#Ramadaanak_xu_culuma

1. Soom iyyaanam yallah santiitimaanam hadafah haak maaci diifi qimbisaamak naharak xabba haanam ayroyta cullu intaam soom taggileemik hoorimeenih (waasimeenih) asaanama.

2.Ramadhaan soom islaamaninnak kaxxa kaxxa qandittek (makaadok) tiyak teena kinni. yallih farmoytih (ﷺ)cadiisil elle warsah yan innala:. “….islaaminnâ diini 5 makaadol xissiima. Tohimi: yallak sarrah qibaada akah abaanaah akah xiinan yalli ane waam kee macammad yallih farmoyta kinniimil sumaaqitaanama, salaat soolisaanama(inki kaa abaanama), maaluk zakat yaceenimi, ramadhaan alsa soomaanam kee cajji abaanam kinnon…”.

#Ramdhaan_wagittah_tan_muhimmik_tan_ximmooma:-

1. Janaabak kaqale kalah soom niyya abaanam kee maaci diifek lakal dagar kaqalaanam soomuh yan numuh xiqtah(kaqaylo laakiin subci salaatak naharal abam faxxinta)

2.say mari ramdhaan addat maaci diifaamak naharal mayangali qabalak (caydik) takku hinnay xalay qabalak takku saytunnoowen ken tekke dagar kaqalise kal maaci diifa way soomaanam dirkih keenil tan.

3.Soomut yan num boddinâ qidim takku, dale xaylisaanam takku, intik takku aytik dawa caxittaamih gurral beyam kaah xiqtah. Xayli afal kaak salaffoowa way kaah xiqtah.

4. Soomut yan num saaku takku carra qadaytu haysitam kaah xiqtah. Soomuh yan num qadaytu haysitam gersi numuy soomuh ane waah yanih innah haysitam sunna kinniimih sabbatah.

5. Soomuh yan num dahan liqna kee lee bakar kaah xamacossaamat yantifqqimem xiiqah, ceelalloh xamcin leek kaqalek, AC (xammaaca) le aracay xamcinil gacam kaah xiqtah.

6. Qabali mangak gexxaamah takku hinnay ceelah yan taqabiy ufuyi kaa rube kaltam kaa geytik afti kabuk silaytu addah ruubam kaah xiqtah.

7.Soomuh yan num sokto kaak kaftu hinnay af kaak kafu yekkek leeh arqusam kee af leet rukam kaah xiqtah. Laakiin afat haah yan waqdi addah kaak obtaamak cubbi geyam faxxinta.

8.Sacur makmo wadirroysaanam kee fatuur yaysissikeenim yallih farmoyti (ﷺ)Sunna kinni. yafturen waqdi tamiral yaftureenim kaaduk kay sunna kinni, tamira gee week saytun leel yafturem faxxinta. Inkinnah leey kinnih gee week geyya heemil yafturem kaah xiqtah. Elle yafturemik ulim wee kaa takkek elle yafturem geyam fanah isi sorkocô baxal yufturemih niyya abama.

9. Soomuh yan num yalla kee yallih farmoytih amri elle faxxiimah yan innal abbinoysak ossitinah tan meqe taamoomi yaymaggem kee waaso leh taniimik yaxxeerem kaak faxxinta.

10. Soomuh yan num diinil madqinteh tan dirki elle faxxintah tan innal abam kee caraamuh taniimik inki tanuuk axxeruk koona waktih salatle uddurul jamaaqah salaatam kaak qambalsinta. Dirab yaabaay, camiiy, duquurusiyyaay, ribâ tellemmok kee kalah tan uma yaabitteetak waalih gacam faxxinta. Tahak axxeere waam fanah lee kee maaqok tonnah fidoh anagaarawak asaamat yalli kaak waam malim kinnuuk
عن أبي هريرة قال: قال رسول الله (ﷺ): "من لم يدع قول الزور والعمل به والجهل فليس لله حاجة في أن يدع طعامه وشرابه" أخرجه البخاري
Abuhu reyra Yallih farmoytak(ﷺ) baahah yan xaagul yexceh iyyama: “……..soomuh yan num dirab yaabitte kee cami tonnah iggimak ugutak yaabah yan yaabitte cabe waam fanah lee kee maaqok is waasaamat yalli kaak waam mali…” iyye. ((bukhaari xaagise))

#Oyti_raceena
Sheikh mucammad bin saalic al-quseymiin (yalli kaa racmatay)

#Maqinisso: Acmad Xalul Abu Jaqfar
------------*********------------

Soom taggilem(bayissam) kee bayise waytam maca kinnim kataysè inno. Inshaa allaah
.
.
.
https://t.me/Kassismedianetwork
...
https://www.facebook.com/Kassis-Media-Network-829355153753401/

☪ SOOM MDQOOQI


Soom akak iyyaanam macaay?
☪Soom akak iyyaanam dibrô baraak xabba haanam ilaa bar fan kulli caagidiy nafsi faxxa
haak sinni waasaanama (xayyisaanama).
☪Soomu akak iyyaanam Yallak amriiy, Meqe NABIH (صلى الله عليه وسلم (Sunna/katayyo kinni.
Ramadhaan alsi kaaduk 11alsaak lakal yamaateh yan inki alsay muxxole kinni.
☪Tonnah kaaduk Soom abaanam Muslimti asta kinni, Num Islaaminnat culeek gamadal ,
ISLAAMINNÂ DIINI elle xissiimah yan 5 takke makaadok 4hattoh caddol geytima
kaxxa rukni kinni.
Kalah kaaduk, Yalliجل جلالهumaan caagid galtoklem warseh yan waqdi,
[ Soom galto anu mekleyyo iyye.]
(قالاللهتعاليفيحديثالقدسالصومليوأʭأجزيبه )
Ceelalloh..
Away baaxoh abbah yan num, numuk teenak "ama numuh abam yoo wagitta, kaah anu
innih aceeyyo" iyyek, baaxoh abba tah akah iyya numuhuuy, mangom aceele iyyaanah
kaxxam hangi kah yaceen.
Hay Qaalam inkih gineeh, meqem gineeh, Jannat gineh yan Rabbiy, Qaran kee ardi
khazaain inkih gabat akak yan Rabbi galto yol kak tan iyye caagid kaxxam gibdi caahidiy
naba galtole kinnim waaga mali. nagay dacrisnam faxximta.
Ramadhaan soomuy, Yalli dirki nel abe hinnay, sunnâ soom abe numuk, Yalli SW
70sanatih gidel jahannam kay foocak yayxeere, toysa Yalli fardi siinil abe axcuk nel
madqe soomih galto wohuk giffa ittam waaga mali.
Toh kinniimih taagah away nee fan tamaatem kaxxam naba qibnaytu, nel rubtam
kaaduk Naba Rabbi, ah ni diiniiy, ni konnabna kinnim aaxaguk dacrisnam faxximta.
Away qunxaaneytak mangih tambullem, Ramadhaan alsak safarat raaqaanam
tambulle,
xabcin baaxol gacca iyyeenih, Musaafir migaaqal fatrih asaanam mafaxximta.
Soom kulli mislimtuy buluugh gufel dirkih yan, gufem elle tamixxigem kaaduk.
★Labhak elle tamixxige asta.
1, Sammô xagooru.
2, Cimbo raaqis xagooru.
3, Maniyyi/shahwat baahaama

★Sayyok elle tamixxigem asta..
1, Sammô xagooru.
2, Angu(kaquuna).
3, Miyangali qabala.
Tama astooti tumbulleek wadir soom abeenik galto elle loonuuh, abe weenik kak
esserimaanah.
Wohuk naharal aban soomuuy, tarbiya(adbisiyya) akke waytek waajibik keenil mayan,
abeenik ajri aba keenik itteh keenit taqabtaamih sabbatah xaleenah orba.
Qunxa urru kaaduk naharal elle soom kok faxxiima axcuk kaal amrisaanam faxximta.
“Wuynih xanbaqeween caxxi kafnal madaggaawa” itta qafar missilah.



========//=========

Yalli maqaanek yoobbeemil taamita mara nee abay.

||| Aamiin

||| Xongolo:-
📞Dr Macammad saani (حفظه الله)
°°°°°°°°°°°°°°°°°°°°°

📝 Kutbe: Md Ali
t.me/httpsDiiniKeeAnaakara

comment:• 👉 @Anaakar

Share

RAMADAN DU’A DAY 1

اَللّـهُمَّ اجْعَلْ صِيامي فيهِ صِيامَ الصّائِمينَ، وَقِيامي فيهِ قيامَ الْقائِمينَ، وَنَبِّهْني فيهِ عَنْ نَوْمَةِ الْغافِلينَ، وَهَبْ لى جُرْمي فيهِ يا اِلـهَ الْعالَمينَ، وَاعْفُ عَنّي يا عافِياً عَنْ الْمجْرِمين.

O Allah! Make my fast in it one of those who truly fast, my prayers those of who truly pray, and awaken me from the sleep of the inattentive, grant me forgiveness for my sins in it, O Lord of the Worlds, and do forgive me, O One Who forgives criminals.

#RamadanMubarak #Ramadan2020 #Ramadan1441H

Kassiisi...

Away baadal radeh yan covid-19 meysih masaajid elle alfime dariifal yan maray #Taraawiic_salaat abam bicse waa, sinni buxal dibuk yanin way abitaanam xiiqaanah.

Taraawiic salaat kak iyyaanam sunnah yan bar aban salaat kinniimih sabbatah.



Taraawiic salaatih migaaqal buxak tawqe sayyo(xaylo, maqanxiix, agabu...) kaaduk awqe kalay ken hooriya, away masaajid xeflih alfut yaniimih sabbatah.

Dr/Mld cuseen...
(Cafizahullaah).
Nagay Kattaata
Share aba

SOOM SINAAMAK BAYISSA/TAGGILE CAAGIIDA.

1, Laqo fidoh Angaarawa abaanama.
2, Shahwat aaxagih sinnik yayyaaqeenimi(xiinit numuk yewqek mayaggila)
3, Makmak maqab innah tan caagiida inkih soom taggileh, Sigaaraay, leey, maaaqoo kee kalah tanim xagaanam soom taggileh.
4, Maaqoh irba aw gluocose haysitaanam soom taggileh, (maaqo/cayla sinaamah acee wayta irab haysitaansm soom mataggila)
5, Qabali akak daggoowe numuh qabala heenik/mango qabali numuk caxitek, soom yaddigilleh,
6, Say mari Mayangali qabala aw xalaay qabali keenit heek soom keenik bayah.
7, Aaxagih sinni alliisaanam kaaduk soom sinaamak bayah.
8, Xuuru haysitaanam kaaduk soom sinaamak taggileh.

Soom taggilem yakkalen caagiiday, Soom aggile sinni.

★Meqe toobokoy mango mari edde baditah yan caagiiday, soom bayise sinni tan

①, Xiinit sugah yan maray xagar akak yanfixxigek soom sinaamak mabaya, oson sinni doorih abeenim maloonuy, garcik keenik tewqem kinniimihh sabbatah soom keenik mabaya.

②, Alliyo. Meqe NABI QSW "Alliyo caylah akak teyseh alliiteh yan numul kada matan, wonna hinnamay, gabah aaxagih is alliiseh yan num kada gacisay" iyye.

★Tohih taagah alliyo isih edde temeete numuk soom mabaya, Wonna hinnammay afat gaba isik rubba heeh gabah is alliisek, aw faxennal alliyo isit bahsiise numuk soom bayah, too ayro kadah gacisam raq kaak mali.

③, Numtin fayxii kee doorit sinnim Quntit tuk teyna numuk gexxam soom mabayissa,
wadoh afat heen lee tekkek, kaaqaytinnah tanim tekkek, qaaneh innah tanim tekkek wonnalem inkih soom mabayissa.

★Meqe Toobokoy akkel naaxagu faxximtam kaaduk, qunxuffe yanxuqeenim soom mabayissa,

★Takkay immay caakah innah tanim kee qunxuf kobxissa heenih yanxuqeenim soom bayissah,

Laqo tufaak assah tan toobokok af sinnik makafisina siinik inna,

Ah ninnih ninnil oobisnaamakkah Qunxuffe soom taggilem Islaamaniinah addal maamixxiginna.

Ni Shariiqa nanu edde biyaakitnu waynam nel mamrissa, shariiqa neh xabbocosseh tan caagiidat ninni taqbise waynam faxximta.

④, Numtin doori sinnim xagarak qabli numuk caxitam soom mabayissa, usug cube kal numut tekkeemik qabali caxitam soom mabaya,

★Caddi ibat numuk radek, gile tekkek, catta rusasti numut radeeh qabali numuk caxitek soom mabaya, laakin woo qabali soole cineeh, boolaatu waam isik yublek yafturem kaah xiqtah.

★Wonna hinnammay aaxagih qabala sinnik yeyyeeqeenik, ceelalloh, xuur innah tanim tekkek, biyaakita numuh yaceen qabali, kah yaceen num kee yacee numuk inkih soon bayissah.

♻Meqe NABI " Xuur haysite num kee kah heen num inkih taftureh" iyye,
awaktil wohul kiyaasih tamaatem qabala yacee num kee kah yaceen num kinni.

↪Qoloma ittam, Xuur kah haan numuk soom kah bayam, xagarak qabala kaak yayyaaqen, xuur sinaamah haah yan numuk soom kah bayam, xuur gaysat haak yeneenimih sabbatah, wokket numuk quntit tuk teyna cultam bicatah yaanama.

↪Qabala yacee numuk soom kah bayam, usug qabala yaceh yan waqdi boolaataamih sabbata, catta daktar caddol qabala sinaamah yacee num yafturuseeniih tuk tiya kaah yaceenim raq mali,

↪wonna hinnammay qabala kah yeceen numuk soom bayah kah innam, usug irok ossotina^qabala geya waqdi xagarat sinnuk suga qusba cayla geya, tohih taagah soom kaak bayah.

⑤, Habbaalah akmee kee aaqabe yakkeenim soom mabayissa,

➡Soomuh yan num soomuh yanim habbella heeh lee yooqobek, aw maaqo yokmek aw wonna hinnammay, garil suginnaanimik tuk teyna xagek soom kaak mabaya,

♻Meqe NABI (Q.S.W) " Habbaalah akmek, aaqabe yakke num isi soom dudsutay, kaa tefqeeh tosokmemiiy Yalla" iyye

↪Tohih taagah soom isik aggile waam faxximta,

➡Akkel Naaxagu faxximtam, soomuh yanim isih kassitay, sinam kaa kassissay, kassitah yan waqdi soolisam faxximta,

➡Garil sinam kaak sugtek kaaduk, maca abaanam faxxintaah itta esseroh tu gactek, Yalli kaa yafqeeh, yaskame waqdi magalgaalih fanat radaanam mafaxximta itta qoloma tanih, laakin aysuk raqtam tibba kaak axce waanam kee didda kaa hee kal, elle yafhimuwaannal xabcinuk kaa kassiisaanam faxximta.

⑥, Num Sacurik xiinit raaqeeh, sarra ugteh yan waqdi bari yanim akkaluk lee kee maaqo akamuk, aaqabuk sugga iyya waqdi ikaama yoobeeh, maaci maaciseh sugek xagak sugem tokkel solisam faxximtaah, usug habbeele numih cokmi leemih taagah soom kaak mabaya,

⑦, Barih fidoh angaarawah #janaabat maacise numuk soom mabaya,
★Salaatah kaqalam faxximtah, laakin soom numuk mabaya,

★Meqe NABI (Q.S.W) wonnalem kaa geyak ten, laakin soom akah bayisak maana, Sacaaba kaaduk Yallih farmoytaw (Q.S.W) amannalem nek takkeh tanik macaay iyyen waqdi, "Anu kaaduk geyah immay soom akah mabayisa" axcuk yen.

🔄Woh kah innam sinaamak garab janaabat maacise num soom malim yakkalen, laakin soom bayissam janaaba hinna, soom xabba heenik sarra barrat yangoroweenimi,

★ Tonnaleemiik, bar aben angaarawah janaabat maacisaanamah soom sinaamak mabaya.

⑧, Qamburre sugteeh, ayro wokket keenik qellitta itteh, Ayro cultem akkaluk yuftureenik sarra ayro bukka ittek maca abaanaah?

★Qololma^fanal siitin way elle yaniih, maaci maaciseemiy carra fan soomuh sugeh yan num abeh yan maqaane aracat kaah magacta innam neh bice waytaamih sabbatah Ajri aracat kaah gacah, laakin takkay immay,Yalli (S.W) "maaci siinih baxxaqimam fanah ukumaay, uquba, tokkeek ilaa bar fanah sooma duudusa" iyyeeh, usug ayro cule kal yuftureemih sabbatah ayro kadah gacisam faxximta itta qoloma tanih,

★Laakin aysuk raqtam, usuk akkaloyal abem akke waytek, yismitem aalle waamih taagah soom aracat kaah gacah,

★Asma'a binti Abuubakar assiddiiqh (R.qanha) " Yallih farmoyti (Q.S.W) cayaatal yen saaku ayrok qamburret nek qellitte waqdi, ayro cultem nekkkeleh nufturek sarra , ayro tewqeeh, Yallih Farmoyti (Q.S.W) too ayro gacisa nek maxcinna " itte.

★Qumar ibnul khattaab kaaduk ayro cultem yekkeleh yufturek sarra, maghrib salaatah elle massoowah yan rikel ayro umbuluyya itte,

★Sacaabak baali a ayro gacisenno iyyen waqdi ,,Qumar ibnul khattaab magacisna iyye, nanu aaxagih abne zambi mannuuy, Yalli kaaduk iggimah abeenimil sinam abbixe waamih taagah magacisna iyye,


★Yallih farmoytih (Q.S.W) uddurul gaciseenim geytime wayteeh, Qumar Ibnul khattaab kaaduk Isaaminnah addal NABI (QSW )Sunna akak kataata iyye marak numuk teena kinnuk kadah magacsinna,

★Nanu Qumar le mari abeemik amo korra inneh, kada gacsimtam faxximta innam neh mabicta .

★Tohih taagah ayro gacise waanam aysuk raqta.

★Laakin too ayro yableh yan waqdi futre soolisam faxximta, tonna hinnammay, aysa tekkem tekkeh tan iyyeh gexak raqqa iyyekiiy soom kaak bayah.

★Kalah kaaduk akkel naaxagu faxximtam, aytit haan caxxaay, intii kee aytit haan caxaay......w.wonnah tanim soom mabayissa.

★Kalah kaaduk naaxagu faxximtam qasoh irba tekkek, sokkar irba tekkek azmik/sibbik afat sinnik han diwa tekkek wonnah tanim soom mabayissa,

★Laakin akkel kalah naaxagu faxximtam, maaqoh irba (Glucose) tekkek, tonnah kaaduk vitamin leh tan diwa tekkek num qusba cayla geyaamih sabbatah soom bayissah

★Tonnah kaaduk naaxagu faxximta ximmo tan, @Fokkaaqoh yaceen qabali soom sinaamak mabayisa.

~~~~\\~~~~~~~~~
Ramadhaan 5/1439 H.Loowo
Xonglo:-Dr Macammad Saani.
📝Kutbe:- Diinii kee Anaakara (M/d Ali)

@httpsDiiniKeeAnaakara

share

Qasoh irbaa💉 kee fokkaaqoh beyan qabala🧪 soom mataggila!!

@httpsDiiniKeeAnaakara

Koxxa(glucose) kee qabala haysitaanam soom taggileh !!

Assalaamu qaleykum waracmatullaahi wabarakaatuh

Meqe toovokoy dagoo ayroora (8-10 ayro) fan internetik awqem faxaamih taagah( Md Ali kinnuk ) Ramadhaan takkuu kalah tan esseroora 📩" @acmadxalol " esserittaanam xiqtaanah, qolomat angoorowuk faxxiima gacsa siinih abele !


Muquk garaynay🤝

Dr/ Macammad Cuseen Weeqisa Ramadaan Wagsiisak qafar ummattah Ruuba farmo..!
(Yalli kaa Yacfazay)
Share aba

FATWA^BARNAAMIJI
(Dr Macammad Saani)

Share, share, share.....

Fataawa #1
Essero, warrayeh yan Ramadhaanak kada edde tan mari mannal gacisaanam faxximtaah?

Gacsa,
√√Keenit gexxeh tan ayroora lowwa heenih gacisaanam faxximta, Qolomak baali elle iyyannal kada gacisam dibuh hinnay, kulli ayrollih inki miskintih maskamo digaalah yaceenim faxximta iyyan.

Faxennalaay, digaala itta ximmol itta magennoon immay, gacisaanam dirkih taniimi ikkal raq lem hinna.

Fatwa #2
Essero, Say mar miyangali qabali soom fanak keenik yargiqeemik Ramadhaan addat qabala keenik solissa diwa haysitaanam keenih duddaa?

GACSA....
√√ Diwa haysitaanam qoloma keenih xiqsissah, laakin tohlih namma assenta/shartiy kibaanam faxximta daffeesen...

1, Baqlale barra tekkek baqlak izni/ruksat bettam faxximta.
2, Amannah tan diwaawi mangih taqabi katassaamih taagah Doktorul gexxa itteh a diwa kaysittek taqabih maca teetil baahelm essertam faxximta.

Taqabih tu kol mabahta iyyek, tonnah baqli amri teetih yeceek diwa tantifiqem duddah.

Fatwa #3
Essero...
Num sacuri afat luk suga waqdi azaan kaat abeenik maca abam faxximtaah? Maaqok soolay immay leeh inki kubbayya yaaqabem kaah maay xiqtaah?

GACSA...
✅Yalli SW Qhur-aan addal " Maaci baxxaqqa iyyam fan ottokommaay, ottooqobba" iyye.
tohih taagah qado ifi yumbulleek wadir kulli caagid lee takkay, Maaqo takkay soolisaanam faxximta.

#Fataawa #4.
ESSERO....
Num laqo soomuh anuk garciteh lee garil nek yooqobek, Yalli kaa yafqem kaak margiqa inneh tibba axcennaa? Kaah warisam faxximtaah?

GACSA..
✅Meqe NABI QSW " laqo soomuh yanim habbella heeh yokmeeh, yooqobe num Yalli kaa yefqeeh yoskomeemih taagah soom aggile waama, Isi Soom xakbisaama " iyye.

Tohuuk ugutak Yalli kaa Yafqeemik fan kaak maradina itta qoloma tanih immay, Laakin takkay immay umaanek siita waasaanaah, maqaanel siita fayisaanam kaaduk sunna kinniimih taagah, Laqo soomuh yan num lee yaaqabem kaaduk munkar/ umaane kinniimih taagah didda kaa hee kal, Elle yafhimuwaannal kaa kassiisam faxximta.

Fataawa #5
ESSERO.....
Tiro^biyak le numy soomam xiqe sinni, maca abam faxximtaah?

GACSA....
✅Tiro^biyak le num, Doktor daylat akak yan numuy ureleemih qaago le tekkek, Yafturem kaah xiqtaah, Sarra ura waqdi kadah gacisam faxximta, woo biyaakak ure kal edde rabek, tu kaal matan.

Wonna hinnammay, Tiro biyak caddok edde tature numuy Doktor dayla akak yeffereeh, taysa Yalli koh abam ablettok buxah uduur akak iyye tekkek kulli ayroh aftok inki muddi (2gaba) tu maleelah yaceem faxximta.

Fataawa #6
ESSERO...
Soom mekalah masaakiinah yaceenim ma maaqooy? Yaceenim faxximtam magideey?

GACSA....
✅Soom biyak takkuu wonna hinnammay idoolinnah takkay soom yeffere mari kulli ayroh aftok inki muddi (2 gaba) yaceenim miskintuh faxximta, woh kiilok agide takke innam madudna, machaay itteenik, kulli darok inki muddi/2gaba kiilol haan waqdi inki gide akke waytam bictah, burriiy, qelbooy, sirrayaay, ruddiiy........wwc miizaan kak baxaabaxsa leemih taagah kiiloh gacisaanam taqabile,

Tonnaleemiik, gaba aqunxe waah, gaba anabbee waa numih gabay fanah tanih gide yaceenim faxximta,

@naaxagu faxximtam dagoom yaceenimih fayxih gaba qunxa numih goranah gexewaanam faxximta, tonnah kaaduk gaba naba numih goranah gexe waanam faxximta.

Yaceenim faxximta maaqoh tu gactek kulli num isih buxal akiminnaanimik yaceem faxximta,

👌🏿Isih ruddi yakmeeh, masaakiinah, gaqammo aceewaam faxximta !!!

Anas ibnu maalik (R.Q) idooliteeh soom yeffere waqdi, 30 miskintu gaabossa heeh, woo saaku maaqok tayse maaqoh ten cadoo kee gaqammo siitat hayya heeh ken yoskome.

Fataawa #7
ESSERO....
Mangih barri agabi Yaqaaduu kee sukat kicnon,
Yaqaaduu kee sukat soomul keenik bahtam maay le?

GACSA.....
✅Yaqaaduk qer bagut gexaamih taagah woh soomul taqabi keenik taallem bictaamih sabbatah yaqaadu bar abitaanam keenih aysuk raqta,

Sukatah tu gactekiiy, haysitamamah taqabi mali.

Fataawa #8
Soomuh yan num laqo mango leeh addat kaqlam soomul taqabi kaak maay leeh?

GACSA....
✅Fillaak gubah edde culam taqabi mali, laakin Moyya leeh addat culsek garciik lee bagut kaak gexxam xiqtaamih taagah wonnaleemik moyys leeh addat isik culse waam faxximta,

Fatwa #9
ESSERO....
Shaqbaan aw soom baaheh addat soom abitaanam xiqtaa?..

GACSA.....
✅Ah annaak esseran essero makkalina, shaqbaan addat soom abaanam maxiqta iyya mari yan, woh ankel tubleeniih? iyyi siinik iyyeeh? inneh esserra waqdi "nanu manaaxiga qalek yemeete num nek iyyekkah" iyyan..

Meqe toobokoy Bukhaarih addal cadiisil niina Qaaisha (R. qanha) " anu warraye soomuk yok gexxem shaaqbaan addat kadah gacisak en" itta.

Is kada gacissa waqdi Meqe NABI QSW tet abaluk yenemmay, tet kak waasak maana, , ah faxxiime waytam takkeemil is kaaduk soomak maana.

Hay ta mari Niina Qaaishah cadiisiy Bukhaarih addal yanik amo korra iyyeenih ta yab ankek baaheeniih?

@Cubbusa
Qilmi ni addal elle kibuk yaniimih sabbatah qalek yemeete mara axcuk adda kak aaxige wayna marak fatwa hirge eaynam faxximta.

Fatwa #10
Esser.....
Qunxuffe yanxuqeenim soom maay taggileeh?

Gacsa...
Meqe toobokoy naaxagu faxximtam aslan qunduffe soom mataggila,
laakin toh inna waqdi gaabossa heenih anxuqe waanam faxximta, wonnal soomul taqabileeh, nabsih isih sakki le,

Tohih taagah away mango mari akah abannah qinxuuf tuftot af sinnik kafisaanam soomul taqabi leemih sabbatah af sinnik kafise waanam faxximta.

Afat kobxissa heen qunxuffe kaaduk anxuqe waanam faxximta.

~~~~~~\\~~~~~~~~
G.Geya

Ciggiltam tenek aki waktil siinih qagsenno Insha Allaah.

(Yalli maqaanek yoobbeemil taamita mara nee abay)

Aamiin

Ramadhaan 2/1439 H.Loowo
(Samara)
Xonglo Dr Macammad Saani.

📝By Diinii kee Anaakara
(M/d Ali)
🌴🌴🌴🌴
Share 🔀🔀

For more info. # Join us

https://telegram.me/DiiniKeeAnaakara