#Sheytaanti_aadam(q.s) ginniime ayro mango mara makkooselemih itrite qaduwwi kinnim maay taaxigen....?

﷽
الــْــسَلامُ عَلِيــكُمُ وَرَحمہُ اللَّهِ وَبرڪَاتُہ
حيـــَاكُمُ اللَّه تَعَّالـــٰﮯ..

Asaaku saytun qhur'aanak baxaa baxsa le aroocal yemeete xaagi elle yascassé innal sheytaanti qaduwwi kinnimih xaagu geynaah toh wagsiisak ahaak gubal siinih xayyoysam kee gibbateyyo insaa allaah

Yalli (s.w) nabbá aadam (q.s) gine waqdi Malaykak aadamah konnabah kummaat teetik inne waqdi, tokkel malayka tikka taamal inkih kummatte, (sujuuduh radde) ibliisiy kaxxamariiniteeh koroosite marak yekke kummaatiyya cine akke waytek.

Tokkel yalli(s.w) ibliisik iyyemi:««...ibliisow inni namma gabat gine aadamah macah makummatta..?» kaak iyye waqdi atu kallak ginte seehadaytuh kommaato...? Iyye kaxxa mariino edde tan yaabah.

Yallal koroositak Ibliis iyyemi: «....A seehadaytuy yol muxxussey konnabah kummaata kah itte yol kah muxxussem yî rabbow yoh warisey..? Iyye. Kaay ballaaqek ginteh tani yooy girak gintel anninnah muxxussu xiqte...? Iyye.

Yalli kaal gacsemi:- «....atu yî racmatak xiirime num kinnito, kaaduk yî abaaró qhiyaamah ayro fanah galtoh kú amol tan..» Kaak iyye.

Toysa qhiyaamah ayro fanah yoo qambaalisa...? Iyyeh easere. Ibliis. yalli tokkel kaak iyyemi: «...atu qamblsima marih num kinnito.. wakti kak yimixxige ayrô fanah(naharsi baanta edde takke ayro kinnuuk...» kaak iyye .

Tokkel ibliis iyyemi:-«...ku nabnal xiibitá immay aadam xaylo inkih ku gitak makkooseyyooh amol keenik gaceyyooh ken bayiseyyo, dagoo maray isi qibaadah keenik caglissey umaanek dacrisse akke waytek...» iyye.

Ibliis kee kaa kataytem meysiisak Yalli(s.w) iyyemi: «....Koo kee koo katatte maray ku yab toobbe inkih galtoh jahannam gira litoonu, diggah jahannam girah digaala koo kee keenih inkih galtoy dudda le kinnuuk...» kaak iyye yalli.

Qagisaak yalli kaak iyyemi:«.....Atu aadam xaylok dudda hayte mara isi xongoloy umaaneh ken edde sectat ken esgeyyaay haliffi ken hayis, ku qandek faaris le kee ibah tanim keenil seecaay kobxis, maaluu kee xaylot keenî luk englaay ganô xaganah ken xagnis, ken akah xagnissam duquurisiyya kee deedal akke week meqaane hinna...» kaak iyye.

Uxih qagitaak yalli kaak iyyama:«....ibliisow yî naqoosa moominiiniy yî amri oggolte makkossamih dudda kee reeda ken amol mantu, kû rabbi moominiin ku keydi kee umaanek dacayrih xiqqa ken haa...»kaak iyye.

Yalli (s.w) sinaamah seeco aba
«....Sinaamay:- addunya manô sin duquuruse waytay, kaaduk sheytaanti allak sin duquutuse waay, Sheytaanti siinik naqboyta kinnuuk isin naqboytah kaa haysita, usuk isi cizbiy kaa kataateh yani makô fan seecah saqiir deqsitta giray urta girah mara yakkeenî gidaha...» iyyah sheytaantuk daccarsimnam faxxintam qaduuk neh warsa.

Yalli yoobbeemil taamita mara nee abay

Oyti raceena
#Saytun_qhur'aan

✍ #Acmad_xalul_abu_jaqfar

Dawqa guubittet engela

Facebook
👇
https://www.facebook.com/Kassis-Media-Network-829355153753401/
Telegram
👇
https://t.me/Kassismedianetwork

#Nabii_yuusuf(q.s)_aydaaduk

3 Haytoh exxa

الــْــسَلامُ عَلِيــكُمُ وَرَحمہُ اللَّهِ وَبرڪَاتُہ
حيـــَاكُمُ اللَّه تَعَّالـــٰﮯ..

▸◂▸Camduu Kee Fayla Leh Yan Baad Degeltah Takke,Salat Kee Nagayna Ninabi Macammad ﷺ Kee Kay Buxah Maraay Kay Kataysiisiiy Kay Qarih Martol Inki Tanay...........

Yalli (s.w) nabii yuusuf qeelak akah kaa naggooseh yan innah misri baaxol malik kadnoonah abba kaa abak arac kaah abeeh, Soonoonâ fidgak tu kaa barisamkeh, yalli (s.w) isih faxe caagidil mayso li kinniih kaa taanissam matan. Caagid inkih kah gabat yaniimik mango mari garcit yan way.

Tohuk lakal nabii yuusuf farrayniinu elle yoofeh yan rikel yalli (s.w) nubuwwannu kaah yeceeh, tannoh meqe galatoy meqe marah yalli isi qadlil abah kaa galteh anuk yen. qoloma intama usuk 25 sanat gufeh anuk yen iyyan too nubuwwannu yalli kaah yece waqdi

Tah tannal anuuk nabii yuusuf malik buxal anuk fitnay gidbah tani kaat qimbisseh anuk ten. Sababa usuk kaxxam qaxmequk yen. tohuuk amakkaquk misri abbah gubaytoh tan #zuleyka deqsitta barra nabii yuusuf isi nabsi l orbissam faxxe, kaah abteh tan kacnuuk gexxaamah.

Tokkel sheytaanti tet fayiseeh, tet elle yimlikeh yan ikkel nabii yuusufut afitte inkih kaluqqu (aliffa) hayteeh «....anu koh bicehik yoo fanah sissikuk am...» kaak itte, tokkel nabii yuusuf teetil gacsemi «....atu akah yoo faxxaamak yalla eleelita. ku baqli arac yoh abeeh usuk yoo yamlikeeh, yoo yeynebe abbâ kal kay barral kaa magana....» teetik iyye.

Zuleyka baguuk dalwah kaa niyatteeh, usuk isi nafsik tet waasuh tet yaatukem faxe waqdi yalli (s.w) dalwak kaa gutaqam faxe waqdi isi astootak tu kaa yuybulle.

Sheytaanti faxe waqdi yallih naqoosal umaane fanah beyuh reeda kee cayla aalle waam yalli warsem kinnuuk, Nabii yuusuf yalli anabiya dooreh yan marak numuk teenak sugteemih sabbatah isi dacayrih kaa dacrise anuk yen.

Dalwah kaa faxxeeh, dalwa teetil cineeh yalli isi astootak tu kaa yuybulle waqdi kaay zulykak kuda kee zuleykay awqe kaa kaltuh aben ardat widirik kaa elelteeh, kamis derrek kaak hirigteeh qanxisse awaqe kaakaltam keeh.

Afâ xaqul tet baqli keenih suge, tokkel zuleyka kaak(baqlak) intemi: «....ku barra dalwah faxe numuk galto maay taaxige…? Casbit kaa hee kee hinnay kaa qansarissa digaalah kaa digaale akke waytek kaak inte.

Tohuk lakal tet baqli yuusufuk maca abem katayta exxal ciggiilisé inno
.
.
.
Sin toobokoyta

✍ #Acmad_xalul_abu_jaqfar



Dawqa guubittet engela

Facebook
👇
https://www.facebook.com/Kassis-Media-Network-829355153753401/

Telegram
👇
https://t.me/Kassismedianetwork

Islamtuh Yan Num illaacabo Tabanat maca Abam Faxximtaah.. ?
Dr/ Macammad Cuseen
(Yalli kaa Yacfazay)

☪️Leylatal_qhadri Barih illaacabo Tabanat Tan Gorrisaanamih muxxooxa
Wagsiisak 2toh calakata.
Dr/Macammad Cuseen Weeqisa
(Yalli xer Qumrii kee Qaafiyat Kaah Yacay)
Ankacisa 👂 👆

Abari Leylatul Qhadri edde geytima xiiqimta baritteetak tiyak teena👌👌👓🇸🇦

Masaajid elle alfime dariifal yan maraw, masaajid alfimeksa xiinaak maxiininay, #leylatul_qhadri sinni buxal elle gorrisita !!

@httpsDiiniKeeAnaakara

Ramadaanak Elle cabô tabanat Tan muxxo...!
العشر الأواخر من رمضان
Dr/Macammad Cuseen..
(Cafizahullaah)

Ramadhaan addat yattaceen sadaqha gersi waktil yaceen sadaqhak fulale, Ramadhaanak kaaduk #Leylatul_Qhadri bar yaceen sadaqha muxxutak raqta !!


Toh aaxaguk, 1birr kinni way mattaco naymaggay.💰💶💷

Eddeey edde 21,23,25,27,29. !!


t.me/httpsDiiniKeeAnaakara

#Kassisih

#Salat rooci leemik amo elle raqtah tan innal meqaanek tonnal raaqa. Soom, cajji, zaka, duqa, sadaqha kee kalah tanim inkih salatat axawah tan.

#Salat abe waah yan marak faxe qaynatih qibaada yallih garil oggol mali. Salat sinnim aben meqaane kee dooqa #afa akak alfen barmiilit weeren leeh ceelok biso mali.

#Salat abe waanam dubuh hinnay kaaduk kaa elle abaanam faxxinta gurral kaa abe weenik too gide.

Toysa cubbi geynek meqeh
Oficial facebook
👇
https://www.facebook.com/Kassis-Media-Network-829355153753401/

Zakaat addâ fakot baar luk jaba
https://m.facebook.com/story.php?story_fbid=3104725572883003&id=829355153753401

مشاهدة "خصائص ليلة القدر باللغة العفرية لفضيلة الشيخ الدكتور محمد حسين ويعسا" على YouTube
https://youtu.be/IRQB8rP9laM

مشاهدة "كيفية تغسيل الجنازة للدكور محمد حسين ويعسا" على YouTube
https://youtu.be/CnVJJxfTc30

مشاهدة "المسارعة في الخيرات# باللغة العفرية للدكتور محمد حسين ويعسا" على YouTube
https://youtu.be/XUCEvcCtSiI

#kas_le_marah_kas_yekke_aydaadu

✍ #Acmad_xalul_abu_jaqfar

Saqiid inbu qaamir (r.q) deqsita sacaabiyatay yallih farmoyti ﷺ «.....addunyat akheera xaamite numu...» akah iyye sacaabiyatak sugte.

Ta sacaabiytih aydaadi kaxxam mango waqdi yallih farmoyti ﷺ rabeeh, abuubakar(r.q) kaaduk rabek geera qumar ibnul khataab(r.q) khaliifah gace.

Tokkel qumar baxaabxasa le baaxoh abbobtih sacaaba ruube waqdi too saaku ruubusume marak numuk teenak sugte.

Qumar tascaabiyatah reeda kaah yacawuh kaah seece.

Qumar kak iyyem : «...cimsua deqsitta baaxol tan ummattah awlaytiinu koh aceem faxa kaak iyye. (camsa iyyaanam sham baaxo)

Saqiid yoh maacin kaak iyye, umaane yoh faxxeh akke weytak kaak iyye.

Qumar kaxxam naqabbooteh iyyemi «...ta saqoolinna yî fillal hayteeni yol cabtaanam faxxaana..? wallah toh moggolay koo macabaay kok axcem abetto kaak iyye.

Toysa saqiid amiir iyyem oggolaamih dirkiy diini kaal heemih sabbatah oggoleh.

Saqiidi too baaxo fan gexeh. Too ummattâ fan yemeete waqdi meerraytuh danan luk yemeeteeh, sakayih kifin gaqamboyta kee koxxat laqin lee luk yemeete.

Tokkel elle anuk dagoo udduura suge waqdi too baaxok sinam kaah akah ruubah yan innah abe qumar. Tokkel temeeteh tan buttak qumara iyyemi: «....misaakiin kee qayxiixaay, baacoytit migaq yoh utkubay baaha...» keenik iyye. tokkel migaaqittey yatkubeenih kaah warsaanak fanat #saqiid_ibni_qaamir iyya migaq kaah edde baahen.

Tah iyye? iyyeh essere qumar. Tamah ni amiiri kaak iyyen. Sin amiiri…? Iyye qagiteh. yeey kaak iyyen. «...Wallahi kay buxal girayti qeere kalah xer wakti suga...» kaak iyyen.
Qumar tah yoobbe waqdi kaxxam weeqe catta ximoy kaak caxitta deben kaak arqussa haytam fanah.

Toysa qumar 1000 diinar misaakin kee qayxiixak rikeh kaah hayye heeh, iyyemi: «....salaamatta kaal yoh qida. Ta maalu amiirul muuminiin qumar faxxah tan caajak edde tawquh koh rube kak inxeca...» keenik iyye.

Buttay qumarâ fan gexxeh sugte temeeteh abshiraaka kaah abeenih kaah yecen waqdi maalu kinnim yuble. Tokkel tonnah yok haa iyyeh arduk buxah gexe «....inna lillaahi wa inna ileyhi raajiquun iyyaah barrel yemeete.

Barra maca tekke? inte. Amiirul muuminiin maay rabe inte waqdi Tohuk lafittam tekke iyye.
Hay muslimiinit umam maay tekke? kaak inte. Hinna tohuk lafittam tekke iyye.

Hay tahak kaxxaamay tekke macaay? Kak inte.
«....Akheera yok bayissuh addunya is kee fitnah buxa yok culteh maacisse..» iyye.

Toysa butta elle tan ikke gexeeh:- «....quukah yoo cata keenik iyye. Tokkel kaa cateeniih, misaakiinih tan muslimiinih ulim isih akak raaqise kalah kuraabiye.

Mango wakti sugeenik geera qumar boossoh sham yemeete, saqiid elle yan rike gufe kalah kay caagid essere waqdi ummatta weeqa kaak lino iyyen. Qumar kaxxam wiriggiteeh ummatta kee kaa yosgoorowe.

Qumar ummattak «...sin amiirik liton weeqa baahay..?» keenik iyye.

Kaak linoh nan weeqah tu gactek:- «...saaku ayro laaqoyta akke kalah nel mawaqaay kaa ragsitak sugna. toh weeqah kaak lino..» iyyen.

Saqiidow tahal maca gacissa..? kaak iyye qumar.

«....Wallah axcem faxah maan immay dirki tekkek sah axcu waa, saaku ayro laqe kalal keenil akah awqe waam buxal #kaddaama mayyuuy kulli subci buxa marah naharaak bulul qagunusaah, too qaguni annah facah gide dagoom qambala, tohuk lakal gaqambo keenih alaysa, toh abek lakal wadu abaah keenil awqe akah udurrootam tohu....» iyye.

Kalah liton weeqa baahay...? iyye qumar

«....Usuk bari radda iyyek sah numtin caagid wagitak maraaqa toh weeqah lino..? iyyen.

Saqiidow tahak maca inta? iyye qumar

«....Uxih axcem faxah maan immay dirki tekkek sah axcu waa, loqo inkih keenih eceeh bar yallah acee, tohih sabbata..» iyye.

Kalah liton weeqa baahay..? iyye qumar

«....Alsak inki ayro nel awqe waa le toh weeqah lino....» iyyen.

Saqiidow tahak maca inta..? iyye qumar

«...Buxal kaadim mayyu, dagaral table sarok sah milaaga sara mayyu, too saro alsal inki ayro kaqalisaah too ayro elle awqeh an inna mayyuuy, tohih sabbatah keenil mawqa..» iyye. (Yalli kaa kee kay taama yakcinay)

Subcaan allaah anninnah yan akhlaaqhak tanih...!!!

Ta marih intit asaaku tan muslimiin miroctiy islaam kin

nino inta maca axcele....?

☞Ta sacaabiyti alsal inki waqdi kalqisa saro dagaral luk yenem. Kaah yeceen maalu inkih misaakiinih kureh,

☞Asaaku misaakin afak bukkuse maalut ayyaam qusba saro milaage waah yan miraaciini yani....? Too kaqalso kee aki caagid cabay...?

☞Ta sacaabiytak ummatta ayro laqe kalah nel maywqa inta weeqa kaak baahen waqdi

☞ Asaakî miraaciini sanootah ummattahim abe kalah suga maca iyya kaay....?