, too ayro kadah gacisam raq kaak mali.

③, Numtin fayxii kee doorit sinnim Quntit tuk teyna numuk gexxam soom mabayissa,
wadoh afat heen lee tekkek, kaaqaytinnah tanim tekkek, qaaneh innah tanim tekkek wonnalem inkih soom mabayissa.

★Meqe Toobokoy akkel naaxagu faxximtam kaaduk, qunxuffe yanxuqeenim soom mabayissa,

★Takkay immay caakah innah tanim kee qunxuf kobxissa heenih yanxuqeenim soom bayissah,

Laqo tufaak assah tan toobokok af sinnik makafisina siinik inna,

Ah ninnih ninnil oobisnaamakkah Qunxuffe soom taggilem Islaamaniinah addal maamixxiginna.

Ni Shariiqa nanu edde biyaakitnu waynam nel mamrissa, shariiqa neh xabbocosseh tan caagiidat ninni taqbise waynam faxximta.

④, Numtin doori sinnim xagarak qabli numuk caxitam soom mabayissa, usug cube kal numut tekkeemik qabali caxitam soom mabaya,

★Caddi ibat numuk radek, gile tekkek, catta rusasti numut radeeh qabali numuk caxitek soom mabaya, laakin woo qabali soole cineeh, boolaatu waam isik yublek yafturem kaah xiqtah.

★Wonna hinnammay aaxagih qabala sinnik yeyyeeqeenik, ceelalloh, xuur innah tanim tekkek, biyaakita numuh yaceen qabali, kah yaceen num kee yacee numuk inkih soon bayissah.

♻Meqe NABI " Xuur haysite num kee kah heen num inkih taftureh" iyye,
awaktil wohul kiyaasih tamaatem qabala yacee num kee kah yaceen num kinni.

↪Qoloma ittam, Xuur kah haan numuk soom kah bayam, xagarak qabala kaak yayyaaqen, xuur sinaamah haah yan numuk soom kah bayam, xuur gaysat haak yeneenimih sabbatah, wokket numuk quntit tuk teyna cultam bicatah yaanama.

↪Qabala yacee numuk soom kah bayam, usug qabala yaceh yan waqdi boolaataamih sabbata, catta daktar caddol qabala sinaamah yacee num yafturuseeniih tuk tiya kaah yaceenim raq mali,

↪wonna hinnammay qabala kah yeceen numuk soom bayah kah innam, usug irok ossotina^qabala geya waqdi xagarat sinnuk suga qusba cayla geya, tohih taagah soom kaak bayah.

⑤, Habbaalah akmee kee aaqabe yakkeenim soom mabayissa,

➡Soomuh yan num soomuh yanim habbella heeh lee yooqobek, aw maaqo yokmek aw wonna hinnammay, garil suginnaanimik tuk teyna xagek soom kaak mabaya,

♻Meqe NABI (Q.S.W) " Habbaalah akmek, aaqabe yakke num isi soom dudsutay, kaa tefqeeh tosokmemiiy Yalla" iyye

↪Tohih taagah soom isik aggile waam faxximta,

➡Akkel Naaxagu faxximtam, soomuh yanim isih kassitay, sinam kaa kassissay, kassitah yan waqdi soolisam faxximta,

➡Garil sinam kaak sugtek kaaduk, maca abaanam faxxintaah itta esseroh tu gactek, Yalli kaa yafqeeh, yaskame waqdi magalgaalih fanat radaanam mafaxximta itta qoloma tanih, laakin aysuk raqtam tibba kaak axce waanam kee didda kaa hee kal, elle yafhimuwaannal xabcinuk kaa kassiisaanam faxximta.

⑥, Num Sacurik xiinit raaqeeh, sarra ugteh yan waqdi bari yanim akkaluk lee kee maaqo akamuk, aaqabuk sugga iyya waqdi ikaama yoobeeh, maaci maaciseh sugek xagak sugem tokkel solisam faxximtaah, usug habbeele numih cokmi leemih taagah soom kaak mabaya,

⑦, Barih fidoh angaarawah #janaabat maacise numuk soom mabaya,
★Salaatah kaqalam faxximtah, laakin soom numuk mabaya,

★Meqe NABI (Q.S.W) wonnalem kaa geyak ten, laakin soom akah bayisak maana, Sacaaba kaaduk Yallih farmoytaw (Q.S.W) amannalem nek takkeh tanik macaay iyyen waqdi, "Anu kaaduk geyah immay soom akah mabayisa" axcuk yen.

🔄Woh kah innam sinaamak garab janaabat maacise num soom malim yakkalen, laakin soom bayissam janaaba hinna, soom xabba heenik sarra barrat yangoroweenimi,





★ Tonnaleemiik, bar aben angaarawah janaabat maacisaa

namah soom sinaamak mabaya.

⑧, Qamburre sugteeh, ayro wokket keenik qellitta itteh, Ayro cultem akkaluk yuftureenik sarra ayro bukka ittek maca abaanaah?

★Qololma^fanal siitin way elle yaniih, maaci maaciseemiy carra fan soomuh sugeh yan num abeh yan maqaane aracat kaah magacta innam neh bice waytaamih sabbatah Ajri aracat kaah gacah, laakin takkay immay,Yalli (S.W) "maaci siinih baxxaqimam fanah ukumaay, uquba, tokkeek ilaa bar fanah sooma duudusa" iyyeeh, usug ayro cule kal yuftureemih sabbatah ayro kadah gacisam faxximta itta qoloma tanih,

★Laakin aysuk raqtam, usuk akkaloyal abem akke waytek, yismitem aalle waamih taagah soom aracat kaah gacah,

★Asma'a binti Abuubakar assiddiiqh (R.qanha) " Yallih farmoyti (Q.S.W) cayaatal yen saaku ayrok qamburret nek qellitte waqdi, ayro cultem nekkkeleh nufturek sarra , ayro tewqeeh, Yallih Farmoyti (Q.S.W) too ayro gacisa nek maxcinna " itte.

★Qumar ibnul khattaab kaaduk ayro cultem yekkeleh yufturek sarra, maghrib salaatah elle massoowah yan rikel ayro umbuluyya itte,

★Sacaabak baali a ayro gacisenno iyyen waqdi ,,Qumar ibnul khattaab magacisna iyye, nanu aaxagih abne zambi mannuuy, Yalli kaaduk iggimah abeenimil sinam abbixe waamih taagah magacisna iyye,


★Yallih farmoytih (Q.S.W) uddurul gaciseenim geytime wayteeh, Qumar Ibnul khattaab kaaduk Isaaminnah addal NABI (QSW )Sunna akak kataata iyye marak numuk teena kinnuk kadah magacsinna,

★Nanu Qumar le mari abeemik amo korra inneh, kada gacsimtam faxximta innam neh mabicta .

★Tohih taagah ayro gacise waanam aysuk raqta.

★Laakin too ayro yableh yan waqdi futre soolisam faxximta, tonna hinnammay, aysa tekkem tekkeh tan iyyeh gexak raqqa iyyekiiy soom kaak bayah.

★Kalah kaaduk akkel naaxagu faxximtam, aytit haan caxxaay, intii kee aytit haan caxaay......w.wonnah tanim soom mabayissa.

★Kalah kaaduk naaxagu faxximtam qasoh irba tekkek, sokkar irba tekkek azmik/sibbik afat sinnik han diwa tekkek wonnah tanim soom mabayissa,

★Laakin akkel kalah naaxagu faxximtam, maaqoh irba (Glucose) tekkek, tonnah kaaduk vitamin leh tan diwa tekkek num qusba cayla geyaamih sabbatah soom bayissah

★Tonnah kaaduk naaxagu faxximta ximmo tan, @Fokkaaqoh yaceen qabali soom sinaamak mabayisa.

~~~~~~~~\\~~~~~~~~~
Ramadhaan 5/1439 H.Loowo
Xonglo:-Dr Macammad Saani.
📝Kutbe:- Diinii kee Anaakara (Md Ali)


@httpsDiiniKeeAnaakara


Share
Sinni wadaayah tabisa,

Fbil kaaduk post abtaanam xiqtaanah "tu kak korsekal/aynukusekal "

Faturellih musuyyaxica

Logyi magaalak Masjid Hudah muazzin yaqam muusa ayro culah able kal maftura iyyeh waqinal kassoowe.


😁😁😁😁😁


Meqe futre siinih takkay.

Soom Yalli neh oggolay.

Soom sinaamak bayissa caagiida.

Dr Macammad Saani

Soom sinaamak bayissam yaakalen caagiiday, soom bayise sinni.

Dr Macammad Saani

Share

Essero teelleenik....
➡️ @Anaakar neh ruuba

 يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ(183) أَيَّامًا مَّعْدُودَاتٍ ۚ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ ۖ فَمَن تَطَوَّعَ خَيْرًا فَهُوَ خَيْرٌ لَّهُ ۚ وَأَن تَصُومُوا خَيْرٌ لَّكُمْ ۖ إِن كُنتُمْ تَعْلَمُونَ (184)


🎙Dr Macammad Saani

Sinnih ankacisaay, sinni wadaayah tabisa( Share )