صفة الكلام الله
②
د.محمد حسين
(حفظه الله)

№
¶ Warrayte alsitteh addat inki "pentê diinile(protestant)" awka nanu edde taamita maktabat tamlo abte, mushaahara/alsiita teetik 5500 birrik ten.

¶ Inkih kah naaxigennah, alsi 20 tatureeksa doolat taama abeenit mangih mushaaharat walalan ,

¶ Inki saaku is isi cayaatal qimbô mushaahara edde qambaltah tan alsak mushaahara elle tawqe wakti kabbayeh yan uddur, anu woonnah exxah keenik aniih , mushaaharat elle yantifiqen innat walalah ken oobbe, kabba keenit exceeh ankaciseh, aki mari mangom iyyemmay, woo "penteyta" ittem qajiib yol tekke, laakin cakki katuk wagteenik faxximtaamak sugte.

Woh macaay itteenik....

"Anu barittok gaba kaleh an saaku qimboh geyuwaa lakqok garab "church' ih " (ken kaniisah) acayuh xagana culeeh, 2000/3000 birri cherch'ih aceeyyo" itte.

Qajab yol tekke.....!!

¶ Sarrak lakqo hirignek sarra tet essereh an waqdi, " anu 3000 birri aceem faxak sugemmay, a alsal awqenti yok yemeggeemih sabbatah 2000 birri ruube" yok itte.

Cubbusay iski....!!

¶ Is elle tanim baatilik yan diinih amo, isi diinik "iyyesus geta new, iyyesus yadinal" iyyaanamaak biso mataaxiga, woh kah axcem "iyyesus/Nabillaahi Qiisah caagidik tet essere waqdi, " anu sinam ittam aabbeeh, katayakkal tu-maaxiga" yok itte.

=> Iyyesus(Qiisa) kok kaxxa kicinyo laakin "geta/Yalla" kaak maxca exceeh caagid elle yaninna teetih bsxxaqissa heeh cabe.

=> Qajab yol tekkem, Nanu cakki diinih bagul anuk, sadaqha muxxoklem baraay laqo aabbuk, abaluk, alsi qasbi kurram hinnay, xisne faxxa masaajid kee madaarisih kulli saaku nee xaaqimah neceek inki birri naceeh, inkinnah acee waynek toogide.

=> Cubbusay iski, ....

=> Is elle tanim Addis Ababa akak temeetem Gabbi rakaakaya, qari kira dagnal 1500 birri, taksi, leek maaqo, num elle aaxige sinni baaxo.......!!

=====//======//======//=====

★ Yalli taagah yaceenimih muxxok dagoom kassiisek,......
************
①, Sadaqha maalu sinaamah tasdarreeh, samlissah(addunyaay ,akheeral) .

★ Sadaqha akak yaceen maaluk yewqentak muxxi too arac ciggiltam mango,
Toh anu abinah(addunyal) ublehik isin gabbata yaadaoy....

②, Sadqah Yallih bakcarra numuk bayissa.
③, Sadaqha Zambii kee hoxitteeta numuk dugta.

★ Nanu ayrol, kulli saaqatal magideh zambi/umaane abak asnaah?!
Yalli niqbaamak magide abak asnaah?!

¶ Hay woo zambitte Yalli inki katuuk nek duugam/kaqlisam mafanxaa?

¶ Fanxam digga, toysa Sadqha nayamaggeem faxximta 100%

④, Sadqaha yacee numuh malaaika, dooqa kaah abta.

★ Malaaika kak iyyaanam kinni mara neexegee?!
★Inti fakka aliffa haanah gide kinni way zambi aba mara hinnon !!

¶ Hay tagideh konnabnaa kee saytunaanele marih dooqa geyaanam qunxam hinnaamih taagah gabâ ruubo (mattaco) qaada ninnik abnam faxxinta.

⑤, Addunyal yetteceen sadqha Qhiyaamah ayro iraawo numuh takke.

¶ Qhiyaamah ayro kak iyyaanam kinninnah tan ayro cednaa?!

¶ Ayro namma feerah fanih gidel cangalat nek xaytowta saaku kinni,
* Xaleena xalaayak kudda ayro kinni.
* Baqli barrak kudda ayro kinni.
* Wadaay siitak kuda ayro kinni.
* Num isi dooqut yamunxuqe saaku kinni,

★Too saaku seehada tagideh calway abta waqdi, edde iraawitan iraawi geyaanam kaxxa saami maqaane,

★ Naaxaguh, iraawok geynu waynam, ni Sadaqha mangak akkinnaanih gide kinni.
★ Qiyaamah ayri kaxxa iraawo geynuh, akkel mattaco/sadaqha nassamaggem faxximta

⑥, Sadaqha mango biyakkittek dayla sinaamah takke.

¶ Awaktil afeyti kak yemeegeme biyaakitte kaxxam mango, too biyaakittek mangoomih biyak sadqhat geytima.

⑦, Sadaqaa yaceenim Sheytaanak geenim tascasse.

★ Yeey, inkih akah naaxigennah, sheytaan sahdayti baxak naqboyta kinni, wali maqaane geynam nek mafaxa, meqem edde geynu wayna gititte isih xiqqahaamal nek alifam gabbata,

★ Nanu Yallih kacanu geynam, Zambi cabsu geynam, Qhiyaamah ayroh iraawo geynam.....wwc maqaaneena geynam sheytaanal gira takke.

¶ Tooway, num inki birri yaceem faxa waqdi, woo birri edde haynu wayna faxooxak milyoon nee yayballe, woo caagidiiy, woo caagidiiy,.....wwc axcuk neh loowa, tooway nanu giibit gaba rubneh sugna way, gwcissa haynah ninni genxa !!

¶ Tohuk ugutak nanu 1 birri nacee waqdi sheytaan kaxxam boolaataaj, yaczune !!

@Amo gexaak, Sadaqha Yallih kacanuuy, imaanaay sharaf kee konnabna numuh osissa !!

★Tohuk amakkaquk, ....
★Yallih taagah Sadaqahat yaceenim qaada ninnik abnay, axceeh gadda geya !!

=========//========

★Yalli maqaanek yobbeemil taamita mara nee abay

Aamiiin

By: -Diinii kee Anaakara (Md Ali) .
t.me/httpsDiiniKeeAnaakara

Share

Qhuraan Yallih Yaaba (3)ximmo
〰🔉〰
*🎙[ Dr/mld cuseen ]
Yalli xer Qumri kee Qaafiyat kaah Yacay*
♻Kattaatay
shareTelegram
Rabitii
📲🔀👇
💌Qafar afat tan cadiisitte
Elle siinih tatrusa faage.
https://t.me/DiiniixxigahtabaatabsihRaceena.

••أســــأل الله أن ينفع بها الجميع ••

Check out "ختمة khatmah - ورد القرآن"
https://play.google.com/store/apps/details?id=com.futuregroup.islamhouse.quran

👆Oobisay Edde Yantifiqe mara Nee Abay.
"📲khatmaa -wardi al qhuraan' ablikeeshin ummaan waqdi kunnah yan Qhur'aan kawsaa kee cubbusiyyih amo yabbixeenimil ko catuh, koo kassiisah ta ablikeeshin Qhur'aan zikrih kawsa salat lak kee atu isi dooritinnaan udduural , atu isih elle dooritinnaanih gidel. tama ablikeeshinil kaadu saqdih tafsiir kee mango kawsi/tilaawa tan Qhur'aanak. kalah kaadu tama ablikeeshinih mango ayfaf le: gunnusiyyaay, elle madaarah astoottiiy, kalah mango ayfaafay Le.
💌Share➡️

Addafaknu👆

IslamHouse.com daqwata kee tawqiyat catotta abah yan maktabaay rabwa xiqsittek madabah yan.

★"Magaliyyo" ‼️

Magaliyyo kak iyyaanam macaay?


🌂 Inki inki mari "magaliyyo" kak iyyaanam guluubal tembexe sirwaal hayissaay, moyyâ xagor gayseesa bahsissaay, salafak addah obte sirwaalay qawrat qasunah kaak cabta namma gaba hullaabisaamaay, lifiiqk kaaduk qunxa feeri lifiq sheytaanû lifiiqa celsiisaanamay, gaat caxxa foocal daffessaay, xaban qasin baxuwwa(xiiqareh xiinayto takkem bictah) guruummal sinnik daffessaay, sigaaraytu qeerissa heenih sanak 2mma galiitak qerta fulukka haanamay,.....wwceltam yakkalen.

🌂 Laakin anu elle afhimennal, caagid tonna makkala, nummâ magaaliyyo kak iyyaanam, kulli caagid elle yaninnal yafhimeeniih, wohuh faxxiimtah tan tikya abitaanama.

🌂 Kulli duqur isih elle faxennal kol digraamak kaak naharal kaa ikriyya hayteh kaah bicsittaama.

🌂Siita fan gecissa haa waqdi,....

★Meqem kee umam siitak cedaanama!

🤝Duquruh duqursume waanaah, qulalah qulaalite waanah, xiiqareh xiinat aylahite waanaah, garaaqah garcitewaanaah,.....wwc caagiidak sinni nafsi elle dacrisoonu xiqan cogdaadi diggaluk yaaxigeenimi 👌

👌Takkem faxximtam kaaduk tonna!!

×××××××××//×××××××××

🔀 Aleey takkaleh ikkal tamanna hinna iyya mari yene kaaduk siinik aabbeyyo !!

📩=> @Anaakar


✍ Md Ali

Qhuraan Yallih Yaaba 4⃣ximmo
〰🔉〰
*🎙[ Dr/mld cuseen ]
Yalli xer Qumri kee Qaafiyat kaah Yacay*
♻Kattaatay
shareTelegram
Rabitii
📲🔀👇
💌Qafar afat tan cadiisitte
Elle siinih tatrusa faage.
https://t.me/DiiniixxigahtabaatabsihRaceena.

••أســــأل الله أن ينفع بها الجميع ••

_Qhuraan Yallih Yaaba
inta
( *5* )ximmo
🌱📖🌾
☆☆☆☆☆
📲✅⤴[🎙 Dr/
_mld cuseen_ ]

Yalli xer Qumri kee Qaafiyat kaah Yacay

.

Qhuraan Yallih Yaaba
inta((➏ ))
ximmo
Xongolo
[🎙 Dr/
_mld cuseen_ ]
Yalli xer Qumri kee Qaafiyat kaah Yacay.
⏭٭٭٭┄┄┅✦╭🌹╮✧┅┄┄٭٭⏮
Ankacsitay Share kak aba 📥🔀isinni Kataysiisi fanah Ruuba (tatrusa)
╭─═┅┅ ┅┅┅┅┅┅
☞@DiiniixxigahtabaatabsihRaceena
╰─═┅┅┅ ┅┅┅Kattaata⬆️

★ Asaalaamu Qaleykum waracmatullaahi wabarakaatuh
==========\\//==========

★ Irok wagtan waqdi “ ah korostannaa? Islamtu ” kak iyyan num makkin.
********************

¶ A waktil seehada mango qaynatah tan, muslimiin xayloy koros weelot taniy koros celta kibu takke, muslimiin migaqle maray koros abtole kibu yakke.

¶ Muslimiin sayyoy jeans sirwaalat namma gabah gexxa kaaduk kibu takke, baxsaluk irô baaxo baritto taakkuu kalah tan caagiida (baxaaluk qado marih baaxo) gexah yan mari diini weelo bayisak geytimaanam tambulle.

★ Mango qunxaaneyti adda faxennal keenik tanay, irok Islaaminnâ diinii kee ni qaadal saduh tan caagiida elle yayballeenim sidiicanna.

①, Sarsariti
②, Xagor garuuqu
③, Lifiiqa

①,Sarsarit wagitnek, ni diinil say num gabak addaqas kee foocaksa yan xagar isik buultam/tasturem faxximta.

★ Tonnah kaaduk say num irok xagar welu teetik yayballe sara sarte waytaamal amrisa.

★ Laakin awaktil barittoo kee baxaabaxaale sababtitteh magaalol fan culta ni sayyo maweelot tanim cubbusnam faxximta !!

¶ Qajabak tanim qafar afah yabta sayyoy, moyya qasunah luk, jeans suri hayissa hayteh saariqil gexxa yableenimiik gactaamah maca tan? !!

¶ Awaktil laakin qafar baaxoh addal kibu hinnammay, gersi dariifal (Mekele, Axaama, A.Ababa...) saraawiilit gexxa muslimiin sayyo mangih tambulle, qafar sayyo kaaduk too baaxo culeeniksa tonnal koran, inkih akke wayta way xeflih...!!

¶ Akkel naaxagu faxximtam, gersim fayxi kinni waqdi, polistà kinni way say num sirwaal haysittam teetih maxiqta.

¶ Lab num kaaduk, ibak xukcunok addah almat saro/sirwaal oobisewaamal nee amrisa.
★ Yallih farmoyti ( ﷺ) " saro xukcunok addah oobiseh yan num gira cula" iyye.

★ Gersi cadiisil kaaduk sara xukcunok addah oobiseh yan num Yalli (سبحانه وتعالي) Qhiyaamah ayro affaramal kaa digaala.

①, Yalli kaa fan mawagita.
②, Yalli kaa miyaabisa
③, Zambik kaa masaytunnnoosa.
④, Girat kaa digaala.

★ Qolomak baali elle iyyannal, sara almat kah oobisam kibriyya tekkek Yalli tama affarannal kaa digaala, wonna hinnay, kibriyya akke waytekiiy dibuk too usug saro edde oobiseh yan xukcunook gubi gira kaak takme yaanama iyyan.

★ Faxennalaay, akheera inki katuuk twt culaanam hinnay harur kak sinam cararisa gira kinni, addunyal nanu edde nantifiqe giral 70% dirribuh tatduure giray is Yalla akak xaaqitta kinni.

¶ Barabarat/surret ibah aaqituk gexxa labhak maca takkalen hay?!

★ Qajabak tanim, Say maray inkih yan xagar buulam faxxiimak yene sara loonum ceelak qasunaan dooritaanam( كاسيات عارياة) tambulle.

★ Tonnah kaaduk lab maray saro/siraawal xukcunok fayya haanam faaxxiimak tene surret/samaranxat ibah aaqatuk gexaanam tambulle.

②, Moyyâ xagor kaaduk siitak mixxusekal inki missal nargiqeemil ni Diini nee amrisa.
Daben xagor kaaduk inkinnah xage/moole waynaamal nee amrisa.

¶ Nanu tahak anket nanim cubbusnam faxximta !!

¶ Xagor wagitta waqdi korosta kot ceelaah, qafar num kinnim yaabal kak taaxige mari kibu yakke !!

¶ Daben xagor kaaduk kulli ayyaamal moolaah, say num ceela maray Muslimiiin qalaama/weelo sinni kaxxam kibu yakke.

¶ Qajabak tanim, a waktil mango mari daben xagoorut aba mooluk ugutak, daben xagor dadlisaanam qarkakisah abina cella haytaamig caddo gufteh tan.

¶ Laakin daben xagor dadlisaanam nummah Islaam asta kinni100%

¶ Inki inki qunxaaneytak daben kah mooltaanam macaay inneh esserra waqdi "kat kee yaalo ahay duma qunxinoh, awayaak idalti maceelay, akaxxee saaku dadliseyyo" iyyan.

Idoolittam fan sugettoomuk asmat litoo?

Mantum digga!!

¶ Aslan naaxagu faxximtam, daben dadlisaanam islmati qalaamatakkal, idoolinni qaalamat hinna, moolo kaaduk koros/yahuud qalaamatakkal, qunxa mariinoh asta hinna !!

¶ Niina Qaaisha (teetik raddem Yalli teetik yakcanuk) tuk tiyal xiibitta waqdi " Labha dabenit bilqise(qaxa yeymeeqe) Rabbil xiibita " axcuk ten.

Niinak kullim meqeh immay tama maxco kaxxam ruffa teetik yoo hayta !!

Qajaban.....

Inki num neh gabbaaqem siinih warisuwaa....

★Usug girgirri daben ceela qunxii cammudda luk yen, hununle dabenluk maanaay leh yan camnudda Kulli way filak yen.

¶ Ayrok teena " inki yaalo kaak iyyem, akkê baxa hinnay, nagay yan daben koh yaabukê gidah mooltam maay tayse " kaak iyye.

★ Usug tooway, "anu daben yoh yaabukê gida exceh liyom molla haa waqdi atu itta kaxxa daben yoh aabuke kal rabi yol yamaatem bictah, tooway anu korosti qaalamatluk Yallat angoorowemik tama qunximluk angoorowem yoh tayse" kaak iyye.

№ Cubbus yi kataysaw.......!!

¶ Daben dadlisaanam addunyaa kee akheeral inkih Islamti qalaamta!!

¶ Cubbussa haytek, daben xagor yaynabe num kee moolole yaalo koros xaqul nagubik inki gide malon, koros "saacibû licya" table waqdi, bagi addal keenik cunxuta!!

¶ Moolole yaalo walim kaat maceela kaniiqeyti gidek kaa miyakkalan.

③, Lifiiqa wagitnek kaaduk, awaktil lifiiqa dadlisaanam magaaliyyo tekkem celta.
Baxsaluk qunxa feeri lifiq yayxeereenimit tu yakkale mari yan.

★Yi kataysaw makkalin, toh koros qalaamatakkal, Islamti qalaamat hinna.

★ Ni diini Lifiiqa dadlise/ayxeere waynaamal nee amrisa.

★ Lifiiqa dadlisaanam mango taqbile...

3.1, Lifiiqa yayxeereenim sunnak iroh yan caagidiy koros asta kinni, baxsaluk qunxa feeri lifiq korosuk " labha labhal" orobisa marih asta kinnim kaxxa qoloma yoh warisse.

3.2, Faxe way sheytaan wasaakat kee guddaafa daarissa, lifiiqâ gubat kaaduk wasaakat gacaah ni lifiq sheytaanah iraawo yakke.

★ Hay sheytaan xagarat nek iraawitam fanxaa?!
===> doorit ………

3.3 , dagal kah excennah, lifiiqa texxeerek gubat wasak kak gaca, woo wasak mango dalka numuh baaha, baxsaluk bagi addah "cancer" bahsiisam qaafiyat tu-taaxagoh oyri yascasse.

¶ Tah kee kalah tan sababittek ugutak, lifiiqa yayxeereeenimik daccarsimnam faxxinta.

=========//========

★Yalli maqaanek yobbeemil taamita maea nee abay

Aamiiin

By: -Diinii kee Anaakara (Md Ali) .

t.me/httpsDiiniKeeAnaakara

Share